अनुपद्यन्वेष्टा ५।२।९०

अनुपदी इति निपात्यते अन्वेष्टा चेत् स भवति। पदस्य पश्चादनुपदम्। अनुपदी गवाम्। अनुपदी उष्ट्राणाम्।

अनुपद्येन्वेष्टा। , ५।२।८९

"अनुपदी" इति। पश्चात्? पदस्यानुपदम्(), पश्चादर्थेऽव्ययीभावः। तस्मादिनिप्रत्ययो निपात्यते॥

अनुपद्यन्वेष्टा १८६५, ५।२।८९

अनुपद्यन्वेष्टा। पदस्य पश्चादनुपदम्। पश्चादर्थे अव्ययीभावः। सप्तम्या अम्भावः। अनुपदमित्यस्मादन्वेष्टरि अर्थे इनिप्रत्ययो निपात्यते।

अनुपद्यन्वेष्टा १४३५, ५।२।८९

अनुपद्यन्वेष्टा। अन्वेष्टरि इनिः प्रत्ययो निपात्यते। अनुपदमिति। पदस्य पश्चात्। पश्चादर्थेऽव्ययीभावः। अनुपदीगवामिति। पदापेक्षया षष्ठी गोपदात्। पश्चादन्वेषणं गवामेव। तेन हिरण्यादावन्येष्ये न भवतीति हरदत्तः।