%@@1
% File name             : par0110.itx
%--------------------------------------------
% Text title            : bR^ihatpArAsharahorAshAstram.h 1-10
% Author                :
% Language              : Sanskrit
% Subject               : philosophy/hinduism/religion
% Description/comments  : ????Source
% Transliterated by     : Ahto Jarve ajarve at fms30.cca.rockwell.com
% Proofread by          : Ahto Jarve ajarve at fms30.cca.rockwell.com
% Latest update         : November 1, 2010
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=10pt                
\let\usedvng=\normaldvng      
\pagenumbering{itrans} 
\def\twocol{\begin{multicols}{2}}
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\hugedvng #1}\medskip\hrule}
\def\endtitles{\medskip\twocol\obeyspaceslines}
\newfont{\csroman}{putr8i at 9pt}
\newfont{\csromani}{putri8i at 9pt}

#romanifm=romancsx.ifm
#romanfont=\csroman

%%
\begin{document}
\engtitle{.. bRihatpArAsharahorAshAstram.h 1-10 ..}##
\itxtitle{.. bR^ihatpArAsharahorAshAstram.h 1\-10  ..}##\endtitles ##
                      ||  AUM ||
\smallskip
                shrIgaNeshAya namaH ||
\smallskip
         atha bR^ihatpArAsharahorAshAstram.h ||
gajAnanaM bhUtagaNAdisevitaM kapitthajambUphalasArabhaxaNam.h |
umAsutaM shokavinAshakAraNaM namAmi vighneshvarapAdapaMkajam.h ||
\medskip\hrule\medskip
          sR^iShTikramakathanAdhyAyaH || 1||
\smallskip
athaikadA munishreShThaM trikalaj~naM parAsharam.h |
paprachChopetya maitreyaH praNipatya kR^itA~njaliH || 1||
bhagavan.h paramaM puNyaM guhyaM vedA~Ngamuttamam.h |
triskandhaM jyautiShaM horA gaNitaM saMhiteti cha || 2||
eteShvapi triShu shreShThA horeti shrUyate mune |
tvattastAM shrotumichChAmi kR^ipayA vada me prabho || 3||
kathaM sR^iShTiriyaM jAtA jagatashcha layaH katham.h |
khasthAnAM bhUsthatAnAM cha sambandhaM vada vistarAt.h || 4||
sAdhu pR^iShTaM tvayA vipra lokAnugrahakArinA |
athAhaM paramaM brahma tachChaktiM bhAratIM punaH || 5||
sUrya natvA grahapatiM jagadutpattikAraNm.h |
vaxyAmi vedanayanaM yathA brahmamukhAchChrutam.h || 6||
shAntAya gurubhaktAya sarvadA satyavAdine |
AstikAya pradatavyaM tataH shreyo hyavApsyati || 7||
na deyaM parashiShyAya nAstikAya shaThaya vA |
datte pratidinaM duHkhaM jAyate nAtra saMshayaH || 8||
eko.avyaktAtmako viShNuranAdiH prabhurIshvaraH |
shuddhasatvo jagatsvAmI nirguNastriguNAnvitaH || 9||
saMsArakArakaH shrImAnnimittAtmA pratApavAn.h |
ekAMshena jagatsarva sR^ijatyavati lIlayA || 10||
tripAdaM tasya devatya hyamR^itaM tattvadarshinaH |
vidanti tatpramANaM cha sapradhAnaM tathaikapAt.h || 11||
vyaktAvyaktAtmako viShNurvAsudevastu gIyate |
yadavyaktAtmako viShNuH shktitadvayasamanvitaH || 12||
vyaktAtmakastribhiryuktaH kathyate.anantashaktimAn.h |
sattvapradhAnA shrIshaktirbhUshktishcha rajoguNA || 13||
shaktistR^itIyA yA prAktA nIlAkhyA dhvAntarUpiNI |
vAsudevashchaturtho.abhUchChrIshaktyA prerito yadA || 14||
saMkarShaNashcha pradyumno.aniruddha iti mUrtidhR^ik.h |
tamaHshktyA.anvitA viShNurdevaH saMkarShaNAbhidhaH || 15||
pradyumno rajasA shaktyA.anirudhhaH sattvayA yutaH |
mahAn.h saMkarShaNAjjAtaH pradyumnAdyadahaMakR^itiH || 16||
aniruddhAt.h svayaM jAto brahmAhaMkAkamUrtidhR^ik.h |
sarvaShu sarvashaktishcha svashaktyA.adhikayA yutaH || 17||
ahaMkArastridha bhUtvA sarvametadvistarAt.h |
sAttviko rAjasashchaiva tAmasashchedahaMkR^itiH || 18||
devA vaikArikAjjAtAstaijasAdindriyANi |
tAmasachchaivabhU tAni khAdIni svasvashaktibhiH || 19||
shrIshaktyA sahito viShNuH sadA pAti jagattrayam.h |
bhUshaktyA sR^ijate brahmA nIlashaktyA shivo.atti hi || 20||
sarveShu chaiva jIveShu paramAtmA virAjate |
sarvaM hi tadidaM brahman.h sthitaM hi paramAtmani || 21||
sarveShu chaiva jIveShu sthitaMhyaMshadvayaM kvachit.h |
jIvAMsho hyadhikastadvat.h paramAtmAMshakaH kila || 22||
sUryAdayo grahAH sarve brahmakAmadviShAdayaH |
ete chAnye cha bahavaH paramAtmAMshakAdhikAH || 23||
shaktayashcha tathaiteShamadhikAMshAH shriyAdayaH |
svasvashaktiShu chAnyAsu j~neyA jIvAMshakAdhikAH || 24||
\medskip\hrule\medskip
        athAvatArakathanAdhyAyaH || 2||
\smallskip
rAmakR^iShNAdayo ye hyavatArA ramApateH |
te.api jIvAMshasaMyuktAH kiMvA brUhi munishvara || 1||
rAmaH kR^iShNashcha bho vipra nR^isiMhaH sUkarastathA |
ete pUrNAvatArAshcha hyanye jIvAMshakAnvitAH || 2||
avatArANyanekAni hyajasya paramAtmanaH |
jIvAnAM karmaphalado graharUpI janArdanaH || 3||
daityAnAM balanAshAya devAnAM balabR^iddhaye |
dharmasaMstApanArthAya grahAjjAtAH shubhAH kramAt.h || 4||
rAmo.avatAraH sUryasya chandrasya yadunAyakaH |
nR^isiMho bhUmiputrasya buddhaH somasutasya cha || 5||
vAmano vibudhejyasya bhArgavo bhArgavasya cha |
kUrmo bhAskaraputrasya saiMhikeyasya sUkaraH || 6||
ketormInAvatArashcha ye chAnye te.api kheTajAH |
parAtmAMsho.adhiko yeShu te sarve khecharAbhidhaH || 7||
jIvAMshohyadhiko yeShu jIvAste chai prakIrtitaH |
sUryAdibho grahebhyashcha paramAtmAMshaniHsR^itAH || 8||
rAmakR^iShNAdayaH sarva hyavatArA bhavanti chai |
tatraiva te vilIyante punaH kAryottara sadA || 9||
jIvAMshaniHsR^itAsteShAM tebhyo jAtA narAdayaH |
te.api tatraiva lIyante te.avyakte samayanti hi || 10||
idaM te kathitaM vipra sarvaM yasmin.h bhavediti |
bhUtAnyapi bhaviShyanti tattajjAtanti tadvidaH || 11||
vinA tajjyaitiShaM nAnyo j~nAtuM shaknoti karhichit.h |
tatmAdavashyamadhyeyaM bhAhmaNeshcha visheShataH || 12||
yo naraH shAstramaj~nAtvA jyautiShaM khalu nindati |
rauravaM narakaM bhuktvA chAndhatvaM chAnyajanmani || 13||
\medskip\hrule\medskip
         atha grahaguNasvarUpAdhyAyaH || 3||
\smallskip
kathitaM bhavatA premNA grahAvataraNaM mune |
teShaM guNasvarUpAdyaM kR^ipayA kathyatAM punaH || 1||
shR^iNu vipra pravaxyAmi bhagrahANAM paristhitim.h |
AkAshe yAni dR^ishyante jyotirbimbAtyanekashaH || 2||
teShu naxatrasaMj~nAni grahasaMj~nAni kAnichit.h |
tAni naxatranAmAni sthirasthAnAni yAni chai || 3||
gachChanto bhAni gR^ihNanti satataM ye tu te grahaH |
bhachakrasya nagashvyaMshA ashvinyAdisamAhvayAH || 4||
tad.hdvAdashavibhAgAstu tulya meShAdisaMj~nakAH |
prasiddhA rAshayaH santi grahAstvarkAdisaMj~nakAH || 5||
rAshInAmudayo lagnaM tadvashAdeva janminAm.h |
grahayogviyogAbhyAM phalaM chintyaM shubhAshubham.h || 6||
saMj~nA naxatravR^indAnAM j~neyAH sAmAnyashAstrataH |
etachChAstrAnusAreNa rAshikeeTaphalaM bruve || 7||
yasmin.h kAle yataH kheTA yAnti dR^ig.hgaNitaikatAm.h |
tata eva sphuTAH kAryAH dikkAlau cha sphuTau vida || 8||
svasvadeshod.hbhavaiH sAdhyaM lagnaM rAshyudayaiH sphuTam.h |
athAdau vachmi kheTAnAM jAtirUpaguNAnaham.h || 9||
atha kheTA ravishchandro ma~Ngalashcha budhastathA |
guruH shukraH shanI rAhuH ketushchaite yathAkramam.h || 10||
tatrArkashanibhUputrAH xINendurAhuketavaH |
krUrAH sheShagrahA saumyAH krUraH krUrayuto budhaH || 11||
sarvAtmA cha divAnAtho manaH kumudabAndhavaH |
sattvaM kujo budhaiH prokto budho vANIpradAyakaH || 12||
devejyo j~nAnasukhado bhR^igurvIryapradayakaH |
R^iShibhiH prAk.htanaiH proktashChAyAsUnushcha duHkhadaH || 13||
ravichandrau tu rAjAnau netA j~neyo dharAtmajaH |
budho rAjakumArashcha sachivau gurubhArgavau || 14||
preShyako raviputrashcha senA svarbhAnupuchChakau |
evaM krameNa vai vipra sUryAdIn.h pravichintayet.h || 15||
raktashyAmo divAdhIsho gauragAtro nishAkaraH |
nAtyuchchA~NgaH kujo rakto dUrvAshyAmo budhastathA || 16||
gauragAtro gururj~neyaH shukraH shyAvastathaiva cha |
kR^iShNadeho raveH putro j~nAyate dvijasattama || 17||
vahnyambushikhijA viShNuviDhaujaH shachikA dvija |
sUryAdInAM khagAnAM cha devA j~neyAH krameNa cha || 18||
klIvau dvau saumyasaurI cha yuvatIndubhR^igU dvija |
narAH sheShAshcha vij~neyA bhAnurbhaumo gurustathA || 19||
agnibhUminabhastoyavAyavaH kramato dvija |
bhaumAdInAM grahANAM cha tattvAnIti yathAkramam.h || 20||
gurushukrau vipravarNau kujArkau xatriyau dvija |
shashisomyau vaishyavarNau shaniH shUdro dvijottam || 21||
jIvasUryendravaH sattvaM budhashukrau rajastathA |
sUryaputrabharAputrau tamaHprakR^itikau dvija || 22||
madhupi~NgaladR^iksUryashchaturasraH shuchirdvija |
pittaprakR^itiko dhImAn.h pumAnalpakacho dvija || 23||
bahuvAtakaphaH prAj~nashchandro bR^ittatanurdvija |
shubhadR^i~N.hmadhuvAkyashcha  cha~nchalo madanAturaH || 24||
krUro raktexaNo  bhaumashchapalodAramUrtikaH |
pittaprakR^itikaH krodhI kR^ishamadhyatanurdvija || 25||
vapuHshreShThaH shliShTavAkcha hyatihAsyaruchirbudhaH |
pittavAn.h kaphavAn.h vipra mArutaprakR^itistathA || 26||
bR^ihad.hgAtro gurushchaiva pi~Ngalo mUrddhajexaNe |
kaphaprakR^itiko dhImAn.h sarvashAstravishAradaH || 27||
sukhi kAntavapu shreShThaH sulochano bhR^igoH sutaH |
kAvyakartA kaphAdhikyo.anilAtmA vakramUrdhajaH || 28||
kR^ishdIrghatanuH shauriH pi~NgadR^iShTyanilAtmakaH |
sthUladanto.alasaH paMguH khararomakacho dvija || 29||
dhUmrAkAro nIlatanurvanastho.api bhayaMkaraH |
vAtaprakR^itiko dhImAn.h svarbhAnustatsamaH shikhI || 30||
asthi raktastathA majjA tvag.h vasA vIryameva cha |
snAyureShAmadhIshAshcha kramAt.h sUryAdayo dvija || 31||
devAlayajalaM vahnikrIDAdInAM tathaiva cha |
koshashayyotkarANAntu nAthAM sUryAdayaH kramAt.h || 32||
ayanaxaNavArartumAsapaxasamA dvija |
sUryAdInAM kramAjj~neyA nirvishaMkaM dvijottama || 33||
kaTuxAratiktamishramadhurAmlakaShAyakAH |
krameNa sarve vij~neyAH sUryAdInAM rasA iti || 34||
budhejyau balinau pUrve ravibhaumau cha daxiNe |
pashchime sUryaputrashcha sitachandrau tathottare || 35||
nishAyAM balinashchandrakujasaurA bhavanti hi |
sarvadA j~no balI j~neyo dine sheShA dvijottama || 36||
kR^iShNe cha balinaH krUrAH saumyA vIryayutAH site |
saumyAyane saumyakheTo balI yAmyAyane.aparaH || 37||
varShamAsAhahorANAM patayo balinastathA |
shamaMbugushuchaMrAdyA vR^iddhito vIryavattaraH || 38||
sUrye janayati sthUlAn.h durbhagAn.h sUryaputrakaH |
xIropetAMstathA chandraH kaTukAdyAn.h dharAsutaH || 39||
puShpavR^ixaM bhR^igoH putre guruj~nau saphalAphalau |
nIrasAn.h sUryaputrashcha evaM j~neyAH khagA dvija || 40||
rAhushchANDAlajAtishcha keturjAtyantarastathA |
shikhisvarbhAnumandAnAM valmIkaH sthAnamuchyate || 41||
chitrakanthA phanIndrasya ketushChidrayuto dvija! |
sIsaM rahornIlamaNiH ketorj~neyo dvijottama || 42||
guroH pItAmbaraM vipra bhR^igoH xaumaM tathaiva cha |
raktaxaumaM bhAskarasya indoH xaumaM sitaM dvija || 43||
budhasya kR^iShNaxaumaM tu raktavastraM kujasya cha |
vastraM chitraM shanervipra paT.htavastraM tathaiva cha || 44||
bhR^igorR^iturvasantashcha kujabhAnvoshcha grIShmakaH |
chandrasya varShA vij~neyA sharachchaiva tathA vidaH || 45||
hemanto.api gurorj~neyaH shanestu shishiro dvija |
aShTau mAsAshcha svarbhAnoH ketormAsatrayaM dvija || 46||
rAhvArapaMguchandrashcha vij~neyA dhAtukhecharAH |
mUlagrahau sUryashukrau aparA jIvasaMj~nakAH || 47||
graheShu mando vR^iddho.asti AyurvR^iddhipradAyakaH |
naisargike bahusamAn.h dadAti dvijasattama || 48||
meSho vR^iSho mR^igaH kanyA karko mInastathA tulA |
sUryAdInAM kramAdete kathitA uchcharAshyaH || 49||
bhAgA dasha trayo.aShTAshvyastithyo.axA bhamitA nakhAH |
uchchAt.h saptamabhaM nIchaM tairevAMshaiH prakIrtitam.h || 50||
raveH simhe nakhAMshAshcha trikoNamapare svabham.h |
uchchamindorvR^iShe tryaMshAstrikoNamapareM.ashakAH || 51||
meShe.arkAMshAstu bhaumasya trikoNamapare svabham.h |
uchchaM budhasya kanyAyAmuktaM pa~nchadashAMshakAH || 52||
tataH pa~nchAMshakAH proktaM trikoNamapare svabham.h |
chApe dashAMshA jIvasya trikoNamapare svabham.h || 53||
tule shukrasya tithyaMshAstrikoNamapare svabham.h |
shaneH kumbhe nakhAMshAshcha  trikoNamapare svabham.h || 54||
trikoNAt.h svAt.hsukhasvA.antyadhIdharmAyuHsvatu~NgapAH |
suhR^ido ripavashvAnve samAshchobhayalaxaNAH || 55||
dashavandhvAyasahajasvAntyasthAstu parasparam.h |
tatkAle mitratAM yAnti ripavo.anyatra saMsthitAH || 56||
tatkAle cha nisarge cha mitraM chedadhimitrakam.h |
mitraM mitrasamatve tu shatruH shatrusamatvake || 57||
samo mitrariputve tu shatrutve tvadhishatrutA |
evaM vivichya daivaj~no jAtakasya phalaM vadet.h || 58||
svochche shubhaM phalaM pUrNa trikoNe pAdavarjitam.h |
svarxe.ardhaM mitragehe tu pAdamAtraM prakIrtitam.h || 59||
pAdArdhaM samabhe proktaM shUnyaM nIchAstashatrubhe |
tadvad.hduShTaphalaM brUyad.h vyatyayena vichaxaNaH || 60||
tryaMshADhyavishvabhAgaishcha chaturbhaiH sahito raviH |
dhUmo nAma mahAdoShaH sarvakarmavinAshakaH || 61||
dhUmo maNDalataH shuddho vyatIpAto.atra doShadaH |
saShad.hbho.atra vyatIpAtaH pariveSho.atidoShakR^it.h || 62||
pariveShashchyutashchakrAdindrachApastu doShadaH |
vitryaMshAsyaShTibhAgAdhyashchApaH ketukhago.ashubhaH || 63||
ekarAshiyutaH ketuH sUryatulyaH prajAyate |
aprakAshagrahAshchaite pApA doShapradAH smR^itAH || 64||
sUryendulagnageShveShu vaMshAyurj~nAnanAshanam.h |
iti dhUmAdidoShANAM sthitiH pad.hmAsanoditA || 65||
ravivArAdishanyantaM gulikAdi nirUpyate |
divasAnaShTadhA bhaktvA vAreshAd.h gaNeyat.h kramAt.h || 66||
aShTmoM.asho nirIshaH syAchChanyaMsho gulikaHsmR^itaH |
rAtrimapyaShTadhA kR^itvA vAreshAt.h pa~nchamAditaH || 67||
gaNayedaShTamaH khaNDo niShyatiH parikIrtitaH |
shnyaMsho gulikaH prokto ravyaMshaH kAlasaMj~nakaH || 68||
bhaumAMsho mR^ityurAdiShTo gurvaMsho yamaghaNTkaH |
somyAMsho.ardhapraharakaH svasvadeshod.hbhavaH sphuTaH || 69||
gulikeShTavashAllagnaM sphuTaM yat.h svasvadeshajam.h |
gulikaM prochyate tasmAjjAtakasya phalaM vadet.h || 70||
bhAMshapAdasamaiH prANaishcharAdyarkatrikoNabhAt.h |
udayAdiShTakAlAntaM yad.hbhaM prANapadaM hi tat.h || 71||
sveShTakAlaM palIkR^itya tithyAptaM bhAdikaM cha yat.h |
charAgadvibhasaMsthe.arke bhanau yu~N.h navame sute || 72||
sphuTaM prANapadAkhyaM tallagnaM j~neyaM dvijottama |
lagnAd.h dvikoNe turye cha rAjye prANapadaM tadA || 73||
shubhaM janma vijAnIyAttathaivaikAdashe.api cha |
anyasthAne sthitaM chet.h syAt.h tadA janmAshubhaM vadet.h || 74||
\medskip\hrule\medskip
          atha rAshisvarUpAdhyAyaH || 4||
\smallskip
ahorAtrasya pUrvAntyalopAd.h horA.avashiShyate |
tasya vij~nAnamAtreNa jAtakarmaphalaM vadet.h || 1||
yadavyaktAtmako viShNuH kAlarupo janArdanaH |
tasyA~NgAni nibodha tvaM kramAnmeShAdirAshyaH || 2||
meSho vR^iShashcha mithunaH karkasiMhakumArikAH |
tulAli.ashcha dhanurnakre kumbho mInastataH param.h || 3||
shIrShAnane tathA bAhU hR^itkroDakaTibastayaH |
guhyoruyugale jAnuyugme vai ja~N.hghake tathA || 4||
charanau dvau tathA meShAt.h j~neyAH shIrShAdayaH kramAt.h |
charasthiradvisvabhAvAH krUrAkrUrau narastriyau || 5||
pittAnilatridhAtvaukyashleShmikAshcha kriyAdayaH |
raktavarNo bR^ihad.hgAtrashchatuShpAdrAtrivikramI || 6||
pUrvavAsI nR^ipaj~nAtiH shailachArI rajoguNI |
pR^iShThodayI pAvakI cha meSharAshiH kujAdhipaH || 7||
shvetaH shukrAdhipo dIrghashchatuShpAchCharvarIbalI |
yAmyeT.h grAmyo vaNigbhUmirajaH pR^iShThodayo vR^iShaH || 8||
shIrShodayI nR^imithunaM sagadaM cha savINakam.h |
pratyag.hvAyurdvipAdrAtribalI grAmavrajo.anilI || 9||
samagAtro haridvirNo mithunAkhyo budhAdhipaH |
pATalo vanachArI cha brAhmaNo nishi vIryavAn.h || 10||
bahupAdacharaH sthaulyatanuH sattvaguNI jalI |
pR^iShThodayI karkarAshirmR^igAMkA.adhipatiH smR^itaH || 11||
siMhaH sUryAdhipaH sattvI chatuShpAt.h xatriyo vanI |
shIrShodayI bR^ihad.hgAtraHpANDuH pUrveD.h dyuvIryavAn.h || 12||
pArvatIyAtha kanyAkhyA rAshirdinabalAnvitA |
shIrShodayA cha madhyAMgA dvipAdyAmyacharA cha sA || 13||
sA sasyadahanA vaishyA chitravarNA prabha~njinI |
kumArI tamasA yuktA bAlabhAvA budhAdhipA || 14||
shIrShodayI dyuvIryADhyastulaH kR^iShNo rajoguNI |
pashchimo bhUcharo ghAtI shUdro madhyatanurdvipAt.h || 15||
shukrA.adhipo.atha svalpAMgo bahupAd.hbrAhmaNo bilI |
saumyastho dinavIryADhyaH pishaMgo jalabhUvaH || 16||
romasvADhyo.atitIxNAgro vR^ishchikashcha kujAdhipaH |
pR^iShThodayI tvatha dhanurgurusvAmI cha sAttvikaH || 17||
piMgalo nishivIryADhyaH pAvakaH xatriyo dvipAd.h |
AdAvante chatuShpAdaH samagAtro dhanurdharaH || 18||
pUrvastho vasudhAchArI tejasvI brahmaNA kR^itaH |
mandAdhipastamI bhaumI yAmyeT.h cha nishi vIryavAn.h || 19||
pR^iShThodayI bR^ihad.hgAtraH karburo vanabhUcharaH |
Adau chatuShpadonte tu vipado jalago mataH || 20||
kumbhaH kumbhI naro babhruvarNo madhyatanurdvipAt.h |
dyuvIryo jalamadhyastho vAtashIrShodayI tamaH || 21||
shUdraH pashchimadeshasya svAmI daivAkariH smR^itaH |
mInau puchChAsyasaMlagnau mInarAshirdivAbalI || 22||
jalI sattvaguNADhyashcha svastho jalacharo dvijaH |
apado madhyadehI cha saumyastho hyubhayodayI || 23||
surAchAryAdhipashcheti rAshInAM gaditA guNAH |
triMshad.hbhAgAtmakAnAM cha sthUlasUxmaphalAya cha || 24||
athAtaH sampravaxyAmi shR^iNuShva munipuMgava |
janmalagnaM cha saMshodhya niShekaM parishodhayet.h || 25||
tadahaM saMpravaxyAmi maitreya tvaM vidhAraya |
janmalagnAt.h parij~nAnaM niShekaM sarvjantu yat.h || 26||
yasmin.h bhAve sthito mandastasya mAnderyadantaram.h |
lagnabhAgyAntaraM yojyaM yachcha rAshyAdi jAyate || 27||
mAsAdi tanmitaM j~neyaM janmataH prak.h niShekajam.h |
yadyadR^ishyadale~NgeshastadendorbhuktabhAgayuk.h || 28||
tatkAle sAdhayellagnaM shodhayet.h pUrvavattanum.h |
tasmAchChubhAshubhaM vAchyaM garbhasthasya visheShataH || 29||
shubhAshubhaM vadet.h pitrorjIvanaM maraNaM tathA |
evaM niShekalagnena samyag.h j~neyaM svakalpanAt.h || 30||
\medskip\hrule\medskip
          atha visheShalagnAdhyAyaH || 5||
\smallskip
athAhaM sampravaxyAmi tavAgre dvijasattama |
bhAvahorAghaTIsaMj~nalagnAnIti pR^ithak.h pR^ithak.h || 1||
sUryodayaM samArabhya ghaTikAnAM tu paMchakam.h |
prayAti janmaparyantaM bhAvalagnaM tadeva hi || 2||
iShTaM ghaTyAdikaM bhaktvA paMchabhirbhAdijaM phalam.h |
yojyamaudayike sUrye bhAvalagnaM sphuTaM cha tat.h || 3||
tathA sArdhadvighaTikAmitAdarkodayAd.h dvija |
prayAti lagnaM tannAma horAlagnaM prachaxate || 4||
iShTaghaTyAdikaM dvighnaM pa~nchAptaM bhAdikaM cha yat.h |
yojyamaudayike bhAnau horAlagnaM sphuTaM hi tat.h || 5||
kathayAmi ghaTIlagnaM sR^inu tvaM dvijasattama |
sUryodayat.h samArabhya janmakAlAvadhi kramAt.h || 6||
ekaikaghaTikAmAnAt.h lagnaM yadyAti bhAdikam.h |
tadeva ghaTikAlagnaM kathitaM nAradAdibhiH || 7||
rAshayastu ghaTItulyAH palArdhapramitAMshakAH |
yojyamaudayike bhanau ghaTIlagnaM sphuTaM hi tat.h || 8||
kramAdeShAM cha lagnAnAM bhAvakoShThaM pR^ithak.h likhet.h |
ye grahA yatra bhe tatra te sthApyA rAshilagnavat.h || 9||
varNadAkhyadashAM bhAnAM kathayAmyatha te.agrataH |
yasya vij~nAnamAtreNa vadedAyurbhavaM phalam.h || 10||
ojalagnaprasUtAnAM meShAdergaNayet.h kramAt.h |
samalagnaprasUtAnAm mInAderapasavyataH || 11||
meShamInAdito janmalagnAntaM gaNayet.h sudhIH |
tathaiva horAlagnAntaM gaNayitvA tataH param.h || 12||
ojatvena samatvena sayAtIye ubhe yadi |
tarhi saMkhye yojayIta vaijAtye tu viyojayet.h || 13||
meShamInAditaH pashchAdyo rAshiH sa tu varNadaH |
etatprayojanaM vaxye sR^iNu tvaM dvijapuMgavaH |
horAlagnabhayorneyA sabalAd.hvarNadA dashA || 14||
yat.hsaMkhye varNado lagnAt.h tattatsaMkhyAkrameNa tu |
kramayutkramabhedena dashA syAdojayugmayo || 15||
pApadR^iShTiH pApayogo varNdasya trikoNake |
yadi syAt.h tarhi tadrAshiparyantaM tasya jIvanaM || 16||
rudrashUle yathaivAyurmaraNAdi nirUpyate |
tathaiva varNadasyapi trikoNe pApasaMgame || 17||
varNadAdapi bho vipra lagnavachchintayet.h phalam.h |
varNadAt.h saptamAd.h bhAvat.h kalatrAyurvichintayet.h || 18||
ekAdashAdagrajasya tR^itIyAttu yavIyasaH |
sutasya paMchame vidyAnmAtushchaturthabhAvat.h || 19||
pitushcha navamAd.h bhAvAdayureevaM vichintayet.h |
shUlarAshidashAyAM vai pravalAyAmariShTakam.h || 20||
evaM tanvAdibhAvAnAM kartavyA varNA dashA |
pUrvavachcha phalaM j~neyaM dehinAM cha shubhAshubham.h || 21||
grahanAM varNadA naiva rAshInAM varNdA dashA |
kR^itvArkadhA rAshidashAM kramAdantardashAM vadet.h || 22||
evamantardashAdiM cha kR^itvA tena phalaM vadet.h |
kramavyutkramabhedena likhedantardashAmapi || 23||
svasvadeshod.hbhavaM lagnaM janmalagnamimihochyate |
bhAvahorAdilagnAnAM sarvatraiva samakriyA || 24||
\medskip\hrule\medskip
          atha ShoDashavargAdhyAyaH || 6||
\smallskip
shrutA grahaguNAstvattastathA rAshiguNa mune |
shrotamichChAmi bhAvAnAM bhedAMstAn.h kR^ipayA vada || 1||
vargAn.h ShoDasha yAnAha brahmA lokapitAmahaH |
tAnahaM sampravaxyAmi maitreya srUyatAmiti || 2||
xetraM horA cha dreShkANasturyAMshaH saptamAMshakaH |
navAMsho dashamAMshashcha sUryAmshaH ShoDashAMshakaH || 3||
viMshAMsho vedavAhvaMsho bhAMshastriMshAMshakastataH |
khavedAMsho.axavedAMshaH ShaShThyaMshashcha tataH param.h || 4||
tatxetraM tasya kheTasya rAsheryo yasya nAyakaH |
sUryendvorviShame rAshau same tadviparItakam.h || 5||
pitarashchandrahoreshA devAH sUryasya kIrtitAH |
rAsherarddhaM bhaveddhorA tAshchaturviMshatiH smR^itA |
meShAdi tAsAM horANAM parivR^ittidvayaM bhavet.h || 6||
rAshitribhAgAdreShkANAste cha ShaT.htriMshadIritAH |
parivR^ittitrayaM teShAM meShAdeH kramasho bhavet.h || 7||
svapaMchanavamAnAM cha rAshInAM kramashashcha te |
nAradA.agastidurvAsA dreShkANeshAshcharAdiShu || 8||
svarxAdikendrapatayasturyAMsheshAH kriyAdiShu |
sanakashcha sanandashcha kumArashcha sanAtanaH || 9||
saptAMshapAstvojagR^ihe gaNanIyA nijeshataH |
yugmarAshau tu vij~neyAH saptamarxAdinAyakAt.h || 10||
xAraxIrau cha dadhyAjyau tathexurasasambhavaH |
madhyashuddhajalAvoje same shuddhajalAdikAH || 11||
navAMsheshAshchare tasmAtsthire tannavamAditaH |
ubhaye tatpaMchamAderiti chintyaM vichaxaNauH |
devA nR^irAxasAshchaiva charAdiShu gR^iheShu cha || 12||
dashamAMshAH svatashchaije yugma tannavamAt.h smR^itAH |
dasha pUrvAdidikpAlA indrA.agniyamarAxasAH || 13||
varuNo mArutashchaiva kubereshAnapad.hmajAH |
anantashcha kramAdIye same vA vyutkrameNa tu || 14||
dvAdashAMshasya gaNanA tattatxetrAdvinirdishet.h |
teShAmaghIshAH kramasho gaNeshA.ashviyamAhayAH || 15||
ajasiMhA.ashvito j~neyA ShoDashAMshAshcharAdiShu |
ajaviShNU haraH sUrye hyoje yugme pratIpakam.h || 16||
atha viMshatibhAgAnAmadhipA brahmaNoditAH |
kriyAchchare sthire chApAn.h mR^igundrAd.h dvisvabhAvake || 17||
kAlI gaurI laxmIvijayA vimalA satI |
tArA jvAlAmukhI shvetA lalitA bagalAmukhI || 18||
pratya~NgirA shachI raudrI bhavAnI varadA jayA |
tripurA sumukhI cheti viShame parichintayet.h || 19||
samarAshau dayA medhA ChinnashIrShA pishAchinI |
dhUmAvatI cha mAta~NgI bAlA bhadra.aruNAnalA || 20||
pi~NgalA ChuchChukA ghorA vArAhI vaiShNavI sitA |
bhuvaneshI bhairavI cha ma~NgalA hyaparAjitA || 21||
siddhAMshakAnAmadhipAH siMhAdojabhage grahe |
karkadyugmabhage kheTe skandaH parshudharo.analaH || 22||
vishvakarmA bhago mitro mayo.antakavR^iShadhvajAH |
govindo madano bhImaH siMhAdau viShame kramAt.h |
karkAdau samabhe bhImAdvilomena vichintayet.h || 23||
bhAMshAdhipAH kramAddasrayamavahnipitAmahAH |
chandreshAditijIvAhipitaro bhagasaMj~nitAH || 24||
aryamArkatvaShT.hTamaruchChakrAgnimitravAsavAH |
nirR^ityudakavishve.ajagovindo vasavo.ambupaH || 25||
tato.ajapAdahirbudhnyaH pUShA chaiva prakIrtitAH |
naxatreshAstu bhAMsheshA meShAdicharabhakramAt.h || 26||
triMshAMsheshAshcha viShame kujarkIjyaj~nabhArgavAH |
paMchapaMchAShTasaptAxabhAgAnAM vyatyayAt.h same || 27||
vahniH samIrashakrau cha dhanado jaladastathA |
viShameShu kramAjj~neyAH samarAshau viparyayAt.h || 28||
chatvAriMshadvibhAgAnAmadhipA viShame kriyAt.h |
samabhe tulato j~neyAH svasvAdhipasamanvitAH || 29||
viShNushchandro marIchishcha tvaShTA dhAtA shivo raviH |
yamo yaxashcha gandharvaH kAlo varuNa eva cha || 30||
tathAxavedabhAgAnAmadhipAshcharabhe kriyAt.h |
sthire siMhAd.h dvibhechApAt.h vidhIshaviShNavashchare || 31||
IshAchyutasurajyeShThA viShNukeshAH sthire dvibhe |
devAH paMchadashAvR^ittyA vij~neyA dvijasattama || 32||
rAshIn.h vihAya kheTasya dvighnamaMshAdyamarkahR^it.h |
sheShaM saikaM tadrAsherbhapAH ShaShTyaMshApAH smR^itAH || 33||
ghorashcha rAxasho devaH kubero yaxakinnarau |
bhraShTaH kulaghno garalo vahnirmAyA purIShakaH || 34||
apAmpatirmarutvAMshcha kAlaH sarpAmR^itendukAH |
mR^iduH komalaherambabrahmaviShNumaheshvarAH || 35||
devArdrau kalinAshashcha xitIshakamalAkarau |
guliko mR^ityukAlashcha dAvAgnirghorasaMj~nakaH || 36||
yamashcha kaNTakasudhA.amR^itau pUrNanishAkaraH |
viShadagdhakulAntashcha mukhyo vaMshaxayastathA || 37||
utpAtakAlasaumyAkhyAH komalaH shItalAbhidhaH |
karAladaMShTrachandrAsyau pravINaH kAlapAvakaH || 38||
daNDabhR^innirmalaH saumyaH krUro.atishItalo.amR^itaH |
payodhibhramaNAkhyau cha chandrarekhA tvayugmapAH || 39||
same bhe vyatyayAjj~neyAH ShaShTyaMsheshAH prakIrtitAH |
ShaShTyAMshasvAminastvoje tadIshAdavyatpayaH same || 40||
shubhaShaShTayaMshasaMyuktA grahAH shubhaphalapradAH |
krUraShaShTyaMshAsaMyuktA nAshayanti khachAriNaH || 41||
vargabhedAnahaM vaxye maitreya tvaM vidhAraya |
ShaD.hvargAH saptavargAshcha digvargA nR^ipavargakAH || 42||
bhavanti vargasaMyoge ShaDavarge kiMshukAdayaH |
dvAbhyAM kiMshukanAmA cha tribhirvya~njanamuchyate || 43||
chaturbhishchAmarAkhyaM cha ChatraM pa~nchabhireva cha |
ShaD.hbhiH kuNDalayogaH syAnmukuTAkhyaM cha saptabhiH || 44||
saptavarge.atha digvarge pArijAtAdisaMj~nakAH |
pArijAtaM bhaved.hdvAbhyAmuttamaM tribhiruchyate || 45||
chaturbhirgopurAkhyaM syAchCharauH siMhAsanaM tathA |
pArAvataM bhavet.h ShaD.hbhirdevalokaM cha saptabhiH || 46||
vasubhirbrahmalokAkhyaM navabhiH shakravAhanam.h |
digbhiH shrIdhAmayogaH syAdatha ShoDashavargake || 47||
bhedakaM cha bhaved.hdvAbhyAM tribhiH syAt.h kumumAkhyakam.h |
chaturbhirnAgapuShpaM syAt.h paMchabhiH kandukAhvayam.h || 48||
keralAkhyaM bhavet.h ShaD.hbhiH saptabhiH kalpavR^ixakam.h |
aShTabhishchandanavaM navabhiH pUrNachandrakam.h || 49||
digbhiruchchaiHshravA nAma rudrairdhanvantarirbhavet.h |
sUryakAntaM bhaved.h sUryairvishvaiH syAdvidrumAkhyakam.h || 50||
shakrasiMhAsanaM shakrairgolokaM tithibhirbhavet.h |
bhUpaiH srIvallabhAkhyaM syAdvargA bhedairudAhR^itAH || 51||
svochchamUlatrikoNasvabhavanAdhipateH shubhAH |
svAruDhAt.h kendranAthAnAM vargA grAhyAH sudhImatA || 52||
astaMgatA grahajitA nIchagA durbalAshcha ye |
shayanAdigatAstebhya utpannA yoganAshakAH || 53||
\medskip\hrule\medskip
          atha vargavivekAdhyAyaH || 7||
\smallskip
atha ShoDashavargeShu vivekaM cha vadAmyaham.h |
lagne dehasya vij~nAnaM horAyAM sampadAdikam.h || 1||
dreShkANe bhrAtR^ijaM saukhyaM turyAMshe bhAgyachintanam.h |
putrapautrAdikAnAM chai chintanaM saptamAMshake || 2||
navamAMshe kalatrANAM dashamAMshe mahatphalam.h |
dvAdashAMshe tathA pitroshchintanaM ShoDashAMshake || 3||
sukhA.asukhasya vij~nAnaM vAhanAnAM tathaiva cha |
upAsanAyA vij~nAnaM sAdhyaM viMshatibhAgake || 4||
vidyAyA vedabAhvaMshe bhAMshe chaiva balA.abalam.h |
triMshAMshake riShTaphalaM khavedAMshe shubhA.ashubham.h || 5||
axavedAMshake chaiva ShaShTyaMshe.akhilamIxayet.h |
yatra kutrApi samprAptaH krUraShaShTyaMshakAdhipaH || 6||
tatra nAsho na sande ho gargAdInAM vacho yathA |
yatra kutrApi samprAptaH kalAMshAdhipatiH shubhaH || 7||
tatra vR^iddhishcha puShTishcha gargAdinAM vacho yathA |
iti ShoDashavargANAM bhedAste pratipAditAH || 8||
udayAdiShu bhAveShu kheTasya bhavaneShu vA |
vargaviMshopakaM vIxya j~neyaM teShAM shubhA.ashubham.h || 9||
athAtaH sampravaxyAmi vargaviMshopakaM balam.h |
yasya vij~nAnamArteNa vipAkaM dR^iShTigocharam.h || 10||
gR^ihaviMshopakaM vIxyaM sUryAdInAM khachAriNAm.h |
svagR^ihochche balaM pUrNaM shUnyaM tatsaptamasthite || 11||
grahasthitivashAjj~neyaM dvirAshyadhipatistathA |
madhye.anupAtato j~neyaM ojayugmarxabhedataH || 12||
sUryahorAphalaM dadyurjIvArkavasudhAtmajAH |
chandrAsphujidarkaputrAshchandrahorAphalapradAH || 13||
phaladvayaM budho dadyAt.h same chAndraM tadanyake |
raveH phalaM svahorAdau phalahInaM virAmake || 14||
madhye.anupAtAt.h sarvatra dreShkANe.api vichintayet.h |
gR^ihavat.h turyabhAgepi navAMshAdAvapi svayam.h || 15||
sUryaH kujaphalaM dhatte bhArgavasya nishApatiH |
triMshAMshake vichintyauvamatrApi gR^ihavat.h smR^itam.h || 16||
lagnahorAdR^ikANAMkabhAgasUryakA iti |
triMshAMshakashcha ShaD.hvargA atra viMshopakAH kramAt.h || 17||
ramanetrAbidhapaMchAshvibhUmayaH saptavargake |
sasaptamAMshake tatra vishvakAH paMcha lochanam.h || 18||
trayaH sArddhaM dvayaM sArddhavedA dvau rAtrinAyakaH |
sthUlaM phalaM cha saMsthApya tatsUxmaM cha tatastataH || 19||
dashavargAM digaMshADhyAH kalAMshAH ShaShTibhAgakAH |
trayaM xetrasya vij~neyaH paMchaShaShTyaMshakasya cha || 20||
sArddhaukabhAgAH sheShANAM vishvakAH parikIrtitA |
atha vaxye visheSheNa balaM viMshopakAhvayam.h || 21||
kramAt.h ShoDashavargANAM xetrAdInAM pR^ithak.h pR^ithak.h |
horAtriMshAMshadR^ikkANe kuchandrashashinaH kramAt.h || 22||
kalAMshasya dvayaM j~neyaM trayaM nandAMshakasya cha |
xetre sArddhaM cha tritayaM vedAH ShaShTyaMshakasya hi || 23||
arddhamardhaM tu sheShANAM hyetat.h svIyamudAhR^itam.h |
pUrNaM viMshopakaM viMsho dhR^itiH syAdadhimitrake || 24||
mitre paMchadasha proktaM same dasha prakIrtitam.h |
shatrau saptAdhishatrau cha paMchaviMshopakaM bhavet.h || 25||
vargavishvAH svavishvaghnAH punarviMshatibhAjitAH |
vishvAphalopayogyaM tatpa~nchonaM phalado na hi || 26||
tadUrdhvaM svalpaphaladaM dashordhvaM madhyamaM smR^itam.h |
tiyyUrdhaM pUrNaphaladaM bodhyaM sarvaM khachAriNAm.h || 27||
athA.anyadapi vaxye.ahaM maitreya tvaM vidhAraya |
khetAH pUrNaphalaM dadyuH sUryAt.h saptamake sthitAH || 28||
phalAbhAvaM vijAnIyAt.h same sUryanabhashchare |
madhye.anupAtAt.h sarvatra hyudayAstaviMshopakAH || 29||
vargaviMshopakaM j~neyaM phalamasya dvijarShabha |
yachcha yatra phalaM bud.hdhvA tatphalaM parikIrtitam.h || 30||
vargaviMshopakaM chAdAvudayAstamataH param.h |
pUrNaM pUrNetipUrnaMsyAt.h sarvadauvaM vichintayet.h || 31||
hInaM hInetihInaM syAt.h svalpelpAtyalpakaM smR^itam.h |
madhyaM madhyetimadhyaM syAdyAvattasya dashAsthitiH || 32||
athA.anyadapi vaxyAmi maitreya srR^iNu suvrat |
lagnaturyAstaviyatAM kendrasaMj~nA visheShataH || 33||
dvipaMcharandhralAbhAnAM j~neyaM paNapharAbhidham.h |
triShaShThabhAgyariShphAnAmApoklimamiti dvija || 34||
lagnAt.h paMchamabhAgyasya koNasaMj~nA vidhIyate |
ShaShThAShTavyayabhAbAnAM duHsaMj~nAstrikasaMj~nakAH || 35||
chaturasraM turyarandhraM kathayAnte dvijottama |
svasthAdupachayarxANi triShaDAyAmbarANi hi || 36||
tanurdhanaM cha sahajo bandhuputrArayastathA |
yuvatIrandhradharmAkhyakarmAlAbhavyayAH kramAt.h || 37||
saMxepeNautaduditamanyad.h buddhyanusArataH |
ki~nchidvisheShaM vaxyAmi yathA bhahmamukhArchChutam.h || 38||
navame.api piturj~nAnaM sUryAchcha navame.athavA |
yatki~nchiddashame lAbhe tatsUryAddashame bhave || 39||
turye tanau dhane lAbhe bhAgye yachchintanaM cha tat.h |
chandrAtturye tanau lAbhe bhagye tachchintayed.h dhruvam.h || 40||
lagnAd.h dushchikyabhavane yatkujAdvikrame.akhilam.h |
vichAryaM ShaShThabhAvasya budhAt.h ShaShThe vilokayet.h || 41||
putrasya cha guroH putre jAyAyAH saptame bhR^igoH |
aShTamasya vyayasyApi mandAnmR^ityau vyaye tathA || 42||
yad.hbhAvAdyatphalaM chintyaM tadIshAttatphalaM viduH |
j~neyaM tasya phalaM taddhi tatra chintyaM shubhA.ashubham.h || 43||
\medskip\hrule\medskip
        atha rAshidR^iShTikathanAdhyAyaH || 8||
\smallskip
atha meShAdirAshInAM charAdInAM pR^ithak.h pR^ithak.h |
dR^iShTibhedaM pravaxyAmi shrR^iNu tvaM dvijasattama || 1||
rAshayo.abhimukhaM vipra tathA pashyanti pArshvabhe |
yathA charaH sthirAnevaM sthiraH pashyati vai charAn.h || 2||
dvisvabhAvo vinA.atmAnAM dvisvabhAvAn.h prapashyati |
samIpasthaM parityajya kheTAstatra gatAstathA || 3||
chareShu saMsthitAH kheTAH pashyanti sthirasa~NgatAn.h |
sthireShu saMsthitA evaM pashyanti charasaMsthitAn.h || 4||
ubhayasthAstu sUryAdyA pashyanyubhayasaMsthitAn.h |
nikaTasthaM vinA kheTAH pashyantItyayamAgamaH || 5||
dR^iShTichakramahaM vaxye yayAvad.h brahmaNoditam.h |
tasya vinyAsamAtreNa dR^iShTibhedaH prakAshyate || 6||
prAchi meeShavR^iShau lekhyau karkasiMhau tathottare |
tulA.alI pashchime vipra mR^igakumbhau cha daxiNe || 7||
IshakoNe tu mithunaM vAyavye kanyakAM tathA |
naurR^irtyAM chApamAlikhya vahnikoNe ChaShaM likhet.h || 8||
evaM chaturbhujAkAraM vR^ittAkAramathApi vA |
dR^iShTichakraM pravinyasyaivaM tato dR^iShTiM vichArayet.h || 9||
\medskip\hrule\medskip
            athAriShTAdhyAyaH || 9||
\smallskip
Adau janmA~Ngato vipra riShTA.ariShTaM vichArayet.h |
tatastanvAdibhAvAnAM jAtakasya phalaM vadet.h || 1||
chaturviMshativarShANi yAvad.h gachChanti janmataH |
janmAriShTaM tu tAvat.h syAdAyurdAyuM na chintayet.h || 2||
ShaShThAShTariShphagashchandraH krUrauH kheTaishcha vIxitaH |
jAtasya mR^ityudaH sadyastvaShTarShaiH shubhaxitaH || 3||
shashivanmR^ityudAH saumyAshchedvakrAH krUravIxitAH |
shishorjAtasya mAsena lagne saumyavivarjite || 4||
yasya janmani dhIsthAH syuH sUryArkIndukujAbhadhAH |
tasya tvAshu janitrI cha bhrAtA cha nidhanaM vrajet.h || 5||
pApexito yuto bhaumo lagnago na shubhexitaH |
mR^ityudastvaShTamastho.api saureNArkeNa vA yutaH || 6||
chandrasUryagrahe rAhushchandrasUryayuto yadi |
sauribhaumexitaM lagnaM paxamekaM sa jIvati || 7||
karmasthAne sthitaH sauriH shatrusthAne kalAnidhiH |
xitijaH saptamasthAne saha mAtrA vipadyate || 8||
lagne bhAskaraputrashcha nidhane chandramA yadi |
tR^itIyastho yadA jIvaH sa yAti yamamandiram.h || 9||
horAyAM navame sUryaH saptamasthaH shanaishcharaH |
ekAdashe guruH sukro mAsamekaM sa jIvati || 10||
vyaye sarve grahA neShTAH sUryeshukrendurAhavaH |
visheShAnnAshakartAro dR^iShTyA vA bha~NgakAriNaH || 11||
pApAnvitaH shashI dharme dyUnalagnagato yadi |
shubhairavexitayutastadA mR^ityupradaH shishoH || 12||
sandhyAyAM chandrahorAyAM gaNDAnte nidhanAya vai |
pratyekaM chandrapApaishcha kendragaiH syAdvinAshanam.h || 13||
ravestu maNDalArddhAstAt.h sAyaM saMdhyA trinADikA |
tathaivArddhodayAt.h pUrvaM prAtaH saMdhyA trinADikA || 14||
chakrapUrvAparArddheShu krUrasaumyeShu kITabhe |
lagnage nidhanaM yAti nA.atra kAryA vichAraNA || 15||
vyayashatrugataiH krUrairmR^ityudravyagatairapi |
pApamadhyagate lagne satyameva mR^itiM vadet.h || 16||
lagnasaptamagau pApau chandro.api krUrasaMyutaH |
yadA nAvexitaH saumyaiH shIghrAn.hmR^ityurbhavettadA || 17||
xINe shashini lagnasthe pApaiH kendrAShTasaMsthitaiH |
yo jAto mR^ityumApnoti sa vipresha na saMshayaH || 18||
pApayormadhyagashchandro lagnAShTAntimasaptamaH |
achirAnmR^ityumApnoti yo jAtaH sa shishustadA || 19||
pApadvayamadhyagate chandre lagnasamAshrite |
saptAShTamena pApena mAtrA saha mR^itaH shishuH || 20||
shanaishcharArkabhaumeShu riShphadharmAShTameShu cha |
shabhairavIxyamANeShu yo jAto nidhanaMgataH || 21||
yad.hdreShkANe cha yAmitre yasya syAddAruNo grahaH |
xINachandro vilagnasthaH sadyo harati jIvatam.h || 22||
ApoklimasthitAH sarve grahA balavivarjitAH |
ShaNmAsaM va dvimAsaM va tasyAyuH samudAhR^itam.h || 23||
tribhiH pApagrahaiH sUtau chandramA yadi dR^ishyate |
mAtR^inAsho bhavettasya shubhardR^iShTe shubhaM vadet/ || 24||
dhane rAhurbudhaH shukraH sauriH sUryo yadA sthitaH |
tasya mAturbhavenmR^ityurmR^ite pitari jAyate || 25||
pApAtsaptamarandhrasthe chandre pApasamanvite |
balibhiH pApakairdR^iShTe jAto bhavati mAtR^ihA || 26||
uchchastho vA.atha nIchasthaH saptamastho yadAraviH |
pAnahIno bhaved.hbAla ajAxIreNa jIvati || 27||
chandrAchchaturthagaH pApo ripuxetre yadA bhavet.h |
tadA mAtR^ivadhaM kuryAt.h kendre yadi shubho na chet.h || 28||
dvAdashe ripubhAve cha yadA pApagraho bhavet.h |
tadA mAturbhayaM vidyAchchaturthe dashame pituH || 29||
lagne krUro vyaye krUro dhane saumyastathaiva cha |
saptame bhavane krUraH parivAraxayaMkaraH || 30||
lagnasthe cha gurau saurau dhane rAhau tR^itIyage |
iti che~njanmakAle syAn.hmAtA tasya na jIvati || 31||
xINachandrAt.htrikoNasthaiH pApaiH saumyavivarjitaiH |
mAtA parityajed.hbalaM ShaNmAsAchcha na saMshayaH || 32||
ekAMshakasthau mandArau yatra kutrasthitau yadA |
shashikendragatau tau vA dvimAtR^ibhyAM na jIvati || 33||
lagne sando made bhaumaH ShaShThasthAne cha chandramAH |
iti chejjanmakAle syAt.h pitA tasya na jIvati || 34||
lagne jIvo dhane mandaravibhaumabudhAstathA |
vivAhasamaye tasya bAlasya mriyate pitA || 35||
sUryaH pApena saMyukto hyathavA pApamadhyagaH |
sUryAt.h saptamagaH pApastadA pitR^ivadho bhavet.h || 36||
saptame bhavane sUryaH karmastho bhUmanandanaH |
rAhurvyaye cha yusyaiva pitA kaShTena jIvati || 37||
dashamastho yadA bhaumaH shatruxetrasamAsritaH |
mriyate tasya jAtasya pitA shIghraM na saMshayaH || 38||
ripusthAne yadA chandro lagnasthAne shanaishcharaH |
kujashcha saptame sthAne pitA tasya na jIvati || 39||
bhaumAMshakasthite bhAnau shaninA cha nirIxite |
prAgjanmano nivR^ittiH syAn.hmR^ityurvA.api shishoH pituH || 40||
chaturthe dashame pApau dvAdashe cha yadA sthitau |
pitaraM mAtaraM hatvA deshAddeshAntaraM vrajet.h || 41||
rAhujIvau ripuxetre lagne vA.atha chaturthake |
trayoviMshatime varShe putrastAtaM na pashyati || 42||
bhAnuH pitA cha jantUnAM chandro mAtA tathaiva cha |
pApadR^iShTiyuto bhAnuH pApamadhyagato.api vA || 43||
pitrariShTaM vijAnIyAchChishorjAtasya nishchitam.h |
bhAnoH ShaShThaShTamarxasthaiH pApaiH saumyavivarjitaiH |
sukhabhAvagatairvA.api pitrariShTaM vinirdishet.h || 44||
evaM chandrAt.h sthitaiH pApairmAtu kaShTaM vichArayet.h |
balA.abalavivekena kaShTaM vA mR^ityumAdishet.h || 45||
\medskip\hrule\medskip
         athA.ariShTabhaMgAdhyAyaH || 10||
\smallskip
ityariShTaM mayA proktaM tad.hbha~NgashchApi kathyate |
yat.h samAlokyaM jAtAnAM riShtA.ariShTaM vaded.hbudhaH || 1||
eko.api j~nAryashukrANAM lagnAt.h kendragato yadi |
ariShTaM nikhilaM hanti timiraM bhAskaro yathA || 2||
eka eva balI jIvo lagnastho riShTasaMchayam.h |
hanti pApaxayaM bhaktyA praNAma iva shUlinaH || 3||
eka eva vilagneshaH kendrasaMstho balAnvitaH |
ariShTaM nikhilaM hanti pinAkI tripuraM yathA || 4||
shuklapaxe xapAjanma lagne saumyanirIxite |
viparItaM kR^iShNapaxe tathAriShTavinAshanaM || 5||
vyayasthAne yadA sUryastulAlagne tu jAyate |
jIvet.h sa shatavarShANi dIrghAyurbAlako bhavet.h || 6||
gurubhaumau yadA yuktau gurudR^iR^iTo.athavA kujaH |
hatvA.ariShTamasheShaM cha jananyAH shubhakrad.hbhavet.h || 7||
chaturthadashame pApaH saumyamadhye yadA bhavet.h |
pituH saukhyakaro yogaH shubhaiH kendratrikoNagaiH || 8||
saumyAntaragataiH pApaiH shubhaiH kendratrikoNagaiH |
sadyo nAshayate.ariShTaM tad.hbhAvotthaphalaM na tat.h || 9||
\medskip\hrule
##
Encoded and proofread by ajarve at fms30.cca.rockwell.com (Ahto Jarve)
\end{multicols}\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}