श्रीवेदव्यासस्तोत्रम् २
अस्यन्विशेषाद्भजतो भवौघाद्व्यगादींश्च विशिष्ट आस ।
सोयं हरिर्व्यासपदाभिधेयः संप्रीयतां सत्यवतीसुतोमे ॥ १
(तम्म प्रदीपिका)
याभ्यां शुश्रूषुरासीः कुरुकुलजनने क्षत्र विप्रोदिताभ्यां
ब्रह्मभ्यां बृंहिताभ्यां चितिसुखवपुषा कृष्णनामास्पदाभ्याम् ।
निर्भेदाभ्यां विशेषाद्विवचन विषयाभ्यामुभाभ्याममूभ्यां
तुभ्यं च क्षेमदेभ्यः सरसिजविलसल्लोचनेभ्यो नमोऽस्तु ॥ २
सानुक्रोशैरजस्रं जनिमृति निरयाद्यूर्मिमालाविलेस्मिन्
संसाराब्धौ निमग्नान् शरणमशरणानिच्छतो वीक्ष्य जन्तून् ।
युष्माभिः प्रार्थितः सन् जलनिधिशयनः सत्यवत्यां महर्षे
र्व्यक्तश्चिन्मात्र मूर्तिर्नखलु भगवतः प्राकृतो जातु देहः ॥ ३
अस्तव्यस्तंसमस्तश्रुतिगतमधमैः रत्नपूगं यथाँदै
रर्थं लोकोपक्लृप्तै गुणगणनिलयः सूत्रयामासकृत्स्नम् ।
योसौ व्यासाभिदानस्तमहमहरहर्भक्तितस्त्वत् प्रसादात्
सद्यो विद्योपलब्धै गुरुतममगुरुं देवदेवं नमामि ॥ ४
श्रीहरिवायुस्तुतिः (२६, ३६, ३७)
इति श्रीमत् त्रिविक्रमपण्डिताचार्यविरचितं श्रीवेदव्यासस्तोत्रं सम्पूर्णम् ।
Encoded and proofread by Krishnananda Achar