%@@1
% File name             : dn13.itx
%--------------------------------------------
% Text title            : Dnyaneshvari or Bhavarthadipika Chapter 13
% Author                : Sant Dnyaneshwar
% Language              : Marathi, Sanskrit
% Subject               : philosophy/hinduism/religion
% Description/comments  : 
% Transliterated by     : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Proofread by          : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Latest update         : June 20, 2005
% Send corrections to   : sanskrit at cheerful dot c om
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://sanskritdocuments.org
% http://sanskrit.bhaarat.com  See the document project
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dnyaneshvari or Bhavarthadipika Chapter 13 ..}##
\itxtitle{.. j~nAneshvarI bhAvArthadIpikA adhyAya 13 ..}##\endtitles ##
%Start of 13@
|| AUM shrI paramAtmane namaH ||
adhyAya terAvA |
kShetrakShetraj~navibhaagayogaH |

AtmarUpa gaNeshu keliyA smaraNa| sakaLa vidyAMcheM adhikaraNa| techi vaMdUM shrIcharaNa| shrIgurUMche || 1||
jayAMcheni AThaveM| shabdasR^iShTi AMgave| sArasvata AghaveM| jivhesi ye || 2||
vaktR^itvA goDapaNeM| amR^itAteM pArukheM mhaNe| rasa hotI voLaMgaNeM| aksharAMsI || 3||
bhAvAcheM avataraNa| avataravitI khUNa| hAtA chaDhe saMpUrNa| tattvabheda || 4||
shrIgurUMche pAya| jaiM hR^idaya giMvasUni ThAya| taiM yevaDheM bhAgya hoya| unmekhAsI || 5||
te namaskArUni AtAM| jo pitAmahAchA pitA| laxmIyechA bhartA| aiseM mhaNe || 6||

\indent ##\hspace{1in}## shrIbhagavAnuvAcha |
\indent ##\hspace{1in}## ida.n sharIra.n kaunteya kShetramityabhidhIyate |
\indent ##\hspace{1in}## etadyo vetti ta.n prAhuH kShetraj~na iti tadvidaH || 1||\newline%@

tarI pArthA parisije| deha heM xetra mhaNije| jo heM jANe to bolije| xetraj~nu etheM || 7||

\indent ##\hspace{1in}## kShetraj~na.n chApi mA.n viddhi sarvakShetreShu bhArata |
\indent ##\hspace{1in}## kShetrakShetraj~nayorj~nAna.n yattaj~nAna.n mata.n mama || 2||\newline%@

tari xetraj~nu jo etheM| to mIchi jANa niruteM| jo sarva xetrAMteM| saMgoponi ase || 8||
xetra ANi xetraj~nAteM| jANaNeM jeM niruteM| j~nAna aiseM tayAteM| mAnUM AmhI || 9||

\indent ##\hspace{1in}## tat.h kShetra.n yachcha yAdR^ik{}cha yadvikAri yatashcha yat.h |
\indent ##\hspace{1in}## sa cha yo yatprabhAvashcha tat.h samAsena me shruNu || 3||\newline%@

tari kShetra yeNeM nAveM| heM sharIra jeNeM bhAveM| mhaNitaleM teM AghaveM| sAMgoM atAM || 10||
heM kShetra kA mhaNije| kaiseM keM upaje| kavaNAkavaNIM vADhavije| vikArIM etha || 11||
heM auTa hAta moTakeM| kIM kevaDheM pAM ketukeM| baraDa kIM pike| koNAcheM heM || 12||
ityAdi sarva| je je yAche bhAva| te bolijatI sAveva| avadhAna deIM || 13||
paiM yAchi sthaLAkAraNeM| shruti sadA bobANe| tarku yeNeMchi ThikANeM| toMDALu kelA || 14||
chALitA hechi bolI| darshaneM shevaTA AlIM| tevIMchi nAhIM bujhavilI| ajhuni dvaMdveM || 15||
shAstrAMchiye soyarike| vichaLije yeNeMchi ekeM| yAcheni ekavaMkeM| jagAsi vAdu || 16/| 
toMDesIM toMDA na paDe| boleMsIM bolA na ghaDe| iyA yuktI baDabaDe| trAya jAhalI || 17||
neNoM koNAcheM heM sthaLa| pari kaiseM abhilAShAcheM baLa| jegharogharIM kapALa| piTavIta ase || 18||
nAstikA dyAvayA toMDa| vedAMcheM gADheM baMDa| de dekhoni pAkhAMDa| Anachi vAje || 19||
mhaNe tumhI nirmULa| laTikeM heM vAgjALa| nA mhaNasI tarI pophaLa| ghAtaleM Ahe || 20||
pAkhAMDAche kaDe| nAgavIM luMchitI muMDe| niyojilI vitaMDeM| tALAsi yetI || 21||
mR^ityubaLAcheni mAjeM| heM jAIla vINa kAjeM| teM dekhoniyAM vyAjeM| nighAle yogI || 22||
mR^ityUni AdhAdhile| tihIM niraMjana sevileM| yamadamAMche kele| meLAve pure || 23||
yeNeMchi kShetrAbhimAneM| rAjya tyajileM IshAneM| guMti jANoni smashAneM| vAsu kelA || 24||
aisiyA paijA maheshA| pAMghuraNeM dAhI dishA| lAMchakarU mhaNoni koLasA| kAmu kelA || 25||
paiM satyalokanAthA| vadaneM AlIM baLArthA| tarI to sarvathA| jANechinA || 26||

\indent ##\hspace{1in}## R^iShibhirbahudhA gIta.n chhandobhirvividhaiH pR^ithak.h |
\indent ##\hspace{1in}## brahmasUtrapadaishchaiva hetumadbhirvinishchitaiH || 4||\newline%@

eka mhaNatI heM sthaLa| jIvAcheMchi samULa| maga prANa heM kULa| tayAcheM etha || 27||
je prANAche gharIM| aMgeM rAbatI bhA{U} chArI| ANi manA aisA AvarI| kuLavADIkaru || 28||
tayAteM iMdriyabailAMchI peTI| na mhaNe aMvasIM pAhATIM| viShayaxetrIM ATI| kADhI bhalI || 29||
maga vidhIchI vApha chukavI| ANi anyAyAcheM bIja vAphavI| kukarmAchA karavI| rAbu jarI || 30||
tarI tayAchisArikheM| asaMbhaDa pApa pike| maga janmakoTI duHkheM| bhogI jIvu || 31||
nAtarI vidhIchiye vAphe| satkriyA bIja Arope| tarI janmashatAchIM mApeM| sukhachi mavIje || 32||
taMva ANika mhaNatI heM navhe| heM jivAcheMchi na mhaNAveM| AmuteM pusA AghaveM| kshetrAcheM yA || 33||
aho jIvu etha ukhitA| vastIkaru vATe jAtAM| ANi prANu hA balautA| mhaNauni jAge || 34||
anAdi je prakR^itI| sAMkhya jiyeteM gAtI| xetra he vR^ittI| tiyechI jANA || 35||
ANi iyeteMchi AghavA| AthI gharameLAvA| mhaNauni te vAhivA| gharIM vAhe || 36||
vAhyAchiye rahATI| je kAM muddala tighe iye sR^iShTIM| te iyechyAchi poTIM| jahAle guNa || 37||
rajoguNa perI| tetuleM sattva soMkarI| maga ekaleM tama karI| saMvagaNI || 38||
rachUni mahattattvAcheM khaLeM| maLI eke kALugeni poLeM| tetha avyaktAchI miLe| sAMja bhalI || 39||
taMva ekIM mativaMtIM| yA bolAchiyA khaMtIM| mhaNitaleM yA j~naptI| arvAchInA || 40||
hAM ho paratattvA{A}Mtu| keM prakR^itIchI mAtu| hA xetra vR^ittAMtu| ugeMchi A{i}kA || 41||
shUnyasejeshAliye| sulInatechiye tuLiye| nidrA kelI hotI baLiyeM| saMkalpeM yeNeM || 42||
to avasAMta che{i}lA| udyamIM sadaiva bhalA| mhaNauni ThevA joDalA| ichChAvasheM || 43||
nirAlaMbIMchI vADI| hotI tribhuvanAyevaDhI| he tayAchiye joDI| rUpA AlI || 44||
maga mahAbhUtAMcheM ekavATa| sairA veMTALUni bhATa| bhUtagrAmAMche AghATa| chirile chArI || 45||
yAvarI AdI| pAMchabhUtikAMchI mAMdI| bAMdhalI prabhedIM| paMchabhUtikIM || 46||
karmAkarmAche guMDe| bAMdha ghAtale dohIMkaDe| napuMsakeM baraDeM| rAneM kelIM || 47||
tetha yerajhArelAgIM| janmamR^ityUchI suraMgI| suhAvilI nilAgI| saMkalpeM yeNeM || 48||
maga ahaMkArAsi ekalAdhI| karUni jIvitAvadhI| vahAvileM buddhi| charAchara || 49||
yAparI nirALIM| vADhe saMkalpAchI DAhALI| mhaNauni to muLIM| prapaMchA yayA || 50||
yAparI mattamugutakIM| tetha paDighAyileM ANikIM| mhaNatI hAM ho vivekIM| kaiseM tumhI || 51||
paratattvAchiyA gAMvIM| saMkalpaseja dekhAvI| tarI kAM pAM na manAvI| prakR^iti tayAchI \? || 52||
pari aso heM navhe| tumhI yA na lagAveM| AtAMchi heM AghaveM| sAMgijaila || 53||
tarI AkAshIM kavaNeM| kelIM meghAchIM bharaNeM| aMtarixa tArAMgaNeM| dharI kavaNa \? || 54||
gaganAchA taDAvA| koNeM veDhilA kedhavAM| pavanu hiMDatu asAvA| heM kavaNAcheM mata \? || 55||
romAM kavaNa perI| siMdhU kavaNa bharI| parjanyAchiyA karI| dhArA kavaNa \? || 56||
taiseM xetra heM svabhAveM| he vR^ittI kavaNAchI navhe| heM vAhe tayA phAve| yerAM tuTe || 57||
taMva ANikeM ekeM| xobheM mhaNitaleM nikeM| tarI bhogije ekeM| kALeM kevIM heM \? || 58||
tarI yayAchA mAru| dekhatAti anivAru| parI svamatIM bharu| abhimAniyAM || 59||
heM jANoM mR^ityu rAgiTA| siMhADayAchA darakuTA| parI kAya vAMjaTA| pUrijata ase \? || 60||
mahAkalpAparautIM| kava ghAlUni avachitIM| satyalokabhadrajAtI| AMgIM vAje || 61||
lokapALa nitya nave| diggajAMche meLAve| svargIMchiye ADave| rigoni moDI || 62||
yera yayAcheni aMgavAteM| janmamR^ityUchiye garteM| nirjiveM ho{U}ni bhramateM| jIvamR^igeM || 63||
nyAhALIM pAM kevhaDA| pasaralAse chavaDA| jo karUniyAM mAjivaDA| AkAragaju || 64||
mhaNauni kALAchI sattA| hAchi bolu nirutA| aise vAda paMDusutA| xetrAlAgIM || 65||
he bahu ukhivikhI| R^iShIM kelI naimiShIM| purANeM iyeviShIM| matapatrikA || 66||
anuShTubhAdi ChaMdeM| prabaMdhIM jeM vividheM| te patrAvalaMbana madeM| karitI ajhunI || 67||
vedIMcheM bR^ihatsAmasUtra| jeM dekhaNepaNeM pavitra| parI tayAhI heM xetra| neNavechi || 68||
ANIka ANIkIMhI bahutIM| mahAkavIM hetumaMtIM| yayAlAgIM matI| veMchiliyA || 69||
parI aiseM heM evaDheM| kIM amukeyAcheMchi phuDeM| heM koNAhI varapaDeM| hoyachinA || 70||
AtAM yAvarI jaiseM| xetra heM ase| tuja sAMgoM taiseM| sAdyaMtu gA || 71||

\indent ##\hspace{1in}## mahAbhUtAnyaha.nkAro buddhiravyak{}tameva cha |
\indent ##\hspace{1in}## indriyANi dashaika.n cha pa~ncha chendriyagocharAH || 5||\newline%@


\indent ##\hspace{1in}## ichchhA dveShaH sukha.n duHkha.n sa.nghAtashchetanA dhR^itiH |
\indent ##\hspace{1in}## etatkShetra.n samAsena savikAramudAhR^itam.h || 6||\newline%@

tari mahAbhUtapaMchaku| ANi ahaMkAru eku| buddhi avyakta dashaku| iMdriyAMchA || 72||
mana ANIkahI eku| viShayAMchA dashaku| sukha duHkha dveShu| saMghAta ichChA || 73||
ANi chetanA dhR^itI| evaM xetravyaktI| sAMgitalI tujapratI| AghavIchI || 74||
AtAM mahAbhUteM kavaNeM| kavaNa viShayo kaisIM karaNe| heM vegaLAlepaNeM| ekaika sAMgoM || 75||
tarI pR^ithvI Apa teja| vAyu vyoma iyeM tuja| sAMgitalIM bujha| mahAbhUteM pAMcheM || 76||
ANi jAgatiye dashe| svapna lapAleM ase| nAtarI aMvase| chaMdra gUDhu || 77||
nAnA aprauDhabALakIM| tAruNya rAhe thokIM| kAM na phulatAM kaLikIM| Amodu jaisA || 78||
kiMbahunA kAShThIM| vanhi jevIM kirITI| tevIM prakR^itichiyA poTIM| gopyu jo ase || 79||
jaisA jvaru dhAtugatu| apathyAcheM miSha pahAtu| maga jAliyA AMtu| bAherI vyApI || 80||
taisI pAMchAMhI gAMThIM paDe| jaiM dehAkAru ughaDe| taiM nAchavI chahUMkaDe| to ahaMkAru gA || 81||
navala ahaMkArAchI goThI| visheSheM na lage aj~nAnApAThIM| saj~nAnAche jhoMbe kaMThIM| nAnA saMkaTIM nAchavI || 82||
AtAM buddhi je mhaNije| te aishiyAM chinhIM jANije| bolileM yadurAjeM| teM A{i}keM sAMgoM || 83||
tarI kaMdarpAcheni baLeM| iMdriyavR^ittIcheni meLeM| vibhAMDUni yetI pALe| viShayAMche || 84||
to sukhaduHkhAMchA nAgovA| jetha ugANoM lAge jIvA| tetha dohIMsI baravA| pADu je dharI || 85||
heM sukha heM duHkha| heM puNya heM doSha| kAM heM maiLa heM chokha| aiseM je nivaDI || 86||
jithe adhamottama sujhe| jiye sAneM thora bujhe| jiyA diThI pArakhije| viSho jIveM || 87||
je tejatattvAMchI AdI| je sattvaguNAchI vR^iddhI| je AtmayA jIvAchI saMdhI| vasavIta ase je || 88||
arjunA te gA jANa| buddhi tUM saMpUrNa| AtAM A{i}keM voLakhaNa| avyaktAchI || 89||
paiM sAMkhyAMchiyA siddhAMtIM| prakR^itI je mahAmatI| techi etheM prastutIM| avyakta gA || 90||
ANi sAMkhyayogamateM| prakR^itI parisavilI tUMteM| aisI dohIM parIM jetheM| vivaMchilI || 91||
tetha dujI je jIvadashA| tiye nAMva vIreshA| yetha avyakta aisA| paryAvo hA || 92||
taRhI pAhAlayA rajanI| tArA lopatI gaganIM| kAM hArapeM astamAnIM| bhUtakriyA || 93||
nAtarI deho geliyA pAThIM| dehAdika kirITI| upAdhi lape poTIM| kR^itakarmAchyA || 94||
kAM bIjamudreAMtu| thoke taru samastu| kAM vastrapaNe taMtu\-| dashe rAhe || 95||
taise sAMDoniyAM sthULadharma| mahAbhUteM bhUtagrAma| layA jAtI sUxma| ho{U}ni jethe || 96||
arjunA tayA nAMveM| avyakta heM jANAveM| AtAM A{i}keM AghaveM| iMdriyabheda || 97||
tarI shravaNa nayana| tvachA ghrANa rasana| iyeM jANeM j~nAna\-| karaNeM pAMcheM || 98||
iye tattvameLApaMkIM| sukhaduHkhAMchI ukhivikhI| buddhi karite mukhIM| pAMcheM ihIM || 99||
maga vAchA ANi kara| charaNa ANi adhodvAra| pAyu he prakAra| pAMcha ANika || 100||
karmeMdriyeM mhaNipatI| tIM iyeM jANijatI| A{i}keM kaivalyapatI| sAMgatase || 101||
paiM prANAchI aMtaurI| kriyAshakti je sharIrIM| tiyechi riginigI dvArIM| pAMche ihIM || 102||
evaM dAhAhI karaNeM| sAMgitalIM devo mhaNe| parisa AtAM phuDepaNeM| mana teM aiseM || 103||
jeM iMdriyAM ANi buddhi| mAjhAriliye saMdhIM| rajoguNAchyA khAMdIM| taraLata ase || 104||
nILimA aMbarIM| kAM mR^igatR^iShNAlaharI| taiseM vAyAMchi pharArI| vAvo jAhaleM || 105||
ANi shukrashoNitAchA sAMdhA| miLatAM pAMchAMchA bAMdhA| vAyutattva dashadhA| ekachi jAhaleM || 106||
maga tihIM dAhe bhAgIM| dehadharmAchyA khaivaMgIM| adhiShThileM AMgIM| ApulAlyA || 107||
tetha chAMchalya nikhaLa| ekaleM TheleM niDhALa| mhaNauni rajAcheM baLa| dharileM teNeM || 108||
teM buddhIsi bAherI| ahaMkArAchyA urAvarI| aisAM ThAyIM mAjhArIM| baLiyAvaleM || 109||
vAyAM mana heM nAMva| eRhavIM kalpanAchi sAveva| jayAcheni saMgeM jIva\-| dashA vastu || 110||
jeM pravR^ittIsi mULa| kAmA jayAche baLa| jeM akhaMDa sUye ChaLa| ahaMkArAsI || 111||
jeM ichCheteM vADhavI| AsheteM chaDhavI| jeM pAThI puravI| bhayAsi gA || 112||
dvaita jetheM uThI| avidyA jeNeM lAThI| jeM iMdriyAMteM loTI| viShayAMmajI || 113||
saMkalpeM sR^iShTI ghaDI| saveMchi vikalpUni moDI| manorathAMchyA utaraMDI| utarI rachI || 114||
jeM bhulIcheM kuhara| vAyutattvAcheM aMtara| buddhIcheM dvAra| jhAkavileM jeNeM || 115||
teM gA kirITI mana| yA bolA nAhIM Ana| AtAM viShayAbhidhAna| bhedU A{i}keM || 116||
tarI sparshu ANi shabdu| rUpa rasu gaMdhu| hA viShayo paMchavidhu| j~nAneMdriyAMchA || 117||
ihIM pAMchaiM dvArIM| j~nAnAsi dhAMva bAherI| jaisA kAM hirave chArIM| bhAMbAve pashu || 118||
maga svara varNa visargu| athavA svIkAra tyAgu| saMkramaNa utsargu| viNmUtrAchA || 119||
he karmeMdriyAMche pAMcha| viShaya gA sAcha| je bAMdhoniyAM mAcha| kriyA dhAMve || 120||
aise he dAhI| viShaya gA iye dehIM| AtAM ichChA tehI| sAMgijaila || 121||
tari bhUtaleM AThave| kAM boleM kAna jhAMkave| aisiyAvari chetave| je gA vR^ittI || 122||
iMdriyAviShayAMchiye bheTI\-| sarasIcha je gA uThI| kAmAchI bAhuTI| dharUniyAM || 123||
jiyecheni uThilepaNeM| manA saiMgha dhAvaNeM| na rigAveM tetha karaNeM| toMDeM sutI || 124||
jiye vR^ittIchiyA AvaDI| buddhI hoya veDI| viShayAM jiyA goDI| te gA ichChA || 125||
ANI ichChiliyA sAMgaDeM| iMdriyAM AmiSha na joDe| tetha joDe aisA jo DAvo paDe| tochi dveShu || 126||
AtAM yAvarI sukha| teM evaMvidha dekha| jeNeM ekeMchi ashekha| visare jIvu || 127||
manA vAche kAye| jeM ApulI ANa vAye| dehasmR^itIchI trAye| moDita jeM ye || 128||
jayAcheni jAlepaNeM| pAMguLA ho{I}je prANeM| sAttvikAsI duNeM| varIhI lAbhu || 129||
kAM AghaviyAchi iMdriyavR^ittI| hR^idayAchiyA ekAMtIM| thApaTUni suShuptI| ANI jeM gA || 130||
kiMbahunA soye| jIva AtmayAchI lAhe| tetha jeM hoye| tayA nAma sukha || 131||
ANi aisI he avasthA| na joDatAM pArthA| jeM jIje teMchi sarvathA| duHkha jANe || 132||
teM manorathasaMgeM navhe| eRhavIM siddhI geleMchi Ahe| he donIchi upAye| sukhaduHkhAsI || 133||
AtAM asaMgA sAxibhUtA| dehIM chaitanyAchI je sattA| tiye nAma paMDusutA| chetanA yetheM || 134||
je nakhauni keshavarI| ubhI jAge sharIrIM| je tihIM avasthAMtarI| pAlaTenA || 135||
manabuddhyAdi AghavIM| jiyecheni TavaTavIM| prakR^itivanamAdhavIM| sadAMchi je || 136||
jaDAjaDIM aMshIM| rAhATe je sarisI| te chetanA gA tujasI| laTikeM nAhIM || 137||
paiM rAvo parivAru neNe| Aj~nAchi parachakra jiNe| kAM chaMdrAcheni pUrNapaNeM| siMdhU bharatI || 138||
nAnA bhrAmakAcheM sannidhAna| loho karI sachetana| kAM sUryasaMgu jana| cheShTavI gA || 139||
agA mukha meLeMviiNa| piliyAcheM poShaNa| karI nirIxaNa| kUrmI jevIM || 140||
pArthA tiyAparI| AtmasaMgatI iye sharIrIM| sajIvatvAchA karI| upegu jaDA || 41||
maga tiyeteM chetanA| mhaNipe paiM arjunA| AtAM dhR^itivivaMchanA| bhedu A{i}ka || 142||
tarI bhUtAM paraspareM| ughaDa jAti svabhAvavaireM| navhe pR^ithvIteM nIreM| na nAshije \? || 143||
nIrAteM ATI teja| tejA vAyUsi jhuMja| ANi gagana taMva sahaja| vAyU bhaxI || 144||
tevIMchi koNehI veLe| ApaNa kAyisayAhI na miLe| AMtu rigoni vegaLeM| AkAsha heM || 145||
aisIM pAMchahI bhUteM| na sAhatI ekamekAMteM| kIM tiyeMhI aikyAteM| dehAsI yetI || 146||
dvaMdvAchI ukhivikhI| soDUni vasatI ekIM| ekekAteM pokhI| nijaguNeM gA || 147||
aiseM na miLe tayAM sAjaNeM| chaLe dhairyeM jeNeM| tayAM nAMva mhaNeM| dhR^itI mI gA || 148||
ANi jIveMsI pAMDavA| yA ChattisAMchA meLAvA| to hA etha jANAvA| saMghAtu paiM gA || 149||
evaM ChattIsahI bheda| sAMgitale tuja vishada| yayA yetuliyAteM prasiddha| xetra mhaNije || 150||
rathAMgAMchA meLAvA| jevIM rathu mhaNije pAMDavA| kAM adhordhva avevAM| nAMva deho || 151||
karIturaMgasamAjeM| senA nAma niphaje| kAM vAkyeM mhaNipatI puMje| axarAMche || 152||
kAM jaLadharAMchA meLA| vAchya hoya AbhALA| nAnA lokAM sakaLAM| nAma jaga || 153||
kAM snehasUtravanhI| meLu ekichi sthAnIM| dharije to janIM| dIpu hoya || 154||
taisIM ChattIsahI iyeM tattveM| miLatI jeNeM ekatveM| teNeM samUha paratveM| xetra mhaNipe || 155||
ANi vAhateni bhautikeM| pApa puNya yetheM pike| mhaNauni AmhI kautukeM| xetra mhaNoM || 156||
ANi ekAcheni mateM| deha mhaNatI yayAteM| parI aso heM anaMteM| nAmeM yayA || 157||
paiM paratattvA{A}rauteM| sthAvarA{A}MtauteM| jeM kAMhIM hoteM jAteM| xetrachi heM || 158||
pari sura nara uragIM| ghaData Ahe yonivibhAgIM| teM guNakarmasaMgIM| paDileM sAteM || 159||
hechi guNavivaMchanA| puDhAM mhaNipaila arjunA| prastuta AtAM tuja j~nAnA| rUpa dAvUM || 160||
xetra taMva savistara| sAMgitaleM savikAra| mhaNauni AtAM udAra| j~nAna A{i}keM || 161||
jayA j~nAnAlAgIM| gagana giLitAtI yogI| svargAchI ADavaMgI| umaraDoni || 162||
na karitI siddhIchI chADa| na dharitI R^iddhIchI bhIDa| yogA{ai}seM duvADa| heLasitI || 163||
tapodurgeM volAMDita| kratukoTi vovAMDita| ulathUni sAMDita| karmavallI || 164||
nAnA bhajanamArgI| dhAMvata ughaDiyA AMgIM| eka rigatAti suraMgIM| suShumnechiye || 165||
aisI jiye j~nAnIM| munIshvarAMchI utAnhI| vedatarUchyA pAnovAnIM| hiMDatAtI || 166||
de{I}la gurusevA| iyA buddhi pAMDavA| janmashatAMchA sAMDovA| TAkita je || 167||
jayA j~nAnAchI rigavaNI| avidye uNeM ANI| jIvA {A}tmayA bujhAvaNI| mAMDUni de || 168||
jeM iMdriyAMchIM dvAreM ADI| pravR^ittIche pAya moDI| jeM dainyachi pheDI| mAnasAcheM || 169||
dvaitAchA dukALu pAhe| sAmyAcheM suyANeM hoye| jayA j~nAnAchI soye| aiseM karI || 170||
madAchA ThAvochi pusI| jeM mahAmohAteM grAsI| nedI Apaparu aisI| bhASha uroM || 171||
jeM saMsArAteM unmULI| saMkalpapaMku pAkhALI| anAvarAteM veMTALI| j~neyAteM jeM || 172||
jayAcheni jAlepaNeM| pAMguLA ho{I}je prANeM| jayAcheni viMdANeM| jaga heM cheShTeM || 173||
jayAcheni ujALeM| ughaDatI buddhIche DoLe| jIvu doMdAvarI loLe| AnaMdAchiyA || 174||
aiseM jeM j~nAna| pavitraikanidhAna| jetha viTALaleM mana| chokha kIje || 175||
AtmayA jIvabuddhI| je lAgalI hotI xayavyAdhI| te jayAchiye sannidhI| nirujA kIje || 176||
teM anirUpya kIM nirUpije| aikatAM buddhI ANije| vAMchUni DoLAM dekhije| aiseM nAhIM || 177||
maga techi iye sharIrIM| jaiM ApulA prabhAvo karI| taiM iMdriyAMchiyA vyApArIM| DoLAMhi dise || 178||
paiM vasaMtAcheM rigavaNeM| jhADAMcheni sAjepaNeM| jANije tevIM karaNeM| sAMgatI j~nAna || 179||
agA vR^ixAsi pAtALIM| jaLa sAMpaDe muLIM| teM shAkhAMchiye bAhALIM| bAhera dise || 180||
kAM bhUmIcheM mArdava| sAMge koMbhAchI lavalava| nAnA AchAragaurava| sukulInAcheM || 181||
athavA saMbhramAchiyA AyatI| sneho jaisA ye vyaktii| kAM darshanAchiye prashastIM| puNyapuruSha || 182||
nAtarI keLIM kApUra jAhalA| jevIM parimaLeM jANoM AlA| kAM bhiMgArIM dIpu ThevilA| bAherI phAMke || 183||
taiseM hR^idayIMcheni j~nAneM| jiyeM dehIM umaTatI chinheM| tiyeM sAMgoM AtAM avadhAneM| chAgeM A{i}ka || 184||

\indent ##\hspace{1in}## amAnitvamadambhitvamahi.nsA kShAntirArjavam.h |
\indent ##\hspace{1in}## AchAryopAsana.n shaucha.n sthairyamAtmavinigrahaH || 7||\newline%@

tarI kavaNehI viShayIMcheM| sAmya hoNeM na ruche| saMbhAvitapaNAcheM| vojhe jayA || 185||
Athilechi guNa vAnitAM| mAnyapaNeM mAnitAM| yogyatecheM yetAM| rUpa AMgA || 186||
taiM gajabajoM lAge kaisA| vyAdheM ruMdhalA mR^igu jaisA| kAM bAhIM taratAM vaLasA| dATalA jevIM || 187||
pArthA teNeM pADeM| sanmAneM jo sAMkaDe| garimeteM AMgAkaDe| yevoMchi nedI || 188||
pUjyatA DoLAM na dekhAvI| svakIrtI kAnIM nAyakAvI| hA amukA aisI nohAvI| sechi lokAM || 189||
tetha satkArAchI keM goThI| keM AdarA de{I}la bheTI| maraNeMsIM sATI| namaskAritAM || 190||
vAchaspatIcheni pADeM| sarvaj~natA tarI joDe| parI veDivemAjIM daDe| mahamebheNeM || 191||
chAturya lapavI| mahattva hAravI| pisepaNa miravI| AvaDoni || 192||
laukikAchA udvegu| shAstrAMvarI ubagu| ugepaNIM chAMgu| AthI bharu || 193||
jageM avaj~nAchi karAvI| saMbaMdhIM soyachi na dharAvI| aisI aisI jIvIM| chADa bahu || 194||
taLauTepaNa bANe| AMgIM hiNAvo khevaNeM| teM teMchi karaNeM| bahutakarunI || 195||
hA jItu nA nohe| loka kalpI yeNeM bhAveM| taiseM jiNeM hoAveM| aisI AshA || 196||
pai chAlatu kAM nohe| kIM vAreni jAtu Ahe| janA aisA bhramu jAye| taiseM ho{I}je || 197||
mAjheM asatepaNa lopo| nAmarUpa hArapo| maja jhaNeM vAsipo| bhUtajAta || 198||
aisIM jayAchIM navasiyeM| jo nitya ekAMtA jAtu jAye| nAmeMchi jo jiye| vijanAcheni || 199||
vAyU ANi tayA paDe| gaganeMsIM boloM AvaDe| jIveM prANeM jhADeM| paDhiyaMtIM jayA || 200||
kiMbahunA aisIM| chinheM jayA dekhasI| jANa tayA j~nAneMsIM| sheja jAhalI || 201||
paiM amAnitva puruShIM| teM jANAveM ihIM miShIM| AtAM adaMbhAchiyA voLakhIsI| saurasu devoM || 202||
tarI adaMbhitva aiseM| lobhiyAcheM mana jaiseM| jIvu jAvo parI numase| ThevilA ThAvo || 203||
tayAparI kirITI| paDilAhI prANasaMkaTIM| tarI sukR^ita na prakaTI| AMgeM boleM || 204||
khaDANeM AlA pAnhA| paLavI jevIM arjunA| kAM lapavI paNyAMganA| vaDilapaNa || 205||
ADhyu AtuDe ADavIM| maga ADhyatA jevIM hAravI| nAtarI kuLavadhU lapavI| avevAMteM || 206||
nAnA kR^iShIvaLu ApuleM| pAMghuravI perileM| taiseM jhAMkI nipajaleM| dAnapuNya || 207||
varivarI deho na pUjI| lokAMteM na raMjI| svadharmu vAgdhvajIM| bAMdhoM neNe || 208||
paropakAru na bole| na miravI abhyAsileM| na shake vikUM joDaleM| sphItIsAThIM || 209||
sharIra bhogAkaDe| pAhatAM kR^ipaNu AvaDe| eRhavIM dharmaviShayIM thoDeM| bahu na mhaNe || 210||
gharIM dise sAMkaDa| dehIMchI AyatI roDa| parI dAnIM jayA hoDa| suratarUsIM || 211||
kiMbahunA svadharmIM thoru| avasarIM udAru| Atmacharche chaturu| eRhavI veDA || 212||
keLIcheM daLavADeM| haLU pokaLa AvaDe| parI phaLoniyAM gADheM| rasALa jaiseM || 213||
kAM meghAMcheM AMga jhIla| dise vAreni jaiseM jA{I}la| parI varShatI navala| ghanavaTa teM || 214||
taisA jo pUrNapaNIM| pAhatAM dhAtI AyaNI| eRhavIM tarI vANI| tochi ThAvo || 215||
heM aso yA chinhAMchA| naTanAchu ThAyIM jayAchyA| jANa j~nAna tayAchyA| hAtAM chaDheM || 216||
paiM gA adaMbhapaNa| mhaNitaleM teM heM jANa| AtAM A{I}ka khUNa| ahiMsechI || 217||
tarI ahiMsA bahutIM parIM| bolilI ase avadhArIM| ApulAliyA matAMtarIM| nirUpilI || 218||
parI te aisI dekhA| jaishA khAMDUniyAM shAkhA| maga tayAchiyA buDukhA| kUMpa kIje || 219||
kAM bAhu toDoni pachavije| maga bhUkechI pIDA rAkhije| nAnA de{}ULa moDoni kIje| pauLI devA || 220||
taisI hiMsAchi karUni ahiMsA| niphajavije hA aisA| paiM pUrvamImAMsA| nirNo kelA || 221||
je avR^iShTIcheni upadraveM| gAdaleM vishva AghaveM| mhaNauni parjanyeShTI karAve| nAnA yAga || 222||
taMva tiye iShTIchiyA buDIM| pashuhiMsA rokaDI| maga ahiMsechI thaDI| kaiMchI dise \? || 223||
perije nusadhI hiMsA| tetha ugavaila kAya ahiMsA \?| parI navala bApA dhiMvasA| yA yAj~nikAMchA || 224||
ANi Ayurvedu AghavA| to yAcha mohorA pAMDavA| je jIvAkAraNeM karAvA| jIvaghAtu || 225||
nAnA rogeM AhALalIM| loLatIM bhUteM dekhilIM| te hiMsA nivArAvayA kelI| chikitsA kAM || 226||
taMva te chikitse pahileM| ekAche kaMda khaNavile| ekA upaDavileM| samULIM sapatrIM || 227||
ekeM ADa moDavilI| ajaMgamAchI khAla kADhavilI| ekeM garbhiNI ukaDavilI| puTAmAjIM || 228||
ajAtashatru taruvarAM| sarvAMgIM devavilyA shirA| aise jIva ghe{}Uni dhanurdharA| koraDe kele || 229||
ANi jaMgamAhI hAta| lA{U}ni kADhileM pitta| maga rAkhile shiNata| ANika jIva || 230||
aho vasatIM dhavaLAreM| moDUni kelIM devhAreM| nAgavUni vevhAreM| gavAMdI ghAtalI || 231||
mastaka pAMghuravileM| taMva taLavaTIM ughaDeM paDaleM| ghara moDoni kele| mAMDava puDheM || 232||
nAnA pAMghuraNeM| jALUni jaiseM tApaNeM| jAleM AMgadhuNeM| kuMjarAcheM || 233||
nAtarI baila vikUni goThA| puMsA lAvoni bAMdhije gAMThA| iyA karaNI kIM cheShTA \?| kA{i} hasoM || 234||
ekIM dharmAchiyA vAhaNI| gALUM AdarileM pANI| taMva gALitayA AhALaNIM| jIva mele || 235||
eka na pachavitIchi kaNa| iye hiMseche bheNa| tetha kadarthale prANa| techi hiMsA || 236||
evaM hiMsAchi ahiMsA| karmakAMDIM hA aisA| siddhAMtu sumanasA| voLakheM tUM || 237||
pahileM ahiMsecheM nAMva| AmhIM keleM jaMva| taMva sphUrti bAMdhalI hAMva| iye matI || 238||
tari kaiseni iyeteM gALAveM| mhaNauni paDileM bolAveM| tevIMchi tuvAMhI jANAveM| aisA bhAvo || 239||
bahutakarUni kirITI| hAchi viSho iye goThI| eRhavI kAM ADavATIM| dhAvijaila gA \? || 240||
ANi svamatAchiyA nirdhArA\-| lAgoniyAM dhanurdharA| prAptAM matAMtarAM| nirvechu kIje || 241||
aisI he avadhArIM| nirUpitI parI| AtAM yayAvarI| mukhya jeM gA || 242||
teM svamata bolijaila| ahiMse rUpa kijaila| jeNeM uThaliyA AMtula| j~nAna dise || 243||
parii teM adhiShThileni AMgeM| jANije Acharateni bageM| jaisI kasavaTI sAMge| vAniyAteM || 244||
taiseM j~nAnAmanAchiye bheTI| sariseMchi ahiMsecheM biMba uThI| teMchi aiseM kirITI| parisa AtAM || 244||
tarI taraMgu nolAMDitu| laharI pAyeM na phoDitu| sAMchalu na moDitu| pANiyAchA || 246||
vegeM ANi lesA| diThI ghAlUni AMvisA| jaLIM baku jaisA| pA{u}la suye || 247||
kAM kamaLAvarI bhramara| pAya ThevitI haLuvAra| kuchuMbaila kesara| iyA shaMkA || 248||
taise paramANu pAM guMtale| jANUni jIva sAnule| kAruNyAmAjIM pA{u}leM| lapavUni chAle || 249||
te vATa kR^ipechI karitu| te dishAchi sneha bharitu| jIvAtaLIM AMtharitu| ApulA jIvu || 250||
aisiyA jatanA| chAlaNeM jayA arjunA| heM anirvAchya parimANA| purijenA || 251||
paiM mohAcheni sAMgaDeM| lAsI pilIM dharI toMDeM| tetha dAMtAMche AgaraDe| lAgatI jaise || 252||
kAM snehALu mAye| tAnhayAchI vAsa pAhe| tiye diThI Ahe| haLuvAra jeM || 253||
nAnA kamaLadaLeM| DolavijatI DhALeM| to jeNeM pADeM bubuLeM| vArA ghepe || 254||
taiseni mArdaveM pAya| bhUmIvarI nyasItu jAya| lAgatI tetha hoya| jIvAM sukha || 255||
aisiyA laghimA chAlatAM| kR^imi kITaka paMDusutA| dekhe tarI mAghautA| haLUchi nighe || 256||
mhaNe pAvo dhaDaphaDIla| tarI svAmIchI nidrA moDaila| rachalepaNA paDaila| jhotI hana || 257||
iyA kAkuLatI| vAhaNI ghe mAghautI| koNehI vyaktI| na vache varI || 258||
jIvAcheni nAMveM| tR^iNAteMhI nolAMDave| maga na lekhitAM jAveM| he keM goThI \?|| 259||
muMgiye meru nolAMDave| mashakA siMdhu na tarave| taisA bheTaliyAM na karave| atikramu || 260||
aisI jayAchI chAlI| kR^ipAphaLI phaLA AlI| dekhasI jiyAlI| dayA vAche || 261||
svayeM shvasaNeMchi sukumAra| mukha mohAcheM mAhera| mAdhuryA jAhale aMkura| dashana taise || 262||
puDhAM sneha pAjhare| mAghAM chAlatI axareM| shabda pAThIM avatare| kR^ipA AdhIM || 263||
taMva bolaNeMchi nAhIM| boloM mhaNe jarI kAMhIM| tarI bola koNAhI| khupela kAM || 264||
bolatAM adhikuhI nighe| tarI koNhAhI varmIM na lage| ANi koNhAsi na righe| shaMkA manIM || 265||
mAMDilI goThI hana moDaila| vAsipaila koNI uDaila| A{i}konichi vovAMDila| koNhI jarI || 266||
tarI duvALI koNA nohAvI| bhuMva{I} kavaNAchI nuchalAvI| aisA bhAvo jIvIM| mhaNauni ugA || 267||
maga prArthilA vipAyeM| jarI lobheM boloM jAye| tarI parisatayA hoye| mAyabApu || 268||
kAM nAdabrahmachi muse AleM| kIM gaMgApaya asalaleM| pativrate AleM| vArdhakya jaise || 269||
taiseM sAcha ANi mavALa| mitale ANi rasALa| shabda jaise kalloLa| amR^itAche || 270||
virodhuvAdubaLu| prANitApaDhALu| upahAsu ChaLu| varmasparshu || 271||
ATu vegu viMdANu| AshA shaMkA pratAraNu| he saMnyAsile avaguNu| jayA vAchA || 272||
ANi tayAchi parI kirITI| thA{u} jayAchiye diThI| sAMDiliyA bhrukuTI| mokaLiyA || 273||
kAM je bhUtIM vastu Ahe| tiyeM rupoM shake vipAyeM| mhaNauni vAsu na pAhe| bahutakarUnI || 274||
aisAhI koNe eke veLe| bhItarale kR^ipecheni baLeM| ughaDoniyAM DoLe| dR^iShTI ghAlI || 275||
tarI chaMdrabiMbauni dhArA| nighatAM navhatI gocharA| pari ekasareM chakorAM| nighatI doMdeM || 276||
taiseM prANiyAMsi hoye| jarI to kahIMvAsu pAhe| tayA avalokanAchI soye| kUrmIMhI neNe || 277||
kiMbahunA aisI| diThI jayAchI bhUtAMsI| karahI dekhasI| taisechi te || 278||
tarI ho{U}niyAM kR^itArtha| rAhile siddhAMche manoratha| taise jayAche hAta| nirvyApAra || 279||
axameM ANi saMnyAsileM| kIM niriMdhana ANi vijhAleM| mukeni ghetaleM| mauna jaiseM || 280||
tayAparI kAMhIM| jayAM karAM karaNeM nAhIM| je akartayAchyA ThAyIM| baisoM yetI || 281||
AsuDaila vArA| nakha lAgela aMbarA| iyA buddhI karAM| chaLoM nedI || 282||
tetha AMgAvarilIM uDavAvIM| kAM DoLAM rigateM jhADAvIM| pashupaxyAM dAvAvIM| trAsamudrA || 283||
iyA ke{}utiyA goThI| nAvaDe daMDu kAThI| maga shastrAcheM kirITI| bolaNeM keM \? || 284||
lIlAkamaLeM kheLaNeM| kAMpuShpamALA jhelaNeM| na karI mhaNe gophaNeM| aiseM ho{I}la || 285||
hAlavatIla romAvaLI| yAlAgIM AMga na kuravALI| nakhAMchI guMDALI| boTAMvarI || 286||
taMva karaNeyAchAchi abhAvo| parI aisAhI paDe prastAvo| tarI hAtAM hAchi sarAvo| je joDijatI || 287||
kAM nAbhikArA uchalije| hAtu paDiliyAM de{i}je| nAtarI ArtAteM sparshije| aLumALu || 288||
heMhI uparodheM karaNeM| tarI Artabhaya haraNeM| neNatI chaMdrakiraNeM| jivhALA to || 289||
pAvoni to sparshu| malayAniLu kharapusu| teNeM mAneM pashu| kuravALaNeM || 290||
je sadA rite mokaLe| jaishI chaMdanAMgeM nisaLeM| na phaLatAMhI nirphaLeM| hotIchinA || 291||
AtAM aso heM vAgjALa| jANeM teM karataLa| sajjanAMche shILa| svabhAva jaise || 292||
AtAM mana tayAcheM| sAMgoM mhaNoM jarI sAcheM| tarI sAMgitale koNAche| vilAsa he \? || 293||
kA{i} shAkhA navhe taru \?| jaLeMvINa ase sAgaru \?| teja ANi tejAkAru| Ana kA{I} \? || 294||
avayava ANi sharIra| he vegaLAle kIra \?| kIM rasu ANi nIra| sinAnIM AthI \? || 295||
mhaNauni he je sarva| sAMgitale bAhya bhAva| te manachi gA sAvayava| aiseM jANeM || 296||
jeM bIja bhu{}IM khoMvileM| teMchi varI rukha jAhaleM| taiseM iMdriyAdvArIM phAMkaleM| aMtarachi kIM || 297||
paiM mAnasIMchi jarI| ahiMsechI avasarI| tarI kaiMchI bAherI| vosaMDela \? || 298||
AvaDe te vR^ittI kirITI| AdhIM manaunIchi uThI| maga te vAche diThI| karAMsi ye || 299||
vAMchUni manIMchi nAhIM| teM vAchesi umaTela kA{I} \?| bIMvINa bhu{}IM| aMkura ase \? || 300||
mhaNauni manapaNa jaiM moDe| taiM iMdriya AdhIMchi ubaDeM| sUtradhAreMvINa sA{i}khaDeM| vAvo jaiseM || 301||
ugamIMchi vALUni jAye| teM voghIM kaicheM vAhe| jIvu geliyA Ahe| cheShTA dehIM \? || 302||
taiseM mana heM pAMDavA| mULa yA iMdriyabhAvA| heMchi rAhaTe AghavAM| dvArIM ihIM || 303||
parI jiye veLIM jaiseM| jeM ho{U}ni AMtu ase| bAherI ye taiseM| vyApArarUpeM || 304||
yAlAgI sAchokAreM| manIM ahiMsA thAMve thoreM| pikalI drutI AdareM| bobhAta nighe || 305||
mhaNauni iMdriyeM techi saMpadA| vechitAM hIM udAvAdA| ahiMsechA dhaMdA| kariteM AhAtI || 306||
samudrIM dATe bhariteM| taiM samudrachi bharI tariyAMte| taiseM svasaMpattI chitteM| iMdriyAM keleM || 307||
heM bahu aso paMDitu| dharuni bALakAchA hAtu| voLI lihI vyaktu| ApaNachi || 308||
taiseM dayALutva ApuleM| maneM hAtApAyAM ANileM| maga tetha upajavileM| ahiMseteM || 309||
yAkAraNeM kirITI| iMdriyAMchiyA goThI| manAchiye rAhATI| rUpa keleM || 310||
aisA maneM deheM vAchA| sarva saMnyAsu daMDAchA| jAhalA ThAyIM jayAchA| dekhashIla || 311||
to jANa velhALa| j~nAnAcheM veLA{u}La| heM aso nikhaLa| j~nAnachi to || 312||
je ahiMsA kAneM aikije| graMthAdhAreM nirUpije| te pAhAvI heM upaje| taiM tochi pAhAvA || 313||
aiseM mhaNitaleM deveM| teM boleM ekeM sAMgAveM| parI phAMkalA heM upasAhAveM| tumhIM maja || 314||
mhaNAla hiraveM chArIM gurUM| visare mAgIla mohara dharUM| kAM vArelageM pAMkhirUM| gaganIM bhare || 315||
taisiyA premAchiyA sphUrtI| phAvaliyA rasavR^ittIM| vAhavilA matI| AkaLenA || 316||
tari taiseM nohe avadhArA| kAraNa aseM vistArA| eRhavIM pada tarI axarAM| tihIMcheMchi || 317||
ahiMsA mhaNatAM thoDI| parii te taiMchi hoya ughaDI| jaiM loTijatI koDI| matAMchiyA || 318||
eRhavIM prApteM matAMtareM| thAtaMbUni AMgabhareM| bolijaila te na sare| tumhAMpAshIM || 319||
ratnapArakhiyAMchyA gAMvIM| jA{I}la gaMDakI tarI soDAvI| kAshmIrIM na karAvI| miDagaNa jevIM || 320||
kA{i}sA vAsu kApurA| maMda jetha avadhArA| piThAchA vikarA| tiye sAteM \? || 321||
mhaNauni iye sabhe| bolakepaNAcheni xobheM| lAga saruuM na labhe| bolA prabhu || 322||
sAmAnyA ANi visheShA| sakaLai kIjela dekhA| tarI kAnAcheyA mukhA\-| kaDe nyAla nA tumhI || 323||
shaMkecheni gadaLeM| jaiM shuddha prameya maiLe| taiM mAgutiyA pA{u}lIM paLe| avadhAna yeteM || 324||
kAM karUni bAbuLiyechI buMthI| jaLeM jiyeM ThAtI| tayAMchI vAsa pAhAtI| haMsu kA{I} \? || 325||
kAM abhrApailIkaDe| jaiM yeta chAMdiNeM koDeM| taiM chakoreM chAMchuvaDeM| uchalitInA || 326||
taiseM tumhI vAsa na pAhAla| graMthu neghA varI kopAla| jarI nirvivAda navhaila| nirUpaNa || 327||
na bujhAvitAM mateM| na phiTe AxepAcheM lAgateM| teM vyAkhyAna jI tumateM| joDUni nedI || 328||
ANi mAjheM taMva AghaveM| grathana yeNechi bhAveM| je tumhIM saMtIM hoAveM| sanmukha sadAM || 329||
eRhavIM tarI sAchokAreM| tumhI gItArthAche so{i}re| jANoni gItA ekasareM| dharilI miyAM || 330||
jeM ApuleM sarvasva dyAla| maga iyeteM soDavUni nyAla| mhaNauni graMthu navhe vola| sAchachi he || 331||
kAM sarsvAchA lobhu dharA| volIchA avheru karA| tarI gIte maja avadhArA| ekachi gatI || 332||
kiMbahunA maja| tumachiyA kR^ipA kAja| tiyelAgIM vyAja| graMthAcheM keleM || 333||
tarii tumhAM rasikAMjogeM| vyAkhyAna shodhAveM lAge| mhaNauni jI matAMgeM| boloM geloM || 334||
taMva kathesi pasaru jAhalA| shlokArthu dUrI gelA| kIjo xamA yayA bolA| apatyA maja || 335||
ANi ghAMsA{A}Mtila haraLu| pheDitAM lAge veLu| te dUShaNa navheM khaDaLu| sAMDAvA kIM || 336||
kAM saMvachorA chukavitAM| divasa lAgaliyA mAtA| kopAveM kIM jIvitA| jitANeM kIje \? || 337||
parI yAvarIla heM navhe| tumhIM upasAhileM teMchi baraveM| AtAM avadhArijo deveM| bolileM aiseM || 338||
mhaNe unmekhasulochanA| sAvadha ho{I}M arjunA| karUM tuja j~nAnA| voLakhI AtAM || 339||
tarI j~nAna gA teM etheM| voLakha tUM niruteM| AkrosheMvINa jetheM| xamA ase || 340||
agAdha sarovarIM| kamaLiNI jiyAparI| kAM sadaivAchiyA gharIM| saMpatti jaisI || 341||
pArthA teNeM pADeM| xamA jayAteM vADhe| tehI laxe teM phuDeM| laxaNa sAMgoM || 342||
tarI paDhiyaMte leNeM| AMgIM bhAveM jeNeM| dharije tevIM sAhaNeM| sarvachi jayA || 343||
trividha mukhya Aghave| upadravAMche meLAve| varI paDiliyA navhe| vAMkuDA jo || 344||
apexita pAve| teM jeNeM toSheM mAnaveM| anapexitAhI karave| tochi mAnu || 345||
jo mAnApamAnAteM sAhe| sukhaduHkha jetha sAmAye| niMdAstutI nohe| dukhaMDu jo || 346||
unhALeni jo na tape| himavaMtI na kAMpe| kayasenihI na vAsipe| pAtaleyA || 347||
svashikharAMchA bhAru| neNeM jaisA meru| kIM dharA yaj~nasUkaru| vojheM na mhaNe || 348||
nAnA charAcharIM bhUtIM| dATaNI navhe xitI| taisA nAnA dvaMdvIM prAptIM| ghAmejenA || 349||
ghe{U}nI jaLAche loTa| AliyA nadInadAMche saMghATa| karI vADa poTa| samudra jevIM || 350||
taiseM jayAchiyA ThAyIM| na sAhaNeM kAhIMchi nAhIM| ANi sAhatu ase aiseMhI| smaraNa nure || 351||
AMgA jeM pAtaleM| teM karUni ghAlI ApuleM| yetha sAhateni navaleM| ghepijenA || 352||
he anAkrosha kshamA| jayApAshIM priyottamA| jANa teNeM mahimA| j~nAnAsi gA || 353||
to puruShu pAMDavA| j~nAnAchA volAvA| AtAM parisa ArjavA| rUpa karUM || 354||
tarI Arjava teM aiseM| prANAcheM saujanya jaiseM| AvaDe tayAhI doSheM| ekachi gA || 355||
kAM toMDa pAhUni prakAshu| na karI jevIM chaMDAMshu| jagA ekachi avakAshu| AkAsha jaiseM || 356||
taiseM jayAcheM mana| mANusAprati Ana Ana| navhe ANi vartana| aiseM paiM teM || 357||
je jageMchi sanoLakha| jageMsIM junATa soyarika| Apapara heM bhAkha| jANaNeM nAhIM || 358||
bhalateNeMsIM meLu| pANiyA aisA DhALu| kavaNevikhIM ADaLu| neghe chitta || 359||
vAriyAchI dhAMva| taise saraLa bhAva| shaMkA ANi hAMva| nAhIM jayA || 360||
mAyepuDheM bALakA| rigatAM na paDe shaMkA| taiseM mana detAM lokAM| nAlochI jo || 361||
phAMkaliyA iMdIvarA| parivAru nAhIM dhanurdharA| taisA konakoMparA| neNechi jo || 362||
chokhALapaNa ratnAcheM| ratnAvarI kiraNAcheM| taiseM puDhAM mana jayAcheM| karaNeM pAThIM || 363||
AlochUM jo neNe| anubhavachi jogAvaNeM| dharI mokaLI aMtaHkaraNeM| navhechi jayA || 364||
diThI nohe miNadhI| bolaNeM nAhIM saMdigdhI| kavaNeMsIM hInabuddhI| rAhATIje nA || 365||
dAhI iMdriyeM prAMjaLeM| niShprapaMcheM nirmaLeM| pAMchahI pAlava mokaLe| AThahI pAhara || 366||
amR^itAchI dhAra| taiseM ujUM aMtara| kiMbahunA jo mAhera| yA chinhAMcheM || 367||
to puruSha subhaTA| ArjavAchA AMgavaTA| jANa tetheMchi gharaTA| j~nAneM kelA || 368||
AtAM yayAvarI| gurubhaktIchI parI| sAMgoM gA avadhArIM| chaturanAthA || 369||
AghaviyAchi daivAM| janmabhUmi he sevA| je brahma karI jIvA| shochyAteMhi || 370||
heM AchAryopAstI| prakaTijaila tujapratI| baisoM de ekapAMtI| avadhAnAchI || 371||
tarI sakaLa jaLasamR^iddhI| ghe{}Uni gaMgA nighAlI udadhI| kIM shruti he mahApadIM| paiThI jAhAlI || 372||
nAnA veMTALUni jIviteM| guNAguNa ukhiteM| prANanAthA uchiteM| didhaleM priyA || 373||
taiseM sabAhya ApuleM| jeNeM gurukuLIM vopileM| ApaNapeM keleM| bhaktIcheM ghara || 374||
gurugR^iha jaye deshIM| to deshuchi vase mAnasIM| virahiNI kAM jaisI| vallabhAteM || 375||
tiyekaDoni yetase vArA| dekhoni dhAMve sAmorA| ADa paDe mhaNe gharA| bIjeM kIjo || 376||
sAchA premAchiyA bhulI| tayA dishesIchi AvaDe bolI| jIvu thAnapatI karUni ghAlI| gurugR^ihIM jo || 377||
parI guruAj~nA dharileM| deha gAMvIM ase ekaleM| vAMsaruvA lAvileM| dAveM jaiseM || 378||
mhaNe kaiM heM biraDeM phiTela| kaiM to svAmI bheTela| yugAhUni vaDIla| nimiSha mAnI || 379||
aiseyA gurugrAmIMcheM AleM| kAM svayeM gurUMnIMchi dhADileM| tarI gatAyuShyA joDaleM| AyuShya jaiseM || 380||
kAM sukatayA aMkurA\-| varI paDaliyA pIyUShadhArA| nAnA alpodakIMchA sAgarA| AlA mAsA || 381||
nAtarI raMkeM nidhAna dekhileM| kAM AMdhaLiyA DoLe ughaDale| bhaNaMgAchiyA AMgA AleM| iMdrapada || 382||
taiseM gurukuLAcheni nAMveM| mahAsukheM ati thorAve| jeM koDeMhI poTALaveM| AkAsha kAM || 383||
paiM gurukuLIM aisI| AvaDI jayA dekhasI| jANa j~nAna tayApAsIM| pA{i}kI karI || 384||
ANi abhyaMtarIliyekaDe| premAcheni pavADe| shrIgurUMcheM rUpaDeM| upAsI dhyAnIM || 385||
hR^idayashuddhIchiyA AvArIM| ArAdhyu to nishchala dhruva karI| maga sarva bhAveMsI parivArIM| ApaNa hoya || 386||
kAM chaitanyAMchiye povaLI\-| mAjIM AnaMdAchiyA rA{u}LIM| shriiguruliMgA DhALI| dhyAnAmR^ita || 387||
udayijatAM bodhArkA| buddhIchI DALa sAttvikA| bharoniyAM tryaMbakA| lAkholI vAhe || 388||
kALashuddhI trikALIM| jIvadashA dhUpa jALIM| nyAnadIpeM voMvALI| niraMtara || 389||
sAmarasyAchI rasasoya| akhaMDa arpitu jAya| ApaNa bharADA hoya| guru to liMga || 390||
nAtarI jIvAchiye seje| guru kAMtu karUni bhuMje| aisIM premAcheni bhojeM| buddhI vAhe || 391||
koNe{e}ke avasarIM| anurAgu bhare aMtarIM| kIM tayA nAma karI| xIrAbdhI || 392||
tetha dhyeyadhyAna bahu sukha| teMchi sheShatukA nirdokha| varI jalashayana dekha| bhAvI guru || 393||
maga voLagatI pAya| te laxmI ApaNa hoya| garuDa ho{U}ni ubhA rAhe| ApaNachi || 394||
nAbhIM ApaNachi janme| aiseM gurumUrtipremeM| anubhavI manodharmeM| dhyAnasukha || 395||
ekAdhiye veLeM| guru mAya karI bhAvabaLeM| maga stanyasukheM loLe| aMkAvarI || 396||
nAtarI gA kirITI| chaitanyatarutaLavaTIM| guru dhenu ApaNa pAThIM| vatsa hoya || 397||
gurukR^ipAsnehasalilIM| ApaNa hoya mAsoLI| koNe eke veLIM| heMchi bhAvIM || 398||
gurukR^ipAmR^itAche vaDapa| ApaNa sevAvR^ittIcheM hoya ropa| aisese saMkalpa| viye mana || 399||
chaxupaxevINa| pilUM hoya ApaNa| kaiseM paiM apArapaNa| AvaDIcheM || 400||
gurUteM paxiNI karI| chArA ghe chAMchUvarI| guru tArU dharI| ApaNa kAMsa || 401||
aiseM premAcheni thAveM| dhyAnachi dhyAnAteM prasave| pUrNasiMdhu helAve| phuTatI jaise || 402||
kiMbahunA yAparI| shrIgurumUrtI aMtarIM| bhogI AtAM avadhArIM| bAhyasevA || 403||
tarI jivIM aise AvAMke| mhaNe dAsya karIna nikeM| jaiseM guru kautukeM| mAga mhaNatI || 404||
taisiyA sAchA upAstI| gosAvI prasanna hotI| tetha mI vinaMtI| aisI karIna || 405||
mhaNena tumachA devA| parivAru jo AghavA| tetuleM rUpeM hoAvA| mIchi eku || 406||
ANi upakaratIM ApulIM| upakaraNeM Athi jetulIM| mAjhIM rUpeM tetulIM| hoAvIM svAmI || 407||
aisA mAgena varu| tetha ho mhaNatI shrIguru| maga to parivAru| mIchi ho{I}na || 408||
upakaraNajAta sakaLika| teM mIchi ho{I}na ekaika| tevhAM upAstIcheM kavatika| dekhijaila || 409||
guru bahutAMchI mAye| parI ekalautI ho{U}ni ThAye| taiseM karUni ANa vAyeM| kR^ipe tiye || 410||
tayA anurAgA vedhu lAvIM| ekapatnIvrata ghevavIM| xetrasaMnyAsu karavIM| lobhAkaravIM || 411||
chaturdixu vArA| na lAhe nighoM bAhirA| taisA gurukR^ipeM pAMjirA| mIchi ho{I}na || 412||
ApuliyA guNAMchIM leNIM| karIna guruseve svAmiNI| heM aso ho{I}na gaMvasaNI| mIchi bhaktIsI || 413||
gurusnehAchiye vR^iShTI| mI pR^ithvI ho{I}na taLavaTIM| aisiyA manorathAMchiyA sR^iShTI| anaMtA rachI || 414||
mhaNe shrIgurUMcheM bhuvana| ApaNa mI ho{I}na| ANi dAsa ho{U}ni karIna| dAsya tethiMcheM || 415||
nirgamAgamIM dAtAreM| je volAMDijatI uMbare| te mI ho{I}na ANi dvAreM| dvArapALu || 416||
pA{u}vA mI ho{I}na| tiyAM mIchi levavIna| Chatra mI ANi karIna| bArIpaNa || 417||
mI taLa uparu jANavitA| chaMvaru dharu hAtu detA| svAmIpuDheM kholatA| ho{I}na mI || 418||
mIchi ho{I}na sAgaLA| karUM su{}Ina guruLAM| sAMDitI to nepALA| paDighA mIchi || 419||
haDapa mI voLagena| mIchi ugALu ghe{I}na| uLiga mI karIna| AMghoLIcheM || 420||
ho{I}na gurUMcheM Asana| alaMkAra paridhAna| chaMdanAdi ho{I}na| upachAra te || 421||
mIchi ho{I}na suAru| vogarIna upahAru| ApaNapeM shrIguru| voMvALIna || 422||
je veLIM devo ArogitI| tevhAM pAMtIkaru mIchi pAMtIM| mIchi ho{I}na puDhatI| de{I}na viDA || 423||
tATa mI kADhIna| seja mI jhADIna| charaNasaMvAhana| mIchi karIna || 424||
siMhAsana ho{I}na ApaNa| varI shrIguru karitI ArohaNa| ho{I}na purepaNa| voLagecheM || 425||
shrIgurUMcheM mana| jayA de{I}la avadhAna| teM mI puDhAM ho{I}na| chamatkAru || 426||
tayA shravaNAche AMgaNIM| ho{I}na shabdAMchiyA AxauhiNI| sparsha ho{I}na ghasaNI| AMgAchiyA || 427||
shrIgurUMche DoLe| avalokaneM snehALeM| pAhAtI tiyeM sakaLeM| ho{I}na rUpeM || 428||
tiye rasane jo jo ruchela| to to rasu myAM ho{I}jaila| gaMdharUpeM kIjela| ghrANasevA || 429||
evaM bAhyamanogata| shrIgurusevA samasta| veMTALIna vastujAta| ho{U}niyAM || 430||
jaMva deha heM asela| taMva voLagI aisI kIjela| maga dehAMtIM navala| buddhi Ahe || 431||
iye sharIrIMchI mAtI| meLavIna tiye xitI| jetha shrIcharaNa ubhe ThAtI| shrIgurUMche || 432||
mAjhA svAmI kavatikeM| sparshIjati jiyeM udakeM| tetha layA ne{I}na nikeM| ApIM Apa || 433||
shrIguru voMvALijatI| kAM bhuvanIM je ujaLijatI| tayAM dIpAMchiyA dIptIM| ThevIna teja || 434||
chavarI hana viMjaNA| tetha layo karIna prANA| maga AMgAchA voLaMgaNA| ho{I}na mI || 435||
jiye jiye avakAshIM| shrIguru asatI parivAreMsIM| AkAsha layA AkAshIM| ne{I}na tiye || 436||
parI jItu melA na saMDIM| nimeShu lokAM na dhADIM| aiseni gaNAvayA koDI| kalpAMchiyA || 437||
yetuleMvarI dhiMvasA| jayAchiyA mAnasA| ANi karUniyAMhi taisA| apAru jo || 438||
rAtra divasa neNe| thoDeM bahu na mhaNeM| mhaNiyAcheni dATapaNeM| sAjA hoya || 439||
to vyApAru yeNeM nAMveM| gaganAhUni thorAve| ekalA karI AghaveM| ekechi kALIM || 440||
hR^idayavR^ittI puDhAM| AMgachi ghe davaDA| kAja karI hoDA| mAnaseMshIM || 441||
ekAdiyAM veLA| shrIguruchiyA kheLA| loNa karI sakaLA| jIvitAcheM || 442||
jo gurudAsyeM kR^ishu| jo gurupremeM sapoShu| guruAj~ne nivAsu| ApaNachi jo || 443||
jo guru kuLeM sukulInu| jo gurubaMdhusaujanyeM sujanu| jo gurusevAvyasaneM savyasanu| niraMtara || 444||
gurusaMpradAyadharma| techi jayAche varNAshrama| guruparicharyA nityakarma| jayAcheM gA || 445||
guru xetra guru devatA| guru mAya guru pitA| jo guruseveparautA| mArga neNeM || 446||
shrIgurUche dvAra| teM jayAcheM sarvasva sAra| gurusevakAM sahodara| premeM bhaje || 447||
jayAcheM vak{}tra| vAhe gurunAmAche maMtra| guruvAkyAvAMchUni shAstra| hAtIM na shive || 448||
shivataleM gurucharaNIM| bhalataiseM ho pANI| tayA sakaLa tIrtheM ANI| trailokyIMchIM || 449||
shrIgurUcheM ushiTeM| lAhe jaiM avachaTeM| taiM teNeM lAbheM viTe| samAdhIsI || 450||
kaivalyasukhAsAThIM| paramANu ghe kirITI| udhaLatI pAyAMpAThIM| chAlatAM je || 451||
heM aso sAMgAveM kitI| nAhIM pAru gurubhaktI| parI gA utkrAMtamatI| kAraNa heM || 452||
jayA iye bhaktIchI chADa| jayA iye viShayIMcheM koDa| jo he sevevAMchUna goDa| na manI kAMhIM || 453||
to tattvaj~nAchA ThAvo| j~nAnA teNeMchi Avo| heM aso to devo| j~nAna bhaktu || 454||
heM jANa pAM sAchokAreM| tetha j~nAna ughaDeni dvAreM| nAMdata ase jagA pure| iyA rItI || 455||
jiye gurusevevikhIM| mAjhA jIva abhilAkhI| mhaNauni soyachukI| bolI kelI || 456||
eRhavIM asatAM hAtIM khuLA| bhajanAvadhAnIM AMdhaLA| paricharyelAgIM pAMguLA\-| pAsUni maMdu || 457||
guruvarNanIM mukA| ALashI poshije phukA| parI manIM Athi nikA| sAnurAgu || 458||
teNeMchi paiM kAraNeM| heM sthULa posaNeM| paDaleM maja mhaNe| j~nAnadevo || 459||
pari to bolu upasAhAvA| ANi voLage avasaru deyAvA| AtAM mhaNena jI baravA| graMthArthuchi || 460||
parisA parisA shrIkR^iShNu| jo bhUtabhArasahiShNu| to bolatase viShNu| pArthu aike || 461||
mhaNe shuchitva gA aiseM| jayApAshIM dise| AMga mana jaiseM| kApurAcheM || 462||
kAM ratnAcheM daLavADeM| taiseM sabAhya chokhaDeM| AMta bAheri ekeM pADeM| sUryu jaisA || 463||
bAherIM karmeM xALalA| bhitarIM j~nAneM ujaLalA| ihIM dohIM parIM AlA| pAkhALA ekA || 464||
mR^ittikA ANi jaLeM| bAhya yeNeM meLeM| nirmaLu hoya boleM| vedAchenI || 465||
bhalatetha buddhIbaLI| raja{A}risA ujaLI| sauMdaNI pheDI thigaLI| vastrAMchiyA || 466||
kiMbahunA iyAparI| bAhya chokha avadhArIM| ANi j~nAnadIpu aMtarIM| mhaNauni shuddha || 467||
eRhavIM tarI paMDusutA| AMta shuddha nasatAM| bAheri karma to tattvatAM| viTaMbu gA || 468||
mR^ita jaisA shR^iMgArilA| gADhava tIrthIM nhANilA| kaDududhiyA mAkhilA| guLeM jaisA || 469||
vosa gR^ihIM toraNa bAMdhileM| kAM upavAsI anneM liMpileM| kuMkumaseMdura keleM| kAMtahIneneM || 470||
kaLasa DhimAche pokaLa| jaLo varIla teM jhaLALa| kAya karUM chitrIMva phaLa| AMtu sheNa || 471||
taiseM karmavarichileMkaDAM| na sare thora moleM kuDA| navhe madirechA ghaDA| pavitra gaMge || 472||
mhaNauni aMtarIM j~nAna vhAveM| maga bAhya lAbhela svabhAveM| varI j~nAna karmeM saMbhave| aiseM keM joDe \? || 473||
yAlAgI bAhya vibhAgu| karmeM dhutalA chAMgu| ANi j~nAneM phiTalA vaMgu| aMtarIMchA || 474||
tetha aMtara bAhya gele| nirmaLatva eka jAhaleM| kiMbahunA uraleM| shuchitvachi || 475||
mhaNauni sadbhAva jIvagata| bAherI disatI phAMkata| je sphaTikagR^ihIMche Dolata| dIpa jaise || 476||
vikalpa jeNeM upaje| nAthilI vikR^iti nipaje| apravR^ittIchIM bIjeM| aMkura ghetI || 477||
teM A{i}ke dekhe athavA bheTe| parI manIM kAMhIMchi numaTe| megharaMgeM na kAMTe| vyoma jaiseM || 478||
eRhavIM iMdriyAMcheni meLeM| viShayAMvarI tarI loLe| parI vikArAcheni viTALeM| liMpijenA || 479||
bheTaliyA vATevarI| chokhI ANi mAhArI| tetha nAtaLeM tiyAparI| rAhAToM jANeM || 480||
kAM patiputrAMteM AliMgI| ekachi te taruNAMgI| tetha putrabhAvAchyA AMgIM| na rige kAmu || 481||
taiseM hR^idaya chokha| saMkalpavikalpIM sanoLakha| kR^ityAkR^itya vishekha| phuDeM jANeM || 482||
pANiyeM hirA na bhije| AdhaNIM haraLu na shije| taisI vikalpajAteM na liMpije| manovR^ittI || 483||
tayA nAMva shuchipaNa| pArthA gA saMpUrNa| heM dekhasI tetha jANa| j~nAna ase || 484||
ANi sthiratA sAcheM| ghara rigAlI jayAcheM| to puruSha j~nAnAcheM| AyuShya gA || 485||
deha tarI varichilIkaDe| ApuliyA parI hiMDe| parI baisakA na moDe| mAnasIMchI || 486||
vatsAvarUni dhenUcheM| sneha rAnA na vache| navhatI bhoga satiyeche| premabhoga || 487||
kAM lobhiyA dUra jAye| parI jIva ThevilAchi ThAye| taisA deho chALitAM navhe| chaLu chittA || 488||
jAtayA abhrAsaveM| jaiseM AkAsha na dhAMve| bhramaNachakrIM na bhaMve| dhruva jaisA || 489||
pAMthikAchiyA yerajhArA| saveM paMthu na vache dhanurdharA| kAM nAhIM jevIM taruvarA| yeNeM jANeM || 490||
taisA chaLaNavaLaNAtmakIM| asoni ye pAMchabhautikIM| bhUtormI ekI| chaLijenA || 491||
vAhuTaLIcheni baLeM| pR^ithvI jaisI na DhaLe| taisA upadrava umALeM| na loTe jo || 492||
dainyaduHkhIM na tape| bhavashokIM na kaMpe| dehamR^ityu na vAsipe| pAtalenI || 493||
Arti AshA paDibhareM| vaya vyAdhI gajareM| ujU asatAM pAThimoreM| navhe chitta || 494||
niMdA nisteja daMDI| kAmalobhA varapaDI| parI romA navhe vAMkuDI| mAnasAchI || 495||
AkAsha heM vosaro| pR^ithvI vari viro| pari neNe moharoM| chittavR^ittI || 496||
hAtI hAlA phulIM| pAsavaNA jevIM na ghAlI| taisA na loTe durvAkyashelIM| shelilA sAMtA || 497||
xIrArNavAchiyA kalloLIM| kaMpu nAhIM maMdarAchaLIM| kAM AkAsha na jaLe jALIM| vaNaviyAchyA || 498||
taishA AlyA gelyA UrmI| navhe gajabaja manodharmIM| kiMbahunA dhairya xamI| kalpAMtIMhI || 499||
parI sthairya aisI bhASha| bolije je savisheSha| te he dashA gA dekha| dekhaNayA || 500||
heM sthairya nidhaDeM| jetha AMgeM jIveM joDe| teM j~nAnAcheM ughaDeM| nidhAna sAcheM || 501||
ANi isALu jaisA gharA| kAM daMdiyA hatiyerA| na visaMbe bhAMDArA| baddhaku jaisA || 502||
kAM ekalautiyA bALakA\-| vari paDauni ThAke aMbikA| madhuviShIM madhumaxikA| lobhiNI jaisI || 503||
arjunA jo yAparI| aMtaHkaraNa jatana karI| nedI ubheM ThAkoM dvArIM| iMdriyAMchyA || 504||
mhaNe kAma bAgula aikela| he AshA siyArI dekhaila| tari jIvA TeMkaila| mhaNauni bihe || 505||
bAherI dhITa jaisI| dATugA pati kaLAsI| karI TehaNI taisI| pravR^ittIsIM || 506||
sachetanIM vANepaNeM| dehAsakaTa ATaNeM| saMyamAvarIM karaNeM| bujhUni ghAlI || 507||
manAchyA mahAdvArIM| pratyAhArAchiyA ThANAMtarIM| jo yama dama sharIrIM| jAgavI ubhe || 508||
AdhArIM nAbhIM kaMThIM| baMdhatrayAchIM gharaTIM| chaMdrasUrya saMpuTIM| suye chitta || 509||
samAdhIche shejepAsIM| bAMdhoni ghAlI dhyAnAsI| chitta chaitanya samarasIM| AMtu rate || 510||
agA aMtaHkaraNanigraho jo| to hA heM jANijo| hA AthI tetha vijayo| j~nAnAchA paiM || 511||
jayAchI Aj~nA ApaNa| shirIM vAhe aMtaHkaraNa| manuShyAkAreM jANa| j~nAnachi to || 512||

\indent ##\hspace{1in}## i.ndriyArtheShu vairAgyamanaha.nkAra eva cha |
\indent ##\hspace{1in}## janmamR^ityujarAvyAdhiduHkhadoShAnudarshanam.h || 8||\newline%@

ANi viShayAMvikhIM| vairAgyAchI nikI| puravaNI mAnasIM kIM| jitI AthI || 513||
vamileyA annA| lALa na ghoMTI jevIM rasanA| kAMAMga na sUye AliMganA| pretAchiyA || 514||
viSha khANeM nAgave| jaLata gharIM na rigave| vyAghravivarAM na vachave| vastI jevIM || 515||
dhaDADIta loharasIM| uDI na ghAlave jaisI| na karave ushI| ajagarAchI || 516||
arjunA teNeM pADeM| jayAsI viShayavArtA nAvaDe| nedI iMdriyAMcheni toMDeM| kAMhIMcha jAvoM || 517||
jayAche manIM Alasya| dehI atikArshya| shamadamIM saurasya| jayAsi gA || 518||
tapovratAMchA meLAvA| jayAchyA ThAyIM pAMDavA| yugAMta jayA gAMvA\-| AMtu yetAM || 519||
bahu yogAbhyAsIM hAMva| vijanAkaDe dhAMva| na sAhe jo nAMva| saMghAtAcheM || 520||
nArAchAMchIM AMthuraNeM| pUyapaMkIM loLaNeM| taiseM lekhI bhogaNeM| aihikIMcheM || 521||
ANi svargAteM mAnaseM| aikoni mAnI aiseM| kuhileM pishita jaiseM| shvAnAcheM kAM || 522||
teM heM viShayavairAgya| jeM AtmalAbhAcheM sabhAgya| yeNeM brahmAnaMdA yogya| jIva hotI || 523||
aisA ubhayabhogIM trAsu| dekhasI jetha bahuvasu| tetha jANa rahivAsu| j~nAnAchA tUM || 524||
ANi sachADAchiye parI| iShTApUrteM karI| parI keleMpaNa sharIrIM| vasoM nedI || 525||
varNAshramapoShakeM| karmeM nityanaimittikeM| tayAmAjIM kAMhIM na Thake| AcharatAM || 526||
pari heM miyAM keleM| kIM heM mAjheni siddhI geleM| aiseM nAhIM ThevileM| vAsanemAjIM || 527||
jaiseM avachitapaNeM| vAyUsi sarvatra vicharaNeM| kAM nirabhimAna udaijaNeM| sUryAcheM jaiseM || 528||
kAM shruti svabhAvatA bole| gaMgA kAjeMviNa chAle| taiseM avaShTaMbhahIna bhaleM| vartaNeM jayAcheM || 529||
R^itukALIM tarI phaLatI| parI phaLaloM heM neNatI| tayAM vR^ixAMchiye aisI vR^ittI| karmIM sadA || 530||
evaM manIM karmIM bolIM| jetha ahaMkArA ukhI jAhalI| ekAvaLIchI kADhilI| dorI jaisI || 531||
saMbaMdheMvINa jaisIM| abhreM asatI AkAshIM| dehIM karmeM taisIM| jayAsi gA || 532||
madyapA{A}MgIMcheM vastra| lepAhAtIMcheM shastra| bailAvarI shAstra| bAMdhaleM Ahe || 533||
tayA pADeM dehIM| jayA mI Ahe he sechi nAhIM| nirahaMkAratA pAhIM| tayA nAMva || 534||
heM saMpUrNa jetheM dise| tetheMchi j~nAna ase| iyeviShIM anAriseM| boloM naye || 535||
ANi janmamR^ityujarAduHkheM| vyAdhivArdhakyakaluSheM| tiyeM AMgA na yetAM dekhe| durUni jo || 536||
sAdhaku vivasiyA| kAM upasargu yogiyA| pAve uNeyApureyA| vothaMbA jevIM || 537||
vaira janmAMtarIMcheM| sarpA manauni na vache| tevIM atItA janmAcheM| uNeM jo vAhe || 538||
DoLAM haraLa na vire| ghA{I}M kota na jire| taiseM kALIMcheM na visare| janmaduHkha || 539||
mhaNe pUyagarte rigAlA| ahA mUtraraMdhreM nighAlA| kaTA re miyAM chATilA| kuchasvedu || 540||
aisa{ai}siyA parI| janmAchA kAMTALA dharI| mhaNe AtAM teM mI na karIM| jeNeM aiseM hoya || 541||
hArI umachAvayA| juMvArI jaisA ye DAyA| kIM vairA bApAcheyA| putra jache || 542||
mAriliyAcheni rAgeM| pAThIchA jevIM sUDa mAgeM| teNeM AxepeM lAge| janmApAThIM || 543||
parI janmatI te lAja| na sAMDI jayAcheM nija| saMbhAvitA nisteja| na jire jevIM || 544||
ANi mR^ityu puDhAM Ahe| tochi kalpAMtIM kAM pAhe| parI AjIchi hoye| sAvadhu jo || 545||
mAjIM athAMva mhaNatA| thaDiyechi paMDusutA| pohaNArA A{i}tA| kAse jevIM || 546||
kAM na pavatAM raNAchA ThAvo| sAMbhALije jaisA Avo| voDaNa su{i}je ghAvo| na lAgatAMchi || 547||
pAhechA peNA vATavadhA| taMva AjIchi ho{I}je sAvadhA| jIvu na vachatAM auShadhA| dhAMvije jevIM || 548||
yeRhavIM aiseM ghaDe| jo jaLatAM gharIM sAMpaDe| to maga na pavADe| kuhA khaNoM || 549||
choMDhiye pAtharu gelA| taiseni jo buDAlA| to boMbehisakaTa nimAlA| koNa sAMge || 550||
mhaNauni samartheMsIM vaira| jayA paDileM hADakhA{i}ra| to jaisA AThahI pAhara| parajUna ase || 551||
nAtarI keLavalI novarI| kA saMnyAsI jiyAparI| taisA na maratAM jo karI| mR^ityusUchanA || 552||
paiM gA jo yayAparI| janmeMchi janma nivArI| maraNeM mR^ityu mArI| ApaNa ure || 553||
tayA gharIM j~nAnAcheM| sAMkaDeM nAhIM sAcheM| jayA janmamR^ityucheM| nimAleM shalya || 554||
ANi tayAchiparI jarA| na TeMkatAM sharIrA| tAruNyAchiyA bharA\-| mAjIM dekhe || 555||
mhaNe AjichyA avasarIM| puShTi je sharIrIM| te pAhe ho{I}la kAcharI| vALalI jaisI || 556||
nidaivyAche vyavasAya| taise ThAkatI hAtapAya| amaMtryA rAjAchI parI Ahe| baLA yayA || 557||
phulAMchiyA bhogA\-| lAgIM prema TAMgA| teM kareyAchA guDaghA| taiseM ho{I}la || 558||
voDhALAchyA khurIM| Akharu{A}teM burI| te dashA mAjhyA shirIM| pAvela gA || 559||
padmadaLeMsI isALe| bhAMDatAti he DoLe| te hotI paDavaLeM| pikalIM jaisIM || 560||
bhaMva{}IchIM paDaLeM| vomathatI sinasALe| uru kuhijaila jaLeM| AMsuvAcheni || 561||
jaiseM bAbhuLIcheM khoDa| girabaDUni jAtI saraDa| taiseM pichaDIM toMDa| sarakaTijaila || 562||
rAMdhavaNI chulIpuDheM| paRhe unmAdatI khAtavaDe| taisIMchi yeM nAkADeM| biDabiDatI || 563||
tAMbuleM voMTha rA{U}M| hAMsatAM dAMta dA{U}M| sanAgara mira{}UM| bola jeNeM || 564||
tayAchi pAhe yA toMDA| ye{I}la jaLaMbaTAchA loMDhA| iyA umaLatI dADhA| dAtAMsahita || 565||
kuLavADI riNeM dATalI| kAM vAMkaDiyA DhoreM baisalIM| taisI nuThI kAMhIM kelI| jIbhachi he || 566||
kusaLeM koraDIM| vAreni jAtI baraDIM| taisA ApadA toMDIM| dADhiyesI || 567||
AShADhIMcheni jaLeM| jaisIM jhirapatI shailAchIM mauLeM| taiseM khAMDIhUni lALe| paDatI pUra || 568||
vAchesi apavADu| kAnIM anughaDu| piMDa garuvA mAkaDu| ho{I}la hA || 569||
tR^iNAcheM bujhavaNeM| AMdoLe vArenaguNeM| taiseM ye{I}la kAMpaNeM| sarvAMgAsI || 570||
pAyAM paDatI veMgaDI| hAta vaLatI murakuMDI| baravapaNA bAgaDI| nAchavijaila || 571||
maLamUtradvAreM| ho{U}ni ThAtI khoMkareM| navasiyeM hotI itareM| mAjhiyAM nidhanIM || 572||
dekhoni thuMkIla jagu| maraNAchA paDaila pAMgu| so{i}riyAM ubagu| ye{I}la mAjhA || 573||
striyAM mhaNatI vivasI| bALeM jAtI mUrChI| kiMbahunA chiLasI| pAtra ho{I}na || 574||
ubhaLIchA ujagarA| sejAriyAM sA{i}liyA gharA| shiNavIla mhaNatI mhAtArA| bahutAMteM hA || 575||
aisI vArdhakyAchI sUchaNI| ApaNiyA taruNapaNIM| dekhe maga manIM| viTe jo gA || 576||
mhaNe pAhe heM ye{I}la| ANi AtAMcheM bhogitAM jA{I}la| maga kAya urela| hitAlAgIM \? || 577||
mhaNauni nA{i}kaNeM pAve| taMva A{I}koni ghAlI AghaveM| paMgu na hotA jAveM| tetha jAya || 578||
dR^iShTI jaMva Ahe| taMva pAhAveM tetuleM pAhe| mUkatvA AdhIM vAchA vAhe| subhAShiteM || 579||
hAta hotI khuLe| heM puDhIla moTakeM kaLe| ANi karUni ghAlI sakaLeM| dAnAdikeM || 580||
aisI dashA ye{I}la puDheM| taiM mana ho{I}la veDeM| taMva chiMtUni ThevI chokhaDeM| Atmaj~nAna || 581||
jaiM chora pAhe jhoMbatI| taMva AjIchi rusije saMpattI| kA jhAMkAjhAMkI vAtI| na vachatAM kIje || 582||
taiseM vArdhakya yAveM| maga jeM vAyAM jAveM| teM AtAMchi AghaveM| savateM karIM || 583||
AtAM moDUni ThelIM durgeM| kAM vaLita dharileM khageM| tetha upexUni jo nighe| to nAgavalA kIM \? || 584||
taiseM vR^iddhApya hoye| AlepaNa teM vAyAM jAye| je to shatavR^iddha Ahe| neNoM kaiMchA || 585||
jhADilIMchi koLeM jhADI| tayA na phaLe jevIM boMDIM| jAhalA agni tarI rAkhoMDI| jALIla kA{I} \? || 586||
mhaNauni vArdhakyAcheni AThaveM| vArdhakyA jo nAgave| tayAchyA ThAyIM jANAveM| j~nAna Ahe || 587||
taiseMchi nAnA roga| paDighAtI nA jaMva puDhAM AMga| taMva ArogyAche upega| karUni ghAlI || 588||
sApAchyA toMDI| paDalI je uMDI| te lA{U}ni sAMDI| prabuddhu jaisA || 589||
taisA viyogeM jeNeM duHkhe| vipatti shoka pokhe| teM sneha sAMDUni sukheM| udAsu hoya || 590||
ANi jeNeM jeNeM kaDe| doSha sUtIla toMDeM| tayAM karmaraMdhrI guMDe| niyamAche dATI || 591||
aisa{ai}siyA A{i}tI| jayAchI parI asatI| tochi j~nAnasaMpattI\-| gosAvI gA || 592||
AtAM ANIkahI eka| laxaNa alaukika| sAMgena A{i}ka| dhanaMjayA || 593||

\indent ##\hspace{1in}## asak{}tiranabhiShva.ngaH putradAragR^ihAdiShu |
\indent ##\hspace{1in}## nitya.n cha samachittatvamiShTAniShTopapattiShu || 9||\newline%@

tari jo yA dehAvarI| udAsu aisiyA parI| ukhitA jaisA biDhArIM| baisalA Ahe || 594||
kAM jhADAchI sA{u}lI| vATe jAtAM mInalI| gharAvarI tetulI| AsthA nAhIM || 595||
sA{u}lI sarisIcha ase| parI ase heM neNije jaiseM| striyecheM taiseM| lolupya nAhIM || 596||
ANi prajA je jAlI| tiyeM vastI kIra AlIM| kAM goruveM baisalIM| rukhAtaLIM || 597||
jo saMpattImAjI asatAM| aisA game paMDusutA| jaisA kAM vATe jAtAM| sAxI ThevilA || 598||
kiMbahunA puMsA| pAMjariyAmAjIM jaisA| vedAj~nesI taisA| bihUni ase || 599||
eRhavIM dArAgR^ihaputrIM| nAhIM jayA maitrI| to jANa pAM dhAtrI| j~nAnAsi gA || 600||
mahAsiMdhU jaise| grIShmavarShIM sarise| iShTAniShTa taiseM| jayAchyA ThAyIM || 601||
kAM tinhI kALa hotAM| tridhA navhe savitA| taisA sukhaduHkhIM chittA| bhedu nAhIM || 602||
jetha nabhAcheni pADeM| samatvA uNeM na paDe| tetha j~nAna rokaDeM| voLakha tUM || 603||

\indent ##\hspace{1in}## mayi chAnanyayogena bhaktiravyabhichAriNI |
\indent ##\hspace{1in}## vivik{}tadeshasevitvamaratirjanasa.nsadi || 10||\newline%@

ANi mIvAMchUni kAMhIM| ANika gomaTeM nAhIM| aisA nishchayochi tihIM| jayAchA kelA || 604||
sharIra vAchA mAnasa| piyAlIM kR^itanishchayAchA kosha| eka mIvAMchUni vAsa| na pAhatI Ana || 605||
kiMbahunA nikaTa nija| jayAcheM jAhaleM maja| teNeM ApaNayAM AmhAM seja| ekI kelI || 606||
rigatAM vallabhApuDheM| nAhIM AMgIM jIvIM sAMkaDeM| tiye kAMtecheni pADeM| ekasaralA jo || 607||
miLoni miLatachi ase| samudrIM gaMgAjaLa jaiseM| mI ho{U}ni maja taiseM| sarvasveM bhajatI || 608||
sUryAchyA hoNyAM ho{I}je| kAM sUryAsaveMchi jA{i}je| heM vikalepaNa sAje| prabhesi jevIM || 609||
paiM pANiyAchiye bhUmike| pANI taLape kautukeM| te laharI mhaNatI laukikeM| eRhavIM teM pANI || 610||
jo ananyu yAparI| mI jAhalAhi mAteM varI| tochi to mUrtadhArI| j~nAna paiM gA || 611||
ANi tIrtheM dhauteM taTeM| tapovaneM chokhaTeM| AvaDatI kapATeM| vasavUM jayA || 612||
shailakaxAMchIM kuhareM| jaLAshaya parisareM| adhiShThI jo AdareM| nagarA na ye || 613||
bahu ekAMtAvarI prIti| jayA janapadAchI khaMtI| jANa manuShyAkAreM mUrtI| j~nAnAchI to || 614||
ANikahi puDhatI| chinheM gA sumatI| j~nAnAchiye nirutI\-| lAgIM sAMgoM || 615||

\indent ##\hspace{1in}## adhyAtmaj~nAnanityatva.n tattvaj~nAnArthadarshanam.h |
\indent ##\hspace{1in}## etad{}j~nAnamiti prok{}tamaj~nAna.n yadatonyathA || 11||\newline%@

tarI paramAtmA aiseM| jeM eka vastu ase| teM jayA diseM| j~nAnAstava || 616||
teM ekavAMchUni AneM| jiyeM bhavasvargAdi j~nAneM| teM aj~nAna aisA maneM| nishchayo kelA || 617||
svargA jANeM heM sAMDI| bhavaviShayIM kAna jhADI| de adhyAtmaj~nAnIM buDI| sadbhAvAchI || 618||
bhaMgaliye vATe| shodhUniyA avhAMTe| nighije jevIM nITeM| rAjapaMtheM || 619||
taiseM j~nAnajAtAM karI| AghaveMchi ekIkaDe sArI| maga mana buddhi moharI| adhyAtmaj~nAnIM || 620||
mhaNe eka heMchi AthI| yera jANaNeM te bhrAMtI| aisI nikureMsI matI| meru hoya || 621||
evaM nishchayo jayAchA| dvArIM AdhyAtmaj~nAnAchA| dhruva devo gaganIMchA| taisA rAhilA || 622||
tayAchyA ThAyIM j~nAna| yA bolA nAhIM Ana| je j~nAnIM baisaleM mana| tevhAMchi teM to mI || 623||
tarI baisalepaNeM jeM hoye| baisatAMchi boleM na hoye| tarI j~nAnA tayA Ahe| sarisA pADu || 624||
ANi tattvaj~nAna nirmaLa| phaLe jeM eka phaLa| teM j~neyahI varI saraLa| diThI jayA || 625||
eRhavIM bodhA Aleni j~nAneM| jarI j~neya na disechi maneM| tarI j~nAnalAbhuhI na mane| jAhalA sAMtA || 626||
AMdhaLeni hAtIM divA| ghe{}Uni kAya karAvA \?| taisA j~nAnanishchayo AghavA| vAyAMchi jAya || 627||
jari j~nAnAcheni prakAsheM| paratattvIM diThI na paise| te sphUrtIchi ase| aMdha ho{U}nI || 628||
mhaNauni j~nAna jetuleM dAvIM| tetulI vastuchi AghavI| teM dekhe aishI vhAvI| buddhi chokha || 629||
yAlAgIM j~nAneM nirdokheM| dAvileM j~neya dekhe| taiseni unmekheM| AthilA jo || 630||
jevaDhI j~nAnAchI vR^iddhI| tevaDhIcha jayAchI buddhI| to j~nAna he shabdIM| karaNeM na lage || 631||
paiM j~nAnAchiye prabhesaveM| jayAchI matI j~neyIM pAve| to hAtadharaNiyA shive| paratattvAteM || 632||
tochi j~nAna heM bolatAM| vismo kavaNa paMDusutA \?| kAya savitayAteM savitA| mhaNAveM aseM \? || 633||
taMva shroteM mhaNatI aso| na sAMgeM tayAchA atiso| graMthoktI tetha ADaso| ghAlitosI kAM \? || 634||
tujhA hAchi AmhAM thoru| vak{}tR^itvAchA pAhuNeru| je j~nAnaviSho phAru| niropilA || 635||
rasu hoAvA atimAtru| hA ghetAsi kavimaMtru| tarI avaMtUni shatru| karitosi kAM gA \? || 636||
ThAyIM baisatiye veLe| je rasasoya ghe{}Uni paLe| tiyechA yeru voDava miLe| koNA arthA \? || 637||
AghavAchi viShayIM bhAdI| parI sAMjavaNIM TeMkoM nedI| te khuratoDI nusadhI| poShI kavaNa \? || 638||
taisI j~nAnIM matI na phAMke| yera jalpatI neNoM ketukeM| pari teM aso nikeM| keleM tuvAM || 639||
jayA j~nAnaleshoddesheM| kIjatI yogAdi sAyAseM| teM dhaNIcheM AthI tujhiyA aiseM| nirUpaNa || 640||
amR^itAchI sAtavAMkuDI| lAgo kAM anughaDI| sukhAchyA divasakoDI| gaNijatu kAM || 641||
pUrNachaMdreMsIM rAtI| yuga eka asoni pahAtI| tarI kAya pAhAta AhAtI| chakora te \? || 642||
taiseM j~nAnAcheM bolaNeM| ANi yeNeM rasALapaNeM| AtAM pure koNa mhaNe \?| AkarNitAM || 643||
ANi sabhAgyu pAhuNA ye| subhagAchi vADhatI hoye| taiM saroM neNeM rasasoye| aiseM AthI || 644||
taisA jAhalA prasaMgu| je j~nAnIM AmhAMsi lAgu| ANi tujahI anurAgu| Athi tetha || 645||
mhaNauni yayA vAkhANA\-| pAsIM se AlI chauguNA| nA mhaNoM nayesi dekhaNA \?| hosI j~nAnI || 646||
tarI AtAM yayAvarI| praj~nechyA mAjagharIM| padeM sAcha karIM| nirUpaNIM || 647||
yA saMtavAkyAsariseM| mhaNitaleM nivR^ittidAseM| mAjheMhI jI aiseM| manogata || 648||
yAvarI AtAM tumhIM| Aj~nApilA svAmI| tarI vAyAM vAgU mI| vADhoM nedI || 649||
evaM iyeM avadhArA| j~nAnalaxaNeM aTharA| shrIkR^iShNeM dhanurdharA| nirUpilI || 650||
maga mhaNeM yA nAMveM| j~nAna etha jANAveM| he svamata ANi AghaveM| j~nAniyehI mhaNatI || 651||
karataLAvarI vAToLA| Dolatu dekhije AMvaLA| taiseM j~nAna AmhIM DoLAM| dAvileM tuja || 652||
AtAM dhanaMjayA mahAmatI| aj~nAna aisI vadaMtI| teMhI sAMgoM vyaktI| laxaNeMsIM || 653||
eRhavIM j~nAna phuDeM jAliyA| aj~nAna jANave dhanaMjayA| jeM j~nAna navhe teM apaisayA| aj~nAnachi || 654||
pAheM pAM divasu AghavA sare| maga rAtrIchI vArI ure| vAMchUni kAMhIM tisareM| nAhIM jevIM || 655||
taiseM j~nAna jetha nAhIM| teMchi aj~nAna pAhIM| tarI sAMgoM kAMhIM kAMhIM| chinheM tiyeM || 656||
tarI saMbhAvane jiye| jo mAnAchI vATa pAhe| satkAreM hoye| toShu jayA || 657||
garveM parvatAchIM shikhareM| taisA mahattvAvarUni nutare| tayAchiyA ThAyIM pure| aj~nAna Ahe || 658||
ANi svadharmAchI mAMgaLI| bAMdhe vAchechyA piMpaLIM| ubhilA jaisA de{}uLIM| jANoni kuMchA || 659||
ghAlI vidyechA pasArA| sUye sukR^itAchA DAMgorA| karI tetuleM moharA| sphItIchiyA || 660||
AMga varivarI charchI| janAteM abhyarchitAM vaMchI| to jANa pAM aj~nAnAchI| khANI etha || 661||
ANi vanhI vanIM vichare| tetha jaLatI jaisIM jaMgameM sthAvareM| taiseM jayAcheni AchAreM| jagA duHkha || 662||
kautukeM jeM jeM jalpe| teM sAbaLAhUni tIkha rupe| viShAhUni saMkalpeM| mAraku jo || 663||
tayAteM bahu aj~nAna| tochi aj~nAnAcheM nidhAna| hiMsesi Ayatana| jayAcheM jiNeM || 664||
ANi phuMkeM bhAtA phuge| rechiliyA saveMchi uphage| taisA saMyogaviyogeM| chaDhe vohaTe || 665||
paDalI vArayAchiyA vaLasA| dhuLI chaDhe AkAshA| harikhA vaLaghe taisA| stutIveLe || 666||
niMdA moTakI A{i}ke| ANi kapALa dharUni ThAke| theMbeM vire vAroni shokhe| chikhalu jaisA || 667||
taisA mAnApamAnIM hoye| jo koNhIchi urmI na sAhe| tayAchyA ThAyIM Ahe| aj~nAna pureM || 668||
ANi jayAchiyA manIM gAMThI| varivarI mokaLI vAchA diThI| AMgeM miLe jIveM pAThIM| bhalatayA de || 669||
vyAdhAche chArA ghAlaNeM| taiseM prAMjaLa jogAvaNeM| chAMgAchIM aMtaHkaraNeM| viru karI || 670||
gAra shevALeM guMDALalI| kAM niMboLI jaisI pikalI| taisI jayAchI bhalI| bAhya kriyA || 671||
aj~nAna tayAchiyA ThAyIM| ThevileM ase pAhIM| yAbolA Ana nAhIM| satya mAnIM || 672||
ANi gurukuLIM lAje| jo gurubhaktI ubhaje| vidyA ghe{}Uni mAje| gurUsIMchi jo || 673||
tayAcheM nAma gheNeM| teM vAche shUdrAnna hoNeM| parI ghaDaleM laxaNeM| bolatAM iyeM || 674||
AtA gurubhaktAMcheM nAMva ghevoM| teNeM vAchesi prAyashchita devoM| gurusevakA nAMva pAvoM| sUryu jaisA || 675||
yetuleni pAMgu pApAchA| nistarela he vAchA| jo gurutalpagAchA| nAmIM AlA || 676||
hA ThAyavarI| tayA nAmAcheM bhaya harI| maga mhaNe avadhArIM| ANikeM chinheM || 677||
tari AMgeM karmeM DhilA| jo maneM vikalpeM bharalA| aDavIMchA avagaLalA| kuhA jaisA || 678||
tayA toMDIM kAMTivaDe| AMtu nusadhIM hADeM| ashuchi teNeM pADeM| sabAhya jo || 679||
jaiseM poTAlAgIM suNeM| ughaDeM jhAMkaleM na mhaNe| taiseM ApaleM parAveM neNe| dravyAlAgIM || 680||
iyA grAmasiMhAchiyA ThAyIM| jaisA miLaNI ThAvo aThAvo nAhIM| taisA strIviShayIM kAMhIM| vichArInA || 681||
karmAchA veLu chuke| kAM nitya naimittika ThAke| teM jayA na dukhe| jIvAmAjIM || 682||
pApI jo nisugu| puNyAviShayIM atinilAgu| jayAchiyA manIM vegu| vikalpAchA || 683||
to jANa nikhiLA| aj~nAnAchA putaLA| jo bAMdhoni ase DoLAM| vittAsheteM || 684||
ANi svArtheM aLumALeM| jo dhairyApAsoni chaLe| jaiseM tR^iNabIja DhaLe| muMgiyechenI || 685||
pAvo sUdaliyA saveM| jaiseM thillara kAlave| taisA bhayAcheni nAMveM| gajabaje jo || 686||
manorathAMchiyA dhArasA| vAhaNeM jayAchiyA mAnasA| pUrIM paDilA jaisA| dudhiyA pAhIM || 687||
vAyUcheni sAvAyeM| dhU digaMtarA jAye| duHkhavArtA hoye| taseM jayA || 688||
vA{u}dhaNAchiyA parI| jo Ashro kahIMchi na dharI| xetrIM tIrthIM purIM| thAroM neNe || 689||
kAM mAtaliyA saraDA| puDhatI buDukha puDhatI sheMDA| hiMDaNavArA koraDA| taisA jayA || 690||
jaisA rovilyAviNeM| rAMjaNu thAroM neNe| taisA paDe taiM rAhaNeM| eRhavIM hiMDe || 691||
tayAchyA ThAyIM udaMDa| aj~nAna ase vitaMDa| jo chAMchalyeM bhAvaMDa| markaTAcheM || 692||
ANi paiM gA dhanurdharA| jayAchiyA aMtarA| nAhIM voDhAvArA| saMyamAchA || 693||
leMDiye AlA loMDhA| na manI vALuvechA varavaMDA| taisA niShedhAchiyA toMDA| bihenA jo || 694||
vratAteM ADa moDI| svadharmu pAyeM volAMDI| niyamAchI Asa toDI| jayAchI kriyA || 695||
nAhIM pApAchA kaMTALA| neNeM puNyAchA jivhALA| lAjechA peMDavaLA| khANoni ghAlI || 696||
kuLeMsIM jo pAThamorA| vedAj~nesIM duRhA| kR^ityAkR^ityavyApArA| nivADu neNe || 697||
vasU jaisA mokATu| vArA jaisA aphATu| phuTalA jaisA pATu| nirjanIM || 698||
AMdhaLeM hAtirUM mAtaleM| kAM DoMgarIM jaiseM peTaleM| taiseM viShayIM suTaleM| chitta jayAcheM || 699||
paiM ubadhaDAM kAya na paDe| mokATu koNAM nAtuDe| grAmadvArIMche ADeM| nolAMDI koNa || 700||
jaiseM satrIM anna jAleM| kIM sAmAnyA bIka AleM| vANasiyecheM ubhaleM| koNa na rige \? || 701||
taiseM jayAcheM aMtaHkaraNa| tayAchyA ThAyIM saMpUrNa| aj~nAnAchI jANa| R^iddhi Ahe || 702||
ANi viShayAMchI goDI| jo jItu melA na saMDI| svargIMhI khAvayA joDI| yethUnichI || 703||
jo akhaMDa bhogA jache| jayA vyasana kAmyakriyecheM| mukha dekhoni viraktAcheM| sachaila karI || 704||
viSho shiNoni jAye| pari na shiNe sAvadhu nohe| kuhIlA hAtIM khAye| koDhI jaisA || 705||
kharI TeMkoM nedI uDe| lAtauni phoDI nAkADeM| taRhI jevIM na kADhe| mAghautA kharu || 706||
taisA jo viShayAMlAgIM| uDI ghAlI jaLatiye AgIM| vyasanAchI AMgIM| leNIM miravI || 707||
phuToni paDe taMva| mR^iga vADhavI hAMva| parI na mhaNe te mAva| rohiNIchI || 708||
taisA janmoni mR^ityUvarI| viShayIM trAsitAM bahutIM parIM| taRhI trAsu neghe dharI| adhika prema || 709||
pahiliye bALadashe| A{I} bA heMchi piseM| teM sare maga strImAMseM| bhuloni ThAke || 710||
maga strI bhogitAM thAvoM| vR^iddhApya lAge yevoM| tevhAM tochi premabhAvo| bALakAMsi ANI || 711||
AMdhaLeM vyAleM jaiseM| taisA bALeM parivase| pari jIveM mare toM na trAse| viShayAMsi jo || 712||
jANa tayAchyA ThAyIM| aj~nAnAsi pAru nAhIM| AtAM ANIka kAMhIM| chinheM sAMgoM || 713||
tari deha hAchi AtmA| aiseyA jo manodharmA| vaLaghoniyAM karmA| AraMbhu karI || 714||
ANi uNeM kAM pureM| jeM jeM kAMhIM Achare| tayAcheni AviShkareM| kuMthoM lAge || 715||
Do{I}ye Thevileni bhojeM| devalaviseM jevIM phuMje| taisA vidyAvayasA mAje| utANA chAle || 716||
mhaNe mIchi eku AthI| mAjhyAMchi gharIM saMpattI| mAjhI AcharatI rItI| koNA Ahe || 717||
nAhIM mAjheni pADeM vADu| mI sarvaj~na ekachi rUDhu| aisA garvatuShTIgaMDu| ghe{}Uni ThAke || 718||
vyAdhi lAgaliyA mANusA| nayechi bhoga dA{U}M jaisA| nikeM na sAhe jo taisA| puDhilAMcheM || 719||
paiM guNa tetulA khAya| sneha kIM jALitu jAya| jetha Thevije tetha hoya| masI{ai}seM || 720||
jIvaneM shiMpilA tiDapiDI| vijilA prANa sAMDIM| lAgalA tarI kADI| uroM nedI || 721||
ALumALa prakAshu karI| tetulenIcha ubArA dharI| taisiyA dIpAchi parI| suvidyu jo || 722||
auShadhAcheni nAMveM amR^iteM| jaisA navajvaru AMbuthe| kAM viShachi ho{U}ni parateM| sarpA dUdha || 723||
taisA sad{}guNIM matsaru| vyutpattI ahaMkAru| tapoj~nAneM apAru| tAThA chaDhe || 724||
aMtyu rANive baisavilA| AreM dhAraNu giLilA| taisA garveM phugalA| dekhasI jo || 725||
jo lATaNeM aisA na lave| pAtharu tevIM na drave| guNiyAsi nAgave| phoDaseM jaiseM || 726||
kiMbahunA tayApAshI| aj~nAna Ahe vADhIsIM| heM nikareM gA tujasIM| bolata asoM || 727||
ANIkahI dhanaMjayA| jo gR^ihadeha sAmagriyA| na dekhe kAlacheyA| janmAteM gA || 728||
kR^itaghnA upakAru kelA| kAM chorA vyavahAru didhalA| nisugu stavilA| visare jaisA || 729||
voDhALitAM lAvileM| teM taiseMcha kAna pUMsa voleM| kIM puDhatI voDhALuM AleM| suNeM jaiseM || 730||
beDUka sApAchiyA toMDIM| jAtase sabuDabuDIM| to maxikAMchiyA koDIM| smarenA kAMhIM \? || 731||
taisIM navahI dvAreM sravatI| AMgIM dehAchI lutI jitI| jeNeM jAlI teM chittIM| salenA jayA || 732||
mAtechyA udarakuharIM| pachUni viShThechyA dAtharIM| jaTharIM navamAsavarI| ukaDalA jo || 733||
teM garbhIMchI je vyathA| kAM jeM jAleM upajatAM| teM kAMhIMchi sarvathA| nAThavI jo || 734||
malamUtrapaMkIM| je loLateM bALa aMkIM| teM dekhoni jo na thuMkIM| trAsu neghe || 735||
kAlachi nA janma geleM| pAhechi puDhatI AleM| aiseM heM kAMhIM vATaleM| nAhIM jayA || 736||
ANi paiM tayAchI parI| jIvitAchI pharArI| dekhoni jo na karI| mR^ityuchiMtA || 737||
jiNeyAcheni vishvAseM| mR^ityu eka etha ase| heM jayAcheni mAnaseM| mAnijenA || 738||
alpodakIMchA mAsA| heM nATe aisiyA AshA| na vachechi kAM jaisA| agAdha DohAM || 739||
kAM gorIchiyA bhulI| mR^iga vyAdhA dR^iShTI na ghAlI| gaLu na pAhatAM giLilI| uMDI mIneM || 740||
dIpAchiyA jhagamagA| jALIla heM pataMgA| neNavechi paiM gA| jayAparI || 741||
gavhAru nidrAsukheM| ghara jaLata ase teM na dekhe| neNatAM jeMvI vikheM| rAMdhileM anna || 742||
taisA jIvitAcheni miSheM| hA mR^ityuchi AlA ase| heM neNechi rAjaseM| sukheM jo gA || 743||
sharIrIMchIM vADhI| ahorAtrAMchI joDI| viShayasukhaprauDhI| sAchachi mAnI || 744||
parI bApuDA aiseM neNe| jeM veshyecheM sarvasva deNeM| teMchi teM nAgavaNeM| rUpa etha || 745||
saMvachorAcheM sAjaNeM| teMchi teM prANa gheNeM| lepA snapana karaNeM| tochi nAshu || 746||
pAMDurogeM AMga suTaleM| teM tayAchi nAMve khuMTaleM| taiseM neNeM bhulaleM| AhAranidrA || 747||
sanmukha shUlA| dhAMvatayA pAyeM chapaLA| pratipadIM ye javaLA| mR^ityu jevIM || 748||
tevIM dehA jaMva jaMva vADhu| jaMva jaMva divasAMchA pavADu| jaMva jaMva suravADu| bhogAMchA yA || 749||
taMva taMva adhikAdhikeM| maraNa AyuShyAteM jiMke| mITha jevIM udakeM| ghAMsijata ase || 750||
taiseM jIvitva jAye| tayAstava kALu pAhe| heM hAtohAtIMcheM navhe| ThA{u}keM jayA || 751||
kiMbahunA pAMDavA| hA AMgIMchA mR^ityu nIcha navA| na dekhe jo mAvA| viShayAMchiyA || 752||
to aj~nAnadeshIMchA rAvo| yA bolA mahAbAho| na paDe gA ThAvo| ANikAMchA || 753||
paiM jIvitAcheni tokheM| jaisA kAM mR^ityu na dekhe| taisAchi tAruNye pokheM| jarA na gaNI || 754||
kaDADIM loTalA gADA| kAM shikharauni suTalA dhoMDA| taisA na dekhe jo puDhAM| vArdhakya Ahe || 755||
kAM ADavohaLA pANI AleM| kAM jaise mhaisayAcheM jhuMja mAtaleM| taiseM tAruNyAche chaDhaleM| bhurareM jayA || 756||
puShTi lAge vigharoM| kAMti pAhe nisaroM| mastaka AdarIM shiroM\-| bhAgIM kaMpa || 757||
dADhI sA{u}La dharI| mAna hAlauni vArI| tarI jo karI| mAyechA paisu || 758||
puDhIla urIM AdaLe| taMva na dekhe jevIM AMdhaLeM| kAM DoLyAvaraleM nigaLe| ALashI toSheM || 759||
taiseM tAruNya AjicheM| bhogitAM vR^iddhApya pAhecheM| na dekhe tochi sAcheM| aj~nAnu gA || 760||
dekhe axameM kubjeM| kIM viTAvUM lAge phuMjeM| parI na mhaNe pAhe mAjheM| aiseMchi bhave || 761||
ANi AMgIM vR^iddhApyatechI| saMj~nA ye maraNAchI| parI jayA tAruNyAchI| bhulI na phiTe || 762||
to aj~nAnAcheM ghara| heM sAchachi ghe uttara| tevIMchi pariyesIM thora| chinheM ANika || 763||
tari vAghAchiye aDave| eka veLa AlA charoni daiveM| teNeM vishvAseM puDhatI dhAMve| vasU jaisA || 764||
kAM sarpagharA{A}Mtu| avachaTeM ThevA ANilA svasthu| yetuliyAsAThIM nishchitu| nAstiku hoya || 765||
taiseni avachaTeM heM| ekadonI veLAM lAhe| etha roga eka Ahe| heM mAnInA jo || 766||
vairiyA nIda AlI| AtAM dvaMdveM mAjhIM saralIM| heM mAnI to sapilI| mukalA jevIM || 767||
taisI AhAranidrechI ujarI| roga nivAMtu joMvarI| taMva jo na karI| vyAdhI chiMtA || 768||
ANi strIputrAdimeLeM| saMpatti jaMva jaMva phaLe| teNeM rajeM DoLe| jAtI jayAche || 769||
saveMchi viyogu paDaila| viLaunI vipatti ye{I}la| heM duHkha puDhIla| dekhenA jo || 770||
to aj~nAna gA pAMDavA| ANi tohI tochi jANAvA| jo iMdriyeM avhAsavA| chArI etha || 771||
vayasecheni uvAyeM| saMpattIcheni sAvAyeM| sevyAsevya jAye| sarakaTitu || 772||
na karAveM teM karI| asaMbhAvya manIM dharI| chiMtU naye teM vichArI| jayAchI matI || 773||
righe jetha na righAveM| mAge jeM na ghyAveM| sparshe jetha na lAgAveM| AMga mana || 774||
na jAveM tetha jAye| na pAhAveM teM jo pAhe| na khAveM teM khAye| tevIMchi toShe || 775||
na dharAvA to saMgu| na lAgAveM tetha lAgu| nAcharAvA to mArgu| Achare jo || 776||
nAyakAveM teM A{i}ke| na bolAveM teM bake| parI doSha hotIla heM na dekhe| pravartatAM || 777||
AMgA manAsi ruchAveM| yetuleni kR^ityAkR^itya nAThaveM| jo karaNeyAcheni nAMveM| bhalateMchi karI || 778||
pari pApa maja ho{I}la| kAM narakayAtanA ye{I}la| heM kAMhIMchi puDhIla| dekhenA jo || 779||
tayAcheni AMgalageM| aj~nAna jagIM dATugeM| jeM saj~nAnAhI saMgeM| jhoMboM sake || 780||
parI aso heM A{i}ka| aj~nAna chinheM ANika| jeNeM tuja samyak| jANave teM || 781||
tarI jayAchI prIti purI| guMtalI dekhasI gharIM| navagaMdhakesarIM| bhramarI jaishI || 782||
sAkarechiyA rAshI| baisalI nuThe mAshI| taiseni strIchitta AveshIM| jayAcheM mana || 783||
ThelA beDUka kuMDIM| mashaka guMtalA sheMbuDIM| jaisA Dhoru sabuDabuDIM| rutalA paMkIM || 784||
taiseM gharIMhUni nighaNeM| nAhIM jIveM maneM prANeM| jayA sApa ho{U}ni asaNeM| bhATIM tiyeM || 785||
priyottamAchiyA kaMThIM| pramadA  ghe ATI| taishI jIveMsI koMpaTI| dharUni ThAke || 786||
madhurasoddesheM| madhukara jache jaiseM| gR^ihasaMgopana taiseM| karI jo gA || 787||
mhAtArapaNIM jAleM| mA ANika eka vipA{I}leM| tayAcheM kAM jetuleM| mAtApitarAM || 788||
tetuleni pADeM pArthA| gharIM jayA prema AsthA| ANi strIvAMchUni sarvathA| jANenA jo || 789||
taisA strIdehIM jo jIveM| paDoniyA sarvabhAveM| koNa mI kAya karAveM| kAMhIM neNe || 790||
mahApuruShAcheM chitta| jAliyA vastugata| ThAke vyavahArajAta| jayAparI || 791||
hAni lAja na dekhe| parApavAdu nA{i}ke| jayAchIM iMdriyeM ekamukheM| striyA kelIM || 792||
chitta ArAdhI strIyecheM| ANi tiyecheni ChaMdeM nAche| mAkaDa gAruDiyAcheM| jaiseM hoya || 793||
ApaNapeMhI shiNavI| iShTamitra dukhavI| maga kavaDAchi vADhavI| lobhI jaisA || 794||
taisA dAnapuNyeM khAMchI| gotrakuTuMbA vaMchI| parI gArI bharI striyechI| uNI hoM nedI || 795||
pUjitI daivateM jogAvI| gurUteM boleM jhakavI| mAyabApAM dAvI| nidArapaNa || 796||
striyechyA tarI vikhIM| bhogusaMpattI anekIM| ANI vastu nikI| je je dekhe || 797||
premAthileni bhakteM| jaiseni bhajije kuLadaivateM| taisA ekAgrachitteM| strI jo upAsI || 798||
sAcha ANi chokha| teM striyesIchi ashekha| yerAMviShayIM jogAvaNUka| tehI nAhIM || 799||
iyeteM hana koNI dekhaila| iyesI vekhAseM jA{I}la| tarI yugachi buDaila| aiseM jayA || 800||
nAyaTyAMbheNa| na moDije nAgAMchI ANa| taisI pALI uNakhuNa| strIyechI jo || 801||
kiMbahunA dhanaMjayA| strIchi sarvasva jayA| ANi tiyechiyA jAliyA\-| lAgIM prema || 802||
ANikahI jeM samasta| tiyecheM saMpattijAta| teM jIvAhUni Apta| mAnI jo kAM || 803||
to aj~nAnAsI mULa| aj~nAnA tyAcheni baLa| heM aso kevaLa| teMchi rUpa || 804||
ANi mAtaliyA sAgarIM| mokalaliyA tarI| lATAMchyA yerajhArIM| AMdoLe jevIM || 805||
tevIM priya vastu pAve| ANi sukheM jo uMchAve| taisAchi apriyAsaveM| taLavaTu ghe || 806||
aiseni jayAche chittIM| vaiShamyasAmyAchI vokhatI| vAhe to mahAmatI| aj~nAna gA || 807||
ANi mAjhyA ThAyIM bhaktI| phaLAlAgIM jayA ArtI| dhanoddesheM viraktI| naTaNeM jevIM || 808||
nAtarI kAMtAchyA mAnasI| rigoni svairiNI jaisI| rAhATe jAreMsIM| jAvayAlAgIM || 809||
taisA mAteM kirITI| bhajatI gA pA{u}TI| karUni jo diThI| viSho sUye || 810||
ANi bhajinnaliyAsaveM| to viSho jarI na pAve| tarI sAMDI mhaNe AghaveM| TavALa heM || 811||
kuNabaTa kuLavADI| taisA Ana Ana deva mAMDI| AdilAchI paravaDI| karI tayA || 812||
tayA gurumArgA TeMkeM| jayAchA sugaravA dekhe| tarI tayAchA maMtra shike| yeru neghe || 813||
prANijAteMsIM niShThuru| sthAvarIM bahu bharu| tevIMchi nAhIM ekasaru| nirvAho jayA || 814||
mAjhI mUrti niphajavI| te gharAche konIM baisavI| ApaNa devo devI| yAtre jAya || 815||
nitya ArAdhana mAjheM| kAjIM kuLadaivatA bhaje| parvavisheSheM kIje| pUjA AnA || 816||
mAjheM adhiShThAna gharIM| ANi vovase AnAche karI| pitR^ikAryAvasarIM| pitarAMchA hoya || 817||
ekAdashIchyA divashIM| jetulA pADu AmhAMsI| tetulAchi nAgAMsI| paMchamIchyA divashIM || 818||
chautha moTakI pAhe| ANi gaNeshAchAchi hoye| chAvadasI mhaNe mAye| tujhAchi vo durge || 819||
nitya naimittikeM karmeM sAMDI| maga baise navachaMDI| AdityavArIM vADhI| bahiravAM pAtrIM || 820||
pAThIM somavAra pAve| ANi beleMsI liMgA dhAMve| aisA ekalAchi Aghave| jogAvI jo || 821||
aisA akhaMDa bhajana karI| ugA nohe xaNabharI| avaghena gAMvadvArIM| aheva jaisI || 822||
aiseni jo bhaktu| dekhasI sairA dhAMvatu| jANa aj~nAnAchA mUrtu| avatAra to || 823||
ANi ekAMteM chokhaTeM| tapovaneM tIrthe taTeM| dekhoni jo gA viTe| tohi tochi || 824||
jayA janapadIM sukha| gajabajecheM kavatika| vAnUM AvaDe laukika| tohi tochI || 825||
ANi AtmA gocharu hoye| aisI je vidyA Ahe| te A{i}koni Daura vAhe| vidvAMsu jo || 826||
upaniShadAMkaDe na vache| yogashAstra na ruche| adhyAtmaj~nAnIM jayAcheM| manachi nAhIM || 827||
AtmacharchA ekI AthI| aisiye buddhIchI bhiMtI| pADUni jayAchI matI| voDhALa jAhalI || 828||
karmakAMDa tarI jANe| mukhodgata purANeM| jyotiShIM to mhaNe| taiseMchi hoya || 829||
shilpIM ati nipuNa| sUpakarmIMhI pravINa| vidhi AtharvaNa| hAtIM AthI || 830||
kokIM nAhIM TheleM| bhArata karI mhaNitaleM| Agama AphAvile| mUrta hotIM || 8831||
nItijAta sujhe| vaidyakahI bujhe| kAvyanATakIM dujeM| chatura nAhIM || 832||
smR^itIMchI charchA| daMshu jANe gAruDiyAchA| nighaMTu praj~nechA| pA{i}kI karI || 833||
paiM vyAkaraNIM chokhaDA| tarkIM atigADhA| parI eka Atmaj~nAnIM phuDA| jAtyaMdhu jo || 834||
teM ekavAMchUni AghavAM shAstrIM| siddhAMta nirmANadhAtrI| parI jaLoM teM mULanaxatrIM| na pAheM gA || 835||
morA{A}MgIM asheSheM| piseM asatIM DoLaseM| parI ekalI dR^iShTi nase| taiseM teM gA || 836||
jarI paramANU{e}vaDheM| saMjIvanImULa joDe| tarI bahu kAya gADe| bharaNeM yereM \? || 837||
AyuShyeMvINa laxaNeM| siseMvINa aLaMkaraNeM| vohareMvINa vAdhAvaNeM| to viTaMbu gA || 838||
taiseM shAstrajAta jANa| AghaveMchi apramANa| adhyAtmaj~nAneMviNa| ekalenI || 839||
yAlAgIM arjunA pAhIM| adhyAtmaj~nAnAchyA ThAyIM| jayA nityabodhu nAhIM| shAstramUDhA || 840||
tayA sharIra jeM jAleM| teM aj~nAnAcheM bIM viruDhaleM| tayAcheM vyutpannatva geleM| aj~nAnavelIM || 841||
to jeM jeM bole| teM aj~nAnachi phulaleM| tayAcheM puNya jeM phaLaleM| teM aj~nAna gA || 842||
ANi adhyAtmaj~nAna kAMhIM| jeNeM mAnileMchi nAhIM| to j~nAnArthu na dekhe kA{I}| heM bolAveM aseM \? || 843||
ailIchi thaDI na pavatAM| paLe jo mAghautA| tayA pailadvIpIMchI vArtA| kAya hoya \? || 844||
kAM dAravaMThAchi jayAcheM| shIra roMvileM khAMche| to kevIM parivarIMcheM| ThevileM dekhe \? || 845||
tevIM adhyAtmaj~nAnIM jayA| anoLakha dhanaMjayA| tayA j~nAnArthu dekhAvayA| viSho kA{I} \? || 846||
mhaNauni AtAM visheSheM| to j~nAnAcheM tattva na dekhe| heM sAMgAveM AMkheMlekheM| na lage tuja || 847||
jevhAM sagarbhe vADhileM| tevhAMchi poTIMcheM dhAleM| taiseM mAgileM padeM bolileM| teMchi hoya || 848||
vAMchUniyAM vegaLeM| rUpa karaNeM heM na miLe| jevIM avaMtileM AMdhaLeM| teM dujenasIM ye || 849||
evaM iye uparatIM| aj~nAnachinheM mAgutIM| amAnitvAdi prabhR^itI| vAkhANilIM || 850||
je j~nAnapadeM aTharA| keliyAM yerI moharAM| aj~nAna yA AkArA| sahajeM yetI || 851||
mAgAM shlokAcheni ardhArdheM| aiseM sAMgitaleM shrImukuMdeM| nA upharATIM iyeM j~nAnapadeM| teMchi aj~nAna || 852||
mhaNauni iyA vAhaNIM| kelI myAM upalavaNI| vAMchUni dudhA meLa{}Uni pANI| phAra kIje \? || 853||
taiseM jI na baDabaDIM| padAchI kora na sAMDI| parI mULadhvanIMchiye vADhI| nimitta jAhaloM || 854||
taMva shrote mhaNatI rAheM| keM parihArA ThAvo Ahe \?| bihisI kAM vAyeM| kavipoShakA \? || 855||
tUteM shrImurArI| mhaNitaleM AmhI prakaTa karIM| jeM abhiprAya gavharIM| jhAMkile AmhIM || 856||
teM devAcheM manogata| dAvita AhAsI tUM mUrta| heMhI mhaNatAM chitta| dATaila tujheM || 857||
mhaNauni aso heM na boloM| pari sAviyA gA toShaloM| je j~nAnatariye meLaviloM| shravaNa sukhAchiye || 858||
AtAM iyAvarI| je to shrIharI| bolilA teM karIM| kathana vegAM || 859||
iyA saMtavAkyAsariseM| mhaNitaleM nivR^ittidAseM| jI avadhArA tarI aiseM| bolileM deveM || 860||
mhaNatI tuvAM pAMDavA| hA chinhasamuchchayo AghavA| AyakilA to jANAvA| aj~nAnabhAgu || 861||
iyA aj~nAnavibhAgA| pAThI de{}Uni paiM gA| j~nAnavikhIM chAMgA| dR^iDhA ho{I}je || 862||
maga nirvALileni j~nAneM| j~neya bheTela maneM| teM jANAvayA arjuneM| Asa kelI || 863||
taMva sarvaj~nAMchA rAvo| mhaNe jANauni tayAchA bhAvo| pariseM j~neyAchA abhiprAvo| sAMgoM AtAM || 864||

\indent ##\hspace{1in}## j~neya.n yattatpravakShyAmi yaj~nAtvA~mR^itamashnute |
\indent ##\hspace{1in}## anAdimatpara.n brahma na sattannAsaduchyate || 12||\newline%@

tari j~neya aiseM mhaNaNeM| vastUteM yeNeMchi kAraNeM| jeM j~nAneMvAMchUni kavaNeM| upAyeM naye || 865||
ANi jANitaleyAvarauteM| kAMhIMcha karaNeM nAhIM jetheM| jANaNeMchi tanmayAteM| ANI jayAcheM || 866||
jeM jANitaleyAsAThIM| saMsAra kADhUniyAM kAMThIM| jironi jA{i}je poTIM| nityAnaMdAchyA || 867||
teM j~neya gA aiseM| Adi jayA nase| parabrahma ApaiseM| nAma jayA || 868||
jeM nAhIM mhaNoM jA{i}je| taMva vishvAkAreM dekhije| ANi vishvachi aiseM mhaNije| tari he mAyA || 869||
rUpa varNa vyaktI| nAhIM dR^ishya dR^iShTA sthitI| tarI koNeM kaiseM AthI| mhaNAveM pAM || 870||
ANi sAchachi jarI nAhIM| tarI mahadAdi koNeM ThA{I}M| sphurata kaicheM kA{I}| teNeMvINa ase \? || 871||
mhaNauni AthI nAthI he bolI| jeM dekhoni mukI jAhalI| vichAreMsIM moDalI| vATa jetheM || 872||
jaisI bhAMDaghaTasharAvIM| tadAkAreM ase pR^ithvI| taiseM sarva ho{U}niyAM sarvIM| ase je vastu || 873||

\indent ##\hspace{1in}## sarvataH pANipAda.n tatsarvato~kShishiromukham.h |
\indent ##\hspace{1in}## sarvataH shrutimalloke sarvamAvR^itya tiShThati || 13||\newline%@

AghavAMchi deshIM kALIM| navhatAM deshakALAMvegaLI| je kriyA sthULAsthULIM| techi hAta jayAche || 874||
tayAteM yAkAraNeM| vishvabAhU aiseM mhaNaNeM| jeM sarvachi sarvapaNeM| sarvadA karI || 875||
ANi samastAMhI ThAyA| eke kALIM dhanaMjayA| AleM ase mhaNauni jayA| vishvAMghrInAma || 876||
paiM savitayA AMga DoLe| nAhIMta vegaLe vegaLe| taiseM sarvadraShTe sakaLeM| svarUpeM jeM || 877||
mhaNauni vishvatashchaxu| hA achaxUchyA ThAyIM paxu| bolAvayA daxu| jAhalA vedu || 878||
jeM sarvAMche shirAvarI| nitya nAMde sarvAMparI| aisiye sthitIvarI| vishvamUrdhA mhaNipe || 879||
paiM gA mUrti teMchi mukha| hutAshanA jaiseM dekha| taiseM sarvapaNeM ashekha| bhokte je || 880||
yAlAgIM tayA pArthA| vishvatomukha he vyavasthA| AlI vAkpathA| shrutIchiyA || 881||
ANi vastumAtrIM gagana| jaiseM ase saMlagna| taiseM shabdajAtIM kAna| sarvatra jayA || 882||
mhaNauni AmhIM tayAteM| mhaNoM sarvatra A{i}kateM| evaM jeM sarvAMteM| AvarUni ase || 883||
eRhavIM tarI mahAmatI| vishvatashchaxu iyA shrutI| tayAchiyA vyAptI| rUpa keleM || 884||
vAMchUni hasta netra pAye| heM bhASha tetha keM Ahe \?| sarva shUnyAchA na sAhe| niShkarShu jeM || 885||
paiM kalloLAteM kalloLeM| grasijata ase aiseM kaLe| parI grasiteM grAsAvegaLeM| ase kA{I} \? || 886||
taiseM sAchachi jeM eka| tetha keM vyApyavyApaka \?| parI bolAvayA nAveka| karAveM lAge || 887||
paiM shUnya jaiM dAvAveM jAhaleM| taiM biMduleM eka pAhije keleM| taiseM advaita sAMgAveM boleM| taiM dvaita kIje || 888||
eRhavIM tarI pArthA| gurushiShyasatpathA| ADaLu paDe sarvathA| bola khuMTe || 889||
mhaNauni gA shrutI| dvaitabhAveM advaitIM| nirUpaNAchI vAhatI| vATa kelI || 890||
teMchi AtAM avadhArIM| iye netragochareM AkArIM| teM j~neya jayAparI| vyApaka ase || 891||

\indent ##\hspace{1in}## sarvendriyaguNAbhAsa.n sarvendriyavivarjitam.h |
\indent ##\hspace{1in}## asak{}ta.n sarvabhR^ichchaiva nirguNa.n guNabhok{}tR^i cha || 14||\newline%@

tarI teM gA kirITI aiseM| avakAshIM AkAsha jaiseM| paTIM paTu ho{U}ni ase| taMtu jevIM || 892||
udaka ho{U}ni udakIM| rasu jaisA avalokIM| dIpapaNeM dIpakIM| teja jaiseM || 893||
karpUratveM kApurIM| saurabhya ase jayAparI| sharIra ho{U}ni sharIrIM| karma jevIM || 894||
kiMbahunA pAMDavA| soneMchi sonayAchA ravA| taiseM jeM yA sarvAM| sarvAMgIM ase || 895||
parI ravepaNAmAjivaDe| taMva ravA aiseM AvaDe| vAMchUni soneM sAMgaDeM| sonayA jevIM || 896||
paiM gA voghuchi vAMkuDA| pari pANI ujU suhADA| vanhi AlA lokhaMDA| loha navhe kIM || 897||
ghaTAkAreM veMTALeM| tetha nabha game vAToLeM| maThIM tarI chauphaLeM| Aye dise || 898||
tari te avakAsha jaiseM| nohijatIchi kAM AkAsheM| jeM vikAra ho{U}ni taiseM| vikArI nohe || 899||
mana mukhya iMdriyAM| sattvAdi guNAM yayAM\-| sArikheM aiseM dhanaMjayA| AvaDe kIra || 900||
paiM guLAchI goDI| nohe bAMdhayA sAMgaDI| taisIM guNa iMdriyeM phuDIM| nAhIM tetha || 901||
agA xIrAchiye dashe| ghR^ita xIrAkAreM ase| parI xIrachi nohe jaiseM| kapidhvajA || 902||
taiseM jeM iye vikArIM| vikAra nohe avadhArIM| paiM AkArA nAma bhoMvarI| yera sone teM soneM || 903||
iyA ughaDa maRhATiyA| teM vegaLepaNa dhanaMjayA| jANa guNa iMdriyAM\-| pAsoniyAM || 904||
nAmarUpasaMbaMdhu| jAtikriyAbhedu| hA AkArAsIcha pravAdu| vastUsi nAhIM || 905||
teM guNa navhe kahIM| guNA tayA saMbaMdhu nAhIM| parI tayAchyAchi ThAyIM| AbhAsatI || 906||
yetuleyAsAThIM| saMbhrAMtAchyA poTIM| aiseM jAya kirITI| je heMchi dharI || 907||
tarI teM gA dharaNeM aiseM| abhrAteM jevIM AkAsheM| kAM prativadana jaiseM| ArasenI || 908||
nAtarI sUrya pratimaMDala| jaiseni dharI salila| kAM rashmikarIM mR^igajaLa| dharije jevIM || 909||
taiseM gA saMbaMdheMvINa| yayA sarvAMteM dharI nirguNa| parI teM vAyAM jANa| mithyAdR^iShTI || 910||
ANi yAparI nirguNeM| guNAteM bhogaNeM| raMkA rAjya karaNeM| svapnIM jaiseM || 911||
mhaNauni guNAchA saMgu| athavA guNabhogu| hA nirguNIM lAgu| boloM naye || 912||

\indent ##\hspace{1in}## bahirantashcha bhUtAnAmachara.n charameva cha |
\indent ##\hspace{1in}## sUkShamatvAttadavij~neya.n dUrastha.n chAntike cha tat.h || 15||\newline%@

jeM charAchara bhUtAM\-| mAjIM ase paMDusutA| nAnA vanhIM uShNatA| abhedeM jaisI || 913||
taiseni avinAshabhAveM| jeM sUxmadashe AghaveM| vyApUni ase teM jANAveM| j~neya etha || 914||
jeM eka AMtubAherI| jeM eka javaLa durI| jeM ekavAMchUni parI| dujIM nAhIM || 915||
xIrasAgarIMchI goDI| mAjIM bahu thaDiye thoDI| heM nAhIM tayA paravaDI| pUrNa jeM gA || 916||
svedajAdiprabhR^itI| vegaLAlyAM bhUtIM| jayAchiye anusyUtIM| khomaNeM nAhIM || 917||
paiM shrote mukhaTiLakA| ghaTasahasrA anekAM\-| mAjIM biMboni chaMdrikA| na bhede jevIM || 918||
nAnA lavaNakaNAchiye rAshI| xAratA ekachi jaisI| kAM koDI ekIM UsIM| ekachi goDI || 919||

\indent ##\hspace{1in}## avibhakta.n cha bhUteShu vibhaktamiva cha sthita.n |
\indent ##\hspace{1in}## bhUtabhartR^i cha taj~neya.n grasiShNu prabhaviShNu cha || 16||\newline%@

taiseM anekIM bhUtajAtIM| jeM Ahe ekI vyAptI| vishvakAryA sumatI| kAraNa jeM gA || 920||
mhaNauni hA bhUtAkAru| jethoni teMchi tayA AdhAru| kalloLA sAgaru| jiyAparI || 921||
bAlyAdi tinhIM vayasIM| kAyA ekachi jaisI| taiseM AdisthitigrAsIM| akhaMDa jeM || 922||
sAyaMprAtarmadhyAna| hotAM jAtAM dinamAna| jaiseM kAM gagana| pAlaTenA || 923||
agA sR^iShTiveLe priyottamA| jayA nAMva mhaNatI brahmA| vyApti jeM viShNunAmA| pAtra jAhaleM || 924||
maga AkAru hA hArape| tevhAM rudra jeM mhaNipe| teMhI guNatraya jevhAM lope| taiM jeM shUnya || 925||
nabhAcheM shUnyatva giLUna| guNatrayAteM nura{}Una| teM shUnya teM mahAshUnya| shrutivachanasaMmata || 926||

\indent ##\hspace{1in}## jyotiShAmapi tajjyotistamasaH paramuchyate |
\indent ##\hspace{1in}## j~nAna.n j~neya.n j~nAnagamya.n hR^idi sarvasya visThitam.h || 17||\newline%@

jeM agnIcheM dIpana| jeM chaMdrAcheM jIvana| sUryAche nayana| dekhatI jeNeM || 927||
jayAcheni ujiyeDeM| tArAMgaNa ubhaDeM| mahAteja suravADeM| rAhATe jeNeM || 928||
jeM AdIchI AdI| jeM vR^iddhIchI vR^iddhI| buddhIchI je buddhI| jIvAchA jIvu || 929||
jeM manAcheM mana| jeM netrAche nayana| kAnAche kAna| vAchechI vAchA || 930||
jeM prANAchA prANa| jeM gatIche charaNa| kriyecheM kartepaNa| jayAcheni || 931||
AkAru jeNeM AkAre| vistAru jeNeM vistAre| saMhAru jeNeM saMhAre| paMDukumarA || 932||
jeM medinIchI medinI| jeM pANI pi{}Uni ase pANI| tejA divelAvaNI| jeNeM tejeM || 933||
jeM vAyUchA shvAsoshvAsu| jeM gaganAchA avakAshu| heM aso AghavAchI AbhAsu| AbhAse jeNeM || 934||
kiMbahunA pAMDavA| jeM AghaveMchi ase AghavA| jetha nAhIM rigAvA| dvaitabhAvAsI || 935||
jeM dekhiliyAchisaveM| dR^ishya draShTA heM AghaveM| ekavATa kAlave| sAmarasyeM || 936||
maga teMchi hoya j~nAna| j~nAtA j~neya hana| j~nAneM gamije sthAna| teMhi teMchI || 937||
jaiseM saraliyAM lekha| AMkha hotI eka| taiseM sAdhyasAdhanAdika| aikyAsi ye || 938||
arjunA jiye ThAyIM| na sare dvaitAchI vahI| heM aso jeM hR^idayIM| sarvAMchyA ase || 939||

\indent ##\hspace{1in}## iti kShetra.n tathA j~nAna.n j~neya.n chok{}ta.n samAsataH |
\indent ##\hspace{1in}## madbhakta etadvij~nAya madbhAvAyopapadyate || 18||\newline%@

evaM tujapuDhAM| AdIM xetra suhADA| dAvileM phADovADAM| vivaMchunI || 940||
taiseMchi xetrApAThIM| jaiseni dekhasI diThI| teM j~nAnahI kirITI| sAMgitaleM || 941||
aj~nAnAhI kautukeM| rUpa keleM nikeM| jaMva AyaNI tujhI TeMke| pure mhaNe || 942||
ANi AtAM heM rokaDeM| upapattIcheni pavADeM| nirUpileM ughaDeM| j~neya paiM gA || 943||
he AghavIcha vivaMchanA| buddhI bharoni arjunA| matsiddhibhAvanA| mAjhiyA yetI || 944||
dehAdi parigrahIM| saMnyAsu karUniyAM jihIM| jIvu mAjhyA ThA{I}M| vR^ittiku kelA || 945||
te mAteM kirITI| heMchi jANauniyAM shevaTIM| ApaNapayAM sATovATIM| mIchi hotI || 946||
mIchi hotI parI| he mukhya gA avadhArIM| sohopI sarvAMparI| rachilIM AmhIM || 947||
kaDAM pAyarI kIje| nirALIM mAchu bAMdhije| athAvIM su{}ije| tarI jaisI || 948||
eRhavIM avagheMchi AtmA| heM sAMgoM jarI vIrottamA| parI tujhiyA manodharmA| miLela nA || 949||
mhaNauni ekachi saMchaleM| chaturdhA AmhIM keleM| jeM adaLapaNa dekhileM| tujhiye praj~ne || 950||
paiM bALa jaiM jevavije| taiM ghAMsu visA ThAyIM kIje| taiseM ekachi heMchaturvyAjeM| kathileM AmhIM || 951||
eka xetra eka j~nAna| eka j~neya eka aj~nAna| he bhAga kele avadhAna| jANauni tujheM || 952||
ANi aisenahI pArthA| jarI hA abhiprAvo tuja hAtA| naye tarI he vyavasthA| eka veLa sAMgoM || 953||
AtAM chauThAyIM na karUM| ekahI mhaNauni na sarUM| AtmAnAtmayA dharUM| sarisA pADu || 954||
pari tuvAM yetuleM karAveM| mAgoM teM AmhAM de{A}veM| je kAnachi nAMva ThevAveM| ApaNa paiM gA || 955||
yA shrIkR^iShNAchiyA bolA| pArthu romAMchitu jAhalA| tetha devo mhaNatI bhalA| uchaMbaLenA || 956||
aiseni to yetAM vegu| dharUni mhaNe shrIraMgu| prakR^itipuruShavibhAgu| pariseM sAMgoM || 957||

\indent ##\hspace{1in}## prakR^iti.n puruSha.n chaiva viddhyanAdI ubhAvapi |
\indent ##\hspace{1in}## vikArA.nshcha guNA.nshchaiva viddhi prakR^itisa.nbhavAn || 19||\newline%@

jayA mArgAteM jagIM| sAMkhya mhaNatI yogI| jayAchiye bhATivelAgIM| mI kapila jAhaloM || 958||
to A{i}ka nirdokhu| prakR^itipuruShaviveku| mhaNe Adipurukhu| arjunAteM || 959||
tarI puruSha anAdi AthI| ANi taiMchi lAgoni prakR^iti| saMsarisI divorAtI| donI jaisI || 960||
kAM rUpa nohe vAyAM| parI rUpA lAgalI ChAyA| nikaNu vADhe dhanaMjayA| kaNeMsIM koMDA || 961||
taisIM jANa javaTeM| donhIM iyeM ekavaTe| prakR^itipuruSha pragaTeM| anAdisiddheM || 962||
paiM xetra yeNeM nAMveM| jeM sAMgitaleM AghaveM| teMchi etha jANAveM| prakR^iti he gA || 963||
ANi xetraj~na aiseM| jayAteM mhaNitaleM ase| to puruSha heM anArise| na boloM ghe{I}M || 964||
iyeM AnAneM nAMveM| parI nirUpya Ana nohe| heM laxaNa na chukAveM| puDhatapuDhatI || 965||
tarI kevaLa je sattA| to puruSha gA paMDusutA| prakR^itIteM samastAM| kriyA nAma || 966||
buddhi iMdriyeM aMtaHkaraNa| ityAdi vikArabharaNa| ANi te tinhI guNa| sattvAdika || 967||
hA AghavAchi meLAvA| prakR^itI jAhalA jANAvA| hechi hetu saMbhavA| karmAchiyA || 968||

\indent ##\hspace{1in}## kAryakAraNakartR^itve hetuH prakR^itiruchyate |
\indent ##\hspace{1in}## puruShaH sukhaduHkhAnA.n bhok{}tR^itve heturuchyate || 20||\newline%@

tetha ichChA ANi buddhi| ghaDavI ahaMkAreMsIM AdhIM| maga tiyA lAvitI vedhIM| kAraNAchyA || 969||
teMchi kAraNa ThAkAvayA| jeM sUtra dharaNeM upAyA| tayA nAMva dhanaMjayA| kArya paiM gA || 970||
ANi ichChA madAchyA thAvIM| lAgalI manAteM uThavI| teM iMdriyeM rAhATavI| heM kartR^itva paiM gA || 971||
mhaNauni tInhI yA jANA| kAryakartR^itvakAraNA| prakR^iti mULa he rANA| siddhAMchA mhaNe || 972||
evaM tihIMcheni samavAyeM| prakR^iti karmarUpa hoye| parI jayA guNA vADhe trAye| tyAchi sArikhI || 973||
jeM sattvaguNeM adhiShThije| teM satkarma mhaNije| rajoguNeM niphaje| madhyama teM || 974||
jeM kAM kevaLa tameM| hotI jiyeM karmeM| niShiddheM adhameM| jANa tiyeM || 975||
aiseni saMtAsaMteM| karmeM prakR^itIstava hoteM| tayApAsoni nirvALateM| sukhaduHkha gA || 976||
asaMtIM duHkha upaje| satkarmIM sukha niphaje| tayA dohIMchA bolije| bhogu puruShA || 977||
sukhaduHkheM jaMvavarI| niphajatI sAchokArIM| taMva prakR^iti udyamu karI| puruShu bhogI || 978||
prakR^itipuruShAMchI kuLavADI| sAMgatAM asaMgaDI| je AMbulI joDI| AMbulA khAya || 979||
AMbulA AMbuliye| saMgatI nA soye| kIM AMbulI jaga viye| choja aikA || 980||

\indent ##\hspace{1in}## puruShaH prakR^itistho hi bhu.nk{}te prakR^itijAnguNAn |
\indent ##\hspace{1in}## kAraNa.n guNa sa.ngo.asya sadasadyonijanmasu || 21||\newline%@

je anaMgu to peMdhA| nikavaDA nusadhA| jIrNu ativR^iddhA\-| pAsoni vR^iddhu || 981||
tayA ADanAMva puruShu| eRhavIM strI nA napuMsaku| kiMbahunA eku| nishchayo nAhIM || 982||
to achaxu ashravaNu| ahastu acharaNu| rUpa nA varNu| nAma AthI || 983||
arjunA kAMhIMchi jetha nAhIM| to prakR^itIchA bhartA pAhIM| kIM bhogaNeM aisayAhI| sukhaduHkhAMcheM || 984||
to tarI akartA| udAsu abhoktA| parI iyA pativratA| bhogavije || 985||
jiyeteM aLumALu| rUpAguNAchA chALaDhALu| te bhalataisAhI kheLu| lekhA ANI || 986||
mA iye prakR^itI taMva| guNamayI heMchi nAMva| kiMbahunA sAveva| guNa techi he || 987||
he pratixaNIM nItya navI| rUpA guNAchIcha AghavI| jaDAteMhI mAjavI| iyechA mAju || 988||
nAmeM iyeM prasiddheM| sneho iyA snigdheM| iMdriyeM prabuddheM| iyecheni || 989||
kAyi mana heM napuMsaka| kIM te bhogavI tinhI loka| aiseM aiseM alaukika| karaNeM iyecheM || 990||
he bhramAche mahAdvIpa| vyAptIcheM rUpa| vikAra umapa| iyA kele || 991||
he kAmAchI mAMDavI| he mohavanIMchI mAdhavI| iye prasiddhachi daivI| mAyA he nAma || 992||
he vA~NmayAchI vADhI| he sAkArapaNAchI joDI| prapaMchAchI dhADI| abhaMga he || 993||
kaLA ethuni jAliyA| vidyA iyechyA keliyA| ichChA j~nAna kriyA| viyAlI he || 994||
he nAdAchI TAMkasALa| he chamatkArAcheM veLA{u}La| kiMbahunA sakaLa| kheLu iyechA || 995||
je utpatti pralayo hota| te iyeche sAyaMprAta| heM aso ad{}bhuta| mohana he || 996||
he advayAcheM dusareM| he niHsaMgAcheM soyare| nirALeMsi ghareM| nAMdata ase || 997||
iyeteM yetulAvarI| saubhAgyavyAptIchI thorI| mhaNauni tayA AvarI| anAvarAteM || 998||
tayAchyA taMva ThAyIM| nipaTUni kAMhIMchi nAhIM| kIM tayA AghavehIM| ApaNachi hoya || 999||
tayA svayaMbhAchI saMbhUtI| tayA amUrtAchI mUrtI| ApaNa hoya sthitI| ThAvo tayA || 1000||
tayA anArtAchI ArtI| tayA pUrNAchI tR^iptI| tayA akuLAchI jAtI\-| gota hoya || 1001||
tayA acharchAcheM chinha| tayA apArAcheM mAna| tayA amanaskAcheM mana| buddhIhI hoya || 1002||
tayA nirAkArAchA AkAru| tayA nirvyApArAchA vyApAru| nirahaMkArAchA ahaMkAru| ho{U}ni ThAke || 1003||
tayA anAmAcheM nAma| tayA ajAcheM janma| ApaNa hoya karma\-| kriyA tayA || 1004||
tayA nirguNAche guNa| tayA acharaNAche charaNa| tayA ashravaNAche shravaNa| achaxUche chaxu || 1005||
tayA bhAvAtItAche bhAva| tayA niravayavAche avayava| kiMbahunA hoya sarva| puruShAcheM he || 1006||
aiseni iyA prakR^itI| ApuliyA sarva vyAptI| tayA avikArAteM vikR^itI\-| mAjIM kIje || 1007||
tetha puruShatva jeM ase| teM ye iye prakR^itidashe| chaMdramA aMvase| paDilA jaisA || 1008||
vidaLa bahu chokhA| mInaliyA vAlA ekA| kasu hoya pAMchakA| jayAparI || 1009||
kAM sAdhUteM goMdhaLI| saMchAroni suye maiLI| nAnA sudinAchA AbhALIM| durdinu kIje || 1010||
jevIM paya pashUchyA poTIM| kAM vanhi jaisA kAShThIM| guMDUni ghetalA paTIM| ratnadIpu || 1011||
rAjA parAdhInu jAhalA| kAM siMhu rogeM ruMdhalA| taisA puruSha prakR^itI AlA| svatejA muke || 1012||
jAgatA naru sahasA| nidrA pADUni jaisA| svapnIMchiyA sosA| vashyu kIje || 1013||
taiseM prakR^iti jAlepaNeM| puruShA guNa bhogaNeM| udAsa aMturIguNeM| AtuDe jevIM || 1014||
taiseM ajA nityA hoye| AMgIM janmamR^ityUche ghAye| vAjatI jaiM lAhe| guNasaMgAteM || 1015||
pari teM aiseM paMDusutA| tAtaleM loha piTitAM| jevIM vanhIsIchi ghAtA| bolatI tayA || 1016||
kAM AMdoLaliyA udaka| pratibhA hoya aneka| teM nAnAtva mhaNatI loka| chaMdrIM jevIM || 1017||
darpaNAchiyA javaLikA| dujepaNa jaiseM ye mukhA| kAM kuMkumeM sphaTikA| lohitatva ye || 1018||
taisA guNasaMgameM| ajanmA hA janme| pAvatu aisA game| eRhavIM nAhIM || 1019||
adhamottamA yonI| yAsi aisiyA mAnI| jaisA saMnyAsI hoya svapnIM| aMtyajAdi jAtI || 1020||
mhaNauni kevaLA puruShA| nAhIM hoNeM bhogaNeM dekhA| yetha guNasaMguchi ashekhA\-| lAgIM mULa || 1021||

\indent ##\hspace{1in}## upadraShTA.anumantA cha bhartA bhok{}tA maheshvaraH |
\indent ##\hspace{1in}## paramAtmeti chApyuk{}to dehe.asmin puruShaH paraH || 22||\newline%@

hA prakR^itimAjIM ubhA| parI ju{I} jaisA vothaMbA| iyA prakR^iti pR^ithvI nabhA| tetulA pADu || 1022||
prakR^itisaritechyA taTIM| meru hoya hA kirITI| mAjIM biMbe parI loTIM| loToM neNe || 1023||
prakR^iti hoya jAye| hA to asatuchi Ahe| mhaNauni AbrahmAcheM hoye| shAsana hA || 1024||
prakR^iti yeNeM jiye| yAchiyA sattA jaga viye| iyAlAgIM iye| varayetu hA || 1025||
anaMteM kALeM kirITI| jiyA miLatI iyA sR^iShTI| tiyA rigatI yayAchyA poTIM| kalpAMtasamayIM || 1026||
hA mahad{}brahmagosAvI| brahmagoLa lAghavI| apArapaNeM mavI| prapaMchAteM || 1027||
paiM yA dehAmAjhArIM| paramAtmA aisI je parI| bolije teM avadhArIM| yayAteMchi || 1028||
agA prakR^itiparautA| eku AthI paMDusutA| aisA pravAdu to tattvatA| puruShu hA paiM || 1029||

\indent ##\hspace{1in}## ya eva.n vetti puruSha.n prakR^iti.n cha guNaiH saha |
\indent ##\hspace{1in}## sarvathA vartamAno.api na sa bhUyo.abhijAyate || 23||\newline%@

jo nikhaLapaNeM yeNeM| puruShA yayA jANe| ANi guNAMcheM karaNeM| prakR^itIcheM teM || 1030||
heM rUpa he ChAyA| paila jaLa he mAyA| aisA nivADu dhanaMjayA| jevIM kIje || 1031||
teNeM pADeM arjunA| prakR^itipuruShavivaMchanA| jayAchiyA manA| gochara jAhalI || 1032||
to sharIrAcheni meLeM| karUM kAM karmeM sakaLeM| parI AkAsha dhu{}I na maiLe| taisA ase || 1033||
Athileni deheM| jo na ghepe dehamoheM| deha geliyA nohe| punarapi to || 1034||
aisA tayA eku| prakR^itipuruShaviveku| upakAru alaukiku| karI paiM gA || 1035||
parI hAchi aMtarIM| viveka bhAnUchiyA parI| udaije teM avadhArIM| upAya bahuta || 1036||

\indent ##\hspace{1in}## dhyAnenAtmani pashyanti kechidAtmAnamAtmanA |
\indent ##\hspace{1in}## anye sA.nkhyena yogena karmayogena chApare || 24||\newline%@

koNI eku subhaTA| vichArAchA AgiTAM| AtmAnAtmakiTA| puTeM de{}unI || 1037||
ChattIsahI vAnI bheda| toDoniyAM nirvivAda| nivaDitI shuddha| ApaNapeM || 1038||
tayA ApaNapayAchyA poTIM| AtmadhyAnAchiyA diThI| dekhatI gA kirITI| ApaNapeMchi || 1039||
ANika paiM daivabageM| chitta detI sAMkhyayogeM| eka te aMgalageM| karmAchenI || 1040||

\indent ##\hspace{1in}## anye tvevamajAnantaH shrutvA.anyebhya upAsate |
\indent ##\hspace{1in}## te.api chAtitara.ntyeva mR^ityu.n shrutiparAyaNaH || 25||\newline%@

yeNeM yeNeM prakAreM| nistaratI sAchokAreM| heM bhavA bhe{}ureM| AghaveMchi || 1041||
parI te karitI aiseM| abhimAnu davaDUni desheM| ekAchiyA vishvAseM| TeMkatI bolA || 1042||
je hitAhita dekhatI| hAni kaNavA ghepatI| pusoni shiNu haritI| detI sukha || 1043||
tayAMcheni mukheM jeM nighe| tetuleM AdareM chAMgeM| aikoniyAM AMgeM| maneM hotI || 1044||
tayA aikaNeyAchi nAMveM| ThevitI gA AghaveM| tayA axarAMsIM jIveM| loNa karitI || 1045||
tehI aMtIM kapidhvajA| iyA maraNArNavasamAjA\-| pAsUni nighatI vojA| gomaTiyA || 1046||
aisese he upAye| bahuvasa etheM pAheM| jANAvayA hoye| ekI vastu || 1047||
AtAM pure he bahuta| paiM sarvArthAcheM mathita| siddhAMtanavanIta| de{}UM tuja || 1048||
yetuleni paMDusutA| anubhava lAhANA AyitA| yera taMva tuja hotAM| sAyAsa nAhIM || 1049||
mhaNauni te buddhi rachUM| matavAda he khAMchUM| solIva nirvachUM| phalitArthuchI || 1050||

\indent ##\hspace{1in}## yAvatsa.njAyate ki.nchitsattva.n sthAvaraja.ngamam.h |
\indent ##\hspace{1in}## kShetrakShetraj~nasa.nyogAttadviddhi bharatarShabha || 26||\newline%@

tarI xetraj~na yeNeM boleM| tuja ApaNapeM jeM dAvileM| ANi xetrahI sAMgitaleM| AghaveM jeM || 1051||
tayA yerayerAMchyA meLIM| ho{I}je bhUtIM sakaLIM| anilasaMgeM salilIM| kalloLa jaise || 1052||
kAM tejA ANi ukharA| bheTI jAliyA vIrA| mR^igajaLAchiyA pUrA| rUpa hoya || 1053||
nAnA dhArAdharadhArIM| jhaLaMbaliyA vasuMdharI| uThije jevIM aMkurIM| nAnAvidhIM || 1054||
taiseM charAchara AghaveM| jeM kAMhIM jIvu nAveM| teM toM ubhayayogeM saMbhave| aiseM jANa || 1055||
iyAlAgIM arjunA| xetraj~nA pradhAnA\-| pAsUni na hotI bhinnA| bhUtavyaktI || 1056||

\indent ##\hspace{1in}## sama.n sarveShu bhUteShu tiShThanta.n parameshvaram.h |
\indent ##\hspace{1in}## vinashyatsvavinashyanta.n yaH pashyati sa pashyati || 27||\newline%@

paiM paTatva taMtu navhe| tarI taMtUsIchi teM Ahe| aisAM kholIM DoLAM pAheM| aikya heM gA || 1057||
bhUteM AghavIMchi hotI| ekAchIM eka AhAtI| parI tUM pratItI| yAMchI ghe pAM || 1058||
yAMchIM nAmeMhI AnAneM| anArisIM vartaneM| veShahI sinAne| AghaveyAMche || 1059||
aiseM dekhoni kirITI| bheda sUsI hana poTIM| tarI janmAchiyA koTI| na lAhasI nighoM || 1060||
paiM nAnAprayojanashILeM| dIrgheM vakreM vartuLeM| hotI ekAchIMcha phaLeM| tuMbiNIyechIM || 1061||
hotu kAM ujU vAMkuDeM| parI borIche heM na moDe| taisI bhUteM avaghaDeM| parI vastu ujU || 1062||
aMgArakaNIM bahuvasIM| uShNatA samAna jaishI| taisA nAnA jIvarAshIM| pareshu ase || 1063||
gaganabharI dhArA| parI pANI ekachi vIrA| taisA yA bhUtAkArA| sarvAMgIM to || 1064||
heM bhUtagrAma viShama| parI vastU te etha sama| ghaTamaThIM vyoma| jiMyAparI || 1065||
hA nAshatAM bhUtAbhAsu| etha AtmA to avinAshu| jaisA keyUrAdikIM kasu| suvarNAchA || 1066||
evaM jIvadharmahInu| jo jIveMsIM abhinnu| dekha to sunayanu| j~nAniyAMmAjIM || 1067||
j~nAnAchA DoLA DoLasAM\-| mAjIM DoLasu to vIreshA| he stuti nohe bahuvasA| bhAgyAchA to || 1068||

\indent ##\hspace{1in}## sama.n pashyanhi sarvatra samavasthitamIshvaram.h |
\indent ##\hspace{1in}## na hinastyAtmanAtmAna.n tato yAti parA.n gatim.h || 28||\newline%@

je guNeMdriya dhokoTI| deha dhAtUMchI trikuTI| pAMchameLAvA vokhaTI| dAruNa he || 1069||
heM ughaDa pAMchave{u}lI| paMchadhAM AgI lAgalI| jIvapaMchAnanA sAMpaDalI| hariNakuTI he || 1070||
aisA asoni iye sharIrIM| koNa nityabuddhIchI surI| anityabhAvAchyA udarIM| dATIchinA || 1071||
parI iye dehIM asatAM| jo nayechi ApaNayA ghAtA| ANi shekhIM paMDusutA| tetheMchi miLe || 1072||
jetha yogaj~nAnAchiyA prauDhI| volAMDUniyAM janmakoDI| na nigoM iyA bhAShA buDI| detI yogI || 1073||
jeM AkArAcheM paila tIra| jeM nAdAchI paila mera| turyecheM mAjaghara| parabrahma jeM || 1074||
moxAsakaTa gatI| jetheM yetI vishrAMtI| gaMgAdi ApAMpatI| saritA jevIM || 1075||
teM sukha yeNeMchi deheM| pAya pAkhALaNiyA lAhe| jo bhUtavaiShamyeM nohe| viShamabuddhI || 1076||
dIpAMchiyA koDI jaiseM| ekachi teja sariseM| taisA jo asatuchi ase| sarvatra Ishu || 1077||
aiseni samatveM paMDusutA| jiye jo dekhata sAtA| to maraNa ANi jIvitA| nAgave phuDA || 1078||
mhaNauni to daivAgaLA| vAnIta asoM veLoveLAM| je sAmyaseje DoLAM| lAgalA tayA || 1079||

\indent ##\hspace{1in}## prakR^ityaiva cha karmANi kriyamANAni sarvashaH |
\indent ##\hspace{1in}## yaH pashyati tathA.a.atmAna.nakartAra.n sa pashyati || 29||\newline%@

ANi manobuddhipramukheM| karmeMdriyeM ashekheM| karI prakR^itIchi heM dekhe| sAcha jo gA || 1080||
gharIMchIM rAhaTatI gharIM| ghara kAMhIM na karI| abhra dhAMve aMbarIM| aMbara teM ugeM || 1081||
taisI prakR^iti AtmaprabhA| kheLe guNIM vividhAraMbhA| yetha AtmA to vothaMbA| neNe koNa || 1082||
aiseni yeNeM nivADeM| jayAchyA jIvIM ujivaDeM| akartayAteM phuDeM| dekhileM teNeM || 1083||

\indent ##\hspace{1in}## yadA bhUtapR^ithagbhAvamekasthamanupashyati |
\indent ##\hspace{1in}## tata eva cha vistAra.n brahma sa.npadyate tadA || 30||\newline%@

eRhavIM taiMchi arjunA| ho{I}je brahmasaMpannA| jaiM yA bhUtAkR^itI bhinnA| disatI ekI || 1084||
laharI jaisiyA jaLIM| paramANukaNikA sthaLIM| rashmIkaramaMDaLIM| sUryAchyA jevIM \? || 1085||
nAtarI dehIM aveva| manIM Aghavechi bhAva| visphuliMga sAveva| vanhIM ekIM || 1086||
taise bhUtAkAra ekAche| heM diThI rige jaiM sAcheM| taiMchi brahmasaMpattIcheM| tArUM lAge || 1087||
maga jayA tayAkaDe| brahmechi diThI ughaDe| kiMbahunA joDe| apAra sukha || 1088||
yetuleni tuja pArthA| prakR^itipuruShavyavasthA| ThAyeM ThAvo pratItipathA\-| mAjIM jAhalI \? || 1089||
amR^ita jaiseM ye chuLA| kAM nidhAna dekhije DoLAM| tetulA jivhALA| mAnAvA hA || 1090||
jI jAhaliye pratItI| ghara bAMdhaNeM jeM chittIM| teM AtAM nA subhadrApatI| iyAvarI || 1091||
tarI eka donhI te bola| bolijatI sakhola| de{I}M manAteM vola| maga te ghe{I}M || 1092||
aiseM deveM mhaNitaleM| maga boloM AdarileM| tetheM avadhAnAchechi keleM| sarvAMga yereM || 1093||

\indent ##\hspace{1in}## anAditvAnnirguNatvAt.h paramAtmAyamavyayaH |
\indent ##\hspace{1in}## sharIrastho.api kaunteya na karoti na lipyate || 31||\newline%@

tarI paramAtmA mhaNipe| to aisA jANa svarUpeM| jaLIM jaLeM na liMpe| sUryu jaisA || 1094||
kAM je jaLA AdIM pAThIM| to asatuchi ase kirITI| mAjIM biMbe teM dR^iShTI| ANikAMchiye || 1095||
taisA AtmA dehIM| Athi mhaNipe heM kAMhIM| sAcheM tarI nAhIM| to jethiMchA tetheM || 1096||
ArisAM mukha jaiseM| biMbaliyA nAma ase| dehIM vasaNeM taiseM| AtmatattvA || 1097||
tayA dehA mhaNatI bheTI| he sapAyI nirjIva goThI| vAriyA vALuve gAMThI| keMhI Ahe \? || 1098||
AgI ANi kApusA| dorA suvAvA kaisA| ke{}utA sAMdA AkAshA| pAShANeMsI \? || 1099||
eka nighe pUrvekaDe| eka teM pashchimekaDe| tiye bheTIcheni pADeM| saMbaMdhu hA || 1100||
ujiyeDA ANi aMdhAreyA| jo pADu mR^itA ubheyAM| tochi gA AtmayA| dehA jANa || 1101||
rAtrI ANi divasA| kanakA ANi kApusA| apADu kAM jaisA| taisAchi yAsI || 1102||
deha taMva pAMchAMcheM jAleM| heM karmAcheM guNIM guMthale| bhaMvatase chAkIM sUdaleM| janmamR^ityUchyA || 1103||
heM kALAnaLAchyA toMDIM| ghAtalI loNiyAchI uMDI| mAshI pAMkhu pAkhaDI| taMva heM sare || 1104||
heM vipAyeM AgIMta paDe| tarI bhasma ho{U}ni uDe| jAhaleM shvAnA varapaDeM| tarI te viShThA || 1105||
yA chuke dohIM kAjA| tarI hoya kR^imIMchA puMjA| hA pariNAmu kapidhvajA| kashmalu gA || 1106||
yA dehAchI he dashA| ANi AtmA to etha aisA| paiM nitya siddha ApaisA| anAdipaNeM || 1107||
sakaLu nA niShkaLu| akriyu nA kriyAshILu| kR^isha nA sthuLu| nirguNapaNeM || 1108||
AbhAsu nA nirAbhAsu| prakAshu nA aprakAshu| alpa nA bahuvasu| arUpapaNeM || 1109||
ritA nA bharitu| rahitu nA sahitu| mUrtu nA amUrtu| shUnyapaNeM || 1110||
AnaMdu nA nirAnaMdu| eka nA vividhu| mukta nA baddhu| AtmapaNeM || 1111||
yetulA nA tetulA| A{i}tA nA rachilA| bolatA nA ugalA| alakshapaNeM || 1112||
sR^iShTIchyA hoNA na rache| sarvasaMhAreM na veMche| AthI nAthI yA dohIMcheM| paMchatva to || 1113||
mave nA charche| vADhe nA khAMche| viTe nA veMche| avyayapaNeM || 1114||
evaM rUpa paiM AtmA| dehIM jeM mhaNatI priyottamA| teM maThAkAreM vyomA| nAma jaiseM || 1115||
taiseM tayAchiye anusyUtI| hotI jAtI dehAkR^itI| to ghe nA sAMDI sumatI| jaisA taisA || 1116||
ahorAtreM jaishI| yetI jAtI AkAshIM| AtmasatteM taisIM| deheM jANa || 1117||
mhaNauni iyeM sharIrIM| kAMhIM karavIM nA karI| AyatAhI vyApArIM| sajja na hoya || 1118||
yAlAgIM svarUpeM| uNA purA na ghepe| heM aso to na liMpe| dehIM dehA || 1119||

\indent ##\hspace{1in}## yathA sarvagata.n saukShmyAdAkAsha.n nopalipyate |
\indent ##\hspace{1in}## sarvatrAvasthito dehe tathA.a.atmA nopalipyate || 32||\newline%@

agA AkAsha keM nAhIM \?| heM na righechi kavaNe ThAyIM \?| parI kAyiseni kahIM| gAdijenA || 1120||
taisA sarvatra sarva dehIM| AtmA asatuchi ase pAhIM| saMgadoSheM ekeMhI| lipta nohe || 1121||
puDhatapuDhatI etheM| heMchi laxaNa niruteM| je jANAveM xetraj~nAteM| xetravihInA || 1122||
saMsargeM cheShTije loheM| parI loha bhrAmaku nohe| xetraxetraj~nAM Ahe| tetulA pADu || 1123||
dIpakAchI archI| rAhATI vAhe gharIMchI| parI vegaLIka koDIchI| dIpA ANi gharA || 1124||
paiM kAShThAchyA poTIM| vanhi ase kirITI| parI kAShTha nohe yA dR^iShTI| pAhije hA || 1125||
apADu nabhA AbhALA| ravi ANi mR^igajaLA| taisAchi hAhI DoLAM| dekhasI jarI || 1126||

\indent ##\hspace{1in}## yathA prakAshayatyekaH kR^itsna.n lokamima.n raviH |
\indent ##\hspace{1in}## kShetra.n kShetrI tathA kR^its{}na.n prakAshayati bhArata || 33||\newline%@

heM AghaveMchi aso eku| gaganauni jaisA arku| pragaTavI loku| nAMveM nAMveM || 1127||
etha xetraj~nu to aisA| prakAshaku xetrAbhAsA| yAvaruteM heM na pusA| shaMkA neghA || 1128||

\indent ##\hspace{1in}## kShetrakShetraj~nayorevamantara.n j~nAnachakShuShA |
\indent ##\hspace{1in}## bhUtaprakR^itimokSha.n cha viduryAnti te param.h || 34||\newline%@

\indent ##\hspace{1in}## AUM tatsaditi shrImadbhagavadgItAsUpaniShatsu brahmavidyAyA.n yogashAstre
\indent ##\hspace{1in}## shrIkR^iShNArjunasa.nvAde kShetrakShetraj~nayogonAma trayodasho.adhyAyaH || 13a ||\newline%@

shabdatattvasAraj~nA| paiM dekhaNeM techi praj~nA| je xetrA xetraj~nA| apADu dekhe || 1129||
iyA dohIMcheM aMtara| dekhAvayA chatura| j~nAniyAMche dvAra| ArAdhitI || 1130||
yAchilAgIM sumatI| joDitI shAMtisaMpattI| shAstrAMchIM dubhatIM| positI gharIM || 1131||
yogAchiyA AkAshA| vaLaghije yevaDhAchi dhiMvasA| yAchiyAchi AshA| puruShAsi gA || 1132||
sharIrAdi samasta| mAnitAti tR^iNavata| jIveM saMtAMche hota| vAhaNadharu || 1133||
aisaisiyAparI| j~nAnAchiyA bharovarI| karUniyAM aMtarIM| niruteM hotI || 1134||
maga xetraxetraj~nAMcheM| jeM aMtara dekhatI sAcheM| j~nAneM unmekha tayAMcheM| vovALUM AmhI || 1135||
ANi mahAbhUtAdikIM| prabhedalIM anekIM| pasaralIse laTikI| prakR^iti je he || 1136||
je shukanaLikAnyAyeM| na lagatI lAgalI Ahe| heM jaiseM taiseM hoye| ThA{u}veM jayAM || 1137||
jaisI mALA te mALA| aisIchi dekhije DoLAM| sarpabuddhi TavALA| ukhI ho{u}nI || 1138||
kAM shukti te shuktI| he sAcha hoya pratItI| rupeyAchI bhrAMtI| jA{U}niyAM || 1139||
taisI vegaLI vegaLepaNeM| prakR^iti je aMtaHkaraNeM| dekhatI te mI mhaNeM| brahma hotI || 1140||
jeM AkAshAhUni vADa| jeM avyaktAchI paila kaDa| jeM bheTaliyA apADA pADa| paDoM nedI || 1141||
AkAru jetha sare| jIvatva jetha vire| dvaita jetha nure| advaya jeM || 1142||
teM parama tattva pArthA| hotI te sarvathA| je AtmAnAtmavyavasthA\-| rAjahaMsu || 1143||
aisA hA jI AghavA| shrIkR^iShNeM tayA pAMDavA| ugANA didhalA jIvA| jIvAchiyA || 1144||
yera kalashIMcheM yerIM| richavije jayAparI| ApaNapeM tayA shrIharI| didhaleM taiseM || 1145||
ANi koNA detA koNa| to nara taisA nArAyaNa| varI arjunAteM shrIkR^iShNa| hA mI mhaNe || 1146||
parI aso teM nAthileM| na pusatAM kAM mI boleM| kiMbahunA didhaleM| sarvasva deveM || 1147||
kIM to pArthu jI manIM| ajhunI tR^iptI na manI| adhikAdhika utAnhI| vADhavItu ase || 1148||
snehAchiyA bharovarI| AMbuthilA dIpu ghe thorI| chADa arjunA aMtarIM| parisatAM taisI || 1149||
tetha sugariNI ANi udAre| rasaj~na ANi jevaNAre| miLatI maga avatare| hAtu jaisA || 1150||
taiseM jI hotase devA| tayA avadhAnAchiyA lavalavA| pAhatAM vyAkhyAna chaDhaleM thAMvA| chauguNeM varI || 1151||
suvAyeM meghu sAMvare| jaisA chaMdreM siMdhu bhare| taisA mAtulA rasu AdareM| shrotayAMcheni || 1152||
AtAM AnaMdamaya AghaveM| vishva kIjela deveM| teM rAyeM parisAveM| saMjayo mhaNe || 1153||
evaM je mahAbhAratIM| shrIvyAseM AprAMtamatI| bhIShmaparvasaMgatIM| mhaNitalI kathA || 1154||
to kR^iShNArjunasaMvAdu| nAgarIM bolIM vishadu| sAMgoni dA{U}M prabaMdhu| voviyechA || 1155||
nusadhIchi shAMtikathA| ANijela kIra vAkpathA| je shR^iMgArAchyA mAthAM| pAya ThevI || 1156||
dA{U}M velhALe deshI navI| je sAhityAteM vojAvI| amR^itAteM chukI ThevI| goDiseMpaNeM || 1157||
bola volhAvateni guNeM| chaMdrAsi ghe umANe| rasaraMgIM bhulavaNeM| nAdu lopI || 1158||
khecharAMchiyAhI manA| ANIna sAttvikAchA pAnhA| shravaNAsaveM sumanA| samAdhi joDe || 1159||
taisA vAgvilAsa vistArU| gItArtheMsI vishva bharUM| AnaMdAcheM AvArUM| mAMDUM jagA || 1160||
phiTo vivekAchI vANI| ho kAnAmanAchI jiNI| dekho AvaDe to khANI| brahmavidyechI || 1161||
diso paratattva DoLAM| pAho sukhAchA sohaLA| righo mahAbodha sukALA\-| mAjIM vishva || 1162||
heM niphajela AtAM AghaveM| aiseM bolijela baraveM| jeM adhiShThilA aseM paramadeveM| shrInivR^ittIM mI || 1163||
mhaNauni axarIM subhedIM| upamA shloka koMdAkoMdI| jhADA de{I}na pratipadIM| graMthArthAsI || 1164||
hA ThAvovarI mAteM| puratayA sArasvateM| keleM ase shrImaMteM| shrIgururAyeM || 1165||
teNeM jI kR^ipAsAvAyeM| mI boleM tetuleM sAmAye| ANi tumachiye sabhe lAheM| gItA mhaNoM || 1166||
varI tumhA saMtAMche pAye| Aji mI lAdhaloM AheM| mhaNauni jI nohe| aTaku kAhIM || 1167||
prabhu kAshmirIM mukeM| nupaje heM kAya kautukeM| nAhIM uNIM sAmudrikeM| laxmIyesI || 1168||
taisI tumhAM saMtAMpAsIM| aj~nAnAchI goThI kAyasI| yAlAgIM navarasIM| varuShena mI || 1169||
kiMbahunA AtAM devA| avasaru maja deyAvA| j~nAnadeva mhaNe baravA| sAMgena graMthu || 1170||
iti shrIj~nAnadevavirachitAyAM bhAvArthadIpikAyAM trayodasho.adhyAyaH ||
%End of 13@
\bigskip\hrule\medskip
##
{\rm \Large
Encoded and proofread by
Chhaya Deo, Sharad Deo, and Vishwas Bhide.
Assisted by
Sunder Hattangadi, Joshi, and Shree Devi Kumar.}
\medskip\hrule\obeylines
{\rm Please send corrections to sanskrit at cheerful dot c om}
{\rm Last updated \today}
\end{document}