%@@1
% File name             : dn14.itx
%--------------------------------------------
% Text title            : Dnyaneshvari or Bhavarthadipika Chapter 14
% Author                : Sant Dnyaneshwar
% Language              : Marathi, Sanskrit
% Subject               : philosophy/hinduism/religion
% Description/comments  : 
% Transliterated by     : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Proofread by          : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Latest update         : June 20, 2005
% Send corrections to   : sanskrit at cheerful dot c om
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://sanskritdocuments.org
% http://sanskrit.bhaarat.com  See the document project
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dnyaneshvari or Bhavarthadipika Chapter 14 ..}##
\itxtitle{.. j~nAneshvarI bhAvArthadIpikA adhyAya 14 ..}##\endtitles ##
%Start of 14@
|| AUM shrI paramAtmane namaH ||
adhyAya chaudAvA |
guNatrayavibhaagayogaH |

jaya jaya AchAryA| samastasuravaryA| praj~nAprabhAtasUryA| sukhodayA || 1||
jaya jaya sarva visAMvayA| so~haMbhAvasuhAvayA| nAnA loka helAvayA| samudrA tUM || 2||
A{i}keM gA ArtabaMdhU| niraMtarakAruNyasiMdhU| vishadavidyAvadhU\-| vallabhA jI || 3||
tU jayAMprati lapasI| tayA vishva heM dAvisI| prakaTa taiM karisI| AghaveMchi tUM || 4||
kIM puDhilAchI dR^iShTi chorije| hA dR^iShTibaMdhu niphaje| parI navala lAghava tujheM| jeM ApaNapeM choreM || 5||
jI tUMchi tUM sarvAM yayA| mA koNA bodhu koNA mAyA| aisiyA ApeMApa lAghaviyA| namo tuja || 6||
jANoM jagIM Apa voleM| teM tujhiyA bolA surasa jAleM| tujheni xamatva AleM| pR^ithviyesI || 7||
ravichaMdrAdi shuktI| udo karitI trijagatIM| teM tujhiyA dIptI| teja tejAM || 8||
chaLavaLije aniLeM| teM daivikeni jI nijabaLeM| nabha tujamAjIM kheLe| lapIthapI || 9||
kiMbahunA mAyA asosa| j~nAna jI tujheni DoLasa| aso vAnaNeM sAyAsa| shrutIsi he || 10||
veda vAnUni taMvachi chAMga| jaMva na dise tujheM AMga| maga AmhAM tayA mUga| eke pAMtI || 11||
jI ekArNavAche ThA{I}M| pAhatAM theMbAchA pADu nAhIM| mA mahAnadI kA{I}| jANijatI || 12||
kAM uadayaliyA bhAsvatu| chaMdra jaisA khadyotu| AmhAM shruti tuja AMtu| to pADu ase || 13||
ANi dujayA thAMvo moDe| jetha pareshIM vaikharI buDe| to tUM mA koNeM toMDeM| vAnAvAsI || 14||
yAlAgIM AtAM| stuti sAMDUni nivAMtA| charaNIM Thevije mAthA| heMchi bhaleM || 15||
tarI tU jaisA AhAsi taisiyA| namo jI shrIgururAyA| maja graMthodyamu phaLAvayA| vevhArA ho{I}M || 16||
AtAM kR^ipAbhAMDavala soDIM| bharIM mati mAjhI potaDI| karIM j~nAnapadya joDI| thorA mAteM || 17||
maga mI saMsarena teNeM| karIna saMtAMsI karNabhUShaNeM| levavIna sulaxaNeM| vivekAchIM || 18||
jI gItArthanidhAna| kADhU mAjheM mana| suyIM snehAMjana| ApaleM tUM || 19||
he vAksR^iShTi eke veLe| dekhatu mAjhe buddhIche DoLe| taisA udaijo jo nirmaLeM| kAruNyabiMbeM || 20||
mAjhI praj~nAvelI velhALa| kAvyeM hoya saphaLa| to vasaMtu hoya snehALa\-| shiromaNI || 21||
prameya mahApUreM| he matigaMgA ye thoreM| taisA variSha udAreM| diThIvenI || 22||
agA vishvaikadhAmA| tujhA prasAda chaMdramA| karUM maja pUrNimA| sphUrtIchI jI || 23||
jI avalokiliyA mAteM| unmeShasAgarIM bhariteM| vosaMDela sphUrtIteM| rasavR^ittIcheM || 24||
taMva saMtoShoni shrIgururAjeM| mhaNitaleM vinativyAjeM| mAMDileM dekhoni dujeM| stavanamiSheM || 25||
heM aso AtAM vAMjaTA| to j~nAnArtha karUni gomaTA| graMthu dAvIM utkaMThA| bhaMgo nedIM || 26||
ho kAM jI svAmI| heMchi pAhata hotoM mI| je shrImukheM mhaNA tumhI| graMthu sAMga || 27||
sahajeM durvechA Diru| AMgeMchi taMva amaru| varI AlA pUru| pIyUShAchA || 28||
tarI AtAM yeNeM prasAdeM| vinyAseM vidagdheM| mULashAstrapadeM| vAkhANIna || 29||
parI jIvA AMtulIkaDe| jaisI saMdehAchI DoNI buDe| nA shravaNIM tarI chADe| vADhI dise || 30||
taisI bolI sAchArI| avataro mAjhI mAdhurI| mAle mAgUni gharIM| gurukR^ipechyA || 31||
tarI mAgAM trayodashIM| adhyAyIM goThI aisI| shrIkR^iShNa arjuneMsI| chAvaLale || 32||
je xetraxetraj~nayogeM| ho{I}je yeNeM jageM| AtmA guNasaMgeM| saMsAriyA || 33||
ANi hAchi prakR^itigatu| sukhaduHkha bhogIM hetu| athavA guNAtItu| kevaLu hA || 34||
tarI kaisA pAM asaMgA saMgu| koNa to  xetraxetraj~nAyogu| sukhaduHkhAdi bhogu| kevIM tayA \? || 35||
guNa te kaise kitI| bAMdhatI kavaNe rItI| nAtarI guNAtItIM| chinheM kA{I} \? || 36||
evaM iyA AghaveyA| arthA rUpa karAvayA| viSho etha chaudAviyA| adhyAyAsI || 37||
tarI to AtAM aisA| prastuta pariyesA| abhiprAyo vishveshA| vaikuMThAchA || 38||
to mhaNe gA arjunA| avadhAnAchI sarva senA| meLa{U}ni iyA j~nAnA| jhoMbAveM ho \! || 39||
AmhIM mAgAM tuja bahutIM| dAvileM heM upapattI| tarI AjhunI pratItI\-| kushIM na nighe || 40||

\indent ##\hspace{1in}## shrIbhagavAnuvAcha |
\indent ##\hspace{1in}## para.n bhUyaH pravakShyAmi j~nAnAnA.m.h j~nAnamuttamam.h |
\indent ##\hspace{1in}## yad{}j~nAtvA munayaH sarve parA.n siddhimito gatAH || 1||\newline%@

mhaNauni gA puDhatI| sAMgijaila tujapratI| para mhaNa mhaNauni shrutIM| DAhArileM jeM || 41||
eRhavIM j~nAna heM ApuleM| parI para aiseni jAleM| je AvaDoni ghetaleM| bhavasvargAdika || 42||
agA yAchi kAraNeM| heM uttama sarvAMparI mI mhaNeM| je vanhi heM tR^iNeM| yereM j~nAneM || 43||
jiyeM bhavasvargAteM jANatI| yAgachi chAMga mhaNatI| pArakhI phuDI AthI| bhedIM jayA || 44||
tiyeM AghavIMchi j~nAneM| kelIM yeNeM svapneM| jaishA vAtormI gaganeM| giLijatI aMtIM || 45||
kAM uditeM rashmirAjeM| lopilIM chaMdrAdi tejeM| nAnA praLayAMbumAjeM| nadI nada || 46||
taiseM yeNeM pAhaleyA| j~nAnajAta jAya layA| mhaNauniyAM dhanaMjayA| uttama heM || 47||
anAdi je muktatA| ApulI ase paMDusutA| to moxu hAtAM yetA| hoya jeNeM || 48||
jayAchiyA pratItI| vichAravIrIM samastIM| nedijechi saMsR^itI| mAthAM udha{}UM || 49||
maneM mana ghAlUni mAgeM| vishrAMti jAliyA AMgeM| te dehIM dehAjoge| hotIchi nA || 50||
maga teM dehAcheM beLeM| volAMDUni ekechi veLe| saMvatukI kAMTALeM| mAjheM jAleM || 51||

\indent ##\hspace{1in}## ida.n j~nAnamupAshritya mama sAdharmyamAgatAH |
\indent ##\hspace{1in}## sarge.api nopajAyante pralaye na vyathanti cha || 2||\newline%@

je mAjhiyA nityatA| teNeM nitya te paMDusutA| paripUrNa pUrNatA| mAjhiyAchI || 52||
mI jaisA anaMtAnaMdu| jaisAchi satyasiMdhu| taisechi te bhedu| urechi nA || 53||
jeM mI jevaDheM jaiseM| teMchi te jAle taiseM| ghaTabhaMgIM ghaTAkAsheM| AkAsha jevIM || 54||
nAtarIM dIpamULakIM| dIpashikhA anekIM| mInaliyA avalokIM| hoya jaiseM || 55||
arjunA tayAparI| saralI dvaitAchI vArI| nAMde nAmArtha ekAhArIM| mItUMviNa || 56||
yeNeMchi paiM kAraNeM| jaiM pahileM sR^iShTIcheM juMpaNeM| teMhI tayA hoNeM| paDechinA || 57||
sR^iShTIchiye sarvAdI| jayAM dehAchI nAhIM bAMdhI| te kaicheM praLayAvadhI| nimatIla pAM \? || 58||
mhaNauni janmaxayAM\-| atIta te dhanaMjayA| mI jAleM j~nAnA iyA| anusaronI || 59||
aisI j~nAnAchI vADhI| vAnilI deveM AvaDI| tevIMchi pArthAhI goDI| lAvAvayA || 60||
taMva tayA jAleM Ana| sarvAMgIM nighAle kAna| saNa{I} avadhAna| AtalA pAM || 61||
AtAM devAchiyA aiseM| jAkaLIjata ase voraseM| jeM nirUpaNa AkAsheM| veMTALenA || 62||
maga mhaNe gA praj~nAkAMtA| ujavalI Aji vak{}tR^itvatA| je bolAyevaDhA shrotA| joDalAsI || 63||
tari eku mI anekIM| goMvije dehapAshakIM| triguNIM lubdhakIM| kavaNeparI || 64||
kaisA xetrayogeM| viyeM iyeM jageM| teM parisa sAMgeM| kavaNeparI || 65||
paiM xetra yeNeM vyAjeM| yAlAgIM heM bolije| je matsaMgabIjeM| bhUtIM pike || 66||

\indent ##\hspace{1in}## mama yonirmahad{}brahma tasmingarbha.n dadhAmahamyam.h |
\indent ##\hspace{1in}## sa.nbhavaH sarvabhUtAnA.n tato bhavati bhArata || 3||\newline%@

eRhavIM tarI mahad{}brahma| yAlAgIM heM aiseM nAma| je mahadAdivishrAma| shAlikA heM || 67||
vikArAM bahuvasa thorI| arjunA heMchi karI| mhaNauni avadhArIM| mahad{}brahma || 68||
avyaktavAdamatIM| avyakta aisI vadaMtI| sAMkhyAchiyA pratItI| prakR^iti hechi || 69||
vedAMtIM iyeteM mAyA| aiseM mhaNije prAj~narAyA| aso kitI boloM vAyAM| aj~nAna heM || 70||
ApalA ApaNapeyAM| visaru jo dhanaMjayA| teMchi rUpa yayA| aj~nAnAsI || 71||
ANikahI eka ase| jeM vichArAveLe na dise| vAtIM pAhatAM jaiseM| aMdhAreM kAM || 72||
hAlaviliyA jAya| nishchaLIM tarI hoya| dudhIM jaisI sAya| dudhAchI te || 73||
paiM jAgaru nA svapna| nA svarUpa avasthAna| te suShupti kAM ghana| jaisI hoya || 74||
kAM na viyatAM vAyUteM| vAMjheM AkAsha riteM| tayA aiseM niruteM| aj~nAna gA || 75||
paila khAMbu kAM purukhu| aisA nishchayo nAhIM eku| parI kAya neNoM Aloku| disata ase || 76||
tevIM vastu jaisI ase| taisI kIra na dise| parI kAMhIM anAriseM| dekhijenA || 77||
nA rAtI nA teja| te saMdhi jevIM sAMja| tevIM viruddha nA nija| j~nAna AthI || 78||
aisI koNhI ekI dishA| tiye vAdu aj~nAna aisA| tayA guMDaliyA prakAshA| xetraj~nu nAma || 79||
aj~nAna thoriye ANije| ApaNapeM tarI neNije| teM rUpa jANije| xetraj~nAcheM || 80||
hAchi ubhaya yogu| bujheM bApA chAMgu| sattechA naisargu| svabhAvo hA || 81||
AtAM aj~nAnAsArikheM| vastu ApaNapAMchi dekhe| parI rUpeM anekeM| neNoM koNeM || 82||
jaisA raMku bhramalA| mhaNe jA re mI rAvo AlA| kAM mUrchChitu gelA| svargalokAM || 83||
tevIM lachakaliyA diThI| maga dekhaNeM jeM jeM uThI| tayA nAma sR^iShTI| mIchi viyeM paiM gA || 84||
jaiseM kAM svapnamohA| to ekAkI dekhe bahuvA| tochi pADu AtmayA| smaraNeMvINa ase || 85||
heMchi AnIbhrAMtI| prameya upalavUM puDhatI| parI tUM pratItI| yAchi ghe pAM || 86||
tarI mAjhI he gR^ihiNI| anAdi taruNI| anirvAchyaguNI| avidyA he || 87||
iye nAhIM heMchi rUpa| ThANeM heM ati umapa| heM nidritAM samIpa| chetAM durI || 88||
paiM mAjhenichi AMgeM| pahuDhalyA he jAge| ANi sattAsaMbhogeM| gurviNI hoya || 89||
mahad{}brahma{}udarIM| prakR^itIM AThai vikArIM| garbhAchI karI| pelovelI || 90||
ubhayasaMgu pahileM| buddhitattveM prasavaleM| buddhitattva bhAraileM| hoya mana || 91||
taruNI mamatA manAchI| te ahaMkAra tattva rachI| teNeM mahAbhUtAMchI| abhivyakti hoya || 92||
ANi viShayeMdriyAM gausI| svabhAveM taMva bhUtAMsI| mhaNauni yetI sarisIM| tiyeMhI rUpA || 93||
jAleni vikAraxobheM| pAThIM triguNAcheM ubheM| tevhAM ye vAsanAgarbheM| ThAyeMThAvoM || 94||
rukhAchA AvAMkA| jaisI bIjakaNikA| jIvIM bAMdheM udakA| bheTatakheMvo || 95||
taisI mAjheni saMgeM| avidyA nAnA jageM| Ara ghevoM lAge| ANiyAchI || 96||
maga garbhagoLA tayA| kaiseM rUpa taiM ye AyA| teM pariyeseM rAyA| sujanAMchiyA || 97||
paiM maNija svedaja| udbhija jAraja| umaTatI sahaja| avayava heM || 98||
vyomavAyuvasheM| vADhaleni garbharaseM| maNiju usase| avayava to || 99||
poTIM sUni tamarajeM| AgaLikAM toya tejeM| uThitAM niphaje| svedaju gA || 100||
ApapR^ithvI utkaTeM| ANi tamomAtreM nikR^iShTeM| sthAvaru umaTe| udbhiju hA || 101||
pAMchAM pAMchahI virajIM| hotI manabuddhyAdi sAjIM| hIM hetu jArajIM| aiseM jANa || 102||
aise chArI he saraLa| karacharaNataLa| mahAprakR^iti sthULa| teMchi shira || 103||
pravR^itti pelaleM poTa| nivR^itti te pAThI nITa| sura yonI AMgeM ATha| UrdhvAchIM || 104||
kaMThu ulhAsatA svargu| mR^ityuloku madhyabhAgu| adhodeshu chAMgu| nitaMbu to || 105||
aiseM lekarUM eka| prasavalI heM dekha| jayAcheM tinhI loka| bALaseM gA || 106||
chauRyAMyashIM laxa yonI| tiyeM kAMDAM perAM sAMdaNI| vADhe pratidinIM| bALaka heM || 107||
nAnA deha avayavIM| nAmAchIM leNIM levavI| mohastanyeM vADhavI| nitya naveM || 108||
sR^iShTI vegavegaLIyA| tiyA karAMghrIM AMgoLiyAM| bhinnAbhimAna sUdaliyA| mudiyA tetheM || 109||
heM ekalauteM charAchara| avichArita suMdara| prasavoni thora| thorAvalI || 110||
pai brahmA prAtaHkALu| viShNu to mAdhyAnha veLu| sadAshiva sAyaMkALu| bALA yayA || 111||
mahApraLayaseje| khiLoni nivAMta nije| viShamaj~nAneM umajeM| kalpodayIM || 112||
arjunA iyAparI| mithyAdR^iShTIchyA gharIM| yugAnuvR^ittIchIM karI| choja pA{u}leM || 113||
saMkalpu jayAchA iShTu| ahaMkAru to vinaTu| aisiyA hoya shevaTu| j~nAneM yayA || 114||
AtAM aso he bahu bolI| aiseM vishva mAyA vyAlI| tetha sAhya jAlI| mAjhI sattA || 115||

\indent ##\hspace{1in}## sarvayoniShu kaunteya mUrtayaH sa.nbhavanti yAH |
\indent ##\hspace{1in}## tAsA.n brahma mahadyoniraha.n bIjapradaH pitA || 4||\newline%@

yAkAraNeM mI pitA| mahad{}brahma he mAtA| apatya paMDusutA| jagaDaMbaru || 116||
AtAM sharIreM bahuteM| dekhoni na bhedeM ho chitteM| je manabuddhyAdi bhUteM| ekeMchi yetheM || 117||
hAM gA ekAchi dehIM| kAya anAriseM avayava nAhIM \?| tevIM vichitra vishva pAhIM| ekachi heM || 118||
paiM uMchA nIchA DAhALiyA| viShamA vegaLAliyA| yekAchi jevIM jAliyA| bIjAchiyA || 119||
ANi saMbaMdhu tohI aisA| mR^ittike ghaTu leMku jaisA| kAM paTatva kApusA| nAtU hoya || 120||
nAnA kalloLaparaMparA| saMtatI jaisI sAgarA| AmhAM ANi charAcharA| saMbaMdhu taisA || 121||
mhaNauni vanhi ANi jvALa| donhI vanhIchi kevaLa| tevIM mI gA sakaLa| saMbaMdhu vAvo || 122||
jAleni jageM mI jhAMkeM| tarI jagatveM koNa phAMke \?| kiLevarI mANikeM| lopije kA{I} \? || 123||
aLaMkArAteM AleM| tarI sonepaNa kA{i} geleM \?| kIM kamaLa phAMkaleM| kamaLatvA muke \? || 124||
sAMga pAM dhanaMjayA| avayavIM avayaviyA| AchChAdije kIM tayA| teMchi rUpa \? || 125||
kIM virUDhaliyA joMdhaLA| kaNisAchA nirvALA| veMchalA kIM AgaLA| disatase || 126||
mhaNauni jaga parauteM| sArUni pAhije mAteM| taisA novheM ukhiteM| AghaveM mIchi || 127||
hA tUM sAchokArA| nishchayAchA kharA| gAMThIM bAMdha vIrA| jIvAchiye || 128||
AtAM miyAM maja dAvilA| sharIrIM vegaLAlA| guNIM mIchi bAMdhalA| aisA AvaDeM || 129||
jaiseM svapnIM ApaNa| uThUniyAM AtmamaraNa| bhogije gA jANa| kapidhvajA || 130||
kAM kavaLAteM DoLe| prakAshUni pivaLeM| dekhatI teMhI kaLe| tayAMsIchi || 131||
nAnA sUryaprakAsheM| prakaTI taiM abhra bhAse| to lopalA heMhI dise| sUryeMchi kIM || 132||
paiM ApaNapeni jAliyA| ChAyA gA ApuliyA| bihoni bihAliyA| Ana Ahe \? || 133||
taisIM iyeM nAnA deheM| dA{U}ni mI nAnA hoyeM| tetha aisA jo baMdhu Ahe| teMhI dekheM || 134||
baMdhu kAM na baMdhije| heM jANaNeM maja mAjheM| neNaNeni upaje| Apaleni || 135||
tarI koNeM guNeM kaisA| majachi mI baMdhu aisA| AvaDe teM pariyesA| arjunadevA || 136||
guNa te kitI kiMdharma| kAyi yayAM rUpanAma| keM jAleM heM varma| avadhArIM pAM || 137||

\indent ##\hspace{1in}## sattva.n rajastama iti guNAH prakR^itisa.nbhavAH |
\indent ##\hspace{1in}## nibadhnanti mahAbAho dehe dehinamavyayam.h || 5||\newline%@

tarI sattvarajatama| tighAMsi heM nAma| ANi prakR^iti janma\-| bhUmikA yayAM || 138||
yetha sattva teM uttama| raja teM madhyama| tihIMmAjIM tama| sAviyAdhAreM || 139||
heM ekechi vR^ittIchyA ThAyIM| triguNatva AvaDe pAhIM| vayasAtraya dehIM| yekIM jevIM || 140||
kAM mInaleni kIDeM| jaMva jaMva tUka vADhe| taMva taMva soneM hIna paDe| pAMchikA kasIM || 141||
paiM sAvadhapaNa jaiseM| vAhavileM ALaseM| suShupti baise| ghaNAvoni || 142||
taisI aj~nAnAMgIkAreM| nigAlI vR^itti vikhure| te sattvarajadvAreM| tamahI hoya || 143||
arjunA gA jANa| yayAM nAma guNa| AtAM dAkha{U}M khUNa| bAMdhitI te || 144||
tarI xetraj~nadashe| AtmA moTakA paise| heM deha mI aiseM| muhUrta karI || 145||
AjanmamaraNAMtIM| dehadharmIM samastIM| mamatvAchI sUtI| ghe nA jaMva || 146||
jaisI mInAchyA toMDIM| paDenA jaMva uMDI| taMva gaLa AsuDI| jaLapAradhI || 147||

\indent ##\hspace{1in}## tatra sattva.n nirmalatvAt.h prakAshakamanAmayam.h |
\indent ##\hspace{1in}## sukhasa.ngena badhnAti j~nAnasa.ngena chAnagha || 6||\newline%@

tevIM sattveM lubdhakeM| sukhaj~nAnAchIM pAshakeM| voDhijatI maga khuDake| mR^igu jaisA || 148||
maga j~nAneM chaDaphaDI| jANiveche khurakhoDI| svayaM sukha heM dhADI| hAtIMcheM gA || 149||
tevhAM vidyAmAneM tokhe| lAbhamAtreM harikhe| mI saMtuShTa heMhI dekhe| shlAghoM lAge || 150||
mhaNe bhAgya nA mAjheM \?| Aji sukhiyeM nAhIM dujeM| vikArAShTakeM phuMje| sAttvikAcheni || 151||
ANi yeNeMhI na sare| lAMkaNa lAge dusareM| jeM vidvattecheM bhare| bhUta AMgIM || 152||
ApaNachi j~nAnasvarUpa Ahe| teM geleM heM duHkha na vAhe| kIM viShayaj~nAneM hoye| gaganAyevaDhA || 153||
rAvo jaisA svapnIM| raMkapaNeM righe dhAnIM| to doM dANAM mAnI| iMdru nA mI || 154||
taiseM gA dehAtItA| jAleyA dehavaMtA| hoM lAge paMDusutA| bAhyaj~nAneM || 155||
pravR^ittishAstra bujhe| yaj~navidyA umaje| kiMbahunA sujhe| svargavarI || 156||
ANi mhaNe Aji Ana| mIvAMchUni nAhIM saj~nAna| chAturyachaMdrA gagana| chitta mAjheM || 157||
aiseM sattva sukhaj~nAnIM| jIvAsi lAvUni kAnI| bailAchI karI vAnI| pAMguLAchiyA || 158||
AtAM hAchi sharIrIM| rajeM jiyAparI| bAMdhije teM avadhArIM| sAMgijaila || 159||

\indent ##\hspace{1in}## rajo rAgAtmaka.n viddhi tR^iShNAsa.ngasamudbhavam.h |
\indent ##\hspace{1in}## tannibadhnAti kaunteya karmasa.ngena dehinam.h || 7||\newline%@

heM raja yAchi kAraNeM| jIvAteM raMja{}UM jANe| heM abhilAkhAcheM taruNeM| sadAchi gA || 160||
heM jIvIM moTakeM rige| ANi kAmAchyA madIM lAge| maga vArayA vaLaghe| tR^iShNechiyA || 161||
ghR^iteM AMbukhUni AgiyALeM| vajrAgnIcheM sAdukaleM| AtAM bahu theMkuleM| Ahe tetha \? || 162||
taisI khavaLeM chADa| hoya duHkhAsakaTa goDa| iMdrashrIhi sAMkaDa| gamoM lAge || 163||
taisI tR^iShNA vADhinaliyA| meruhI hAtA AliyA| taRhI mhaNe ekhAdiyA| dAruNA vaLagho || 164||
jIvitAchi kuroMDI| vovALUM lAge kavaDI| mAnI tR^iNAchiye joDI| kR^itakR^ityatA || 165||
Aji asateM veMchijela| parI pAhe kAya kIjela| aisA pAMgIM vaDIla| vyavasAya mAMDI || 166||
mhaNe svargA hana jAveM| tarI kAya tetheM khAveM| iyAlAgIM dhAMveM| yAga karUM || 167||
vratApAThIM vrateM| AchareM iShTApUrteM| kAmyAvAMchUni hAteM| shivaNeM nAhIM || 168||
paiM grIShmAMtIMchA vArA| visAMvo neNeM vIrA| taisA na mhaNe vyApArA| rAtradivasa || 169||
kAya chaMchaLu mAsA \?| kAminIkaTAxu jaisA| lavalAho taisA| vijUhI nAhIM || 170||
tetuleni gA vegeM| svargasaMsArapAMgeM| AgImAjIM rige| kriyAMchiye || 171||
aisA dehIM dehAvegaLA| le tR^iShNechiyA sAMkhaLA| khaTATopu vAhe gaLAM| vyApArAchA || 172||
heM rajoguNAcheM dAruNa| dehIM dehiyAsI baMdhana| parisa AtAM viMdANa| tamAcheM teM || 173||

\indent ##\hspace{1in}## tamastvaj~nAnaja.n viddhi mohana.n sarvadehinAm.h |
\indent ##\hspace{1in}## pramAdAlasyanidrAbhistannibadhnAti bhArata || 8||\newline%@

vyavahArAchehi DoLe| maMda jeNeM paDaLeM| moharAtrIcheM kALeM| mehuDeM jeM || 174||
aj~nAnAcheM jiyAleM| jayA ekA lAgaleM| jeNeM vishva bhulaleM| nAchata ase || 175||
avivekamahAmaMtra| jeM mauDhyamadyAcheM pAtra| heM aso mohanAstra| jIvAMsi jeM || 176||
pArthA teM gA tama| rachUni aiseM varma| chaukhurI dehAtma\-| mAniyAteM || 177||
heM ekachi kIra sharIrIM| mAjoM lAge charAcharIM| ANi tetha dusarI| goThI nAhIM || 178||
sarveMdriyA jADya| manAmAjIM mauDhya| mAlhAtI je dArDhya| AlasyAcheMM || 179||
AMgeM AMga moDAmoDI| kAryajAtI anAvaDI| nusatI paravaDI| jAMbhayAMchI || 180||
ughaDiyAchI diThI| dekhaNeM nAhIM kirITI| nALavitAMchi uThI| vo mhaNauni || 181||
paDaliye dhoMDI| neNe kAnI muraDI| tayAchi parI murakuMDI| ukalUM neNeM || 182||
pR^ithvI pAtALIM jAMvo| kAM AkAshahI varI yevo| parI uThaNeM hA bhAvo| upajoM neNeM || 183||
uchitAnuchita AghaveM| jhAMsuratA  nAThave jIveM| jethIMchA tetha loLAveM| aisI medhA || 184||
ubha{}Uni karataLeM| paDighAye kapoLeM| pAyAcheM shiriyALeM| mAMDUM lAge || 185||
ANi nidreviShayIM chAMgu| jIvIM Athi lAgu| jhoMpIM jAtAM svargu| vAvo mhaNe || 186||
brahmAyu ho{I}je| mA nijaleyAchi asije| heM vAMchUni dujeM| vyasana nAhIM || 187||
kAM vATeM jAtAM vogheM| kalhAtAMhI DoLA lAge| amR^itahI parI neghe| jarI nIda AlI || 188||
tevIMchi AkroshabaLeM| vyApAre koNe eke veLe| nigAleM tarI AMdhaLeM| roSheM jaiseM || 189||
kedhavAM kaise rAhATAveM| koNesIM kAya bolAveM| heM ThAkateM kIM nAgaveM| heMhI neNeM || 190||
vaNavA miyAM AghavA| pAMkheM pusoni gheyAvA| pataMgu pAM hAMvA| ghAlI jevIM || 191||
taisA vaLaghe sAhasA| akaraNIMcha dhiMvasA| kiMbahunA aisA| pramAdu ruche || 192||
evaM nidrAlasyapramAdIM| tama iyA tribaMdhIM| bAMdhe nirupAdhI| chokhaTAteM || 193||
jaisA vanhI kAShThIM bhare| taiM dise kAShThAkAreM| vyoma ghaTeM Avare| teM ghaTAkAsha || 194||
nAnA sarovara bharaleM| taiM chaMdratva tetheM biMbaleM| taiseM guNAbhAsIM bAMdhaleM| Atmatva game || 195||

\indent ##\hspace{1in}## sattva.n sukhe sa.njayati rajaH karmaNi bhArata |
\indent ##\hspace{1in}## j~nAnamAvR^itya tu tamaH pramAde sa.njayatyuta || 9||\newline%@


\indent ##\hspace{1in}## rajastamashchAbhibhUya sattva.n bhavati bhArata |
\indent ##\hspace{1in}## rajaH sattva.n tamashchaiva tamaH sattva.n rajastathA || 10||\newline%@

paiM harUni kaphavAta| jaiM dehI ATope pitta| taiM karI saMtapta| deha jevIM || 196||
kAM variSha Atapa jaiseM| jiNauni shItachi dise| tevhAM hoya hiMva aiseM| AkAsha heM || 197||
nAnA svapna jAgR^itI| lopUni ye suShuptI| taiM xaNu eka chittavR^ittI| techi hoya || 198||
taisIM rajatameM hAravI| jaiM sattva mAju miravI| taiM jIvAkaravIM mhaNavI| sukhiyA nA mI \? || 199||
taiseMchi sattva raja| lopUni tamAcheM bhoja| vaLagheM taiM sahaja| pramAdIM hoya || 200||
tayAchi gA paripAThIM| sattva tamAteM poTIM| ghAlUni jevhAM uThI| rajoguNa || 201||
tevhAM karmAvAMchUni kAMhIM| Ana gomaTeM nAhIM| aiseM mAnI dehIM| deharAju || 202||
triguNa vR^iddhi nirUpaNa| tIM shlokIM sAMgitaleM jANa| AtAM sattvAdi vR^iddhilaxaNa| sAdara pariyesIM || 203||

\indent ##\hspace{1in}## sarvadvAreShu dehe.asmin prakAsha upajAyate |
\indent ##\hspace{1in}## j~nAna.n yadA tadA vidyAdvivR^iddha.n sattvamityuta || 11||\newline%@


\indent ##\hspace{1in}## lobhaH pravR^ittirArambhaH karmaNAmashamaH spR^ihA |
\indent ##\hspace{1in}## rajasyetAni jAyante vivR^iddhe bharatarShabha || 12||\newline%@


\indent ##\hspace{1in}## aprakAsho.apravR^ittishcha pramAdo moha eva cha |
\indent ##\hspace{1in}## tamasyetAni jAyante vivR^iddhe kurunandana || 13||\newline%@


\indent ##\hspace{1in}## yadA sattve pravR^iddhe tu pralaya.n yAti dehabhR^it.h |
\indent ##\hspace{1in}## tadottamavidA.n lokAnamalAn pratipadyate || 14||\newline%@


\indent ##\hspace{1in}## rajasi pralaya.n gatvA karmasa.ngiShu jAyate |
\indent ##\hspace{1in}## tathA pralInastamasi mUDhayoniShu jAyate || 15||\newline%@

paiM rajatamavijayeM| sattva gA dehIM iyeM| vADhatAM chinheM tiyeM| aisIM hotI || 20204||
je praj~nA AMtulIkaDe| na samAtI bAherI vosaMDeM| vasaMtIM padmakhaMDeM| dR^itI jaisI || 205||
sarveMdriyAMchyA AMgaNIM| viveka karI rAbaNI| sAchachi karacharaNIM| hotI DoLe || 206||
rAjahaMsApuDheM| chAMchUcheM AgaraDeM| toDI jevIM jhagaDe| xIranIrAche || 207||
tevIM doShAdoShavivekIM| iMdriyeMchi hotI pArakhIM| niyamu bA re pAyikI| voLage taiM || 208||
nA{i}kaNeM teM kAnachi vALI| na pahANeM teM diThIchi gALI| avAchya teM TALI| jIbhachi gA || 209||
vAtI puDhAM jaiseM| paLoM lAge kALavaseM| niShiddha iMdriyAM taiseM| samora nohe || 210||
dhArAdharakALeM| mahAnadI uchaMbaLe| taisI buddhi paghaLe| shAstrajAtIM || 211||
agA punavechyA divashIM| chaMdraprabhA dhAMveM AkAshIM| j~nAnIM vR^itti taisI| phAMke saiMgha || 212||
vAsanA ekavaTe| pravR^itti vohaTe| mAnasa viTe| viShayAMvarI || 213||
evaM sattva vADhe| taiM heM chinha phuDeM| ANi nidhanahI ghaDe| tevhAMchi jarI || 214||
kAM pAhAleni suyANeM| jAlayA paraguNeM| paDiyaMteM pAhuNeM| svargauniyAM || 215||
tarI jaisIchi gharIMchI saMpattI| ANi taisIchi audAryadhairyavR^ittI| mA paratrA ANi kIrtI| kAM nohAveM \? || 216||
maga gomaTeyA tayA| jAvaLI ase dhanaMjayA| tevIM sattvIM jANe dehA| keM Athi gA \? || 217||
je svaguNIM udb{}haTa| ghe{}Uni sattva chokhaTa| nige sAMDUni kopaTa| bhogaxama heM || 218||
avachaTeM aisA jo jAye| to sattvAchAchi navA hoye| kiMbahunA janma lAhe| j~nAniyAMmAjIM || 219||
sAMga pAM dhanurdharA| rAvo rAyapaNeM DoMgarA| geliyA apurA| hoya kA{I}  \? || 220||
nAtarI yethiMchA divA| neliyA sejiyA gAMvA| to tetheM tarI pAMDavA| dIpachi kIM || 221||
taisI te sattvashuddhI| AgaLI j~nAneMsI vR^iddhI| taraMgAvoM lAgeM buddhI| vivekAvarI || 222||
paiM mahadAdi paripAThIM| vichArUni shevaTIM| vichArAsakaTa poTIM| jironi jAya || 223||
ChattisAM sadatisAveM| chovisAM paMchavisAveM| tinhI nuroni svabhAveM| chaturtha jeM || 224||
aiseM sarva jeM sarvottama| jAleM ase jayA sugama| tayAsaveM nirupama| lAhe deha || 225||
iyAchi parI dekha| tamasattva adhomukha| baisoni jaiM AgaLIka| dharI raja || 226||
ApaliyA kAryAchA| dhumADa gAMvIM dehAchA| mAjavI taiM chinhAMchA| udayo aisA || 227||
pAMjaralI vAhuTaLI| karI vegaLa veMTALI| taisI viShayIM saraLI| iMdriyAM hoya || 228||
paradArAdi paDe| parI viruddha aiseM nAvaDe| maga sheLiyecheni toMDeM| saiMgha chArI || 229||
hA ThAyavarI lobhu| karI svairatvAchA rAbu| veMTALitAM alAbhu| teM teM ure || 230||
ANi ADa paDaliyA| udyamajAtI bhalatiyA| pravR^ittI dhanaMjayA| hAtu na kADhI || 231||
tevIMchi ekhAdA prAsAdu| kAM karAvA ashvamedhu| aisA achATa ChaMdu| ghe{}Uni uThI || 232||
nagareMchi rachAvIM| jaLAshayeM nirmAvIM| mahAvaneM lAvAvIM| nAnAvidheM || 233||
aisaisAM aphATIM karmIM| samAraMbhu upakramIM| ANi dR^iShTAdR^iShTa kAmIM| pure na mhaNe || 234||
sAgaruhI sAMDIM paDe| AgI na lAhe tIna kavaDe| aiseM abhilaShIM joDe| durbharatva || 235||
spR^ihA manA puDhAM puDhAM| AshechA ghe davaDA| vishva ghApe chADA| pAyAMtaLIM || 236||
ityAdi vADhatAM rajIM| iyeM chinheM hotIM sAjIM| ANi aishA samAjIM| veMche jarI deha || 237||
tarI AghavAchi ihIM| parivAralA AnI dehIM| rige parI yonihI| mAnuShIchi || 238||
suravADeMsiM bhikArI| vaso pAM rAjamaMdirIM| tarI kAya avadhArIM| rAvo ho{I}la \? || 239||
baila tetheM karabADeM| heM na chuke gA phuDeM| ne{I}jo kAM vaRhADeM| samarthAchenI || 240||
mhaNauni vyApArA hAtIM| usaMtu dihA nA rAtI| taisayAchiye pAMtI| juMpije to || 241||
karmajaDAchyA ThAyIM| kiMbahunA hoya dehIM| jo rajovR^ittIchyA DohIM| buDoni nime || 242||
maga taisAchi puDhatI| rajasattvavR^ittI| giLUni ye unnatI| tamoguNa || 243||
taiMchi jiyeM liMgeM| dehIMchIM sabAhya sAMgeM| tiyeM parisa chAMgeM| shrotrabaLeM || 244||
tarI hoya aiseM mana| jaiseM ravichaMdrahIna| rAtrIMcheM kAM gagana| aMvasechiye || 245||
taiseM aMtara asosa| hoya sphUrtihIna udvasa| vichArAchI bhASha| hArape taiM || 246||
buddhi mechavenA dhoMDIM| hA ThAyavarI mavALeM sAMDI| AThavo deshadhaDI| jAlA dise || 247||
avivekAcheni mAjeM| sabAhya sharIra gAje| ekaleni ghepe dIje| mauDhya tetha || 248||
AchArabhaMgAchIM hADeM| rupatIM iMdriyAMpuDheM| mare jarI teNeMkaDe| kriyA jAya || 249||
paiM ANikahI eka dise| je duShkR^itIM chitta ulhAse| AMdhArI dekhaNeM jaiseM| DuDuLAcheM || 250||
taiseM niShiddhAcheni nAMveM| bhalateMhI bhare hAve| tiyeviShayIM dhAMve| ghetI karaNeM || 251||
madirA na ghetAM Dule| sannipAteMvINa baraLe| niShpremeMchi bhule| piseM jaiseM || 252||
chitta tarI geleM Ahe| parI unmanI te nohe| aiseM mAlhAtije moheM| mAjireni || 253||
kiMbahunA aisaisIM| iyeM chinheM tama poShIM| jaiM vADhe AyitIsI| ApuliyA || 254||
ANi heMchi hoya prasaMgeM| maraNAcheM jarI paDe khAgeM| tarI tetuleni nige| tameMsIM to || 255||
rA{I} rA{I}paNa bIjIM| sAMThavUniyAM aMga tyajI| maga virUDhe taiM dujI| goThI Ahe \? || 256||
paiM ho{U}ni dIpakalikA| yeru AgI vijho kAM| kAM jetha lAge tetha asakA| tochi Ahe || 257||
mhaNauni tamAchiye lotheM| bAMdhoniyAM saMkalpAteM| deha jAya taiM mAgauteM| tamAchechi hoya || 258||
AtAM kAya yeNeM bahuve| jo tamovR^iddhi mR^ityu lAhe| to pashu kAM paxI hoye| jhADa kAM kR^imI || 259||

\indent ##\hspace{1in}## karmaNaH sukR^itasyAhuH sAttvika.n nirmala.n phalam.h |
\indent ##\hspace{1in}## rajasastu phala.n duHkhamaj~nAna.n tamasaH phalam.h || 16||\newline%@

yeNeMchi paiM kAraNeM| jeM nipaje sattvaguNeM| teM sukR^ita aiseM mhaNe| shrauta samo || 260||
mhaNauni tayA nirmaLA| sukhaj~nAnI saraLA| apUrva ye phaLA| sAttvika teM || 261||
maga rAjasA jiyA kriyA| tayA iMdrAvaNI phaLaliyA| jeM sukheM chitArUniyAM| phaLatI duHkheM || 262||
kAM niMboLiyecheM pika| vari goDa AMta vikha| taiseM teM rAjasa dekha| kriyAphaLa || 263||
tAmasa karma jitukeM| aj~nAnaphaLeMchi pike| viShAMkura vikheM| jiyAparI || 264||

\indent ##\hspace{1in}## sattvAtsa.njAyate j~nAna.n rajaso lobha eva cha |
\indent ##\hspace{1in}## pramAdamohau tamaso bhavato.aj~nAnameva cha || 17||\newline%@

mhaNauni bA re arjunA| yetha sattvachi hetu j~nAnA| jaisA kAM dinamAnA| sUrya hA paiM || 265||
ANi taiseMchi heM jANa| lobhAsi raja kAraNa| ApuleM vismaraNa| advaitA jevIM || 266||
moha aj~nAna pramAdA| yayAM maiLeyA doShavR^iMdA| puDhatI puDhatI prabuddhA| tamachi mULa || 267||
aiseM vichArAchyA DoLAM| tinhI guNa he vegaLavegaLAM| dAvile jaisA AMvaLA| taLahAtIMchA || 268||
taMva rajatameM donhIM| dekhilIM prauDha patanIM| sattvAvAMchUni nANIM| j~nAnAkaDe || 269||
mhaNauni sAttvika vR^ittI| eka jAle gA janmavratI| sarvatyAgeM chaturthI| bhakti jaisI || 270||

\indent ##\hspace{1in}## Urdhva gachchhanti sattvasthA madhye tiShThanti rAjasAH |
\indent ##\hspace{1in}## jaghanyaguNavR^ittisthA adho gachchhanti tAmasAH || 18||\newline%@

taiseM sattvAcheni naTanAcheM| asaNeM jANeM jayAMcheM| te tanutyAgIM svargIMche| rAya hotI || 271||
iyAchi parI rajeM| jihIM kAM jIje marije| tihIM manuShya ho{I}je| mR^ityulokIM || 272||
tetha sukhaduHkhAcheM khichaTeM| jevijeM ekechi tATeM| jetha iye maraNavATe| paDileM nuThI || 273||
ANi tayAchi sthiti tamIM| je vADhoni nimatI bhogaxamIM| te ghetI narakabhUmI| mULapatra || 274||
evaM vastUchiyA sattA| triguNAsI paMDusutA| dAvilI sakAraNatA| AghavIchi || 275||
paiM vastu vastutveM asikeM| teM ApaNapeM guNAsArikheM| dekhoni kAryavishekheM| anukare gA || 276||
jaiseM kAM svapnIMcheni rAjeM| jaiM parachakra dekhije| taiM hArI jaita ho{I}je| ApaNapAMchi || 277||
taise madhyordhva adha| he je guNavR^ittibheda| te dR^iShTIvAMchUni shuddha| vastuchi ase || 278||

\indent ##\hspace{1in}## nAnya.n guNebhyaH kartAra.n yadA draShTA.anupashyati |
\indent ##\hspace{1in}## guNebhyashcha para.n vetti madbhAva.n so.adhigachchhati || 19||\newline%@

parI he vAhaNI aso| tarI tuja Ana na diso| pariseM teM sAMgatasoM| mAgIla goThI || 279||
tarI aiseM jANije| sAmarthyeM tinhI sahajeM| hotI dehavyAjeM| guNachi he || 280||
iMdhanAcheni AkAreM| agni jaisA avatare| kAM AMgave taruvareM| bhUmirasu || 281||
nAnA dahiMyAcheni miseM| pariName dUdhachi jaiseM| kAM mUrta hoya UMseM| goDI jevIM || 282||
taiseM he svAMtaHkaraNa| dehachi hotI triguNa| mhaNauni baMdhAsi kAraNa| ghaDe kIra || 283||
parI choja heM dhanurdharA| je evaDhA hA guMphirA| moxAchA saMsArA| uNA nohe || 284||
triguNa ApulAleni dharmeM| dehIMche mAghuta sA{u}meM| chALitAMhI na khomeM| guNAtItatA || 285||
aisI mukti ase sahaja| te AtAM parisa{}UM tuja| je tUM j~nAnAMbuja\-| dvirephu kIM || 286||
ANi guNIM guNAjogeM| chaitanya nohe mAgeM| boliloM teM khAgeM| tevIMchi heM || 287||
tarI pArthA jaiM aiseM| bodhaleni jIveM dise| svapna kAM jaiseM| che{i}lenI || 288||
nAtarI ApaNa jaLIM| biMbaloM tIronI nyAhaLI| chaLaNa hotAM kalloLIM| anekadhA || 289||
kAM naTaleni lAghaveM| naTu jaisA na jhakave| taiseM guNajAta dekhAveM| na honiyAM || 290||
paiM R^itutraya AkAsheM| dharUniyAMhI jaiseM| nedijechi yevoM voseM| vegaLepaNA || 291||
taiseM guNIM guNAparauteM| jeM ApaNapeM ase AyiteM| tiye ahaM baise ahaMteM| mULakechiye || 292||
taiM tethUni maga pAhatAM| mhaNe sAxI mI akartA| he guNachi kriyAjAtAM| niyojita || 293||
sattvarajatamAMchA| bhedIM pasaru karmAchA| hota ase to guNAMchA| vikAru hA || 294||
yayAmAjIM mI aisA| vanIM kAM vasaMtu jaisA| vanalaxmIvilAsA| hetubhUta || 295||
kAM tArAMgaNIM lopAveM| sUryakAMtIM uddIpAveM| kamaLIM vikAsAveM| jAveM tameM || 296||
ye koNAchIM kAjeM kahIM| savitiyA jaisI nAhIM| taisA akartA mI dehIM| sattArUpa || 297||
mI dA{U}ni guNa dekhe| guNatA he miyAM pokhe| yayAcheni niHshekheM| ure teM mI || 298||
aiseni vivekeM jayA| udo hoya dhanaMjayA| ye guNAtItatva tayA| arthapaMtheM || 299||

\indent ##\hspace{1in}## guNAnetAnatItya trIndehI dehasamudbhavAn |
\indent ##\hspace{1in}## janmamR^ityujarAduHkhairvimuk{}to.amR^itamashnute || 20||\newline%@

AtAM nirguNa ase ANika| teM to jANeM achuka| je j~nAneM keleM TIka| tayAchivarI || 300||
kiMbahunA paMDusutA| aisI to mAjhI sattA| pAve jaisI saritA| siMdhutva gA || 301||
naLikevarUni uThilA| jaisA shuka shAkhe baisalA| taisA mULa ahaMteM veDhilA| to mI mhaNauni || 302||
agA aj~nAnAchiyA nidA| jo ghorata hotA badabadA| to svasvarUpIM prabuddhA| che{i}lA kIM || 303||
paiM buddhibhedAchA ArisA| tayA hAtoni paDilA vIreshA| mhaNauni pratimukhAbhAsA| mukalA to || 304||
dehAbhimAnAchA vArA| AtAM vAjo ThelA vIrA| taiM aikya vIchisAgarAM| jIveshAM heM || 305||
mhaNauni mad{}bhAveMsI| prApti pAvije teNeMsarisI| varShAMtIM AkAshIM| ghanajAta jevIM || 306||
tevIM mI ho{U}ni nirutA| maga dehIMchi ye asatAM| nAgave dehasaMbhUtAM| guNAMsi to || 307||
jaisA bhiMgAcheni ghareM| dIpaprakAshu nAvare| kAM na vijhechi sAgareM| vaDavAnaLu || 308||
taisA AlA gelA guNAMchA| bodhu na maiLe tayAchA| to dehIM jaisA vyomIMchA| chaMdra jaLIM || 309||
tinhI guNa ApulAliye prauDhI| dehIM nAchavitI bAgaDIM| to pAhoMhI na dhADI| ahaMteteM || 310||
hA ThAyavarI| nehaToni ThelA aMtarIM| AtAM kAya varte sharIrIM| heMhIM neNe || 311||
sAMDuni AMgIMchI khoLI| sarpa rigAliyA pAtALIM| te tvachA koNa sAMbhALI| taiseM jAleM || 312||
kAM saurabhya jIrNu jaisA| Amodu miLoni jAya AkAshA| mAghArA kamaLakoshA| nayechi to || 313||
paiM svarUpasamaraseM| aikya gA jAleM taiseM| tetha kiM dharma heM kaiseM| neNeM deha || 314||
mhaNauni janmajarAmaraNa| ityAdi je sAhI guNa| te dehIMchi Thele kAraNa| nAhIM tayA || 315||
ghaTAchiyA khApariyA| ghaTabhaMgIM pheDiliyA| mahadAkAsha apaisayA| jAleMchi ase || 316||
taisI dehabuddhI jAye| jaiM ApaNapAM AThau hoya| taiM Ana kAMhIM Ahe| teMvAMchunI \? || 317||
yeNeM thora bodhalepaNeM| tayAsi gA dehIM asaNeM| mhaNUni to mI mhaNeM| guNAtIta || 318||
yayA devAchiyA bolA| pArthu ati sukhAvalA| megheM saMbokhilA| moru jaisA || 319||

\indent ##\hspace{1in}## arjuna uvAcha |
\indent ##\hspace{1in}## kairli.ngaistrInguNAtnetAnatIto bhavati prabho |
\indent ##\hspace{1in}## kimAchAraH katha.nchaitA.nstrInguNAnativartate || 21||\newline%@

teNeM toSheM vIra puse| jI koNhI chinhIM to dise| jayAmAjIM vase| aisA bodhu || 320||
to nirguNa kAya Achare| kaiseni guNa nistare| heM sAMgijo mAhereM| kR^ipecheni || 321||
yayA arjunAchiyA prashnA| to ShaDguNAMchA rANA| parihAru AkarNA| bolatu ase || 322||
mhaNe pArthA tujhI navA{I}| heM yetuleMchi pusasI kA{I}| teM nAmachi tayA pAhIM| satya laTikeM || 323||
guNAtIta jayA nAMveM| to guNAdhIna tarI navhe| nA hoya tarI nAMgave| guNAM yayA || 324||
parI adhIna kAM nAMgaveM| heMchi kaiseni jANAveM| guNAMchiye ravarave\-| mAjIM asatAM || 325||
hA saMdeha jarI vAhasI| tarI sukheM pusoM lAhasI| parisa AtAM tayAsI| rUpa karUM || 326||

\indent ##\hspace{1in}## shrIbhagavAnuvAcha |
\indent ##\hspace{1in}## prakAsha.n cha pravR^itti.n cha mohameva cha pANDava |
\indent ##\hspace{1in}## na dveShTi sa.npravR^ittAni na nivR^ittAni kA.nkShati || 22||\newline%@

tarI rajAcheni mAjeM| dehIM karmAcheM ANojeM| pravR^itti jaiM ghe{I}je| veMTALuni || 327||
taiM mIchi kAM karmaTha| aisA na ye shrImATha| daridraliye buddhI vITa| tohI nAhIM || 328||
athavA sattveMchi adhikeM| jaiM sarveMdriyIM j~nAna phAMke| taiM suvidyatA tokheM| ubhajehI nA || 329||
kAM vADhinnaleni tameM| na giLijechi mohabhrameM| taiM aj~nAnatveM na shrame| gheNeMhI nAhIM || 330||
paiM mohAchyA avasarIM| j~nAnAchI chADa na dharI| j~nAneM karmeM nAdarI| hotAM na duHkhI || 331||
sAyaMpratarmadhyAnhA| yA tinhI kALAMchI gaNanA| nAhIM jevIM tapanA| taisA ase || 332||
tayA vegaLAchi kAya prakAsheM| j~nAnitva yAveM aseM| kAyi jaLArNava pA{u}seM| sAjA hoya \? || 333||
nA pravartaleni karmeM| karmaThatva tayAM kAM game| sAMgeM himavaMtu himeM| kAMpe kAyI \? || 334||
nAtarI moha AliyA| kA{I} pAM j~nAnA mukijaila tayA| ho mA AgIteM unhALeyA| jALavata ase \? || 335||

\indent ##\hspace{1in}## udAsInavadAsIno guNairyo na vichAlyate |
\indent ##\hspace{1in}## guNA vartanta ityeva yo~vatiShThati ne~N{}gate || 23||\newline%@

taise guNAguNakArya heM| AghaveMchi ApaNa Ahe| mhaNauni ekekA nohe| taDAtoDI || 336||
yevaDhe gA pratItI| to dehA AlAse vastI| vATe jAtAM guMtI\-| mAjIM jaisA || 337||
to jiNatA nA haravI| taisA guNa navhe nA karavI| jaisI kAM shroNavI| saMgrAmIMchI || 338||
kAM sharIrA{AM}tIla prANu| gharIM AtithyAchA brAhmaNu| nAnA chohaTAMchA sthANu| udAsu jaisA || 339||
ANi guNAchA yAvAjAvA| DhaLe chaLe nA pAMDavA| mR^igajaLAchA helAvA| meru jaisA || 340||
heM bahuta kAyi bolije| vyoma vAreni na vachije| kAM sUrya nA giLije| aMdhakAreM \? || 341||
svapna kAM gA jiyAparI| jagatayAteM na siMtarI| guNIM taisA avadhArIM| na baMdhije to || 342||
guNAMsi kIra nAtuDe| parI durUni jaiM pAhe koDeM| taiM guNadoSha sAyikhaDeM| sabhyu jaisA || 343||
satkarmeM sAttvikIM| raja teM rajoviShayakIM| tama mohAdikIM| vartata ase || 344||
parisa tayAchiyA gA sattA| hotI guNakriyA samastA| heM phuDeM jANe savitA| laukikA jevIM || 345||
samudrachi bharatI| somakAMtachi dravatI| kumudeM vikAsatI| chaMdru to ugA || 346||
kAM vArAchi vAje vijhe| gaganeM nishchaLa asije| taisA guNAchiye gajabaje| DolenA jo || 347||
arjunA yeNeM laxaNeM| to guNAtItu jANaNeM| parisa AtAM AcharaNeM| tayAchIM jIM || 348||

\indent ##\hspace{1in}## samaduHkhasukhaH svasthaH samaloShTAshmakA~nchanaH |
\indent ##\hspace{1in}## tulyapriyApriyodhIrastulyanindAtmasa.nstutiH || 24||\newline%@

tarI vastrAsi pAThIM poTIM| nAhIM sutAvAMchUni kirITI| aiseM suye diThI| charAchara madrUpeM || 349||
mhaNauni sukhaduHkhAsariseM| kAMTALeM Achare aiseM| ripubhaktAM jaiseM| harIcheM deNeM || 350||
eRhavIM tarI sahajeM| sukhaduHkha taiMchi sevije| dehajaLIM ho{I}je| mAsoLI jaiM || 351||
AtAM teM taMva teNeM sAMDileM| Ahe svasvarUpeMsIchi mAMDileM| sasyAMtIM nivaDileM| bIja jaiseM || 352||
kAM vogha sAMDUni gAMga| righoni samudrAcheM AMga| nistaralI lagabaga| khaLALAchI || 353||
tevIM ApaNapAMchi jayA| vastI jAlI gA dhanaMjayA| tayA dehIM apaisayA| sukha taiseM duHkha || 354||
rAtri taiseM pAhaleM| heM dhAraNA jevIM eka jAleM| AtmArAma dehIM AtaleM| dvaMdva taiseM || 355||
paiM nidritAcheni AMgeMshIM| sApu taishI urvashI| tevIM svarUpasthA sarishIM| dehIM dvaMdveM || 356||
mhaNauni tayAchyA ThAyIM| sheNA sonayA visheSha nAhIM| rat{}nA guMDeyA kAMhIM| neNije bhedu || 357||
gharA yevoM pAM svarga| kAM varipaDo vAgha| parI AtmabuddhIsi bhaMga| kadA navhe || 358||
nivaTaleM na upavaDe| jaLInaleM na virUDhe| sAmyabuddhI na moDe| tayAparI || 359||
hA brahmA aiseni stavijo| kAM nIcha mhaNauni niMdijo| parI neNeM jaLoM vijhoM| rAkhoMDI jaisI || 360||
taisI niMdA ANi stutI| naye koNhechi vyaktI| nAhIM aMdhAreM kAM vAtI| sUryA gharIM || 361||

\indent ##\hspace{1in}## mAnApamAnayostulyastulyo mitrAripakShayoH |
\indent ##\hspace{1in}## sarvArambhaparityAgI guNAtItaH sa uchyate || 25||\newline%@

Ishvara mhaNauni pUjilA| kAM choru mhaNauni gAMjilA| vR^iShagajIM veDhilA| kelA rAvo || 362||
kAM suhR^ida pAsIM Ale| athavA vairI varapaDe jAle| parI neNeM rAtI pAhAleM| teja jevIM || 363||
sAhIM R^itu yetAM AkAsheM| liMpijechi nA jaiseM| tevIM vaishamya mAnaseM| jANijenA || 364||
ANIkahI eku pAhIM| AchAru tayAchyA ThAyIM| tarI vyApArAsi nAhIM| jAleM dise || 365||
sarvAMraMbhA uTakaleM| pravR^ittIcheM tetha mAvaLale| jaLatI gA karmaphaLeM| te to AgI || 366||
dR^iShTAdR^iShTAcheni nAMveM| bhAvochi jIvIM nugaveM| sevI jeM kAM svabhAveM| paiTheM hoye || 367||
sukhe nA shiNe| pAShANu kAM jeNeM mAneM| taisI sAMDImAMDI maneM| varjilI ase || 368||
AtAM kitI hA vistAru| jANeM aisA AchAru| jayAteM tochi sAchAru| guNAtItu || 369||
guNAMteM atikramaNeM| ghaDe upAyeM jeNeM| to AtAM A{I}ka mhaNe| shrIkR^iShNanAthu || 370||

\indent ##\hspace{1in}## mA.n cha yo.avyabhichAreNa bhaktiyogena sevate |
\indent ##\hspace{1in}## sa guNAnsamatItyaitAn brahmabhUyAya kalpate || 26||\newline%@

tarI vyabhichArarahita chitteM| bhaktiyogeM mAteM| sevI to guNAteM| jAkaLUM shake || 371||
tarI koNa mI kaisI bhaktI| avyabhichArA kAya vyaktI| he AghavIchi nirutI| hoAvI lAge || 372||
tarI pArthA pariyesA| mI taMva yetha aisA| rat{}nIM kiLAvo jaisA| rat{}nachi kIM to || 373||
kAM dravapaNachi nIra| avakAshachi aMbara| goDI techi sAkhara| Ana nAhIM || 374||
vanhi techi jvALa| daLAchi nAMva kamaLa| rUkha teMchi DALa\-| phaLAdika || 375||
agA hima jeM AkarShaleM| teMchi himavaMta jevIM jAleM| nAnA dUdha murAleM| teMchi dahIM || 376||
taiseM vishva yeNeM nAMveM| heM mIchi paiM AghaveM| ghe{I}M chaMdrabiMba solAveM| na lage jevIM || 377||
ghR^itAcheM thijaleMpaNa| na moDitAM ghR^itachi jANa| kAM nATitAM kAMkaNa| soneMchi teM || 378||
na ukalitAM paTu| taMtuchi ase spaShTu| na viravitAM ghaTu| mR^ittikA jevIM || 379||
mhaNauni vishvapaNa jAveM| maga taiM mAteM gheyAveM| taisA navhe AghaveM| sakaTachi mI || 380||
aiseni mAteM jANije| te avyabhichArI bhakti mhaNije| yetha bhedu kAMhIM dekhije| tarI vyabhichAru to || 381||
yAkAraNeM bhedAteM| sAMDUni abhedeM chitteM| ApaNa  sakaTa mAteM| jANAveM gA || 382||
pArthA sonayAchI TikA| sonayAsI lAgalI dekhA| taiseM ApaNapeM ANikA| mAnAveM nA || 383||
tejAchA tejauni nighAlA| parI tejIMchi ase lAgalA| tayA rashmI aisA bhalA| bodhu hoAvA || 384||
paiM paramANu bhUtaLIM| himakaNu himAchaLIM| majamAjIM nyAhALIM| ahaM taiseM || 385||
ho kAM taraMgu lahAnu| parI siMdhUsI nAhIM bhinnu| taisA IshvarIM mI Anu| nohechi gA || 386||
aiseni bA samaraseM| dR^iShTi je ulhAse| te bhakti paiM aise| AmhI mhaNoM || 387||
ANi j~nAnAcheM chAMgAveM| iyechi dR^iShTi nAMveM| yogAcheMhI AghaveM| sarvasva heM || 388||
siMdhU ANi jaLadharA\-| mAjIM lAgalI akhaMDa dhArA| taisI vR^itti vIrA| pravarte te || 389||
kAM kuhesIM AkAshA| toMDIM sAMdA nAhIM taisA| to paramapuruShIM taisA| ekavaTe gA || 390||
pratibiMbauni biMbavarI| prabhechI jaisI ujarI| te so.ahaMvR^ittI avadhArIM| taisI hoya || 391||
aiseni maga paraspareM| te so.ahaMvR^itti jaiM avatare| taiM tiyehi sakaTa sare| apaisayA || 392||
jaisA saiMdhavAchA ravA| siMdhUmAjIM pAMDavA| virAleyA viravAvA| heMhI ThAke || 393||
nAtarI jALUni tR^iNa| vanhihI vijhe ApaNa| taiseM bhedu nAshUni jANa| j~nAnahI nure || 394||
mAjheM pailapaNa jAye| bhakta heM ailapaNa ThAye| anAdi aikya jeM Ahe| teMchi nivaDe || 395||
AtAM guNAteM to kirITI| jiNe yA navhatI goShTI| je ekapaNAhI miThI| paDoM saralI || 396||
kiMbahunA aisI dashA| teM brahmatva gA sudaMshA| heM to pAveM jo aisA| mAteM bhaje || 397||
puDhatIM ihIM liMgIM| bhaktu jo mAjhA jagIM| he brahmatA tayAlAgIM| pativratA || 398||
jaiseM gaMgecheni vogheM| DaLamaLita jaLa jeM nighe| siMdhupada tayAjogeM| Ana nAhIM || 399||
taisA j~nAnAchiyA diThI| jo mAteM sevI kirITI| to hoya brahmatechyA mukuTIM| chUDArat{}na || 400||
yayA brahmatvAsIchi pArthA| sAyujya aisI vyavasthA| yAchi nAMveM chauthA| puruShArtha gA || 401||
parI mAjheM ArAdhana| brahmatvIM hoya sopAna| etha mI hana sAdhana| gamena ho || 402||
tarI jhaNIM aiseM| tujhyA chittIM paiseM| paiM brahma Ana nase| mIvAMchUni || 403||

\indent ##\hspace{1in}## brahmaNo hi pratiShThAhamamR^itasyAvyayasya cha |
\indent ##\hspace{1in}## shAshvatasya cha dharmasya sukhasyaikAntikasya cha || 27||\newline%@

\indent ##\hspace{1in}## AUM tatsaditi shrImadbhagavadgItAsUpaniShatsu brahmavidyAyA.n yogashAstre
\indent ##\hspace{1in}## shrIkR^iShNArjunasa.nvAde guNatrayavibhAgayogonAma chaturdasho.adhyAyaH || 14a ||\newline%@

agA brahma yA nAMvA| abhiprAyo mI pAMDavA| mIchi bolije AghavA| shabdIM ihIM || 404||
paiM maMDaLa ANi chaMdramA| donhI navhatI suvarmA| taisA maja ANi brahmA| bhedu nAhIM || 405||
agA nitya jeM niShkaMpa| anAvR^ita dharmarUpa| sukha jeM umapa| advitIya || 406||
viveku ApaleM kAma| sArUni ThAkI jeM dhAma| niShkarShAcheM niHsIma| kiMbahunA mI || 407||
aiseseM ho avadhArA| to ananyAchA soyarA| sAMgatase vIrA| pArthAsI || 408||
yetha dhR^itarAShTra mhaNe| saMjayA heM tUteM koNeM| pusaleniviNa vAyANeM| kAM bolasI \? || 409||
mAjhI avasarI te pheDI| vijayAchI sAMgeM guDhI| yeru jIvIM mhaNe sAMDIM| goThI yiyA || 410||
saMjayo vismayo mAnasIM| AhA karUni rasarasI| mhaNe kaiseM pAM deveMsI| dvaMdva yayA \? || 411||
tarI to kR^ipALu tuShTo| yayA viveku hA ghoMTo| mohAchA phiTo| mahArogu || 412||
saMjayo aiseM chiMtitAM| saMvAdu to sAMbhALitAM| harikhAchA yetu chittA| mahApUru || 413||
mhaNauni AtAM yeNeM| utsAhAcheni avataraNeM| shrIkR^iShNAcheM bolaNeM| sAMgijaila || 414||
tayA axarA{A}MtIla bhAvo| pAvavIna mI tumachA ThAvo| A{i}kA mhaNe j~nAnadevo| nivR^ittIchA || 415||
iti shrIj~nAnadevavirachitAyAM bhAvArthadIpikAyAM guNatrayavibhAgayogonAma chaturdasho.adhyAyaH ||
%End of 14@
\bigskip\hrule\medskip
##
{\rm \Large
Encoded and proofread by
Chhaya Deo, Sharad Deo, and Vishwas Bhide.
Assisted by
Sunder Hattangadi, Joshi, and Shree Devi Kumar.}
\medskip\hrule\obeylines
{\rm Please send corrections to sanskrit at cheerful dot c om}
{\rm Last updated \today}
\end{document}