कैलासचतुर्द्वारस्थलिङ्गाभिधानम् २
(कैलासदक्षिणद्वारस्थलिङ्गाभिधानस्तोत्रम् २)
ईश्वरः -
अघोरेशः कपालीशः कुक्कुरेशोऽनलेश्वरः ।
इन्द्रेश्वरो यमेशश्च नैरृतीशो नभेश्वरः ॥ २॥
उदावर्तीश्वरश्चैव दक्षिणावर्तकेश्वरः ।
विकुण्ठेशः कुठारेशो मानवेशः कुलेश्वरः ॥ ३॥
जापकेशो मौलिकेशश्चार्जुनेशः कनीश्वरः ।
भगदन्तेश्वरश्चैव नहुषेशोऽमृतेश्वरः ॥ ४॥
तङ्गणेशश्च सन्धीशो मध्यमेशो गलेश्वरः ।
विद्येश्वरः पन्नगेशः क्रथनेशो निशेश्वरः ॥ ५॥
दिवोदासेश्वरो राथीरथेशश्शौनकेश्वरः ।
गणभद्रेश्वरश्चैव शेषेशो वासुकीश्वरः ॥ ६॥
शङ्खपालेश्वरचैव चित्रगुप्तेश्वरस्तथा ।
दण्डपाणीश्वरश्चैव दुर्गेशस्सारसेश्वरः ॥ ७॥
हंसेश्वरो मयूरेशश्चक्रवाकेश्वरस्तथा ।
मन्थानेशो मन्मथेशोरतीशो गन्धकेश्वरः ॥ ८॥
भाण्डीरेशो वनेशश्च पुरन्ध्रीशः फलेश्वरः ।
कारणेशस्तारणेशः कृत्तिवासेश्वरस्तथा ॥ ९॥
जनार्दनेशो विश्वेशो महाकालेश्वरस्तथा ।
सरस्वतीशो लक्ष्मीशश्शचीशश्शक्रकेश्वरः ॥ १०॥
पुलहेशः पुलस्त्येशो वृद्धकालेश्वरस्तथा ।
भारद्वाजेश्वरश्चैव सागरेशो रमेश्वरः ॥ ११॥
विलेखनेश्वरश्चैव चित्रेशः (बिल्वेशः) पादकेश्वरः ।
पिण्डारेशो वसीशश्च तिलकेशो ध्रुवेश्वरः ॥ १२॥
भवेश्वरो(बभ्रेशो)ऽर्णवेशश्च क्षीभ्रणीशो दलेश्वरः ।
करन्धमेशः कृष्णेशो रमेशः कैर्ण(पर्ण)केश्वरः ॥ १३॥
गङ्गाधरेशो मौनेशः कुरुभद्रेश्वरस्तथा ।
कन्दलेशश्च सालेशस्तालेशो बिल्वकेश्वरः ॥ १४॥
अप्सरेशो मोक्षकेशो भूदारेशः पथेश्वरः ।
विराधेशः कोङ्कणेशो रभसेशश्चलेश्वरः ॥ १५॥
हरिद्रेशः कुङ्कुमेशो नरकोत्तारणेश्वरः ।
सुखेश्वरो ज्ञानकेशो भक्तीशो मुक्तिकेश्वरः ॥ १६॥
ऋणमोचेश्वरश्चैव कान्तीशः पावनेश्वरः ।
(ऋणमोचनेशः कान्तीशो धर्मेशः पावनेश्वरः) ।
पवनेशः पुरञ्जेशो गोकर्णेशो वटेश्वरः ॥ १७॥
शालिकेशो विशालेशो वीतिहोत्रेश्वरस्तथा ।
विश्वेश्वरश्च भीमेशश्शङ्करेशोऽमितेश्वरः ॥ १८॥
पारिजातेश्वरश्चैव मन्दारेशो जटेश्वरः ।
त्रिजटेशश्शिखण्डीशो बर्हीशः पनसेश्वरः ॥ १९॥
फणामणीश्वरो देवि रामेशो लक्ष्मणेश्वरः ।
अरुन्धतीशो वागीशः पद्मगर्भेश्वरस्तथा ॥ २०॥
हरिन्मणीशो भक्ष्येशः कुशलीशस्तरीश्वरः ।
उद्दालकेश्वरो नक्तञ्चरेशोऽपर्णकेश्वरः ॥ २१॥
शाण्डिल्येशश्छागलेशो निरिच्छेशः कुशेश्वरः ।
दूर्वेश्वरोऽनमित्रेशः कर्कन्धेशोऽगुणेश्वरः ॥ २२॥
कुरुविन्देश्वरश्चैव पट्टीशः कुटजेश्वरः ।
श्रीशैलेशो गणेशश्च हरिद्वारेश्वरस्तथा ॥ २३॥
गङ्गाद्वारेश्वरश्चैव कुरुक्षेत्रेश्वरस्तथा ।
सुराभाण्डेश्वरश्चैव ययातीशः कुथेश्वरः ॥ २४॥
वाराणसीश्वरश्चैवाप्यविमुक्तेश्वरस्तथा ।
कालहस्तीश्वरश्चैव विष्णुचक्रप्रदेश्वरः ॥ २५॥
रोमन्थेशोऽप्यगस्त्येशो मालवेशो भगेश्वरः ।
अङ्कोलेशः प्रधानेशो मारुतेशो भवेश्वरः ॥ २६॥
नक्षत्रेशस्तालकेशो भल्लिकेशः कुहेश्वरः ।
रोगहारीश्वरश्चैव त्रिजटेशो घनेश्वरः ॥ २७॥
सुपर्णेशस्ताण्डवेशो मण्डलेशो मतीश्वरः ।
तक्षकेशः प्रवालेशो हरिभद्रेश्वरस्तथा ॥ २८॥
विरोधेशस्तुम्बुरेशो नारदेशो गरेश्वरः ।
रम्येश्वरो विद्रुमेशः कर्दमेशस्तृणेश्वरः ॥ २९॥
शूलटङ्केश्वरचैव छद्मकेशो वलीश्वरः ।
मरुधामेश्वरश्चैव सिन्धूरेशो घृणीश्वरः ॥ ३०॥
व्रातेश्वरः प्रयागेशः प्रतिष्ठानपुरेश्वरः ।
गोदावरीश्वरचैव ताम्रपर्णीश्वरस्तथा ॥ ३१॥
मरुद्वृधेश्वरश्चैव पम्पेशः पङ्किलेश्वरः ।
फेनेशो बुद्बुदेशश्चाप्यावर्तेशस्सुमेश्वरः ॥ ३२॥
कुलेश्वरो विराटेशः पलाशेशस्स्थितीश्वरः ।
प्रलयेशो जाग्रदीशस्त्रिलोकेशः क्षितीश्वरः ॥ ३३॥
पञ्चकेशो व्रतीशश्च यज्ञेशो दुम्बरेश्वरः ।
बालीशश्चैव पालीशः पलीशो बभ्रवेश्वरः ॥ ३४॥
गन्धद्वारेश्वरश्चैव घण्टेशो वरुणेश्वरः ।
प्रभासेशः पुष्करेशो रुद्रकोटीश्वरस्तथा ॥ ३५॥
वल्मीकेशस्सुन्दरेशस्तृणज्योतीश्वरस्तथा ।
गायत्रीशस्सवित्रीशः कालद्वारेश्वरस्तथा ॥ ३६॥
तुङ्गेशो भीमचण्डेशो रत्नगर्भेश्वरस्तथा ।
देवेश्वरो हीरकेशो रन्तिदेवेश्वरस्तथा ॥ ३७॥
कालञ्जरेश्वरोऽब्धीशः पैप्पलादेश्वरस्तथा ।
गन्धर्वेशस्त्रिशूलेशो रजनीशो दिनेश्वरः ॥ ३८॥
चित्रघण्टेश्वरश्चैव द्वारपीठेश्वरस्तथा ।
त्रिकूटेशो मङ्गलेशस्तथैवामलकेश्वरः ॥ ३९॥
मुद्रेशस्ताटकेशश्च त्रिदण्डीशोऽगजेश्वरः ।
कात्यायनीश्वरश्चैव याज्ञवल्क्येश्वरस्तथा ॥ ४०॥
त्वष्ट्रेशो विश्वकर्मेशो यमेशो रथकेश्वरः ।
वसुन्धरेश्वरश्चैव क्षौमेशो नालकेश्वरः ॥ ४१॥
मित्रेश्वरश्च कर्त्रीशः (कण्ठेशः) काव्येशो विबुधेश्वरः ।
भौमेश्वरो भर्तृकेशः करहट्टेश्वरस्तथा ॥ ४२॥
गृध्रेशः कङ्कतीशश्च काव्येशस्स्वर्णदेश्वरः ॥ ४३॥
- -
एतानि दिव्यमणिधामगतानि देवि लिङ्गानि याम्यसुभगोद्यतसोममौलि ।
चन्द्रोपलाकलितलिङ्गततीनि पश्य चाग्नेयनैऋतततानि शिवेऽघहन्तृ ॥ ४४॥
॥ इति शिवरहस्यान्तर्गते माहेश्वराख्ये कैलासचतुर्द्वारस्थलिङ्गाभिधानम् -
१ - कैलासदक्षिणद्वारस्थलिङ्गाभिधानस्तोत्रम् ॥
- ॥ श्रीशिवरहस्यम् । माहेश्वराख्यः प्रथमांशः । अध्यायः ४१ - कैलासदक्षिणद्वारलिङ्गाभिधानम् । २-४४॥
- .. shrIshivarahasyam . mAheshvarAkhyaH prathamAMshaH . adhyAyaH 41 - kailAsadakShiNadvAralingAbhidhAnam . 2-44..
Notes:
Īśvara ईश्वर lists the names of the several Śivaliṅga-s शिवलिङ्ग around Kailāsa कैलास in the Four Cardinal direction - among which are the Śivaliṅga-s शिवलिङ्ग at the Southern Gate spanning from āgneyakoṇa आग्नेयकोण (South East) to the nairṛtyakoṇa नैरृत्यकोण (South West). He mentions to Devī देवी; at the conclusion of the list of the Northen Gate, the merits of worshipping and reciting the names of all of the four groups of Śivaliṅga-s शिवलिङ्ग.
Encoded and proofread by Ruma Dewan