अजि व्रजि इत्येतयोश्च कवर्गादेशो न भवति। समाजः। उदाजः। व्रजि परिव्राजः। परिव्राज्यम्। अजेस् तु अजेर् व्यघञपोः
२।४।५६ इति वीभावस्य विधानात् ण्यति न अस्ति उदाहरणम्।
"समाजः उदाजः" इति। "अज गतिक्षेपणयोः" (धा।पा।२३०)। "समुदोरजः पशुषु"
३।३।६९ इति घञ्()। "परिव्राजः, परिव्राज्यम्()" इति। "वज व्रज गतौ" (धा।पा।२५२,२५३)।
अथाजेण्र्यति कस्मादुदाहरणं नोपन्यस्तम्()? इत्याह--"वीभावस्य" इत्यादि। तत्र "अजेव्र्यघञपोः"
२।४।५६ इति वीभावस्य विधानमिति; तेन तस्योदाहरणं नोपपद्यते, ततो न दर्शितमित्यभिप्रायः। चकारोऽनुक्तसमुच्चयार्थः, तेन वजेरपि प्रतिषेधो भवति--वाजः, वाच्यमिति॥