अनोरुत्तरम् अप्रधानवाचि कनीयः च अन्तोदात्तं भवति। अनुगतो ज्येष्ठम् अनुज्येष्ठः। अनुमध्यमः। पूर्वपदप्रधानः प्रादिसमासो ऽयम्। अनुगतः कनीयाननुकनीयान्। उत्तरपदार्थप्रधानो ऽयम्। प्रधानार्थं च कनीयोग्रहणम्। अप्रधानकनीयसी इति किम्? अनुगतो ज्येष्ठः अनुज्येष्ठः।
"अनुज्येष्ठः" इति। "वृद्धस्य च"
५।३।६२ इतीष्ठनि परतो वृद्धस्य ज्ज्यादेशः। जेष्ठशब्दो नित्सवरेणाणाद्युदात्तः। "अनुमध्यमः" इति। "मध्यान्मः"
४।३।८ इति मध्यमः, प्रत्ययस्वरेणान्तोदात्तः। "पूर्वपदार्थप्रधानः प्रादिसमसोऽम्()" इति। अत्र हि योऽसौ ज्येष्ठमनुगतो मध्यमञ्च स प्राधान्येन प्रादिसमासेनोच्यते, ज्येष्ठमध्यमौ तु गुणभावेन।
तस्मात्? पूर्वपदार्थप्रधानोऽयम्()। "अनुकनीयान्()" इति। ईयसुनि परतो युवशब्दस्य "युवाल्पयोः कनन्यतरस्याम्()"
५।३।६४ इति कनादेशः। कनीयशब्दो नित्स्वरेणाद्युदात्त-।
"अनुगतो ज्येष्ठोऽनुज्येष्ठः" ति। उत्तरपदार्थप्रधानोऽयम्()। तेन प्रधानवाचित्वं ज्येष्ठशब्दस्यास्ति॥