yamunaatiiravaaniiraniku~Nje mandamaasthitam
|
praaha premabharodbhraantam maadhavam raadhikaasakhii || a pa
4-1
words separated - yamunaa tiiravaaniira nikunje mandam aasthitam praaha prema bhara ud bhraantam maadhavam raadhikaa sakhii
nindatichandanamindukiraNamanuvindatikhedamadhiiram |
vyaalanilayamilanenagaralamivakalayatimalayasamiiram |
maadhavamanasijavishikhabhayaadivabhaavanayaatvayiliinaa |
saa virahe tava diinaa - dhR^ivam || a pa 8-1
words separated - nindati chandanam indu kiraNam anu vindati khedam adhiiram vyaala nilaya milanena garalam iva kalayati malaya samiiram maadhava manasi ja vishikha bhayaat iva bhaavanayaa tvayi liinaa saa virahe tava diinaa - dhR^ivam
aviralanipatitamadanasharaadivabhavadavanaayavishaalam |
svahR^idayamar.hmaNivarmakarotisajalanaliniidalajaalam |
saa virahe tava diinaa || a pa 8-2
words separated - avirala nipatita madana sharaat iva bhavat avanaaya vishaalam sva hR^idaya mar.hmaNi varma karoti sajala nalinii dala jaalam
kusumavishikhasharatalpamanalpavilaasakalaakamaniiyam |
vratamiva tava parirambhasukhaaya karoti kusumashayaniiyam |
saa virahe tava diinaa || a pa 8-3
words separated - kusuma vishikha shara talpam analpa vilaasa kalaa kamaniiyam vratam iva tava pari rambha sukhaaya karoti kusuma shayaniiyam
vahaticavalitavilochanajaladharamaananakamalamudaaram |
vidhumivavikaTavidhuntudadantadalanagalitaamR^itadhaaram |
saa virahe tava diinaa || a pa 8-4
words separated - vahati ca valita vilochana jala dharam aanana kamalam udaaram vidhum iva vikaTa vidhuntuda danta dalana galita amR^ita dhaaram
vilikhatirahasikura~Ngamadenabhavantamasamasharabhuutam |
praNamatimakaramadhovinidhaayakarecasharamnavachuutam |
saa virahe tava diinaa || a pa 8-5
words separated - vilikhati rahasi kuranga madena bhavantam asama shara bhuutam praNamati makaram adhaH vinidhaaya kare ca sharam nava chuutam
dhyaanalayenapuraH
parikal.hpyabhavantamatiivaduraapam |
vilapatihasativiSiidatiroditicha~nchatimu~nchatitaapam |
saa virahe tava diinaa || a pa 8-6
words separated - dhyaana layena puraH pari kalpya bhavantam atiiva duraapam vilapati hasati viSiidati roditi chanchati munchati taapam
pratipadamidamapinigadatimaadhavatavacharaNepatitaaham |
tvayivimukhemayisapadisudhaanidhirapitanutetanudaaham |
saa virahe tava diinaa || a pa 8-7
words separated - prati padam idam api nigadati maadhava tava charaNe patitaa aham tvayi vimukhe mayi sapadi sudhaa nidhiH api tanute tanu daaham - a tanu daaham
shriijayadevabhaNitamidamadhikam yadi manasaa
naTaniiyam |
harivirahaakulavallavayuvatisakhiivachanam paThaniiyam |
saa virahe tava diinaa || a pa 8-8
words separated - shrii jayadeva bhaNitam idam adhikam yadi manasaa naTaniiyam hari viraha aakula vallava yuvati sakhii vachanam paThaniiyam
aavaaso vipinaayate priyasakhiimaalaapi
jaalaayate
taapo.api shvasitena daavadahanajvaalaakalaapaayate |
saapi tvadviraheNa hanta hariNiiruupaayate haa katham
kandarpo.api yamaayate virachayanshaarduulavikriiDitam || 4-2
words separated - aavaasaH vipinaayate priya sakhii maala api jaalaayate taapH api shvasitena daava dahana jvaalaa kalaapaayate saa api tvat viraheNa hanta hariNii ruupaayate haa katham kandarpaH api yamaayate virachayan shaarduula vikriiDitam
stanavinihitamapi haaramudaaram |
saa manute kR^ishatanuratibhaaram |
raadhikaa kR^iSNa raadhikaa | raadhikaa tava virahe keshava || a pa
9-1
words separated - stana vinihitam api haaram udaaram saa manute kR^isha tanuH ati bhaaram raadhikaa-tava virahe keshava
sarasamasR^iNamapi malayajapa~Nkam |
pashyativiSamivavapuSisashaa~Nkam |
raadhikaa-tava virahe keshava || a pa 9-2
words separated - sa rasa masR^iNam api malayaja pa.nkam pashyati viSam iva vapuSi sa sha.nkam
shvasitam pavanam anupam apariNaaham |
madanadahanamivavahatisadaaham |
raadhikaa-tava virahe keshava || a pa 9-3
words separated - shvasita pavanam anupama pariNaaham madana dahanam iva vahati sa daaham
dishidishikiratisajalakaNajaalam |
nayananalinamivavigalitanaalam |
raadhikaa-tava virahe keshava || a pa 9-4
words separated - dishi dishi kirati sa jala kaNa jaalam nayana nalinam iva vigalita naalam
nayanaviSayamapikisalayatalpam |
kalayativihitahutaashanavikalpam |
raadhikaa - tava virahe keshava || a pa 9-5
words separated - nayana viSayam api kisalaya talpam kalayati vihita hutaashana vikalpam
tyajatinapaaNitalenakapolam |
baalashashinamivasaayamalolam |
raadhikaa - tava virahe keshava || a pa 9-6
words separated - tyajati na paaNi tale na kapolam baala shashinam iva saayam alolam
haririti haririti japati sakaamam |
virahavihitamaraNena nikaamam |
raadhikaa - tava virahe keshava || a pa 9-7
words separated - hariH iti hariH iti japati sa kaamam viraha vihita maraNena nikaamam
shriijayadevabhaNitamitigiitam |
sukhayatukeshavapadamupaniitam |
raadhikaa - tava virahe keshava || a pa 9-8
words separated - shrii jayadeva bhaNitam iti
giitam sukhayatu keshava padam upa niitam
saaromaa~Nchatisiitkarotivilapatyutkmpatetaamyati
dhyaayatyudbhramatipramiilatipatatyudyaatimuurcChatyapi |
etaavatyatanujvarevaratanurjiivennakimterasaat
svarvaidyapratimaprasiidasiyadityakto.anyathaanaantakaH || 4-3
words separated - saa romaacati siit karoti vilapati ut kmpate taamyati dhyaayati udbhramati pramiilati patati udyaati muurcChati api etaavati atanu jvare vara tanuH jiivet na kim te rasaat svar vaidya pratima prasiidasi yadi tyaktaH anyathaa na antakaH
smaraaturaam daivatavaidyahR^idya
tvada~Ngasa~NgaamR^itamaatrasaadhyaam |
vimuktabaadhaam kurushhe na raadhaam
upendra vajraadapi daaruNo.asi || 4-4
words separated - smara aaturaam daivata vaidya hR^idya tvat anga sanga amR^ita maatra saadhyaam vimukta baadhaam kuruSe na raadhaam upendra vajraat api daaruNaH asi
kandarpajvarasanjvaraakulatanoraashcharyamasyaashchiram
chetashchandanachandramaHkamaliniichintaasu sa.ntaamyati |
kintu klaantivashena shiitalataram tvaamekameva kShaNam
dhyaayantii rahasi sthitaa kathamapi kShiiNaa kShaNam praaNiti ||
4-5
words separated - kandarpa jvara sa.njvara aakula tanoH aashcharyam asyaaH chiram chetaH chandana chandramaH kamalinii chintaasu santaamyati kintu klaanti vashena shiitala taram tvaam ekam eva priyam dhyaayantii rahasi sthitaa katham api kShiiNaa kShaNam praaNiti
kShaNamapi virahaH puraa na sehe
nayananimiilanakhinnayaa yayaa te |
shvasiti kathamasau rasaalashaakhaam
chiraviraheNa vilokya puSpitaagraam || 4-6
words separated - kShaNam api virahaH puraa na sehe nayana nimiilana khinnayaa yayaa te shvasiti katham asau rasaala shaakhaam chira viraheNa vilokya puSpita agraam
vR^iSTivyaakulagokulaavanarasaaduddhR^ityagovardhanam
bibhradvallavavallabhaabhiradhikaanandaaccira.mcumbitaH |
dar.hpeNaivatadar.hpitaadharataTiisinduuramudraankito
baahurgopatanostanotubhavataa.mshreyaa.msika.msadviSaH || 4-7
words separated - vR^iSTi vyaakula gokula avana rasaat uddhR^itya govardhanam bibhrat vallava vallabhaabhiH adhika aanandaat cira.m cumbitaH darpeNa eva tat arpita adhara taTii sinduura mudra ankitaH baahuH gopa tanoH tanotu bhavataam shreyaansi ka.msa dviSaH
iti giitagovinde snigdhamadhusuudano naama chaturthaH sargaH
Previous Sarga | giirvaaNi | Next Sarga |
Sept, 2003, Desiraju Hanumanta Rao; Revised Oct 08