%@@1
% File name             : dn06.itx
%--------------------------------------------
% Text title            : Dnyaneshvari or Bhavarthadipika Chapter 6
% Author                : Sant Dnyaneshwar
% Language              : Marathi, Sanskrit
% Subject               : philosophy/hinduism/religion
% Description/comments  : 
% Transliterated by     : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Proofread by          : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Latest update         : June 20, 2005
% Send corrections to   : sanskrit at cheerful dot c om
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://sanskritdocuments.org
% http://sanskrit.bhaarat.com  See the document project
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dnyaneshvari or Bhavarthadipika Chapter 6 ..}##
\itxtitle{.. j~nAneshvarI bhAvArthadIpikA adhyAya 6 ..}##\endtitles ##
%Start of 06@
|| AUM shrI paramAtmane namaH ||
adhyAya sahAvA |
aatmasa.nyamayogaH |

maga rAyAteM mhaNe saMjayo| tochi abhiprAvo avadhArijo| kR^iShNa sAMgatI AtAM jo| yogarUpa || 1||
sahajeM brahmarasAcheM pAraNeM| keleM arjunAlAgIM nArAyaNeM| kIM techi avasarIM pAhuNe| pAtaloM AmhI || 2||
kaisI daivAchI AgaLika neNije| jaiseM tAnheliyA toya sevije| kIM teMchi chavI karUni pAhije| taMva amR^ita Ahe || 3||
taiseM AmhAM tumhAM jAhaleM| je ADamuThIM tattva phAvaleM| taMva dhR^itarAShTreM mhaNitaleM| heM na pusoM tUteM || 4||
tayA saMjayA yeNeM boleM| rAyAcheM hR^idaya chojavaleM| jeM avasarIM Ahe ghetaleM| kumArAMchiyA || 5||
heM jANoni manIM hAMsilA| mhaNe mhAtArA moheM nAshilA| eRhavIM bolu tarI bhalA jAhalA| avasarIM iye || 6||
pari teM taiseM kaiseni ho{I}la| jAtyaMdhu kaiseM pAhela| tevIMchi ye ruseM ghe{I}la| mhaNauni bihe || 7||
pari ApaNa chittIM ApulA| nikiyAparI saMtoShalA| je to saMvAdu phAvalA| kR^iShNArjunAMchA || 8||
teNeM AnaMdAcheni dhAlepaNeM| sAbhiprAya aMtaHkaraNeM| AtAM AdareMsIM bolaNeM| ghaDela tayA || 9||
to gItemAjI ShaShThIMchA| prasaMgu ase AyaNIchA| jaisA xIrArNavIM amR^itAchA| nivADu jAhalA || 10||
taiseM gItArthAcheM sAra| jeM vivekasiMdhUcheM pAra| nAnA yogavibhavabhAMDAra| ughaDaleM kAM || 11||
jeM AdiprakR^itIcheM visavaNeM| jeM shabdabrahmAsi na bolaNeM| jethUni gItAvallIcheM ThANeM| praroho pAve || 12||
to adhyAvo sahAvA| vari sAhityAchiyA baravA| sAMgijaila mhaNauni parisAvA| chitta de{}unI || 13||
mAjhA marAThAchi bolu kautukeM| pari amR^itAteMhI paijAM jiMke| aisIM axareM rasikeM| meLavIna || 14||
jiye koMvaLikecheni pADeM| disatI nAdIMcheM raMga thoDe| vedheM parimaLAcheM bIka moDe| jayAcheni || 15||
aikA rasALapaNAchiyA lobhA| kIM shravaNIMchi hoti jibhA| bole iMdriyAM lAge kaLaMbhA| ekamekAM || 16||
sahajeM shabdu tarI viSho shravaNAchA| pari rasanA mhaNe hA rasu AmuchA| ghrANAsi bhAvo jAya parimaLAchA |
                                                 hA tochi ho{I}la || 17||
navala bolatIye rekhechI vAhaNI| dekhatAM DoLayAMhI puroM lAge dhaNI| te mhaNatI ughaDalI khANI| rUpAchI he || 18||
jetha saMpUrNa pada ubhAre| tetha manachi dhAMve bAhireM| bolu bhujAhI AviShkareM| AliMgAvayA || 19||
aishIM iMdriyeM ApulAliyA bhAvIM| jhoMbatI pari to sarisepaNeMchi bujhAvI| jaisA ekalA jaga chevavI| sahastrakaru || 20||
taiseM shabdAcheM vyApakapaNa| dekhije asAdhAraNa| pAhAtayAM bhAvaj~nAM phAvatI guNa| chiMtAmaNIche || 21||
heM asotu yA bolAMchIM tATeM bhalIM| varI kaivalyaraseM vogarilIM| hI pratipatti miyAM kelI| niShkAmAsI || 22||
AtAM AtmaprabhA nIcha navI| techi karUni ThANadivI| jo iMdriyAMteM chorUni jevI| tayAsIchi phAve || 23||
yetha shravaNAcheni pAMgeM\-| vINa shrotayAM ho{A}veM lAge| he manAcheni nijAMgeM| bhogije gA || 24||
AhAcha bolAchI vAlIpha pheDije| ANi brahmAchiyAchi AMgA ghaDije| maga sukheMsI suravADije| sukhAchi mAjIM || 25||
aiseM haLuvArapaNa jarI ye{I}la| tarIcha heM upegA jA{I}la| eRhavIM AghavI goThI ho{I}la| mukiyA bahirayAchI || 26||
parI teM aso AtAM AghaveM| nalage shrotayAMteM kaDasAveM| je adhikAriye etha svabhAveM| niShkAmakAmu || 27||
jihIM AtmabodhAchiyA AvaDI| kelI svargasaMsArAchI kuroMDI| tevAMchUni ethIMchI goDI| neNatI ANika || 28||
jaisA vAyasIM chaMdra noLakhije| taisA prAkR^itIM hA graMthu neNije| ANi to himAMshuchi jeviM khAjeM| chakorAcheM || 29||
taisA saj~nAnAsI tarI hA ThAvo| ANi aj~nAnAsI Ana gAMvo| mhaNauni bolAvayA viShaya pahA ho| visheShu nAhIM || 30||
parI anuvAdaloM mI prasaMgeM| teM sajjanIM upasAhAveM lAge| AtAM sAMgena kAya shrIraMgeM| niropileM jeM || 31||
teM buddhIhI AkaLitAM sAMkaDeM| mhaNauni bolIM vipAyeM sAMpaDe| parI shrInivR^ittikR^ipAdIpa ujiyeDeM| dekhaina mI || 32||
jeM diThIhI na pavije| teM diThIviNa dekhije| jarI atIMdriya lAhije| j~nAnabaLa || 33||
nA tarI jeM dhAtuvAdAhI na joDe| teM lohIMchi paMdhareM sAMpaDe| jarI daivayogeM chaDhe| parisu hAtAM || 34||
taisI gurukR^ipA hoye| tarI karitAM kAya Apu nohe| mhaNauni teM apAra mAteM Ahe| j~nAnadevo mhaNe || 35||
teNeM kAraNeM mI bolena| bolIM arUpAcheM rUpa dAvIna| atIMdriya parI bhogavIna| iMdriyAMkaravIM || 36||
A{i}kA yasha shrI audArya| j~nAna vairAgya aishvarya| he sAhI guNavarya| vasatI jetha || 37||
mhaNauni to bhagavaMtu| jo niHsaMgAchA sAMgAtu| to mhaNe pArthA dattachittu| ho{I}M AtAM || 38||

\indent ##\hspace{1in}## shrIbhagavAnuvAcha |
\indent ##\hspace{1in}## anAshritaH karmaphala.n kArya.n karma karoti yaH |
\indent ##\hspace{1in}## sa sa.nnyAsI cha yogI cha na niragnirna chAkriyaH || 1||\newline%@

A{i}keM yogI ANi saMnyAsI janIM| he ekachi sinAneM jhaNIM mAnIM| eRhavIM vichArijatI jaMva donhI| taMva ekachi te || 39||
sAMDije dujayA nAmAchA AbhAsu| tarI yogu tochi saMnyAsu| pAhatAM brahmIM nAhIM avakAshu| dohIMmAjIM || 40||
jaiseM nAmAcheni anArisepaNeM| ekA puruShAteM bolAvaNeM| kAM dohIMmArgIM jANeM| ekAchi ThAyA || 41||
nAtarI ekachi udaka sahajeM| pari sinAnA ghaTIM bharije| taiseM bhinnatva jANije| yogasaMnyAsAMcheM || 42||
A{i}keM sakaLa saMmateM jagIM| arjunA gA tochi yogI| jo karmeM karUni rAgI| nohechi phaLIM || 43||
jaisI mahI he udbhijeM| janI ahaMbuddhIvINa sahajeM| ANi tethiMchIM tiyeM bIjeM| apexInA || 44||
taisA anvayAcheni AdhAreM| jAtIcheni anukAreM| jeM jeNeM avasareM| karaNeM pAve || 45||
teM taiseMchi uchita karI| parI sATopu nohe sharIrIM| ANi buddhIhI karoni phaLaverI| jAyechinA || 46||
aisA tochi saMnyAsI| pArthA gA pariyesIM| tochi bharaMvasenisIM| yogIshvaru || 47||
vAMchUni uchita karma prAsaMgika| tayAteM mhaNe he sAMDAveM baddhaka| tarI TAMkoTAMkIM ANika| mAMDIchi to || 48||
jaisA xALUniyAM lepu eku| saveMchi lAvije ANiku| taiseni AgrahAchA pA{i}ku| vichaMbe vAyAM || 49||
gR^ihasthAshramAcheM vojheM| kapALIM AdhIMchi Ahe sahajeM| kIM teMchi saMnyAsasavA Thevije| sariseM puDhatI || 50||
mhaNauni agnisevA na sAMDitAM| karmAchI rekhA nolAMDitAM| Ahe yogasukha svabhAvatA| ApaNapAMchi || 51||

\indent ##\hspace{1in}## ya.n sa.nnyAsamiti prAhuryoga.n ta.n viddhi pANDava |
\indent ##\hspace{1in}## na hyasa.nnyastasa.nkalpo yogI bhavati kashchana || 2||\newline%@

aikeM saMnyAsI tochi yogI| aisI ekavAk{}yatechI jagIM| guDhI ubhavilI anegIM| shAstrAMtarIM || 52||
jetha saMnyAsilA saMkalpu tuTe| tethachi yogAcheM sAra bheTe| aiseM heM anubhavAcheni dhaTeM| sAcheM jayA || 53||

\indent ##\hspace{1in}## ArurukShormuneryoga.n karma kAraNamuchyate |
\indent ##\hspace{1in}## yogArUDhasya tasyaiva shamaH kAraNamuchyate || 3||\newline%@

AtAM yogAchaLAchA nimathA| jarI ThAkAvA Athi pArthA| tarI sopAnA yA karmapathA| chukA jhaNI || 54||
yeNeM yamaniyamAMcheni taLavaTeM| rige AsanAchiye pA{u}lavATeM| ye{I} prANAyAmAcheni ADakaMTheM| varautA gA || 55||
maga pratyAhArAchA adhADA| jo  buddhIchiyAhI pAyAM nisaraDA| jetha haTiye sAMDitI hoDA| kaDelaga || 56||
tarI abhyAsAcheni baLeM| pratyAhArIM nirALeM| nakhIM lAgela DhALeM DhALeM| vairAgyAchI || 57||
aisA pavanAcheni pAThAreM| yetAM dhAraNecheni paisAreM| kramI dhyAnAcheM chavareM| sAMpaDe taMva || 58||
maga tayA mArgAchI dhAMva| purela pravR^ittIchI hAMva| jetha sAdhyasAdhanA kheMva| samaraseM hoya || 59||
jetha puDhIla paisu pArukhe| mAgIla smarAveM teM ThAke| aisiye sarisIye bhUmike| samAdhi rAhe || 60||
yeNeM upAyeM yogArUDhu| jo niravadhi jAhalA prauDhu| tayAchiyA chinhAMchA nivADu| sAMgaina A{i}keM || 61||

\indent ##\hspace{1in}## yadA hi nendriyArtheShu na karmasvanuShajjate |
\indent ##\hspace{1in}## sarvasa.nkalpasa.nnyAsI yogArUDhastadochyate || 4||\newline%@

tarI jayAchiyA iMdriyAMchiyA gharA| nAhIM viShayAMchiyA yerajhArA| jo AtmabodhAchiyA vovarAM| pahuDalA ase || 62||
jayAcheM sukhaduHkhAcheni AMgeM| jhagaTaleM mAnasa chevo neghe| viShaya pAsIMhI AliyAM se na rige| heM kAya mhaNauni || 63||
iMdriyeM karmAchyA ThAyIM| vADhInalIM pari kahIM| phaLahetUchI chADa nAhIM| aMtaHkaraNIM || 64||
asateni deheM etulA| jo chetuchi dise nidelA| tochi yogArUDhu bhalA| voLakheM tUM || 65||
tetha arjuna mhaNe anaMtA| heM maja vismo bahu A{i}katAM| sAMge tayA aisI yogyatA| kavaNeM dIje || 66||

\indent ##\hspace{1in}## uddharedAtmanAtmAna.n nAtmAnamavasAdayet.h |
\indent ##\hspace{1in}## Atmaiva hyAtmano bandhurAtmaiva ripurAtmanaH || 5||\newline%@

taMva hAMsoni shrIkR^iShNa mhaNe| tujheM navala nA heM bolaNeM| kavaNAsi kAya dijela kavaNeM| advaitIM iye || 67||
paiM vyAmohAchiye sheje| baLiyA avidyA nidritu ho{i}je| te veLI duHsvapna hA bhogije| janmamR^ityUMchA || 68||
pAThIM avasAMta ye chevo| taiM teM avagheMchi hoya vAvo| aisA upaje nitya sad{}bhAvo| tohi ApaNapAMchi || 69||
mhaNauni ApaNachi ApaNayAM| ghAtu kIjatu ase dhanaMjayA| chitta de{}Uni nAthiliyA| dehAbhimAnA || 70||

\indent ##\hspace{1in}## bandhurAtmAtmanastasya yenAtmaivAtmanA jitaH |
\indent ##\hspace{1in}## anAtmanastu shatrutve vartetAtmaiva shatruvat.h || 6||\newline%@

hA vichArUni ahaMkAru sAMDije| maga asatIchi vastu ho{I}je| tarI ApalI svasti sahajeM| ApaNa kelI || 71||
eRhavIM koshakITakAchiyA parI| to ApaNayA ApaNa vairI| jo Atmabuddhi sharIrIM| chArusthaLIM || 72||
kaise prAptIchiye veLe| nidaivA aMdhaLepaNAche DohaLe| kIM asate Apule DoLe| ApaNa jhAMkI || 73||
kAM kavaNa eku bhramalepaNeM| mI to navhe gA choraloM mhaNe| aisA nAthilA ChaMdu aMtaHkaraNeM| ghe{}Uni ThAke || 74||
eRhavIM hoya teM tochi Ahe| pari kA{I} kIje buddhi taishI nohe| dekhA svapnIMcheni ghAyeM| kIM mare sAcheM || 75||
jaishI te shukAcheni AMgabhAreM| naLikA bhovinnalI erI mohareM| teNeM uDAveM parI na pure| manashaMkA || 76||
vAyAMchi mAna piLI| aTuveM hiyeM AMvaLI| TiTAMtu naLI| dharUni ThAke || 77||
mhaNe bAMdhalA mI phuDA| aisiyA bhAvanechiyA paDe khoDAM| kIM mokaLiyA pAyAMchA chavaDA| goMvI adhikeM || 78||
aisA kAjeMvINa AMtuDalA| to sAMga pAM kAya ANikeM bAMdhilA| maga na soDIcha jaRhI nelA| toDUni ardhA || 79||
mhaNauni ApaNayAM ApaNachi ripu| jeNeM vADhavilA hA saMkalpu| yera svayaMbuddhI mhaNe bApu| jo nAthileM neghe || 80||

\indent ##\hspace{1in}## jitAtmanaH prashAntasya paramAtmA samAhitaH |
\indent ##\hspace{1in}## shItoShNasukhaduHkheShu tathA mAnApamAnayoH || 7||\newline%@

tayA svAMtaHkaraNajitA| sakaLakAmopashAMtA| paramAtmA parautA| durI nAhIM || 81||
jaisA kiDALAchA doShu jAye| tarI paMdhareM teMchi hoye| taiseM jIvA brahmatva Ahe| saMkalpalopIM || 82||
hA ghaTAkAru jaisA| nimAliyA tayA avakAshA| nalage miLoM jANeM AkAshA| AnA ThAyA || 83||
taisA dehAhaMkAru nAthilA| hA samULa jayAchA nAshilA| tochi paramAtmA saMchalA| AdhIMchi Ahe || 84||
AtAM shItoShNAchiyA vAhaNI| tetha sukhaduHkhAchI kaDasaNIM| iyeM na samAtI kAMhIM bolaNIM| mAnApamAnAMchIM || 85||
je jiye vATA sUryu jAye| te{u}teM tejAcheM vishva hoye| taiseM tayA pAve teM Ahe| tochi mhaNaunI || 86||
dekhaiM meghauni suTatI dhArA| tiyA na rupatI jaisiyA sAgarA| taishIM shubhAshubheM yogIshvarA| navhatI AneM || 87||

\indent ##\hspace{1in}## j~nyAnavij~nAnatR^iptAtmA kUTastho vijitendriyaH |
\indent ##\hspace{1in}## yuk{}ta ityuchyate yogI samaloShTAshmakA.nchanaH || 8||\newline%@

jo hA vij~nAnAtmaku bhAvo| tayA vivaritAM jAhalA vAvo| maga lAgalA jaMva pAhoM| taMva j~nAna teM tochi || 88||
AtAM vyApaku kIM ekadeshI| he UhApohI je aisI| te karAvI ThelI ApaishI| dujenavINa || 89||
aisA sharIrIchi parI kautukeM| parabrahmAcheni pADeM tukeM| jeNeM jiMtalIM ekeM| iMdriyeM gA || 90||
to jiteMdriyu sahajeM| tochi yogayuktu mhaNije| jeNe sAneM thora neNije| kavaNeM kALIM || 91||
dekhaiM sonayAcheM nikhaLa| meruyesaNeM DhisALa| ANi mAtiyecheM DikhaLa| sariseMchi mAnI || 92||
pAhatAM pR^ithvIcheM mola thoDeM| aiseM anarghya rat{}na chokhaDeM| dekheM dagaDAcheni pADeM| nichADu aisA || 93||

\indent ##\hspace{1in}## suhR^inmitrAryudAsInamadhyasthadveShyabandhuShu |
\indent ##\hspace{1in}## sAdhuShvapi cha pApeShu samabuddhirvishiShyate || 9||\newline%@

tetha suhR^ida ANi shatru| kAM udAsu ANi mitru| hA bhAvabhedu vichitru| kalpUM kaiMchA || 94||
tayA baMdhu koNa kAhyAchA| dveShiyA kavaNu tayAchA| mIchi vishva aisA jayAchA| bodhu jAhalA || 95||
maga tayAchiye diThI| adhamottama ase kirITI \?| kAya parisAchiye kasavaTI| vAniyA kIje \? || 96||
te jaishI nirvANa varNuchi karI| taishI jayAchI buddhI charAcharIM| hoya sAmyAchI ujarI| niraMtara || 97||
je te vishvAlaMkArAcheM visure| jarI AhAtI AnAneM AkAreM| tarI ghaDale ekachi bhAMgAreM| parabrahmeM || 98||
aiseM jANaNeM jeM baraveM| teM phAvaleM tayA AghaveM| mhaNauni AhAchavAhAcha na jhakave| yeNeM AkArachitreM || 99||
ghApe paTAmAji dR^iShTI| dise taMtUMchI saiMgha sR^iShTI| parI to ekavAMchUni goThI| dujI nAhIM || 100||
aiseni pratItI heM gavase| aisA anubhava jayAteM ase| tochi samabuddhi he anAriseM| navhe jANeM || 101||
jayAcheM nAMva tIrtharAvo| darshaneM prashastIsi ThAvo| jayAcheni saMgeM brahmabhAvo| bhrAMtAsahI || 102||
jayAcheni boleM dharmu jiye| diThI mahAsiddhiteM viye| dekhaiM svargasukhAdi iyeM| kheLu jayAchA || 103||
vipAyeM jarI AThavalA chittA| tarI de ApulI yogyatA| heM aso tayAteM prashaMsitAM| lAbhu Athi || 104||

\indent ##\hspace{1in}## yogI yu~njIta satatamAtmAna.n rahasi sthitaH |
\indent ##\hspace{1in}## ekAkI yatachittAtmA nirAshIraparigrahaH || 10||\newline%@

puDhatI astavenA aiseM| jayA pAhaleM advaitadivaseM| maga ApaNapAMchi ApaNu ase| akhaMDita || 105||
aisiyA dR^iShTI jo vivekI| pArthA to ekAkI| sahajeM aparigrahI jo tihIM lokIM| tochi mhaNauni || 106||
aisiyeM asAdhAraNeM| niShpannAchIM laxaNeM| Apuleni bahuvasapaNeM| shrIkR^iShNa bole || 107||
jo j~nAniyAMchA bApu| dekhaNeyAMche diThIchA dIpu| jayA dAdulayAchA saMkalpu| vishva rachI || 108||
praNavAchiye peThe| jAhaleM shabdabrahma mAjiThe| teM jayAchiyA yashA dhAkuTeM| veDhUM na pure || 109||
jayAcheni AMgikeM tejeM| Avo ravishashIchiye vaNije| mhaNauni jaga heM veshaje\-| vINa ase tayA || 110||
hAM gA nAmachi eka jayAcheM| pAhatAM gaganahI dise TAMcheM| guNa ekaika kAya tayAche| AkaLashIla tUM || 111||
mhaNauni aso heM vAnaNeM| sAMgoM neNoM kavaNAchIM laxaNeM| dAvAvIM miSheM yeNeM| kAM boliloM teM || 112||
aikeM dvaitAchA  ThAvochi pheDI| te brahmavidyA kIjela ughaDI| tarI arjunA paDhiye he goDI| nAsela hana || 113||
mhaNauni teM taise bolaNeM| navhe sapAtaLa ADa lAvaNeM| keleM manachi vegaLavANeM| bhogAvayA || 114||
jayA so.ahaMbhAva aTaku| moxasukhAlAgoni raMku| tayAchiye diThIchA jhaNeM kaLaMku| lAgela tujhiyA premA || 115||
vipAye ahaMbhAvo yayAchA jA{I}la| mI teMchi hA jarI ho{I}la| tarI maga kAya kIjela| ekaleyA || 116||
diThIchI pAhatAM nivijeM| kAM toMDa bharoni bolije| nAtarI dATUni kheMva dIje| aiseM kavaNa Ahe \? || 117||
ApuliyA manA baravI| asamA{I} goThI jIvIM| te kavaNeMsi chAvaLAvI| jarI aik{}ya jAhaleM || 118||
iyA kAkuLatI janArdaneM| anyopadeshAcheni hAtAshaneM| bolAmAji mana maneM| AliMgUM saraleM || 119||
heM parisatAM jarI kAnaDeM| tarI jANa pAM pArtha ughaDeM| kR^iShNasukhAcheMchi rUpaDeM| votaleM gA || 120||
heM  aso vayasechiye shevaTIM| jaiseM ekachi viye vAMjhoTI| maga te mohAchI tripuTI| nAchoM lAge || 121||
taiseM jAhaleM shrI{a}naMtA| aiseM tarI mI na mhaNatAM| jarI tayAchA na dekhatAM| atishayo etha || 122||
pAhA pAM navala kaiseM choja| keM upadeshu ke{u}teM jhuMja| parI puDheM vAlabhAcheM bhoja| nAchata ase || 123||
AvaDI ANi lAjavI| vyasana ANi shiNavI| piseM ANi na bhulavI| tarI teMchi kA{I} \? || 124||
mhaNauni bhAvArthu to aisA| arjuna maitriyechA kuvAsA| kIM sukheM shrR^iMgAraliyA mAnasA| darpaNu to || 125||
yAparI bApa puNyapavitra| jagIM bhaktibIjAsi suxetra| to shrIkR^iShNakR^ipe pAtra| yAchilAgIM || 126||
ho kAM AtmanivedanAtaLIMchI| je pIThikA hoya sakhyAchI| pArthu adhiShThAtrI tethiMchI| mAtR^ikA gA || 127||
pAsIMchi gosAvI na varNije| maga pA{i}kAchA guNa ghe{I}je| aisA arjunu to sahajeM| paDhiye harI || 128||
pAhAM pAM anurAgeM bhajeM| je priyottameM mAnije| te patIhUni kAya na vAnije| pativratA \? || 129||
taisA arjunachi visheSheM stavAvA| aiseM AvaDaleM maja jIvA| je to tribhuvanIMchiyA daivAM| ekAyatanu jAhalA || 130||
jayAchiyA AvaDIcheni pAMgeM| amUrtuhI mUrtI AvageM| pUrNAhi parI lAge| avasthA jayAchI || 131||
taMva shrote mhaNatI daiva| kaisI bolAchI havAva| kAya nAdAteM hana barava| jiNoni AlI || 132||
hAM ho navala nohe deshI| maRhATI bolije tarI aishI| vANeM umaTatAhe AkAshIM| sAhitya raMgAche || 133||
kaiseM unmekhachAMdiNeM tAra| ANi bhAvArthu paDe gAra| hechi shlokArtha kumudinI phAra| sAviyA hotI || 134||
chADachi nichADAM karI| aisI manorathIM ye thorI| teNeM vivaLale aMtarIM| tetha Dolu AlA || 135||
teM nivR^ittidAseM jANitaleM| maga avadhAna dyA mhaNitaleM| navala pAMDavakuLIM pAhaleM| kR^iShNadivaseM || 136||
devakIyA udarIM vAhilA| yashodA sAyAseM pALilA| kIM shekhIM upegA gelA| pAMDavAMsI || 137||
mhaNauni bahudivasa voLagAvA| kAM avasaru pAhoni vinavAvA| hAhI sosu tayA sadaivA| paDechinA || 138||
heM aso kathA sAMgeM vegIM| maga arjuna mhaNe salagI| devA iyeM saMtachinheM AMgIM| na ThakatI mAjhyA || 139||
eRhavIM yA laxaNAMchiyA nijasArA| mI apADeM kIra apurA| pari tumacheni boleM avadhArA| thorAveM jarI || 140||
jI tumhI chitta deyAla| tarI brahma miyAM ho{I}jela| kAya jahAleM abhyAsijela| sAMgAla jeM || 141||
hAM ho neNoM kavaNAchI kAhANI| A{i}koni shlAghijata asoM aMtaHkaraNIM| aisI jahAlepaNAchI shirayANI |
                                                    kAyasI devA || 142||
heM AMgeM myAM ho{I}jo kA| yetuleM gosAvI ApulepaNeM kIjo kAM| taMva hAMsoni shrIkR^iShNa ho kAM| karUM mhaNatI || 143||
dekhA saMtoShu eka na joDe| taMvachi sukhAcheM saiMgha sAMkaDeM| maga joDaliyA kavaNIkaDe| apureM ase \? || 144||
taisA sarveshvaru baLiyA sevakeM| mhaNauni brahmahI hoya to kautukeM| pari kaisA bhAreM AtalA pikeM| daivAcheni || 145||
jo janmasahasrAMchiyAsAThIM| iMdrAdikAMhI mahAgu bheTI| to AdhInu ketulA kirITI| je boluhI na sAhe || 146||
maga aikA jeM pAMDaveM| mhaNitaleM myAM brahma ho{A}veM| teM asheShahI deveM| avadhArileM || 147||
tetha aiseMchi eka vichArileM| je yA brahmatvAche DohaLe jAhale| pari udarA vairAgya Ahe AleM| buddhIchiyA || 148||
eRhavIM divasa tarI apure| parI vairAgyavasaMtAcheni bhareM| je so.ahaMbhAva mahure| moDoni AlA || 149||
mhaNauni prAptiphaLIM phaLatAM| yAsi veLu na lagela AtAM| hoya viraktu aisA anaMtA| bharaMvasA jAhalA || 150||
mhaNe jeM jeM hA adhiShThIla| teM AraMbhIMcha yayA phaLela| mhaNauni  sAMgitalA na vachela| abhyAsu vAyAM || 151||
aiseM vivaroniyAM shrIharI| mhaNitaleM tiye avasarIM| arjunA hA avadhArIM| paMtharAju || 152||
tetha pravR^ittitarUchyA buDIM| disatI nivR^ittiphaLAchiyA koDI| jiye mArgIMchA kApaDI| maheshu AjhunI || 153||
paila yogavR^iMde vahilIM| ADavIM AkAshIM nighAlIM| kIM tetha anubhavAchyA pA{u}lIM| dhoraNu paDilA || 154||
tihIM AtmabodhAcheni ujukAreM| dhAMva ghetalI ekasareM| kIM yera sakaLa mArga nidasure| sAMDUniyAM || 155||
pAThIM maharShI yeNeM Ale| sAdhakAMche siddha jAhAle| Atmavida thorAvale| yeNeMchi paMtheM || 156||
hA mArgu jaiM dekhije| taiM tahAna bhUka visarije| rAtridivasu neNije| vATe iye || 157||
chAlatAM pA{U}la jetha paDe| tetha apavargAchI khANI ughaDe| AvhAMTaliyA tarI joDe| svargasukha || 158||
nigije pUrvIMliyA moharA| kIM ye{i}je pashchimechiyA gharA| nishchaLapaNeM dhanurdharA| chAlaNeM ethiMcheM || 159||
yeNeM mArgeM jayA ThAyA jA{i}je| to gAMvo ApaNachi ho{I}je| heM sAMgoM kAya sahajeM| jANasI tUM || 160||
tetha pArtheM mhaNitaleM devA| tarI teMchi maga kevhAM| kAM Artisamudrauni na kADhAvA| buDatu jI mI || 161||
taMva shrIkR^iShNa mhaNatI aiseM| heM utsR^iMkhaLa bolaNeM kAyaseM| AmhIM sAMgatasoM ApaiseM| vari pushileM tuvAM || 162||

\indent ##\hspace{1in}## shuchau deshe pratiShThApya sthiramAsanamAtmanaH |
\indent ##\hspace{1in}## nAtyuchchhrita.n nAtinIcha.n chailAjinakushottaram.h || 11||\newline%@

tarI visheSheM AtAM bolijela| pari teM anubhaveM upegA jA{I}la| mhaNauni taiseM eka lAgela| sthAna pAhAveM || 163||
jetha arANukecheni koDeM| baisaliyA uThoM nAvaDe| vairAgyAsI duNIva chaDhe| dekhiliyA jeM || 164||
jo saMtIM vasavilA ThAvo| saMtoShAsi sAvAvo| manA hoya utsAvo| dhairyAchA || 165||
abhyAsuchi ApaNayAteM karI| hR^idayAteM anubhavu varI| aisI ramyapaNAchI thorI| akhaMDa jetha || 166||
jayA ADa jAtAM pArthA| tapashcharyA manorathA| pAkhAMDiyAhI AsthA| samULa hoya || 167||
svabhAveM vATe yetAM| jarI varapaDA jAhalA avachitAM| tarI sakAmuhI pari mAghautA| nighoM visare || 168||
aiseni na rAhatayAteM rAhAvI| bhramatayAteM baisavI| thApaTUni chevavI| viraktIteM || 169||
heM rAjya vara sAMDije| maga nivAMtA etheMchi asije| aiseM shrR^iMgAriyAMhi upaje| dekhatakheMvo || 170||
jeM yeNeM mAneM baravaMTa| ANi taiseMchi atichokhaTa| jetha adhiShThAna  pragaTa| DoLAM dise || 171||
ANikahI eka pahAveM| jeM sAdhakIM vasateM ho{A}veM| ANi janAcheni pAyaraveM| ruLechinA || 172||
jetha amR^itAcheni pADeM| muLAhIsakaTa goDeM| joDatI dATeM jhADeM| sadA phaLatIM || 173||
pA{u}lA pA{u}lA udakeM| varShAkALeMhI atichokheM| nirjhareM kA vishekheM| sulabheM jetha || 174||
hA AtapuhI ALumALu| jANije tarI shItaLu| pavanu ati nishchaLu| maMdu jhuLake || 175||
bahuta karUni niHshabda| dATa na rige shvApada| shuka hana ShaTpada| te{}uteM nAhIM || 176||
pANilageM haMseM| donI chArI sAraseM| kavaNe eke veLe baise| tarI kokiLahI ho || 177||
niraMtara nAhIM| tarI AlIM gelIM kAMhIM| hotu kAM mayUreMhI| AmhI nA na mhaNoM || 178||
pari Avashyaka pAMDavA| aisA ThAvo joDAvA| tetha nigUDha maTha ho{A}vA| kAM shivAlaya || 179||
dohIMmAjIM AvaDe teM| jeM mAnaleM hoya chitteM| bahutakarUni ekAMte| baisije gA || 180||
mhaNauni taiseM teM jANAveM| mana rAhateM pAhAveM| rAhIla tetha rachAveM| Asana aiseM || 181||
varI chokhaTa mR^igasevaDI| mAjIM dhUtavastrAchI ghaDI| taLavaTIM amoDI| kushAMkura || 182||
sakomaLa sarise| subaddha rAhatI Apaise| ekapADeM taiseM| vojA ghAlIM || 183||
pari sAviyAchi uMcha ho{I}la| tarI AMga hana Dolela| nIcha tarI pAvela| bhUmidoShu || 184||
mhaNauni taiseM na karAveM| samabhAveM dharAveM| heM bahu aso ho{A}veM| Asana aiseM || 185||

\indent ##\hspace{1in}## tatraikAgra.n manaH kR^itvA yatachittendriyakriyaH |
\indent ##\hspace{1in}## upavishyAsane yu~njyAdyogamAtmavishuddhaye || 12||\newline%@

maga tetha ApaNa| ekAgra aMtaHkaraNa| karUni sad{}gurusmaraNa| anubhavije || 186||
jetha smarateni AdareM| sabAhya sAttvikeM bhare| jaMva kAThiNya vire| ahaMbhAvAcheM || 187||
viShayAMchA visaru paDe| iMdriyAMchI kasamasa moDe| manAchI ghaDI ghaDe| hR^idayAmAjIM || 188||
aiseM aik{}ya heM sahajeM| phAveM taMva rAhije| maga teNeMchi bodheM baisije| AsanAvarI || 189||
AtAM AMgAteM AMga varI| pavanAteM pavanu dharI| aisI anubhavAchI ujarI| hoMchi lAge || 190||
pravR^itti mAghauti mohare| samAdhi ailADI utare| AghaveM abhyAsu sare| baisatakheMvo || 191||
mudrechI prauDhI aishI| techi sAMgijela AtAM pariyesIM| tarI uru yA jaghanAsI| jaDoni ghAlIM || 192||
charaNataLeM devhaDIM| AdhAradrumAchyA buDIM| sughaTiteM gADhIM| saMcharIM pAM || 193||
savya to taLIM Thevije| teNeM sivaNImadhyeM pIDije| varI baise to sahajeM| vAma charaNu || 194||
guda meMDhrA{A}MtautIM| chArI aMguLeM nigutIM| tetha sArdha sArdha prAMtIM| sAMDUniyAM || 195||
mAjI aMguLa eka nige| tetha TAMchecheni uttarabhAgeM| neheTije vari AMgeM| pelaleni || 196||
uchalileM kAM neNije| taiseM pR^iShThAMta uchalije| gulphadvaya dharije| teNeMchi mAneM || 197||
maga sharIra saMchu pArthA| asheShahI sarvathA| pArShNIchA mAthA| svayaMbhu hoya || 198||
arjunA heM jANa| mULabaMdhAcheM laxaNa| vajrAsana gauNa| nAma yAsI || 199||
aisI AdhArIM mudrA paDe| ANi AdhIMchA mArgu moDe| tetha apAnu AMtulekaDe| vohoToM lAge || 200||

\indent ##\hspace{1in}## sama.n kAyashirogrIva.n dhArayannachala.n sthiraH |
\indent ##\hspace{1in}## sa.nprekShya nAsikAgra.n sva.n dishashchAnavalokayan || 13||\newline%@

taMva karasaMpuTa ApaiseM| vAma charaNIM baise| taMva bAhumULIM dise| thorIva AlI || 201||
mAjIM ubhAraleni daMDeM| shirakamaLa hoya gADheM| netradvArIMchIM kavADeM| lAgUM pAhatI || 202||
varachileM pAtIM DhaLatIM| taLIMchIM taLIM puMjALatI| tetha ardhonmIlita sthitI| upaje tayA || 203||
diThI rAhoni AMtulIkaDe| bAhera pA{U}la ghAlI koDeM| te ThAyIM ThAvo paDe| nAsAgrapIThIM || 204||
aiseM AMtuchyA AMtuchi rache| bAherI mAguteM na vache| mhaNauni rAhaNeM Adhiye diThIcheM| tetheMchi hoya || 205||
AtAM dishAMchI bheTI ghyAvI| kAM rUpAchI vAsa pahAvI| he chADa sare AghavI| ApaisayA || 206||
maga kaMThanALa ATe| hanuvaTI haDautI dATe| te gADhI ho{U}ni nehaTe| vaxaHsthaLIM || 207||
mAjIM ghaMTikA lope| varI baMdhu jo Arope| to jAlaMdharu mhaNipe| paMDukumarA || 208||
nAbhIvarI pokhe| udara heM thoke| aMtarIM phAMke| hR^idayakoshu || 209||
svAdhiShThAnAvarichile kAMThIM| nAbhisthAnAtaLavaTIM| baMdhu paDe kirITI| voDhiyANA to || 210||

\indent ##\hspace{1in}## prashA.ntAtmA vigatabhIrbrahmachArivarate sthitaH |
\indent ##\hspace{1in}## manaH sa.nyamya machchitto yuk{}ta AsIta matparaH || 14||\newline%@

ku.nDalInI darshana\.\.\.\.
aisI sharIrAbAheralIkaDe| abhyAsAchI pAMkhara paDe| taMva AMtu trAya moDe| manodharmAchI || 211||
kalpanA nime| pravR^ittI shame| AMga mana virame| sAviyAchi || 212||
xudhA kAya jAhAlI| nidrA ke{}utI gelI| he AThavaNahI hArapalI| na dise vegAM || 213||
jo mULabaMdheM koMDalA| apAnu mAghautA muraDalA| to saveMchi varI sAMkaDalA| dharI phugUM || 214||
xobhalepaNeM mAje| uvA{i}lA ThAyIM gAje| maNipUreMsIM jhuMje| rAhoniyAM || 215||
maga thAvaliye vAhaTuLI| saiMgha ghe{}Uni ghara DahuLI| bALapaNIMchI kuhITuLI| bAhera ghAlI || 216||
bhItarIM vaLI na dhare| koThyAmAjIM saMchare| kaphapittAMche thAre| uroM nedI || 217||
dhAtUMche samudra ulaMDI| medAche parvata phoDI| AMtalI majjA kADhI| asthigata || 218||
nADIteM soDavI| gAtrAMteM vighaDavI| sAdhakAteM bheDasAvI| parI bihAveM nA || 219||
vyAdhIteM dAvI| saveMchi haravI| Apa pR^ithvI kAlavI| ekavATa || 220||
taMva yerIkaDe dhanurdharA| AsanAchA ubArA| shakti karI ujagarA| kuMDalinIteM || 221||
nAgiNIcheM pileM| kuMkumeM nAhaleM| vaLaNa ghe{}Uni AleM| seje jaiseM || 222||
taishI te kuMDalinI| moTakI auTa vaLaNI| adhomukha sarpiNI| nidelI ase || 223||
vidyullatechI viDI| vanhijvALAMchI ghaDI| paMdhareyAchI chokhaDI| ghoMTIva jaishI || 224||
taishI subaddha ATalI| puTIM hotI dATalI| teM vajrAsaneM chimuTalI| sAvadhu hoya || 225||
tetha naxatra jaiseM ulaMDaleM| kIM sUryAcheM Asana moDaleM| tejAcheM bIja virUDhaleM| aMkureMshIM || 226||
taishI veDhiyAteM soDitI| kavatikeM AMga moDitI| kaMdAvarI shaktI| uThalI dise || 227||
sahajeM bahutAM divasAMchI bhUka| varI chevavilI teM hoya miSha| maga AvesheM pasarI mukha| UrdhvA ujU || 228||
tetha hR^idayakoshAtaLavaTIM| jo pavanu bhare kirITI| tayA sagaLeyAchi miThI| de{}Uni ghAlI || 229||
mukhIMchyA jvALIM| taLIM varI kavaLI| mAMsAchI vaDavALI| ArogUM lAge || 230||
je je ThAya samAMsa| tetha AhAcha joDe ghA{u}sa| pAThI ekadonI ghAMsa| hiyAhI bharI || 231||
maga  taLave taLahAta shodhI| urdhvIMche khaMDa bhedI| jhADA ghe saMdhI| pratyaMgAchA || 232||
adhobhAga tarI na saMDI| pari nakhIMcheMhI sattva kADhI| tvachA dhuvUni jaDI| pAMjareshIM || 233||
asthIMche naLe nirape| shirAMche hIra vorape| taMva bAherI virUDhI karape| romabIjAMchI || 234||
maga saptadhAtUMchyA sAgarIM| tAhAnelI ghoMTa bharI| ANi saveMchi unhALA karI| khaDakhaDIta || 235||
nAsApuTauni vArA| jo jAtase aMguLeM bArA| to gachcha dharUni mAghArA| AMtu ghAlI || 236||
tetha adha varauteM AkuMche| Urdhva taLauteM khAMche| tayA kheMvAmAji chakrAche| padara uratI || 237||
eRhavIM tarI donhI tevhAMchi miLatI| parI kuMDalinI nAveka dushchitta hotI| te tayAMteM mhaNe parautI |
                                         tumhIchi kAyasI etheM \? || 238||
A{i}keM pArthiva dhAtu AghavI| ArogitAM kAMhIM nuravI| ANi ApAteM taMva ThevI| pusoniyAM || 239||
aisI donI bhUteM khAye| te veLIM saMpUrNa dhAye| maga saumya ho{u}ni rAhe| suShumnepAshIM || 240||
tetha tR^iptIcheni saMtoSheM| garaLa jeM vamI mukheM| teNeM tiyecheni pIyUSheM| prANu jiye || 241||
to agni AMtUni nighe| parI sabAhya nivavUMchi lAge| te veLIM kasu bAMdhitI AMgeM| sAMDilA puDhatI || 242||
mArga moDitI nADIche| navavidhapaNa vAyUcheM| jAya mhaNauni sharIrAche| dharmu nAhIM || 243||
iDA piMgaLA ekavaTatI| gAMThI tinhI suTatI| sAhI padara phuTatI| chakrAMche he || 244||
maga shashI ANi bhAnu| aisA kalpije jo anumAnu| to vAtIvarI pavanu| giMvasitAM na dise || 245||
buddhIchI puLikA vire| parimaLu ghrANIM ure| tohI shaktIsaveM saMchare| madhyamemAjIM || 246||
taMva varilekaDoni DhALeM| chaMdrAmR^itAcheM taLeM| kAnavaDonI miLe| shaktimukhIM || 247||
teNeM nALakeM rasa bhare| to sarvAMgAmAjIM saMchare| jethiMchA tetha mure| prANapavanu || 248||
tAtaliye museM| meNa nighoni jAya jaiseM| maga koMdalI rAhe raseM| votalenI || 249||
taiseM piMDAcheni AkAreM| te kaLAchi kAM avatare| varI tvachecheni padare| pAMghuralI ase || 250||
jaishI AbhALAchI buMthI| karUni rAhe gabhastI| maga phiTaliyA dIpti| dharUni ye || 251||
taisA AhAchavari koraDA| tvachechA ase pAtoDA| to jhaDoni jAya koMDA| jaisA hoya || 252||
maga kAshmIrIche svayaMbha| kAM rat{}nabIjA nighAle koMbha| avayavakAMtIchI bhAMba| taisI dise || 253||
nAtarI saMdhyArAgIMche raMga| kADhUni vaLileM teM AMga| kIM aMtarjyotIcheM liMga| nirvALileM || 254||
kuMkumAcheM bharIMva| siddharasAcheM votIMva| maja pAhatAM sAveva| shAMtichi te || 255||
teM AnaMdachitrIMcheM lepa| nAtarI mahAsukhAcheM rUpa| kIM saMtoShatarUcheM ropa| thAMbaleM jaiseM || 256||
to kanakachaMpakAchA kaLA| kIM amR^itAchA putaLA| nAnA sAsinnalA maLA| koMvaLikechA || 257||
ho kAM je shAradiyecheni voleM| chaMdrabiMba pAlheleM| kAM tejachi mUrta baisaleM| AsanAvarI || 258||
taiseM sharIra hoye| je veLIM kuMDalinI chaMdra pIye| maga dehAkR^iti bihe| kR^itAMtu gA || 259||
vArdhak{}ya tarI bahuDe| tAruNyAchI gAMThI vighaDe| lopalI ughaDe| bALadashA || 260||
vayasA tarI yetulevarI| eRhavIM baLAchA baLArthu karI| dhairyAchI thorI| nirupamu || 261||
kanakadrumAchyA pAlavIM| rat{}nakaLikA nitya navI| nakheM taisIM baravIM| navIM nighatI || 262||
dAMtahI Ana hotI| pari apADeM sAnejatI| jaisI dubAhIM baise pAMtI| hireyAMchI || 263||
mANikuliyAMchiyA kaNiyA| sAviyAchi aNumAniyA| taisiyA sarvAMgIM udhavatI aNiyAM| romAMchiyAM || 264||
karacharaNataLeM| jaisIM kAM rAtotpaleM| pAkhALIMva hotI DoLe| kAya sAMgoM || 265||
niDArAcheni koMdATeM| motiyeM nAvaratI saMpuTeM| maga shivaNI jaishI utaTe| shuktipallavAMchI || 266||
taishIM pAtiyAMchiye kavaLiye na samAye| diThI jAkaLoni nighoM pAhe| AdhilIchi parI hoye| gaganA kavaLitI || 267||
A{i}ke deha hoya soniyAcheM| pari lAghava ye vAyUcheM| je Apa ANi pR^ithvIche| aMshu nAhIM || 268||
maga samudrApailIkaDIla dekhe| svargIMchA Alochu A{i}ke| manogata voLakhe| muMgiyecheM || 269||
pavanAchA vArikAM vaLaghe| chAle tarI udakIM pA{U}la na lAge| yeNeM yeNeM prasaMgeM| yetI bahutA siddhi || 270||
A{i}keM prANAchA hAtu dharUnI| gaganAchI pA{u}TI karUnI| madhyamecheni dAdarAhunI| hR^idayA AlI || 271||
te kuMDalinI jagadaMbA| je chaitanyachakravartIchI shobhA| jayA vishvabIjAchiyA koMbhA| sA{u}lI kelI || 272||
je shUnyaliMgAchI piMDI| je paramAtmayA shivAchI karaMDI| je praNavAchI ughaDI| janmabhUmI || 273||
heM aso te kuMDalinI bALI| hR^idayA{A}Mtu AlI| anuhatAchI bolI| chAvaLe te || 274||
shaktIchiyA AMgA lAgaleM| buddhIcheM chaitanya hoteM jAhaleM| teM teNeM A{i}kileM| aLumALu || 275||
ghoShAchyA kuMDIM| nAdachitrAMchIM rUpaDIM| praNavAchiyA moDI| rekhilIM aisIM || 276||
heMchi kalpAveM tarI jANije| parI kalpiteM kaicheM ANije| tarI neNoM kAya gAje| tiye ThAyIM || 277||
visaroni geloM arjunA| jaMva nAshu nAhIM pavanA| taMva vAchA AthI gaganA| mhaNauni ghume || 278||
tayA anAhatAcheni megheM| AkAsha dumadumoM lAge| taMva brahmasthAnIMcheM begeM| sahaja phiTe || 279||
A{i}keM kamaLagarbhAkAreM| jeM mahadAkAsha dusareM| jetha chaitanya AdhAtureM| karUni asije || 280||
tayA hR^idayAchyA parivarIM| kuMDaliniyA parameshvarI| tejAchI shidorI| viniyogilI || 281||
buddhIcheni shAkeM| hAtaboneM nikeM| dvaita tetha na dekhe| taiseM keleM || 282||
nijakAMtI hAravilI| maga prANuchi kevaLa jAhAlI| te veLIM kaisI gamalI| mhaNAvI pAM \? || 283||
ho kAM je pavanAchI putaLI| pAMghuralI hotI sonasaLI| te pheDUniyAM vegaLI| ThevilI tiyA || 284||
nAtarI vAyUcheni AMgeM jhagaTalI| dIpAchI diThI nivaTalI| kAM lakhalakhoni hArapalI| vIju gaganIM || 285||
taishI hR^idayakamaLaveRhIM| dise jaishI soniyAchI sarI| nAtarI prakAshajaLAchI jharI| vAhata AlI || 286||
maga te hR^idayabhUmI pokaLe| jirAlI kAM eke veLe| taiseM shaktIcheM rUpa mAvaLe| shaktIchimAjIM || 287||
tevhAM tarI shaktIchi mhaNije| eRhavIM to prANu kevaLa jANije| AtAM nAdubiMdu neNije| kaLA jyotI || 288||
manAchA hana mAru| kAM pavanAchA AdhAru| dhyAnAchA Adaru| nAhIM parI || 289||
he kalpanA ghe sAMDI| teM nAhIM iye paravaDI| he mahAbhUtAMchI phuDI| ATaNI dekhAM || 290||
piMDeM piMDAchA grAsu| to hA nAthasaMketIMchA daMshu| pari dA{}Uni gelA uddeshu| shrImahAviShNu || 291||
tayA dhvanitAcheM keNeM soDuni| yathArthAchI ghaDI jhADunI| upalavilI myAM jANunI| grAhIka shrote || 292||

\indent ##\hspace{1in}## yu~njanneva.n sadAtmAna.n yogI niyatamAnasaH |
\indent ##\hspace{1in}## shAnti nirvANaparamA.n matsa.nsthAmadhigachchhati || 15||\newline%@

aikeM shaktIcheM teja jevhAM lope| tetha dehAcheM rUpa hArape| maga to DoLyAMmAjIM lape| jagAchiyA || 293||
eRhavIM AdhilAchi aiseM| sAvayava tarI dise| parI vAyUcheM kAM jaiseM| vaLileM hoya || 294||
nAtarI kardaLIchA gAbhA| buMthI sAMDonI ubhA| kAM avayavachi nabhA| udayalA to || 295||
taiseM hoya sharIra| taiM teM mhaNije khechara| heM pada hotAM chamatkAra| piMDajanIM || 296||
dekheM sAdhaku nighoni jAye| mAgAM pA{u}lAMchI voLa rAhe| tetha ThAyIM ThAyIM hoye| aNimAdika || 297||
pari teNeM kAya kAja ApaNayAM| avadhArIM aisA dhanaMjayA| lopa AthI bhUtatrayA| dehIMchA dehIM || 298||
pR^ithvIteM Apa viravI| ApAteM teja jiravI| tejAteM pavanu haravI| hR^idayAmAjIM || 299||
pAThIM ApaNa ekalA ure| pari sharIrAcheni anukAreM| maga tohI nige aMtareM| gaganA miLe || 300||
te veLIM kuMDalinI he bhASha jAye| maga mArutI aiseM nAma hoye| pari shaktipaNa teM Ahe| jaMva na miLe shivIM || 301||
maga jAlaMdhara sAMDI| kakArAMta phoDI| gaganAchiye  pAhADIM| paiThI hoya || 302||
te AUM kArAchiye pAThI| pAya deta uThA{u}ThI| pashyaMtIchiye pA{u}TI| mAgAM ghAlI || 303||
puDhAM tanmAtrA ardhaverI| AkAshAchyA aMtarIM| bharatI game sAgarIM| saritA jevIM || 304||
maga brahmaraMdhrIM sthirAvonI| so.ahaMbhAvAchyA bAhyA pasarunI| paramAtmaliMgA dhAMvonI| AMgA ghaDe || 305||
taMva mahAbhUtAMchI javanikA phiTe| maga dohIMsi hoya jhaTeM| tetha gaganAsakaTa ATe| samarasIM tiye || 306||
paiM meghAcheni mukhIM nivaDilA| samudra kAM voghIM paDilA| to mAgutA jaisA AlA| ApaNapayAM || 307||
tevIM piMDAcheni miSheM| padIM pada praveshe| teM ekatva hoya taiseM| paMDukumarA || 308||
AtAM dujeM hana hoteM| kIM ekachi heM A{i}teM| aishiye vivaMchanepurateM| urechinA || 309||
gaganIM gagana layA jAye| aiseM jeM kAMhIM Ahe| teM anubhaveM jo hoye| to ho{U}ni ThAke || 310||
mhaNauni tethiMchI mAtu| na chaDhechi bolAchA hAtu| jeNeM saMvAdAchiyA gAMvA{A}Mtu| paiThI kIje || 311||
arjunA eRhavIM tarI| iyA abhiprAyAchA je garva dharI| te pAheM pAM vaikharI| durI ThelI || 312||
bhrUlatA mAgilIkaDe| tetha makArAcheMchi AMga na mAMDe| saDeyA prANA sAMkaDeM| gaganA yetAM || 313||
pAThIM tetheMchi to bhesaLalA| taiM shabdAchA divo mAvaLalA| maga tayAhi varI ATu bhavinnalA| AkAshAchA || 314||
AtAM mahAshUnyAchiyA DohIM| jetha gaganasIchi thAvo nAhIM| tetha tAgA lAgela kA{I}| bolAchA iyA \? || 315||
mhaNauni AkharAmAjIM sAMpaDe| kIM kAnavarI joDe| he taiseM navhe phuDeM| trishuddhI gA || 316||
jeM kahIM daiveM| anubhavileM phAve| taiM ApaNachi heM ThAkAveM| ho{U}niyAM || 317||
puDhatI jANaNeM teM nAhIMchi| mhaNauni aso kitI heMchi| bolAveM AtAM vAyAMchi| dhanurdharA || 318||
aiseM shabdajAta mAghauteM sare| tetha saMkalpAcheM AyuShya pure| vArAhI jetha na shire| vichArAchA || 319||
jeM unmaniyecheM lAvaNya| jeM turyecheM tAruNya| anAdi jeM agaNya| paramatattva || 320||
jeM vishvAcheM mULa| jeM yogadrumAcheM phaLa| jeM AnaMdAcheM kevaLa| chaitanya gA || 321||
jeM AkArAchA prAMtu| jeM moxAchA ekAMtu| jetha Adi ANi aMtu| vironI gele || 322||
jeM mahAbhUtAMcheM bIja| jeM mahAtejAcheM teja| evaM pArthA jeM nija\-| svarUpa mAjheM || 323||
te he chaturbhuja koMbhelI| jayAchI shobhA rUpA AlI| dekhoni nAstikIM nokilIM| bhaktavR^iMdeM || 324||
teM anirvAchya mahAsukha| paiM ApaNachi jAhale je puruSha| jayAMche kAM niShkarSha| prAptiverIM || 325||
AmhIM sAdhana heM jeM sAMgitaleM| teMchi sharIrIM jihIM keleM| te Amucheni pADeM Ale| nirvALaleyA || 326||
parabrahmAcheni raseM| dehAkR^itIchiye museM| votIMva jAhale taise| disatI AMgeM || 327||
jarI he pratIti hana aMtarIM phAMke| tarI  vishvachi heM avagheM jhAMke| taMva arjuna mhaNe nikeM| sAchachi jI heM || 328||
kAM jeM ApaNa AtAM devo| hA bolile jo upAvo| to prAptIchA ThAvo| mhaNoni ghaDe || 329||
iye abhyAsIM je dR^iDha hotI| te bharaMvaseni brahmatvA yetI| heM sAMgatiyAchI rItI| kaLaleM maja || 330||
devA goThIchi he aikatAM| bodhu upajatase chittA| mA anubhaveM tallInatA| nohela kevIM \? || 331||
mhaNauni etha kAMhIM| anAriseM nAhIM| parI nAvabharI chitta de{I}M| bolA ekA || 332||
AtAM kR^iShNA tuvAM sAMgitalA yogu| to manA tarI AlA chAMgu| pari na shakeM karUM pAMgu| yogyatechA || 333||
sahajeM AMgika jetuleM Ahe| tetuliyAchI jarI siddhi jAye| tarI  hAchi mArgu sukhopAyeM| abhyAsIna || 334||
nAtarI devo jaiseM sAMgatIla| taiseM ApaNapeM jarI na Thakela| tarI yogyatevINa ho{I}la| teMchi pusoM || 335||
jIvIMchiye aisI dhAraNa| mhaNoni pusAvayA jAhaleM kAraNa| maga mhaNe tarI ApaNa| chitta de{i}jo || 336||
hAM ho jI avadhArileM| jeM heM sAdhana tumhIM nirUpileM| teM AvaDatayAhi abhyAsileM| phAvoM shake \? || 337||
kIM yogyatevINa nAhIM| aiseM hana Ahe kAMhIM| tetha shrIkR^iShNa mhaNatI kA{I}| dhanurdharA || 338||
heM kAja kIra nirvANa| pari ANikahI jeM kAMhIM sAdhAraNa| teMhI adhikArAche voDaveviNa| kAya siddhi jAya \? || 339||
paiM yogyatA je mhaNije| te prAptIchI adhIna jANije| kAM je yogya ho{U}ni kIje| teM AraMbhileM phaLeM || 340||
tarI taisI etha kAMhIM| sAviyAchi keNI nAhIM| ANi yogyatechI kA{I}| khANI ase \? || 341||
nAveka viraktu| jAhalA dehadharmIM niyatu| tari tochi navhe vyavasthitu| adhikAriyA \? || 342||
yetulAliye AyaNImAjivaDeM| yogyapaNa tUteMhI joDe| aiseM prasaMgeM sAMkaDeM| pheDileM tayAcheM || 343||
maga mhaNe pArthA| te he aisI vyavasthA| aniyatAsi sarvathA| yogyatA nAhIM || 344||

\indent ##\hspace{1in}## nAtyashnatastu yogo.asti na chaikAntamanashnataH |
\indent ##\hspace{1in}## na chAti svap{}nashIlasya jAgrato naiva chArjuna || 16||\newline%@

jo rasaneMdriyAchA aMkilA| kAM nidresI jIveM vikalA| to nAhIMcha etha mhaNitalA| adhikAriyA || 345||
athavA AgrahAchiye bAMdoDI| xudhA tR^iShA koMDI| AhArAteM toDI| mArUniyAM || 346||
nidrechiyA vATA navache| aisA dR^iDhivecheni avataraNeM nAche| teM sharIrachi navhe tayAcheM| mA yogu kavaNAchA \? || 347||
mhaNauni atishayeM viShayo sevAvA| taisA virodhu nohAvA| kAM sarvathA nirodhAvA| heMhI nako || 348||

\indent ##\hspace{1in}## yuk{}tAhAravihArasya yuk{}tacheShTasya karmasu |
\indent ##\hspace{1in}## yuk{}tasvap{}nAvabodhasya yogo bhavati duHkhahA || 17||\newline%@

AhAra tarI sevije| parI yuktIcheni mApeM mavije| kriyAjAta  Acharije| tayAchi sthitI || 349||
mitalA bolIM bolije| mitaliyA pA{u}lIM chAlije| nidrehI mAnu dIje| avasareM ekeM || 350||
jAgaNeM jarI jAhaleM| tarI ho{A}veM teM mitaleM| yetuleni dhAtusAmya saMchaleM| asela sahajeM || 351||
aiseM yuktIcheni hAteM| jeM iMdriyAM vopije bhAteM| taiM saMtoShAsI vADhateM| manachi karI || 352||

\indent ##\hspace{1in}## yadA viniyata.n chittamAtmanyevAvatiShThate |
\indent ##\hspace{1in}## niHspR^ihaH sarvakAmebhyo yuk{}ta ityuchyate tadA || 18||\newline%@

bAhera yuktIchI mudrA paDe| tava AMta AMta sukha vADhe| tetheM sahajeMchi yogu ghaDe| nAbhyAsitAM || 353||
jaiseM bhAgyAchiyA bhaDaseM| udyamAcheni miseM| maga samR^iddhijAta ApaiseM| ghara righe || 354||
taisA yuktimaMtu kautukeM| abhyAsAchiyA moharA ThAke| ANi AtmasiddhIchi pike| anubhavu tayAchA || 355||
mhaNoni yukti he pAMDavA| ghaDe jayA sadaivA| to apavargIchiye rANivA| aLaMkArije || 356||

\indent ##\hspace{1in}## yathA dIpo nivAtastho ne~Ngate sopamA smR^itA |
\indent ##\hspace{1in}## yogino yatachittasya yu~njato yogamAtmanaH || 19||\newline%@

yukti yogAcheM AMga pAve| aiseM prayAga jetha hoya baraveM| tetha  xetrasaMnyAseM sthirAveM| mAnasa jayAcheM || 357||
tayAteM yogayukta tUM mhaNa| heMhI prasaMgeM jANa| teM dIpAche upalaxaNa| nirvAtIMchiyA || 358||
AtAM tujheM manogata jANonI| kAMhIM eka AmhI mhaNauni| teM nikeM chitta de{}unI| parisAveM gA || 359||
tUM prAptIchI chADa vAhasI| parI abhyAsIM daxu navhasI| teM sAMga pAM kAya bihasI| duvADapaNA \? || 360||
tarI pArthA heM jhaNeM| sAyAsa gheshIM ho maneM| vAyAM bAgUla iye durjaneM| iMdriyeM karitI || 361||
pAheM pAM AyuShyAteM aDhaLa karI| jeM sarateM jIvita vArI| tayA auShadhAteM vairI| kAya jivhA na mhaNe \? || 362||
aiseM hitAsi jeM jeM nikeM| teM sadAchi yA iMdriyAM duHkheM| eRhavIM sopeM yogAsArikheM| kAMhIM Ahe \? || 363||

\indent ##\hspace{1in}## yatroparamate chitta.n niruddha.n yogasevayA |
\indent ##\hspace{1in}## yatra chaivAtmanAtmAna.n pashyannAtmani tuShyati || 20||\newline%@
\indent ##\hspace{1in}## sukhamAtyantika.n yattad{}buddhigrAhyamatIndriyam.h |
\indent ##\hspace{1in}## vetti yatra na chaivAya.n sthitashchalati tattvataH || 21||\newline%@

mhaNauni AsanAchiyA gADhikA| jo AmhIM abhyAsu sAMgitalA nikA| teNeM ho{I}la tarI ho kAM| nirodhu yayA || 364||
eRhavIM tarI yeNeM yogeM| jaiM iMdriyAM viMdANa lAge| taiM chitta bheToM rige| ApaNapeyAM || 365||
paratoni pAThimoreM ThAke| ANi ApaNiyAMteM ApaNa dekhe| dekhatakhevoM voLakhe| mhaNe tattva heM mI || 366||
tiye oLakhIchisariseM| sukhAchiyA sAmrAjyIM baise| maga ApaNapAM samaraseM| vironi jAya || 367||
jayAparateM ANika nAhIM| jayAteM iMdriyeM neNatI kahIM| teM ApaNachi ApuliyA ThAyIM| ho{U}ni ThAke || 368||

\indent ##\hspace{1in}## ya.n labdhvA chApara.n lAbha.n manyate nAdhika.n tataH |
\indent ##\hspace{1in}## yasminsthito na duHkhena guruNApi vichAlyate || 22||\newline%@

maga merUpAsUni thoreM| deha duHkhAcheni DoMgareM| dATijo pAM paDibhareM| chitta na daTe || 369||
kAM shastreM varI toDiliyA| deha agnimAjIM paDaliyA| chitta mahAsukhIM pahuDaliyA| chevochi naye || 370||
aiseM ApaNapAM rigoni ThAye| maga dehAchI vAsu na pAhe| ANikachi sukha ho{U}ni jAye| mhaNUni visare || 371||
\indent ##\hspace{1in}## ta.n vidyAd.h duHkhasa.nyogaviyoga.n yogasa.nj~nitam.h |
\indent ##\hspace{1in}## sa nishchayena yok{}tavyo yogo.anirviNNachetasA || 23||\newline%@

jayA sukhAchiyA goDI| maga ArtIchI sechi soDI| saMsArAchiyA toMDIM| guMtaleM jeM || 372||
jeM yogAchI barava| saMtoShAchI rANiva| j~nAnAchI jANIva| jayAlAgIM || 373||
teM abhyAsileni yogeM| sAvayava dekhAveM lAge| dekhileM tarI AMgeM| ho{I}jela gA || 374||

\indent ##\hspace{1in}## sa.nkalpaprabhavAnkAmA.nstyak{}tvA sarvAnasheShataH |
\indent ##\hspace{1in}## manasaivendriyagrAma.n viniyamya samantataH || 24||\newline%@

tari tochi yogu bApA| eke parI Ahe sopA| jarI putrashoku saMkalpA| dAkhavije || 375||
hAM viShayAteM nimAliyA A{i}ke| iMdriyeM nemAchiyA dhAraNIM dekhe| tarI hiyeM ghAlUni muke| jIvitvAsI || 376||
aiseM vairAgya heM karI| tarI saMkalpAchI sare vArI| sukheM dhR^itIchiyA dhavaLArIM| buddhi nAMde || 377||

\indent ##\hspace{1in}## shanaiH shanairuparamed{}buddhyA dhR^itigR^ihItayA |
\indent ##\hspace{1in}## Atmasa.nstha.n manaH kR^itvA na kI.nchidapi chintayet.h || 25||\newline%@
\indent ##\hspace{1in}## yato yato nishcharati manashcha.nchalamasthiram.h |
\indent ##\hspace{1in}## tatastato niyamyaitadAtmanyeva vasha.n nayet.h || 26||\newline%@

buddhI dhairyA hoya vasauTA| manAteM anubhavAchiyA vATA| haLu haLu karI pratiShThA| AtmabhuvanIM || 378||
yAhI eke parI| prAptI Ahe vichArIM| heM na Thake tarI sopArI| ANika aikeM || 379||
AtAM niyamuchi hA ekalA| jIveM karAvA ApulA| jaisA kR^itanishchayAchiyA bolA\-| bAherA nohe || 380||
jarI yetuleni chitta sthirAveM| tarI kAjA AleM svabhAveM| nAhIM tarI ghAlAveM| mokalunI || 381||
maga mokalileM jetha jA{I}la| tethUni niyamUchi ghe{}uni ye{I}la| aiseni sthairyachi ho{I}la| sAviyAchi kIM || 382||

\indent ##\hspace{1in}## prashAntamanasa.n hyena.n yogina.n sukhamuttamam.h |
\indent ##\hspace{1in}## upaiti shAntarajasa.n brahmabhUtamakalmaSham.h || 27||\newline%@

pAThIM ketuleni eke veLe| tayA sthairyAcheni meLeM| AtmasvarUpAjavaLeM| ye{I}la sahajeM || 383||
tayAteM dekhoni AMgA ghaDela| tetha advaitIM dvaita buDela| ANi aik{}yatejeM ughaDela| trailok{}ya heM || 384||
AkAshIM dise dusareM| teM abhra jaiM vire| taiM gaganachi kAM bhare| vishva jaiseM || 385||
taiseM chitta layA jAye| ANi chaitanyachi AghaveM hoye| aisI prApti sukhopAyeM| Ahe yeNeM || 386||
\indent ##\hspace{1in}## yu~njanneva.n sadAtmAna.n yogI vigatakalmaShaH |
\indent ##\hspace{1in}## sukhena brahmasa.nsparshamatyanta.n sukhamashnute || 28||\newline%@

yA sopiyA yogasthitI| ukalu dekhilA gA bahutIM| saMkalpAchiyA saMpattI| rusoniyAM || 387||
teM sukhAcheni sAMgAteM| AleM parabrahmA AMtauteM| tetha lavaNa jaiseM jaLAteM| sAMDUM neNeM || 388||
taiseM hoya tiye meLIM| maga sAmarasyAchiyA rA{u}LIM| mahAsukhAchI divALI| jageMsi dise || 389||
aiseM Apule pAyavarI| chAlije Apule pAThIvarI| heM pArthA nAgave tarI| Ana aikeM || 390||

\indent ##\hspace{1in}## sarvabhUtasthamAtmAna.n sarvabhUtAni chAtmani |
\indent ##\hspace{1in}## IkShate yogayuk{}tAtmA sarvatra samadarshanaH || 29||\newline%@
\indent ##\hspace{1in}## yo mA.n pashyati sarvatra sarva.n cha mayi pashyati |
\indent ##\hspace{1in}## tasyAha.n na praNashyAmi sa cha me na praNashyati || 30||\newline%@

tarI mI taMva sakaLa dehIM| ase etha vichAru nAhIM| ANi taiseMchi mAjhyA ThAyIM| sakaLa ase || 391||
heM aiseMchi saMchaleM| paraspareM misaLaleM| buddhI ghepe etuleM| ho{A}veM gA || 392||
eRhavIM tarI  arjunA| jo ekavaTaliyA bhAvanA| sarvabhUtIM abhinnA| mAteM bhaje || 393||
bhUtAMcheni anekapaNeM| aneka nohe aMtaHkaraNeM| kevaLa ekatvachi mAjheM jANeM| sarvatra jo || 394||
maga to eka hA miyAM| bolatA disatase vAyAM| eRhavIM na bolije tarI dhanaMjayA| to mIchi AheM || 395||
dIpA ANi prakAshA| ekavaMkIchA pADu jaisA| to mAjhyA ThAyIM taisA| mI tayAmAjIM || 396||
jaisA udakAcheni AyuShyeM rasu| kAM gaganAcheni mAneM avakAshu| taisA mAjheni rUpeM rUpasu| puruShu to gA || 397||

\indent ##\hspace{1in}## sarvabhUtasthita.n yo mA.n bhajatyekatvamAsthitaH |
\indent ##\hspace{1in}## sarvathA vartamAno.api sa yogI mayi vartate || 31||\newline%@

jeNeM aik{}yAchiye diThI| sarvatra mAteMchi kirITI| dekhilA jaisA paTIM| taMtu eku || 398||
kAM svarUpeM tarI bahuteM AhAtI| parI taisIM sonIM bahuveM na hotI| aisI aik{}yAchaLAchI sthitI| kelI jeNeM || 399||
nAtarI vR^ixAMchIM pAneM jetulIM| tetulIM ropeM nAhIM lAvilIM| aisI advaitadivaseM pAhalI| rAtrI jayA || 400||
to paMchAtmakIM sAMpaDe| tarI maga sAMga pAM kaiseni aDe \?| jo pratItIcheni pADeM| majasIM tuke || 401||
mAjheM vyApakapaNa AghaveM| gavasaleM tayAcheni anubhaveM| tarI na mhaNatAM svabhAveM| vyApaku jAhalA || 402||
AtAM sharIrIM tarI Ahe| parI sharIrAchA to nohe| aiseM bolavarI hoye| teM karUM ye kA{I} || 403||

\indent ##\hspace{1in}## Atmaupamyena sarvatra sama.n pashyati yo.arjuna |
\indent ##\hspace{1in}## sukha.n vA yadi vA duHkha.n sa yogI paramo mataH || 32||\newline%@

mhaNauni aso teM visheSheM| ApaNapeyAMsArikheM| jo charAchara dekhe| akhaMDita || 404||
sukhaduHkhAdi varmeM| kAM shubhAshubheM karmeM| donI aisIM manodharmeM| neNechi jo || 405||
heM sama viShama bhAva| ANikahI vichitra jeM sarva| teM mAnI jaise avayava| Apule hotI || 406||
heM ekaika kAya sAMgAveM| jayA trailok{}yachi AghaveM| mI aiseM svabhAveM| bodhA AleM || 407||
tayAhI deha eku kIra AthI| laukikIM sukhaduHkhI tayAteM mhaNatI| parI AmhAMteM aisI pratItI| parabrahmachi hA || 408||
mhaNauni ApaNapAM vishva dekhije| ANi ApaNa vishva ho{I}je| aiseM sAmyachi eka upAsije| pAMDavA gA || 409||
heM tUteM bahutIM prasaMgIM| AmhI mhaNoM yAchilAgIM| je sAmyAparautI jagIM| prApti nAhIM || 410||

\indent ##\hspace{1in}## arjuna uvAcha |
\indent ##\hspace{1in}## yo.aya.n yogastvayA prok{}taH sAmyena madhusUdana |
\indent ##\hspace{1in}## etasyAha.n na pashyAmi cha.nchalatvAtsthiti.n sthirAm.h || 33||\newline%@
\indent ##\hspace{1in}## cha.nchala.n hi manaH kR^iShNa pramAthi balavad{}dR^iDham.h |
\indent ##\hspace{1in}## tasyAha.n nigraha.n manye vAyoriva suduShkaram.h || 34||\newline%@

taMva arjuna mhaNe devA| tumhI sAMgA kIra AmuchiyA kaNavA| parI na puroM jI svabhAvA| manAchiyA || 411||
heM mana kaiseM kevaDheM| aiseM pAhoM mhaNoM tarI na sAMpaDeM| eRhavIM rAhATAvayA thoDeM| trailok{}ya yayA || 412||
mhaNauni aiseM kaiseM ghaDela| je markaTa samAdhI ye{I}la| kAM rAhA mhaNataliyA rAhela| mahAvAtu \? || 413||
jeM buddhIteM saLI| nishchayAteM TALI| dhairyesIM hAtaphaLI| miLa{U}ni jAya || 414||
jeM vivekAteM bhulavI| saMtoShAsI chADa lAvI| baisije tarI hiMDavI| dAhI dishA || 415||
jeM nirodhaleM ghe uvAvo| jayA saMyamuchi hoya sAvAvo| teM mana ApulA svabhAvo| sAMDIla kA{I} \? || 416||
mhaNauni mana eka nishchaLa rAhela| maga AmhAMsi sAmya ho{I}la| heM visheSheMhI na ghaDela| yAchilAgIM || 417||

\indent ##\hspace{1in}## shrIbhagavAnuvAcha |
\indent ##\hspace{1in}## asa.nshaya.n mahAbAho mano durnigraha.n chalam.h |
\indent ##\hspace{1in}## abhyAsena tu kaunteya vairAgyeNa cha gR^ihyate || 35||\newline%@

taMva kR^iShNa mhaNatI sAchachi| bolata AhAsi teM taiseMchi| yayA manAchA kIra chapaLachi| svabhAvo gA || 418||
pari vairAgyAcheni AdhAreM| jarI lAvileM abhyAsAchiye mohareM| tarI ketuleni eke avasareM| sthirAvela || 419||
kAM jeM yayA manAcheM eka nikeM| jeM dekhileM goDIchiyA ThAyA soke| mhaNauni anubhavasukhachi kavatikeM| dAvIta jA{i}je || 420 ||

\indent ##\hspace{1in}## asa.nyatAtmanA yogo duShprApa iti me matiH |
\indent ##\hspace{1in}## vashyAtmanA tu yatatA shak{}yo.avAptumupAyataH || 36||\newline%@

eRhavIM virakti jayAMsi nAhIM| je abhyAsIM na righatI kahIM| tayAM nAkaLe heM AmhIhI| na manUM kAyI || 421||
pari yamaniyamAMchiyA vATA na vachije| kahIM vairAgyAchI se na karije| kevaLa viShayajaLIM ThAkije| buDI de{}unI || 422||
yayA jAliyA mAnasA kahIM| yuktIchI kAMbI lAgalI nAhIM| tarI nishchaLa ho{I}la kA{I}| kaiseni sAMgeM \? || 423||
mhaNauni manAchA nigraho hoye| aisA upAya jo Ahe| to AraMbhIM maga nohe| kaisA pAhoM || 424||
tarI yogasAdhana jitukeM| keM avagheMchi kAya laTikeM \?| pari ApaNayAM abhyAsUM na ThAke| heMchi mhaNa || 425||
AMgIM yogAcheM hoya baLa| tarI mana ketuleM chapaLa \?| kAya mahadAdi heM sakaLa| Apu nohe \? || 426||
tetha arjuna mhaNe nikeM| devo bolatI teM na chuke| sAchachi yogabaLeMsIM na tuke| manobaLa || 427||
tarI tochi yogu kaisA kevIM jANoM| AmhI yetule divasa yAchI mAtuhI neNoM| mhaNauni manAteM jI mhaNoM| anAvara || 428||
hA AtAM aghaveyA janmA| tujheni prasAdeM puruShottamA| yogaparichayo AmhAM| jAhalA AjI || 429||

\indent ##\hspace{1in}## arjuna uvAcha |
\indent ##\hspace{1in}## ayatiH shraddhayopeto yogAchchalitamAnasaH |
\indent ##\hspace{1in}## aprApya yogasa.nsiddhi kA.n gati.n kR^iShNa gachchhati || 37||\newline%@
\indent ##\hspace{1in}## kachchinnobhayavibhraShTashchhinnAbhramiva nashyati |
\indent ##\hspace{1in}## apratiShTho mahAbAho vimUDho brahmaNaH pathi || 38||\newline%@
\indent ##\hspace{1in}## etanme sa.nshaya.n kR^iShNa chhettumarhasyasheShataH |
\indent ##\hspace{1in}## tvadanyaH sa.nshayasyAsya chhettA na hyupapadyate || 39||\newline%@

pari ANika eka gosAMviyA| maja saMshayo ase sAviyA| to tUM vAMchUni pheDAvayA| samarthu nAhIM || 430||
mhaNauni sAMgeM goviMdA| kavaNa eku moxapadA| jhoMbata hotA shraddhA| upAyeMviNa || 431||
iMdriyagrAmoni nighAlA| AsthechiyA vATe lAgalA| AtmasiddhichiyA puDhilA| nagarA yAvayA || 432||
taMva Atmasiddhi na Thakechi| ANi mAguteM na yevavechi| aisA astu gelA mAjhArIMchi| AyuShyabhAnu || 433||
jaiseM akALIM AbhALa| aLumALu sapAtaLa| vipAyeM AleM kevaLa| vase nA varShe || 434 ||
taisIM donhI durAvalIM| je prAptI taMva alaga ThelI| ANi aprAptIhI sAMDavalI| shraddhA tayA || 435||
aisA doMlA aMtaralA kAM jI| jo shraddhechyA samAjIM| buDAlA tayA ho jI| kavaNa gati \? || 436||

\indent ##\hspace{1in}## shrIbhagavAnuvAcha |
\indent ##\hspace{1in}## pArtha naiveha nAmutra vinAshastasya vidyate |
\indent ##\hspace{1in}## na hi kalyANakR^itkashchid{}durgati.n tAta gachchhati || 40||\newline%@

taMva kR^iShNa mhaNatI pArthA| jayA moxasukhIM AsthA| tayA moxAvAMchUni anyathA| gatI Ahe gA \? || 437||
pari etuleM heMchi eka ghaDe| jeM mAjhArIM visavAveM paDe| teMhI parI aiseni suravADeM| jo devAM nAhIM || 438||
eRhavIM abhyAsAchA uchalatA| pA{u}lIM jarI chAlatA| tarI divasA{A}dhIM ThAkitA| so.ahaMsiddhIteM || 439||
pari tetulA vegu navhechi| mhaNauni visAMvA tarI nikAchi| pAThIM moxu taMva taisAchi| ThevilA ase || 440||

\indent ##\hspace{1in}## prApya puNyakR^itA.n lokAnuShitvA shAshvatIH samAH |
\indent ##\hspace{1in}## shuchInA.n shrImatA.n gehe yogabhraShTo.abhijAyate || 41||\newline%@

aikeM kavatika heM kaiseM| jeM shatamakhA loka sAyAseM| teM to pAve anAyAseM| kaivalyakAmu || 441||
maga tethiMche je amogha| alaukika bhoga| bhogitAMhI sAMga| kAMTALe mana || 442||
hA aMtarAyo avachitAM| kAM voDhavalA bhagavaMtA \?| aisA divibhoga bhogitAM| anutApI nitya || 443||
pAThIM janmeM saMsArIM| pari sakaLa dharmAchiyA mAherIM| lAMbA ugave AgarIM| vibhavashriyechA || 444||
jayAteM nItipaMtheM chAlije| satyadhUta bolije| dekhAveM teM dekhije| shAstradR^iShTIM || 445||
veda to jAgeshvaru| jayA vyavasAya nijAchAru| sArAsAra vichAru| maMtrI jayA || 446||
jayAchyA kuLIM chiMtA| jAlI IshvarAchI pativratA| jayAteM gR^ihadevatA| Adi R^iddhi || 447||
aisI nijapuNyAchI joDI| vADhinnalI sarvasukhAchI kuLavADI| tiye janme to suravADI| yogachyutu || 448||

\indent ##\hspace{1in}## athavA yoginAmeva kule bhavati dhImatAm.h |
\indent ##\hspace{1in}## etaddhi durlabhatara.n loke janma yadIdR^isham.h || 42||\newline%@
\indent ##\hspace{1in}## tatra ta.n buddhisa.nyoga.n labhate paurvadehikam.h |
\indent ##\hspace{1in}## yatate cha tato bhUyaH sa.nsiddhau kurunandana || 43||\newline%@

athavA j~nAnAgnihotrI| je parabrahmaNyashrotrI| mahAsukhaxetrIM| AdivaMta || 449||
je siddhAMtAchiyA siMhAsanIM| rAjya karitI tribhuvanIM| je kUjatI kokila vanIM| saMtoShAchyA || 450||
je vivekadrumAche muLIM| baisale AhAti nitya phaLIM| tayA yogiyAMchiyA kuLIM| janma pAve || 451||
moTakI dehAkR^iti umaTe| ANi nijaj~nAnAchI pAhAMTa phuTe| sUryApuDheM pragaTe| prakAshu jaisA || 452||
taisI dashechI vATa na pAhatAM| vayasechiyA gAMvA na yetAM| bALapaNIMcha sarvaj~natA| varI tayAteM || 453||
tiye siddhapraj~necheni lAbheM| manachi sArasvateM dubhe| maga sakaLa shAstre svayaMbheM| nighatI mukheM || 454||
aiseM je janma| jayAlAgIM deva sakAma| svargIM Thele japa homa| karitI sadA || 455||
amarIM bhATa ho{I}je| maga mR^ityulokAteM vAnije| aiseM janma pArthA gA je| teM to pAve || 456||

\indent ##\hspace{1in}## pUrvAbhyAsena tenaiva Rhiyate hyavasho.api saH |
\indent ##\hspace{1in}## jij~nAsurapi yogasya shabdabrahmAtivartate || 44||\newline%@

ANi mAgIla je sad{}buddhi| jetha jIvitvA jAhAlI hotI avadhi| maga techi puDhatI niravadhi| navI lAhe || 457||
tetha sadaivA ANi pAyALA| varI divyAMjana hoya DoLAM| maga dekhe jaisI avalILA| pAtALadhaneM || 458||
taiseM durbheda je abhiprAya| kAM gurugamya hana ThAya| tetha sauraseMvINa jAya| buddhi tayAchI || 459||
baLiyeM iMdriyeM yetI manA| mana ekavaTe pavanA| pavana sahajeM gaganA| miLoMchi lAge || 460||
aiseM neNoM kAya apaiseM| tayAteMchi kIje abhyAseM| samAdhi ghara puse| mAnasAcheM || 461||
jANije yogapIThIchA bhairavu| kAya hA AraMbharaMbhechA gauravu| kIM vairAgyasiddhIchA anubhavu| rUpA AlA || 462||
hA saMsAru umANiteM mApa| kAM aShTAMgasAmagrIcheM dvIpa| jaiseM parimaLeMchi dharije rUpa| chaMdanAcheM || 463||
taisA saMtoShAchA kAya ghaDilA| kIM siddhibhAMDArIMhUni kADhilA| dise teNeM mAneM rUDhalA| sAdhakadashe || 464||

\indent ##\hspace{1in}## prayat{}nAdyatamAnastu yogI sa.nshuddhakilbiShaH |
\indent ##\hspace{1in}## anekajanmasa.nsiddhastato yAti parA.n gatim.h || 45||\newline%@

je varShashatAMchiyA koDI| janmasahasrAMchiyA ADI| laMghitAM pAtalA thaDI| AtmasiddhIchI || 465||
mhaNauni sAdhanajAta AghaveM| anusare tayA svabhAveM| maga Ayatiye baise rANive| vivekAchiye || 466||
pAThIM vichAritayA vegAM| to vivekuhI ThAke mAgAM| maga avichAraNIya teM AMgA| ghaDoni jAya || 467||
tetha manAcheM mehuDeM vire| pavanAcheM pavanapaNa sare| ApaNapAM ApaNa mure| AkAshahI || 468||
praNavAchA mAthA buDe| yetuleni anirvAchya sukha joDe| mhaNauni AdhIMchi bolu bahuDe| tayAlAgIM || 469||
aisI brahmIMchI sthitI| je sakaLAM gatIMsI gatI| tayA amUrtAchI mUrti| ho{U}ni ThAke || 470||
teNeM bahutIM janmIM mAgilIM| vixepAMchIM pANivaLeM jhADilIM| mhaNauni upajatakheMvo buDAlI| lagnaghaTikA || 471||
ANi tadrUpatesIM lagna| lAgoni TheleM abhinna| jaise lopaleM abhra gagana| ho{U}ni ThAke || 472||
taiseM vishva jetha hoye| mAgauteM jetha layA jAye| teM vidyamAneMchi deheM| jAhalA to gA || 473||

\indent ##\hspace{1in}## tapasvibhyo.adhiko yogI j~nAnibhyo.api mato.adhikaH |
\indent ##\hspace{1in}## karmibhyashchAdhiko yogI tasmAdyogI bhavArjuna || 46||\newline%@

jayA lAbhAchiyA AshA| karUni dhairyabAhUMchA bharaMvasA| ghAlIta ShaTkarmAMchA dhArasAM| karmaniShTha || 474||
kAM jiye eka vastUlAMgIM| bANoni j~nAnAchI vajrAMgI| jhuMjata prapaMcheMshIM samaraMgIM| j~nAniye gA || 475||
athavA nilAgeM nisaraDA| tapodurgAchA ADakaDA| jhoMbatI tapiye chADA| jayAchiyA || 476||
jeM bhajatiyAM bhajya| yAj~nikAMcheM yAjya| evaM jeM pUjya| sakaLAM sadA || 477||
teMchi to ApaNa| svayeM jAhalA nirvANa| jeM sAdhakAMcheM kAraNa| siddha tattva || 478||
mhaNauni karmaniShThA vaMdyu| to j~nAniyAMsi vedyu| tApasAMchA Adyu| taponAthu || 479||
paiM jIvaparamAtmasaMgamA| jayAcheM yeNeM jAhaleM manodharmA| to sharIrIchi parI mahimA| aishI pAve || 480||
mhaNauni yAkAraNeM| tUMteM mI sadA mhaNeM| yogI ho{I}M aMtaHkaraNeM| paMDukumarA || 481||

\indent ##\hspace{1in}## yoginAmapi sarveShA.n madgatenAntarAtmanA |
\indent ##\hspace{1in}## shraddhAvAnbhajate yo mA.n sa me yuk{}tatamo mataH || 47||\newline%@

\indent ##\hspace{1in}## AUM tatsaditi shrImad{}bhagavadgItAsUpaniShatsu brahmavidyAyA.n yogashAstre
\indent ##\hspace{1in}## shrIkR^iShNArjunasa.nvAde dhyAnayogo nAma ShaShThodhyAyaH || 6a ||\newline%@

agA yogI jo mhaNije| to devAMchA devo jANije| ANi sukha sarvasva mAjheM| chaitanya to || 482||
tetha bhajatA bhajana bhajAveM| heM bhaktisAdhana jeM AghaveM| to mIchi jAhaloM anubhaveM| akhaMDita || 483||
maga tayA AmhAM prItIcheM| svarUpa bolIM nirvache| aiseM navhe gA to sAcheM| subhadrApatI || 484||
tayA ekavaTaliyA premA| jarI pADeM pAhije upamA| tarI mI deha to AtmA| heMchi hoya || 485||
aise bhaktachakorachaMdreM| tribhuvanaikanareMdreM| bolileM guNasamudreM| saMjayo mhaNe || 486||
tetha AdilApAsUni pArthA| aikije aisIchi AsthA| duNAvalI heM yadunAthA| bhAvoM saraleM || 487||
kIM sAviyAchi manIM saMtoShalA| je bolA ArisA joDalA| teNeM harikheM AtAM upalavalA| nirUpIla || 488||
to prasaMgu Ahe puDhAM| jetha shAMtu disela ughaDA| to pAlavijela muDA| prameyabIjAchA || 489||
jeM sAttvikAcheni vaDapeM| geleM AdhyAtmika kharapeM| sahajeM niDArale vAphe| chaturachittAche || 490||
varI avadhAnAchA vAphasA| lAdhalA sonayA{} aisA| mhaNauni perAvayA dhiMvasA| shrInivR^ittIsI || 491||
j~nAnadeva mhaNe mI chADeM| sad{}gurUMnIM keleM koDeM| mAthAM hAta ThevilA teM phuDeM| bIjachi vA{i}leM || 492||
mhaNauni yeNeM mukheM jeM jeM nige| teM saMtAMchyA hR^idayIM sAchachi lAge| heM aso sAMgoM shrIraMgeM| bolileM jeM || 493||
parI teM manAchyA kAnIM aikAveM| bola buddhIchyA DoLAM dekhAveM| he sAMTovATIM ghyAveM| chittAchiyA || 494||
avadhAnAcheni hAteM| neyAveM hR^idayAMAtauteM| he rijhavitIla AyaNIteM| sajjanAMchiye || 495||
he svahitAteM nivavitI| pariNAmAteM jIvavitI| sukhAchI vAhavitI| lAkholI jIvAM || 496||
AtAM arjuneMsIM shrImukuMdeM| nAgara bolijela vinodeM| teM voMviyecheni prabaMdheM| sAMgena mI || 497||
iti shrIj~nAnadevavirachitAyAM bhAvArthadIpikAyAM ShaShTho.adhyAyaH ..
%End of 06@
\bigskip\hrule\medskip
##
{\rm \Large
Encoded and proofread by
Chhaya Deo, Sharad Deo, and Vishwas Bhide.
Assisted by
Sunder Hattangadi, Joshi, and Shree Devi Kumar.}
\medskip\hrule\obeylines
{\rm Please send corrections to sanskrit at cheerful dot c om}
{\rm Last updated \today}
\end{document}