%@@1
% File name             : dn05.itx
%--------------------------------------------
% Text title            : Dnyaneshvari or Bhavarthadipika Chapter 5
% Author                : Sant Dnyaneshwar
% Language              : Marathi, Sanskrit
% Subject               : philosophy/hinduism/religion
% Description/comments  : 
% Transliterated by     : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Proofread by          : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Latest update         : June 20, 2005
% Send corrections to   : sanskrit at cheerful dot c om
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://sanskritdocuments.org
% http://sanskrit.bhaarat.com  See the document project
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dnyaneshvari or Bhavarthadipika Chapter 5 ..}##
\itxtitle{.. j~nAneshvarI bhAvArthadIpikA adhyAya 5 ..}##\endtitles ##
%Start of 05@
|| AUM shrI paramAtmane namaH ||
adhyAya pA.nchavA |
sa.nnyaasayogaH |

\indent ##\hspace{1in}## sa.nnyAsa.n karmaNA.n kR^iShNa punaryoga.n cha sha.nsasi |
\indent ##\hspace{1in}## yachchhreya etayoreka.n tanme brUhi sunishchitam.h || 1||\newline%@

maga pArthu shrIkR^iShNAteM mhaNe| hAM ho heM kaiseM tumacheM bolaNeM| eka hoya tarI aMtaHkaraNeM| vichArUM ye || 1||
mAgAM sakaLa karmAMchA  sanyAsu| tumhIMchi niropilA hotA bahuvasu| tarI karmayogIM kevIM atirasu| pokhItasAM puDhatI \? || 2||
aiseM dvyartha heM bolatAM| AmhAM neNatayAMchyA chittA| Apuliye chADeM shrI{a}naMtA| umaju nohe || 3||
aikeM ekasArAteM bodhije| tarI ekaniShThachi bolije| heM ANikIM kAya sAMgije| tumhAMprati || 4||
tarI yAchilAgIM tumateM| myAM rA{u}LAsi vinavileM hoteM| jeM hA paramArthu dhvaniteM| na bolAvA || 5||
parI mAgIla aso devA| AtAM prastutIM ukalu dekhAvA| sAMgaiM dohIMmAji baravA| mArgu kavaNu || 6||
jo pariNAmIMchA nirvALA| achuMbitu ye phaLA| ANi anuShThitAM prAMjaLA| sAviyAchi || 7||
jaiseM nidrecheM sukha na moDe| ANi mArgu tarI bahusAla sAMDe| taiseM sohokAsana sAMgaDeM| sohapeM hoya || 8||
yeNeM arjunAcheni boleM| devo manIM rijhale| maga ho{I}la aikeM mhaNitaleM| saMtoShoniyAM || 9||
dekhA kAmadhenu aisI mAye| sadaivA jayA hoye| to chaMdruhI parI lAhe| kheLAvayA || 10||
pAhe pAM shrIshaMbhUchI prasannatA| tayA upamanyUchiyA ArtA| kAya xIrAbdhi dUdhabhAtA| de{i}jechinA \? || 11||
taisA audAryAchA  kuruThA| shrIkR^iShNu Apu jAhaliyA subhaTA| kAM sarva sukhAMchA vasauTA| tochi nohAvA \? || 12||
etha chamatkAru kAyasA| gosAvI shrIlaxmIkAMtA{ai}sA| AtAM ApuliyA savesA| mAgAvA kIM || 13||
mhaNauni arjuneM mhaNitaleM| teM hAMsoni yereM didhaleM| teMchi sAMgena bolileM| kAya kR^iShNeM || 14||

\indent ##\hspace{1in}## shrIbhagavAnuvAcha |
\indent ##\hspace{1in}## sa.nnyAsaH karmayogashcha niHshreyasakarAvubhau |
\indent ##\hspace{1in}## tayostu karmasa.nnyAsAtkarmayogo vishiShyate || 2||\newline%@

to mhaNe gA kuMtIsutA| he saMnyAsayogu vichAritAM| moxakaru  tattvatA| donIhI hotI || 15||
tarI jANAM neNAM sakaLAM| hA karmayogu kIra prAMjaLA| jaisI nAva striyAM bALAM| toyataraNI || 16||
taiseM sArAsAra pAhije| tarI sohapA hAchi dekhije| yeNeM saMnyAsaphaLa lAhije| anAyAseM || 17||
AtAM yAchilAgIM sAMgena| tuja saMnyAsiyAcheM chinha| maga sahajeM heM abhinna| jANasI tUM || 18||

\indent ##\hspace{1in}## j~neyaH sa nityasa.nnyAsI yo na dveShTi na kA~NkShati |
\indent ##\hspace{1in}## nirdvandvo hi mahAbAho sukha.n bandhAtpramuchyate || 3||\newline%@

tarI geliyAchI se na karI| na pavatAM chADa na dharI| jo sunishchaLu aMtarIM| meru jaisA || 19||
ANi mI mAjheM aisI AThavaNa| visaraleM jayAcheM aMtaHkaraNa| pArthA to saMnyAsI jANa| niraMtara || 20||
jo maneM aisA jAhalA| saMgIM tochi sAMDilA| mhaNauni sukheM sukha pAvalA| akhaMDita || 21||
AtAM gR^ihAdika AghaveM| teM kAMhIM nalage tyajAveM| jeM gheteM jAhaleM svabhAveM| niHsaMgu mhaNauni || 22||
dekhaiM agni vijhoni jAye| maga je rAkhoMDI kevaLu hoye| taiM te kApuseM giMvasUM ye| jiyAparI || 23||
taisA asateni upAdhI| nAkaLije to karmabaMdhIM| jayAchiye buddhI| saMkalpu nAhIM || 24||
mhaNauni kalpanA jaiM sAMDe| taiMchi gA saMnyAsu ghaDe| iyeM kAraNeM donI sAMgaDe| saMnyAsayogu || 25||

\indent ##\hspace{1in}## sA.nkhyayogau pR^ithagbAlAH pravadanti na paNDitAH |
\indent ##\hspace{1in}## ekamapyAsthitaH samyagubhayorvindate phalam.h || 4||\newline%@

eRhavIM tarI pArthA| je mUrkha hotI sarvathA| te sAMkhyayogusaMsthA| jANatI kevIM \? || 26||
sahajeM te aj~nAna| mhaNauni mhaNatI te bhinna| eRhavIM dIpAprati kA{I} AnAna| prakAshu AhAtI \? || 27||
paiM samyak yeNeM anubhaveM| jihIM dekhileM tattva AghaveM| teM dohIMteMhI aikyabhAveM| mAnitI gA || 28||

\indent ##\hspace{1in}## yatsA.nkhyaiH prApyate sthAna.n tadyogairapi gamyate |
\indent ##\hspace{1in}## eka.n sAkhya.n cha yoga.n cha yaH pashyati sa pashchati || 5||\newline%@

ANi sAMkhyIM jeM pAvije| teMchi yogIM gamije| mhaNauni aik{}ya dohIMteM sahajeM| iyAparI || 29||
dekhaiM AkAshA ANi avakAshA| bhedu nAhIM jaisA| taiseM aik{}ya yogasaMnyAsA| voLakhe jo || 30||
tayAsIchi jagIM pAhaleM| ApaNapeM teNeMchi dekhileM| jayA sAMkhyayoga jANavale| bhedeMviNa || 31||

\indent ##\hspace{1in}## sa.nnyAsastu mahAbAho duHkhamAptumayogataH |
\indent ##\hspace{1in}## yogayuk{}to munirbahma na chireNAdhigachchhati || 6||\newline%@

jo yuktipaMtheM pArthA| chaDhe moxaparvatA| to mahAsukhAchA nimathA| vahilA pAve || 32||
yerA yogasthiti jayA sAMDe| to vAyAMchi gA havyAsIM paDe| pari prApti kahIM na ghaDe| saMnyAsAchI || 33||

\indent ##\hspace{1in}## yogayuk{}to vishuddhAtmA vijitAtmA jitendriyaH |
\indent ##\hspace{1in}## sarvabhUtAtmabhUtAtmA kurvannapi na lipyate || 7||\newline%@

jeNeM bhrAMtIpAsUni hirataleM| guruvAk{}yeM mana dhutaleM| maga AtmasvarUpIM ghAtaleM| hArauniyAM || 34||
jaiseM samudrIM lavaNa na paDe| taMva vegaLeM alpa AvaDe| maga hoya siMdhUchi evaDheM| miLe tevhAM || 35||
taiseM saMkalponi kADhileM| jayAcheM manachi chaitanya jAhaleM| teNeM ekadeshiyeM parI vyApileM| lokatraya || 36||
AtAM kartA karma karAveM| heM khuMTaleM tayA svabhAveM| ANi karI jaRhI AghaveM| taRhI akartA to || 37||

\indent ##\hspace{1in}## naiva ki.nchitkaromIti yuk{}to manyeta tattvavit.h |
\indent ##\hspace{1in}## pashya~nshrR^iNvanspR^isha~njighrannashnangachchhansvapanshvasan || 8||\newline%@
\indent ##\hspace{1in}## pralapanvisR^ijangR^ihNannunmiShannimiShannapi |
\indent ##\hspace{1in}## i.ndriyANIndriyArtheShu vartanta iti dhArayan || 9||\newline%@

je pArthA tayA dehIM| mI aisA ATha{}U nAhIM| tarI kartR^itva kaichaiM kA{I}| ure sAMgaiM \? || 38||
aiseM tanutyAgeMvINa| amUrtAche guNa| disatI saMpUrNa| yogayuktAM || 39||
eRhavIM ANikAMchiye parI| tohI eka sharIrI| asheShAhI vyApArIM| vartatu dise || 40||
tohI netrIM pAhe| shravaNIM aikatu Ahe| pari tethIMchA sarvathA nohe| navala dekheM || 41||
sparshAsi tarI jANe| parimaLu sevI ghrANeM| avasarochita bolaNeM| tayAhi AthI || 42||
AhArAteM svIkArI| tyajAveM teM pariharI| nidrechiyA avasarIM| nidije sukheM || 43||
Apuleni ichChAvasheM| tohI gA chAlatu dise| paiM sakaLa karma aiseM| rahATe kIra || 44||
heM sAMgoM kA{I} ekaika| dekheM shvAsochChvAsAdika| ANi nimiShonnimiSha| AdikarUni || 45||
pArthA tayAche ThAyIM| heM AghaveMchi Athi pAhIM| parI to kartA navhe kAMhIM| pratItibaLeM || 46||
jaiM bhrAMti seje sutalA| taiM svapnasukheM bhutalA| maga to j~nAnodayIM che{i}lA| mhaNauniyAM || 47||

\indent ##\hspace{1in}## brahmaNyAdhAya karmANi sa~Nga.n tyak{}tvA karoti yaH |
\indent ##\hspace{1in}## lipyate na sa pApena padmapatramivAmbhasA || 10||\newline%@

AtAM adhiShThAnasaMgatI| asheShAhI iMdriyavR^ittI| ApulAliyA arthIM| vartata AhAtI || 48||
dIpAcheni prakAsheM| gR^ihIMche vyApAra jaise| dehIM karmajAta taise| yogayuktA || 49||
to karmeM karI sakaLeM| parI karmabaMdhA nAkaLe| jaiseM na siMpe jaLIM jaLeM| padmapatra || 50||

\indent ##\hspace{1in}## kAyena manasA buddhyA kevalairindriyairapi |
\indent ##\hspace{1in}## yoginaH karma kurvanti sa~Nga.n tyak{}tvAtmashuddhaye || 11||\newline%@

dekhaiM buddhIchI bhASha neNije| manAchA aMkura nudaije| aisA vyApAru to bolije| shArIru gA || 51||
heMcha marAThe pariyeshIM| tarI bALakAchI cheShTA jaishI| yogiye karmeM karitI taishIM| kevaLA tanu || 52||
maga pAMchabhautika saMchaleM| jevhAM sharIra ase nideleM| tetha manachi rahATeM ekaleM| svapnIM jevIM || 53||
navala aikeM dhanurdharA| kaisA vAsanechA saMsArA| dehA ho{U}M nedI ujagarA| parI sukhaduHkheM bhogI || 54||
iMdriyAMchyA gAMvIM neNije| aisA vyApAru jo nipaje| to kevaLu gA mhaNije| mAnasAchA || 55||
yogiye tohI karitI| parI karmeM teM na baMdhijatI| je sAMDilI Ahe saMgatI| ahaMbhAvAchI || 56||
AtAM jAhAliyA bhramahata| jaiseM pishAchAcheM chitta| maga iMdriyAMcheM cheShTita| vikaLu dise || 57||
svarUpa tarI dekhe| ALavileM A{i}ke| shabdu bole mukheM| parI j~nAna nAhIM || 58||
heM aso kAjeMviNa| jeM jeM kAMhIM karaNa| teM kevaLa karma jANa| iMdriyAMcheM || 59||
maga sarvatra jeM jANateM| te buddhIcheM karma niruteM| oLakha arjunAteM| mhaNe harI || 60||
te buddhI dhure karunI| karma karitI chitta de{}UnI| parI te naiShkarmyApAsunI| mukta disatI || 61||
jeM buddhIchiye ThAvUni dehI| tayAM ahaMkArAchI sechi nAhIM| mhaNauni karma karitAM pAhIM| chokhALale || 62||
agA karitenavINa karma| teMchi teM naiShkarmya| heM jANatI suvarma| gurugamya jeM || 63||
AtAM shAMtarasAcheM bhariteM| sAMDIta Ahe pAtrAteM| jeM bolaNeM bolAparauteM| bolavaleM || 64||
etha iMdriyAMchA pAMgu| jayA phiTalA Ahe chAMgu| tayAsIchi Athi lAgu| parisAvayA || 65||
hA aso atiprasaMgu| na saMDI pAM kathAlAgu| ho{I}la shlokasaMgati bhaMgu| mhaNauniyAM || 66||
jeM manA AkaLitAM kuvADeM| ghAghusitAM buddhI nAtuDe| teM daivAcheni suravADeM| sAMgavaleM tuja || 67||
jeM shabdAtIta svabhAveM| teM bolIMchi jarI phAve| tarI ANikeM kAya karAveM| kathA sAMgaiM || 68||
hA ArtivisheShu shrotayAMchA| jANoni dAsa nivR^ittIchA| mhaNe saMvAdu doghAMchA| parisoni parisA || 69||
maga shrIkR^iShNa mhaNe pArthAteM| AtAM prAptAcheM chinha purateM| sAMgena tuja niruteM| chitta de{I}M || 70||

\indent ##\hspace{1in}## yuk{}taH karmaphala.n tyak{}tvA shAntimAp{}noti naiShThikIm.h |
\indent ##\hspace{1in}## ayuk{}taH kAmakAreNa phale sak{}to nibadhyate || 12||\newline%@

tarI AtmayogeM AthilA| jo karmaphaLAshIM viTalA| to ghara righoni varilA| shAMti jagIM || 71||
yeru karmabaMdheM kirITI| abhilAShAchiyA gAMThIM| kaLAsalA khuMTI| phaLabhogAchyA || 72||

\indent ##\hspace{1in}## sarvakarmANi manasA sa.nnyasyAste sukha.n vashI |
\indent ##\hspace{1in}## navadvAre pure dehI naiva kurvanna kArayan || 13||\newline%@

jaisA phaLAchiye hAMveM| taiseM karma karI AghaveM| maga na kIjechi yeNeM bhAveM| upexI jo || 73||
to jayAkaDe vAsu pAhe| te{u}tI sukhAchI sR^iShTi hoye| to mhaNe tetha rAhe| mahAbodhu || 74||
navadvAreM dehIM| to asatuchi pari nAhIM| karituchi na karI kAMhIM| phalatyAgI || 75||

\indent ##\hspace{1in}## na kartR^itva.n na karmANi lokasya sR^ijati prabhuH |
\indent ##\hspace{1in}## na karmaphalasa.nyoga.n svabhAvastu pravartate || 14||\newline%@

jaisA kAM sarveshvarU| pAhije taMva nirvyApAru| pari tochi rachI vistAru| tribhuvanAchA || 76||
ANi kartA aiseM mhaNipe| tarI kavaNeM karmIM na shiMpeM| je hAtupAvo na liMpe| udAsavR^ittIchA || 77||
yoganidrA tarI na moDe| akartepaNA saLu na paDe| parI mahAbhUtAMcheM daLavADeM| ubhArI bhale || 78||
jagAchyA jIvIM Ahe| parI kavaNAchA kahIM nohe| jagachi heM hoya jAye| to shuddhIhi neNe || 79||

\indent ##\hspace{1in}## nAdatte kasyachitpApa.n na chaiva sukR^ita.n vibhuH |
\indent ##\hspace{1in}## aj~nAnenAvR^ita.n j~nAna.n tena muhyanti jantavaH || 15||\newline%@

pApapuNyeM asheSheM| pAsIMchi asatu na dekheM| ANi sAxIhI ho{U}M na Thake| yerI goThI kAyasI \? || 80||
paiM mUrtIcheni meLeM| to mUrtachi ho{U}ni kheLe| pari amUrtapaNa na maiLe| dAdulayAcheM || 81||
to sR^ijI pALI saMhArI| aiseM bolatI je charAcharIM| teM aj~nAna gA avadhArIM| paMDukumarA || 82||

\indent ##\hspace{1in}## j~nAnena tu tadaj~nAna.n yeShA.n nAshitamAtmanaH |
\indent ##\hspace{1in}## teShAmAdityavaj~nAna.n prakAshayati tatparam.h || 16||\newline%@

teM aj~nAna jaiM samULa tuTe| tai bhrAMtIcheM masaireM phiTe| maga akartR^itva pragaTe| maja IshvarAcheM || 83||
etha Ishvaru eku akartA| aiseM mAnaleM jarI chittA| tarI tochi mI heM svabhAvatA| AdIchi Ahe || 84||
aiseni vivekeM udo chittIM| tayAsI bhedu kaiMchA trijagatIM| dekheM ApuliyA pratIti| jagachi mukta || 85||
jaishI pUrvadishechyA rA{u}LIM| udayA yetAMchi sUrya divALI| kIM yerIhI dishAM tiyechi kALIM| kALimA nAhIM || 86||

\indent ##\hspace{1in}## tad{}buddhayastadAtmAnastanniShThAtatparAyaNaH |
\indent ##\hspace{1in}## gachchhantyapunarAvR^itti j~nAnanirdhUtakalmaShAH || 17||\newline%@

buddhinishchayeM Atmaj~nAna| brahmarUpa bhAvI ApaNA ApaNa| brahmaniShThA rAkhe pUrNa| tatparAyaNa aharnishIM || 87||
aiseM vyApaka j~nAna bhaleM| jayAMchiyA hR^idayA giMvasita AleM| tayAMchI samatA dR^iShTi boleM| visheShUM kA{}I || 88||
eka ApaNapAMchi jaiseM| te dekhatIM vishva taiseM| heM bolaNeM kAyaseM| navalu etha || 89||
parI daiva jaiseM kavatikeM| kahIMchi dainya na dekhe| kAM viveku hA noLakhe| bhrAMtIteM jevIM || 90||
nAtarI aMdhakArAchI vAnI| jaisA sUryo na dekhe svapnIM| amR^ita nAyake kAnIM| mR^ityukathA || 91||
heM aso saMtApu kaisA| chaMdru na smare jaisA| bhUtIM bhedu neNatI taisA| j~nAniye te || 92||

\indent ##\hspace{1in}## vidyAvinayasa.npanne brAhmaNe gavi hastini |
\indent ##\hspace{1in}## shuni chaiva shvapAke cha paNDitAH samadarshinaH || 18||\newline%@

maga hA mashaku hA gaju| kIM hA shvapachu hA dviju| paila itaru hA Atmaju| heM urela keM \? || 93||
nA tarI he dhenu heM shvAna| eka guru eka hIna| heM aso kaicheM svapna| jAgatayA || 94||
etha bhedu tarI kIM dekhAvA| jarI ahaMbhAva uralA ho{A}vA| to AdhIMchi nAhIM AghavA| AtAM viShamu kA{I} || 95||

\indent ##\hspace{1in}## ihaiva tairjitaH sargo yeShA.n sAmye sthita.n manaH |
\indent ##\hspace{1in}## nirdoSha.n hi sama.n brahma tasmAd{}brahmaNi te sthitAH || 19||\newline%@

mhaNauni sarvatra sadA sama| teM ApaNachi advaya brahma| heM saMpUrNa jANeM varma| samadR^iShTIcheM || 96||
jihIM viShayasaMgu na sAMDitAM| iMdriyAMteM na daMDitAM| parI bhogilI nisaMgatA| kAmaneviNa || 97||
jihIM lokAMcheni AdhAreM| laukikeMchi vyApAreM| pari sAMDileM nidasureM| laukiku heM || 98||
jaisA janAmAji khecharu| asatuchi janA nohe gocharu| taisA sharIrIM parI saMsAru| noLakhe tayAMteM || 99||
heM aso pavanAcheni meLeM| jaiseM jaLIMchi jaLa loLe| teM ANikeM mhaNatI vegaLeM| kalloLa he || 100||
taiseM nAma rUpa tayAcheM| eRhavIM brahmachi to sAcheM| mana sAmyA AleM jayAcheM| sarvatra gA || 101||
aiseni samadR^iShTI jo hoye| tayA puruShA laxaNahI Ahe| arjunA saMxepeM sAMgena pAheM| achyuta mhaNe || 102||

\indent ##\hspace{1in}## na prahR^iShyotpriya.n prApya nodvijetprApya chApriyam.h |
\indent ##\hspace{1in}## sthirabuddhirasa.nmUDho brahmavid.h brahmaNi sthitaH || 20||\newline%@

tarI mR^igajaLAcheni pUreM| jaiseM na loTije kAM girivareM| taisA shubhAshubhIM na vikare| pAtaliyA jo || 103||
tochi to nirutA| samadR^iShTI tattvatAM| hari mhaNe paMDusutA| tochi brahma || 104||

\indent ##\hspace{1in}## bAhyasparsheShvasak{}tAtmA vindatyAtmani yatsukham.h |
\indent ##\hspace{1in}## sa brahmayogayuk{}tAtmA sukhamakShayamashnute || 21||\newline%@

jayA ApaNapeM sAMDUni kahIM| iMdriyagrAmAvarI yeNeMchi nAhIM| to viShaya na sevI heM kA{I}| vichitra yetha || 105||
sahajeM svasukhAcheni apAreM| suravADaleni aMtareM| rachilA mhaNauni bAhireM| pA{u}la na ghAlI || 106||
sAMgaiM kumudadaLAcheni tATeM| jo jevilA chaMdrakiraNeM chokhaTeM| to chakoru kA{I} vALuvaMTeM| chuMbitu ase \? || 107||
taiseM Atmasukha upA{i}leM| jayAsi ApaNapeMchi phAvaleM| tayA viShayo sahajeM sAMDavale| mhaNo kA{I} \? || 108||
eRhavIM tarI kautukeM| vichArUni pAheM pAM nikeM| yA viShayAMcheni sukheM| jhakavitI kavaNa || 109||

\indent ##\hspace{1in}## ye hi sa.nsparshajA bhogA duHkhayonaya eva te |
\indent ##\hspace{1in}## AdyantavantaH kaunteya na teShu ramate budhaH || 22||\newline%@

jihIM ApaNapeM nAhIM dekhileM| techi ihIM iMdriyArthIM raMjale| jaiseM raMku kAM ALukaileM| tuShAMteM sevI || 110||
nAtarI mR^igeM tR^iShApIDiteM| saMbhrameM visaroni jaLAMteM| maga toyabuddhI baraDIteM| ThAkUni yetI || 111||
taiseM ApaNapeM nAhIM diThe| jayAteM svasukhAche sadA kharAMTe| tayAsIchi viShaya he gomaTe| AvaDatI || 112||
eRhavIM viShayIM sukha Ahe| he bolaNeMchi sArikheM nohe| tarI vidyutsphuraNeM kAM na pAhe| jagAmAjIM || 113||
sAMgaiM vAta varSha Atapu dhare| aise abhrachChAyAchi jarI sare| tarI trimALikeM dhavaLAreM| karAvIM kAM || 114||
mhaNauni viShayasukha jeM bolije| teM neNatAM gA vAyAM jalpije| jaiseM mahUra kAM mhaNije| viShakaMdAteM || 115||
nAtarI bhaumA nAma maMgaLu| rohiNIteM mhaNatI jaLu| taisA sukhapravAdu baraLu| viShayiku hA || 116||
he aso AghavI bolI| sAMga pAM sarpaphaNIchA sA{u}lI| te shItala ho{I}la ketulI| mUShakAsI \? || 117||
jaisA AmiShakavaLu pAMDavA| mInu na sevI taMvachi baravA| taisA viShayasaMgu AghavA| nibhrAMta jANeM || 118||
he viraktAMchiye diThI| jaiM nyAhALije kirITI| taiM pAMDurogAchiye puShTI\-| sArikheM dise || 119||
mhaNauni viShayabhogIM jeM sukha| teM sAdyaMtachi jANa duHkha| pari kAya kIje mUrkha| na sevitAM na sare || 120||
teM aMtara neNatI bApuDe| mhaNauni agatya sevaNeM ghaDe| sAMgaiM pUyapaMkIMche kiDe| kAya chiLasI ghetI || 121||
tayAM duHkhiyAM duHkhachi jivhAra| te viShayakardamIMche dardura| te bhogajaLIMche jaLachara| sAMDitI kevIM || 122||
ANi duHkhayoni jiyA AhAtI| tiyA nirarthakA tarI navhatI| jarI viShayAMvarI viraktI| dharitI jIva || 123||
nAtarI garbhavAsAdi saMkaTa| kAM janmamaraNIMche kaShTa| he visAMvevINa vATa| vAhAvI kavaNeM || 124||
jarI viShayIM viShayo sAMDijela| tarI mahAdoShIM keM vasijela| ANi saMsAru hA shabdu navhela| laTikA jagIM \? || 125||
mhaNauni avidyAjAta nAthileM| teM tihIMchi sAcha dAvileM| jihIM sukhabuddhI ghetaleM| viShayaduHkha || 126||
yA kAraNeM gA subhaTA| hA vichAritAM viShaya vokhaTA| tUM jhaNeM kahIM yA vATA| visaroni jAshI || 127||
paiM yAteM virakta puruSha| tyajitI kAM jaiseM viSha| nirAshA tayAM duHkha| dAvileM nAvaDe || 128||

\indent ##\hspace{1in}## shaknotIhaiva yaH soDhu.n prAkSharIravimokShaNAt.h |
\indent ##\hspace{1in}## kAmakrodhod{}bhava.n vega.n sa yuk{}taH sa sukhI naraH || 23||\newline%@

j~nAniyAMchyA hana ThAyIM| yAchI mAtuhI kIra nAhIM| dehIM dehabhAvo jihIM| svavasha kele || 129||
jayAMteM bAhyAchI bhASha| neNijechi niHsheSha| aMtarIM sukha| eka Athi || 130||
pari teM vegaLepaNeM bhogije| jaiseM paxiyeM phaLa chuMbije| taiseM navhe tetha visarije| bhogitepaNahI || 131||
bhogIM avasthA ekI uThI| te ahaMkArAchA aMchaLu loTI| maga sukheMsi ghe AMTI| gADhepaNeM || 132||
tiye AliMganameLIM| hoya ApeMApa kavaLI| tetha jaLa jaiseM jaLIM| vegaLeM na dise || 133||
kAM AkAshIM vAyu hArape| tetha donhI he bhASha lope| taise sukhachi ure svarUpeM| suratIM tiye || 134||
aisI dvaitAchI bhASha jAya| maga mhaNoM jarI eka hoya| tarI tetha sAxI kavaNu Ahe| jANate jeM || 135||

\indent ##\hspace{1in}## yo.antaHsukho.antarArAmastathAntarjyotireva yaH |
\indent ##\hspace{1in}## sa yogI brahmanirvANa.n brahmabhUto.adhigachchhati || 24||\newline%@
\indent ##\hspace{1in}## labhante brahmanirvANamR^iShayaH kShINakalmaShAH |
\indent ##\hspace{1in}## chhinnadvaidhA yatAtmAnaH sarvabhUtahite ratAH || 25||\newline%@

mhaNauni aso heM AghaveM| etha na bolaNeM kAya bolAveM| te khuNAchi pAvale svabhAveM| AtmArAma || 136||
je aiseni sukheM mAtale| ApaNapAMchi ApaNa guMtale| te mI jANeM nikhiLa votale| sAmarasyAche || 137||
te AnaMdAche anukAra| sukhAche aMkura| kIM mahAbodheM vihAra| kele jaise || 138||
te vivekAcheM gAMva| kIM parabramhIMche svabhAva| nAtarI aLaMkArale avayava| brahmavidyeche || 139||
te sattvAche sAttvika| kIM chaitanyAche AMgika| heM bahu aso ekaika| vAnisI kA{I} || 140||
tUM saMtastavanIM ratasI| tarI kathechI se na karisI| kIM nirALIM bola dekhasI| sanAgara || 141||
pari to rasAtishayo mukuLIM| maga graMthArthadIpu ujaLIM| karI sAdhuhR^idayarA{u}LIM| maMgaLa{}ukhA || 142||
aisA shrIgurUchA uvAyilA| nivR^ittidAsAsI pAtalA| maga to mhaNe shrIkR^iShNa bolilA| teMchi A{i}kA || 143||
arjunA anaMta sukhAchyA DohIM| ekasarA taLuchi ghetalA jihIM| maga sthirA{U}ni tehI| teMchi jAhale || 144||
athavA AtmaprakAsheM chokheM| jo ApaNapeMchi vishva dekhe| to deheMchi parabrahma sukheM| mAnUM ye{I}la || 145||
jeM sAchokAreM parama| nA teM axara niHsIma| jiye gAMvIMche niShkAma| adhikAriye || 146||
je maharShIM vADhale| viraktAM bhAgA phiTaleM| je niHsaMshayA pikaleM| niraMtara || 147||

\indent ##\hspace{1in}## kAmakrodhaviyuk{}tAnA.n yatInA.n yatachetasAm.h |
\indent ##\hspace{1in}## abhito brahmanirvANa.n vartate viditAtmanAm.h || 26||\newline%@

jihIM viShayAMpAsoni hirataleM| chitta ApuleM ApaNa jiMtileM| te nishchita jetha sutale| chetIchinA || 148 ||
teM parabrahma nirvANa| jeM AtmavidAMcheM kAraNa| teMchi te puruSha jANa| paMDukumarA || 149 ||
te aise kaiseMni jahAle| je dehIMchi brahmatvA Ale| heM pusasI tarI bhaleM| saMkshepeM sAMgoM || 150 ||

\indent ##\hspace{1in}## sparshAnkR^itvA bahirbAhyA.nshchakShushchaivAntare bhruvoH |
\indent ##\hspace{1in}## prANApAnau samau kR^itvA nAsAbhyantarachAriNau || 27||\newline%@


\indent ##\hspace{1in}## yatendriyamanobuddhirmunirmokShaparAyaNaH |
\indent ##\hspace{1in}## vigatechchhAbhayakrodho yaH sadA muk{}ta eva saH || 28||\newline%@

tarI vairAgyAcheni AdhAreM| jihIM viShaya davaDUni bAhireM| sharIrIM ekaMdareM| keleM mana || 151||
sahajeM tihIM saMdhI bheTI| jetha bhrUpallavAM paDe gAMThI| tetha pAThimorI diThI| pArakhoniyAM || 152||
sAMDUni daxiNa vAma| prANApAnasama| chitteMsIM vyoma\-| gAmiye karitI || 153||
tetha jaisIM rathyodakeM sakaLeM| ghe{}Uni gaMgA samudrIM miLe| maga ekeku vegaLeM| nivaDUM naye || 154||
taisI vAsanAMtarAchI vivaMchanA| maga ApaisI pArukhe arjunA| je veLIM gaganIM layo manA| pavaneM kIje || 155||
jetha heM saMsArachitra umaTe| to manorUpu paTu phATe| jaiseM sarovara ATe| maga pratibhA nAhIM || 156||
taiseM mana etha muddala jAya| maga ahaMbhAvAdika keM Ahe| mhaNauni sharIreMchi brahma hoye| anubhavI to || 157||

\indent ##\hspace{1in}## bhok{}tAra.n yaj~natapasA.n sarvalokamaheshvaram.h |
\indent ##\hspace{1in}## suhR^ida.n sarvabhUtAnA.n j~nAtvA mA.n shAntimR^ichchhati || 29||\newline%@

\indent ##\hspace{1in}## AUM tatsaditi shrImad{}bhagavadgItAsUpaniShatsu brahmavidyAyA.n yogashAstre
\indent ##\hspace{1in}## shrIkR^iShNArjunasa.nvAde karmasa.nj~nAsayogonAma pa.nchamo.adhyAyaH || 5a ||\newline%@

AmhIM mAgAM hana sAMgitaleM| je dehIMchi brahmatva pAvale| te yeNeM mArgeM Ale| mhaNauniyAM || 158||
ANi yamaniyamAMche DoMgara| abhyAsAche sAgara| kramoni he pAra| pAtale te || 159||
tihIM ApaNapeM karUni nirlepa| prapaMchAcheM ghetaleM mApa| maga sAchAcheMchi rUpa| ho{U}ni Thele || 160||
aisA yogayuktIchA uddeshu| jetha bolilA hR^iShIkeshu| tetha arjunu sudaMshu| mhaNauni chamatkAralA || 161||
teM dekhiliyA kR^iShNeM jANitaleM| maga hAMsoni pArthAteM mhaNitaleM| kA{I} pAM chitta uvA{i}leM| iye bolIM tujheM \? || 162||
taMva arjuna mhaNe devo| parachittalaxaNAMchA rAvo| bhalA jANitalA jI bhAvo| mAnasu mAjhA || 163||
myAM jeM kAMhIM vivaroni pusAveM| teM AdhIMchi jANitaleM deveM| tarI bolileM teMchi sAMgAveM| vivaLa karUni || 164||
eRhavIM tarI avadhArA| jo dAvilA tumhIM anusArA| to pavhaNyAhUni pAya{}utArA| sohapA jaisA || 165||
taisA sAMkhyAhUni prAMjaLA| parI AmhAMsArikhiyAM abhoLAM| etha AhAti pari kAMhIM kALA| to sAhoM ye vara || 166||
mhaNauni eka veLa devA| tochi paDatALA gheyAvA| vistarela tarI sAMgAvA| sAdyaMtuchi || 167||
taMva shrIkR^iShNa mhaNatI ho kAM| tuja hA mArgu gamalA nikA| tarI kAya jAhaleM A{I}kIjo kAM| sukheM boloM || 168||
arjunA tUM parisasI| parisoni anuShThisI| tarI AmhAMsIchi vAnI kAyasI| sAMgAvayAchI \? || 169||
AdhIMchi chitta mAyecheM| varI miSha jAhale paDhiyaMtayAcheM| AtAM teM ad{}bhutapaNa snehAcheM| kavaNa jANe || 170||
teM mhaNo kAruNyarasAchI vR^iShTi| kIM navayA snehAchI sR^iShTi| heM aso neNije dR^iShTI| harIchI vAnUM || 171||
je amR^itAchI votalI| kIM premachi pi{U}ni mAtalI| mhaNauni arjunamoheM guMtalI| nighoM neNeM || 172||
heM bahu jeM jeM jalpijela| tetheM kathesi phAMku ho{I}la| pari teM sneharUpA na yela| bolavarI || 173||
mhaNauni visurA kAya yeNeM| to Ishvaru kavaLAvA kavaNeM| jo ApuleM mAna neNeM| ApaNachi || 174||
tarI mAgIlA dhvanIAMtu| maja gamalA sAviyAchi mohitu| je balAtkAreM ase mhaNatu| parisa bApA || 175||
arjunA jeNeM jeNeM bhedeM| tujheM kAM chitta bodhe| taiseM taiseM vinodeM| nirUpijela || 176||
to kA{i}sayA nAma yogu| tayAchA kavaNa upegu| athavA adhikAraprasaMgu| kavaNA yetha || 177||
aiseM jeM jeM kAMhIM| ukta ase iye ThA{I}M| teM AghaveMchi pAhIM| sAMgena AtAM || 178||
tUM chitta de{}Uni avadhArIM| aiseM mhaNauni shrIharI| bolijela te puDhArI| kathA Ahe || 179||
shrIkR^iShNa arjunAsI saMgu| na sAMDoni sAMgela yogu| to vyakta karUM prasaMgu| mhaNe nivR^ittidAsu || 180||
iti shrIj~nAnadevavirachitAyAM bhAvArthadIpikAyAM paMchamo.adhyAyaH ..
%End of 05@
\bigskip\hrule\medskip
##
{\rm \Large
Encoded and proofread by
Chhaya Deo, Sharad Deo, and Vishwas Bhide.
Assisted by
Sunder Hattangadi, Joshi, and Shree Devi Kumar.}
\medskip\hrule\obeylines
{\rm Please send corrections to sanskrit at cheerful dot c om}
{\rm Last updated \today}
\end{document}