वेश् च स्वनो भोजने ८।३।६९

वेः उपसर्गातवात् च उत्तरस्य भोजनार्थे स्वनतेः सकास्य मूर्धन्यादेशो भवति। विष्वणति। व्यष्वणत्। विषष्वाण। अवष्वणति। अवाष्वणत्। अवषष्वाण। अभ्यवहारक्रियाविशेषो ऽभिधीयते, यत्र स्वननम् अस्ति। भोजने इति किम्? विस्वनति मृदङ्गः। अवस्वनति मृदङ्गः।

वेश्च स्वनो भोजने। , ८।३।६९

चकारः "अवात्()" ८।३।६८ इत्यस्यानुकर्षणार्थः। वेरुत्तरस्य स्वनतेरनादेशसकरत्वादप्राप्ते। अवशब्दात्? पुनरनिणन्तत्वाच्चाप्राप्त एवेदमारभ्यते। "अभ्यबहारक्रियाविशेषोऽभिधीयते" इति। अनेन भोजनार्थतां दर्शयति। "विष्वणति" इति। सशब्दं भूङ्क्त इत्यर्थः। अनेकार्थत्वाद्धातूनां स्वनतिरत्राभ्यबहार क्रियाविशेषे वत्र्तते। "यत्र" इत्यादिना तमेव भोजनविशेषं दर्शयति॥

वेश्च स्वनो भोजने ११८, ८।३।६९

वेश्च। अवादित्यनुकर्षणार्थश्चकारः। तदाह-- व्यवाभ्यामिति। विष्वणति। अवष्वणति। सशब्दं भुङ्क्ते इत्यर्थ-। अट्कुप्वाङिति णत्वम्।

वेश्चस्वनो भोजने ९३, ८।३।६९

वेश्च। विष्वणति सशब्दं भुङ्क्त इत्यर्थः। "अट्कुप्वा"ङिति णत्वम्। एवम्()-- अवष्वणति। व्यष्वणत्। विषष्वाण। "स्थादिष्वभ्यासेन चे"ति षत्वम्। भोजने किम्?। विखनति वीणा।