vilakṣyalakṣmīpatiḥ
atha kathamapi yāminīm vinīya
smaraśarajarjaritāpi sā prabhāte |
anunayavacanam vadantamagre
praṇatamapi priyamāha sābhyasūyam || 8-1
pa cche- atha katham api yāminīm vinīya
smara śara jarjaritā api sā prabhāte
anunaya vacanam vadantam
agre praṇatam api priyam āha sābhyasūyam
aṣṭapadi 17 lakṣmīpatiratnāvali
rajanijanitagurujāgararāgakṣāyitamalasanimeśam |
vahati nayanamanurāgamiva sphuṭamuditarasābhiniveśam ||
harihari yāhi mādhava yāhi keśava mā vada kaitavavādam
tāmanusara sarasīruhalocana yā tava harati viṣāadam dhṛvam || a pa 17-1
pa cche - rajani janita guru jāgara rāga kaṣāyitam alasa nimeśam
vahati nayanam anurāgam iva sphuṭam udita rasa abhiniveśam
hari hari yāhi mādhava yāhi keśava mā vada kaitava vādam
tām anusara sarasīruha locana yā tava harati viṣādam
kajjalamalinavilocanacumbanaviracitanīlimarūpam |
daśanavasanamaruṇam tava kṛṣṇa tanoti tanoranurūpam || a pa 17-2
pa cche - kajjala malina vilocana cuṁbana viracita nīlima rūpam
daśana vasanam aruṇam tava kṛṣṇa tanoti tanoḥ anurūpam
vapuranuharati tava smarasaṁgarakharanakharakṣatarekham |
marakataśakalakalitakaladhautalipireva ratijayalekham || a pa 17-3
pa cche - vapuḥ anuharati tava smara saṁgara khara nakha rakṣata rekham
marakata śakala kalita kala dhauta lipiḥ eva rati jaya lekham
caraṇakamalagaladalaktasiktamidam tava hṛdayamudāram |
darśayatīva bahirmadanadrumanavakisalayaparivāram || a pa 17-4
pa cche - caraṇa kamala galat alakta siktam idam tava hṛdayam udāram
darśayati iva bahiḥ madana druma nava kisalaya pari vāram
daśanapadam bhavadadharagatam mama janayati cetasi khedam |
kathayati kathamadhunāpi mayā saha tava vapuretadabhedam || a pa 17-5
pa cche- daśana padam bhavat adhara gatam mama janayati cetasi khedam
kathayati katham adhunā api mayā saha tava vapuḥ etat abhedam
bahiriva malinataram tava kṛṣṇa mano'pi bhaviṣyati nūnam |
kathamatha vaṁcayase janamanugatamasamaśarajvaradūnam || a pa 17-6
pa cche - bahiḥ iva malina taram tava kṛṣṇa manoḥ api bhaviṣyati nūnam
katham atha vaṁcayase janam anugatam asama śara jvara dūnam
bhramati bhavānabalākavalāya vaneṣu kimatra vicitram |
prathayati pūtanikaiva vadhūvadhanirdayabālacaritram || a pa 17-7
pa cche - bhramati bhavān abalā kavalāya vaneṣu kim atra vicitram
prathayati pūtanika iva vadhū vadha nirdaya bāla caritram
śrījayadevabhaṇitarativaṁcitakhaṇḍitayuvativilāpam |
śṛṇuta sudhāmadhuram vibudhā vibudhālayato'pi durāpam || a pa 17-8
pa cche- śrī jayadeva bhaṇita rati vaṁcita khaṇḍita yuvati vilāpam
śṛṇuta sudhā madhuram vibudhā vibudha ālayataḥ api durāpam
tavedam paśyantyāḥ prasaradanurāgam bahiriva
priyāpādālaktacchuritamaruṇacchāyahṛdayam |
mamādya prakhyātapraṇayabharabhangena kitava
tvadālokaḥ śokādapi kimapi lajjām janayati || 8-3
pa cche- tava idam paśyantyāḥ prasarat anurāgam bahiḥ iva
priyā pāda alakta curitam aruṇa cchāya hṛdayam
mama adya prakhyāta praṇaya bhara bhangena kitava
tvat ālokaḥ śokāt api kim api lajjām janayati
antarmohanamaulighūrṇanacalanmaṁdāravibhraṁśana
sthaṁbhākarṣaṇadṛptiharṣaṇamahāmaṁtraḥ kuraṁgīdṛśām |
dṛpyaddanavadūyamānadiviṣaddurvāraduḥkhāpadām
bhraṁśaḥ kaṁsaripossamarpayatu vaśśreyānsi vaṁśīravaḥ || 8-3
pa cche - antaḥ mohana mauli ghūrṇana calat mandāra vibhraṁśana
sthaṁbha akarṣaṇa dṛpti harṣaṇa mahā maṁtraḥ kuraṁgī dṛśām
dṛpyat danava dūyamāna diviṣat durvāra duḥkha āpadām
bhraṁśaḥ kaṁsa ripoḥ samarpayatu vaḥ śreyānsi vaṁśī ravaḥ
iti gītagovinde khaṇḍitāvarṇane vilakṣyalakṣmīpatirnāma aṣṭhamaḥ sargaḥ
Thus, this is the 8th chapter, called vilaksha/vilakshya lakshmiipatiH - Apologetic Krishna, in Gita Govindam of Jayadeva.
Top of Page | 1 | a pa 17 | 2 | 3 |
Previous Sarga | giirvaaNi | Next Sarga |
Oct, 2003, Desiraju Hanumanta Rao