% Text title            : aarchajyotisha
% File name             : aarchajyotiSha.itx
% Category              : jyotisha, sociology\_astrology
% Location              : doc\_z\_misc\_sociology\_astrology
% Transliterated by     : Sanjay Prabhakaran sanjaychettiar at gmail.com
% Proofread by          : Sanjay Prabhakaran sanjaychettiar at gmail.com
% Latest update         : May 21, 2009
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ArchajyotiSham ..}##
\itxtitle{.. ArchajyotiSham ..}##\endtitles ##

paMchasaMvatsaramayaM yugAdhyakShaM prajApatim .
dinartvayanamAsAMgaM praNamya shirasA shuchiH .. 1..
praNamya shirasA kAlamabhivadya sarasvatIm .
kAlaj~nAnaM pravakShyAmi lagadhasya mahAtmanaH .. 2..
jyotiShAmayanaM puNyaM pravakShyAmyanupUrvashaH . 
viprANAM sammataM loke yaj~nakAlArtha siddhaye .. 3..
nirekaM dvAdashAbhyastaM dviguNaM gatasaMj~nikam .
ShaShTyA ShaShTyA yutaM dvAbhyAM parvaNAM rAshiruchyate .. 4..
svarAkramete somArkau yadA sAkaM savAsavau . 
syAttadAdiyugaM mAghastapaH shuklo.ayanaM hyudak .. 5..
prapadyate shraviSThAdau sUryAchandramasAvudak .
sArpArdhe dakShiNArkastu mAghashrAvaNayoH sadA .. 6..
dharmavR^iddhirapAM prasthaH kShapAhrAsa udaggatau .
dakShiNe tau viparyAsaH ShaNmuhUrtyayanena tu .. 7..
dwiguNaM saptamaM chAhurayanAdyaM trayodasha .
chaturthaM dashamaM chaiva dwiryugmaM bahulepyR^itau .. 8..
vasustvaShTA bhavo.ajashcha mitraH sarpo.ashvinau jalam .
dhAtA kashchAyanAdyAH syurardhapaMchamabhastvR^ituH .. 9..
bhAMshAH syuraShTakAH kAryAH pakShA dvAdashakodgatAH .
ekAdashaguNashchonaH shukle.ardhaM chaindavA yadi .. 10..
kAryA bhAMshAShTakAsthAne kalA ekAnnaviMshatiH .
unasthAne trisaptatimudvavapedUnasammitAH .. 11..
tryaMsho bhasheSho divasAMshabhAgashchaturdashasyApyapanIya bhinnam .
bhArdhe.adhike chAdhigate pareM.ashedyAvuktamekaM navakairbhavedyaH .. 12..
pakShAtpaMchadashAchchordhvaM tadbhuktamiti nirdishet .
navabhistUdgatoM.ashaH syAdUnAMshadvayadhikena tu .. 13..
jau drA gaH khe shve hI ro ShA shchinmUShakNyaH sUmAdhANaH .
re mR^i ghAH svApojaH kR^iShyo ha jyeShThA ityR^ikShA liMgaiH .. 14..
jAvAdyashaiH samaM vidyAt pUrvArdhe parva sUttare .
bhAdAnaM syAchchaturdashyAM kAShThAnAM devinA kalAH .. 15..
kalA dasha saviMshA syAd dve muhurtasya nADike .
dyustriMshaMt tatkalAnAM tu ShaTshatI tryadhikA bhavet .. 16..
nADike dve muhurtastu paMchAshatpalamADhakam .
ADhAkAtkumbhAkodroNaH kuTapairvardhate tribhiH .. 17..
sasaptakaM bhayuk somaH sUryo dyUni trayodasha .
navamAni cha paMchAhnaH kAShThAH paMchAkSharA bhavet .. 18..
shraviShThAbhyo gaNAbhyastAn prAgvilagnAn vinirdishet .
staryAn mAsAn ShaDabhyastAn vidyAchchAndramasAnR^itUna .. 19..
atItaparvabhAgebhyaH shodhayed dviguNAM tithim .
teShu maMDalabhAgeShu tithiniShThAMgato raviH .. 20..
yAH parvAbhAdAnakalAstAsu saptaguNAM tithim .
pakShipettat samUhastu vidyAdAdAnikAH kalAH .. 21..
yaduttarasyAyanato gataM syAch CheShaM tathA dakShiNato.ayanasya .
tadekaShaShTyAdviguNaM vibhaktaM sadvAdashaM syAd divasapramANam .. 22..
yadardhaM dinabhAgAnAM sadA parvaNi parvaNi .
R^ItusheShaM tu tad vidyAt saMkhyAya saha parvaNAm .. 23..
ityupAyasamuddesho bhUyopyahnaH prakalpayet .
j~neyarAshiM gatAbhyastaM vibhajejj~nAnarAshinA .. 24..
agniH prajApatiH somo rudroditibR^ihaspatI .
sarpAshcha pitarashchaiva bhagashchaivAryamApi cha .. 25..
savitA tvaShTAtha vAyushchendrAgnI mitra eva cha .
indro niR^ItirApo vai vishvedevAstathaiva cha .. 26..
viShNurvasavo varuNoo.ajekapAt tathaiva cha .
ahirbudhnyastathA pUShA ashvinau yama eva cha .. 27..
nakShatradevatA etA etAbhiryaj~nakarmaNi .
yajamAnasya shAstraj~nairnAma nakShatrajaM smR^itam .. 28..
ityevaM mAsavarShANAM muhurtodayaparvaNAm .
dinartvayanamAsAMgaM vyAkhyAnaM lagadho.abravIt .. 29..
somasUryastR^icharitaM vidvAn vedavidashnute .
somasUryastR^icharitaM lokaM loke cha sammatim .. 30..
viShuvaM tadguNaM dvAbhyAM rUpahInaM tu ShaDguNam .
yallabdhaM tAni parvANi tathArdhaM sA tithirbhavet .. 31..
mAghashuklaprapannasya pauShakR^iShNasamApinaH .
yugasya paMchavarShasya kAlaj~nAnaM prachakShate .. 32..
tR^itIyAM navamIM chaiva paurNamAsImathAsite .
ShaSThi cha viShuvAn prokto dvAdashIM cha samaM bhavet .. 33..
chaturdashImupavasathastathA bhavedyathodito divasamupaiti chandramAH .
maghashuklAhniko bhu~Nkte shraviShThAyAM cha vArShikIm .. 34..
yathA shikhA mayUrANAM nAgAnAM maNayo yathA .
tadvadvedAMgashAstrANAM jyautiShaM mUrdhAni sthitam .. 35..
veda hi yaj~nArthamabhipravR^ittAH kAlAnupUrvyA vihitAshcha yaj~nAH .
tasmAdidaM kAlavidhAnashAstraM yo jyotiShaM veda sa veda yaj~nAn .. 36..
.. iti ArchajyotiShaM samAptam ..
##
Encoded and proofread by 
Sanjay Prabhakaran sanjaychettiar at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}