इव इत्यनुवर्तते। इतः प्रभृति प्रत्ययाः सामान्येन भवन्ति, प्रतिकृतौ चप्रतिकृतौ च। वस्तिशब्दादिवार्थे द्योत्ये ठञ् प्रत्ययो भवति। वस्तिरिव वास्तेयः। वास्तेयी।

"इतः प्रभति" इत्यादि। तत्र प्रतिकृतौ "इवे प्रतिकृतौ" ५।३।९६ इति कनि प्राप्ते, इतः प्रभृति प्रत्यया भवन्ति। अप्रतिकृतौ तवसंज्ञायां वाक्येनैवाभिधाने प्राप्ते। संज्ञायां तु प्रतिकृतावप्रकृतौ च ढञेव; वस्तिः=वृतिविकारः। "वास्तेयी" इति "टिङ्ढाणञ्()" ४।१।१५ इति ङीप्()॥

वस्तेर्ढञ्। निवृत्तमिति। अस्वरितत्वादिति भावः। "संज्ञायां चे"त्यादिपूर्वसूत्रेषु क्वापि प्रतिकृतावित्यस्याऽनिवृत्तेर्न लुब्विधिषु तेषु तदनुवृत्तिरपेक्षिता। वस्तिरिवेति। "बस्तिर्नाभेरधो द्वयो"रित्यमरः।

बस्तिरिति। "बस्तिर्नाबेरधो द्वयो"रित्यमरः।