.. atha tulasiidaasa kR^ita raamacharitamaanasa sundarakaaNDa ..
                     shriigaNeshaaya namaH
                 shriijaanakiivallabhovijayate

                  shriiraamacharitamaanasa
                    pa~nchama sopaana
                       sundarakaaNDa

shloka  
        shaantaM shaashvatamaprameyamanaghaM nirvaaNashaantipradaM
        brahmaashambhuphaNiindrasevyamanishaM vedaa.ntavedyaM vibhum.h .
        raamaakhyaM jagadiishvaraM suraguruM maayaamanuShyaM hariM
        vande.ahaM karuNaakaraM raghuvaraM bhuupaalachuu.DaamaNim.h .. 1 ..

          naanyaa spR^ihaa raghupate hR^idaye.asmadiiye
          satyaM vadaami cha bhavaanakhilaantaraatmaa .
          bhaktiM prayachchha raghupu~Ngava nirbharaaM me 
          kaamaadidoSharahitaM kuru maanasaM cha .. 2 ..

          atulitabaladhaamaM hemashailaabhadehaM
          danujavanakR^ishaanuM GYaaninaamagragaNyam.h .
          sakalaguNanidhaanaM vaanaraaNaamadhiishaM
          raghupatipriyabhaktaM vaatajaataM namaami .. 3 ..

jaamava.nta ke bachana suhaa_e . suni hanuma.nta hR^idaya ati bhaa_e ..
taba lagi mohi parikhehu tumha bhaa_I . sahi dukha ka.nda muula phala khaa_I .. 1 ..
jaba lagi aavau.n siitahi dekhii . ho_ihi kaaju mohi haraSha biseShii ..
yaha kaha naa_i sabanhi kahu.N maathaa . chale_u haraShi hiya.N dhari raghunaathaa .. 2 ..
si.ndhu tiira eka bhuudhara su.ndara . kautuka kuudi cha.Dhe_u taa uupara ..
baara baara raghubiira sa.Nbhaarii . tarake_u pavanatanaya bala bhaarii .. 3 ..
jehi.n giri charana de_i hanuma.ntaa . chale_u so gaa paataala tura.ntaa ..
jimi amogha raghupati kara baanaa . ehii bhaa.Nti chale_u hanumaanaa .. 4 ..
jalanidhi raghupati duuta bichaarii . tai.n mainaaka hohi shramahaarii .. 5 ..

dohA
          hanumaana tehi parasaa kara puni kiinha pranaama .
          raama kaaju kiinhe.n binu mohi kahaa.N vishraama .. 1 ..

jaata pavanasuta devanha dekhaa . jaanai.n kahu.N bala buddhi biseShaa ..
surasaa naama ahinha kai maataa . paTha_inhi aa_i kahii tehi.n baataa .. 1 ..
aaju suranha mohi diinha ahaaraa . sunata bachana kaha pavanakumaaraa ..
raama kaaju kari phiri mai.n aavau.n . siitaa ka_i sudhi prabhuhi sunaavau.n .. 2 ..
taba tava badana paiThiha_u.N aa_I . satya kaha_u.N mohi jaana de maa_I ..
kavanehu.N jatana de_i nahi.n jaanaa . grasasi na mohi kahe_u hanumaanaa .. 3 ..
jojana bhari tihi.n badanu pasaaraa . kapi tanu kiinha duguna bistaaraa ..
soraha jojana mukha tehi.n Thaya_U . turata pavanasuta battisa bhaya_U .. 4 ..
jasa jasa surasaa badanu ba.Dhaavaa . taasu duuna kapi ruupa dekhaavaa ..
sata jojana tehi.n aanana kiinhaa . ati laghu ruupa pavanasuta liinhaa .. 5 ..
badana pa_iThi puni baahera aavaa . maagaa bidaa taahi siru naavaa ..
mohi suranha jehi laagi paThaavaa . budhi bala maramu tora mai.n paavaa .. 6 ..

dohA
          raama kaaju sabu karihahu tumha bala buddhi nidhaana .
          aasiSha de_i ga_I so haraShi chale_u hanumaana .. 2 ..

nisichari eka si.ndhu mahu.N raha_I .. kari maayaa nabhu ke khaga gaha_I ..
jiiva ja.ntu je gagana u.Daahii.n . jala biloki tinha kai parichhaahii.n .. 1 ..
gaha_i chhaaha.N saka so na u.Daa_I . ehi bidhi sadaa gaganachara khaa_I ..
so_i chhala hanuumaana kaha.N kiinhaa . taasu kapaTu kapi turatahi.n chiinhaa .. 2 ..
taahi maari maarutasuta biiraa . baaridhi paara gaya_u matidhiiraa ..
tahaa.N jaa_i dekhii bana sobhaa . gu.njata cha.nchariika madhu lobhaa .. 3 ..
naanaa taru phala phuula suhaa_e . khaga mR^iga bR^i.nda dekhi mana bhaa_e ..
saila bisaala dekhi eka aage.n . taa para dhaa_i cha.Dhe_u bhaya tyaage.n .. 4 ..
umaa na kachhu kapi kai adhikaa_I .. prabhu prataapa jo kaalahi khaa_I ..
giri para cha.Dhi la.nkaa tehi dekhii . kahi na jaa_i ati durga biseShii .. 5 ..
ati uta.nga jalanidhi chahu paasaa . kanaka koTi kara parama prakaasaa .. 6 ..

chha.nda
        kanaka koTi bichitra maNi kR^ita su.ndaraayatanaa ghanaa . 
        cha_uhaTTa haTTa subaTTa biithii.n chaaru pura bahubidhi banaa ..
        gaja baaji khachchara nikara padachara ratha baruuthanhi ko ganai .
        bahuruupa nisichara juutha atibala sena baranata nahi.n banai .. 1 ..
        bana baaga upabana baaTikaa sara kuupa baapii.n sohahii.n .
        nara naaga sura ga.ndharva kanyaa ruupa muni mana mohahii.n ..
        kahu.N maala deha bisaala saila samaana atibala garjahii.n .
        naanaa akhaarenha bhirahi.n bahubidhi eka ekanha tarjahii.n .. 2 ..
        kari jatana bhaTa koTinha bikaTa tana nagara chahu.N disi rachchhahii.n .
        kahu.N mahiSha maanuSha dhenu khara aja khala nisaachara bhachchhahii.n ..
        ehi laagi tulasiidaasa inha kii kathaa kachhu eka hai kahii .
        raghubiira sara tiiratha sariiranhi tyaagi gati paihahi.n sahii .. 3 ..

dohA
          pura rakhavaare dekhi bahu kapi mana kiinha bichaara .
          ati laghu ruupa dharau.n nisi nagara karau.n pa_isaara .. 3 ..

masaka samaana ruupa kapi dharii . la.nkahi chale_u sumiri naraharii ..
naama la.nkinii eka nisicharii . so kaha chalesi mohi ni.ndarii .. 1 ..
jaanehi nahii.n maramu saTha moraa . mora ahaara jahaa.N lagi choraa ..
muThikaa eka mahaa kapi hanii . rudhira bamata dharanii.n Danamanii .. 2 ..
puni saMbhaari uThii so la.nkaa . jori paani kara binaya sasa.nkaa ..
jaba raavanahi brahma kara diinhaa . chalata bira.nchi kahaa mohi chiinhaa .. 3..
bikala hosi tai.n kapi ke.n maare . taba jaanesu nisichara sa.nghaare ..
taata mora ati punya bahuutaa . dekhe_u.N nayana raama kara duutaa .. 4 ..

dohA
          taata svarga apabarga sukha dhari_a tulaa eka a.nga .
          tuula na taahi sakala mili jo sukha lava satasa.nga .. 4 ..

prabisi nagara kiije saba kaajaa . hR^idaya.N raakhi kosalapura raajaa ..
garala sudhaa ripu karahi.n mitaa_I . gopada si.ndhu anala sitalaa_I .. 1 ..
garu.Da sumeru renu sama taahii . raama kR^ipaa kari chitavaa jaahii ..
ati laghu ruupa dhare_u hanumaanaa . paiThaa nagara sumiri bhagavaanaa .. 2 ..
ma.ndira ma.ndira prati kari sodhaa . dekhe jaha.N taha.N aganita jodhaa ..
gaya_u dasaanaana ma.ndira maahii.n . ati bichitra kahi jaata so naahii.n .. 3 ..
sayana ki_e.N dekhaa kapi tehii . ma.ndira mahu.N na diikhi baidehii ..
bhavana eka puni diikha suhaavaa . hari ma.ndira taha.N bhinna banaavaa .. 4 ..

dohA
          raamaayudha a.nkita gR^iha sobhaa barani na jaa_i .
          nava tulasikaa bR^i.nda taha.N dekhi haraSha kapiraa_i .. 5 ..

la.nkaa nisichara nikara nivaasaa . ihaa.N kahaa.N sajjana kara baasaa ..
mana mahu.N taraka karai.n kapi laagaa . tehii.n samaya bibhiiShanu jaagaa .. 1 ..
raama raama tehi.n sumirana kiinhaa . hR^idaya.N haraSha kapi sajjana chiinhaa ..
ehi sana haThi kariha_u.N pahichaanii . saadhu te ho_i na kaaraja haanii .. 2 ..
bipra ruupa dhari bachana sunaa_e . sunata bibhiiShana uThi taha.N aa_e ..
kari pranaama puu.Nchhii kusalaa_I . bipra kahahu nija kathaa bujhaa_I .. 3 ..
kii tumha hari daasanha maha.N ko_I . more.n hR^idaya priiti ati ho_I ..
kii tumha raamu diina anuraagii . aayahu mohi karana ba.Dabhaagii .. 4 ..

dohA
          taba hanuma.nta kahii saba raama kathaa nija naama .
          sunata jugala tana pulaka mana magana sumiri guna graama .. 6 ..

sunahu pavanasuta rahani hamaarii . jimi dasananhi mahu.N jiibha bichaarii ..
taata kabahu.N mohi jaani anaathaa . karihahi.n kR^ipaa bhaanukula naathaa .. 1 ..
taamasa tanu kachhu saadhana naahii.n . priiti na pada saroja mana maahii.n ..
aba mohi bhaa bharosa hanuma.ntaa . binu hari kR^ipaa milahi.n nahi.n sa.ntaa .. 2 ..
jau.n raghubiira anugraha kiinhaa . tau tumha mohi darasu haThi diinhaa ..
sunahu bibhiiShana prabhu kai riitii . karahi.n sadaa sevaka para priitii .. 3 ..
kahahu kavana mai.n parama kuliinaa . kapi cha.nchala sabahii.n bidhi hiinaa ..
praata le_i jo naama hamaaraa . tehi dina taahi na mile ahaaraa .. 4 ..

dohA
          asa mai.n adhama sakhaa sunu mohuu para raghubiira .
          kiinhii kR^ipaa sumiri guna bhare bilochana niira .. 7 ..

jaanatahuu.N asa svaami bisaarii . phirahi.n te kaahe na hohi.n dukhaarii ..
ehi bidhi kahata raama guna graamaa . paavaa anirbaachya vishraamaa .. 1 ..
puni saba kathaa bibhiiShana kahii . jehi bidhi janakasutaa taha.N rahii ..
taba hanuma.nta kahaa sunu bhraataa . dekhii chale_u.N jaanakii maataa .. 2 ..
juguti bibhiiShana sakala sunaa_I . chale_u pavanasuta bidaa karaa_I ..
kari so_i ruupa gaya_u puni tahavaa.N . bana asoka siitaa raha jahavaa.N .. 3 ..
dekhi manahi mahu.N kiinha pranaamaa . baiThehi.n biiti jaata nisi jaamaa ..
kR^isa tanu siisa jaTaa eka benii . japati hR^idaya.N raghupati guna shrenii .. 4 ..

dohA
          nija pada nayana di_e.N mana raama pada kamala liina .
          parama dukhii bhaa pavanasuta dekhi jaanakii diina .. 8 ..

taru pallava mahu.N rahaa lukaa_I . kara_i bichaara karau.n kaa bhaa_I ..
tehi avasara raavanu taha.N aavaa . sa.nga naari bahu ki_e.N banaavaa .. 1 ..
bahu bidhi khala siitahi samujhaavaa . saama daana bhaya bheda dekhaavaa ..
kaha raavanu sunu sumukhi sayaanii . ma.ndodarii aadi saba raanii .. 2 ..
tava anucharii.n kare_u.N pana moraa . eka baara biloku mama oraa ..
tR^ina dhari oTa kahati baidehii . sumiri avadhapati parama sanehii .. 3 ..
sunu dasamukha khadyota prakaasaa . kabahu.N ki nalinii kara_i bikaasaa ..
asa mana samujhu kahati jaanakii . khala sudhi nahi.n raghubiira baana kii .. 4 ..
saTha suune.n hari aanehi mohii . adhama nilajja laaja nahi.n tohii .. 5 ..

dohA
          aapuhi suni khadyota sama raamahi bhaanu samaana .
          paruSha bachana suni kaa.Dhi asi bolaa ati khisi_aana .. 9 ..

siitaa tai.n mama kR^ita apamaanaa . kaTiha_u.N taba sira kaThina kR^ipaanaa ..
naahi.n ta sapadi maanu mama baanii . sumukhi hoti na ta jiivana haanii .. 1 ..
syaama saroja daama sama su.ndara . prabhu bhuja kari kara sama dasaka.ndara ..
so bhuja ka.nTha ki tava asi ghoraa . sunu saTha asa pravaana pana moraa .. 2 ..
cha.ndrahaasa haru mama paritaapaM . raghupati biraha anala sa.njaataM ..
siitala nisita bahasi bara dhaaraa . kaha siitaa haru mama dukha bhaaraa .. 3 ..
sunata bachana puni maarana dhaavaa . mayatanayaa.N kahi niiti bujhaavaa ..
kahesi sakala nisicharinha bolaa_I . siitahi bahu bidhi traasahu jaa_I .. 4 ..
maasa divasa mahu.N kahaa na maanaa . tau mai.n maarabi kaa.Dhi kR^ipaanaa .. 5 ..

dohA
          bhavana gaya_u dasaka.ndhara ihaa.N pisaachini bR^i.nda .
          siitahi traasa dekhaavahi.n dharahi.n ruupa bahu ma.nda .. 10 ..

trijaTaa naama raachchhasii ekaa . raama charana rati nipuna bibekaa ..
sabanhau boli sunaa_esi sapanaa . siitahi se_i karahu hita apanaa .. 1 ..
sapane.n baanara la.nkaa jaarii . jaatudhaana senaa saba maarii ..
khara aaruu.Dha nagana dasasiisaa . mu.nDita sira kha.nDita bhuja biisaa .. 2 ..
ehi bidhi so dachchhina disi jaa_I . la.nkaa manahu.N bibhiiShana paa_I ..
nagara phirii raghubiira dohA_I . taba prabhu siitaa boli paThaa_I .. 3 ..
yaha sapanaa mai.n kaha_u.N pukaarii . ho_ihi satya ga_e.N dina chaarii ..
taasu bachana suni te saba Darii.n . janakasutaa ke charananhi parii.n .. 4 ..

dohA
          jaha.N taha.N ga_I.n sakala taba siitaa kara mana socha .
          maasa divasa biite.n mohi maarihi nisichara pocha .. 11 ..

trijaTaa sana bolii.n kara jorii . maatu bipati sa.ngini tai.n morii ..
tajau.n deha karu begi upaa_I . dusaha birahu aba nahi.n sahi jaa_I .. 1 ..
aani kaaTha rachu chitaa banaa_I . maatu anala puni dehu lagaa_I ..
satya karahi mama priiti sayaanii . sunai ko shravana suula sama baanii .. 2 ..
sunata bachana pada gahi samujhaa_esi . prabhu prataapa bala sujasu sunaa_esi ..
nisi na anala mila sunu sukumaarii . asa kahi so nija bhavana sidhaarii .. 3 ..
kaha siitaa bidhi bhaa pratikuulaa . milihi na paavaka miTihi na suulaa ..
dekhi_ata pragaTa gagana a.ngaaraa . avani na aavata eka_u taaraa .. 4 ..
paavakamaya sasi sravata na aagii . maanahu.N mohi jaani hatabhaagii ..
sunahi binaya mama biTapa asokaa . satya naama karu haru mama sokaa .. 5 ..
nuutana kisalaya anala samaanaa . dehi agini jani karahi nidaanaa ..
dekhi parama birahaakula siitaa . so chhana kapihi kalapa sama biitaa .. 6 ..

dohA
          kapi kari hR^idaya.N bichaara diinhi mudrikaa Daari taba .
          janu asoka a.ngaara diinha haraShi uThi kara gahe_u .. 12 ..

taba dekhii mudrikaa manohara . raama naama a.nkita ati su.ndara ..
chakita chitava mudarii pahichaanii . haraSha viShaada hR^idaya.N akulaanii .. 1 ..
jiiti ko saka_i ajaya raghuraa_I . maayaa te.n asi rachi nahi.n jaa_I ..
siitaa mana bichaara kara naanaa . madhura bachana bole_u hanumaanaa .. 2 ..
raamacha.ndra guna baranai.n laagaa . sunatahi.n siitaa kara dukha bhaagaa ..
laagii.n sunai.n shravana mana laa_I . aadihu te.n saba kathaa sunaa_I .. 3 ..
shravanaamR^ita jehi.n kathaa suhaa_I . kahii so pragaTa hoti kina bhaa_I ..
taba hanuma.nta nikaTa chali gaya_U . phiri baiThii.n mana bisamaya bhaya_U .. 4 ..
raama duuta mai.n maatu jaanakii . satya sapatha karunaanidhaana kii ..
yaha mudrikaa maatu mai.n aanii . diinhi raama tumha kaha.N sahidaanii .. 5 ..
nara baanarahi sa.nga kahu kaise.n . kahii kathaa bha_I sa.ngati jaise.n .. 6 ..

dohA
          kapi ke bachana saprema suni upajaa mana bisvaasa .
          jaanaa mana krama bachana yaha kR^ipaasi.ndhu kara daasa .. 13 ..

harijana haani priiti ati gaa.Dhii . sajala nayana pulakaavali baa.Dhii ..
buu.Data biraha jaladhi hanumaanaa . bhayahu taata mo kahu.N jalajaanaa .. 1 ..
aba kahu kusala jaa_u.N balihaarii . anuja sahita sukha bhavana kharaarii ..
komalachita kR^ipaala raghuraa_I . kapi kehi hetu dharii niThuraa_I .. 2 ..
sahaja baani sevaka sukha daayaka . kabahu.Nka surati karata raghunaayaka ..
kabahu.N nayana mama siitala taataa . ho_ihahi.n nirakhi syaama mR^idu gaataa .. 3 ..
bachanu na aava nayana bhare baarii . ahaha naatha hau.n nipaTa bisaarii ..
dekhi parama birahaakula siitaa . bolaa kapi mR^idu bachana biniitaa .. 4 ..
maatu kusala prabhu anuja sametaa . tava dukha dukhii sukR^ipaa niketaa ..
jani jananii maanahu jiya.N Unaa . tumha te premu raama ke.n duunaa .. 5 ..

dohA
          raghupati kara sa.ndesu aba sunu jananii dhari dhiira .
          asa kahi kapi gadagada bhaya_u bhare bilochana niira .. 14 ..

kahe_u raama biyoga tava siitaa . mo kahu.N sakala bha_e bipariitaa ..
nava taru kisalaya manahu.N kR^isaanuu . kaalanisaa sama nisi sasi bhaanuu .. 1 ..
kubalaya bipina ku.nta bana sarisaa . baarida tapata tela janu barisaa ..
je hita rahe karata te_i piiraa . uraga svaasa sama tribidha samiiraa .. 2 ..
kahehuu te.n kachhu dukha ghaTi ho_I . kaahi kahau.n yaha jaana na ko_I ..
tatva prema kara mama aru toraa . jaanata priyaa eku manu moraa .. 3 ..
so manu sadaa rahata tohi paahii.n . jaanu priiti rasu etanehi maahii.n ..
prabhu sa.ndesu sunata baidehii . magana prema tana sudhi nahi.n tehii .. 4 ..
kaha kapi hR^idaya.N dhiira dharu maataa . sumiru raama sevaka sukhadaataa ..
ura aanahu raghupati prabhutaa_I . suni mama bachana tajahu kadaraa_I .. 5 ..

dohA
          nisichara nikara pata.nga sama raghupati baana kR^isaanu .
          jananii hR^idaya.N dhiira dharu jare nisaachara jaanu  .. 15 ..

jau.n raghubiira hoti sudhi paa_I . karate nahi.n bilaMbu raghuraa_I ..
raama baana rabi u_e.N jaanakii . tama baruutha kaha.N jaatudhaana kii .. 1 ..
abahi.n maatu mai.n jaa_u.N lavaa_I . prabhu aayasu nahi.n raama dohA_I ..
kachhuka divasa jananii dharu dhiiraa . kapinha sahita a_ihahi.n raghubiiraa .. 2 ..
nisichara maari tohi lai jaihahi.n . tihu.N pura naaradaadi jasu gaihahi.n ..
hai.n suta kapi saba tumhahi samaanaa . jaatudhaana ati bhaTa balavaanaa .. 3 ..
more.n hR^idaya parama sa.ndehaa . suni kapi pragaTa kiinhi nija dehaa ..
kanaka bhuudharaakaara sariiraa . samara bhaya.nkara atibala biiraa .. 4 ..
siitaa mana bharosa taba bhaya_U . puni laghu ruupa pavanasuta laya_U .. 5 ..

dohA
          sunu maata saakhaamR^iga nahi.n bala buddhi bisaala .
          prabhu prataapa te.n garu.Dahi khaa_i parama laghu byaala .. 16 ..
 
mana sa.ntoSha sunata kapi baanii . bhagati prataapa teja bala saanii ..
aasiSha diinhi raamapriya jaanaa . hohu taata bala siila nidhaanaa .. 1 ..
ajara amara gunanidhi suta hohuu . karahu.N bahuta raghunaayaka chhohuu ..
karahu.N kR^ipaa prabhu asa suni kaanaa . nirbhara prema magana hanumaanaa .. 2 ..
baara baara naa_esi pada siisaa . bolaa bachana jori kara kiisaa ..
aba kR^itakR^itya bhaya_u.N mai.n maataa . aasiSha tava amogha bikhyaataa .. 3 ..
sunahu maatu mohi atisaya bhuukhaa . laagi dekhi su.ndara phala ruukhaa ..
sunu suta karahi.n bipina rakhavaarii . parama subhaTa rajaniichara bhaarii .. 4 ..
tinha kara bhaya maataa mohi naahii.n . jau.n tumha sukha maanahu mana maahii.n .. 5 ..

dohA
          dekhi buddhi bala nipuna kapi kahe_u jaanakii.n jaahu .
          raghupati charana hR^idaya.N dhari taata madhura phala khaahu .. 17 ..

chale_u naa_i sira paiThe_u baagaa . phala khaa_esi taru taurai.n laagaa ..
rahe tahaa.n bahu bhaTa rakhavaare . kachhu maaresi kachhu jaa_i pukaare .. 1 ..
naatha eka aavaa kapi bhaarii . tehi.n asoka baaTikaa ujaarii ..
khaa_esi phala aru biTapa upaare . rachchhaka mardi mardi mahi Daare .. 2 ..
suni raavana paTha_e bhaTa naanaa . tinhahi dekhi garje_u hanumaanaa ..
saba rajaniichara kapi sa.nghaare . ga_e pukaarata kachhu adhamaare .. 3 ..
puni paThaya_u tehi.n achchhakumaaraa . chalaa sa.nga lai subhaTa apaaraa ..
aavata dekhi biTapa gahi tarjaa . taahi nipaati mahaadhuni garjaa .. 4 ..

dohA
          kachhu maaresi kachhu mardesi kachhu mila_esi dhari dhuuri .
          kachhu puni jaa_i pukaare prabhu markaTa bala bhuuri .. 18 ..

suni suta badha la.nkesa risaanaa . paTha_esi meghanaada balavaanaa ..
maarasi jani suta baa.Ndhesu taahii . dekhi_a kapihi kahaa.N kara aahii .. 1 ..
chalaa i.ndrajita atulita jodhaa . ba.ndhu nidhana suni upajaa krodhaa ..
kapi dekhaa daaruna bhaTa aavaa . kaTakaTaa_i garjaa aru dhaavaa .. 2 ..
ati bisaala taru eka upaaraa . biratha kiinha la.nkesa kumaaraa ..
rahe mahaabhaTa taake sa.ngaa . gahi gahi kapi marda_i nija a.ngaa .. 3 ..
tinhahi nipaati taahi sana baajaa . bhire jugala maanahu.N gajaraajaa ..
muThikaa maari cha.Dhaa taru jaa_ii . taahi eka chhana muruchhaa aa_ii .. 4 ..
uThi bahori kiinhasi bahu maayaa . jiiti na jaa_i prabha.njana jaayaa .. 5 ..

dohA
          brahma astra tehi saa.Ndhaa kapi mana kiinha bichaara .
          jau.n na brahmasara maana_u.N mahimaa miTa_i apaara .. 19 ..

brahmabaana kapi kahu.N tehi.n maaraa . paratihu.N baara kaTaku sa.nghaaraa ..
tehi.n dekhaa kapi muruchhita bhaya_u . naagapaasa baa.ndhesi lai gaya_u .. 1 ..
jaasu naama japi sunahu bhavaanii . bhava ba.ndhana kaaTahi.n nara gyaanii ..
taasu duuta ki ba.ndha taru aavaa . prabhu kaaraja lagi kapihi.n ba.Ndhaavaa .. 2 ..
kapi ba.ndhana suni nisichara dhaa_e . kautuka laagi sabhaa.N saba aa_e ..
dasamukha sabhaa diikhi kapi jaa_I . kahi na jaa_i kachhu ati prabhutaa_I .. 3 ..
kara jore.n sura disipa biniitaa . bhR^ikuTi bilokata sakala sabhiitaa ..
dekhi prataapa na kapi mana sa.nkaa . jimi ahigana mahu.N garu.Da asa.nkaa .. 4 ..

dohA
          kapihi biloki dasaanana bihasaa kahi durbaada .
          suta badha surati kiinhi puni upajaa hR^idaya.N biShaada .. 20 ..

kaha la.nkesa kavana tai.n kiisaa . kehi ke.n bala ghaalehi bana khiisaa ..
kii dhau.n shravana sunehi nahi.n mohii . dekha_u.N ati asa.nka saTha tohii .. 1 ..
maare nisichara kehi.n aparaadhaa . kahu saTha tohi na praana ka_i baadhaa ..
sunu raavana brahmaa.nDa nikaayaa . paa_i jaasu bala birachita maayaa .. 2 ..
jaake.n bala bira.nchi hari iisaa . paalata sR^ijata harata dasasiisaa ..
jaa bala siisa dharata sahasaanana . a.nDakosa sameta giri kaanana .. 3 ..
dhara_i jo bibidha deha suratraataa . tumha se saThanha sikhaavanu daataa ..
hara koda.nDa kaThina jehi.n bha.njaa . tehi sameta nR^ipa dala mada ga.njaa .. 4 ..
khara duuShana trisiraa aru baalii . badhe sakala atulita balasaalii .. 5 ..

dohA
          jaake bala lavalesa te.n  jitehu charaachara jhaari .
          taasu duuta mai.n jaa kari hari aanehu priya naari .. 21 ..

jaane_u mai.n tumhaari prabhutaa_I . sahasabaahu sana parii laraa_I ..
samara baali sana kari jasu paavaa . suni kapi bachana bihasi biharaavaa .. 1 ..
khaaya_u.N phala prabhu laagii bhuu.Nkhaa . kapi subhaava te.n tore_u.N ruukhaa ..
saba ke.n deha parama priya svaamii . maarahi.n mohi kumaaraga gaamii .. 2 ..
jinha mohi maaraa te mai.n maare . tehi para baa.Ndhe_u.N tanaya.N tumhaare ..
mohi na kachhu baa.Ndhe ka_i laajaa . kiinha chaha_u.N nija prabhu kara kaajaa .. 3 ..
binatii kara_u.N jori kara raavana . sunahu maana taji mora sikhaavana ..
dekhahu tumha nija kulahi bichaarii . bhrama taji bhajahu bhagata bhaya haarii .. 4 ..
jaake.n Dara ati kaala Deraa_I . jo sura asura charaachara khaa_I ..
taaso.n bayaru kabahu.N nahi.n kiijai . more kahe.n jaanakii diijai .. 5 ..

dohA
          pranatapaala raghunaayaka karunaa si.ndhu kharaari .
          ga_e.N sarana prabhu raakhihai.n tava aparaadha bisaari .. 22 ..

raama charana pa.nkaja ura dharahuu . la.nkaa.N achala raaja tumha karahuu ..
riShi pulasti jasu bimala maya.nkaa . tehi sasi mahu.N jani hohu kala.nkaa .. 1 ..
raama naama binu giraa na sohaa . dekhu bichaari tyaagi mada mohaa ..
basana hiina nahi.n soha suraarii . saba bhuuShana bhuuShita bara naarii .. 2 ..
raama bimukha saMpati prabhutaa_I . jaa_i rahii paa_ii binu paa_I ..
sajala muula jinha saritanha naahii.n . baraShi ga_e.N puni tabahi.n sukhaahii.n .. 3 ..
sunu dasaka.nTha kaha_u.N pana ropii . bimukha raama traataa nahi.n kopii ..
sa.nkara sahasa biShnu aja tohii . sakahi.n na raakhi raama kara drohii .. 4 ..

dohA
          mohamuula bahu suula prada tyaagahu tama abhimaana .
          bhajahu raama raghunaayaka kR^ipaa si.ndhu bhagavaana .. 23 ..

jadapi kahii kapi ati hita baanii . bhagati bibeka birati naya saanii ..
bolaa bihasi mahaa abhimaanii . milaa hamahi kapi gura ba.Da gyaanii .. 1 ..
mR^ityu nikaTa aa_I khala tohii . laagesi adhama sikhaavana mohii ..
ulaTaa ho_ihi kaha hanumaanaa . matibhrama tora pragaTa mai.n jaanaa .. 2 ..
suni kapi bachana bahuta khisi_aanaa . begi na harahu muu.Dha kara praanaa ..
sunata nisaachara maarana dhaa_e . sachivanha sahita bibhiiShanu aa_e .. 3 ..
naa_i siisa kari binaya bahuutaa . niiti birodhaa na maari_a duutaa ..
aana da.nDa kachhu kari_a gosaa.NI . sabahii.n kahaa ma.ntra bhala bhaa_I .. 4 ..
sunata bihasi bolaa dasaka.ndhara . a.nga bha.nga kari paTha_i_a ba.ndara .. 5 ..

dohA
          kapi ke.n mamataa puu.Nchha para sabahi kaha_u.N samujhaa_i .
          tela bori paTa baa.Ndhi puni paavaka dehu lagaa_i .. 24 ..

puu.Nchha hiina baanara taha.N jaa_ihi . taba saTha nija naathahi la_i aa_ihi ..
jinha kai kiinhisi bahuta ba.Daa_I . dekha_u.N mai.n tinha kai prabhutaa_I .. 1 ..
bachana sunata kapi mana musukaanaa . bha_i sahaaya saarada mai.n jaanaa ..
jaatudhaana suni raavana bachanaa . laage rache.n muu.Dha  so_i rachanaa .. 2 ..
rahaa na nagara basana ghR^ita telaa . baa.Dhii puu.Nchha kiinha kapi khelaa ..
kautuka kaha.N aa_e purabaasii . maarahi.n charana karahi.n bahu haa.Nsii .. 3 ..
baajahi.n Dhola dehi.n saba taarii . nagara pheri puni puu.Nchha prajaarii ..
paavaka jarata dekhi hanuma.ntaa . bhaya_u parama laghuruupa tura.ntaa .. 4 ..
nibuki cha.Dhe_u kapi kanaka aTaarii.n . bha_i.N sabhiita nisaachara naarii.n .. 5 ..

dohA
          hari prerita tehi avasara chale maruta unachaasa .
          aTTahaasa kari garjaa kapi ba.Dhi laaga akaasa .. 25 ..

deha bisaala parama haru_aa_I . ma.ndira te.n ma.ndira cha.Dha dhaa_I ..
jara_i nagara bhaa loga bihaalaa . jhapaTa lapaTa bahu koTi karaalaa .. 1 ..
taata maatu haa suni_a pukaaraa . ehi.n avasara ko hamahi ubaaraa ..
hama jo kahaa yaha kapi nahi.n ho_I . baanara ruupa dhare.n sura ko_I .. 2 ..
saadhu avagyaa kara phalu aisaa . jara_i nagara anaatha kara jaisaa ..
jaaraa nagara nimiSha eka maahii.n . eka bibhiiShana kara gR^iha naahii.n .. 3 ..
taa kara duuta anala jehi.n sirijaa . jaraa na so tehi kaarana girijaa ..
ulaTi palaTi la.nkaa saba jaarii . kuudi paraa puni si.ndhu majhaarii .. 4 ..

dohA
          puu.Nchha bujhaa_i kho_i shrama dhari laghu ruupa bahori .
          janakasutaa ke.n aage.n Thaa.Dha bhaya_u kara jori .. 26 ..

maatu mohi diije kachhu chiinhaa . jaise.n raghunaayaka mohi diinhaa ..
chuu.Daamani utaari taba daya_U . haraSha sameta pavanasuta laya_U .. 1 ..
kahehu taata asa mora pranaamaa . saba prakaara prabhu puuranakaamaa ..
diina dayaala biridu sa.Nbhaarii . harahu naatha mama sa.nkaTa bhaarii .. 2 ..
taata sakrasuta kathaa sunaa_ehu . baana prataapa prabhuhi samujhaa_ehu ..
maasa divasa mahu.N naatha na aavaa . tau puni mohi ji_ata nahi.n paavaa .. 3 ..
kahu kapi kehi bidhi raakhau.n praanaa . tumhahuu taata kahata aba jaanaa ..
tohi dekhi siitali bha_i chhaatii . puni mo kahu.N so_i dinu so raatii .. 4 ..

dohA
          janakasutahi samujhaa_i kari bahu bidhi dhiiraju diinha .
          charana kamala siru naa_i kapi gavanu raama pahi.n kiinha .. 27 ..

chalata mahaadhuni garjesi bhaarii . garbha sravahi.n suni nisichara naarii ..
naaghi si.ndhu ehi paarahi aavaa . sabada kilikilaa kapinha sunaavaa .. 1 ..
haraShe saba biloki hanumaanaa . nuutana janma kapinha taba jaanaa ..
mukha prasanna tana teja biraajaa . kiinhesi raamacha.ndra kara kaajaa .. 2 ..
mile sakala ati bha_e sukhaarii . talaphata miina paava jimi baarii ..
chale haraShi raghunaayaka paasaa . puu.Nchhata kahata navala itihaasaa .. 3 ..
taba madhubana bhiitara saba aa_e . a.ngada saMmata madhu phala khaa_e ..
rakhavaare jaba barajana laage muShTi prahaara hanata saba bhaage .. 4 ..

dohA
          jaa_i pukaare te saba bana ujaara jubaraaja .
          suna sugriiva haraSha kapi kari aa_e prabhu kaaja .. 28 ..

jau.n na hoti siitaa sudhi paa_I . madhubana ke phala sakahi.n ki khaa_I ..
ehi bidhi mana bichaara kara raajaa . aa_i ga_e kapi sahita samaajaa .. 1 ..
aa_i sabanhi naavaa pada siisaa . mile_u sabanhi ati prema kapiisaa ..
puu.Nchhii kusala kusala pada dekhii . raama kR^ipaa.N bhaa kaaju biseShii .. 2 ..
naatha kaaju kiinhe_u hanumaanaa . raakhe sakala kapinha ke praanaa ..
suni sugriiva bahuri tehi mile_U . kapinha sahita raghupati pahi.n chale_U .. 3 ..
raama kapinha jaba aavata dekhaa . ki_e.N kaaju mana haraSha biseShaa ..
phaTika silaa baiThe dvau bhaa_I . pare sakala kapi charananhi jaa_I .. 4 ..

dohA
          priiti sahita saba bheTe raghupati karunaa pu.nja .
          puu.Nchhii kusala naatha aba kusala dekhi pada ka.nja .. 29..

jaamava.nta kaha sunu raghuraayaa . jaa para naatha karahu tumha daayaa ..
taahi sadaa subha kusala nira.ntara . sura nara muni prasanna taa uupara .. 1 ..
so_i bija_I bina_I guna saagara . taasu sujasu trailoka ujaagara ..
prabhu kii.n kR^ipaa bhaya_u saba kaajuu . janma hamaara suphala bhaa aajuu .. 2 ..
naatha pavanasuta kiinhi jo karanii . sahasahu.N mukha na jaa_i so baranii ..
pavanatanaya ke charita suhaa_e . jaamava.nta raghupatihi sunaa_e  .. 3 ..
sunata kR^ipaanidhi mana ati bhaa_e . puni hanumaana haraShi hiya.N laa_e ..
kahahu taata kehi bhaa.Nti jaanakii . rahati karati rachchhaa svapraana kii .. 4 ..

dohA
          naama paaharuu divasa nisi dhyaana tumhaara kapaaTa .
          lochana nija pada ja.ntrita jaahi.n praana kehi.n baaTa .. 30 ..

chalata mohi chuu.Daamani diinhii . raghupati hR^idaya.N laa_i so_i liinhii ..
naatha jugala lochana bhari baarii . bachana kahe kachhu janakakumaarii .. 1 ..
anuja sameta gahehu prabhu charanaa . diina ba.ndhu pranataarati haranaa ..
mana krama bachana charana anuraagii . kehi.n aparaadha naatha hau.n tyaagii .. 2..
avaguna eka mora mai.n maanaa . bichhurata praana na kiinha payaanaa ..
naatha so nayananhi ko aparaadhaa . nisarata praana karahi.n haThi baadhaa .. 3 ..
biraha agini tanu tuula samiiraa . svaasa jara_i chhana maahi.n sariiraa ..
nayana sravahi.n jalu nija hita laagii . jarai.n na paava deha birahaagii .. 4 ..
siitaa kai ati bipati bisaalaa . binahi.n kahe.n bhali diinadayaalaa .. 5 ..

dohA
          nimiSha nimiSha karunaanidhi jaahi.n kalapa sama biiti .
          begi chali_a prabhu aani_a bhuja bala khala dala jiiti .. 31 ..

suni siitaa dukha prabhu sukha ayanaa . bhari aa_e jala raajiva nayanaa ..
bachana kaaya.N mana mama gati jaahii . sapanehu.N buujhi_a bipati ki taahii .. 1 ..
kaha hanuma.nta bipati prabhu so_I . jaba tava sumirana bhajana na ho_I ..
ketika baata prabhu jaatudhaana kii . ripuhi jiiti aanibii jaanakii .. 2 ..
sunu kapi tohi samaana upakaarii . nahi.n ko_u sura nara muni tanudhaarii ..
prati upakaara karau.n kaa toraa . sanamukha ho_i na sakata mana moraa .. 3 ..
sunu sata tohi urina mai.n naahii.n . dekhe_u.N kari bichaara mana maahii.n ..
puni puni kapihi chitava suratraataa . lochana niira pulaka ati gaataa .. 4 ..

dohA
          suni prabhu bachana biloki mukha gaata haraShi hanuma.nta .
          charana pare_u premaakula traahi traahi bhagava.nta .. 32 ..

baara baara prabhu chaha_i uThaavaa . prema magana tehi uThaba na bhaavaa ..
prabhu kara pa.nkaja kapi ke.n siisaa . sumiri so dasaa magana gauriisaa .. 1 ..
saavadhaana mana kari puni sa.nkara . laage kahana kathaa ati su.ndara ..
kapi uThaa_i prabhu hR^idaya.N lagaavaa . kara gahi parama nikaTa baiThaavaa .. 2 ..
kahu kapi raavana paalita la.nkaa . kehi bidhi dahe_u durga ati ba.nkaa ..
prabhu prasanna jaanaa hanumaanaa . bolaa bachana bigata hanumaanaa .. 3 ..
saakhaamR^iga kai ba.Di manusaa_I . saakhaa te.n saakhaa para jaa_I ..
naaghi si.ndhu haaTakapura jaaraa . nisichara gana bidhi bipina ujaaraa .. 4 ..
so saba tava prataapa raghuraa_I . naatha na kachhuu mori prabhutaa_I .. 5 ..

dohA
          taa kahu.N prabhu kachhu agama nahi.n jaa para tumha anukuula .
          tava prabhaava.N va.Davaanalahi jaari saka_i khalu tuula .. 33 .. 

naatha bhagati ati sukhadaayanii . dehu kR^ipaa kari anapaayanii ..
suni prabhu parama sarala kapi baanii . evamastu taba kahe_u bhavaanii .. 1 ..
umaa raama subhaa_u jehi.n jaanaa . taahi bhajanu taji bhaava na aanaa ..
yaha saMbaada jaasu ura aavaa . raghupati charana bhagati so_i paavaa .. 2 ..
suni prabhu bachana kahahi.n kapi bR^i.ndaa . jaya jaya jaya kR^ipaala sukhaka.ndaa ..
taba raghupati kapipatihi.n bolaavaa . kahaa chalai.n kara karahu banaavaa .. 3 ..
aba bilaMbu kehi kaarana kiije . turata kapinha kahu.N aayasu diije ..
kautuka dekhi sumana bahu baraShii . nabha te.n bhavana chale sura haraShii .. 4 ..

dohA
          kapipati begi bolaa_e aa_e juuthapa juutha .
          naanaa barana atula bala baanara bhaalu baruutha .. 34 ..

prabhu pada pa.nkaja naavahi.n siisaa . garjahi.n bhaalu mahaabala kiisaa ..
dekhii raama sakala kapi senaa . chita_i kR^ipaa kari raajiva nainaa .. 1 ..
raama kR^ipaa bala paa_i kapi.ndaa . bha_e pachchhajuta manahu.N giri.ndaa ..
haraShi raama taba kiinha payaanaa . saguna bha_e su.ndara subha naanaa .. 2 ..
jaasu sakala ma.ngalamaya kiitii . taasu payaana saguna yaha niitii ..
prabhu payaana jaanaa baidehii.n . pharaki baama a.Nga janu kahi dehii.n .. 3 ..
jo_i jo_i saguna jaanakihi ho_I . asaguna bhaya_u raavanahi so_I ..
chalaa kaTaku ko baranai.n paaraa . garjahi.n baanara bhaalu apaaraa .. 4 ..
nakha aayudha giri paadapadhaarii . chale gagana mahi ichchhaachaarii ..
keharinaada bhaalu kapi karahii.n . Dagamagaahi.n diggaja chikkarahii.n .. 5 ..

chha.nda  
          chikkarahi.n diggaja Dola mahi giri lola saagara kharabhare .
          mana haraSha saba ga.ndharba sura muni naaga ki.nnara dukha Tare ..
          kaTakaTahi.n markaTa bikaTa bhaTa bahu koTi koTinha dhaavahii.n .
          jaya raama prabala prataapa kosalanaatha guna gana gaavahii.n .. 1 ..
          sahi saka na bhaara udaara ahipati baara baarahi.n moha_I .
          gaha dasana puni puni kamaTha pR^iShTa kaThora so kimi soha_I ..
          raghubiira ruchira prayaana prasthiti jaani parama suhaavanii .
          janu kamaTha kharpara sarparaaja so likhata abichala paavanii .. 2 ..

dohA
          ehi bidhi jaa_i kR^ipaanidhi utare saagara tiira .
          jaha.N taha.N laage khaana phala bhaalu bipula kapi biira .. 35 ..

uhaa.N nisaachara rahahi.n sasa.nkaa . jaba te.n jaari gaya_u kapi la.nkaa ..
nija nija gR^iha saba karahi.n bichaaraa . nahi.n nisichara kula kera ubaaraa .. 1 ..
jaasu duuta bala barani na jaa_I . tehi aa_e.N pura kavana bhalaa_I ..
duutinha sana suni purajana baanii . ma.ndodarii adhika akulaanii .. 2 ..
rahasi jori kara pati paga laagii . bolii bachana niiti rasa paagii ..
ka.nta karaSha hari sana pariharahuu . mora kahaa ati hita hiya.N dharahuu .. 3 ..
samujhata jaasu duuta ka_i karanii . sravahi.n garbha rajaniichara dharanii ..
taasu naari nija sachiva bolaa_I . paThavahu ka.nta jo chahahu bhalaa_I .. 4 ..
tava kula kamala bipina dukhadaaya_I . siitaa siita nisaa sama aa_I ..
sunahu naatha siitaa binu diinhe.n . hita na tumhaara saMbhu aja kiinhe.n .. 5 ..

dohA
          raama baana ahi gana sarisa nikara nisaachara bheka .
          jaba lagi grasata na taba lagi jatanu karahu taji Teka .. 36 ..

shravana suni saTha taa kari baanii . bihasaa jagata bidita abhimaanii ..
sabhaya subhaa_u naari kara saachaa . ma.ngala mahu.N bhaya mana ati kaachaa .. 1 ..
jo.n aava_i markaTa kaTakaa_I . ji_ahi.n bichaare nisichara khaa_I ..
kaMpahi.n lokapa jaakii.n traasaa . taasu naari sabhiita ba.Di haasaa .. 2 ..
asa kahi bihasi taahi ura laa_I . chale_u sabhaa.N mamataa adhikaa_I ..
ma.ndodarii hR^idaya.N kara chi.ntaa . bhaya_u ka.nta para bidhi bipariitaa .. 3 ..
baiThe_u sabhaa.N khabari asi paa_I . si.ndhu paara senaa saba aa_I ..
buujhesi sachiva uchita mata kahehuu . te saba ha.Nse maShTa kari rahehuu .. 4 ..
jitehu suraasura taba shrama naahii.n . nara baanara kehi lekhe maahiiM .. 5 ..

dohA
          sachiva baida gura tiini jau.n priya bolahi.n bhaya aasa .
          raaja dharma tana tiini kara ho_i begihii.n naasa .. 37 ..

so_i raavana kahu.N banii sahaa_I . astuti karahi.n sunaa_i sunaa_I ..
avasara jaani bibhiiShanu aavaa . bhraataa charana siisu tehi.n naavaa .. 1 ..
puni siru naa_i baiTha nija aasana . bolaa bachana paa_i anusaasana ..
jau kR^ipaala puu.Nchhihu mohi baataa . mati anuruupa kaha_u.N hita taataa .. 2 ..
jo aapana chaahai kalyaanaa . sujasu sumati subha gati sukha naanaa ..
so paranaari lilaara gosaa_I . taja_u cha_uthi ke cha.nda ki naa_I .. 3 ..
chaudaha bhuvana eka pati ho_I . bhuutadroha tiShTa_i nahi.n so_I ..
guna saagara naagara nara jo_U . alapa lobha bhala kaha_i na ko_U .. 4 ..

dohA
          kaama krodha mada lobha saba naatha naraka ke pa.ntha .
          saba parihari raghubiirahi bhajahu bhajahi.n jehi sa.nta .. 38 ..

taata raama nahi.n nara bhuupaalaa . bhuvanesvara kaalahu kara kaalaa ..
brahma anaamaya aja bhagava.ntaa . byaapaka ajita anaadi ana.ntaa .. 1 ..
go dvija dhenu deva hitakaarii .  kR^ipaa si.ndhu maanuSha tanudhaarii ..
jana ra.njana bha.njana khala braataa . beda dharma rachchhaka sunu bhraataa .. 2 ..
taahi bayaru taji naa_i_a maathaa . pranataarati bha.njana raghunaathaa ..
dehu naatha prabhu kahu.N baidehii . bhajahu raama binu hetu sanehii .. 3 ..
sarana ga_e.N prabhu taahu na tyaagaa . bisva droha kR^ita agha jehi laagaa ..
jaasu naama traya taapa nasaavana . so_I prabhu pragaTa samujhu jiya.N raavana .. 4 ..

dohA
          baara baara pada laaga_u.N binaya kara_u.N dasasiisa .
          parihari maana moha mada bhajahu kosalaadhiisa .. 39 ka ..
          muni pulasti nija siShya sana kahi paTha_I yaha baata .
          turata so mai.n prabhu sana kahii paa_i su_avasaru taata .. 39 kha ..

maalyava.nta ati sachiva sayaanaa . taasu bachana suni ati sukha maanaa ..
taata anuja tava niiti bibhuuShana . so ura dharahu jo kahata bibhiiShana .. 1 ..
ripu utakaraSha kahata saTha do_U . duuri na karahu ihaa.N ha_i ko_U ..
maalyava.nta gR^iha gaya_u bahorii . kaha_i bibhiiShanu puni kara jorii .. 2 ..
sumati kumati saba ke.n ura rahahii.n . naatha puraana nigama asa kahahii.n ..
jahaa.N sumati taha.N saMpati naanaa . jahaa.N kumati taha.N bipati nidaanaa .. 3 ..
tava ura kumati basii bipariitaa . hita anahita maanahu ripu priitaa ..
kaalaraati nisichara kula kerii . tehi siitaa para priiti ghanerii .. 4 ..

dohA
          taata charana gahi maaga_u.N raakhahu mora dulaara .
          siita dehu raama kahu.N ahita na ho_i tumhaara .. 40 ..
 
budha puraana shruti saMmata baanii . kahii bibhiiShana niiti bakhaanii ..
sunata dasaanana uThaa risaa_I . khala tohi nikaTa mR^itya aba aa_I .. 1 ..
ji_asi sadaa saTha mora ji_aavaa . ripu kara pachchha muu.Dha tohi bhaavaa ..
kahasi na khala asa ko jaga maahii.n . bhuja bala jaahi jitaa mai.n naahii.n .. 2 ..
mama pura basi tapasinha para priitii . saTha milu jaa_i tinhahi kahu niitii ..
asa kahi kiinhesi charana prahaaraa . anuja gahe pada baarahi.n baaraa .. 3 ..
umaa sa.nta ka_i iha_i ba.Daa_I . ma.nda karata jo kara_i bhalaa_I ..
tumha pitu sarisa bhalehi.n mohi maaraa . raamu bhaje.n hita naatha tumhaaraa .. 4 ..
sachiva sa.nga lai nabha patha gaya_U . sabahi sunaa_i kahata asa bhaya_U .. 5 ..

dohA
          raamu satyasa.nkalpa prabhu sabhaa kaalabasa tori .
          mai.n raghubiira sarana aba jaa_u.N dehu jani khori .. 41 ..

asa kahi chalaa bibhiiShanu jabahii.n . aayuuhiina bha_e saba tabahii.n ..
saadhu avagyaa turata bhavaanii . kara kalyaana akhila kai haanii .. 1 ..
raavana jabahi.n bibhiiShana tyaagaa . bhaya_u bibhava binu tabahi.n abhaagaa ..
chale_u haraShi raghunaayaka paahii.n . karata manoratha bahu mana maahii.n .. 2 ..
dekhiha_u.N jaa_i charana jalajaataa . aruna mR^idula sevaka sukhadaataa ..
je pada pasari tarii riShinaarii . da.n.Daka kaanana paavanakaarii .. 3 ..
je pada janakasutaa.N ura laa_e . kapaTa kura.nga sa.nga dhara dhaa_e ..
hara ura sara saroja pada je_I . ahobhaagya mai.n dekhiha_u.N te_I .. 4 ..

dohA
          jinha paayanha ke paadukanhi bharatu rahe mana laa_i .
          te pada aaju bilokiha_u.N inha nayananhi aba jaa_i .. 42 ..

ehi bidhi karata saprema bichaaraa . aaya_u sapadi si.ndhu ehi.n paaraa ..
kapinha bibhiiShanu aavata dekhaa . jaana ko_u ripu duuta biseShaa .. 1 ..
taahi raakhi kapiisa pahi.n aa_e . samaachaara saba taahi sunaa_e ..
kaha sugriiva sunahu raghuraa_I . aavaa milana dasaanana bhaa_I .. 2 ..
kaha prabhu sakhaa buujhi_ai kaahaa . kaha_i kapiisa sunahu naranaahaa ..
jaani na jaa_i nisaachara maayaa . kaamaruupa kehi kaarana aayaa .. 3 ..
bheda hamaara lena saTha aavaa . raakhi_a baa.Ndhi mohi asa bhaavaa ..
sakhaa niiti tumha niiki bichaarii . mama pana saranaagata bhayahaarii .. 4 ..
suni prabhu bachana haraSha hanumaanaa . saranaagata bachchhala bhagavaanaa .. 5 ..

dohA
          saranaagata kahu.N je tajahi.n nija anahita anumaani .
          te nara paava.Nra paapamaya tinhahi bilokata haani .. 43 ..

koTi bipra badha laagahi.n jaahuu . aa_e.N sarana taja_u.N nahi.n taahuu ..
sanamukha ho_i jiiva mohi jabahii.n . janma koTi agha naasahi.n tabahii.n .. 1 ..
paapava.nta kara sahaja subhaa_U . bhajahu mora tehi bhaava na kaa_U ..
jau.n pai duShTahR^idaya so_i ho_I . more.n sanamukha aava ki so_I .. 2 ..
nirmala mana jana so mohi paavaa . mohi kapaTa chhala chhidra na bhaavaa ..
bheda lena paThavaa dasasiisaa . tabahu.N na kachhu bhaya haani kapiisaa .. 3 ..
jaga mahu.N sakhaa nisaachara jete . lachhimanu hana_i  nimiSha mahu.N tete ..
jo sabhiita aavaa saranaa_I.n . raakhiha_u.N taahi praana kii naa_I.n .. 4 ..

dohA
          ubhaya bhaa.Nti tehi aanahu ha.Nsi kaha kR^ipaaniketa .
          jaya kR^ipaala kahi kapi chale a.ngada hanuu sameta .. 44 ..

saadara tehi aage.n kari baanara . chale jahaa.N raghupati karunaakara ..
duurihi te dekhe dvau bhraataa . nayanaana.nda daana ke daataa .. 1 ..
bahuri raama chhabidhaama bilokii . rahe_u ThaTuki ekaTaka pala rokii ..
bhuja pralaMba ka.njaaruna lochana . syaamala gaata pranata bhaya mochana .. 2 ..
si.ngha ka.ndha aayata ura sohaa . aanana amita madana mana mohaa ..
nayana niira pulakita ati gaataa . mana dhari dhiira kahii mR^idu baataa .. 3 ..
naatha dasaanana kara mai.n bhraataa . nisichara ba.nsa janama suratraataa ..
sahaja paapapriya taamasa dehaa . jathaa uluukahi tama para nehaa .. 4 ..

dohA
          shravana sujasu suni aaya_u.N prabhu bha.njana bhava bhiira .
          traahi traahi aarati harana sarana sukhada raghubiira .. 45 ..

asa kahi karata da.nDavata dekhaa . turata uThe prabhu haraSha biseShaa ..
diina bachana suni prabhu mana bhaavaa . bhuja bisaala gahi hR^idaya.N lagaavaa .. 1 ..
anuja sahita mili Dhiga baiThaarii . bole bachana bhagata bhaya haarii ..
kahu la.nkesa sahita parivaaraa . kusala kuThaahara baasa tumhaaraa .. 2 ..
khala ma.nDalii.n basahu dina raatii . sakhaa dharama nibaha_i kehi bhaa.Ntii ..
mai.n jaana_u.N tumhaari saba riitii . ati naya nipuna na bhaava aniitii .. 3 ..
baru bhala baasa naraka kara taataa . duShTa sa.nga jani de_i bidhaataa ..
aba pada dekhi kusala raghuraayaa . jau.n tumha kiinhi jaani jana daayaa .. 4 ..

dohA
          taba lagi kusala na jiiva kahu.N sapanehu.N mana bishraama .
          jaba lagi bhajana na raama kahu.N soka dhaama taji kaama .. 46 ..

taba lagi hR^idaya.N basata khala naanaa . lobha moha machchhara mada maanaa ..
jaba lagi ura na basata raghunaathaa . dhare.n chaapa saayaka kaTi bhaathaa .. 1 ..
mamataa taruna tamii a.Ndhi_aarii . raaga dveSha uluuka sukhakaarii ..
taba lagi basati jiiva mana maahii.n . jaba lagi prabhu prataapa rabi naahii.n .. 2 ..
aba mai.n kusala miTe bhaya bhaare . dekhi raama pada kamala tumhaare ..
tumha kR^ipaala jaa para anukuulaa . taahi na byaapa tribidha bhava suulaa .. 3 ..
mai.n nisichara ati adhama subhaa_U . subha aacharanu kiinha nahi.n kaa_U ..
jaasu ruupa muni dhyaana na aavaa . tehi.n prabhu haraShi hR^idaya.N mohi laavaa .. 4 ..

dohA
          ahobhaagya mama amita ati raama kR^ipaa sukha pu.nja .
          dekhe_u.N nayana bira.nchi siva sebya jugala pada ka.nja .. 47 ..

sunahu sakhaa nija kaha_u.N subhaa_U . jaana bhusu.nDi saMbhu girijaa_U ..
jau.n nara ho_i charaachara drohii . aavau sabhaya sarana taki mohii .. 1 ..
taji mada moha kapaTa chhala naanaa . kara_u.N sadya tehi saadhu samaanaa ..
jananii janaka ba.ndhu suta daaraa . tanu dhanu bhavana suhR^ida parivaaraa .. 2 ..
saba kai mamataa taaga baTorii . mama pada manahi baa.Ndha bari Dorii ..
samadarasii ichchhaa kachhu naahii.n . haraSha soka bhaya nahi.n mana maahii.n .. 3 ..
asa sajjana mama ura basa kaise.n . lobhii hR^idaya.N basa_i dhanu jaise.n ..
tumha saarikhe sa.nta priya more.n . dhara_u.N deha nahi.n aana nihore.n .. 4 ..

dohA
          saguna upaasaka parahita nirata niiti dR^i.Dha nema .
          te nara praana samaana mama jinha ke.n dvija pada prema .. 48 ..

suna la.nkesa sakala guna tore.n . taate.n tumha atisaya priya more.n ..
raama bachana suni baanara juuthaa . sakala kahahi.n jaya kR^ipaa baruuthaa .. 1 ..
sunata bibhiiShanu prabhu kai baanii . nahi.n aghaata shravanaamR^ita jaanii ..
pada aMbuja gahi baarahi.n baaraa . hR^idaya.N samaata na premu apaaraa .. 2 ..
sunahu deva sacharaachara svaamii . pranatapaala ura a.ntarajaamii ..
ura kachhu prathama baasanaa rahii . prabhu pada priiti sarita so bahii .. 3 ..
aba kR^ipaala nija bhagati paavanii . dehu sadaa siva mana bhaavanii ..
evamastu kahi prabhu ranadhiiraa . maagaa turata si.ndhu kara niiraa .. 4 ..
jadapi sakhaa tava ichchhaa naahii.n . mora darasu amogha jaga maahii.n ..
asa kahi raama tilaka tehi saaraa . sumana vR^iShTi nabha bha_I apaaraa .. 5 ..

dohA
          raavana krodha anala nija svaasa samiira pracha.nDa .
          jarata bibhiiShanu raakhe_u diinhe_u raaju akha.nDa .. 49 ka ..
          jo saMpati siva raavanahi diinha di_e.N dasa maatha .
          so_i saMpadaa bibhiiShanahi sakuchi diinha raghunaatha .. 49 kha ..

asa prabhu chhaa.Di bhajahi.n je aanaa . te nara pasu binu puu.Nchha biShaanaa ..
nija jana jaani taahi apanaavaa . prabhu subhaava kapi kula mana bhaavaa .. 1 ..
puni sarbagya sarba ura baasii . sarbaruupa saba rahita udaasii ..
bole bachana niiti pratipaalaka . kaarana manuja danuja kula ghaalaka .. 2 ..
sunu kapiisa la.nkaapati biiraa . kehi bidhi tari_a jaladhi gaMbhiiraa ..
sa.nkula makara uraga jhaSha jaatii . ati agaadha dustara saba bhaa.Ntii .. 3 ..
kaha la.nkesa sunahu raghunaayaka . koTi si.ndhu soShaka tava saayaka ..
jadyapi tadapi niiti asi gaa_I . binaya kari_a saagara sana jaa_I .. 4 ..

dohA
          prabhu tumhaara kulagura jaladhi kahihi upaaya bichaari .
          binu prayaasa saagara tarihi sakala bhaalu kapi dhaari .. 50 ..

sakhaa kahii tumha niiki upaa_I . kari_a daiva jau.n ho_i sahaa_I ..
ma.ntra na yaha lachhimana mana bhaavaa . raama bachana suni ati dukha paavaa .. 1 ..
naatha daiva kara kavana bharosaa . soShi_a si.ndhu kari_a mana rosaa ..
kaadara mana kahu.N eka adhaaraa . daiva daiva aalasii pukaaraa .. 2 ..
sunata bihasi bole raghubiiraa . aisehi.n karaba dharahu mana dhiiraa ..
asa kahi prabhu anujahi samujhaa_I . si.ndhi samiipa ga_e raghuraa_I .. 3 ..
prathama pranaama kiinha siru naa_I . baiThe puni taTa darbha Dasaa_I ..
jabahi.n bibhiiShana prabhu pahi.n aa_e . paachhe.n raavana duuta paThaa_e .. 4 ..

dohA
          sakala charita tinha dekhe dhare.n kapaTa kapi deha .
          prabhu guna hR^idaya.N saraahahi.n saranaagata para neha .. 51 ..

pragaTa bakhaanahi.n raama subhaa_U . ati saprema gaa bisari duraa_U ..
ripu ke duuta kapinha taba jaane . sakala baa.Ndhi kapiisa pahi.n aane .. 1 ..
kaha sugriiva sunahu saba baanara . a.nga bha.nga kari paThavahu nisichara ..
suni sugriiva bachana kapi dhaa_e . baa.Ndhi kaTaka chahu paasa phiraa_e .. 2 ..
bahu prakaara maarana kapi laage . diina pukaarata tadapi na tyaage ..
jo hamaara hara naasaa kaanaa . tehi kosalaadhiisa kai aanaa .. 3 ..
suni lachhimana saba nikaTa bolaa_e . dayaa laagi ha.Nsi turata chho.Daa_e ..
raavana kara diijahu yaha paatii . lachhimana bachana baachu kulaghaatii .. 4 ..

dohA
          kahehu mukhaagara muu.Dha sana mama sa.ndesu udaara .
          siitaa de_i milahu na ta aavaa kaalu tumhaara .. 52 ..

turata naa_i lachhimana pada maathaa . chale duuta baranata guna gaataa ..
kahata raama jasu la.nkaa.N aa_e . raavana charana siisa tinha naa_e .. 1 ..
bihasi dasaanana puu.Nchhii baataa . kahasi na suka aapani kusalaataa ..
puni kahu khabari bibhiiShana kerii . jaahi mR^ityu aa_I ati nerii .. 2 ..
karata raaja la.nkaa saTha tyaagii . ho_ihi java kara kiiTa abhaagii ..
puni kahu bhaalu kiisa kaTakaa_I . kaThina kaala prerita chali aa_I .. 3 ..
jinha ke jiivana kara rakhavaaraa . bhaya_u mR^idula chita si.ndhu bichaaraa ..
kahu tapasinha kai baata bahorii . jinha ke hR^idaya.N traasa ati morii .. 4 ..

dohA
          kii bha_i bhe.nTa ki phiri ga_e shravana sujasu suni mora .
          kahasi na ripu dala teja bala bahuta chakita chita tora .. 53 ..

naatha kR^ipaa kari puu.Nchhehu jaise.n . maanahu kahaa krodha taji taise.n ..
milaa jaa_i jaba anuja tumhaaraa . jaatahi.n raama tilaka tehi saaraa .. 1 ..
raavana duuta hamahi suni kaanaa . kapinha baa.Ndhi diinhe dukha naanaa ..
shravana naasikaa kaaTai.n laage . raama sapatha diinhe.n hama tyaage .. 2 ..
puu.Nchhihu naatha raama kaTakaa_I . badana koTi sata barani na jaa_I ..
naanaa barana bhaalu kapi dhaarii . bikaTaanana bisaala bhayakaarii .. 3 ..
jehi.n pura dahe_u hate_u suta toraa . sakala kapinha maha.N tehi balu thoraa ..
amita naama bhaTa kaThina karaalaa . amita naaga bala bipula bisaalaa .. 4 ..

dohA
          dvibida maya.nda niila nala a.ngada gada bikaTaasi .
          dadhimukha kehari nisaTha saTha jaamava.nta balaraasi .. 54 ..

e kapi saba sugriiva samaanaa . inha sama koTinha gana_i ko naanaa ..
raama kR^ipaa.N atulita bala tinhahii.n . tR^ina samaana trailokahi ganahii.n .. 1 ..
asa mai.n sunaa shravana dasaka.ndhara . paduma aThaaraha juuthapa ba.ndara ..
naatha kaTaka maha.N so kapi naahii.n . jo na tumhahi jiitai rana maahii.n .. 2 ..
parama krodha miijahi.n saba haathaa . aayasu pai na dehi.n raghunaathaa ..
soShahi.n si.ndhu sahita jhaSha byaalaa . puurahi.n na ta bhari kudhara bisaalaa .. 3 ..
mardi garda milavahi.n dasasiisaa . aise_i bachana kahahi.n saba kiisaa ..
garjahi.n tarjahi.n sahaja asa.nkaa . maanahu.N grasana chahata hahi.n la.nkaa .. 4 ..

dohA
          sahaja suura kapi bhaalu saba puni sira para prabhu raama .
          raavana kaala koTi kahu.N jiiti sakahi.n sa.ngraama .. 55 ..

raama teja bala budhi bipulaa_I . seSha sahasa sata sakahi.n na gaa_I ..
saka sara eka soShi sata saagara . tava bhraatahi puu.Nchhe_u naya naagara .. 1 ..
taasu bachana suni saagara paahii.n . maagata pa.ntha kR^ipaa mana maahii.n ..
sunata bachana bihasaa dasasiisaa . jau.n asi mati sahaaya kR^ita kiisaa .. 2 ..
sahaja bhiiru kara bachana dR^i.Dhaa_I . saagara sana Thaanii machalaa_I ..
muu.Dha mR^iShaa kaa karasi ba.Daa_I . ripu bala buddhi thaaha mai.n paa_I .. 3 ..
sachiva sabhiita bibhiiShana jaake.n . bijaya bibhuuti kahaa.N jaga taake.n ..
suni khala bachana duuta risa baa.Dhii . samaya bichaara patrikaa kaa.Dhii .. 4 ..
raamaanuja diinhii yaha paatii . naatha bachaa_i ju.Daavahu chhaatii ..
bihasi baama kara liinhii raavana . sachiva boli saTha laaga bachaavana .. 5 ..

dohA
          baatanha manahi rijhaa_i saTha jani ghaalasi kula khiisa .
          raama birodha na ubarasi sarana biShnu aja Isa .. 56 ka ..
          kii taji maana anuja iva prabhu pada pa.nkaja bhR^i.nga .
          hohi ki raama saraanala khala kula sahita pata.nga .. 56 kha ..

sunata sabhaya mana mukha musukaa_I . kahata dasaanana sabahi sunaa_I ..
bhuumi paraa kara gahata akaasaa . laghu taapasa kara baaga bilaasaa .. 1 ..
kaha suka naatha satya saba baanii . samujhahu chhaa.Di prakR^iti abhimaanii ..
sunahu bachana mama parihari krodhaa . naatha raama sana tajahu birodhaa .. 2 ..
ati komala raghubiira subhaa_U . jadyapi akhila loka kara raa_U ..
milata kR^ipaa tumha para prabhu karihii . ura aparaadha na eka_u dharahii .. 3 ..
janakasutaa raghunaathahi diije . etanaa kahaa mora prabhu kiije ..
jaba tehi kahaa dena baidehii . charana prahaara kiinha saTha tehii .. 4 ..
naa_i charana siru chalaa so tahaa.N . kR^ipaasi.ndhu raghunaayaka jahaa.N ..
kari pranaamu nija kathaa sunaa_I . raama kR^ipaa.N aapani gati paa_I .. 5 ..
riShi agasti kii.n saapa bhavaanii . raachhasa bhaya_u rahaa muni gyaanii ..
ba.ndi raama pada baarahi.n baaraa . muni nija aashrama kahu.N pagu dhaaraa .. 6 ..

dohA
          binaya na maanata jaladhi ja.Da ga_e tiini dina biiti .
          bole raama sakopa taba bhaya binu ho_i na priiti .. 57 ..

lachhimana baana saraasana aanuu . soShau.n baaridhi bisikha kR^isaanuu ..
saTha sana binaya kuTila sana priitii . sahaja kR^ipana sana su.ndara niitii .. 1 ..
mamataa rata sana gyaana kahaanii . ati lobhii sana birati bakhaanii ..
krodhihi sama kaamihi hari kathaa . uusara biija ba_e.N phala jathaa .. 2 ..
asa kahi raghupati chaapa cha.Dhaavaa . yaha mata lachhimana ke mana bhaavaa ..
sa.ndhaane_u prabhu bisikha karaalaa . uThii udadhi ura a.ntara jvaalaa .. 3 ..
makara uraga jhaSha gana akulaane . jarata ja.ntu jalanidhi jaba jaane ..
kanaka thaara bhari mani gana naanaa . bipra ruupa aaya_u taji maanaa .. 4 ..

          kaaTehi.n pa_i kadarii phara_i koTi jatana ko_u sii.ncha .
          binaya na maana khagesa sunu DaaTehi.n pa_i nava niicha .. 58 ..

sabhaya si.ndhu gahi pada prabhu kere . chhamahu naatha saba avaguna mere ..
gagana samiira anala jala dharanii . inha ka_i naatha sahaja ja.Da karanii .. 1 ..
tava prerita maayaa.N upajaa_e . sR^iShTi hetu saba gra.nthani gaa_e ..
prabhu aayasu jehi kaha.N jasa aha_I . so tehi bhaa.Nti rahe.n sukha laha_I .. 2 ..
prabhu bhala kiinha mohi sikha diinhii . marajaadaa puni tumharii kiinhii ..
Dhola ga.Nvaara suudra pasu naarii . sakala taa.Danaa ke adhikaarii .. 3 ..
prabhu prataapa mai.n jaaba sukhaa_I . utarihi kaTaku na mori ba.Daa_I ..
prabhu agyaa apela shruti gaa_I . karau.n so begi jo tumhahi sohaa_I .. 4 ..

dohA
          sunata biniita bachana ati kaha kR^ipaala musukaa_i .
          jehi bidhi utarai.n kapi kaTaku taata so kahahu upaa_i .. 59 ..

naatha niila nala kapi dvau bhaa_I . larikaa_I.n riShi aasiSha paa_I .
tinha ke.n parasa ki_e.N giri bhaare . tarihahi.n jaladhi prataapa tumhaare .. 1 ..
mai.n puni ura dhari prabhu prabhutaa_I . kariha_u.N bala anumaana sahaa_I ..
ehi bidhi naatha payodhi ba.Ndhaa_i_a . jehi.n yaha sujasu loka tihu.N gaa_i_a .. 2 ..
ehi.n sara mama uttara taTa baasii . hatahu naatha khala nara agha raasii ..
suni kR^ipaala saagara mana piiraa . turatahi.n harii raama rana dhiiraa .. 3 ..
dekhi raama bala pauruSha bhaarii . haraShi payonidhi bhaya_u sukhaarii ..
sakala charita kahi prabhuhi sunaavaa . charana ba.ndi paathodhi sidhaavaa .. 4 ..

chhaa.nda 
        nija bhavana gavane_u si.ndhu shriiraghupatihi yaha mata bhaaya_U .
        yaha charita kali mala hara jathaamati daasa tulasii gaaua_U ..
        sukha bhavana sa.nsaya samana davana biShaada raghupati guna ganaa .
        taji sakala aasa bharosa gaavahi sunahi sa.ntata saTha manaa ..

dohA
          sakala suma.ngala daayaka raghunaayaka guna gaana .
          saadara sunahi.n te tarahi.n bhava si.ndhu binaa jalajaana .. 60 ..

iti shriimadraamacharitamaanase sakalakalikaluShavidhvaMsane 
pa~nchamaH sopaanaH samaaptaH .

.. siyaavara raamachandra kii jai .. 

Encoded by Kalpesh Narsi (narsik@med.und.ac.za)
Please see http://www.angelfire.com/id/itihaas/index.html 

Modified for ITRANS 5.2 by Avinash Chopde
to get devanaagarii postscript and XDVNG font output 
Proofread - GitaPress Gorakhpur muula guTakaa edition