%@@1
% File name             : dn16.itx
%--------------------------------------------
% Text title            : Dnyaneshvari or Bhavarthadipika Chapter 16
% Author                : Sant Dnyaneshwar
% Language              : Marathi, Sanskrit
% Subject               : philosophy/hinduism/religion
% Description/comments  : 
% Transliterated by     : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Proofread by          : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Latest update         : June 20, 2005
% Send corrections to   : sanskrit at cheerful dot c om
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://sanskritdocuments.org
% http://sanskrit.bhaarat.com  See the document project
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dnyaneshvari or Bhavarthadipika Chapter 16 ..}##
\itxtitle{.. j~nAneshvarI bhAvArthadIpikA adhyAya 16 ..}##\endtitles ##
%Start of 16@
|| AUM shrI paramAtmane namaH ||
adhyAya soLAvA |
daivaasurasampadvibhaagayogaH |

mAvaLavIta vishvAbhAsu| navala udayalA chaMDAMshu| advayAbjinIvikAshu| vaMdUM AtAM || 1||
jo avidyArAtI rusoniyAM| giLI j~nAnAj~nAnachAMdaNiyA| jo sudinu karI j~nAniyAM| svabodhAchA || 2||
jeNeM vivaLatiye savaLe| lAhoni Atmaj~nAnAche DoLe| sAMDitI dehAhaMtechIM avisALeM| jIvapakShI || 3||
liMgadehakamaLAchA| poTIM veMchu tayA chid{}bhramarAchA| baMdimokShu jayAchA| udailA hoya || 4||
shabdAchiyA AsakaDIM| bheda nadIchyA dohIM thaDIM| AraDAte virahaveDIM| buddhibodhu || 5||
tayA chakravAkAMcheM mithuna| sAmarasyAcheM samAdhAna| bhogavI jo chid{}gagana| bhuvanadivA || 6||
jeNeM pAhAliye pAhAMTe| bhedAchI choraveLa phiTe| righatI AtmAnubhavavATe| pAMthika yogI || 7||
jayAcheni vivekakiraNasaMgeM| unmekhasUryakAMtu phuNage| dIpale jALitI dAMgeM| saMsArAchIM || 8||
jayAchA rashmipuMju nibaru| hotA svarUpa ukharIM sthiru| ye mahAsiddhIchA pUru| mR^igajaLa teM || 9||
jo pratyagbodhAchiyA mAthayA| so.ahaMtechA madhyAnhIM AliyA| lape AtmabhrAMtiChAyA| ApaNapAM taLIM || 10||
te veLIM vishvasvapnAsahiteM| koNa anyathAmatI nidreteM| sAMbhALI nurechi jetheM| mAyArAtI || 11||
mhaNauni advayabodhapATaNIM| tetha mahAnaMdAchI dATaNI| maga sukhAnubhUtIchIM gheNIM deNIM| maMdAvo lAgatI || 12||
kiMbahunA aisaiseM| muktakaivalya sudivaseM| sadA lAhije kAM prakAsheM| jayAcheni || 13||
jo nijadhAmavyomIMchA rAvo| udailAchi udaijatakheMvo| pheDI pUrvAdi dishAMsi ThAvo| udo{a}stUchA || 14||
na disaNeM disaNeMnasIM mAvaLavI| dohIM jhAMkileM te saiMgha pAlavI| kAya bahu boloM te AghavI| ukhAchi AnI || 15||
to ahorAtrAMchA pailakaDu| koNeM dekhAvA j~nAnamArtaMDu| jo prakAshyeMvINa suravADu| prakAshAchA || 16||
tayA chitsUryA shrInivR^ittI| AtAM namoM mhaNoM puDhatapuDhatI| je bAdhakA ye{i}jatase stutI| bolAchiyA || 17||
devAcheM mahimAna pAhoniyAM| stuti tarI ye{i}je chAMgAvayA| jarI stavyabuddhIsIM layA| jA{I}je kAM || 18||
jo sarvaneNivAM jANije| maunAchiyA miThIyA vAnije| kAMhIMcha na honi ANije| ApaNapayAM jo || 19||
tayA tujhiyA uddeshAsAThIM| pashyaMtI madhyamA poTIM| sUni paresIMhI pAThIM| vaikharI vire || 20||
tayA tUteM mI sevakapaNeM| levavIM bolakeyA stotrAcheM leNeM| heM upasAhAveMhI mhaNatAM uNeM| advayAnaMdA || 21||
parI raMkeM amR^itAchA sAgaru| dekhiliyA paDe uchitAchA visaru| maga karUM dhAMve pAhuNeru| shAkAMchA tayA || 22||
tetha shAkuhI kIra bahuta mhaNAvA| tayAchA harShaveguchi to ghyAvA| ujaLoni divyatejA hAtivA| te bhaktIchi pAhAvI || 23||
bALA uchita jANaNeM hoye| tarI bALapaNachi keM Ahe \?| parI sAchachi yerI mAye| mhaNauni toShe || 24||
hAM gA gAMvaraseM bharaleM| pANI pAThIM pAya deta AleM| teM gaMgA kAya mhaNitaleM| parateM sara \? || 25||
jI bhR^igUchA kaisA apakAru| kIM to mAnUni priyopachAru| toShechinA shAra~Ngadharu| gurutvAsIM \? || 26||
kIM AMdhAreM khateleM aMbara| jhAleyA divasanAthAsamora| teNeM tayAteM paRhA sara| mhaNitaleM kA{I} \? || 27||
tevIM bhedabuddhIchiye tuLe| ghAlUni sUryashleShAcheM kAMTALe| tukilAsi teM yekI veLe| upasAhijo jI || 28||
jihIM dhyAnAchA DoLAM pAhilAsI| vedAdi vAchAM vAnilAsI| jeM upasAhileM tayAsI| teM AmhAMhI karIM || 29||
parI mI Aji tujhyA guNIM| lAMchAvaloM aparAdhu na gaNIM| bhalateM karIM parI ardhadhaNIM| nuThI kadA || 30||
miyAM gItA yeNeM nAMveM| tujheM pasAyAmR^ita suhAveM| vAnUM lAdhaloM teM duNena thAveM| daivaloM daiveM || 31||
mAjhiyA satyavAdAcheM tapa| vAchA keleM bahuta kalpa| tayA phaLAcheM heM mahAdvIpa| pAtalI prabhu || 32||
puNyeM poshilIM asAdharaNeM| tiyeM tujheM guNa vAnaNeM| de{}Uni maja uttIrNeM| jAlIM AjI || 33||
jI jIvitvAchyA ADavIM| AtuDaloM hotoM maraNagAMvIM| te avadasAchI AghavI| pheDilI AjI || 34||
je gItA yeNeM nAMveM nAvANigI| je avidyA jiNoni dATugI| te kIrtI tujhI AmhAMjogI| vAnAvayA jAlI || 35||
paiM nirdhanA gharIM vAnivaseM| mahAlakShmI ye{}Uni baise| tayAteM nirdhana aiseM| mhaNoM ye kA{I} \? || 36||
kAM aMdhakArAchiyA ThAyA| daiveM suryu AliyA| to aMdhAruchi jagA yayA| prakAshu nohe \? || 37||
jayA devAchI pAhatAM thorI| vishva paramANuhI dashA na dharI| to bhAvAchiye sarobharI| navhechi kA{I} \? || 38||
taisA mI gItA vAkhANI| he khapuShpAchI turaMbaNI| parI samartheM tuvAM shirayANI| pheDilI te || 39||
mhaNauni tujheni prasAdeM| mI gItApadyeM agAdheM| nirUpIna jI vishadeM| j~nAnadevo mhaNe || 40||
tarI adhyAyIM paMdharAvA| shrIkR^iShNeM tayA pAMDavA| shAstrasiddhAMtu AghavA| ugANilA || 41||
je vR^ikSharUpaka parIbhAShA| keleM upAdhi rUpa asheShA| sadvaidyeM jaiseM doShA| aMgalInA || 42||
ANi kUTasthu jo akSharu| dAvilA puruShaprakAru| teNeM upahitAhI AkAru| chaitanyA kelA || 43||
pAThIM uttama puruSha| shabdAcheM karUni miSha| dAvileM chokha| Atmatattva || 44||
AtmaviShayIM AMtuvaTa| sAdhana jeM AMgadaTa| j~nAna heMhI spaShTa| chAvaLalA || 45||
mhaNauni iye adhyAyIM| nirUpya nurechi kAMhIM| AtAM gurushiShyAM dohIM| sneho lAhaNA || 46||
evaM iyeviShayIM kIra| jANate bujhAvale apAra| parI mumukShu itara| sAkAMkSha jAle || 47||
tyA maja puruShottamA| j~nAneM bheTe jo suvarmA| to sarvaj~nu tochi sImA| bhaktIchIhI || 48||
aiseM heM trailokyanAyakeM| bolileM adhyAyAMta shlokeM| tetheM j~nAnachi bahutekeM| vAnileM toSheM || 49||
bharUni prapaMchAchA ghoMTu| kIje dekhatAMchi dekhatayA draShTu| AnaMdasAmrAjyIM pATu| bAMdhije jIvA || 50||
yevaDheyA lAThepaNAchA upAvo| Anu nAhIMchi mhaNe devo| hA samyak.hj~nAnAchA rAvo| upAyAMmAjIM || 51||
aise Atmajij~nAsu je hote| tihIM toShaleni chitteM| AdareM tayA j~nAnAteM| voMvALileM jIveM || 52||
AtAM AvaDI jetha paDe| tayAchi avasarIM puDheM puDheM| rigoM lAgeM heM ghaDe| prema aiseM || 53||
mhaNauni jij~nAsUMchyA paikIM| j~nAnI pratItI hoya nA jaMva nikI| taMva yoga kShemu j~nAnavikhIM| sphurelachi kIM || 54||
mhaNauni teMchi samyak j~nAna| kaiseni hoya svAdhIna| jAliyA vR^iddhiyat{}na| ghaDela kevIM || 55||
kAM upajoMchi jeM na lAhe| jeM upajaleMhI avhAMTA sUye| teM j~nAnIM viruddha kAya Ahe| heM jANAveM kIM || 56||
maga jANatayAM jeM virU| tayAchIM vATa vAhatI karUM| j~nAnA hita teMchi vichArUM| sarvabhAveM || 57||
aisA j~nAnajij~nAsu tumhIM samastIM| bhAvo jo dharilA ase chittIM| to puravAvayA lakShmIpatI| bolijela || 58||
j~nAnAsi sujanma joDe| ApalI vishrAMtihI varI vADhe| te saMpattIche pavADe| sAMgijela daivI || 59||
ANi j~nAnAcheni kAmAkAreM| je rAgadveShAMsi de thAre| tiye Asuriyehi ghore| karIla rUpa || 60||
sahaja iShTAniShTakaraNI| doghIchi iyA kavatukiNI| he navamAdhyAyIM ubhAraNI| kelI hotI || 61||
tetha sA{u}mA gheyAvayA uvAvo| taMva voDavalA Ana prastAvo| tarI tayAM prasaMgeM AtAM devo| nirUpIta ase || 62||
tayA nirUpaNAcheni nAMveM| adhyAya pada soLAveM| lAvaNI pAhatAM jANAveM| mAgilAvarI || 63||
parI heM aso AtAM prastutIM| j~nAnAchyA hitAhitIM| samarthA saMpattI| iyAchi donhI || 64||
je mumukShumArgIMchI boLAvI| je moharAtrIchI dharmadivI| te AdhIM taMva daivI| saMpattI aikA || 65||
jetha eka ekAteM pokhI| aise bahuta padArtha yekIM| saMpAdijatI te lokIM| saMpatti mhaNije || 66||
te daivI sukhasaMbhavI| tetha daivaguNeM yekopajIvIM| jAlI mhaNauni daivI| saMpatti he || 67||

\indent ##\hspace{1in}## shrI bhagavAnuvAcha |
\indent ##\hspace{1in}## abhaya.n sattvasa.nshuddhirj~nAnayogavyavasthitaH |
\indent ##\hspace{1in}## dAna.n damashcha yaj~nashcha svAdhyAyastapa Arjava.n || 1||\newline%@

AtAM tayAchi daivaguNAM\-| mAjIM dhurechA baisaNA| baise tayA AkarNA| abhaya aiseM || 68||
tarI na ghAlUni mahApurIM| na ghepe buDaNayAchI shiyArI| kAM rogu na gaNije gharIM| pathyAchiyA || 69||
taisA karmAkarmAchiyA moharA| uThUM nedUni ahaMkArA| saMsArAchA darArA| sAMDaNeM yeNeM || 70||
athavA aikyabhAvAcheni paiseM| duje mAnUni AtmA aiseM| bhayavArtA desheM| davaDaNeM jeM || 71||
pANI buDa{UM} ye miThAteM| taMva mIThachi pANI AteM| tevIM ApaNa jAleni advaiteM| nAshe bhaya || 72||
agA abhaya yeNeM nAMveM| bolije teM heM jANAveM| samyak.hj~nAnAcheM AghaveM| dhAMvaNeM heM || 73||
AtAM sattvashuddhI je mhaNije| te aishA chinhIM jANije| tarI jaLe nA vijhe| rAkhoMDI jaisI || 74||
kAM pADivA vADhI na mage| aMvase tuTI sAMDUni mAge| mAjIM atisUkShma aMgeM| chaMdru jaisA rAhe || 75||
nAtarI vArShiyA nAhIM mAMDilI| grIShmeM nAhIM sAMDilI| mAjIM nijarUpeM nivaDalI| gaMgA jaisI || 76||
taisI saMkalpavikalpAchI voDhI| sAMDUni rajatamAchI kAvaDI| bhogitAM nijadharmAchI AvaDI| buddhi ure || 77||
iMdriyavargIM dAkhaviliyA| viruddhA athavA bhalIyA| vismayo kAMhIM keliyA| nuThI chittIM || 78||
gAMvA geliyA vallabhu| pativratechA virahakShobhu| bhalatesaNI hAnilAbhu| na manIM jevIM || 79||
tevIM satsvarUpa ruchalepaNeM| buddhI jeM aiseM ananya hoNeM| te sattvashuddhI mhaNe| keshihaMtA || 80||
AtAM AtmalAbhAvikhIM| j~nAnayogAmAjIM ekIM| je ApuliyA ThAkI| hAMveM bhare || 81||
tetha sagaLiye chittavR^ittI| tyAgu karaNeM yA rItI| niShkAmeM pUrNAhutI| hutAshIM jaisI || 82||
kAM sukuLIneM ApulI| AtmajA sat.hkuLIMchi didhalI| heM aso lakShmI sthirAvalI| mukuMdIM jaisI || 83||
taise nirvikalpapaNeM| jeM yogaj~nAnIMcha yA vR^ittika hoNeM| to tijA guNa mhaNe| shrIkR^iShNanAthu || 84||
AtAM dehavAchAchitteM| yathAsaMpanneM vitteM| vairI jAliyAhI ArtAteM| na vaMchaNe jeM kAM || 85||
patra puShpa ChAyA| phaLeM mULa dhanaMjayA| vATechA na chuke AliyA| vR^ikShu jaisA || 86||
taiseM manauni dhanadhAnyavarI| vidyamAneM AlyA avasarIM| shrAMtAchiye manohArIM| upayogA jANeM || 87||
tayAM nAMva jANa dAna| jeM mokShanidhAnAcheM aMjana| heM aso A{i}ka chinha| damAcheM teM || 88||
tarI viShayeMdriyAM miLaNI| karUni ghApe vituTaNI| jaiseM toDije khaDgapANI| pArakeyA || 89||
taisA viShayajAtAMchA vArA| vAjoM nedije iMdriyadvArAM| iye bAMdhoni pratyAhArA| hAtIM vopI || 90||
AMtulA chittAcheM aMgavarIM| pravR^itti paLe para bAherI| AgI suyije dAhIMhi dvArIM| vairAgyAchI || 91||
shvAsoshvAsAhunI bahuvaseM| vrateM Achare kharapuseM| vosaMtitA rAtridivaseM| nArANuka jayA || 92||
paiM damu aisA mhaNipe| to hA jANa svarUpeM| yAgArthuhI saMkShepeM| sAMgoM aika || 93||
tarI brAhmaNa karUni dhure| striyAdika paila mere| mAjhArIM adhikAreM| ApulAleni || 94||
jayA je sarvottama| bhajanIya devatAdharma| te teNeM yathAgama| vidhI yajije || 95||
jaisA dvija ShaTkarmeM karI| shUdra tayAteM namaskArI| kIM dohIMsahI sarobharI| nipaje yAgu || 96||
taiseM adhikAraparyAlocheM| heM yaj~na karaNeM sarvAMcheM| parI viShaya viSha phaLAshecheM| na ghApe mAjIM || 97||
ANi mI kartA aisA bhAvo| nedije dehAcheni dvAreM jAvoM| nA vedAj~nesi tarI ThAvo| ho{i}je svayeM || 98||
arjunA evaM yaj~nu| sarvatra jANa sAj~nu| kaivalyamArgIMchA abhij~nu| sAMgAtI hA || 99||
AtAM cheMDuveM bhUmI hANije| navhe to hAtA ANije| kIM shetIM bIM vikhurije| parI pikIM lakSha || 100||
nAtarI ThevileM dekhAvayA| Adara kIje diviyA| kAM shAkhA phaLeM yAvayA| siMpije mULa || 101||
heM bahu aso ArisA| ApaNapeM dekhAvayA jaisA| puDhatapuDhatI bahuvasA| uTije prItI || 102||
taisA vedapratipAdyu jo Ishvaru| to ho{A}vayAlAgIM gocharu| shrutIchA niraMtaru| abhyAsu karaNeM || 103||
teMchi dvijAMsIcha brahmasUtra| yerA stotra kAM nAmamaMtra| AvartavaNeM pavitra| pAvAvayA tattva || 104||
pArthA gA svAdhyAvo| bolije to hA mhaNe devo| AtAM tapa shabdAbhiprAvo| A{I}ka sAMgoM || 105||
tarI dAneM sarvasva deNeM| veMchaNeM teM vyartha karaNeM| jaise phaLoni svayeM sukaNeM| iMdrAvaNI jevIM || 106||
nAnA dhUpAchA agnipraveshu| kanakIM tukAchA nAshu| pitR^ipakShu poShitA RhAsu| chaMdrAchA jaisA || 107||
taisA svarUpAchiyA prasarA \-| lAgIM prANeMdriyasharIrAM| ATaNI karaNeM jeM vIrA| teMchi tapa || 108||
athavA anAriseM| tapAcheM rUpa jarI ase| tarI jANa jevIM dudhIM haMseM| sUdalI chAMchU || 109||
taiseM dehajIvAchiye miLaNIM| jo udayajata sUye pANI| to viveka aMtaHkaraNIM| jAgavIje || 110||
pAhatAM AtmayAkaDe| buddhIchA paisu sAMkaDeM| sanidra svapna buDe| jAgaNIM jaiseM || 111||
taisA AtmaparyAlochu| pravarte jo sAchu| tapAchA hA nirvechu| dhanurdharA || 112||
AtAM bALAchyA hitIM stanya| jaiseM nAnAbhUtIM chaitanya| taiseM prANimAtrIM saujanya| Arjava teM || 113||

\indent ##\hspace{1in}## ahi.nsA satyamakrodhstyAgaH shAntirapaishunam.h |
\indent ##\hspace{1in}## dayA bhUteShvalolupt{}va.n mArdava.n hrIrachApalam.h || 2||\newline%@

ANi jagAchiyA sukhoddesheM| sharIravAchAmAnaseM| rAhATaNeM teM ahiMse| rUpa jANa || 114||
AtAM tIkha ho{U}ni mavALa| jaiseM jAtIcheM mukuLa| kAM teja parI shItaLa| shashAMkAcheM || 115||
shake dAvitAMchi roga pheDUM| ANi jibhe tarI navhe kaDu| te vokhadu nAhIM mA ghaDU| upamA kaiMchI || 116||
tarI ma{}UpaNeM bubuLe| jhagaDatAMhI parI nADaLe| eRhavIM phoDI koMrALeM| pANI jaiseM || 117||
taiseM toDAvayA saMdeha| tIkha jaiseM kAM loha| shrAvyatveM tarI mAdhurya| pAyIM ghAlIM || 118||
aikoM ThAtAM kautukeM| kAnAteM nighatI mukheM| jeM sAchArivecheni bikeM| brahmahI bhedI || 119||
kiMbahunA priyapaNe| koNAteMhI jhaka{UM} neNe| yathArtha tarI khupaNeM| nAhIM kavaNA || 120||
eRhavIM gorI kIra kAnA goDa| parI sAchAchA pAkhALIM kIDa| AgIcheM karaNeM ughaDa| parI jaLoM teM sAcha || 121||
kAnIM lAgatAM mahUra| artheM vibhAMDI jivhAra| teM vAchA navhe suMdara| lAMvachi pAM || 122||
parI ahitIM koponi sopa| lAlanIM ma{}U jaiseM puShpa| tiye mAtecheM svarUpa| jaiseM kAM hoya || 123||
taiseM shravaNasukha chatura| parINamoni sAchAra| bolaNeM jeM avikAra| teM satya yetheM || 124||
AtAM ghAlitAMhI pANI| pAShANIM na nighe ANI| kAM mathiliyA loNI| kAMjI nedI || 125||
tvachA pAyeM shirIM| hAleyAhI phaDe na karI| vasaMtIMhI aMbarIM| na hotI phuleM || 126||
nAnA raMbhechenihI rUpeM| shukIM nuThijechi kaMdarpeM| kAM bhasmIM vanhi na uddIpe| ghR^iteMhI jevIM || 127||
tevIMchi kumAru krodheM bhare| taisiyA maMtrAchIM bIjAkShareM| tiyeM nimitteMhI apAreM| mInaliyA || 128||
parI dhAtayAhI pAyAM paDatAM| nuThI gatAyu paMDusutA| taisI nupaje upajavitAM| krodhormI gA || 129||
akrodhatva aiseM| nAMva teM ye dashe| jANa aiseM shrInivAseM| mhaNitaleM tayA || 130||
AtAM mR^ittikAtyAgeM ghaTu| taMtutyAgeM paTu| tyajije jevIM vaTu| bIjatyAgeM || 131||
kAM tyajuni bhiMtimAtra| tyajije AghaveMchi chitra| kAM nidrAtyAgeM vichitra| svapnajALa || 132||
nAnA jaLatyAgeM taraMga| varShAtyAgeM megha| tyajijatI jaise bhoga| dhanatyAgeM || 133||
tevIM buddhimaMtIM dehIM| ahaMtA sAMDUni pAhIM| sAMDije asheShahI| saMsArajAta || 134||
tayA nAMva tyAgu| mhaNe to yaj~nAMgu| he mAnUni subhagu| pArthu puse || 135||
AtAM shAMtIcheM liMga| teM vyakta maja sAMga| devo mhaNatI chAMga| avadhAna de{I}M || 136||
tarI giLoni j~neyAteM| j~nAtA j~nAnahI mAghauteM| hArapeM niruteM| te shAMti paiM gA || 137||
jaisA praLayAMbUchA ubhaDu| buDavUni vishvAchA pavADu| hoya ApaNapeM nibiDu| ApaNachi || 138||
maga ugama ogha siMdhu| hA nurechi vyavahArabhedu| parI jalaikyAchA bodhu| tohI kavaNA \? || 139||
taisI j~neyA detAM miThI| j~nAtR^itvahI paDe poTIM| maga ure teMchi kirITI| shAMtIcheM rUpa || 140||
AtAM kadarthavIta vyAdhI| baLIkaraNAchiyA AdhIM| Apaparu na shodhI| sadvaidyu jaisA || 141||
kA chikhalIM rutalI gAye| dhaDabhAkaDa na pAhe| jo tiyechiyA glAnI hoye| kAlAbhulA || 142||
nAnA buDatayAteM sakaruNu| na puse aMtyaju kAM brAhmaNu| kADhUni rAkhe prANu| heMchi jANe || 143||
kIM mAya vanIM pApiyeM| ughaDI kelI vipAyeM| te nesavilyAvINa na pAhe| shiShTu jaisA || 144||
taise aj~nAnapramAdAdikIM| kAM prAktanahIna sadokhIM| niMdatvAchyA sarvavikhIM| khiLile je || 145||
tayAM AMgIka ApuleM| de{}UniyAM bhaleM| visaravijatI saleM| salatIM tiyeM || 146||
agA puDhilAchA dokhu| karUni Apuliye diThI chokhu| maga ghApe avaloku| tayAvarI || 147||
jaisA pujUni devo pAhije| perUni shetA jA{i}je| toShauni prasAdu ghe{i}je| atithIchA || 148||
taiseM Apuleni guNeM| puDhilAcheM uNeM| pheDuniyAM pAhaNeM| tayAkaDe || 149||
vAMchUni na viMdhijeM varmIM| nAtuDavije akarmIM| na bolavije nAmIM| sadoShIM tihIM || 150||
varI koNe ekeM upAyeM| paDileM teM ubheM hoye| teMcha kIje parI ghAye| nedAve varmIM || 151||
paiM uttamAchiyAsAThIM| nIcha mAnije kirITI| heM vAMchoni diThI| doShu na ghepe || 152||
agA apaishUnyAcheM lakShaNa| arjunA heM phuDeM jANa| mokShamArgIMcheM sukhAsana| mukhya heM gA || 153||
AtAM dayA te aisI| pUrNachaMdrikA jaisI| nivavitAM na kaDasI| sAneM thora || 154||
taiseM duHkhitAcheM shiNaNeM| hiratAM sakaNavapaNeM| uttamAdhama neNeM| vivaMchUM gA || 155||
paiM jagIM jIvanAsArikheM| vastu aMgavarI upakheM| parI jAteM jIvita rAkhe| tR^iNAcheMhi || 156||
taiseM puDhilAcheni tApeM| kaLavaLaliye kR^ipeM| sarvasveMsIM didhaleMhi ApaNapeM| thoDeMchi game || 157||
nimna bharaliyAviNeM| pANI DhaLoMchi neNe| tevIM shrAMtA toShauni jANeM| sAmoreM pAM || 158||
paiM pAyIM kAMTA nehaTe| taMva vyathA jIvIM umaTe| taisA poLe saMkaTeM| puDhilAMcheni || 159||
kAM pAvo shItaLatA lAhe| kIM te DoLyAchilAgIM hoye| taisA parasukheM jAye| sukhAvatu || 160||
kiMbahunA tR^iShitAlAgIM| pANI ArAyileM ase jagIM| taiseM duHkhitAMche selabhAgIM| jiNeM jayAcheM || 161||
to puruShu vIrarAyA| mUrtimaMta jANa dayA| mI udayajatAMchi tayA| R^iNiyA lAbheM || 162||
AtAM sUryAsi jIveM| anusaraliyA rAjIveM| parI teM to na shive| saurabhya jaiseM || 163||
kAM vasaMtAchiyA vAhANIM| AliyA vanashrIchyA akShauhiNI| te na karItuchi gheNI| nigAlA to || 164||
heM aso mahAsiddhIsI| lakShmIhI AliyA pAshIM| parI mahAviShNu jaisI| na gaNIcha te || 165||
taise aihikIMche kAM svargIMche| bhoga pA{I}ka jAliyA ichCheche| parI bhogAve heM na ruche| manAmAjIM || 166||
bahuveM kAya kautukIM| jIva nohe viShayAbhilAkhI| alolup{}tvadashA ThA{u}kI| jANa te he || 167||
AtAM mAshiyAM jaiseM mohaLa| jaLacharAM jevIM jaLa| kAM pakShiyAM aMtarALa| mokaLeM heM || 168||
nAtarI bALakoddesheM| mAtecheM sneha jaiseM| kAM vasaMtIchyA sparsheM| ma{}U malayAniLu || 169||
DoLyAM priyAchI bheTI| kAM piliyAM kUrmIchI diThI| taisIM bhUtamAtrIM rAhaTI| mavALa te || 170||
sparsheM atimR^idu| mukhIM ghetAM susvAdu| ghrANAsi sugaMdhu| ujALu AMgeM || 171||
to AvaDe tevaDhA ghetAM| viruddha jarI na hotAM| tarI upame yetA| kApUra kIM || 172||
parI mahAbhUteM poTIM vAhe| tevIMchi paramANUmAjIM sAmAye| yA vishvAnusAra hoye| gagana jaiseM || 173||
kAya sAMgoM aiseM jiNeM| jeM jagAcheni jIveM prANeM| tayA nAMva mhaNeM| mArdava mI || 174||
AtAM parAjayeM rAjA| jaisA kadarthije lAjA| kAM mAniyA nistejA| nikR^iShTAstava || 175||
nAnA chAMDALa maMdirAshIM| avachaTeM AliyA saMnyAshI| maga lAja hoya jaisI| uttamA tayA || 176||
kShatriyA raNIM paLoni jANeM| teM koNa sAhe lAjiravANeM| kAM vaidhavyeM pAchAraNeM| mahAsatiyeteM || 177||
rUpasA udayaleM kuShTa| saMbhAvitAM kuTIcheM boTa| tayA lAjA prANasaMkaTa| hoya jaiseM || 178||
taiseM auTahAtapaNeM| jeM shava ho{U}ni jiNeM| upajoM upajoM maraNeM| nAvAnAvA || 179||
tiyeM garbhamedamuseM| rak{}tamUtraraseM| voMtIva ho{U}ni ase| teM lAjiravANeM || 180||
heM bahu aso dehapaNeM| nAmarUpAsi yeNeM| nAhIM gA lAjiravANeM| tayAhUnI || 181||
aisaisiyA avakaLA| ghepe sharIrAchA kaMTALA| te lAja paiM nirmaLA| nisugA goDa || 182||
AtAM sUtrataMtu tuTaliyA| cheShTAchi ThAke sAyakhaDiyA| taiseM prANajayeM karmeMdriyAM| khuMTe gatI || 183||
kIM mAvaLaliyA dinakaru| sare kiraNAMchA prasaru| taisA manojayeM prakAru| j~nAneMdriyAMchA || 184||
evaM manapavananiyameM| hotI dAhI iMdriyeM akShameM| teM achApalya varmeM| yeNeM hoya || 185||

\indent ##\hspace{1in}## tejaH kShamA dhR^itiH shauchamadroho nAtimAnitA |
\indent ##\hspace{1in}## bhavanti sa.npada.n daivImabhijAtasya bhArata || 3||\newline%@

AtAM IshvaraprAptIlAgIM| pravartatAM j~nAnamArgIM| dhiMvaseyAchi AMgI| uNIva nohe || 186||
vokhaTeM maraNA{ai}seM| teMhI AleM agnipravesheM| parI prANeshvaroddesheM| na gaNIchi satI || 187||
taiseM AtmanAthAchiyA AdhI| lA{U}ni viShayaviShAchI bAdhI| dhAMvoM AvaDe pANadhI| shUnyAchiye || 188||
na ThAke niShedhu ADa| na paDe vidhIchI bhIDa| nupajechi jIvIM koDa| mahAsiddhIcheM || 189||
aiseM IshvarAkaDe nija| dhAMve ApasayA sahaja| tayA nAMva teja| AdhyAtmika teM || 190||
AtAM sarvahI sAhAtiyA garimA| garvA na ye techi kShamA| jaiseM deha vAhoni romA| vAhaNeM neNeM || 191||
ANi mAtaliyA iMdriyAMche vega| kAM prAchIneM khavaLale roga| athavA yogaviyoga| priyApriyAMche || 192||
yayA AghaviyAMchAchi thoru| eke veLe AliyA pUru| tarI agastya kAM ho{U}ni dhIru| ubhA ThAke || 193||
AkAshIM dhUmAchI rekhA| uThilI bahuvA AgaLikA| te giLI yekI jhuLukA| vArA jevIM || 194||
taiseM adhibhUtAdhidaivAM| adhyAtmAdi upadravAM| pAtaleyAM pAMDavA| giLuni ghAlI || 195||
aiseM chittakShobhAchyA avasarIM| uchalUni dhairyA jeM chAMgAveM karI| dhR^iti mhaNipe avadhArIM| tiyeteM gA || 196||
AtAM nirvALUni kanakeM| bharilA gAMgeM pIyUkheM| tayA kalashAchiyAsArikheM| shaucha aseM || 197||
je AMgIM niShkAma AchAru| jIvIM viveku sAchAru| to sabAhya ghaDalA AkAru| shuchitvAchAchi || 198||
kAM pheDita pApa tApa| pokhIta tIrIMche pAdapa| samudrA jAya Apa| gaMgecheM jaiseM || 199||
kAM jagAcheM AMdhya pheDitu| shriyechIM rA{u}LeM ughaDitu| nighe jaisA bhAsvatu| pradakShiNe || 200||
taisIM bAMdhilIM soDitA| buDAlIM kADhitA| sAMkaDI pheDitA| ArtAMchiyA || 201||
kiMbahunA divasarAtI| puDhilAMcheM sukha unnati| ANita ANita svArthIM| praveshije || 202||
vAMchUni ApuliyA kAjAlAgIM| prANijAtAchyA ahitabhAgIM| saMkalpAchIhI ADavaMgI| na karaNeM jeM || 203||
paiM adrohatva aishiyA goShTI| aikasI jiyA kirITI| teM sAMgitaleM heM diThI| pAhoM ye taiseM || 204||
ANi gaMgA shaMbhUchA mAthAM| pAvoni saMkoche jevIM pArthA| tevIM mAnyapaNeM sarvathA| lAjaNeM jeM || 205||
teM heM puDhata puDhatI| amAnitva jANa sumatI| mAgAM sAMgitaleMse kitI| teMchi teM boloM || 206||
evaM ihIM savviseM| brahmasaMpadA he vasata ase| mokShachakravartIcheM jaiseM| agrahAra hoya || 207||
nAnA he saMpatti daivI| yA guNatIrthAMchI nIcha navI| nirviNNasagarAMchI daivI| gaMgAchi AlI || 208||
kIM gaNakusumAMchI mALA| he ghe{U}ni muktibALA| vairAgyanirapekShAchA gaLA| giMvasIta ase || 209||
kIM savviseM guNajyotI| ihIM ujaLUni AratI| gItA AtmayA nijapatI| nIrAMjanA AlI || 210||
ugaLiteM nirmaLeM| guNa iyeMchi muk{}tAphaLeM| daivI shuktikaLeM| gItArNavIMchI || 211||
kAya bahu vAnUM aisI| abhivyaktI ye apaisI| keleM daivI guNarAshI| saMpattirUpa || 212||
AtAM duHkhAchI AMtuvaTa velI| doShakATyAMchI jarI bharalI| tarI nijAbhidhAnI ghAlI| AsurI te || 213||
paiM tyAjya tyajAvayAlAgIM| jANAvI jarI anupayogI| tarI aikA te chAMgI| shrotrashaktI || 214||
tarI narakavyathA thorI| ANAvayA doShIMghorIM| meLu kelA te AsurI| saMpatti he || 215||
nAnA viShavargu ekavaTu| tayA nAMva jaisA bAsaTu| AsurI saMpattI hA khoTu| doShAMchA taisA || 216||

\indent ##\hspace{1in}## dambho darpo.abhimAnashcha krodhaH pAruShyameva cha |
\indent ##\hspace{1in}## aj~nAna.n chAbhijAtasya pArtha sa.npadamAsurIm.h || 4||\newline%@

tarI tayAchi asurAM| doShAMmAjIM jayA vIrA| vADapaNAchA DAMgorA| to daMbhu aisA || 217||
jaisI ApulI jananI| nagna dAviliyA janIM| te tIrthachi parI patanIM| kAraNa hoya || 218||
kAM vidyA gurUpadiShTA| bobhA{i}liyA chohaTAM| tarI iShTadA parI aniShTA| hetu hotI || 219||
paiM AMgeM buDatAM mahApUrIM| je vegeM kADhI pailatIrIM| te nAMvachi bAMdhiliyA shirIM| buDavI jaisI || 220||
kAraNa jeM jIvitA| teM vAnileM jarI sevitAM| tarI annachi paMDusutA| hoya viSha || 221||
taisA dR^iShTAdR^iShTAchA sakhA| dharmu jAlA to phokArije dekhA| tarI tAritA tochi dokhA\-| lAgIM hoya || 222||
mhaNauni vAchechA chaubArA| ghAtaliyA dharmAchA pasArA| dharmuchi to adharmu hoya vIrA| to daMbhu jANe || 223||
AtAM mUrkhAchiye jibhe| akSharAMchA AMbukhA subhe| ANi to brahmasabhe| na rijhe jaisA || 224||
kAM mAdurI lokAMchA ghoDA| gajapatihI mAnI thoDA| kAM kAMTiyevarilyA saraDA| svarguhI nIcha || 225||
tR^iNAcheni iMdhaneM| AgI dhAMve gaganeM| thillarabaLeM mIneM| na gaNije siMdhu || 226||
taisA mAje striyA dhaneM| vidyA stutI bahuteM mAneM| eke divasIMcheni parAnneM| alpaku jaisA || 227||
abhrachChAyechiyA joDI| nidaivu ghara moDI| mR^igAMbu dekhoni phoDI| paNiyADeM mUrkha || 228||
kiMbahunA aisaiseM| utaNeM jeM saMpattimiseM| to darpu gA anAriseM| na boleM ghe{I}M || 229||
ANi jagA vedIM vishvAsu| ANi vishvAsIM pUjya Ishu| jagIM eka tejasu| sUryuchi hA || 230||
jagaspR^ihe Aspada| eka sArvabhaumapada| na maraNeM nirvivAda| jagA paDhiyeM || 231||
mhaNauni jaga utsAheM| yAteM vAnUM jAye| kIM teM A{i}koni matsaru vAhe| phugoM lAge || 232||
mhaNe IshvarAteM khAyeM| tayA vedA viSha sUyeM| gauravAmAjIM trAye| bhaMgIta ase || 233||
pataMgA nAvaDe jyotI| khadyotA bhAnUchI khaMtI| TiTibheneM ApAMpatI| vairI kelA || 234||
taisA abhimAnAcheni moheM| IshvarAcheMhI nAma na sAhe| bApAteM mhaNe maja he| savatI jAlI || 235||
aisA mAnyatechA puShTagaMDu| to abhimAnI paramalaMDu| rauravAchA rUDhu| mArguchi pai || 236||
ANi puDhilAMcheM sukha| dekhaNiyAcheM hoya mikha| chaDhe krodhAgnIcheM vikha| manovR^ittI || 237||
shItaLAchiye bheTI| tAtalA telIM AgI uThI| chaMdru dekhoni jaLe poTIM| kolhA jaisA || 238||
vishvAcheM AyuShya jeNeM ujaLe| to sUryu udailA dekhoni savaLe| pApiyA phuTatI DoLe| DuDuLAche || 239||
jagAchI sukhapahAMTa| chorAM maraNAhUni nikR^iShTa| dudhAcheM kALakUTa| hoya vyALIM || 240||
agAdheM samudrajaLeM| prAshitAM adhika jaLe| vaDavAgnI na miLe| shAMti kahIM || 241||
taisA vidyAvinodavibhaveM| dekhe puDhilAMchIM daiveM| taMva taMva roShu duNAve| krodhu to jANa || 242||
ANi mana sarpAchI kuTI| DoLe nArAchAMchI suTI| bolaNeM te vR^iShTI| iMgaLAMchI || 243||
yera jeM kriyAjAta| teM tikhayAcheM karvata| aiseM sabAhya khasAsita| jayAcheM gA || 244||
to manuShyAMta adhamu jANa| pAruShyAcheM avataraNa| AtAM A{i}ka khUNa| aj~nAnAchI || 245||
tarI shItoShNasparshA| nivADu neNeM pAShANu jaisA| kAM rAtrI ANi divasA| jAtyaMdhu to || 246||
AgI uThilA ArogaNeM| jaisA khAdyAkhAdya na mhaNe| kAM parisA pADu neNeM| sonayA lohA || 247||
nAtarI nAnArasIM| righoni darvI jaisI| parI rasasvAdAsI| chAkhoM neNeM || 248||
kAM vArA jaisA pArakhI| navhechi gA mArgAmArgavikhIM| taise kR^ityAkR^ityavivekIM| aMdhapaNa jeM || 249||
heM chokha heM maiLa| aiseM neNoniyAM bALa| dekhe teM kevaLa| mukhIMchi ghAlI || 250||
taiseM pApapuNyAcheM khichaTeM| karoni khAtAM buddhicheShTe| kaDu madhura na vATe| aisI je dashA || 251||
tiye nAma aj~nAna| yA bolA nAhIM Ana| evaM sAhI doShAMcheM chinha| sAMgitaleM || 252||
ihIMcha sAhI doShAMgIM| he AsurI saMpatti dATugI| jaiseM thora viShaya subhage aMgIM| aMga sAneM || 253||
kAM tighA vanhIMchyA pAMtI| pAhatAM thoDe ThAya gamatI| parI vishvahI prANAhutI| karUM na pure || 254||
dhAtayAhI geliyA sharaNa| tridoShIM na chuke maraNa| tayA tihIMchI duNI jANa| sAhI doSha he || 255||
ihIM sAhI doShIM saMpUrNIM| jAlI iyechi ubhAraNI| mhaNauni AsurI uNI| saMpadA navhe || 256||
parI krUragrahAMchI jaisI| mAMdI miLe ekechi rAshI| kAM yetI niMdakApAsIM| asheSha pApeM || 257||
maraNArAcheM AMga| paDighAtI avaghechi roga| kAM kumuhUrtIM duryoga| ekavaTatI || 258||
vishvAsalA AtuDavIje chorA| shiNalA su{}ije mahApurA| taiseM doShIM ihIM narA| aniShTa kIje || 259||
kAM AyuShya jAtiye veLe| sheLiye sAtave{}uLI miLe| taise sAhI doSha sagaLe| joDatI tayA || 260||
mokShamArgAkaDe| jaiM yAMchA AMbukhA paDe| taiM na nighe mhaNauni buDe| saMsArIM to || 261||
adhamAM yonIMchyA pA{u}TIM| utarata jo kirITI| sthAvarAMhI taLavaTIM| baisaNeM ghe || 262||
heM aso tayAchyA ThAyIM| miLoni sAhI doShIM ihIM| AsurI saMpatti pAhIM| vADhavije || 263||
aisiyA yA donI| saMpadA prasiddhA janIM| sAMgitaliyA chinhIM| vegaLAlyA || 264||

\indent ##\hspace{1in}## daivI sa.npadvimokShAya nibandhAyAsurI matA |
\indent ##\hspace{1in}## mA shuchaH sa.npada.n daivImabhijAto.asi pANDava || 5||\newline%@

iyA donhIMmAjIM pahilI| daivI je mhaNitalI| te mokShasUryeM pAhalI| ukhAchi jANa || 265||
yerI je dusarI| saMpatti kAM AsurI| te mohalohAchI kharI| sAMkhaLI jIvAM || 266||
parI heM A{i}koni jhaNeM| bhaya ghesI ho maneM| kAya rAtrIchA dineM| dhAku dharije || 267||
he AsurI saMpatti tayA| baMdhAlAgIM dhanaMjayA| jo sAhI doShAM yayAM| Ashrayo hoya || 268||
tUM taMva pAMDavA| sAMgitaleyA daivA| guNanidhI baravA| janmalAsI || 269||
mhaNauni pArthA tUM yA| daivI saMpattI svAmiyA| ho{U}ni yAveM uvAyA| kaivalyAchiyA || 270||

\indent ##\hspace{1in}## dvau bhUtasargau loke.asmin daiva Asura eva cha |
\indent ##\hspace{1in}## daivo vistarashaH prok{}ta Asura.n pArtha me shruNu || 6||\newline%@

ANi daivAM AsurAM| saMpattivaMtAM narAM| anAdisiddha ujagarA| rAhATIchA Ahe || 271||
jaiseM rAtrIchyA avasarIM| vyApArije nishAcharIM| divasA suvyavahArIM| manuShyAdikIM || 272||
taisiyA ApulAliyA rAhATIM| vartatI donhI sR^iShTI| daivI ANi kirITI| AsurI yetha || 273||
tevIMchi vistArUni daivI| j~nAnakathanAdi prastAvIM| mAgIla graMthIM baravI| sAMgitalI || 274||
AtAM AsurI je sR^iShTI| tethiMchI upala{}UM goThI| avadhAnAchI diThI| de pAM nikI || 275||
tarI vAdyeMvINa nAdu| nedI kavaNAhI sAdu| kAM apuShpIM makaraMdu| na labhe jaisA || 276||
taisI prakR^iti he Asura| ekalI nohe gochara| jaMva ekAdheM sharIra| mAlhAtInA || 277||
maga AviShkAralA lAMkuDeM| pAvaku jaisA joDe| taisI prANidehIM sAMpaDe| ATopalI he || 278||
te veLIM je vADhI UMsA| techi AMtulA rasA| dehAkAru hoya taisA| prANiyAMchA || 279||
AtAM tayAchi prANiyAM| rUpa karUM dhanaMjayA| ghaDale je AsurIyA| doShavR^iMdIM || 280||

\indent ##\hspace{1in}## pravR^itti.n cha nivR^itti.n cha janA na vidurAsurAH |
\indent ##\hspace{1in}## na shaucha.n nApi chAchAro na satya.n teShu vidyate || 7||\newline%@

tarI puNyAlAgIM pravR^ittI| kAM pApAviShayIM nivR^ittI| yA jANaNeyAchI rAtI| tayAMcheM mana || 281||
nigaNeyA ANi praveshA| chitta nedItu AveshA| koshakiTu jaisA| jAchinnalA paiM || 282||
kAM didhaleM mAgutI ye{I}la| kIM na ye heM puDhIla| na pAhAtAM de bhAMDavala| mUrkha chorAM || 283||
taisiyA pravR^itti nivR^itti donI| neNijatI AsurIM janIM| ANi shaucha te svapnIM| dekhatI nA te || 284||
kALimA sAMDIla koLasA| varI chokhI ho{I}la vAyasA| rAkShasahI mAMsA| viToM shake || 285||
parI AsurAM prANiyAM| shaucha nAhIM dhanaMjayA| pavitratva jevIM bhAMDiyA| madyAchiyA || 286||
vADhavitI vidhIchI Asa| kAM pAhAtI vaDilAMchI vAsa| AchArAchI bhASha| neNatIchi te || 287||
jaiseM charaNeM sheLiyecheM| kAM dhAvaNeM vAriyAcheM| jALaNeM AgIcheM| bhalate{}uteM || 288||
taiseM puDhAM sUni svaira| AcharatI te gA Asura| satyeMsi kIra vaira| sadAchi tayAM || 289||
jarI nAMgiyA ApuliyA| viMchU karI gudaguliyA| tarI sAchA bolI boliyA| bolatI te || 290||
ApAnAcheni toMDeM| jarI sugaMdhA yeNeM ghaDe| tarI satya tayAM joDe| AsurAMteM || 291||
aiseM te na karitAM kAMhIM| AMgeMchi vokhaTe pAhIM| AtAM bolatI te navA{I}| sAMgijaila || 292||
eRhavIM kareyAchyA ThAyIM chAMga| teM tayAsi kaicheM nITa AMga| taisA AsurAMchA prasaMga| prasaMgeM parIsa || 293||
udhavaNIcheM jevIM toMDa| ubhaLI dhuMvAche ubhaDa| heM jANije tevIM ughaDa| sAMgoM te bola || 294||

\indent ##\hspace{1in}## asatyamapratiShTha.n te jagadAhuranIshvaram.h |
\indent ##\hspace{1in}## aparasparasa.nbhUta.n kimanyat.h kAmahaitukam.h || 8||\newline%@

tarI vishva hA anAdi ThAvo| yetha niyaMtA IshvararAvo| chAvaDiye nyAvo anyAvo| nivaDI vedu || 295||
vedIM anyAyIM paDe| to nirayabhogeM daMDe| sanyAyI to suravADeM| svargIM jiye || 296||
aisI he vishvavyavasthA| anAdi je pArthA| iyeteM mhaNatI te vR^ithA| avagheMchi heM || 297||
yaj~namUDha Thakile yAgIM| devapiseM pratimAliMgIM| nAgavile bhagave yogI| samAdhibhrameM || 298||
yetha Apuleni baLeM| bhogije jeM jeM veMTALeM| heM vAMchoni vegaLeM| puNya Ahe \? || 299||
nA ashaktapaNeM AMgikeM| vegaLaveMTALIM na TakeM| aisA gAdijevINa viShayasukheM| teMchi pApa || 300||
prANa ghepatI saMpannAMche| te pApa jarI sAcheM| tarI sarvasva hAtA ye tayAMcheM| heM puNyaphaLa kIM  \? || 301||
baLI abaLAteM khAya| heMchi bAdhita jarI hoya| tarI mAsayAM kAM na hoya| nisaMtAna \? || 302||
ANi kuLeM shodhUni donhI| kumAreMchi shubhalagnIM| meLavIjatI prajAsAdhanIM| hetu jarI || 303||
tarI pashupakShAdi jAtI| jayA mitI nAhIM saMtatI| tayAM koNeM pratipattIM| vivAha kele \? || 304||
choriyecheM dhana AleM| tarI teM koNAsi viSha jAleM \?| vAlabheM paradvAra keleM| koDhI koNI hoya \? || 305||
mhaNauni devo gosAMvI| to dharmAdharmu bhogavI| ANi paratrAchyA gAMvIM| karI to bhogI || 306||
parI paratra nA devo| na dise mhaNauni teM vAvo| ANi kartA nime mA ThAvo| bhogyAsi kavaNu \? || 307||
yetha urvashiyA iMdra sukhI| jaisA kAM svargalokIM| taisAchi kR^imihI narakIM| loLatu shlAghe || 308||
mhaNauni naraka svargu| navhe pApapuNyabhAgu| je dohIM ThAyIM sukhabhogu| kAmAchAchi to || 309||
yAkAraNeM kAmeM| strIpuruShayugmeM| miLatI tetha janme| AghaveM jaga || 310||
ANi jeM jeM abhilASheM| svArthAlAgIM heM poShe| pAThIM parasparadveSheM| kAmachi nAshI || 311||
evaM kAmAvAMchUni kAMhIM| jagA mULachi Ana nAhIM| aiseM bolatI pAhIM| Asura gA te || 312||
AtAM aso heM kiDALa| bolI na karUM paghaLa| sAMgatAMchi saphola| hotase vAchA || 313||

\indent ##\hspace{1in}## etA.n dR^iShTimavaShTabhya naShTAtmAno.alpabuddhayaH |
\indent ##\hspace{1in}## prabhavantyugrakarmANaH kShayAya jagato.ahitAH || 9||\newline%@

ANi IshvarAchiyA khaMtI| nusadhiyAchi karitI chAMthI| heMhI nAhIM chittIM| nishchayo eku || 314||
kiMbahunA ughaDa| AMgI lA{U}niyAM pAkhAMDa| nAstikapaNAcheM hADa| roMvileM jIvIM || 315||
te veLIM svargAlAgIM Adaru| kAM narakAchA aDadaru| yA vAsanAMchA aMkuru| jaLoni gelA || 316||
maga kevaLa ye dehakhoDAM| amedhyodakAchA buDabuDA| viShayapaMkIM suhADA| buDAle gA || 317||
jaiM ATAveM hotI jaLachara| taiM DohIM miLatIM DhIvara| kAM paDAveM hoya sharIra| taiM rogA udayo || 318||
udaijaNeM ketUcheM jaiseM| vishvA aniShToddesheM| janmatI te taise| lokAM ATUM || 319||
virUDhaliyA ashubha| phuTatI taiM te koMbha| pApAche kIrtistaMbha| chAlate te || 320||
ANi mAgAMpuDhAM jALaNeM| vAMchUni AgI kAMhIM neNeM| taiseM viruddhachi eka karaNeM| bhalateyAM || 321||
parI teMchi gA karaNeM| AdaritI saMbhrameM jeNeM| to A{i}ka pArthA mhaNe| shrInivAsu || 322||

\indent ##\hspace{1in}## kAmamAshritya duShpUra.n dambhamAnamadAnvitAH |
\indent ##\hspace{1in}## mohAd.h gR^ihItvA.asadgrahAnpravartante.ashuchivratAH || 10||\newline%@

tarI jALa pANiyeM na bhare| AgI iMdhana na pure| tayAM durbharAMchiye dhure| bhukALu jo || 323||
tayA kAmAchA volAvA| jIvIM dharuniyA pAMDavA| daMbhamAnAchA meLAvA| meLavitI || 324||
mAtaliyA kuMjarA| AgaLI jAlI madirA| taisA madAchA tAThA taMva jarA| chaDhatAM AMgIM || 325||
ANi AgrahA tochi ThAvo| varI mauDhyA{ai}sA sAvAvo| maga kAya vAnUM nirvAho| nishchayAchA || 326||
jihIM paropatApu ghaDe| parAvA jIvu ragaDe| tihIM karmIM ho{U}ni gADhe| janmavR^ittI || 327||
maga ApuleM keleM phokAritI| ANi jagAteM dhikkAritI| dAhIM dishIM pasaritI| spR^ihAjALa || 328||
aiseni gA ATopeM| thoriyeM ANatI pApeM| dharmadhenu khurapeM| suTaleM jaiseM || 329||

\indent ##\hspace{1in}## chintAmaparimeyA.n cha pralayAntAmupAshritAH |
\indent ##\hspace{1in}## kAmopabhogaparamA etAvaditi nishchitAH || 11||\newline%@

yAchi ekA AyatI| tayAchiyA karmapravR^ittI| ANi jiNiyAhI parautI| vAhatI chiMtA || 330||
pAtALAhUni nimna| jiyechiye uMchIye sAneM gagana| jeM pAhAtAM tribhuvana| aNuhI nohe || 331||
te yogapaTAchI mavaNI| jIvIM aniyama chiMtavaNI| je sAMDUM neNeM maraNIM| vallabhA jaisI || 332||
taisI chiMtA apAra| vADhavitI niraMtara| jIvIM sUni asAra| viShayAdika || 333||
striyA gA{i}leM A{i}kAveM| strIrUpa DoLAM dekhAveM| sarveMdriyeM AliMgAveM| striyeteMchi || 334||
kuravaMDI kIje amR^iteM| aiseM sukha striyeparauteM| nAhIMchi mhaNauni chitteM| nishchayo kelA || 335||
maga tayAchi strIbhogA\-| lAgIM pAtALa svargA| dhAMvatI digvibhAgA| parautehI || 336||

\indent ##\hspace{1in}## AshApAshashatairbaddhAH kAmakrodhaparAyaNAH |
\indent ##\hspace{1in}## Ihante kAmabhogArthamanyAyenArthasa~nchayAn || 12||\newline%@

AmiShakavaLu thorI AshA| na vichAritAM giLI mAsA| taiseM kIje viShayAshA| tayAMsi gA || 337||
vAMChita taMva na pavatI| maga koraDiyechi AshechI saMtatI| vADha{}UM vADha{}UM hotI| koshakiDe || 338||
ANi pasarilA abhilAShu| apUrNu hoya tochi dveShu| evaM kAmakrodhAMhUni adhiku| puruShArthu nAhIM || 339||
dihA kholaNeM rAtrIM jAgovA| ThANAMtarIyAM jaisA pAMDavA| ahorAtrIMhI visAMvA| bheTechinA || 340||
taiseM uMchauni loTileM kAmeM| nehaTatI krodhAchiye Dheme| tarI rAgadveSha premeM| na mAtI keMhI || 341||
tevIMchi jIvIMchiyA hAMvA| viShayavAsanAMchA meLAvA| kelA tarI bhogAvA| artheM kIM nA \? || 342||
mhaNauni bhogAvayAjogA| puratA arthu paiM gA| ANAvayA jagA| jhoMbatI sairA || 343||
ekAteM sAdhUni mAritI| ekAchi sarvasveM haritI| ekAlAgIM ubhAritI| apAyayaMtreM || 344||
pAshikeM potIM vAgurA| suNIM sasANeM chikATI khoMchArA| ghe{}Uni nighatI DoMgarA| pAradhI jaiseM || 345||
te posAvayA poTa| mArUni prANiyAMche saMghATa| ANitI aiseM nikR^iShTa| teMhI karitI || 346||
paraprANaghAteM| meLavitI vitteM| miLAlyA chitteM| toShaNeM kaiseM || 347||

\indent ##\hspace{1in}## idamadya mayA labdhamima.n prApsye manoratham.h |
\indent ##\hspace{1in}## idamastIdamapi me bhaviShyati punardhanam.h || 13||\newline%@

mhaNe Aji miyAM| saMpatti bahutekAMchiyA| ApulyA hAtIM keliyA| dhanyu nA mI \? || 348||
aisA shlAghoM jaMva jAye| taMva mana ANIkahI vAhe| saveMchi mhaNe pAhe| ANikAMcheMhI ANUM || 349||
heM jetuleM ase joDileM| tayAcheni bhAMDavaleM| lAbhA ghe{I}na uraleM| charAchara heM || 350||
aiseni dhanA vishvAchiyA| mIchi ho{I}na svAmiyA| maga diThI paDe tayA| uroM nedI || 351||

\indent ##\hspace{1in}## asau mayA hataH shatrurhaniShye chAparAnapi |
\indent ##\hspace{1in}## Ishvaro.ahamaha.n bhogI siddho.aha.n balavAn sukhI || 14||\newline%@

he mArile vairI thoDe| ANIkahI sAdhIna gADhe| maga nAMdena pavADeM| yekalAchi mI || 352||
maga mAjhI hotIla kAmArIM| tiyeMvAMchUni yereM mArIM| kiMbahunA charAcharIM| Ishvaru to mI || 353||
mI bhogabhUmIchA rAvo| Aji sarvasukhAsI ThAvo| mhaNauni iMdruhI vAvo| mAteM pAhuni || 354||
mI maneM vAchA deheM| karIM te kaiseM nohe| keM majavAMchUni Ahe| Aj~nAsiddha Ana \? || 355||
taMvachi baLiyA kALu| jaMva na diseM mI aturbaLu| sukhAchA kIra nikhiLu| rAsivA mIchi || 356||

\indent ##\hspace{1in}## ADhyo.abhijanavAnasmi ko.anyo.asti sadR^isho mayA |
\indent ##\hspace{1in}## yakShye dAsyAmi modiShya ityaj~nAnavimohitAH || 15||\newline%@

kuberu AthilA hoye| parI to neNeM mAjhI soye| saMpattI majasama navhe| shrInAthAhI || 357||
mAjhiyA kuLAchA ujALU| kAM jAtigotAMchA meLU| pAhatAM brahmAhI haLU| uNAchi dise || 358||
mhaNauni miravitI nAMveM| vAyAM IshvarAdi Aghave| nAhIM majasIM sarI pAve| aiseM koNhI || 359||
AtAM lopalA abhichAru| tayA karIna mI jIrNoddhAru| pratiShThIna paramAru| yAgavarI || 360||
mAteM gAtI vAnitI| naTanAcheM rijhavitI| tayAM de{I}na mAgatI| te te vastu || 361||
mAjirA annapAnIM| pramadAMchyA AliMganIM| mI ho{I}na tribhuvanIM| AnaMdAkAru || 362||
kAya bahu sAMgoM aiseM| te AsurIprakR^itI piseM| turaMbitI asoseM| gaganauLeM tiyeM || 363||

\indent ##\hspace{1in}## anekachittavibhrAntA mohajAlasamAvR^itAH |
\indent ##\hspace{1in}## prasak{}tAH kAmabhogeShu patanti narake.ashuchau || 16||\newline%@

jvarAcheni ATopeM| rogI bhalataiseM jalpe| chAvaLatI saMkalpeM| jANa te taiseM || 364||
aj~nAna Atule dhuLI| mhaNauni AshA vAhaTuLI| bhovaMDIjatI aMtarALIM| manorathAMchyA || 365||
aniyama AShADha megha| kAM samudrormI abhaMga| taise kAmitI anega| akhaMDa kAma || 366||
maga paiM kAmanAchi tayA| jIvIM jAlyA velariyA| vorapilI kAMTiyA| kamaLeM jaisIM || 367||
kAM pAShANAchiyA mAthAM| hAMDI phuTalI pArthA| jIvIM taiseM sarvathA| kuTake jAle || 368||
tevhAM chaDhatiye rajanI| tamAchI hoya puravaNI| taisA moho aMtaHkaraNIM| vADhoMchi lAge || 369||
ANi vADhe jaMva jaMva moho| taMva taMva viShayIM roho| viShaya tetha ThAvo| pAtakAsI || 370||
pApeM Apaleni thAMveM| jaMva karitI meLAve| taMva jitAMchi Aghave| yetI narakAM || 371||
mhaNauni gA sumatI| je kumanorathAM pALitI| te Asura yetI vastI| tayA ThAyA || 372||
jetha asipatrataruvara| khadirAMgArAche DoMgara| tAtalA telIM sAgara| utatAtI || 373||
jetha yAtanAMchI shreNI| he nitya navI yamajAchaNI| paDatI tiye dAruNIM| narakalokIM || 374||
aise narakAchiye shele| bhAgIM je je janmale| tehI dekhoM bhulale| yajitI yAgIM || 375||
eRhavIM yAgAdika kriyA| AhANa techi dhanaMjayA| parI viphaLatI AcharoniyAM| nATakI jaisI || 376||
vallabhAchiyA ujariyA| ApaNayAprati kustriyA| joDoni toShitI jaisiyAM| ahevapaNeM || 377||

\indent ##\hspace{1in}## Atmasa.nbhAvitAH stabdhA dhanamAnamadAnvitAH |
\indent ##\hspace{1in}## yajante nAmayaj~naiste dambhenAvidhipUrvakam.h || 17||\newline%@

taiseM ApaNayAM ApaNa| mAnitAM mahaMtapaNa| phugatI asAdhAraNa| garveM teNeM || 378||
maga lavoM neNatI kaise| ATivA lohAche khAMba jaise| kAM udhavale AkAsheM| shiLArAshI || 379||
taiseM Apuliye barave| ApaNachi rijhatAM jIveM| tR^iNAhIhUni AghaveM| mAnitI nIcha || 380||
varI dhanAchiyA madirA| mAjUni dhanurdharA| kR^ityAkR^ityavichArA| savateM keleM || 381||
jayA AMgIM AyatI aisI| tetha yaj~nAchI goThI kAyasI| tarI kAya kAya pisIM| na karitI gA \? || 382||
mhaNauni koNe eke veLe| mauDhyamadyAcheni baLeM| yAgAchIMhI TavALeM| AdaritI || 383||
nA kuMDa maMDapa vedI| nA uchita sAdhanasamR^iddhI| ANi tayAMsI taMva vidhI| dvaMdvachi sadA || 384||
devAM brAhmaNAMcheni nAMveM| ADavArenahi nohAveM| aiseM AthI tetha yAveM| lAge kavaNA \? || 385||
paiM vAsaruvAchA bhokasA| gA{I}puDheM ThevUni jaisA| ugANA ghetI kShIrarasA| buddhivaMta || 386||
taiseM yAgAcheni nAMveM| jaga vA{U}ni hAMveM| nAgavitI AghaveM| aherAvArI || 387||
aishA kAMhIM ApuliyA| homitI je ujariyA| teNeM kAmitI prANiyA| sarvanAshu || 388||

\indent ##\hspace{1in}## aha~NkAra.n bala.n darpa.n kAma.n krodham.h cha sa.nshritAH |
\indent ##\hspace{1in}## mAmAtmaparadeheShu pradviShanto.abhyasUyakAH || 18||\newline%@

maga puDhAM bherI nishANa| lA{u}nI te dIkShitapaNa| jagIM phokAritI ANa| vAvo vAvo || 389||
tevhAM mahattveM teNeM adhamA| garvA chaDhe mahimA| jaise leve didhale tamA| kAjaLAche || 390||
taiseM mauDhya ghaNAve| auddhatya uMchAve| ahaMkAru duNAve| avivekuhI || 391||
maga dujayAchI bhASha| nuravAvayA niHsheSha| baLIyepaNA adhika| hoya baLa || 392||
aisA ahaMkAra baLA| jAliyA ekavaLA| darpasAgaru maryAdaveLA| sAMDUni ute || 393||
maga vosaMDileni darpeM| kAmAhI pitta kurupe| tayA dhagIM saiMgha paLipe| krodhAgni to || 394||
tetha unhALA AgI kharamarA| telAtupAchiyA koThArA| lAgalA ANi vArA| suTalA jaisA || 395||
taisA ahaMkAru baLA AlA| darpu kAmakrodhIM gUDhalA| yA dohIMchA meLu jAlA| jayAMchyA ThAyIM || 396||
te ApuliyA saveshA| maga koNI koNI hiMsA| yA prANiyAMte vIreshA| na sAdhatI gA \? || 397||
pahileM taMva dhanurdharA| ApuliyA mAMsarudhirA| veMchu karitI abhichArA\-| lAgoniyAM || 398||
tetha jALitI jiyeM deheM| yAmAjIM jo mI AheM| tayA AtmayA maja ghAye| vAjatI te || 399||
ANi abhichArakIM tihIM| upadravije jetuleM kAMhIM| tetha chaitanya mI pAhIM| sINu pAve || 400||
ANi abhichArAvegaLeM| vipAyeM je avagaLeM| tayA TAkitI iTALeM| paishUnyAchIM || 401||
satI ANi satpurukha| dAnashILa yAj~nika| tapasvI alaukika| saMnyAsI je || 402||
kAM bhakta hana mahAtme| iyeM mAjhIM nijAchIM dhAmeM| nirvALalIM homadharmeM| shrautAdikIM || 403||
tayAM dveShAcheni kALakUTeM| bAsaToni tikhaTeM| kubolAMchIM sadaTeM| sUti kAMDeM || 404||

\indent ##\hspace{1in}## tAnaha.n dviShataH krUrAn sa.nsAreShu narAdhamAn |
\indent ##\hspace{1in}## kShipAmyajasramashubhAnAsurIShveva yoniShu || 19||\newline%@

aise AghavAchi parI| pravartale mAjhyA vairI| tayAM pApiyAM jeM mI karIM| teM A{i}ka pAM || 405||
tarI manuShyadehAchA tAgA| ghe{}Uni rusatI je jagA| te padavI hironi paiM gA| aise ThevIM || 406||
je kleshagAMvIMchA ukaraDA| bhavapurIMchA pAnavaDA| te tamoyoni tayAM mUDhAM| vR^ittIchi deM || 407||
maga AhArAcheni nAMveM| tR^iNahI jetha nugave| te vyAghra vR^ishchika ADave| taisiye karIM || 408||
tetha kShudhAduHkheM bahuteM| toDUni khAtI ApaNayAteM| maramaroM mAguteM| hotachi asatI || 409||
kAM ApulA garaLajALIM| jaLitI AMgAchI peMdaLI| te sarpachi karIM biLIM| niruMdhalA || 410||
parI ghetalA shvAsu ghApe| yetulenahI mApeM| visAMvA tayAM nATope| durjanAMsI || 411||
aiseni kalpAMchiyA koDI| gaNitAMhI saMkhyA thoDI| tetulA veLu na kADhI| kleshauni tayAM || 412||
tarI tayAMsI jetha jANeM| tethiMcheM heM pahileM peNeM| teM pAvoni yereM dAruNeM| na hotI duHkheM || 413||

\indent ##\hspace{1in}## AsurI.n yonimApannA mUDhA janmani janmani |
\indent ##\hspace{1in}## mAmaprApyaiva kaunteya tato yAntyadhamA.n gatim.h || 20||\newline%@

hA ThAyavarI| saMpatti te AsurI| adhogatI avadhArIM| joDilI tihIM || 414||
pAThIM vyAghrAdi tAmasA| yonI to aLumALu aisA| dehAdhArAchA usAsA| AthI johI || 415||
tohI mI volhAvA hireM| maga tamachi hotI ekasareM| jethe geleM AMdhAreM| kALavaMDaije || 416||
jayAMchI pApA chiLasI| naraka ghetI vivasI| shINa jAya mUrchChI| siNeM jeNeM || 417||
maLu jeNeM maiLe| tApu jeNeM poLe| jayAcheni nAMveM saLe| mahAbhaya || 418||
pApA jayAchA kaMTALA| upaje amaMgaLa amaMgaLA| viTALuhI viTALA| bihe jayA || 419||
aiseM vishvAcheyA vokhaTeyA| adhama je dhanaMjayA| teM te hotI bhogUniyAM| tAmasA yonI || 420||
ahA sAMgatAM vAchA raDe| AThavitAM mana khiraDe| kaTAre mUrkhIM kevaDhe| joDile niraya || 421||
kAyisayA te Asura| saMpatti poShitI vA{u}ra| jiyA didhaleM ghora| patana aiseM || 422||
mhaNauni tuvAM dhanurdharA| nohAveM gA tiyA moharA| je{}utA vAsu AsurA| saMpattivaMtA || 423||
ANi daMbhAdi doSha sAhI| he saMpUrNa jayAMchyA ThAyIM| te tyajAve heM kA{I}| mhaNoM kIra \? || 424||

\indent ##\hspace{1in}## trividha.n narakasyeda.n dvAra.n nAshanamAtmanaH |
\indent ##\hspace{1in}## kAmaH krodhastathA lobhastasmAdetat.h traya.n tyajet.h || 21||\newline%@

parI kAma krodha lobha| yA tihIMcheMhI thoMba| thAMve tetheM ashubha| pikaleM jANa || 425||
sarva duHkhAM ApuliyA| darshanA dhanaMjayA| pADhA{U} he bhalatayA| didhaleM AhAtI || 426||
kAM pApiyAM narakabhogIM| suvAvayAlAgIM jagIM| pAtakAMchI dATugI| sabhAchi he || 427||
te raurava gA taMvachivarI| A{i}kijatI paTAMtarIM| jaMva he tinhI aMtarIM| uThatI nA || 428||
apAya tihIM Asalaga| yAtanA ihIM savaMga| hANI hANI nohe he tigha| hechi hANI || 429||
kAya bahu boloM subhaTA| sAMgitaliyA nikR^iShTA| narakAchA dAravaMTA| trishaMku hA || 430||
yA kAmakrodhalobhAM\-| mAjIM jIveM jo hoya ubhA| to nirayapurIchI sabhA| sanmAnu pAve || 431||
mhaNauni puDhata puDhatIM kirITI| he kAmAdi doSha tripuTI| tyajAvIMchi gA vokhaTI| AghavA viShayIM || 432||

\indent ##\hspace{1in}## etairvimuk{}taH kaunteya tamodvAraistribhirnaraH |
\indent ##\hspace{1in}## AcharatyAtmanaH shreyastato yAti parA.n gatim.h 22||\newline%@

dharmAdikAM chauMhI AMtu| puruShArthAchI taiMchi mAtu| karAvI jaiM saMghAtu| sAMDIla hA || 433||
he tinhI jIvIM jaMva jAgatI| taMvavarI nikiyAchI prAptI| he mAjhe kAna nA{i}katI| devohI mhaNe || 434||
jayA ApaNapeM paDhiye| AtmanAshA jo bihe| teNeM na dharAvI he soye| sAvadhu ho{I}je || 435||
poTIM bAMdhoni pAShANa| samudrIM bAhIM AMgavaNa| kAM jiyAvayA jevaNa| kALakUTAcheM || 436||
ihIM kAmakrodhalobheMsI| kAryasiddhi jANa taisI| mhaNauni ThAvochi pusIM| yayAMchA gA || 437||
jaiM kahIM avachaTeM| he tikaDI sAMkhaLa tuTe| taiM sukheM Apuliye vATe| chAloM lAbhe || 438||
tridoShIM sAMDileM sharIra| trikuTIM phiTaliyA nagara| tridAha nimAliyA aMtara| jaiseM hoya || 439||
taisA kAmAdikIM tighIM| sAMDilA sukha pAvoni jagIM| saMgu lAhe mokShamArgIM| sajjanAMchA || 440||
maga satsaMgeM prabaLeM| sachChAstrAcheni baLeM| janmamR^ityUchIM nimALeM| nistareM rAneM || 441||
te veLIM AtmAnaMdeM AghaveM| jeM sadA vasateM baraveM| teM taiseMchi pATaNa pAve| gurukR^ipecheM || 442||
tetha priyAchI paramasImA| to bheTe mA{u}lI AtmA| tayeM khevIM ATe DiMDimA| sAMsArika he || 443||
aisA jo kAmakrodhalobhAM| jhADI karUni ThAke ubhA| to yevaDhiyA lAbhA| gosAvI hoya || 444||

\indent ##\hspace{1in}## yaH shAstravidhimutsR^ijya vartate kAmakArata |
\indent ##\hspace{1in}## na sa siddhimavApnoti na sukha.n na parA.n gatim.h || 23||\newline%@

nA heM nAvaDoni kAMhIM| kAmAdikAMchyAchi ThAyIM| dATilI jeNeM Do{I}| AtmachoreM || 445||
jo jagIM samAna sakR^ipu| hitAhita dAvitA dIpu| to amAnyu kelA bApu| vedu jeNeM || 446||
na dharIchi vidhIchI bhIDa| na karIchi ApalI chADa| vADhavIta gelA koDa| iMdriyAMcheM || 447||
kAmakrodhalobhAMchI kAsa| na soDIcha pALilI bhASha| svairAchArAcheM asosa| vaLaghalA rAna || 448||
to suTakechiyA vAhiNIM| maga pivoM na lAhe pANI| svapnIMhI te kahANI| dUrIchi tayA || 449||
ANi paratra taMva jAye| heM kIra tayA Ahe| parI aihikahI na lAhe| bhoga bhogUM || 450||
tarI mAshAlAgIM bhulalA| brAhmaNa pANabuDAM righAlA| kIM tethahI pAvalA| nAstikavAdu || 451||
taiseM viShayAMcheni koDeM| jeNeM paratrA keleM ubaDeM| taMva tochi ANikIkaDe| maraNeM nelA || 452||
evaM paratra nA svargu| nA aihikahI viShayabhogu| tetha ke{}utA prasaMgu| mokShAchA to \? || 453||
mhaNauni kAmAcheni baLeM| jo viShaya sevUM pAhe saLeM| tayA viShayo nA svargu miLe| nA uddhare to || 454||

\indent ##\hspace{1in}## tasmAchchhAstra.n pramANa.n te kAryAkAryavyavasthitau |
\indent ##\hspace{1in}## j~nAtvA shAstravidhAnok{}ta.n karma kartumihArhasi || 24||\newline%@

\indent ##\hspace{1in}## AUM tatsaditi shrImadbhagavadgItAsUpaniShatsu brahmavidyAyA.n yogashAstre
\indent ##\hspace{1in}## shrIkR^iShNArjunasa.nvAde daivAsurasa.npadvibhAgayogonAma ShoDasho.adhyAyaH || 16a ||\newline%@

yAkAraNeM paiM bApA| jayA AthI ApulI kR^ipA| teNeM vedAMchiyA niropA| Ana na kIje || 455||
patIchiyA matA| anusaroni pativratA| anAyAseM AtmahitA| bheTechi te || 456||
nAtarI shrIguruvachanA| diThI detu jatanA| shiShya AtmabhuvanA\-| mAjIM paise || 457||
heM aso ApulA ThevA| hAtA AthI jarI yAvA| tarI AdareM jevIM divA| puDhAM kIje || 458||
taisA asheShAMhI puruShArthA| jo gosAvI ho mhaNe pArthA| teNeM shrutismR^iti mAthAM| baisaNeM ghApe || 459||
shAstra mhaNela jeM sAMDAveM| teM rAjyahI tR^iNa mAnAveM| jeM ghevavI teM na mhaNAveM| viShahI viru || 460||
aisiyA vedaikaniShThA| jAliyA jarI subhaTA| tarI keM Ahe aniShTA| bheTaNeM gA \? || 461||
paiM ahitApAsUni kADhitI| hita de{U}ni vADhavitI| nAhIM gA shrutiparautI| mA{u}lI jagA || 462||
mhaNauni brahmeMshIM meLavI| taMva he koNeM na sAMDAvI| agA tuvAMhI aisIchi bhajAvI| visheSheMsIM || 463||
je Aji arjunA tUM yetheM| karAvayA satya shAstreM sArtheM| janmalAsi baLArtheM| dharmAcheni || 464||
ANi dharmAnuja heM aiseM| bodheMchi AleM apaiseM| mhaNauni AnAriseM| karUM naye || 465||
kAryAkAryavivekIM| shAstreMchi karAvIM pArakhIM| akR^itya teM kuDeM lokIM| vALAveM gA || 466||
maga kR^ityapaNeM khareM nige| teM tuvAM Apuleni AMgeM| Acharoni AdareM chAMgeM| sArAveM gA || 467||
je vishvaprAmANyAchI mudI| Aji tujhyA hAtIM aseM subuddhI| lokasaMgrahAsi trishuddhI| yogyu hosI || 468||
evaM Asuravargu AghavA| sAMgoni tethiMchA nigAvA| tohi deveM pAMDavA| nirUpilA || 469||
iyAvarI to paMDUchA| kumaru sadbhAvo jIvIMchA| pusela to chaitanyAchA| kAnIM aikA || 470||
saMjayeM vyAsAchiyA niropA| to veLu pheDilA tayA nR^ipA| taisA mIhi nivR^ittikR^ipA| sAMgena tumhAM || 471||
tumhI saMta mAjhiyA kaDA| diThIchA karAla bahuDA| tarI tumhAM mAne yevaDhA| ho{I}na mI || 472||
mhaNauni nija avadhAna| maja voLage pasAyadAna| dIjo jI sanAthu ho{I}na| j~nAnadevo mhaNe || 473||
iti shrIj~nAnadevavirachitAyAM bhAvArthadIpikAyAM  ShoDasho.adhyAyaH ||
%End of 16@
\bigskip\hrule\medskip
##
{\rm \Large
Encoded and proofread by
Chhaya Deo, Sharad Deo, and Vishwas Bhide.
Assisted by
Sunder Hattangadi, Joshi, and Shree Devi Kumar.}
\medskip\hrule\obeylines
{\rm Please send corrections to sanskrit at cheerful dot c om}
{\rm Last updated \today}
\end{document}