%@@1
% File name             : vaakyavritti.itx
%--------------------------------------------
% Text title            : vaakyavritti
% Author                : Adi Shankaracharya
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : Sunder Hattangadi sunderh@hotmail.com
% Proofread by          : Sunder Hattangadi sunderh@hotmail.com, Br. Pranipata Chaitanya pranipatachaitanya at yahoo.co.in, David Lyttle dhlyttle at hotmail.com
% Translation by        :
% Latest update         : Deceember 15, 1997, May 5, 2012
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. vAkyavRRittiH ..}##
\itxtitle{.. vAkyavR^ittiH ..}##\endtitles ##
         .. shrI gaNeshAya namaH..
sargasthitipralayahetumachintyashaktiM vishveshvaraM viditavishvamanantamUrtim .
nirmuktabandhanamapArasukhAmburAshiM shrIvallabhaM vimalabodhaghanaM namAmi .. 1..
yasya prasAdAdahameva viShNurmayyeva sarvaM parikalpitaM cha .
itthaM vijAnAmi sadAtmarUpaM tasyA.nghripadmaM praNato.asmi nityam .. 2..
tApatrayArkasaMtaptaH kashchidudvignamAnasaH .
shamAdisAdhanairyuktaH sadguruM paripR^ichChati .. 3..
anAyAsena yenAsmAnmuchcyeyaM bhavabandhanAt .
tanme saMkShipya bhagavankevalaM kR^ipayA vada .. 4..

gururuvAcha |
sAdhvIte vachanavyaktiH pratibhAti vadAmi te .
idaM taditi vispaShTaM sAvadhAnamanAH shR^iNu .. 5..
tattvamasyAdivAkyotthaM yajjIvaparamAtmanoH .
tAdAtmyaviShayaM j~nAnaM tadidaM muktisAdhanam .. 6..

shiShya uvAcha |
ko jIvaH kaH parashchAtmA tAdAtmyaM vA kathaM tayoH .
tattvamasyAdivAkyaM vA kathaM tatpratipAdayet .. 7..

gururuvAcha |
atra brUmaH samAdhAnaM ko.anyo jIvastvameva hi .
yastvaM pR^ichChasi mAM ko.ahaM brahmaivAsi na saMshayaH .. 8..

shiShya uvAcha |
padArthameva jAnAmi nAdyApi bhagavansphuTam .
ahaM brahmeti vAkyArthaM pratipadye kathaM vada .. 9..

gururuvAcha |
satyamAha bhavAnatra vigAnaM naiva vidyate . ## var ## vij~nAnaM
hetuH padArthabodho hi vAkyArthAvagateriha .. 10..
antaHkaraNatadvR^ittisAkShichaitanyavigrahaH .
AnandarUpaH satyaH sankiM nAtmAnaM prapadyase .. 11..
satyAnandasvarUpaM dhIsAkShiNaM bodhavigraham .
chintayAtmatayA nityaM tyaktvA dehAdigAM dhiyam .. 12..
rUpAdimAnyataH piNDastato nAtmA ghaTAdivat .
viyadAdimahAbhUtavikAratvAchcha kumbhavat .. 13..
anAtmA yadi piNDo.ayamuktahetubalAnmataH .
karAmalakavatsAkShAdAtmAnaM pratipAdaya .. 14..
ghaTadraShTA ghaTAdbhinnaH sarvathA na ghaTo yathA .
dehadraShTA tathA deho nAhamityavadhAraya .. 15..
evamindriyadR^i~NnAhamindriyANIti nishchinu .
manobuddhistathA prANo nAhamityavadhAraya .. 16..
saMghAto.api tathA nAhamiti dR^ishyavilakShaNam .
draShTAramanumAnena nipuNaM sampradhAraya .. 17..
dehendriyAdayo bhAvA hAnAdivyApR^itikShamAH .
yasya sannidhimAtreNa so.ahamityavadhAraya .. 18..
anApannavikAraH sannayaskAntavadeva yaH .
buddhyAdIMshchAlayetpratyak.h so.ahamityavadhAraya .. 19..
ajaDAtmavadAbhAnti yatsAnnidhyAjjaDA api .
dehendriyamanaHprANAH so.ahamityavadhAraya .. 20..
agamanme mano.anyatra sAmprataM cha sthirIkR^itam .
evaM yo vetti dhIvR^ittiM so.ahamityavadhAraya .. 21..
svapnajAgarite suptiM bhAvAbhAvau dhiyAM tathA .
yo vettyavikriyaH sAkShAtso.ahamityavadhAraya .. 22..
ghaTAvabhAsako dIpo ghaTAdanyo yatheShyate .
dehAvabhAsako dehI tathAhaM bodhavigrahaH .. 23..
putravittAdayo bhAvA yasya sheShatayA priyAH .
draShTA sarvapriyatamaH so.ahamityavadhAraya .. 24..
parapremAspadatayA mA na bhUvamahaM sadA .
bhUyAsamiti yo draShTA so.ahamityavadhAraya .. 25..
yaH sAkShilakShaNo bodhastvaMpadArthaH sa uchyate .
sAkShitvamapi boddhR^itvamavikAritayAtmanaH .. 26..
dehendriyamanaHprANAha~NkR^itibhyo vilakShaNaH .
projjhitAsheshaShaDbhAvavikArastvaMpadAbhidhaH .. 27..
tvamarthamevaM nishchitya tadarthaM chintayetpunaH .
atadvyAvR^ittirUpeNa sAkShAdvidhimukhena cha .. 28..
nirastAsheShasaMsAradoSho.asthulAdilakShaNaH .
adR^ishyatvAdiguNakaH parAkR^itatamomalaH .. 29..
nirastAtishayAnandaH satyapraj~nAnavigrahaH .
sattAsvalakShaNaH pUrNa paramAtmeti gIyate .. 30..
sarvaj~natvaM pareshatvaM tathA sampUrNashaktitA .
vedaiH samarthyate yasya tadbrahmetyavadhAraya .. 31..
yajj~nAnAtsarvavij~nAnaM shrutiShu pratipAditam .
mR^idAdyanekadR^iShTAntaistadbrahmetyavadhAraya .. 32..
yadAnantyaM pratij~nAya shrutistatsiddhaye jagau .
tatkAryatvaM prapa~nchasya tadbrahmetyavadhAraya .. 33..
vijij~nAsyatayA yachcha vedAnteShu mumukShubhiH .
samarthyate.atiyatnena tadbrahmetyavadhAraya .. 34..
jIvAtmanA praveshashcha niyantR^itvaM cha tAn.h prati .
shrUyate yasya vedeShu tadbrahmetyavadhAraya .. 35..
karmaNAM phaladAtR^itvaM yasyaiva shrUyate shrutau .
jIvAnAM hetukartR^itvaM tadbrahmetyavadhAraya .. 36..
tattvaMpadArthau nirNItau vAkyArthashchintyate.adhunA .
tAdAtmyamatra vAkyArthastayoreva padArthayoH .. 37..
saMsargo vA vishiShTo vA vAkyArtho nAtra sammataH .
akhaNDaikarasatvena vAkyArtho viduShAM mataH .. 38..
pratyagbodho ya AbhAti so.advayAnandalakShaNaH .
advayAnandarUpashcha pratyagbodhaikalakShaNaH .. 39..
itthamanyonyatAdAtmyapratipattiryadA bhavet .
abrahmatvaM tvamarthasya vyAvarteta tadaiva hi .. 40..
tadarthasya pArokShyaM yadyevaM kiM tataH shruNu .
pUrNAnandaikarUpeNa pratyagbodhovatiShThate .. 41..
tattvamasyAdivAkyaM cha tAdAtmyapratipAdane .
lakShyau tattvaMpadArthau dvAvupAdAya pravartate .. 42..
hitvA dvau shabalau vAchyau vAkyaM vAkyArthabodhane .
yathA pravartate.asmAbhistathA vyAkhyAtamAdarAt .. 43..
AlambanatayAbhAti yo.asmatpratyayashabdayoH .
antaHkaraNasaMbhinnabodhaH sa tvaMpadAbhidhaH .. 44..
mAyopAdhirjagadyoniH sarvaj~natvAdilakShaNaH .
parokShyashabalaH satyAdyAtmakastatpadAbhidhaH .. 45..
pratyakparokShataikasya sadvitIyatvapUrNatA .
virudhyate yatastasmAllakShaNA saMpravartate .. 46..
mAnAntaravirodhe tu mukhyArthasya parigrahe .
mukhyArthenAvinAbhUte pratItirlakShaNochyate .. 47..
tattvamasyAdivAkyeShu lakShaNA bhAgalakShaNA .
so.ayamityAdivAkyasthapadayoriva nAparA .. 48..
ahaM brahmetivAkyArthabodho yAvaddR^iDhIbhavet .
shamAdisahitastAvadabhyasechChravaNAdikam .. 49..
shrutyAchAryaprasAdena dR^iDho bodho yathA bhavet .
nirastAsheShasaMsAranidAnaH puruShastadA .. 50..
vishIrNakAryakaraNo bhUtasUkShmairanAvR^itaH .
vimuktakarmanigaDaH sadya eva vimuchyate .. 51..
prArabdhakarmavegena jIvanmukto yadA bhavet .
ki~nchitkAlamanArabdhakarmabandhasya saMkShaye .. 52..
nirastAtishayAnandaM vaiShNavaM paramaM padam .
punarAvR^ittirahitaM kaivalyaM pratipadyate .. 53..
.. iti paramahaMsaparivrAjakAchAryashrImachCha~NkarAchAryavirachitA
vAkyavR^ittiH samApta ..
##
Encoded and proofread by Sunder Hattangadi sunderh@hotmail.com
Proofread by Br. Pranipata Chaitanya, David Lyttle
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}