रकाराक्षरपूर्वकं श्रीरामसहस्रनामस्तोत्रम्
ब्रह्मयामले सृष्टिप्रशंसायाम् ।
श्रीगणेशाय नमः ।
श्रीदेव्युवाच ।
ॐ देवदेव महादेव भक्तानुग्रह कारक ।
त्वतः श्रुतं मया पूर्वं मन्त्राणि शतकोटयः ॥ १॥
तन्त्राणि तन्त्रजालानि सरहस्यानि यानि च ।
तानि तानि महासिद्धिः कल्पितानि शुभानि च ॥ २॥
गुटिका पादुका सिद्धिः परकाय प्रवेशनम् ।
वाचासिद्धिश्चार्थसिद्दि च तथा सिद्धिर्मनोमयी ॥ ३॥
ज्ञान विज्ञान कर्माणि नाना सिद्धि कराणि च ।
लक्ष्मीकुतूहला सिद्धि वाञ्छासिद्धिश्चखेचरी ॥ ४॥
केनेदं सर्वमाप्नोति देवमे वद तत्त्वतः ।
श्रीशिव उवाच ।
लक्षवार सहस्राणि वारितासि च त्वं प्रिये ॥ ५॥
स्त्री स्वभावान्महादेवि पुनस्त्वं परिपृच्छति ।
श्रीदेव्युवाच ।
प्राणनाथ शिव शम्भो करुणानिधिशङ्कर ॥ ६॥
श्रीरामतत्त्वजिज्ञासा जायते परमेश्वर ।
रहस्यं रामचन्द्रस्य रकाराक्षरपूर्वकम् ॥ ७॥
रामसाहस्रकं ब्रूहि यद्यहं तव वल्लभा ।
नारी वा पुरुषो वाऽपि स्मृत्वा ब्रह्मत्वमाप्नुयात् ॥ ८॥
तद्रहस्यं समासेन वदस्व करुणानिधे ।
श्रीशिव उवाच -
महागुह्यं महागोप्यं महामङ्गलदायकम् ॥ ९॥
महासिद्धिकरं पुंसां महाव्याधिविनाशनम् ।
महापापहरं साक्षात् सर्वसौभाग्यवर्धनम् ॥ १०॥
राज्यं देयं शिरो देयं देयं स्त्री पुत्रकं शिवे ।
आत्मतुल्य धनं देयं न देयं रामतत्वकम् ॥ ११॥
तथापि नामसाहस्रं देवानामपि दुर्लभम् ।
न प्रोक्तं कस्यचित् काऽपि कस्मिन् काले महेश्वरि ॥ १२॥
तव स्नेहात् प्रवक्ष्यामि शृणुत्वं शुभगानने ।
विनियोगः -
ॐ अस्य श्रीरकारादिश्रीरामसहस्रनामस्तोत्रमन्त्रस्य
श्रीभगवान्नारायण ऋषिः । श्रीदेवी गायत्री छन्दः।
श्रीरामचन्द्रो देवता । श्री रां क्लीं बीजं। ह्रीं शक्तिः ।
ॐ अव्यक्त इति कीलकम् । मम धर्मार्थकाममोक्षार्थे जपे विनियोगः ॥
ऋष्यादिन्यासः -
ॐ श्रीभगवन्नारायणऋषये नमः शिरसि ।
ॐ श्रीदेवी गायत्री छन्दसे नमः मुखे ।
ॐ श्रीरामचन्द्रदेवतायै नमः हृदि ।
ॐ रां क्लीं बीजाय नमः गुह्ये ।
ॐ ह्रीं शक्तये नमः पादयोः ।
ॐ अव्यक्त कीलकाय नमः सर्वाङ्गे ॥
करन्यासः -
ॐ रां श्रीं क्रुद्धोल्काय स्वाहा - अङ्गुष्ठाभ्यां नमः ।
ॐ रां क्लीं महोल्काय स्वाहा - तर्जनीभ्यां नमः ।
ॐ रां ह्रीं वीरोल्काय स्वाहा - मध्यामाभ्यां नमः ।
ॐ रां रीं विद्युल्काय स्वाहा - अनामिकाभ्यां नमः ।
ॐ रां क्रूं क्लीं अर्धोल्काय स्वाहा - कनिष्ठिकाभ्यां नमः ।
ॐ रां रां रां श्रीं क्लीं ह्रीं रां क्रूं क्लीं
सहस्रोल्काय स्वाहा-करतलकरपृष्ठाभ्यां नमः ॥
अङ्गन्यासः -
ॐ रां श्रीं क्रुद्धोल्काय स्वाहा हृदयाय नमः ।
ॐ रां क्लीं महोल्काय स्वाहा शिरसे स्वाहा ।
ॐ रां ह्रीं वीरोल्काय स्वाहा शिखायै वषट् ।
ॐ रां रीं विद्युल्काय स्वाहा - कवचाय हुम् ।
ॐ रां क्रूं क्लीं अधोल्काय स्वाहा - नेत्रत्रयाय वौषट् ।
ॐ रां रां रां श्रीं क्लीं ह्रीं रां क्रूं क्लीं सहस्रोल्काय स्वाहा-अस्त्राय फट् ॥
ध्यानम् -
नीलेन्दीवरतुल्यश्यामवदनं पीताम्बरालङ्कृतम्
मुद्रां ज्ञानमयीं दधानमपरां पद्मासने संस्थिताम् ।
सीतां पार्श्वगतां सरोरुहकरां विद्युन्निभां राघवम्
पश्यन्तीं मुकुटां गदादि विविधैः कल्पोज्वलाङ्गं भजे ॥ १३॥
अथ स्तोत्रम् ।
ॐ रामो रामकरो दीप्तो रक्तनेत्रो रमापतिः । (दीर्घो)
रणभूमिविहारी च रक्तपादो रुणच्छविः ॥ १४॥
रघुवीरो महावीरो धीरो वै सर्वराट् रविः ।
रङ्गनाथार्चितपदो रामो राजीवलोचनः ॥ १५॥
राजधर्मप्रियोऽरिष्टो विशिष्टो राक्षसान्तकृत् ।
रामो अनन्तमर्यादापालको राघवो हरिः ॥ १६॥
रम्भाफल कृताहारो रम्भाप्राण सुरोत्तमः ।
रमारमणसर्वेशो रघुवंश कृतालयः ॥ १७॥
रत्नरत्नानि वर्माणि दिव्यरत्नविभूषितः ।
ऋषीश्वरो महाप्राज्ञो राजत्केयूरकुण्डलः ॥ १८॥
रञ्जको भञ्जको खर्वो रक्तवस्त्रसदाप्रियः ।
रणमूर्त्तिः रणेकर्मा रणध्यानपरायणः ॥ १९॥
रणयुद्धरतो विद्वान् रणविद्यातिचातुरः ।
रिम्फतुं स्फुरिताङ्गानि राजीवो राजसप्रियः ॥ २०॥
रङ्गमूर्तिः राजभोगी राज्यभोगप्रदः पुमान् ।
रमाकर्मरतो वीरो रमासन्तुष्टचेतसः ॥ २१॥
रमाविहारी रघुराट् रमासत्यैकविग्रहः ।
रमाविग्रहधारी च रमाध्यानपरायणः ॥ २२॥
रमाऽभिचारनिरतो रमाऽऽज्ञापरिपालकः ।
रमाकर्मैकसन्तुष्टो रमारमणवत्सलः ॥ २३॥
रमाप्रमोदसहितो रमा अग्रगतो हरिः ।
रमासहायो भगवान् रावणप्राणहारकः ॥ २४॥
रमासर्वकरी साक्षी रामभद्रो रमानिधिः ।
रमाप्रियो रमेयात्मा रमाभाग्य विवर्द्धनः ॥ २५॥
रमाकान्तो रमानाथो राघवोऽरिष्टभञ्जनः ।
रमा विश्वस्य जननी राघवेन्द्रस्वरूपधृक् ॥ २६॥
रमाप्रचारी भगवान् रमासम्बोधनप्रियः ।
रमाकार्यरतो रिक्तो रमालावण्यसम्भवः ॥ २७॥
रामादानरतो श्रीशो रमापालनपालकः ।
रमारमेन्द्र रक्ताङ्गो रक्तविग्रहविग्रहः ॥ २८॥
रमादयाकरो विष्णुः आदिनारायणः कविः ।
रमाविश्वस्वरूपात्मा श्रीकृष्णः कालशासनः ॥ २९॥
रमासर्वकरीयन्त्रः रामचन्द्रमनुव्रतः ।
राघवो भाग्यवान् वीरो रणमध्ये जयप्रदः ॥ ३०॥
रमा सङ्घेन संरम्भो रमापूजा सदाप्रियः ।
रमाहास्य सुहासी च रमासख्यैकसुन्दरः ॥ ३१॥
रमाविधानसम्पन्नो रमानन्दनकारकः ।
रमासर्वपरितृप्तो रमाकारणकारणः ॥ ३२॥
रमामानप्रकारी च रमाज्ञानविशारदः ।
रमाखेलनखेला च रमावेला रमापतिः ॥ ३३॥
रमासङ्कटहर्त्ता च नृसिंहो भक्तवत्सलः ।
रमाप्रतीतसहित तस्याज्ञापरिपूर्णतः ॥ ३४॥
रामचन्द्रश्चन्द्र लक्ष्मी रमाचर्चितपादयः ।
रमालोकविलासी च रमा रामस्य सर्वदा ॥ ३५॥
रमासुधर्मकर्मा च रमासर्वार्थसाधकः ।
रमाकीटपतङ्गाद्या रमा सर्वमिदं जगत् ॥ ३६॥
रमापादमहापुण्यमयो रामो धुरन्धरः ।
रमाप्रवीणो विश्वात्मा सर्वात्मा विश्वपूजितः ॥ ३७॥
रमास्थावररूपा च रघुवंशेऽतिनिर्मलः ।
रमाप्रसादसहितो रमाचञ्चलचञ्चलः ॥ ३८॥
रमाभरणभूतात्मा रमापोषणकारकः ।
रमापूर्णित पूर्णात्मा रमावाराहसंयुतः ॥ ३९॥
रमाकूर्मेणसहिता रमामत्स्यसमन्विताः ।
रमानृसिंहसहिता रमावामनसंयुता ॥ ४०॥
रमा रामेणसहिता रमाकृष्णपरायणा ।
रमा बौद्धस्वरूपा च रमा कल्किस्वरूपधृक् ॥ ४१॥
रमाविष्णुस्वरूपात्मा रमा राम सदागतिः ।
रमा मतिस्वरूपात्मा रमासंसर्गसङ्गमः ॥ ४२॥
रमाप्रधानमानज्ञो रमासर्वेश्वरो हरिः ।
रमाशरीरवासी च रमाविज्ञानदर्शकः ॥ ४३॥
रमातत्त्वोपदेष्टा च रमामन्त्रपरायणः ।
रमाभोगप्रदाता च रमादुःखविमोचकः ॥ ४४॥
रमासुरेन्द्रचर्चातु रमा मानसमानसः ।
रमातर्पणतृप्ता रमागाथाऽरुणाकृतिः ॥ ४५॥
रमागौरिमयीमूर्त्तिः रमाश्यामास्वरूपका ।
रमा पीतस्वरूपा च रघुनाथो पुरातनः ॥ ४६॥
रमाकरो रमादान्तो रमासत्त्वो रमाच्छविः ।
रमाऽधरो महावीरो रमा अव्यक्तदर्शनः ॥ ४७॥
रमातत्त्व परिज्ञानी रमाराज्यविहारकः ।
रमारेवातटे धीरो रमामन्त्रजपोत्कटः ॥ ४८॥
रमासुरेन्द्रवन्द्याश्च रघुः सर्वाङ्गसुन्दरः ।
रमा आब्रह्मसंयुक्ता राघवस्य प्रिया सतीः ॥ ४९॥
रमा यज्ञमयी मूर्तिः रामचन्द्रस्य सङ्गतिः ।
रमारूपी रामचन्द्रो परब्रह्मस्वरूपकः ॥ ५०॥
रक्तचन्दनलिप्ताङ्गो रक्तमाल्यानुलेपनः ।
रक्तपुष्पप्रियो रामो वेदविद्याविशारदः ॥ ५१॥
रक्तवस्त्रविलासी च राघवो रघुपुङ्गवः ।
रमा सेवाकरो यस्य सत्यसन्धः प्रतापवान् ॥ ५२॥
राजाधिराजो भगवान् चतुर्धा मूर्तिधारकः ।
राजेन्द्रो भवहर्त्ता च राक्षसेन्द्रवरप्रदः ॥ ५३॥
राजकीर्त्तिर्लोकमूर्त्तिः रामः सत्यपराक्रमः ।
रमा यस्यार्धदेहस्था रामो घोराद्यमर्दनः ॥ ५४॥
राघवेन्द्रो वीरभद्रो रणकर्कशकर्कशः ।
राकिन्याद्यामहाशक्तिः सेव्यमानपदाम्बुजः ॥ ५५॥
रमारमिण्यासर्वेशो महाराजो महाद्युतिः ।
राज्यदो भक्तभक्तानामभक्तानां च किङ्करः ॥ ५६॥
रतिप्रियो रतिनाथो रागी रागविशारदः ।
रविः शनैश्चरो भद्रो ग्रहरूपी जनार्दनः ॥ ५७॥
रामकला रामक्लिन्नो रमाभाग्यो रमाऽङ्गदः ।
रमाराम भवो भीमो भयभीतिविनाशकृत् ॥ ५८॥
रमाक्रिया रमावीर्यो सर्वधर्मैकसाधकः ।
रक्तपात्रप्रियो रामो रक्तनेत्रवरः प्रभुः ॥ ५९॥
रक्तमांसप्रियो वीरो नारायणस्वरूपकः ।
रक्तास्थिचर्वको विद्वान् दीनानाथो दिनः प्रभुः ॥ ६०॥
रमारक्तेश्वरो शुद्धो रामश्चैतन्यचेतसः ।
रामो अपूर्वकर्मज्ञो धर्मकर्मप्रवर्तकः ॥ ६१॥
रामो विश्वस्य कर्ता च रामो विश्वस्य नन्दनः ।
रामो विश्वस्य लुप्ता च रामो विश्वकुलान्तकः ॥ ६२॥
रामो विश्वस्य भर्त्ता च रामो राज्याधिपेश्वरः ।
रामो जगद्धितो वीरो रामः सर्वार्थदर्शकः ॥ ६३॥
रामो विरामो विरजो कौशल्यानन्दवर्धनः ।
रामः सुरातृप्तिकर्ता रामो मांसस्य भक्षकः ॥ ६४॥
रामः श्रीशाम्भवः साक्षात् श्रीसीता शाम्भवी परा ।
रामश्चक्रप्रचारी च रामस्त्रैलोक्यव्यापकः ॥ ६५॥
रामः सदाशिवो मूर्त्तिः कालमूर्तिर्दिगम्बरः ।
रामः कृपाकरो देवो विश्वव्यापी निरञ्जनः ॥ ६६॥
रामो निरामयो नित्यो नित्यसर्वगतोऽव्ययः ।
रामो वायुस्वरूपात्मा रामाकाश्यैकरूपकः ॥ ६७॥
रामो धरामूर्त्तिरूपो रामः कालान्तको हरिः ।
रामो विभीषणश्रीदः परब्रह्ममयोदितः ॥ ६८॥
रामो राक्षसहन्ता च राक्षसानां कुलान्तकः ।
रम्यमानपदाम्भोजः रमते सकलं जगत् ॥ ६९॥
रुक्मिणीप्रियकर्त्ता च रुक्मिणीमानसेस्थितः ।
रुक्मिणी चार्थदाता च रुक्मिणी वल्लभो हरिः ॥ ७०॥
रुक्मिणीसिद्धिदः सिद्धो सिध्यसाध्यादिवन्दितः ।
रुक्मिणीप्रियभाग्यश्च रुक्मिणीभाग्यवर्धनः ॥ ७१॥
रुक्मिणीभक्तिभक्तश्च रुक्मिणीसौख्यदर्शकः ।
रुक्मिणीश्रीस्वरूपा च रुक्मिणीप्राणनायकः ॥ ७२॥
रुक्मिणीभोगभुक्तश्च रुक्मिणीभगतर्पणः ।
रुक्मिणीदुःखहर्त्ता च रुक्मिणीदिव्यदर्शनः ॥ ७३॥
रुक्मिणीरूपरूपा च स्त्रीरूपा च पतिव्रताः ।
रुक्मिणीसङ्गसङ्गा च रामो नारायणोऽव्ययः ॥ ७४॥
रुक्मिणीराज्यदाता च रुक्मिणीवाक्यसिद्धिदः ।
रुक्मिणी कष्टहर्ता च रुक्मिणी द्वारकेश्वरी ॥ ७५॥
राधाऽऽराधितवित्तात्मा राधावन्दित सर्वदा ।
राधानामसदाऽऽनन्दः राधात्रैलोक्यमोहिनी ॥ ७६॥
राधासिद्धि सुनिष्ठा च राधाभक्तिरतो रघुः ।
राधारूपी रामचन्द्रो राधामोहनमोहनः ॥ ७७॥
राधामन्त्रस्वरूपात्मा श्रीमान्दाशरथिः प्रभुः ।
राधासुखनिधानं च रामो विश्वस्य मोहनः ॥ ७८॥
राधाप्राणतृप्तिकरो राधाकर्मप्रचारकः ।
राधासत्यव्रताधीनो रामनाम सदागतिः ॥ ७९॥
रकारः सर्वदेवानां साक्षात् कालानलः प्रभुः ।
रकारः सर्वदेवानां तेजपुञ्जः सनातनः ॥ ८०॥
रकारः सर्वभूतानां जीवरूपी जनार्दनः ।
रकारः सर्वजीवानां सर्वपापस्य दाहकः ॥ ८१॥
रकारः सर्वसौख्यानां सिद्धिदस्तु पुरातनः ।
रकारः सर्वविद्यानां वेदस्तत्त्वसनातनः ॥ ८२॥
रकारः सर्वसाध्यानां साधकोऽनन्तरूपधृक् ।
रकारः सर्वभूतानां व्याप्यव्यापकमीश्वरः ॥ ८३॥
रकारोत्पद्यते नित्यं रकारो लीयते जगत् ।
रकारो निर्विकल्पश्च शुद्धबुद्ध सदाऽव्ययः ॥ ८४॥
रकारः सर्वकामश्च परिपूर्णमनोरथः ।
रकारो जायते ब्रह्या रकारो जायते हरिः । ॥ ८५॥
रकारो जायते शम्भुः रकारः सर्वशक्तयः ।
रकारः सर्वदुष्टानां नाशको रघुनायकः ॥ ८६॥
रकारः सर्वसिद्धीनां स्मरणात् दायको गुरुः ।
रकारो धर्मकामानां मोक्षश्चार्थैकसिद्धिकृत् ॥ ८७॥
रकारः सर्वसत्त्वानां महामोदमयः स्वराट् ।
रामहास्यकारी माया रकारो विद्यते सदा ॥ ८८॥
रामकीर्त्तिकरी माया मायारामयशस्करी ।
रामतेजकरी माया सर्वकालेषु सर्वदा ॥ ८९॥
रामराज्यकरी माया राजराजमयो हरिः ।
रामभोगकरी माया कालकाले निरन्तरम् ॥ ९०॥
रामदुर्गमहन्ता च रामसौभाग्यसुन्दरः ।
रामसर्वार्थदाता च भगवान् भवभञ्जनः ॥ ९१॥
रामनाम सदाऽऽनन्दो रामनाम सदागतिः ।
रामनाम सदातुष्टो रामनामस्वरूपकः ॥ ९२॥
रामनामपरा वेदाः रामनाम सदाशुचिः ।
रामनामपरा यज्ञाः रामनामपरो ध्वनिः ॥ ९३॥
रामनामपरं बीजं रामनामपरं जगत् ।
रामो उदारकर्मा च रामश्च सकलं जगत् ॥ ९४॥
रामो दयाकरो दीर्घो दुःखदारिद्र्यमर्दनः ।
रामनाम परं ज्ञानं विश्वं रामस्य चाश्रयम् ॥ ९५॥
रामात् परतरं नास्ति कार्यकारणगौरवम् ।
रामस्तपोनिधिर्देवो दीर्घनेत्रो द्युतिच्छदः ॥ ९६॥
रामः कोशस्य भोक्ता च राजराजो धनाधिपः ।
रामो बाणधरः श्रीमान् चापतूणीरपूरकः ॥ ९७॥
रामः पराक्रमी कामी कामदेवस्य पालकः ।
रामो हरः पार्वतीशो स्मर्यते च दिवानिशम् ॥ ९८॥
राजयोगस्य सिद्धीनां राजराजेश्वरोऽभवेत् ।
रकारादीनि नामानि शृण्वतो मम पार्वति॥ ९९॥
मनः प्रसन्नतामेति रामनामामिशङ्कयाः ।
रामः सुरेन्द्रो रुद्रश्च नारदाद्या महर्षयः ॥ १००॥
रामस्सेवकसेव्यश्च राघवो विश्वराघवः ।
रामस्वरूपी रामात्मा रामः प्राणपतिप्रियः ॥ १०१॥
रामः कृपाकरी मूर्तिः रामभद्रो जयप्रदः ।
रामनाम सदा सेव्यो रामाचार्यो मुनीश्वरः ॥ १०२॥
रामः प्रेमकृपासिन्धुः रामनाम धनप्रदः ।
रामनाम महावीर्यो पूर्णपुण्यविवर्धनः ॥ १०३॥
रङ्कतङ्कश्च कृत्यात्मा रेणुकायार्थदायकः ।
रवीन्द्रो रघुवरो राजराजो महाभुजः ॥ १०४॥
रविः ध्यानं रविः पूजा रविर्मूर्तिः सनातनः ।
रविः सर्वस्व दाता च तेजःपुञ्जमयः पुमान् ॥ १०५॥
रविः कलानिधिः साक्षात् कृष्टभ्रष्टस्तपःक्रियाः ।
रविः कैवल्यवर्ण च रविस्तीव्रोग्रवर्चसः ॥ १०६॥
रविर्नित्यगतो ध्येयो रविः सत्य प्रियंवदः ।
रविर्धर्मा रविः कर्मा रविर्गोप्ता रविर्हुतः ॥ १०७॥
रविर्दाता रविर्भोक्ता रविर्लोकपितामहः ।
रविमूर्त्तिस्तु सर्वेषां देवानामालयं परम् ॥ १०८॥
रविरूपी महाप्राज्ञो रमेशः परमार्थकः ।
ऋक्षसख्यो ऋक्षभृत्यो ऋक्षमन्त्रीकृतः प्रभुः ॥ १०९॥
ऋक्षराज्यप्रदो ऋक्षो ऋक्षाणां पालनोद्यतः ।
ऋक्षराजवधोपेतो सुग्रीवस्यार्थदो विभुः ॥ ११०॥
राजराजेश्वरो विष्णुः राजराजेश्वरी क्रिया ।
राजचक्रप्रवासी च नष्टराज्यार्थी सिद्धिकृत् ॥ १११॥
राजराजाधिराजेशो वीरः सत्यप्रतापवान् ।
राजसेवाकरो जिष्णुः इन्द्रः सर्वाऽखिलेष्टदः ॥ ११२॥
रुरूचर्मपरीधानो रौरवाद्यहरो हरिः ।
राजधानी राजकामी महाराजो मुनीश्वरः ॥ ११३॥
राजप्रियो राजभाग्यो रजोगुणगुणार्चितः ।
रघुवंशी रघुश्रेष्ठो राघवो ज्ञानविग्रहः ॥ ११४॥
रामो रमाप्रियो नित्यो मुनीनां मानसाधिपः ।
रामो नित्यनिजानन्दो रामभक्त दृढव्रतः ॥ ११५॥
राजितः सर्वसर्वाङ्गो राजतकेयूरकुण्डलः ।
राजतूणीरबाणश्च राजच्चापधरो विभुः ॥ ११६॥
राजच्छविः कृपासिन्धुः नीराजितपदाम्बुजः ।
राजासत्येश्वरो वीर्यो विराजः सर्वदुःखहा ॥ ११७॥
रिक्तभक्तप्रशस्तात्मा रिक्ताशक्त वरप्रदः ।
रिक्तप्रियो रिक्तमार्गो रिक्तार्थैकविमर्दनः ॥ ११८॥
रिक्तसेवा रिक्तवर्गो रिक्तस्वभावभावनः ।
रिक्तकर्त्ता रिक्तछेत्ता रिक्तविश्वप्रियंवदः ॥ ११९॥
रिक्तधर्मनिवासी च सर्वाशापरिपूरकः ।
रिक्तवर्मा रिक्तकर्मा रिक्तधर्मबहिष्कृतः ॥ १२०॥
रिक्तसूक्तो रिक्तविद्या धनुर्विद्याधरोहरः ।
रिक्तवेदविधानेन ऋग्वेदस्य प्रियो नलः ॥ १२१॥
रिक्तशास्त्रप्रतिज्ञा च रिक्तरिक्तोज्ज्वलः प्रभुः ।
रिक्तपूज्यो रिक्तसेव्यो नित्यरिक्त्तपस्विनः ॥ १२२॥
रामः परात्मा भगवान् सौभाग्यो भाग्यवर्धनः ।
रामः कमलपत्राक्षो रामस्तत्त्वप्रकाशनः ॥ १२३॥
रामः शुभार्थिनां नित्यो कैवल्यागमनिष्ठितः ।
रामः सुग्रीववाल्मीको रामो वाल्मीकिपूरितः ॥ १२४॥
रामो निरामयो देवो जाम्बवान् भगवान् भवः ।
राजसेवानिवासी च राजकर्ममनुव्रतः ॥ १२५॥
राजत्कटकधारी च विश्वरूपी जनार्दनः ।
रामो विद्यानिधिः कान्तो काकपक्षधरो बुधः ॥ १२६॥
राक्षसारिर्ब्रह्मबन्धुः परब्रह्मेन्द्रसत्कृतः ।
रामो इच्छाप्रचारी च भगवान् भूतभावनः ॥ १२७॥
रामात्मा परमात्मा च विश्वरूपप्रियान्वितः ।
रामो विरामो वैराग्यो महाविज्ञानभैरवः ॥ १२८॥
कुकर्महर्त्ता च रामः श्रीदः क्रियार्थकृत् ।
रामः संसारिणां साध्यः सौख्यदः शरणार्थिनाम् ॥ १२९॥
रामो धरापतीनां च नीतिरूपी सहस्रपात् ।
राक्षसोऽव्यक्तमूर्त्तीश्च भूतभव्यभवत्परः ॥ १३०॥
रीतिनीतिरतो धीमान् उग्रसेनो मतिप्रदः ।
ऋणत्रयविनिर्मुक्तः करुणामयसागरः ॥ १३१॥
रामो गणपतिर्गव्यो सिद्धिबुद्धिसमन्वितः ।
रामो भैरवमूर्तिश्च रामो विश्वस्य दर्पणः ॥ १३२॥
रामः श्रीकामभूतात्मा रामो दिङ्मण्डलावृतः ।
रामो निर्वाणवर्णश्च निर्वाणार्थप्रबोधकः ॥ १३३॥
रामः श्रीसर्वनैमित्यो नित्योनित्य ध्रुवोध्रुवः ।
रामो द्रव्यमयो गम्यो रामः पातालनायकः ॥ १३४॥
रामो ब्रह्माण्डमध्यस्थो गोब्राह्मणहिते रतः ।
रामो द्वितीयःसम्पन्नो निवासी गहनो गुहः ॥ १३५॥
रामो निष्कूटरूपात्मा निष्कूटानां भयङ्करः ।
रामो भीरुमयो गम्यो देवारिभयवर्धनः ॥ १३६॥
रमा तरङ्गरहिता रामभार्यारतिप्रिया ।
रमाकेलिकुलाचारी रमाऽऽचारी गुरोर्गुरः ॥ १३७॥
रश्मिप्रियकरो रम्यो रश्मिदीप्तिकरः पुमान् ।
रामस्सन्तुष्टविश्वात्मा रागगानशुभाननः ॥ १३८॥
रागसारो रागमूर्तिः रागी रागो विरागहा ।
रागसेवा राजनिधिः रतिदो गतिदः स्वरः ॥ १३९॥
राजिकाभोजनाशक्तो राजिकागन्धसत्कृती ।
राजिकाविजयीधीरो राजिकाशाकभोजनः ॥ १४०॥
राजिकाशत्रुहर्त्ता च राजिकानिन्दकान्तकः ।
राजिकाहोमसन्तुष्टो रामचन्द्रो दयानिधिः ॥ १४१॥
राजिकादर्शनः प्रीतो राजिकायाः लघुवृतः ।
राजिकाभञ्जको भीमो राजिकाभावसेवकः ॥ १४२॥
राजिकाव्रतदीप्ताङ्गो राजिकाभाग्यवर्धनः ।
राजिका कुलविद्या च रामचन्द्रो महेश्वरः ॥ १४३॥
राजिकास्तम्भनोत्सर्गो राजिता भक्तरक्षितः ।
राजिकामुख्यवीर्या च राजिकाशक्तिसम्पुटा ॥ १४४॥
राजिकासङ्घसङ्गाअश्च राजिकाचन्दनोद्यता ।
राजिकाविश्वविश्वा च राजिकारिर्विनाशनः ॥ १४५॥
राजिकापुष्पपुष्पा च रामचन्द्रसदाप्रियः ।
राजिकासर्ववश्या च राजिकाभीतिभञ्जनः ॥ १४६॥
राजिका सौम्यसौम्या च राजिकादुष्टखण्डनः ।
राजिका क्रूरकर्मा च राजिका उग्रविग्रहः ॥ १४७॥
राजिकापत्रपद्मा च महाराजो धुरन्धरः ।
राजिकातीव्रवेगा च राजिकावासुकीष्टदः ॥ १४८॥
राजिकामोहनो देवो देवदेवो हरीश्वरः ।
रामनामपरो मन्त्रो रामनामपरा क्रिया ॥ १४९॥
रामनामपरो यज्ञो रामनामपरं जपः ।
रामनामपरं सारं रामलक्ष्मीसमावृतः ॥ १५०॥
रामो अभयकर्त्ता च रामो अरिविनाशनः ।
रामो जले चान्तरिक्षे रामः सर्वत्रमोदकृत् ॥ १५१॥
रामश्शुभानि कर्माणि रामोऽपि अशुभनाशनः ।
रामो मनोभवो देवो मनोमय जगन्मयः ॥ १५२॥
रामो दामोदरो श्रीशो हृषीकेशो महाबलः ।
रामः माधवसर्वाग्रो श्रीदः पुण्यजनावृतः ॥ १५३॥
रामो दैत्यारिः सर्वज्ञो नीललोहितलोचनः ।
रामो महाविघ्नहरो रामः श्रीत्रिपुरान्तकः ॥ १५४॥
रामः शम्भुः ऋषीकेशो ईश्वरः कल्मषापहः ।
रामः पीतारुणाश्यामो सर्वदाऽऽनन्दवर्धनः ॥ १५५॥
रामः साक्षात् कृतध्वंसी व्योमकेशस्वरुपधृक् ।
रामः सर्वच्छविः कान्तः शान्तो विश्वस्य शासनः ॥ १५६॥
रामःशार्ङ्गी महासेनो निजानन्दो महाभुजः ।
रामो हरस्मरो भर्गो सर्वदा धर्मवर्धनः ॥ १५७॥
रामो स्वयंवीतिहोत्रो रामः साक्षाद् धनञ्जयः ।
रामः कृशानुरेता च रामः पिङ्गलपाटलः ॥ १५८॥
रामः स्वयं सुरश्रेष्ठो राम एव त्रिलोचनः ।
राम एव महावीर्यो रामो दिव्यशुचिर्वृतः ॥ १५९॥
राम एव निजं नित्यं बुद्धीन्द्रियमनोमयम् ।
राम एव महाव्यासो राम एव महाबलः ॥ १६०॥
राम एव निजं ब्रह्म राम एव महातपः ।
राम एव महाहंसो रामात्मा गोचरो नरः ॥ १६१॥
रामो नित्यनिराकारो रामो भरतरूपकः ।
रामस्त्रैलोक्यमध्यस्थो रामः सप्तवसुन्धराः ॥ १६२॥
रामः कुमाररूपात्मा रामः पाखण्डभञ्जनः ।
रामो मिथ्याविनाशी च रामः सत्यप्रवर्तकः ॥ १६३॥
रामो विश्वासवासी च सत्यवासी सरोरुहः ।
रामः सर्वगुहागम्यो भक्तानां मानसेष्टदः ॥ १६४॥
रामः प्रभाकरो ज्येष्ठो ईप्सितार्थप्रदर्शकः ।
रामस्तालाङ्कभूभारहारणो मदभञ्जनः ॥ १६५॥
रामः प्राणंऽअपानश्च रामोदानसमानकः ।
रामो नागश्च कृकलो देवदत्तो रमेश्वरः ॥ १६६॥
रामो धनञ्जयः सत्यो रामः पञ्चजनाह्वयः ।
रामः क्रूरस्य क्रूरात्मा वैरामः पुरुषप्रियः ॥ १६७॥
रामश्छलनिहन्तारो रामो दिव्यान्नदायकः ।
रामो दिव्याङ्गनाभोगी रामो ज्ञानवतांबरः ॥ १६८॥
रामो निजपरो मूर्त्तिः मानवाकृतिरीश्वरः ।
रामः श्रीतक्षको तीव्रो महासत्त्वेति चञ्चलः ॥ १६९॥
रामोद्वय सदासीता सहिष्णुर्जगदीश्वरः ।
रामो वीरमतां श्रेष्ठो सर्वधर्मेषु वन्दितः ॥ १७०॥
रामः श्रीपुरुषो द्वन्द्वो क्षेत्रज्ञो क्षात्रमुत्तमः ।
रामो अपांनिधिः सौम्यो भगवान् कुम्भसम्भवः ॥ १७१॥
रामो अशोकभूतात्मा भक्तानां शोकनाशनः ।
रामो मत्स्यस्वरूपात्मा सर्वसिद्धिप्रदो गिरः ॥ १७२॥
रामो महाक्षो वेदात्मा अनुकूलप्रदो भवः ।
रामः सर्वाङ्गमानन्दो नित्यलक्ष्मीविलासदः ॥ १७३॥
इतीदं कथितं देवि रामनामसहस्रकम् ।
गोपनीयं प्रयत्नेन पठनीयं परात्परम् ॥ १७४॥
न देयं कस्य देवेशि न वाच्यं कस्यचित् प्रिये ।
ये ये प्रयोगा तन्त्रेषु तैस्तैर्यत् साधयेत् फलम् ॥ १७५॥
तत् सर्वं सिध्यति नित्यं रामनाम्नैव कीर्त्तनात् ।
रोगार्त्तो मुच्यते रोगात् बन्धो मुच्येत बन्धनात् ॥ १७६॥
भीतो भयात् प्रमुच्येत देवि सत्यं न संशयः ।
स्त्रीहत्या बालघाती च गौहत्या ब्रह्मशासनम् ॥ १७७॥
सर्वहत्याक्षयं यान्ति पाठमात्रेण पार्वति ।
स्तेयी गुर्वङ्गनागामी तथा विश्वासघातकी ॥ १७८॥
पाठमात्रेण देवेशि ! सर्वपापक्षयो भवेत् ।
जीवघाती प्राणहर्त्ता धर्मनष्टस्तु यो नरः ॥ १७९॥
पठनात् ब्रह्यसायुज्यं प्राप्नुयात् नात्र संशयः ।
अयोनिगामीनो मूढो ब्रह्मण्या सहसङ्गमी ॥ १८०॥
श्रीरामनामसाहस्रं पठनात् मुक्तपातकः ।
कुयोनिमैथुनाद् दुष्टोः दुष्टदुर्बुद्धिचेतसः ॥ १८१॥
एकावृत्त्या महेशानि ! सर्वपापैः प्रमुच्चते ।
इतीदं रामसाहस्रं दशवारं पठेद् यदि ॥ १८२॥
स गच्छेत् वैष्णवलोकं वायुर्नावमिवाम्भसि ।
भूतप्रेतपिशाचाश्च वेतालाः सिद्धचेटका ॥ १८३॥
कूष्माण्डा राक्षसा घोरा भैरवा ब्रह्मराक्षसा ।
श्रीरामनामग्रहणात् पलायन्ते दिशो दश ॥ १८४॥
श्रीं ह्रीं रां क्लीं नमः स्वाहा एवमष्टाक्षरो मनुः ।
जपेत् सहस्रनामान्ते मोहयेत् सकलं जगत् ॥ १८५॥
यत्र यत्र जपेत् वीरः शुचिर्भूत्त्वैकमानसः ।
तत्र तत्र जपो भूयात् नात्र कार्या विचारणा ॥ १८६॥
पूर्णिमा अमावास्यां च सङ्क्रान्तौ यदि वा ग्रहणेष्वपि ।
एकादश्यां नवम्यां वा सावधानेन साधकः ॥ १८७॥
पठेत् सहस्रनामाख्यं स्तोत्रं मोक्षस्य साधनम् ।
मोहनं सर्वजीवानां भूयात् रामप्रसादतः ॥ १८८॥
एकावृत्त्या लभेत् लक्ष्मीं द्विरावृत्त्या जगद्वशी ।
त्रिरावृत्त्या पठेन्नित्यं षण्मासात् स शिवो भवेत् ॥ १८९॥
चतुर्वारं पठेन्नित्यं पुत्रवान् कीर्तिमान् भवेत् ।
पञ्चवारं पठेन्नित्यं दिव्यकायो भवेन्नरः ॥ १९०॥
षड्वारं यः पठेत् नित्यं सर्वसिद्धीश्वरो भवेत् ।
सप्तवारं पठेत् स्तोत्रं वाचासिद्धिः प्रजायते ॥ १९१॥
अष्टवारं पठेद् देवि ! षडङ्गाभ्यांस योगतः ।
नववारं पठेन्नित्यं भगवान्मन्त्री निरामयम् ॥ १९२॥
दशवारं पठेन्नित्यं साक्षात् श्रीरामचन्द्रस्य
दर्शनं लभते ध्रुवम् ।
तुलस्याश्वत्थयोर्मध्ये शालिग्रामस्य सन्निधौ ॥ १९३॥
एकाहारी भूमिशायी जितक्रोधी जितेन्द्रियः ।
नित्यभक्त्याऽर्चयेद् विष्णुं स मुक्तः सर्वपातकैः ॥ १९४॥
श्रीरामं च हनूमन्तं सुग्रीवं च विभीषणम् ।
अङ्गदं जाम्बवन्तं च स्मृत्वा पापैः प्रमुच्यते ॥ १९५॥
राजद्वारे च सङ्ग्रामे नदीनदसमुद्रगे ।
दुर्भिक्षे विग्रहे घोरे श्मशाने च चतुष्पथे ॥ १९६॥
यत्र यत्र भये प्राप्ते तत्र तत्र पठेद् ध्रुवम् ।
विजयं सर्वमाप्नोति दुर्लभं सुलभं भवेत् ॥ १९७॥
सत्यं सत्यं पुनः सत्यं गोप्तव्यं पशुसन्निधौ ।
तव भक्त्या मया ख्यातं नाख्येयं यस्य कस्यचित् ॥ १९८॥
इहलोके सुखी भूत्वा परे मुक्तिर्भविष्यति ।
तत्र रूपैः विविधाकारैः सेव्यमानं परात् परम् ॥ १९९॥
विश्वावसुं चित्रकेतुं चित्रसेनाद्यलूककम् ।
श्रीहरिः ॐ हरिः रां हरिः क्लीं ह्रीं स्वाहा ॥ २००॥
॥ श्री ब्रह्मयामलेतन्त्रे सृष्टिप्रशंसायां उमामहेश्वरसंवादे
रकारादि श्रीरामसहस्रनामस्तोत्रं सम्पूर्णम् ॥
रकारात्मक श्रीरामसहस्रनामस्तोत्रं
Note: Being part of the Brahmayamala Tantra, some of the names
follow tantra practices. The devotion should be emphasize than
literal meanings to them.
Proofread by DPD, PSA Easwaran, Ravin Bhalekar