%@@1
% File name             : praudha.itx
%--------------------------------------------
% Text title            :  Praudhanubhuti
% Author                : Adi Shankaracharya
% Translation by        : -
% Language              : Sanskrit
% Subject               : vedanta/hinduism/religion
% Description/comments  :
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : Apr. 03, 2002
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{\Large Praudhanubhuti}##
\itxtitle{.. prauDhaanubhuutiH ..}##\endtitles##
prauDhaprauDhanijaanubhuutigalitadvaitendrajaalo guru\-
rguuDha.n guuDhamaghaughadushhTakudhiyaa.n spashhTa.n sudhiishaalinaam.h .
svaante samyagihaanubhuutamapi sachchhishishhyaavabodhaaya ta\-
tsatya.n sa.nsmR^itavaansamastajagataa.n naija.n nijaalokanaat.h .. 1..
dvaita.n mayyakhila.n samutthitamidaM mithyaa manaHkalpitaM
toya.n toyavivarjite marutale bhraantyaiva siddha.n na hi .
yadyeva.n khalu dR^ishyametadakhila.n naaha.n na vaa tanmama 
prauDhaanandachidekasanmayavapuH shuddho.asmyakhaNDo.asmyaham.h .. 2..
deho naahamachetano.ayamanisha.n kuDyaadivannishchito
naahaM praaNamayo.api vaa dR^itidhR^ito vaayuryathaa nishchitaH .
so.aha.n naapi manomayaH kapichalaH kaarpaNyadushhTo na vaa 
buddhirbuddhakuvR^ittikeva kuhanaa naaj~naanamandha.ntamaH .. 3..
naaha.n khaadirapi sphuTaM marutalabhraajatpayaHsaamyata\-
stebhyo nityavilakshaNo.akhiladR^ishiH sauraprakaasho yathaa .
dR^ishyaiH sa~Ngavivarjito gaganavatsaMpuurNaruupo.asmyahaM
vastusthityanurodhatastvahamida.n viichyaadi sindhuryathaa .. 4..
nirdvaito.asmyahamasmi nirmalachidaakaasho.asmi puurNo.asmyahaM
nirdeho.asmi nirindriyo.asmi nitaraa.n nishhpraaNavargo.asmyaham.h .
nirmuktaashubhamaanaso.asmi vigaladvij~naanakosho.asmyahaM
nirmaayo.asmi nirantaro.asmi vipulaprauDhaprakaasho.asmyaham.h .. 5..
matto.anyanna hi ki.nchidasti yadi chidbhaasya.n tatastanmR^ishhaa
gu~njaavahnivadeva sarvakalanaadhishhThaanabhuuto.asmyaham.h .
sarvasyaapi dR^igasmyaha.n samarasaH shaanto.asmyapaapo.asmyahaM
puurNo.asmi dvayavarjito.asmi vipulaakaasho.asmi nityo.asmyaham.h .. 6..
mayyasminparamaarthake shrutishirovedye svato bhaasane 
kaa vaa vipratipattiretadakhilaM bhaatyeva yatsa.nnidheH .
sauraalokavashaatpratiitamakhilaM pashyanna tasmi~njanaH
sa.ndigdho.astyata eva kevalashivaH ko.api prakaasho.asmyaham.h .. 7..
nityasphuurtimayo.asmi nirmalasadaakaasho.asmi shaanto.asmyahaM
nityaanandamayo.asmi nirgatamahaamohaandhakaaro.asmyaham.h .
vij~naataM paramaarthatattvamakhila.n naija.n nirastaashubhaM
muktapraapyamapaastabhedakalanaakaivalyasa.nj~no.asmyaham.h .. 8..
svaapnadvaitavadeva jaagratamapi dvaitaM manomaatrakaM
mithyetyeva vihaaya sachchidamalasvaantaikaruupo.asmyaham.h .
yadvaa vedyamasheshhametadanishaM madruupamevetyapi 
j~naatvaa tyaktamarunmahodadhiriva prauDho gabhiiro.asmyaham.h .. 9..
gantavya.n kimihaasti sarvaparipuurNasyaapyakhaNDaakR^iteH 
kartavya.n kimihaasti nishhkriyatanormokshaikaruupasya me .
nirdvaitasya na heyamanyadapi vaa no vaapyupeyaantaraM
shaanto.adyaasmi vimuktatoyavimalo megho yathaa nirmalaH .. 10..
ki.n na praaptamitaH puraa kimadhunaa labdha.n vichaaraadinaa 
yasmaattatsukharuupameva satatta.n jaajvalyamaano.asmyaham.h .
ki.n vaapekshyamihaapi mayyatitaraaM mithyaavichaaraadikaM
dvaitaadvaitavivarjite samarase maunaM para.n saMmatam.h .. 11..
shrotavya.n cha kimasti puurNasudR^isho mithyaaparokshasya me 
mantavya.n cha na me.asti ki.nchidapi vaa niHsa.nshayajyotishhaH .
dhyaatR^idhyeyavibhedahaanivapushho na dhyeyamastyeva me
sarvaatmaikamahaarasasya satata.n no vaa samaadhirmama .. 12..
aatmaanaatmavivechanaapi mama no vidvatkR^itaa rochate\-
.anaatmaa naasti yadasti gocharavapuH ko vaa vivektu.n kshamii .
mithyaavaadavichaarachintanamaho kurvantyadR^ishhTaatmakaa 
bhraantaa eva na paaragaa dR^iDhadhiyastuushhNii.n shilaavatsthitaH .. 13..
vastusthityanurodhatastvahamaho kashchitpadaartho na chaa\-
pyeva.n ko.api vibhaami sa.ntatadR^ishii vaa~NmaanasaagocharaH .
nishhpaapo.asmyabhayo.asmyaha.n vigataduHsha~Nkaakala~Nko.asmyahaM
sa.nshaantaanupamaanashiitalamahaHprauDhaprakaasho.asmyaham.h .. 14..
yo.ahaM puurvamitaH prashaantakalanaashuddho.asmi buddho.asmyahaM
yasmaanmatta ida.n samutthitamabhuudetanmayaa dhaaryate .
mayyeva pralayaM prayaati niradhishhThaanaaya tasmai sadaa 
satyaanandachidaatmakaaya vipulapraj~naaya mahya.n namaH .. 15..
sattaachitsukharuupamasti satata.n naaha.n cha na tvaM mR^ishhaa
neda.n vaapi jagatpradR^ishhTamakhila.n naastiiti jaaniihi bho .
yatprokta.n karuNaavashaattvayi mayaa tatsatyametatsphuTaM
shraddhatsvaanagha shuddhabuddhirasi chenmaatraastu te sa.nshayaH .. 16..
svaarasyaikasubodhachaarumanase prauDhaanubhuutistviyaM
daatavyaa na tu mohadugdhakudhiye dushhTaantara~Ngaaya cha .
yeya.n ramyavidarpitottamashiraH praaptaa chakaasti svayaM
saa chenmarkaTahastadeshapatitaa ki.n raajate ketakii .. 17..
iti shriimatparamaha.nsaparivraajakaachaaryasya
shriigovindabhagavatpuujyapaadashishhyasya
shriimachchha~NkarabhagavataH kR^itau
prauDhaanubhuutiH saMpuurNaa ..
##\medskip\hrule\obeylines
Encoded by Sunder Hattangadi (sunderh@hotmail.com)
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}