आत्मनाथस्तुतिः रुद्रकृता
चतुर्वेदपुरीशाय शाश्वतायादिमूर्तये ।
आत्मनाथाय जगतां गुरवे ब्रह्मणे नमः ॥ १॥
सद्घनानन्दकन्दाय चिदानन्दस्वरूपिणे ।
कुन्दभूरुहवासाय गुरवे ब्रह्मणे नमः ॥ २॥
विधातृहरिमुख्यानां विश्वेषां जगतामपि ।
ज्ञानदात्रे सुमहते गुरवे ब्रह्मणे नमः ॥ ३॥
अणोरणीयसे तस्मै महतश्च महीयसे ।
तुर्यातीताय शुद्धाय गुरवे ब्रह्मणे नमः ॥ ४॥
स्रष्टुं विधातृरूपाय रक्षितुं विष्णुरूपिणे ।
संहर्तुं कालरूपाय गुरवे ब्रह्मणे नमः ॥ ५॥
विधिविश्वम्भराभीष्टप्रदाब्जचरणाय ते ।
विश्वातीताय विश्वस्मै गुरवे ब्रह्मणे नमः ॥ ६॥
सहस्रशिरसे तुभ्यं सहस्राक्षिभुजाङ्घ्रये ।
सहस्रागमवेद्याय गुरवे ब्रह्मणे नमः ॥ ७॥
पञ्चाननाय देवाय पञ्चब्रह्मस्वरूपिणे ।
पञ्चाक्षरस्वरूपाय गुरवे ब्रह्मणे नमः ॥ ८॥
मद्भर्त्रे जगतां पित्रे कारणत्रयहेतवे ।
नमस्तुभ्यं नमस्तुभ्यं नमस्तुभ्यं नमो नमः ॥ ९॥
अपराधायुतोपेतं महाकल्मषमानसम् ।
पाहि मां पाहि मां नित्यं पाहि मामात्मनायक ॥ १०॥
रुद्रेशकथितं स्तोत्रं दशकं यः पठेत् पुमान् ।
कालमृत्युमतिक्रम्य स चिरायुः सुखी भवेत् ॥ ११॥
इति श्रीरुद्रकृता आत्मनाथस्तुतिः समाप्ता ।
Proofread by Aruna Narayanan
Tirupperunthurai (also called the
Athmanathaswamy temple) is located in
Avudaiyarkoil village, near Aranthangi in
the Pudukkottai district of Tamil Nadu. It
was built to honor Lord Shiva. The presiding
deity is formless (Atmanatar); there is no
Śivalingam but only a pedestal (AvudayAr)
located in the sanctum, hence the name
Avudayar Koil. The God faces South in this
temple- in Dakshinamurthy or Guru form. His
consort is worshipped as SivayoganAyaki
(YogAmbAl) in iconless form. There is no
Nandi bull icon as is conventional in almost
all Shiva temples.
There is deep spiritual significance in
this. Hinduism allows deity worship for the
novice. As one's devotion matures, one begins
to contemplate the truth of formlessness of
the Brahman. The temple has been designed
to illustrate this theology. This one of the
rarest Saivite shrines in whole of India to
portray the supreme truth symbolically. Since
the soul (athma) has no form, the deity is
called Athmanathar.
Legend has it that Manickavasagar, one of the
four Saivite savants, constructed the temple
at Avudaiyarkoil.