आचार्योपसर्जनान्तेवासिवाचिनि उत्तरपदे दिक्शब्दा अन्तोदात्ताः भवन्ति। पुर्वपाणिनीयाः। अपरपाणिनीयाः। पूर्वकाशकृत्स्नाः। अपरकाशकृत्स्नाः। आचार्योपसर्जनः इति किम्? पूर्वशिष्याः। अन्तेवासिनि इति किम्? पूर्वपाणिनीयं शास्त्रम्।
"आचार्योपसर्जनश्च" इति। सुपां सुर्भवतीति सप्तम्येकवचनस्य स्थाने प्रथमैकवचनम्(), एतच्चान्तेवासिविशेषणम्()। "आचार्योपसर्जनान्तेवाचिन्युत्तरपदे" इति। आचार्य उपसर्जनम्()प्रधानं यस्य अन्तेवासिनः स तथोक्तः। आचार्योपसर्जनश्चान्तेवासी चाचार्योपसर्जनान्तेवासी, तं वक्तुं शीलं यसयोत्तरपदस्य तदाचार्योपसर्जनान्तेवासिवाचि। "पूर्वपाणिनीयाः" इति। "पूर्वापर"
२।१।५७ इत्यादिना समासः पाणिनेराचार्यस्यान्तेवासिनः पाणिनीयाः, अत्रान्तेवासिनः प्राधान्येनोच्यन्ते प्रत्ययान्तेन; आचार्यस्तु तद्विशेषणत्वादुपसर्जनभावेनेत्याचर्योपसर्जनान्तेवासिवाच्युत्तरपदं भवति। "पूर्वकाशकृत्स्नाः" इति। काशकृत्स्नस्येमे काशकृत्स्नाः, औत्सर्गिकोऽण्()।
"पूर्वपाणिनीयं शास्त्रम्()" इति। पाणिना प्रोक्तं पाणिनीयम्(), अत्राचार्योपसर्जनशास्त्रवाच्युत्तरपदम्(), न त्वाचार्योपसर्जनान्तेवासिवाचि॥