%@@1
% File name             : dn15.itx
%--------------------------------------------
% Text title            : Dnyaneshvari or Bhavarthadipika Chapter 15
% Author                : Sant Dnyaneshwar
% Language              : Marathi, Sanskrit
% Subject               : philosophy/hinduism/religion
% Description/comments  : 
% Transliterated by     : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Proofread by          : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Latest update         : June 20, 2005
% Send corrections to   : sanskrit at cheerful dot c om
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://sanskritdocuments.org
% http://sanskrit.bhaarat.com  See the document project
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dnyaneshvari or Bhavarthadipika Chapter 15 ..}##
\itxtitle{.. j~nAneshvarI bhAvArthadIpikA adhyAya 15 ..}##\endtitles ##
%Start of 15@
|| AUM shrI paramAtmane namaH ||
adhyAya pa.ndharAvA |
purushhottamayogaH |

AtAM hR^idaya heM ApuleM| chauphALuniyAM bhaleM| varI baisa{}UM pA{u}leM| shrIgurUMchIM || 1||
aikyabhAvAchI aMjuLI| sarveMdriya kuDmuLI| bharUniyAM puShpAMjuLI| arghyu devoM || 2||
ananyodakeM dhuvaTa| vAsanA je tanniShTha| te lAgalese aboTa| chaMdanAcheM || 3||
premAcheni bhAMgAreM| nirvALUni nUpareM| leva{}UM sukumAreM| padeM tiyeM || 4||
ghaNAvalI AvaDI| avyabhichAreM chokhaDI| tiye ghAlUM joDI| AMgoLiyA || 5||
AnaMdAmodabahaLa| sAttvikAcheM mukuLa| teM umalaleM aShTadaLa| The{}UM varI || 6||
tethe ahaM hA dhUpa jALUM| nAhaM tejeM vovALUM| sAmarasyeM poTALUM| niraMtara || 7||
mAjhI tanu ANi prANa| iyA donI pA{u}vA le{}UM shrIgurucharaNa| karUM bhogamoxa niMbaloNa| pAyAM tayAM || 8||
iyA shrIgurucharaNasevA| hoM pAtra tayA daivA| je sakaLArthameLAvA| pATu bAMdhe || 9||
brahmIMcheM visavaNeMvarI| unmekha lAhe ujarI| jeM vAcheteM iyeM karI| sudhAsiMdhu || 10||
pUrNachaMdrAchiyA koDI| vak{}tR^itvA ghApeM kuroMDI| taisI ANI goDI| axarAMteM || 11||
sUryeM adhiShThilI prAchI| jagA rANIva de prakAshAchI| taishI vAchA shrotayAM j~nAnAchI| divALI karI || 12||
nAdabrahma khujeM| kaivalyahI taiseM na saje| aisA bolu dekhije| jeNeM daiveM || 13||
shravaNasukhAchyA mAMDavIM| vishva bhogI mAdhavIM| taisI sAsinnalI baravI| vAchAvallI || 14||
ThAvo na pavatA jayAchA| maneMsI muraDalI vAchA| to devo hoya shabdAchA| chamatkAru || 15||
jeM j~nAnAsi na chojave| dhyAnAsihI jeM nAgave| teM agochara phAve| goThImAjIM || 16||
yevaDheM eka saubhaga| vaLaghe vAchecheM AMga| shrIgurupAdapadmaparAga| lAhe jaiM kAM || 17||
tarI bahu bolUM kA{I}| Aji teM AnIM ThA{I}M| mAteMvAchUni nAhIM| j~nAnadevo mhaNe || 18||
je tAnheni miyAM apatyeM| ANi mAjhe guru ekalauteM| mhaNauni kR^ipeMsi ekahAteM| jAleM tiye || 19||
pAhA pAM bharovarI AghavI| megha chAtakAMsI richavI| majalAgIM gosAvI| taiseM keleM || 20||
mhaNauni rikAmeM toMDa| karUM geleM baDabaDa| kIM gItA aiseM goDa| AtuDaleM || 21||
hoya adR^iShTa ApaiteM| taiM vALUchi rat{}neM parate| ujU AyuShya taiM mAriteM| lobhu karI || 22||
AdhaNIM ghAtaliyA haraLa| hotI amR^itAche tAMduLa| jarI bhukechI rAkhe veLa| shrIjagannAthu || 23||
tayAparI shrIguru| karitI jaiM aMgIkAru| taiM ho{U}ni ThAke saMsAru| moxamaya AghavA || 24||
pAhA pAM shrInArAyaNeM| tayA pAMDavAMcheM uNeM| kIjechi nA purANeM| vishvavaMdyeM \? || 25||
taiseM shrInivR^ittirAjeM| aj~nAnapaNa heM mAjheM| ANileM vojeM| j~nAnAchiyA || 26||
parI heM aso AtAM| prema ruLatase bolatAM| keM gurugaurava varNitAM| unmeSha ase \? || 27||
AtAM teNeMchi pasAyeM| tumhAM saMtAche mI pAyeM| voLagena abhiprAyeM| gItecheni || 28||
tarI tochi prastutIM| chaudAviyA adhyAyAchyA aMtIM| nirNayo kaivalyapatI| aisA kelA || 29||
jeM j~nAna jayAchyA hAtIM| tochi samarthu mukti| jaisA shatamakha saMpattI| svargIMchiye || 30||
kAM shata eka janmAM| jo janmoni brahmakarmA| karI tochi brahmA| Anu nohe || 31||
nAnA sUryAchA prakAshu| lAhe jevIM DoLasu| tevIM j~nAneMchi saurasu| moxAchA to || 32||
tarI tayA j~nAnAlAgIM| kavaNA pAM yogyatA AMgIM| heM pAhatAM jagIM| dekhilA eku || 33||
jeM pAtALIMcheMhI nidhAna| dAvIla kIra aMjana| parI hoAve lochana| pAyALAche || 34||
taiseM moxa de{I}la j~nAna| yetheM kIra nAhIM Ana| parI teMchi thAre aiseM mana| shuddha hoAveM || 35||
tarI viraktIvAMchUni kahIM| j~nAnAsi tagaNeMchi nAhIM| heM vichArUni ThA{I}M| ThevileM deveM || 36||
AtAM viraktIchI kavaNa parI| je ye{}Uni manAteM varI| heMhI sarvaj~neM shrIharI| dekhileM ase || 37||
je viSheM rAMdhilI rasasoye| jaiM jevaNArA ThA{u}vI hoye| taiM to tATachi sAMDUni jAye| jayAparI || 38||
taisI saMsArA yA samastA| jANije jaiM anityatA| taiM vairAgya davaDitAM| pAThI lAge || 39||
AtAM anityatva yA kaiseM| teMchi vR^ixAkAramiSheM| sAMgijata ase vishvesheM| paMchadashIM || 40||
upaDileM kavatikeM| jhADa yerimoharA ThAke| teM vegeM jaiseM suke| taiseM heM nohe || 41||
yAteM ekeparI| rUpakAchiyA kusarI| sArItase vArI| saMsArAchI || 42||
karUni saMsAra vAvo| svarUpIM ahaMte ThAvo| hoAvayA adhyAvo| paMdharAvA hA || 43||
AtAM heMchi AghaveM| graMthagarbhIMcheM chAMgAveM| upalavijela jIveM| AkarNije || 44||
tarI mahAnaMda samudra| jo pUrNa pUrNImA chaMdra| to dvArakechA nareMdra| aiseM mhaNe || 45||
agA paiM paMDukumarA| yetAM svarUpAchiyA gharA| karItase ADavArA| vishvAbhAsu jo || 46||
to hA jagaDaMbaru| nohe yetha saMsAru| hA jANije mahAtaru| thAMvalA ase || 47||
parI yerAM rukhAMsArikhA| hA taLIM mULeM varI shAkhA| taisA nohe mhaNauni lekhA| nayechi kavaNA || 48||
AgI kAM kuRhADI| hoya rigAvA jarI buDIM| tarI ho kAM bhalatevaDhI| varichIla vADhI || 49||
je tuTaliyA mULApAshIM| ulaMDela kAM shAkhAMshIM| parI taishI goThI kAyashI| hA sopA navhe || 50||
arjunA heM kavatika| sAMgatAM ase alaukika| je vADhI adhomukha| rukhA yayA || 51||
jaisA bhAnU uMchI neNoM keM| rashmijALa taLIM phAMke| saMsAra heM kAvarukheM| jhADa taiseM || 52||
ANi AthI nAthI titukeM| ruMdhaleM ase yeNeMchi ekeM| kalpAMtIMcheni udakeM| vyoma jaiseM || 53||
kAM ravIchyA astamAnIM| AMdhAreni koMde rajanI| taisA hAchi gaganIM| mAMDalA ase || 54||
yayA phaLa nA chuMbitAM| phUla nA turaMbitAM| jeM kAMhIM paMDusutA| teM rukhuchi hA || 55||
hA UrdhvamULa Ahe| parI unmULilA nohe| yeNeMchi hA hoye| shADvaLu gA || 56||
ANi UrdhvamULa aiseM| nigadileM kIra ase| parI adhIMhI asoseM| mULeM yayA || 57||
prabaLalA chaumerI| piMpaLA kAM vaDAchiyA parI| je pAraMbiyAMmAjhArIM| DahALiyA asatI || 58||
tevIMchi gA dhanaMjayA| saMsArataru yayA| adhIMchi AthI khAMdiyA| heMhI nAhIM || 59||
tarI UrdhvAhIkaDe| shAkhAMche mAMdoDe| disatAti apADeM| sAsinnaleM || 60||
jAleM gaganachi pAM veliye| kAM vArA mAMDalA rukhAcheni AyeM| nAnA avasthAtrayeM| udayalA ase || 61||
aisA hA eku| vishvAkAra viTaMku| udayalA jANa rukhu| UrdhvamULu || 62||
AtAM Urdhva yA kavaNa| yetheM mULa teM kiM laxaNa| kAM adhomukhapaNa| shAkhA kaisiyA || 63||
athavA drumA yayA| adhIM jiyA mULiyA| tiyA koNa kaisiyA| Urdhva shAkhA || 64||
ANi ashvatthu hA aisI| prasiddhI kAyasI| AtmavidavilAsIM| nirNayo kelA || 65||
heM AghaveMchi baraveM| tujhiye pratItIsi phAve| taiseni sAMgoM soliMveM| vinyAseM gA || 66||
parI aikeM gA subhagA| hA prasaMgu ase tujachi jogA| kAnachi karIM ho sarvAMgA| hiyeM AthiliyA || 67||
aiseM premaraseM suraphureM| bolileM jaMva yAdavavIreM| taMva avadhAna arjunAkAreM| mUrta jAleM || 68||
deva nirUpitI teM theMkuleM| yevaDheM shrotepaNa phAMkaleM| jaise AkAshA kheMva pasarileM| dAhI dishIM || 69||
shrIkR^iShNoktisAgarA| hA agastIchi dusarA| mhanauni ghoMTu bharoM pAhe ekasarA| avagheyAchA || 70||
aisI soya sAMDUni khavaLilI| AvaDI arjunIM deveM dekhilI| tetha jAleni sukheM kelI| kuravaMDI tayA || 71||

\indent ##\hspace{1in}## shrIbhagavAnuvAcha |
\indent ##\hspace{1in}## UrdhvamUlamadhaHshAkhamashvattha.n prAhuravyayam.h |
\indent ##\hspace{1in}## chhandA.nsi yasya parNAni yasta.n veda sa vedavit.h || 1||\newline%@

maga mhaNe dhanaMjayA| teM Urdhva gA tarU yayA| yeNeM rukheMchi kAM jayA| UrdhvatA game || 72||
eRhavIM madhyordhva adha| he nAhIM jetha bheda| advayAsIM ekavada| jayA ThAyIM || 73||
jo nA{i}kijatAM nAdu| jo asaurabhya makaraMdu| jo AMgAthilA AnaMdu| surateviNa || 74||
jayA jeM ARhAM parauteM| jayA jeM puDheM mAgauteM| disateviNa disateM| adR^ishya jeM || 75||
upAdhIchA dusarA| ghAlitAM vopasarA| nAmarUpAchA saMsArA| hoya jayAteM || 76||
j~nAtR^ij~neyAvihIna| nusadheMchi jeM j~nAna| sukhA bharaleM gagana| gALIMva jeM || 77||
jeM kArya nA kAraNa| jayA dujeM nA ekapaNa| ApaNayAM jeM jANa| ApaNachi || 78||
aiseM vastu jeM sAcheM| teM Urdhva gA yayA tarUcheM| tetha Ara gheNeM mULAcheM| teM aiseM ase || 79||
tarI mAyA aisI khyAtI| nasatIcha yayA AthI| kAM vAMjhechI saMtatI| vAnaNeM jaishI || 80||
taishI sat nA asat hoye| je vichArAcheM nAma na sAhe| aiseyA parIchI Ahe| anAdi mhaNatI || 81||
je nAnAtattvAMMchI mAMdusa| je jagadabhrAcheM AkAsha| je AkArajAtAcheM dusa| ghaDI keleM || 82||
je bhavadrumabIjikA| je prapaMchachitra bhUmikA| viparIta j~nAnadIpikA| sAMchalI je || 83||
te mAyA vastUchyA ThAyIM| ase jaiseni nAhIM| maga vastuprabhAchi pAhI| pragaTa hoye || 84||
jevhAM ApaNayA AlI nida| karI ApaNapeM jevIM mugdha| kAM kAjaLI ANI maMda| prabhA dIpIM || 85||
svapnIM priyApuDheM taruNAMgI| nidelI chevavUni vegIM| AliMgilenivINa AliMgI| sakAmu karI || 86||
taisI svarUpIM jAlI mAyA| ANI svarUpa neNe dhanaMjayA| teMchi rukhA yayA| mULa pahileM || 87||
vastUsI ApulA jo abodhu| to UrdhvIM AThuLaije kaMdu| vedAMtIM hAchi prasiddhu| bIjabhAvo || 88||
ghana aj~nAna suShuptI| to bIjAMkurabhAvo mhaNatI| yera svapna hana jAgR^itI| hA phaLabhAvo tiyechA || 89||
aisI yayA vedAMtIM| nirUpaNabhAShApratItI| parI teM aso prastutIM| aj~nAna mULa || 90||
teM Urdhva AtmA nirmaLeM| adhordhva sUchitI mULeM| baLiyA bAMdhoni ALeM| mAyAyogAcheM || 91||
maga AdhilIM sadehAMtareM| uThatI jiyeM apAreM| te chaupAsi ghe{}Uni AgAreM| kholAvatI || 92||
aiseM bhavadrumAcheM mULa| heM UrdhvIM karI baLa| maga ANiyAMcheM beMchaLa| adhIM dAvI || 93||
teth chid{}vR^itti pahileM| mahattattva umalaleM| teM pAna vAlheMdulheM| eka nighe || 94||
maga sattvarajatamAtmaku| trividha ahaMkAru jo eku| to tivaNA adhomukhu| Diru phuTe || 95||
to buddhIchI ghe{}Uni AgArI| bhedAchI vR^iddhi karI| tethe manAche DALa dharI| sAjepaNeM || 96||
aisA mULAchiyA gADhikA| vikalparasa koMvaLikA| chittachatuShTaya DAhALikA| koMbhaije to || 97||
maga AkAsha vAyu dyotaka| Apa pR^ithvI heM pAMcha phoMka| mahAbhUtAMcheM sarokha| saraLe hotI || 98||
taisIM shrotrAdi tanmAtreM| tiyeM aMgavasAM garbhapatreM| luLaluLiteM vichitreM| umaLatI gA || 99||
tetha shabdAMkura varipaDI| shrotrA vADhI devhaDI| hotA karita kAMDIM| AkAMxechIM || 100||
aMgatvacheche velapallava| sparshAMkurIM ghetI dhAMva| tetha bAMbaLa paDe abhinava| vikArAMcheM || 101||
pAThIM rUpapatra pAlovelIM| chaxu lAMba teM kAMDeM ghAlI| te veLIM vyAmohatA bhalI| pAhALIM jAya || 102||
ANi rasAcheM AMgavaseM| vADhatAM vegeM bahuvaseM| jivhe ArtIchI asoseM| nighatI beMcheM || 103||
taiseMchi koMbhaileni gaMdheM| ghrANAchI DirI thAMbuM bAMdhe| tetha taLu ghe svAnaMdeM| pralobhAchA || 104||
evaM mahadahaMbuddhi| maneM mahAbhUtasamR^iddhI| iyA saMsArAchiyA avadhI| sAsanije || 105||
kiMbahunA ihIM ATheM| AMgIM hA adhika phAMTe| parI shiMpIchiyevaDheM umaTe| rupeM jevIM || 106||
kAM samudrAcheni paisAreM| varI taraMgatA AsAre| taiseM brahmachi hoya vR^ixAkAreM| aj~nAnamULa || 107||
AtAM yAchA hAchi vistAru| hAchi yayA paisAru| jaisA ApaNapeM svapnIM parivAru| yekAkiyA || 108||
parI teM aso heM aiseM| kAvareM jhADa usase| yayA mahadAdi AravaseM| adhoshAkhA || 109||
ANi ashvatthu aiseM yayAteM| mhaNatI je jANate| teMhI parisa ho yetheM| sAMgijaila || 110||
tarI shvaH mhaNije ukhA| toMvarI ekasArikhA| nAhIM nirvAho yayA rukhA| prapaMcharUpA || 111||
jaisA na loTatAM xaNu| meghu hoya nAnAvarNu| kAM viju nase saMpUrNu| nimeShabharI || 112||
nA kAMpatayA padmadaLA| varIliyA baisakA nAhIM jaLA| kAM chitta jaiseM vyAkuLA| mANusAcheM || 113||
taisIchi yayAchI sthitI| nAsata jAya xaNaxaNApratI| mhaNauni yayAteM mhaNatI| ashvatthu hA || 114||
ANi ashvatthu yeNeM nAMveM| piMpaLu mhaNatI svabhAveM| parI to abhiprAya navhe| shrIharIchA || 115||
eRhavIM piMpaLu mhaNatAM vikhIM| miyAM gati dekhilI ase nikI| parI teM aso kAya laukikIM| hetu kAja || 116||
mhaNauni hA prastutu| alaukiku pariyesA graMthu| tarI xaNikatveMchi ashvatthu| bolije hA || 117||
ANIkuhI yeku thoru| yayA avyayatvAchA Dagaru| AthI parI to bhItaru| aisA Ahe || 118||
jaisA meghAMcheni toMDeM| siMdhu eke AMgeM kADhe| ANi nadI yerIkaDe| bharitIcha asatI || 119||
tetha vohaTe nA chaDhe| aisA paripUrNuchi AvaDe| parI te phulI jaMva nughaDe| meghAnadIMchI || 120||
aiseM yA rukhAcheM hoNeM jANeM| na tarke hoteni vahilepaNeM| mhaNauni yayAteM loku  mhaNe| avyayu hA || 121||
eRhavIM dAnashILu puruShu| veMchakapaNeMchi saMchaku| taisA vyayeMchi hA rukhu| avyayo game || 122||
jAtAM vegeM bahuvaseM| na vache kAM bhUmIM rutaleM ase| rathAcheM chakra dise| jiyAparI || 123||
taiseM kALAtikrameM je vALe| te bhUtashAkhA jetha gaLe| tetha koDIvarI umALe| uThatI ANika || 124||
parI yekI kedhavAM gelI| shAkhAkoDI kedhavAM jAlI| heM neNave jevIM umalalIM| AShADha{a}bhreM || 125||
mahAkalpAchyA shevaTIM| udeliyA umaLatI sR^iShTI| taiseMchi ANikhIcheM dAMga uThI| sAsinnaleM || 126||
saMhAravAteM prachaMDeM| paDatI praLayAMtIMchIM sAlaDeM| taMva kalpAdIchIM juMbADeM| pAlhejatI || 127||
rige manvaMtara manUpuDheM| vaMshAvarI vaMshAMche mAMDe| jaisI ixuvR^iddhI kAMDeMnakAMDeM| jiMke jevIM || 128||
kaliyugAMtIM koraDIM| chahuM yugAMchI sAleM sAMDI| taMva kR^itayugAchI pelI devhaDI| paDe puDhatI || 129||
vartateM varSha jAye| teM puDhilA muLahArI hoye| jaisA divasu jAta kIM yeta Ahe| heM chojavenA || 130||
jaishA vAriyAchyA jhuLakAM| sAMdA ThA{u}vA navhe dekhA| taisiyA uThatI paDatI shAkhA| neNoM kitI || 131||
ekI dehAchI DirI tuTe| taMva dehAMkurIM bahuvI phuTe| aiseni bhavataru hA vATe| avyayo aisA || 132||
jaiseM vAhateM pANI jAya vegeM| taiseMchi ANika miLe mAgeM| yetha asaMtachi asije jageM| mAnije saMta || 133||
kAM lAgoni DoLAM ughaDe| taMva koDIvarI ghaDe moDe| neNatayA taraMgu AvaDe| nityu aisA || 134||
vAyasA ekeM bubuLeM dohIMkaDe| DoLA chALItAM apADeM| donhI AthI aisA paDe| bhramu jevIM jagA || 135||
paiM bhiMgorI nidhiye paDalI| te game bhUmIsI jaisI jaDalI| aisA vegAtishayo bhulI| hetu hoya || 136||
heM bahu aso jhaDatI| AMdhAreM bhovaMDitAM kolatI| te dise jaisI AyatI| chakrAkAra || 137||
hA saMsAravR^ixu taisA| moDatu mAMDatu sahasA| na dekhoni loku pisA| avyayo mAnI || 138||
pari yayAchA vegu dekhe| jo hA xaNika aisA voLakhe| jANe koDiveLAM nimikheM| hota jAta || 139||
nAhIM aj~nAnAvAMchUni mULa| yayAcheM asileMpaNa TavALa| aiseM jhADa sinasALa| dekhileM jeNeM || 140||
tayAteM gA paMDusutA| mI sarvaj~nuhI mhaNeM jANatA| paiM vAgbrahma siddhAMtA| vaMdyu tochI || 141||
yogajAtAcheM joDaleM| tayA ekAsIchi upegA geleM| kiMbahunA jiyAleM| j~nAnahI tyAchenI || 142||
heM aso bahu bolaNeM| vAnijaila to kavaNeM| jo bhavarukhu jANeM| ukhi aisA || 143||

\indent ##\hspace{1in}## adhashchordhva.n prasR^itAstasya shAkhA guNapravR^iddhA viShayapravAlAH |
\indent ##\hspace{1in}## adhashcha mUlAnyanusa.ntatAni karmAnubandhIni manuShyaloke || 2||\newline%@

maga yayAchi prapaMcharUpA| adhoshAkhiyA pAdapA| DAhALiyA jAtI umapA| UrdhvAhI ujU || 144||
ANi adhIM phAMkalI DALeM| tiye hotI mULeM| tayAhI taLIM paghaLe| vela pAlavu || 145||
aiseM jeM AmhIM| mhaNitaleM upakramIM| teMhI pariseM sugamIM| bolIM sAMgoM || 146||
tarI baddhamULa aj~nAneM| mahadAdikIM sAsineM| vedAMchIM thoravaneM| ghe{}UniyAM || 147||
parI AdhIM taMva svedaja| jAraja udbhija aMDaja| he buDauni mahAbhuja| uThatI chArI || 148||
yayA ekaikAcheni AMgavaTeM| chauRyAMshIM laxadhA phuTe| te veLIM jIvashAkhIM phAMTe| saiMdhachi hotI || 149||
prasavatI shAkhA saraLiyA| nAnAsR^iShTi DAhALiyA| ADa phuTatI mALiyA| jAtichiyA || 150||
strI puruSha napuMsakeM| he vyaktibhedAMche Take| AMdoLatI AMgikeM| vikArabhAreM || 151||
jaisA varShAkALu gaganIM| pAlheje navaghanIM| taiseM AkArajAta aj~nAnIM| velIM jAya || 152||
maga shAkhAMcheni AMgabhAreM| lavoni guMphitI paraspareM| guNaxobhAche vAre| udayajatI || 153||
tetha teNeM achATeM| guNAMcheni jhaDajhaDATeM| tihIM ThAyIM hA phAMTe| UrdhvamULa || 154||
aisA rajAchiyA jhuLukA| jhaDADitAM AgaLikA| manuShyajAtI shAkhA| thorAvatI || 155||
tiyA UrdhvIM nA adhIM| mAjhArIMchi koMdAkoMdI| ADa phuTatI khAMdI| chaturvarNAMchyA || 156||
tetha vidhiniShedha sapallava| vedavAkyAMcheM abhinava| pAlava DolatI barava| nIcha nave || 157||
arthu kAmu pasare| agravaneM ghetI thAre| tetha xaNikeM padAMtareM| ihabhogAchIM || 158||
tetha pravR^ittIcheni vR^iddhilobheM| khAMkarejatI shubhAshubheM| nAnAkarmAMche khAMbe| neNoM kitI || 159||
tevIMchi bhogaxINeM mAgileM| paDatI dehAMtIMchIM buDasaLeM| taMva puDhAM vADhI pele| naveyA dehAMchI || 160||
ANi shabdAdika suhAve| sahaja raMgeM havAve| viShayapallava nave| nItya hotI || 161||
aise rajovAteM prachaMDeM| manuShyashAkhAMche mAMdoDe| vADhatI to etha ruDhe| manuShyaloku || 162||
taisAchi to rajAchA vArA| nAveka dharI vosarA| maga vAjoM lAge ghorA| tamAchA to || 163||
tedhavAM yAchiyA manuShyashAkhA| nIcha vAsanA adhIM dekhA| palhejatI DAhALikA| kukarmAchiyA || 164||
apravR^ittIMche khaNuvALe| koMbha nighatI saraLe| gheta pAna pAlava DALe| pramAdAchIM || 165||
bolatI niShedhaniyameM| jiyA R^ichA yajuHsAmeM| to pAlA tayA ghumeM| TakeyAvarI || 166||
pratipAditI abhichAra| Agama je paramAra| tihIM pAnIM ghetI prasara| vAsanA velI || 167||
taMva taMva hotIM thorADeM| akarmAMchIM taLabuDeM| ANi janmashAkhA puDheM puDheM| ghetI dhAMva || 168||
tetha chAMDALAdi nikR^iShTA| doShajAtIchA thora phAMTA| jALa paDe karmabhraShTAM| bhuloniyAM || 169||
pashu paxI sUkara| vyAghra vR^ishchika vikhAra| he ADashAkhA prakAra| paisu ghetI || 170||
parI aishA shAkhA pAMDavA| sarvAMgIMhi nitya navA| nirayabhoga yAvA| phaLAchA to || 171||
ANi hiMsAviShayapuDhArI| kukarmasaMgeM dhura dhurI| janmavarI AgArI| vADhatIchi ase || 172||
aise hotI taru tR^iNa| loha loShTa pAShANa| iyA khAMdiyA tevIM jANa| phaLeMhI heMchI || 173||
arjunA gA avadhArIM| manuShyAlAgoni iyA parI| vR^iddhi sthAvarAMtavarI| adhoshAkhAMchI || 174||
mhaNauni jIM manuShyaDALeM| tiyeM jANAvIM adhIMchi mULeM| je ethUni hA paghaLe| saMsArataru || 175||
eRhavIM UrdhvIMcheM pArthA| muddala mULa pAhatAM| adhIMchiyA madhyasthA| shAkhA iyA || 176||
parI tAmasI sAttvikI| sukR^itaduShkR^itAtmakI| viruDhatI yA shAkhIM| adhordhvIMchiyA || 177||
ANi vedatrayAchiyA pAnA| naye anyatra lAgoM arjunA| je manuShyAvAMchUni vidhAnA| viShaya nAhIM || 178||
mhaNauni tanu mAnuShA| iyA UrdhvamULauni jarI shAkhA| tarI karmavR^iddhIsi dekhA| iyeMchi mULeM || 179||
ANi AnIM tarI jhADIM| shAkhA vADhatAM muLeM gADhIM| mULa gADheM taMva vADhI| paisa AthI || 180||
taiseMchi iyA sharIrA| karma taMva dehA saMsArA| ANi deha taMva vyApArA| nA mhaNoMchi naye || 181||
mhaNauni deheM mAnuSheM| iyeM muLeM hotI na chuke| aiseM jagajjanakeM| bolileM teNeM || 182||
maga tamAcheM teM dAruNa| sthirAvaleyA vA{u}dhANa| sattvAchI suTe satrANa| vAhuTaLI || 183||
taiM yAchi manuShyAkArA| muLIM suvAsanA nighatI ArA| ghe{}Uni phuTatI koMbArA| sukR^itAMkurIM || 184||
ukalateni unmekheM| praj~nAkushalateMchI tikheM| DiriyA nighatI nimikheM| bAbaLaijunI || 185||
matIche soTa vAMve| ghAlitI sphUrtIMcheni thAMveM| buddhi prakAsha ghe dhAMve| vivekAvarI || 186||
tetha medhAraseM sagarbha| asthApatrIM saboMba| saraLa nighatI koMbha| sad{}vR^ittIche || 187||
sadAchArAchiyA sahasA| TakA uThatI bahuvasA| ghumaghumiti ghoShA| vedapadyAchyA || 188||
shiShTAgamavidhAneM| vividhayAgavitAneM| iye pAnAvarI pAneM| pAlejatI || 189||
aishA yamadamIM ghoMsALiyA| uThatI tapAchiyA DAhALiyA| detI vairAgyashAkhA koMvaLiyA| velhALapaNeM || 190||
vishiShTAM vratAMche phoka| dhIrAchyA aNagaTI tikha| janmavegeM Urdhvamukha| uMchAvatI || 191||
mAjIM vedAMchA pAlA dATa| to karI suvidyechA jhaDajhaDATa| jaMva vAje achATa| sattvAniLu to || 192||
tetha dharmaDALa bAhALI| disatI janmashAkhA saraLI| tiyA ADa phuTatI phaLIM| svargAdikIM || 193||
puDhAM uparati rAgeM lohivI| dharmamoxAchI shAkhA pAlavI| pAlhAjata nitya navI| vADhatIchi ase || 194||
paiM ravichaMdrAdi grahavara| pitR^i R^iShI vidyAdhara| he ADashAkhA prakAra| paisu ghetI || 195||
yAhIpAsUna uMchavaDeM| guDhale phaLAcheni buDeM| iMdrAdika te mAMdoDe| thora shAkhAMche || 196||
maga tayAMhI uparI DAhALiyA| tapoj~nAnIM uMchAvaliyA| marIchi kashyapAdi iyA| uparI shAkhA || 197||
evaM mALovALI uttarottaru| UrdhvashAkhAMchA paisAru| buDIM sAnA agrIM thoru| phaLADhyapaNeM || 198||
varI uparishAkhAhI pAThIM| yetI phaLabhAra je kirITI| te brahmeshAMta aNagaTIM| koMbha nighatI || 199||
phaLAcheni vojhepaNeM| UrdhvIM vovAMDeM duNeM| jaMva mAghauteM baisaNeM| mULIMchi hoya || 200||
prAkR^itAhI tarI rukhA| jeM phaLeM dATalIM hoya shAkhA| te vovAMDalI dekhA| buDAsi ye || 201||
taiseM jethUni hA AghavA| saMsAratarUchA uThAvA| tiyeM mULIM TeMkatI pAMDavA| vADhateni j~nAneM || 202||
mhaNauni brahmeshAnAparauteM| vADhaNeM nAhIM jIvAteM| tethUni maga varauteM| brahmachi kIM || 203||
parI heM aso aiseM| brahmAdika  te AMgavaseM| UrdhvamuLAsariseM| na tukatI gA || 204||
ANIkahI shAkhA uparatA| jiyA sanakAdika nAmeM vikhyAtA| tiyA phaLIM mULIM nADaLatA| bharaliyA brahmIM || 205||
aisI manuShyApAsUni jANAvI| UrdhvIM brahmAdisheSha pAlavI| shAkhAMchI vADhI baravI| uMchAve paiM || 206||
pArthA UrdhvIMchiyA brahmAdi| manuShyatvachi hoya Adi| mhaNauni iyeM adhIM| mhaNitalIM mULeM || 207||
evaM tuja alaukiku| hA adhordhvashAkhu| sAMgitalA bhavarukhu| UrdhvamULu || 208||
ANi adhIMchIM hIM mULeM| upapattI parisavilI savivaLeM| AtAM parisa unmULeM| kaiseni hA || 209||

\indent ##\hspace{1in}## na rUpamasyeha tathopalabhyate nAnto na chAdirna cha sa.npratiShThA |
\indent ##\hspace{1in}## ashvatthamena.n suvirUDhamUla masa~N{}gashastreNa dR^iDhena chhittvA || 3||\newline%@

parI tujhyA hana poTIM| aiseM gamela kirITI| je evaDheM jhADa utpATI| aiseM kAyi ase \? || 210||
keM brahmayAchyA shevaTavarI| Urdhva shAkhAMchI thorI| ANi mULa taMva nirAkArIM| UrdhvIM ase || 211||
hA sthAvarAhI taLIM| phAMkata ase adhIMchyA DALIM| mAjIM dhAMvatase dujA mULIM| manuShyarUpIM || 212||
aisA gADhA ANi aphATu| AtAM koNa karI yayA shevaTu| tarI jhaNIM hA haLuvaTu| dharisI bhAvo || 213||
parI hA unmULAvayA doSheM| yetha sAyAsachi kAyise| kAya bALA bAgula desheM| davaDAvA Ahe \? || 214||
gaMdharvadurga kAyI pADAve| kAya shashaviShANa moDAveM| hoAveM maga toDAveM| khapuShpa kIM \? || 215||
taisA saMsAru hA vIrA| rukha nAhIM sAchokArA| mA unmULaNIM darArA| kAyisA tarI \? || 216||
AmhIM sAMgitalI je parI| mULaDALAMchI ujarI| te vAMjhechIM gharabharI| lekureM jaishIM || 217||
kaya kIjatI che{i}lepaNIM| svapnIMchIM tiye bolaNIM| taishI jANa te kAhANI| dugaLIMchi te || 218||
vAMchUni AmhIM nirUpileM jaiseM| yayAche achaLa mULa ase taiseM| ANi taisAchi jarI hA ase| sAchokArA || 219||
tarI koNAcheni saMtAneM| nipajatI tayA unmULaNeM| kAya phuMkiliyA gaganeM| jA{i}jela gA || 220||
mhaNauni paiM dhanaMjayA| AmhIM vAnileM rUpa teM mAyA| kAsavIcheni tupeM rAyA| vogarileM jaiseM || 221||
mR^igajaLAchIM gA taLIM| tiye diThI durUni nyAhALIM| vAMchUni teNeM pANiyeM sALI keLI| lAvisI kA{I} \? || 222||
mULa aj~nAnachi taMva laTikeM| mA tayAcheM kArya heM ketukeM| mhaNauni saMsArarukha satukeM| vAvochi gA || 223||
ANi aMtu yayA nAhIM| aiseM bolije jeM kAMhIM| teMhI sAchachi pAhIM| yekeM parI || 224||
tarI prabodhu jaMva nohe| taMva nidre kAya aMtu Ahe \?| kIM rAtrI na sare taMva na pAhe| tayA ArauteM \? || 225||
taisA jaMva pArthA| viveku nudhavI mAthA| taMva aMtu nAhIM ashvatthA| bhavarUpA yA || 226||
vAjateM vAreM nivAMta| jaMva na rAhe jethiMcheM tetha| taMva taraMgatAM anaMta| mhaNAvIchi kIM || 227||
mhaNauni sUryu jaiM hArape| taiM mR^igajaLAbhAsu lope| kAM prabhA jAya dIpeM| mAlavaleni || 228||
taiseM mULa avidyA khAye| teM j~nAna jaiM ubheM hoye| taiMchi yayA aMtu Ahe| eRhavIM nAhIM || 229||
tevIMchi hA anAdI| aisI hI AthI shAbdI| to ALu nohe anurodhI| bolAteM yA || 230||
jeM saMsAravR^ixAchyA ThAyIM| sAchokAra taMva nAhIM| mA nAhIM tayA Adi kA{I}| koNa ho{I}la \? || 231||
jo sAcha jethUni upaje| tayAteM Adi heM sAje| AtAM nAhIMchi to mhaNije| koThUniyAM \? || 232||
mhaNauni janme nA Ahe| aisiyA sAMgoM kavaNa mAye| yAlAgIM nAhIMpaNeMchi hoye| anAdi hA || 233||
vAMjhechiyA leMkA| kaiMchI janmapatrikA| nabhIM niLI bhUmikA| keM kalpUM pAM || 234||
vyomakusumAMchA pAMDavA| kavaNeM deMThu toDAvA| mhaNauni nAhIM aisiyA bhavA| Adi kaiMchI \? || 235||
jaiseM ghaTAcheM nAhIMpaNa| asatachi ase kelenivINa| taisA samULa vR^ixu jANa| anAdi hA || 236||
arjunA aiseni pAhIM| AdyaMtu yayAsi nAhIM| mAjIM sthitI AbhAse kAMhIM| parI TavALa te || 237||
brahmagirIhUni na nige| ANi samudrIMhI kIra na rige| mAjIM dise vA{u}geM| mR^igAMbu jaiseM || 238||
tesA AdyaMtI kIra nAhIM| ANi sAchahI nohe kahIM| parI laTikepaNAchI navA{I}| paDibhAse gA || 239||
nAnA raMgIM gajabaje| jaiseM iMdradhanuShya dekhije| taisA neNatayA Apaje| Ahe aisA || 240||
aiseni sthitIchiye veLe| bhulavI aj~nAnAche DoLe| lAghavI harI mekhaLe| loku jaisA || 241||
ANi nasatIchi shyAmikA| vyomIM dise taisI diso kAM| tarI disaNeMhI xaNA ekA| hoya jAya || 242||
svapnIMhI mAnileM laTikeM| tarI nirvAho kAM ekasArikheM| tevIM AbhAsu hA xaNikeM| ritAchi gA || 243||
dekhatAM Ahe AvaDeM| ghe{}UM jA{i}je tarI nAtuDe| jaisA Tiku kIje mAkaDeM| jaLAmAjIM || 244||
taraMgabhaMgu sAMDIM paDe| vijUhI na pure hoDe| AbhAsAsi teNeM pADeM| hoNeM jANeM gA || 245||
jaisA grIShmasheShIMchA vArA| neNije samora kIM pAThImorA| taisI sthitI nAhIM taruvarA| bhavarUpA yayA || 246||
evaM Adi nA aMtu sthitI| nA rUpa yayAsi AthI| AtAM kAyasI kuMthAkuMthI| unmULaNI gA || 247||
ApuliyA aj~nAnAsAThIM| navhatA thAMvalA kirITI| tarI AtAM AtmAj~nAnAchyA loTIM| khAMDeni gA || 248||
vAMchUNi j~nAnevINa aikeM| upAya karisI jituke| tihIM guMphasi adhikeM| rukhIM iye || 249||
maga kitI khAMdokhAMdIM| yayA hiMDAveM UrdhvIM adhIM| mhaNauni mULachi aj~nAna ChedIM| samyak j~nAneM || 250||
eRhavIM dorIchiyA uragA| DAMgA meLavitAM paiM gA| to shiNuchi vA{u}gA| kelA hoya || 251||
tarAvayA mR^igajaLAchI gaMgA| DoNIlAgIM dhAMvatAM dAMgA\-| mAjIM vohaLeM buDije paiM gA| sAcha jevIM || 252||
tevIM nAthiliyA saMsArA| upA{I}M jAchatayA vIrA| ApaNapeM lope vArA| vikopIM jAya || 253||
mhaNauni svapnIMchiyA ghAyA| okhada chevochi dhanaMjayA| tevIM aj~nAnamULA yayA| j~nAnachi khaDga || 254||
parI techi lIlA parajave| taiseM vairAgyAcheM naveM| abhaMgabaLa hoAveM| buddhIsI gA || 255||
uThaleni vairAgyeM jeNeM| hA trivargu aisA sAMDaNeM| jaiseM vamuniyAM suNeM| AtAMchi geleM || 256||
hA ThAyavarI pAMDavA| padArthajAtIM AghavA| viTavI to hoAvA| vairAgya lAThu || 257||
maga dehAhaMtecheM daLeM| sAMDUni ekechi veLe| pratyak.hbuddhI karataLeM| hAtavasAveM || 258||
nisaLeM vivekasAhaNeM| jeM brahmAhamasmibodheM saNANeM| maga purateni bodheM uTaNeM| ekalechi || 259||
parI nishchayAcheM muShTibaLa| pAhAveM ekadonI veLa| maga tuLAveM ati chokhALa| mananavarI || 260||
pAThIM hatiyerAM ApaNayAM| nididhyAseM eka jAliyA| puDheM dujeM nurela ghAyA\-| purateM gA || 261||
teM Atmaj~nAnAcheM khAMDeM| advaitaprabhecheni vADeM| nedIla uroM kavaNekaDe| bhavavR^ixAsI || 262||
sharadAgamIMchA vArA| jaisA keru pheDI aMbarA| kA udayalA ravI AMdhArA| ghoMTu bharI || 263||
nAnA upavaDha hotAM kheMvo| nure svapnasaMbhramAchA ThAvo| svapnapratItidhArechA vAho| karIla taiseM || 264||
tevhAM UrdhvIMcheM mULa| kAM adhIMcheM hana shAkhAjALa| teM kAMhIMchi na dise mR^igajaLa| chAdiNAM jevIM || 265||
aiseni gA vIranAthA| Atmaj~nAnAchiyA khaDgalatA| CheduniyA bhavAshvatthA| UrdhvamULAteM || 266||

\indent ##\hspace{1in}## tataH pada.n tatparimArgitavya.n yasmin gatA na nivartanti bhUyaH |
\indent ##\hspace{1in}## tameva chAdya.n puruSha.n prapadye yataH pravR^ittiH prasR^itA purANI || 4||\newline%@

maga idaMtesi vALaleM| jeM mIpaNeMvINa DAhAraleM| teM rUpa pAhije ApaleM| ApaNachi || 267||
parI darpaNAcheni AdhAreM| ekachi karUna dusareM| mukha pAhAtI gavhAreM| taiseM nako ho || 268||
heM pAhANeM aiseM ase vIrA| jaisA na boDaliyA vihirA| maga ApaliyA ugamIM jharA| bharoni ThAke || 269||
nAtarI ATaliyA aMbha| nijabiMbIM pratibiMba| nihaTe kAM nabhIM nabha| ghaTAbhAvIM || 270||
nAnA iMdhanAMshu saraleyA| vanhi parate jevIM ApaNapayAM| taiseM ApeMApa dhanaMjayA| nyAhALaNeM jeM gA || 271||
jivhe ApalI chavI chAkhaNeM| chaxU nija bubuLa dekhaNeM| Ahe tayA aiseM nirIxaNeM| ApuleM paiM || 272||
kAM prabhesi prabhA miLe| gagana gaganAvarI loLe| nAnA pANI bharaleM khoLe| pANiyAchiye || 273||
ApaNachi ApaNayAteM| pAhije jeM advaiteM| teM aiseM hoya niruteM| bolijatu ase || 274||
jeM pAhijatenavINa pAhije| kAMhIM neNaNAchi jANije| AdyapuruSha kAM mhaNije| jayA ThAyAteM || 275||
tethahI upAdhIchA vothaMbA| ghe{}Uni shruti ubhavitI jibhA| maga nAmarUpAchA vaDaMbA| karitI vAyAM || 276||
paiM bhavasvargA ubagale| mumuxu yogaj~nAnA vaLaghale| puDhatI na yoM iyA nigAle| paijA jetha || 277||
saMsArAchiyA pAyAM puDhAM| paLatI vItarAga hoDA| olAMDoni brahmapadAchA karmakaDA| ghAlitI mAgAM || 278||
ahaMtAdibhAvAM ApuliyAM| jhADA de{}Uni AghaveyA| patra ghetI j~nAniye jayA| mULagharAsI || 279||
paiM jethunI he evaDhI| vishvaparaMparechI velAMDI| vADhatI AshA jaishI koraDI| nidaivAchI || 280||
jiye kAM vastUcheM neNaNeM| ANileM thora jagA jANaNeM| nAhIM teM nAMdavileM jeNeM| mI tUM jagIM || 281||
pArthA teM vastu pahileM| ApaNapeM ApuleM| pAhije jaiseM hiMvaleM| hiMva hiMveM || 282||
ANIkahI eka tayA| voLakhaNa ase dhanaMjayA| tarI jayA kAM bheTaliyA| yeNeMchi nAhIM || 283||
parI tayA bheTatI aiseM| je j~nAneM sarvatra sarise| mahApraLayAMbUche jaiseM| bharalepaNa || 284||

\indent ##\hspace{1in}## nirmAnamohA jitasa~N{}gadoShA adhyAtmanityA vinivR^ittakAmAH |
\indent ##\hspace{1in}## dvandvairvimuk{}tAH sukhaduHkhasa.nj~nairgachchhantyamUDhAH padamavyaya.n tat.h || 5||\newline%@

jayA puruShAMcheM kAM mana| sAMDoni geleM moha mAna| varShAMtIM jaiseM ghana| AkAshAteM || 285||
nikavaDyA niShThurA| ubagije jevIM soyarA| taiseM nAgavatI vikArAM| veTALUM je || 286||
phaLalI keLI unmULe| taisI AtmalAbheM prabaLe| tayAchI kriyA DhALeMDhALeM| gaLatI Ahe || 287||
AgI lagaliyA rukhIM| dekhoni sairA paLatI paxI| taiseM sAMDileM ashekhIM| vikalpIM je || 288||
A{i}keM sakaLa doShatR^iNIM| aMkurijatI jiye medinI| tiye bhedabuddhIchI kAhANI| nAhIM jayAteM || 289||
sUryodayAsarisI| rAtrI paLoni jAya apaisI| gelI deha{}ahaMtA taisI| avidyesaveM || 290||
paiM AyuShyahInA jIvAteM| sharIra sAMDI jevIM avachiteM| tevIM nidasureM dvaiteM| sAMDile je || 291||
lohAcheM sAmkaDeM parisA| na joDe aMdhAru ravi jaisA| dvaitabuddhIchA taisA| sadA dukALa jayA || 292||
agA sukhaduHkhAkAreM| dvaMdveM dehIM jiyeM gochareM| tiyeM jayAM kAM samoreM| hotIchinA || 293||
svapnIMcheM rAjya kAM maraNa| nohe harShashokAMsi kAraNa| upavaDhaliyA jANa| jiyAparI || 294||
taisem sukhaduHkharUpIM| dvaMdvIM je puNyapApIM| na ghepijatI sarpIM| garuDa jaiseM || 295||
ANi anAtmavarganIra| sAMDUni AtmarasAcheM xIra| charatAti je savichAra| rAjahaMsu || 296||
jaisA varShoni bhUtaLIM| ApalA rasu aMshumALI| mAgautA ANI rashmijALIM| biMbAsIchi || 297||
taiseM AtmabhrAMtIsAThIM| vastu vikhuralI bArAvATIM| te ekavaTitI j~nAnadR^iShTI| akhaMDa je || 298||
kiMbahunA AtmayAchA| nirdhArIM viveku jayAMchA| buDAlA voghu gaMgechA| siMdhUmAjIM jaisA || 299||
paiM AghaveMchi ApuleMpaNeM| nurechi jayA abhilAShaNeM| jaiseM yethUni paRhAM jANeM| AkAshA nAhIM || 300||
jaisA agnIchA DoMgaru| neghe koNI bIja aMkuru| taisA manIM jayAM vikAru| udaijenA || 301||
jaisA kADhiliyA maMdarAchaLu| rAhe xIrAbdhi nishchaLu| taisA nuThI jayAM saLu| kAmormIchA || 302||
chaMdramA kaLIM dhAlA| na dise koNeM AMgI vosAvalA| tevIM apexechA avakhaLA| na paDe jayAM || 303||
heM kitI bolUM asAMgaDeM| jevIM paramANu nure vAyUpuDheM| taiseM viShayAMcheM nAvaDe| nAMvachi jayAM || 304||
evaM je je koNI aise| kele j~nAnAgni hutAsheM| te tetha miLatI jaiseM| hemIM hema || 305||
tetha mhaNije kavaNeM ThA{I}M| aiseMhI pusasI kAMhIM| tarI teM pada gA nAhIM| veMchu jayA || 306||
dR^ishyapaNeM dekhije| kAM j~neyatveM jANije| amukeM aiseM mhaNije| teM jeM navhe || 307||

\indent ##\hspace{1in}## na tadbhAsayate sUryo na shashA~N{}ko na pavakaH |
\indent ##\hspace{1in}## yadgatvA na nivartante taddhAma parama.n mama || 6||\newline%@

paiM dIpAchiyA baMbALIM| kAM chaMdra hana jeM ujaLI| heM kAya boloM aMshumALI| prakAshI jeM || 308||
teM AghaveMchi disaNeM| jayAcheM kAM na dekhaNeM| vishva bhAsatase jeNeM| lapAlenI || 309||
jaiseM shiMpIpaNa hArape| taMva taMva khareM hoya rupeM| kAM dorI lopatAM sApeM| phAra ho{i}je || 310||
taisIM chaMdrasUryAdi thoreM| iyeM tejeM jiyeM phAreM| tiyeM jayAcheni AdhAreM| prakAshatI || 311||
te vastu kIM tejorAshI| sarvabhUtAtmaka sarisI| chaMdrasUryAchyA mAnasIM| prakAshe je || 312||
mhaNauni chaMdrasUrya kaDavasAM| paDatI vastUchyA prakAshA| yAlAgIM teja jeM tejasA| teM vastUcheM AMga || 313||
ANi jayAchyA prakAshIM| jaga hArape chaMdrArkeMsIM| sachaMdra naxatreM jaisIM| dinodayIM || 314||
nAtarI prabodhaliye veLe| te svapnIMchI DiMDImA mAvaLe| kAM nurechi sAMjaveLe| mR^igatR^iShNikA || 315||
taisA jiye vastUchyA ThAyIM| koNhIcha kAM AbhAsu nAhIM| teM mAjheM nijadhAma pAhIM| pATAcheM gA || 316||
puDhatI je tetha gele| te na ghetI mAghautIM pA{u}leM| mahodadhIM kAM minale| srota jaise || 317||
kAM lavaNAchI kuMjarI| sUdaliyA lavaNasAgarIM| hoyachi nA mAghArI| paratI jaisI || 318||
nAnA geliyA aMtarALA| na yetIchi vanhijvALA| nAhIM taptalohauni jaLA| nighaNeM jevIM || 319||
tevIM majasIM ekavaTa| je jAle j~nAneM chokhaTa| tayAM punarAvR^ittIchI vATa| moDalI gA || 320||
tetha praj~nApR^ithvIchA rAvo| pArthu mhaNe jI jI pasAvo| parI vinaMtI ekI devo| chitta detu || 321||
tarI deveMsi svayeM eka hotI| maga mAghaute je na yetI| te deveMsi bhinna AthI| kIM abhinna jI || 322||
jarI bhinnachi anAdisiddha| tarI na yetI heM asaMbaddha| je phulAM geleM ShaTpada| te phuleMchi hotI pAM || 323||
paiM laxyAhUni anArise| bANa laxyIM shivoni jaiseM| mAgute paDatI taise| yetIchi te || 324||
nAtarI tUMchi te svabhAveM| tarI koNeM koNAsi miLAveM| ApaNayAsI ApaNa rupAveM| shastreM kevIM \? || 325||
mhaNauni tujasI abhinnAM jIvAM| tujhA saMyogaviyogu devA| naye boloM avayavAM| sharIreMsIM || 326||
ANi je sadAM vegaLeM tujasIM| tayAM miLaNIM nAhIM koNe divashIM| mA yetI na yetI he kAyasI| vAyabuddhi \? || 327||
tarI koNa gA te tUMteM| pAvoni na yetI mAghaute| heM vishvatomukhA mAteM| bujhAvIM jI || 328||
iye AxepIM arjunAchyA| to shiromaNi sarvaj~nAMchA| toShalA bodha shiShyAchA| dekhoniyAM || 329||
maga mhaNe gA mahAmatI| mAteM pAvoni na yetI puDhatI| te bhinnAbhinna ritI| AhAtI donI || 330||
jaiM vivekeM kholeM pAhije| tarI mI techi te sahajeM| nA AhAchavAhAcha tarI duje| aisehI gamatI || 331||
jaise pANiyAvarI vegaLa| taLapatAM disatI kalloLa| eRhavIM tarI nikhiLa| pANIchi teM || 332||
kAM suvarNAhuni AneM| leNIM gamatI bhinneM| maga pAhije taMva soneM| AghaveMchi teM || 333||
taiseM j~nAnAchiye diThI| majasIM abhinnachi te kirITI| yera bhinnapaNa teM uThI| aj~nAnAstava || 334||
ANi sAchokAreni vastuvichAreM| kaicheM maja ekAsi dusareM| bhinnAbhinnavyavahAreM| umasijela || 335||
AghaveMchi AkAsha sUni poTIM| biMbachi jaiM Ate khoTI| taiM pratibiMba keM uThI| keM rashmi shire \? || 336||
kAM kalpAMtIMchiyA pANiyA| kAya vota bharitI dhanaMjayA \?| mhaNauni kaiMcheM aMsha avikriyA| ekA maja || 337||
parI oghAcheni meLeM| pANI ujU parI vAMkuDeM jAleM| ravI dujepaNa AleM| toyabageM || 338||
vyoma chauphaLeM kIM vAToLeM| heM aiseM kAyisayAhI miLe| parI ghaTamaThIM veMTALeM| taiseMhI AthI || 339||
hAM gA nidrecheni AdhAreM| kAya ekaleni jaga na bhare \?| svapnIMcheni jaiM avatare| rAyapaNeM || 340||
kAM minaleni kiDALeM| vAnibhedAsi ye soLeM| taisA svamAye veMTALeM| shuddha jaiM mI || 341||
taiM aj~nAna eka rUDhe| teNeM ko.ahaMvikalpAcheM mAMDe| maga vivarUni kIje phuDeM| deho mI aiseM || 342||

\indent ##\hspace{1in}## mamaivA.nsho jIvaloke jIvabhUtaH sanAtanaH |
\indent ##\hspace{1in}## manaHShaShThAnIndriyANi prakR^itisthAni karShati || 7||\newline%@

aiseM sharIrAchi yevaDheM| jai Atmaj~nAna vegaLeM paDe| taiM mAjhA aMshu AvaDe| thoDepaNeM || 343||
samudra kAM vAyuvasheM| taraMgAkAra ullaseM| to samudrAMshu aisA dise| sAnivA jevIM || 344||
tevIM jaDAteM jIvavitA| deha{a}haMtA upajavitA| mI jIva gameM paMDusutA| jIvalokIM || 345||
paiM jIvAchiyA bodhA| gocharu jo hA dhAMdA| to jIvalokashabdA| abhiprAvo || 346||
agA upajaNeM nimaNeM| heM sAchachi je kAM mAnaNeM| to jIvaloku mI mhaNe| saMsAru hana || 347||
evaMvidha jIvalokIM| tUM mAteM aisA avalokIM| jaisA chaMdru kAM udakIM| udakAtIta || 348||
paiM kAshmIrAchA ravA| kuMkumAvarI pAMDavA| ANikA game lohivA| to tarI navhe || 349||
taiseM anAdipaNa na moDe| mAjheM akriyatva na khaMDe| parI kartA bhoktA aiseM AvaDe| te jANa gA bhrAMtI || 350||
kiMbahunA AtmA chokhaTu| ho{U}ni prakR^itIsI ekavaTu| bAMdhe prakR^itidharmAchA pATu| ApaNapayAM || 351||
paiM manAdi sAhI iMdriyeM| shrotrAdi prakR^itikAryeM| tiyeM mAjhIM mhaNauni hoye| vyApArArUDha || 352||
jaiseM svapnIM parivrAjeM| ApaNapayAM ApaNa kuTuMba ho{I}je| maga tayAcheni dhAMvije| moheM sairA || 353||
taisA ApaliyA vismR^itI| AtmA ApaNachi prakR^itI\-| sArikhA gamoni puDhatI| tiyesIchi bhaje || 354||
manAchyA rathIM vaLaghe| shravaNAchiyA dvAreM nighe| maga shabdAchiyA righe| rAnAmAjIM || 355||
tochi prakR^itIchA vAgorA| tvachechiyA moharA| ANi sparshAchiyA ghorA| vanA jAya || 356||
koNe eke avasarIM| righoni netrAchyA dvArIM| maga rUpAchyA DoMgarIM| sairA hiMDe || 357||
kAM rasanechiyA vATA| nighoni gA subhaTA| rasAchA darakuTA| bharoMchi lAge || 358||
nAtarI yeNeMchi ghrANeM| jaiM dehAMshu karI nighaNeM| maga gaMdhAchI dAruNeM| ADaveM laMghI || 359||
aiseni deheMdriyanAyakeM| dharUni mana javaLikeM| bhogijatI shabdAdikeM| viShayabharaNeM || 360||

\indent ##\hspace{1in}## sharIra.n yadavApnoti yach{}chApyutkrAmatIshvaraH |
\indent ##\hspace{1in}## gR^ihItvaitAni sa.nyAti vAyurgandhAnivAshayAt.h || 8||\newline%@

parI kartA bhoktA aiseM| heM jIvAche taiMchi dise| jaiM sharIrIM kAM paise| ekAdhiye || 361||
jaisA AthilA ANi vilAsiyA| taiMchi voLakhoM ye dhanaMjayA| jaiM rAjasevyA ThAyA| vastIsi ye || 362||
taisA ahaMkartR^itvAchA vADhu| kAM viShayeMdriyAMchA dhumADu| hA jANije taiM nivADu| jaiM deha pAvije || 363||
athavA sharIrAteM sAMDI| taRhI iMdriyAMchI tAMDI| he ApaNayAMsaveM kADhI| ghe{}Uni jAya || 364||
jaisA apamAnilA atithI| ne sukR^itAchI saMpatti| kAM sA{i}khaDeyAchI gatI| sUtrataMtU || 365||
nAnA mAvaLateni tapaneM| ne{i}jetI lokAMchIM darshaneM| heM aso drutI pavaneM| ne{I}je jaisI || 366||
tevIM manaHShaShThAM yayAM| iMdriyAMteM dhanaMjayA| deharAju ne dehA\-| pAsUni gelA || 367||

\indent ##\hspace{1in}## shrotra.n chakShuH sparshana.n cha rasana.n ghrANameva cha |
\indent ##\hspace{1in}## adhiShThAya manashchAya.n viShayAnupasevate || 9||\newline%@

maga yetha athavA svargIM| jetha jeM deha ApaMgI| tetha taiseMchi puDhatI pAMgI| manAdika || 368||
jaisA mAlavaliyA divA| prabhesI jAya pAMDavA| maga ujaLije tetha tedhavAM| taisAchi phAMke || 369||
tarI aisaisiyA rAhATI| avivekiyAMche diThI| yetuleM heM kirITI| gamechi gA || 370||
je AtmA dehAsi AlA| ANi viShayo yeNeMchi bhogilA| athavA dehoni gelA| heM sAchachi mAnitI || 371||
eRhavIM yeNeM ANi jANeM| kAM karaNeM hA bhogaNeM| heM prakR^itIcheM teNeM| mAniyeleM || 372||

\indent ##\hspace{1in}## utkrAmanta.n sthita.n vApi bhu~njAna.n vA guNAnvita.n |
\indent ##\hspace{1in}## vimUDhA nAnupashyanti pashyanti j~nAnachakShuShaH || 10||\newline%@


\indent ##\hspace{1in}## yatanto yoginashchaina.n pashyantyAtmanyavasthita.n |
\indent ##\hspace{1in}## yatanto.apyakR^itAtmAno naina.n pashyantyachetasaH || 11||\newline%@

parI dehAche moTakeM ubheM| ANi chetanA tetha upalabhe| tiye chaLavaLecheni lobheM| AlA mhaNatI || 373||
taiseMchi tayAM saMgatI| iMdriyeM ApulAlyA arthIM vartatI| tayA nAMva subhadrApatI| bhogaNeM jayA || 374||
pAThIM bhogaxINa Apaise| deha geliyA te na dise| tetheM gelA gelA aiseM| bobhAtI gA || 375||
paiM rukhu Dolatu dekhAvA| tarI vArA vAjatu mAnAvA| rukhu nase tetheM pAMDavA| nAhIM to gA \? || 376||
kAM ArisA samora Thevije| ANi ApaNapeM tetha dekhije| tarI tedhavAMchi jAleM mAnije| kAya AdhIM nAhIM \? || 377||
kAM paratA keliyA ArisA| lopu jAlA tayA AbhAsA| tarI ApaNapeM nAhIM aisA| nishchayo karAvA \? || 378||
shabda tarI AkAshAchA| parI kapALIM piTe meghAchA| kAM chaMdrIM vegu abhrAchA| aropije || 379||
taiseM ho{i}je jA{i}je deheM| teM Atmasatte avikriye| niShTaMkitI gA moheM| AMdhaLe te || 380||
yetha AtmA AtmayAchyA ThAyIM| dekhije dehIMchA dharmu dehIM| aiseM dekhaNeM teM pAhIM| Ana AhAtI || 381||
j~nAneM kAM jayAche DoLe| dekhoni na rAhatI dehIMche khoLe| sUryarashmI ANiyALe| grIShmIM jaiseM || 382||
taise vivekAcheni paiseM| jayAMchI sphUrtI svarUpIM baise| te j~nAniye dekhatI aiseM| AtmayAteM || 383||
jaiseM tArAMgaNIM bharaleM| gagana samudrIM biMbaleM| parI teM tuToni nAhIM paDileM| aiseM nivaDe || 384||
gagana gaganIMchi Ahe| heM AbhAse teM vAye| taisA AtmA dekhatI deheM| gaMvasilAhI || 385||
khaLALAchyA lagabagIM| pheDUni khaLALAchyA bhAgIM| dekhije chaMdrikA kAM ugI| chaMdrIM jevIM || 386||
kAM nADarachi bhare shoSheM| sUryu to jaisA taisAchi ase| deha hotAM jAtAM taiseM| dekhatI mAteM || 387||
ghaTu maThu ghaDale| techi pAThIM moDale| parI AkAsha teM saMchaleM| asatachi ase || 388||
taiseM akhaMDe Atmasatte| aj~nAnadR^iShTi kalpiteM| heM dehachi hoteM jAteM| jANatI phuDeM || 389||
chaitanya chaDhe nA vohaTe| cheShTavI nA cheShTe| aiseM Atmaj~nAneM chokhaTeM| jANatI te || 390||
ANi j~nAnahI ApaiteM ho{I}la| praj~nA paramANuhI ugANA ghe{I}la| sakaLa shAstrAMcheM ye{I}la| sarvasva hAtAM || 391||
parI te vyutpatti aisI| jarI virakti na rige mAnasIM| tarI sarvAtmakA majasIM| navhechi bheTI || 392||
paiM toMDa bharo kAM vichArA| ANi aMtaHkaraNIM viShayAMsi thArA| tarI nAtuDeM dhanurdharA| trishuddhI mI || 393||
hAM gA vosaNatayAchyA graMthIM| kA{I} tuTatI saMsAraguMtI \?| kIM parivasiliyA pothI| vAchilI hoya \? || 394||
nAnA bAMdhoniyAM DoLe| ghrANIM lAvijatI muktAphaLeM| tarI tayAMcheM kAya kaLe| mola mAna \? || 395||
taisA chittIM ahaMte ThAvo| ANi jibhe sakaLashAstrAMchA sarAvo| aiseni koDI eka janma jAvo| parI na pavije mAteM || 396||
jo eka mI kAM samastIM| vyApaku aseM bhUtajAtIM| aika tiye vyAptI| rUpa karUM || 397||

\indent ##\hspace{1in}## yadAdityagata.n tejo jagadbhAsayate.akhilam.h |
\indent ##\hspace{1in}## yachchandramasi yachchAgnau tattejo viddhi mAmakam.h || 12||\newline%@

tarI sUryAsakaTa AghavI| he vishvarachanA je dAvI| te dIpti mAjhI jANAvI| AdyaMtIM Ahe || 398||
jala shoShUni geliyA savitA| olAMsha puravItase je mAghautA| te chaMdrIM paMDusutA| jyo{t}snA mAjhI || 399||
ANi dahana\-pAchanasiddhI| karItase jeM niravadhI| te hutAshIM tejovR^iddhI| mAjhIchi gA || 400||

\indent ##\hspace{1in}## gAmAvishya cha bhUtAni dhArayAmyahamojasA |
\indent ##\hspace{1in}## puShNAmi chauShadhIH sarvAH somo bhUtvA rasAtmakaH || 13||\newline%@

mI rigAloM aseM bhUtaLIM| mhaNauni samudra mahAjaLIM| he pAMsUchi DheMpuLI| virechinA || 401||
ANI bhUteMhI charAchareM| he dharitase jiyeM apAreM| tiyeM mIchi dharI dhare| rigoniyAM || 402||
gaganIM mI paMDusutA| chaMdrAcheni miseM amR^itA| bharalA jAloM chAlatA| sarovaru || 403||
tethUni phAMkatI rashmikara| te pATa pelUni apAra| sarvauShadhIMche Agara| bharita aseM mI || 404||
aiseni sasyAdikAM sakaLAM| karI dhAnyajAtI sukALA| deM annadvArAM jivhALA| bhUtajAtAM || 405||
ANi nipajavileM anna| tarI taiseM kaicheM dIpana| jeNeM jirUni samAdhAna| bhogitI jIva || 406||

\indent ##\hspace{1in}## aha.n vaishvAnaro bhUtvA prANinA.n dehamAshritaH |
\indent ##\hspace{1in}## prANApAnasamAyuk{}taH pachAmyanna.n chaturvidham.h || 14||\newline%@

mhaNauni prANijAtAMchyA ghaTIM| karUni kaMdAvarI AgiThI| dIpti jaTharIMhI kirITI| mIchi jAloM || 407||
prANApAnAchyA joDabhAtIM| phuMkaphuMkoniyAM ahorAtI| ATItaseM neNoM kitI| udarAmAjIM || 408||
shuShkeM athavA snigdheM| supakveM kAM vidagdheM| parI mIchi gA chaturvidheM| anneM pachIM || 409||
evaM mIchi AghaveM jana| janA niraviteM mIchi jIvana| jIvanIM mukhya sAdhana| vanhihI mIchi || 410||
AtAM aisiyAhIvarI kA{I}| sAMgoM vyAptIchI navA{I}| yetha dujeM nAhIMchi ghe{I}M| sarvatra mI gA || 411||
tarI kaiseni pAM vekheM| sadA sukhiyeM ekeM| ekeM tiyeM bahuduHkheM| krAMta bhUteM || 412||
jaisI sagaLiye pATaNIM| ekeMchi dIpeM divelAvaNI| jAliyA kAM na dekhaNI| uralIM ekeM || 413||
aisI hana ukhivikhI| karita AhAsi mAnasIM kIM| tarI parisa tehI nikI| shaMkA pheDuM || 414||
paiM AghavA mIchi aseM| yetha nAhIM kIra anAriseM| parI prANiyAMchiyA ullAseM| buddhi aisA || 415||
jaiseM ekachi AkAshadhvanI| vAdyavisheShIM AnAnIM| vAjAveM paDe bhinnIM| nAdAMtarIM || 416||
kAM lokacheShTIM vegaLAlAM| jo hA ekachi bhAnu udailA| to AnAnI parI gelA| upayogAsI || 417||
nAnA bIjadharmAnurUpa| jhADIM upajavileM Apa| taiseM pariNamaleM svarUpa| mAjheM jIvAM || 418||
agA neNA ANi chaturA| puDhAM niLayAMchA dusarA| neNA sarpatveM jAlA yerA| sukhAlAgIM || 419||
heM aso svAtIcheM udaka| shuktIM motIM vyALIM vikha| taisA saj~nAnAMsI mI sukha| duHkha toM aj~nAnAMsI || 420||

\indent ##\hspace{1in}## sarvasya chAha.n hR^idi sa.nniviShTo mattaH smR^itirj~nAnamapohana.n cha |
\indent ##\hspace{1in}## vedaishcha sarvairahameva vedyo vedAntakR^idvedavidevachAham.h || 15||\newline%@

eRhavIM sarvAMchyA hR^idayadeshIM| mI amukA AheM aisI| je buddhi sphure aharnishIM| te vastu gA mI || 421||
parI saMtAsaveM vasatAM| yogaj~nAnIM paisatAM| gurucharaNa upAsitAM| vairAgyeMsIM || 422||
yeNeMchi satkarmeM| asheShahI aj~nAna virame| jayAMcheM ahaM vishrAme| AtmarUpIM || 423||
te ApeApa dekhoni dekhIM| miyAM Atmeni sadA sukhI| yetheM mIvAMchUna avalokIM| Ana hetu ase \? || 424||
agA sUryodayo jAliyA| sUryeM sUryachi pahAvA dhanaMjayA| tevIM mAteM miyAM jANAvayA| mIchi hetu || 425||
nA sharIraparAteM sevitAM| saMsAragauravachi aikatAM| dehIM jayAMchI ahaMtA| buDoni ThelI || 426||
te svargasaMsArAlAgIM| dhAMvatAM karmamArgIM| duHkhAchyA selabhAgIM| vibhAgI hotI || 427||
parI heMhI hoNeM arjunA| majachistava tayA aj~nAnA| jaisA jAgatAchi hetu svapnA| nidreteM hoya || 428||
paiM abhreM divasu harapalA| tohi divaseMchi jANoM AlA| tevIM mI neNoni viShayo dekhilA| majachistava bhUtIM || 429||
evaM nidrA kAM jAgaNiyA| prabodhuchi hetu dhanaMjayA| tevIM j~nAnA aj~nAnA jIvAM yAM| mIchi mULa || 430||
jaiseM sarpatvA kAM dorA| doruchi mULa dhanurdharA| taisA j~nAnA aj~nAnAchiyA saMsArA| miyAMchi siddhu || 431||
mhaNauni jaisA aseM taisayA| mAteM neNoni dhanaMjayA| vedu jANoM gelA taMva tayA| jAliyA shAkhA || 432||
tarI tihIM shAkhAbhedIM| mIchi jANije trishuddhI| jaisA pUrvAparA nadI| samudrachi ThI || 433||
ANi mahAsiddhAMtApAsIM| shruti hArapatIM shabdeMsIM| jaisiyA sagaMdhA AkAshIM| vAtalaharI || 434||
taiseM samastahI shrutijAta| ThAke lAjile aiseM nivAMta| teM mIchi karIM yathAvata| prakaToniyAM || 435||
pAThIM shrutisakaTa asheSha| jaga hArape jetha niHsheSha| teM nijaj~nAnahI chokha| jANatA mIchi || 436||
jaiseM nideliyA jAgije| tevhAM svapnIMche kIra nAhIM dujeM| parI ekatvahI dekhoM pAvije| ApaleMchi || 437||
taiseM ApaleM advayapaNa| mI jANataseM dujenavINa| tayAhI bodhAkAraNa| jANatA mIchi || 438||
maga AgI lAgaliyA kApurA| nA kAjaLI nA vaishvAnarA| uraNeM nAhIM vIrA| jayAparI || 439||
tevIM samULa avidyA khAye| teM j~nAnahI jaiM buDoni jAye| taRhI nAhIM kIra nohe| ANi na sAhe asaNeMhI || 440||
paiM vishva ghe{}Uni gelA mAgeMsIM| tayA chorAteM kavaNa  keM giMvasI \?| je koNI ekI dashA aisI| shuddha te mI || 441||
aisI jaDAjaDavyAptI| rUpa karitAM kaivalyapatI| ThI kelI nirupahitIM| ApulyA rUpIM || 442||
to AghavAchi bodhu sahasA| arjunIM umaTalA kaisA| vyomIMchA chaMdrodayo jaisA| xIrArNavIM || 443||
kAM pratibhiMtI chokhaTe| samorIla chitra umaTe| taisA arjuneM ANi vaikuMTheM| nAMdatase bodhu || 444||
tarI bApa vastusvabhAvo| phAve taMva taMva goDiye thAMvo| mhaNauni anubhaviyAMchA rAvo| arjuna mhaNe || 445||
jI vyApakapaNa bolatAM| nirupAdhika jeM AtAM| svarUpa prasaMgatA| bolile devo || 446||
te eka veLa avyaMgavANeM| kIjo kAM majakAraNeM| tetha dvArakechA nAthu mhaNe| bhaleM keleM || 447||
paiM arjunA AmhAMhi vADeMkoDeM| akhaMDA boloM AvaDe| parI kAya kIje na joDe| pusateM aiseM || 448||
Aji manorathAMsi phaLa| joDalAsi tUM kevaLa| je toMDa bharUni nikhaLa| AlAsi pusoM || 449||
jeM advaitAhIvarI bhogije| teM anubhavIMcha tUM viraje| pusoni maja mAjheM| detAsi sukha || 450||
jaisA ArisA AliyA javaLAM| dise ApaNapeM ApalA DoLA| taisA saMvAdiyA tUM nirmaLA| shiromaNI || 451||
tuvAM neNoni pusAveM| maga AmhI parisa{U}M baisAveM| to gA hA pADu navhe| soyareyA || 452||
aiseM mhaNauni AliMgileM| kR^ipAdR^iShTI avalokileM| maga devo kAya bolile| arjuneMsIM || 453||
paiM dohIM voThIM eka bolaNeM| dohIM charaNIM eka chAlaNeM| taiseM pusaNeM sAMgaNeM| tujheM mAjheM || 454||
evaM AmhI tumhI yetheM| dekhAveM ekA arthAteM| sAMgateM pusateM yetheM| donhI eka || 455||
aisA bolata devo bhulalA moheM| arjunAteM AliMgUni ThAye| maga bihAlA mhaNe noheM| AvaDI he || 456||
jAle ixurasAcheM DhALa| tarI lavaNa deNeM kiDALa| je saMvAdasukhAcheM rasALa| nAsela thiteM || 457||
AdhIMcha AmhAM yayA kAMhIM| naranArAyaNAsI bhinna nAhIM| parI AtAM jiro mAjhyA ThA{I}M| vegu hA mAjhA || 458||
iyA buddhI sahasA| shrIkR^iShNa mhaNe vIreshA| paiM gA to tuvAM kaisA| prashnu kelA \? || 459||
jo arjuna shrIkR^iShNIM virata hotA| to paratoni mAgutA| prashnAvaLIchI kathA| aikoM AlA || 460||
tetha sadgadeM boleM| arjuneM jI jI mhaNitaleM| nirupAdhika ApuleM| rUpa sAMgA || 461||
yayA bolA to shAra~N{}gI| teMchi sAMgAvayAlAgIM| upAdhI dohIM bhAgIM| nirUpIta ase || 462||
pusiliyA nirupahita| upAdhi kAM sAMge yetha| heM koNhAhI prastuta| game jarI || 463||
tarI tAkAcheM aMsha pheDaNeM| yAchi nAMva loNI kADhaNeM| chokhAchiye shuddhI toDaNeM| kIDachi jevIM || 464||
bAbuLIchi sArAvI hAteM| parI pANI taMva ase A{i}teM| abhrachi jAveM gagana teM| siddhachi kIM || 465||
varIla koMDiyAchA guMDALA| jhADUni keliyA vegaLA| kaNu ghetAM viraMgoLA| ase kA{I} \? || 466||
taisA upAdhi upahitAM| shevaTu jetha vichAritAM| teM koNAteMhI na pusatAM| nirupAdhika || 467||
jaiseM na sAMgaNeMvarI| bALA patIsI rUpa karI| bola nimAlepaNeM vivarI| acharchAteM || 468||
paiM sAMgaNeyA jogeM navhe| tethIMcheM sAMgaNeM aiseM Ahe| mhaNauni upAdhi laxmInAhe| bolije AdIM || 469||
pADivyAchI chaMdrarekhA| nirutI dAvAvayA shAkhA| dAvije tevIM aupAdhikA| bolI iyA || 470||

\indent ##\hspace{1in}## dvAvimau puruShau loke kSharashchAkShara eva cha |
\indent ##\hspace{1in}## kSharaH sarvANi bhUtAni kUTastho.akShara uchyate || 16||\newline%@

maga to mhaNe gA savyasAchI| paiM iye saMsArapATaNIMchI| vastI sAviyA TAMchI| dupuruShIM || 471||
jaisI AghavAMchi gaganIM| nAMdata divorAtrI donhI| taise saMsAra rAjadhAnIM| donhIchi he || 472||
ANikahI tijA puruSha Ahe| parI to yA dohIMcheM nAMva na sAhe| jo udelA gAMveMsIM khAye| dohIMteM yayAM || 473||
parI te taMva goThI aso| AdhIM donhIMchI he pariyesoM| jeM saMsAragrAmA vasoM| Ale asatI || 474||
eka AMdhaLA veDA paMgu| yera sarvAMgeM puratA chAMgu| parI grAmaguNeM saMgu| ghaDalA doghAM || 475||
tayA ekA nAma xaru| yerAteM mhaNatI axaru| ihIM dohIMchi parI saMsAru| koMdalA ase || 476||
AtAM xaru to kavaNu| axaru to kiM laxaNu| hA abhiprAyo saMpUrNu| vivaMchUM gA || 477||
tarI mahadahaMkArA\-| lAguniyAM dhanurdharA| tR^iNAMtIMchA pAMgorA\-| varI paiM gA || 478||
jeM kAMhIM sAneM thora| chAlateM athavA sthira| kiMbahunA gochara| manabuddhIMsi jeM || 479||
jetuleM pAMchabhautika ghaDateM| jeM nAmarUpA sAMpaDateM| guNatrayAchyA paDateM| kAmaThAM jeM || 480||
bhUtAkR^itIcheM nANeM| ghaData bhAMgAreM jeNeM| kALAsi jUM kheLaNeM| jihIM kavaDAM || 481||
jANaNeMchi viparIteM| jeM jeM kAMhIM jANijeteM| jeM pratixaNIM nimateM| ho{U}niyAM || 482||
agA kADhUni bhrAMtIche dAMga| ubhavI sR^iShTIcheM AMga| heM aso bahu jaga| jayA nAma || 483||
paiM aShTadhA bhinna aiseM| jeM dAvileM prakR^itimiseM| jeM xetradvArAM ChattiseM| bhAgI keleM || 484||
heM mAgIla sAMgoM kitI| agA AtAMchi jeM prastutIM| vR^ixAkAra rUpAkR^itI| nirUpileM || 485||
teM AghaveMchi sAkAreM| kalpunI ApaNapayAM pure| jAleM aseM tadanusAreM| chaitanyachi || 486||
jaisA kuhAM ApaNachi biMbeM| siMha pratibiMba pAhatAM xobhe| maga xobhalA samAraMbheM| ghAlI tetha || 487||
kAM salilIM asatachi ase| vyomAvarI vyoma biMbe jaiseM| advaita ho{U}ni taiseM| dvaita ghepe || 488||
arjunA gA yAparI| sAkAra kalpUni purIM| AtmA vismR^itIchi karI| nidrA tetha || 489||
paiM svapnIM sejAra dekhije| maga pahuDaNeM jaiseM tetha kIje| taiseM purIM shayana dekhije| AtmayAsI || 490||
pAThIM tiye nidrecheni bhareM| mI sukhI duHkhI mhaNata ghoreM| ahaMmamatecheni thoreM| vosaNAyeM sAdeM || 491||
hA janaku he mAtA| hA mI gaura hIna puratA| putra vitta kAMtA| mAjheM heM nA || 492||
aisiyA veMghoni svapnA| dhAMvata bhavasvargAchiyA rAnA| tayA chaitanyA nAma arjunA| xara puruShu gA || 493||
AtAM aika xetraj~nu yeNeM| nAmeM jayAteM bolaNeM| jaga jIvu kAM mhaNe| jiye dasheteM || 494||
jo Apuleni visareM| sarva bhUtatveM anukareM| to AtmA bolije xareM| puruSha nAmeM || 495||
je to vastusthitI puratA| mhaNauni AlI puruShatA| varI dehapurIM nidaijatAM| puruShanAmeM || 496||
ANi xarapaNAchA nAthilA| ALu yayA aiseni AlA| je upAdhIMchi AtalA| mhaNauniyAM || 497||
jaisI khaLALIchiyA udakA\-| sarasIM AMdoLe chaMdrikA| taisA vikArAM aupAdhikA| aisAchi game || 498||
kAM khaLALu moTakA shoShe| ANi chaMdrikA taiM sarisIMcha bhraMshe| taisA upAdhinAshIM na dise| upAdhiku || 499||
aiseM upAdhIcheni pADeM| xaNikatva yAteM joDe| teNeM khoMkarapaNeM ghaDe| xara heM nAma || 500||
evaM jIvachaitanya AghaveM| heM xara puruSha jANAveM| AtAM rUpa karUM baraveM| axarAsI || 501||
tarI axaru jo dusarA| puruSha paiM dhanurdharA| to madhyasthu gA girivarAM| meru jaisA || 502||
je to pR^ithvI pAtALa svargIM| ihIM na bhede tihIM bhAgIM| taisA dohIM j~nAnAj~nAnAMgIM| paDenA jo || 503||
nA yathArthaj~nAneM eka hoNeM| nA anyathAtveM dujeM gheNeM| aiseM nikhiLa jeM neNaNeM| teMchi teM rUpa || 504||
pAMsutA niHsheSha jAye| nA ghaTabhAMDAdi hoye| tayA mR^itpiMDA aiseM Ahe| madhyastha jeM || 505||
paiM AToni geliyA sAgaru| maga taraMgu nA nIru| tayA aishI anAkAru| je dashA gA || 506||
pArthA jAgaNeM tarI buDe| parI svapnAcheM kAMhIM na mAMDe| taisiye nidre sAMgaDeM| nyAhALaNeM jeM || 507||
vishva AghaveMchi mAvaLe| ANi Atmabodhu tarI nujaLe| tiye aj~nAnadashe kevaLe| axaru nAma || 508||
sarvAM kaLIM sAMDileM jaiseM| chaMdrapaNa ure aMvase| rUpa jANAveM taiseM| axarAcheM || 509||
paiM sarvopAdhivinAsheM| he jIvadashA jetha paise| phaLapAkAMta jaiseM| jhADa bIjIM || 510||
taiseM upAdhI upahita| thokoni ThAke jetha| tayAteM avyakta| bolatI gA || 511||
ghana aj~nAna suShuptI| to bIjabhAvo mhaNatI| yera svapna hana jAgR^itI| phaLabhAvo tayAchA || 512||
jayAsI kAM bIjabhAvo| vedAMtIM kelA aisA Avo| to tayA puruShA ThAvo| axarAchA || 513||
jethUni anyathAj~nAna| phAMkoni jAgR^iti svapna| nAnAbuddhIcheM rAna| rigAleM ase || 514||
jIvatva jethunI kirITI| vishva uThatachi uThI| te ubhaya bhedAMchI miThI| axaru puruShu || 515||
yeru xara puruShu kAM janIM| jihIM kheLe jAgR^itIM svapnIM| tiyA avasthA jo donhI| viyAlA gA || 516||
paiM aj~nAnaghanasuShuptI| aisaisI je kAM khyAtI| yA uNI ekI prAptI| brahmAchI je || 517||
sAchachi puDhatI vIrA| jarI na yetAM svapna jAgarA| tarI brahmabhAvo sAchokArA| mhaNoM yetA || 518||
parI prakR^itipuruSheM donI| abhreM jAlIM jiyeM gaganIM| xetraxetraj~nu svapnIM| dekhilA jiyeM || 519||
heM aso adhoshAkhA| yA saMsArarUpA rukhA| mULa teM rUpa puruShA| axarAcheM || 520||
hA puruShu kAM mhaNije| je pUrNapaNeMchi nijeM| paiM mAyApurIM pahuDije| teNeMhI boleM || 521||
ANi vikArAMchI je vArI| te viparIta j~nAnAchI parI| neNije jiye mAjhArIM| te suShuptI gA hA || 522||
mhaNauni yayA ApaiseM| xaraNeM yA nase| ANikeMhI hA na nAshe| j~nAnA{u}NeM || 523||
yAlAgIM hA axaru| aisA vedAMtIM Dagaru| kelA deshI thoru| siddhAMtAchyA || 524||
aiseM jIvakArya kAraNa| jayA mAyAsaMguchi laxaNa| axara puruShu jANa| chaitanya teM || 525||

\indent ##\hspace{1in}## uttamaH puruShastvanyaH paramAtmetyudAhR^itaH |
\indent ##\hspace{1in}## yo lokatrayamAvishya bibhartyavyaya IshvaraH || 17||\newline%@

AtAM anyathAj~nAnIM| yA donI avasthA jayA janIM| tayA harapatI ghanIM| aj~nAnatattvIM || 526||
teM aj~nAna j~nAnIM buDAliyA| j~nAneM kIrtimukhatva keliyA| jaisA vanhi kAShTha jALUniyAM| svayeM jaLe || 527||
taiseM aj~nAna j~nAneM neleM| ApaNa vastu de{}Uni geleM| aiseM jANaNeMnivINa uraleM| jANateM jeM || 528||
teM to gA uttama puruShu| jo tR^itIya kAM niShkarShu| dohIMhUna ANiku| mAgilA jo || 529||
suShuptIM ANi svapnA\-| pAsUni bahuveM arjunA| jAgaNeM jaiseM AnA| bodhAcheMchi || 530||
kAM rashmI hana mR^igajaLA\-| pAsUni arkamaMDaLA| aphATu tevIM vegaLA| uttamu gA || 531||
heM nA kAShThIMchA kAShThAhunI| anArisA jaisA vanhI| taisA xarAxarApAsunI| Anachi to || 532||
paiM grAsUni ApalI maryAdA| eka karIta nadInadAM| uThI kalpAMtIM udAvAdA| ekArNavAchA || 533||
taiseM svapna nA suShuptI| nA jAgarAchI goThI AthI| jaisI giLilI divorAtI| praLayatejeM || 534||
maga ekapaNa nA dujeM| aseM nAhIM heM neNije| anubhava nirbuje| buDAlA jetheM || 535||
aiseM Athi jeM kAMhIM| teM to uttama puruShu pAhIM| jeM paramAtmA ihIM| bolije nAmIM || 536||
teMhI etha na misaLatAM| bolaNeM jIvatveM paMDusutA| jaisI buDaNeyAchI vArtA| thaDiyechA kIje || 537||
taiseM vivekAchiye kAMThIM| ubheM ThAkaliyA kirITI| parAvarAchiyA goThI| karaNeM vedAM || 538||
mhaNauni puruShu xarAxaru| donhI dekhoni avaru| yAteM mhaNatI paru| AtmarUpa || 539||
arjunA aisiyA parI| paramAtmA shabdavarI| sUchije gA avadhArIM| puruShottamu || 540||
eRhavIM na bolaNeMchi bolaNeM| jethiMcheM sarva neNivA jANaNeM| kAMhIMcha na honi hoNeM| je vastu gA || 541||
so.ahaM teMhI astavaleM| jetha sAMgateMchi sAMgaNeM jAleM| draShTatveMsI geleM| dR^ishya jetha || 542||
AtAM biMbA ANi pratibiMbA\-| mAjIM kaiMchI heM mhaNoM naye prabhA \?| jaRhI kaiseni he lAbhA| jAyechi nA || 543||
kAM ghrANA phulA dohIM| drutI ase je mAjhArilAM ThAyIM| te na dise tarI nAhIM| aiseM boloM naye || 544||
taiseM draShTA dR^ishya heM jAye| maga koNa mhaNe kAya Ahe| heMchi anubhaveM teMchi pAheM| rUpa tayA || 545||
jo prakAshyeMvINa prakAshu| IshitavyeMvINa Ishu| ApaNeMnIchi avakAshu| vasavIta ase jo || 546||
jo nAdeM aikijatA nAdu| svAdeM chAkhijatA svAdu| jo bhogijatase AnaMdu| AnaMdeMchi || 547||
jo pUrNatechA pariNAmu| puruShu gA puruShottamu| vishrAMtIchAhI vishrAmu| virAlA jetheM || 548||
sukhAsi sukha joDileM| jeM teja tejAsi sAMpaDaleM| shUnyahI buDAleM| mahAshUnyIM jiye || 549||
jo vikAsAhIvarI uratA| grAsAteMhI grAsUni puratA| jo bahuteM pADeM bahutAM\-| pAsUni bahu || 550||
paiM neNatayApratI| rupepaNAchI pratItI| rupeM na honi shuktI| dAvI jevIM || 551||
kAM nAnA alaMkAradashe| soneM na lapata lapAleM ase| vishva na honiyAM taiseM| vishva jo dharI || 552||
heM aso jalataraMgA| nAhIM sinAnepaNa jevIM gA| tevIM disatA prakAshu jagA| ApaNachi jo || 553||
ApuliyA saMkochavikAshA| ApaNachi rUpa vIreshA| hA jaLIM chaMdra hana jaisA| samagra gA || 554||
taisA vishvapaNeM kAMhIM hoye| vishvalopIM kahIM na jAye| jaisA rAtrIM divaseM nohe| dvidhA ravi || 555||
taisA kAMhIMchi koNIkaDe| kAyisenihi veMchIM na paDe| jayAcheM sAMgaDeM| jayAsIchi || 556||

\indent ##\hspace{1in}## yasmAtkSharamatIto.ahamakSharAdapi chottamaH |
\indent ##\hspace{1in}## ato.asmi loke vede cha prathitaH puruShottamaH || 18||\newline%@

jo ApaNapeMchi ApaNayA| prakAshItase dhanaMjayA| kAya bahu boloM jayA| nAhIM dujeM || 557||
to gA mI nirupAdhiku| xarAxarottamu eku| mhaNauni mhaNe veda loku| puruShottamu || 558||

\indent ##\hspace{1in}## yo mAmevamasa.nmUDho jAnAti puruShottamam.h |
\indent ##\hspace{1in}## sa sarvavidbhajati mA.n sarvabhAvena bhArata || 19||\newline%@

parI heM aso aisiyA| maja puruShottamAteM dhanaMjayA| jANe jo pAhaleyA| j~nAnamitreM || 559||
che{i}liyA ApuleM j~nAna| jaiseM nAhIMchi hoya svapna| taiseM sphurateM tribhuvana| vAvoM jAleM || 560||
kAM hAtIM ghetaliyA mALA| phiTe sarpAbhAsAchA kAMTALA| taisA mAjheni bodheM TavALA| nAgave to || 561||
leNeM soneMchi jo jANeM| to leNeMpaNa teM vAvo mhaNe| tevIM mI jANoni jeNeM| vALilA bhedu || 562||
maga mhaNe sarvatra sachchidAnaMdu| mIchi eku svataHsiddhu| jo ApaNenasIM bhedu| neNoniyAM jANe || 563||
teNeMchi sarva jANitaleM| heMhI mhaNaNeM theMkuleM| je tayA sarva uraleM| dvaita nAhIM || 564||
mhaNauni mAjhiyA bhajanA| uchitu tochi arjunA| gagana jaiseM AliMganA| gaganAchiyA || 565||
xIrasAgarA paraguNeM| kIje xIrasAgarachipaNeM| amR^itachi ho{U}ni miLaNeM| amR^itIM jevIM || 566||
sADepaMdharA misaLAveM| taiM sADepaMdhareMchi hoAveM| tevIM mI jAliyA saMbhave| bhakti mAjhI || 567||
hAM gA siMdhUsi AnI hotI| tarI gaMgA kaiseni miLatI \?| mhaNauni mI na hotAM bhaktI| anvayo Ahe \? || 568||
aisiyAlAgIM sarva prakArIM| jaisA kalloLu ananyu sAgarIM| taisA mAteM avadhArIM| bhajinnalA jo || 569||
sUryA ANi prabhe| ekavaMkI jeNeM lobheM| to pADu mAnUM lAbhe| bhajanA tayA || 570||

\indent ##\hspace{1in}## iti guhyatama.n shAstramidamuk{}ta.n mayA.anagha |
\indent ##\hspace{1in}## etad{}buddhvA buddhimAnsyAt.h kR^itakR^ityashcha bhArata || 20||\newline%@


\indent ##\hspace{1in}## AUM tatsaditi shrImadbhagavadgItAsUpaniShatsu brahmavidyAyA.n yogashAstre
\indent ##\hspace{1in}## shrIkR^iShNArjunasa.nvAde puruShottama yogonAma pa.nchadasho.adhyAyaH || 15a ||\newline%@

evaM kathilayAdArabhya| heM jeM sarva shAstraikalabhya| upaniShadAM saurabhya| kamaLadaLAM jevIM || 571||
heM shabdabrahmAcheM mathiteM| shrIvyAsapraj~necheMni hAteM| mathuni kADhileM AyiteM| sAra AmhIM || 572||
je j~nAnAmR^itAchI jAhnavI| je AnaMdachaMdrIMchI satarAvI| vichAraxIrArNavIMchI navI| laxmI je he || 573||
mhaNauni Apuleni padeM varNeM| arthAcheni jIveMprANeM| mIvAMchoni hoM neNeM| Ana kAMhIM || 574||
xarAxaratveM samora jAleM| tayAMcheM puruShatva vALileM| maga sarvasva maja didhaleM| puruShottamIM || 575||
mhaNauni jagIM gItA| miyAM Atmeni pativratA| je he prastuta tuvAM AtAM| AkarNilI || 576||
sAchachi bolAcheM navhe heM shAstra| paiM saMsAru jiNateM heM shastra| AtmA avataravite maMtra| axareM iyeM || 577||
parI tujapuDhAM sAMgitaleM| teM arjunA aiseM jAleM| jeM gaupyadhana kADhileM| mAjheM Aji || 578||
maja chaitanyashaMbhUchA mAthAM| jo nixepu hotA pArthA| tayA gautamu jAlAsi AsthA\-| nidhI tUM gA || 579||
chokhaTivA ApuliyA| puDhilA ugANA gheyAvayA| tayA darpaNAchIchi parI dhanaMjayA| kelI AmhAM || 580||
kAM bharaleM chaMdratArAMgaNIM| nabha siMdhU ApaNayAmAjIM ANI| taisA gItesIM mI aMtaHkaraNIM| sUdalA tuvAM || 581||
je trividhamaLikaTA| tUM sAMDilAsi subhaTA| mhaNauni gItesIM maja vasauTA| jAlAsi gA || 582||
parI heM boloM kAya gItA| je he mAjhI unmeShalatA| jANe to samastA| mohA muke || 583||
sevilI amR^itasaritA| rogu davaDUni paMDusutA| amarapaNa uchitAM| de{}Uni ghAlI || 584||
taisI gItA he jANitaliyA| kAya vismayo moha jAvayA| parI Atmaj~nAneM ApaNApayAM| miLije yetha || 585||
jayA Atmaj~nAnAchyA ThAyIM| karma ApuleyA jIvitA pAhIM| ho{U}niyAM utarA{I}| layA jAya || 586||
harapaleM dA{U}ni jaisA| mAgu sare vIravilAsA| j~nAnachi kaLasa vaLaghe taisA| karmaprAsAdAchA || 587||
mhaNauni j~nAniyA puruShA| kR^itya karUM saraleM dekhA| aisA anAthAMchA sakhA| bolilA to || 588||
teM shrIkR^iShNavachanAmR^ita| pArthIM bharoni ase vosaMData| maga vyAsakR^ipA prApta| saMjayAsI || 589||
to dhR^itarAShTra rAyA| sUtase pAna karAvayA| mhaNauni jIvitAMtu tayA| nohechi bhArI || 590||
eRhavIM gItAshravaNa avasarIM| AvaDoM lAgatAM anadhikArI| pari sekhIM techi ujarI| pAtalA bhalI || 591||
jevhAM drAxIM dUdha ghAtaleM| tevhAM vAyAM geleM gamaleM| parI phaLapAkIM duNAvaleM| dekhije jevIM || 592||
taisI shrIharIvak{}trIMchIM axareM| saMjayeM sAMgitalIM AdareM| tihIM aMdhu tohI avasareM| sukhiyA jAlA || 593||
teMchi maRhATeni vinyAseM| miyAM unmeSheM ThaseMThoMbaseM| jI jANeM neNeM taiseM| niropileM || 594||
sevaMtIye arisi kAMhIM| AMga pAhatAM visheShu nAhIM| parI saurabhya neleM tihIM| bhramarIM jANije || 595||
taiseM ghaDateM prameya ghe{i}je| uNeM teM maja de{i}je| jeM neNaNeM heMchi sahajeM| rUpa kIM bALA || 596||
tarI neNateM jaRhI hoye| taRhI dekhoni bApa kIM mAye| harSha keMhi na samAye| choja karitI || 597||
taiseM saMta mAhera mAjheM| tumhI minaliyA mI lADaijeM| teMchi graMthAcheni vyAjeM| jANijo jI || 598||
AtAM vishvAtmaku hA mAjhA| svAmI shrInivR^ittirAjA| to avadhArU vA{k} pUjA| j~nAnadevo mhaNe || 599||
iti shrIj~nAnadevavirachitAyAM bhAvArthadIpikAyAM paMchadasho.adhyAyaH ||
%End of 15@
\bigskip\hrule\medskip
##
{\rm \Large
Encoded and proofread by
Chhaya Deo, Sharad Deo, and Vishwas Bhide.
Assisted by
Sunder Hattangadi, Joshi, and Shree Devi Kumar.}
\medskip\hrule\obeylines
{\rm Please send corrections to sanskrit at cheerful dot c om}
{\rm Last updated \today}
\end{document}