भूमिरियं बलिदानस्य
इहिन्दी ``आओ बच्चो तुम्हें दिखाए झाँकी हिंदुस्थानकी'' संस्कृतानुवाद
एत बालकाः दर्शयामि वस्तेजो हिन्दुस्थानस्य,
तेजो भारतवर्षस्य
अस्य मृत्तिका शिरसा वन्द्या भूमिरियं बलिदानस्य
वन्दे मातरं, वन्दे मातरम् ॥ अस्य०॥ ध्रु०॥
उत्तरभागे रक्षणकर्ता नगाधिराजो विख्यातः
दक्षिणदेशे पदक्षालको महासागरः प्रख्यातः
पश्यत गङ्गायमुनातीरं परं पावनं भूलोके
स्थाने स्थाने यद्दिव्यत्वं नैव सुराणामपि नाके
एकमेव तत्स्थानं चैतद् देवानामवतारस्य ॥ अस्य०॥ १॥
रजपूतानामेतत्स्थानं खड्गे येषामभिमानः
धर्मरक्षणे युद्धे मरणं यैर्मन्यते सम्मानः
अत्रैवासीत्प्रतापवीरो विश्वेऽस्मिन्यो बहुमान्यः
शीलरक्षणे भस्मीभूताः अत्रासङ्ख्याः पद्मिन्यः
रजः सुपूतं वीरपदाब्जै स्थानं चैतद् देशस्य ॥ अस्य०॥ २॥
वङ्गोऽयं यद्धरणी हरिता मनोहारिणी सर्वत्र
निजराष्ट्रार्थं सिद्धा मरणे सन्ति बालका अप्यत्र
रामकृष्ण-गौराङ्ग-विवेकानन्द-प्रमुखाः यत्राऽऽसन्
अरविन्दाद्याः क्रान्तिकारकाः शान्तिपूजकाः यत्राऽऽसन्
जन्मभूरियं ``नेताजि'' ति प्रख्यातस्य सुभाषस्य ॥ अस्य०॥ ३॥
इयं दृश्यतां महाराष्ट्रभूः यत्र शिवाजी भूपोऽभूत्
यस्य भवानी-करवालेन म्लेच्छानां संहारोऽभूत्
स्थाने स्थाने पर्वतभागे सामथ्र्याग्निः प्रकटोऽभूत्
घोषो ``हर हर महादेव'' इति बाले बाले प्राविरभूत्
कृतं हि गौरवरक्षणकार्यं शिवेन हिन्दुस्थानस्य ॥ अस्य०॥ ४॥
भक्तिमानयं दक्षिणदेशो गोदा-कृष्णा-परिपुष्टः
गगनस्पर्धित-शिल्पकलान्वित गोपुरबालैर्विभूषितः
अत्र विद्यते सुजनस्थानं सीतापति-पद-परिपूतं
अत्र शङ्कराचार्या वन्द्याः केरलभागे सम्भूताः
विजयनगर-साम्राज्यमिहासीत्ख्यातं हिन्दूधर्मस्य ॥ अस्य०॥ ५॥
संस्कृतानुवादकः पं. दिगम्बर अनन्त पण्ढरपुरे, घोडनदी, पुणे