%@@1 % File name : prashnottara.itx %-------------------------------------------- % Text title : prashnottararatnamAlikA % Author : % Language : Sanskrit % Subject : philosophy/hinduism/religion % Description/comments : ????Source % Transliterated by : Sorin Suciu aka SeSe at sorins at hotmail.com % Proofread by : Sorin Suciu aka SeSe at sorins at hotmail.com % Latest update : November 1, 2010 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskritdocuments.org % http://sanskrit.gde.to/ %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Commands upto engtitle are % needed for devanaagarii output and formatting. %-------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. prashnottararatnamAlikA ..}## \itxtitle{.. prashnottararatnamAlikA ..}##\endtitles ## kaH khalu nAla~Nkriyate dR^iShTAdR^iShTArthasAdhanapaTIyAn.h . amuyA kaNThasthitayA prashnottararatnamAlikayA .. 1.. bhagavan.h kimupAdeyaM guruvachanaM heyamapi kimakAryaM . ko guruH adhigatatattvaH shiShyahitAyodyataH satataM .. 2.. tvaritaM kiM kartavyaM viduShAM sa.nsArasantatichChedaH . kiM moxatarorbIjaM samyakj~nAnaM kriyAsiddhaM .. 3.. kaH pathyataro dharmaH kaH shuchiriha yasya mAnasaM shuddhaM . kaH paNDito vivekI kiM viShamavadhIraNA guruShu .. 4.. kiM sa.nsAre sAraM bahusho.api vichintyamAnamidameva . kiM manujeShviShTatamaM svaparahitAyodyataM janma .. 5.. madireva mohajanakaH kaH snehaH ke cha dasyavo viShayAH . kA bhavavalli tR^iShNA ko vairI yastvanudyogaH .. 6.. kasmAdbhayamiha maraNAdandhAdiha ko vishiShyate rAgI . kaH shUro yo lalanAlochanabANairna cha vyadhitaH .. 7.. pAntuM karNA~njalibhiH kimamR^itamiha yujyate sadupadeshaH . kiM gurutAyA mUlaM yadetadaprArthanaM nAma .. 8.. kiM gahanaM strIcharitaM kashchaturo yo na khaNDitastena . kiM duHkhaM asantoShaH kiM lAghavamadhamato yAch~nA .. 9.. kiM jIvitamanavadyaM kiM jADyaM pAThato.apyanabhyAsaH . ko jAgarti vivekI ko nidrA mUDhatA jantoH .. 10.. nalinIdalagatajalavattaralaM kiM yauvanaM dhanaM chAyuH . kathaya punaH ke shashinaH kiraNasamAH sajjanA eva .. 11.. ko narakaH paravashatA kiM saukhyaM sarvasa~NgaviratiryA . kiM satyaM bhUtahitaM priyaM cha kiM prANinAmasavaH .. 12.. ko.anarthaphalo mAnaH kA sukhadA sAdhujanamaitrI . sarvavyasanavinAshe ko daxaH sarvathA tyAgI .. 13.. kiM maraNaM mUrkhatvaM kiM chAnarghaM yadavasare dattaM . AmaraNAt.h kiM shalyaM prachChannaM yatkR^itaM pApaM .. 14.. kutra vidheyo yatno vidyAbhyAse sadauShadhe dAne . avadhIraNA kva kAryA khalaparayoShitparadhaneShu .. 15.. kAharnishamanuchintyA sa.nsArAsAratA na tu pramadA . kA preyasI vidheyA karaNA dIneShu sajjane maitrI .. 16.. kaNThagatairapyasubhiH kasya hyAtmA na shakyate jetuM . mUrkhasya sha~Nkitasya cha viShAdino vA kR^itaghnasya .. 17.. kaH sAdhuH sadavR^ittaH kamadhamamAchaxate tvasadvR^ittaM . kena jitaM jagadetatsatyatitixAvatA pu.nsA .. 18.. kasmai namA.nsi devAH kurvanti dayApradhAnAya . kasmAdudvegaH syAtsa.nsArAraNyataH sudhiyaH .. 19.. kasya vashe prANigaNaH satyapriyabhAShiNo vinItasya . kva sthAtavyaM nyAyye pathi dR^iShTAdR^iShTalAbhADhye .. 20.. ko.andho yo.akaryarataH ko badhiro yo hitAni na shR^iNoti . ko mUko yaH kAle priyANi vaktuM na jAnAti .. 21.. kiM dAnamanAkA~NxaM kiM mitraM yo nivArayati pApAt.h . ko.ala~NkAraH shIlaM kiM vAchAM maNDanaM satyaM .. 22.. vidyudvilasitachapalaM kiM durjanasa~Ngatiryuvatayashcha . kulashIlaniShprakampAH ke kalikAle.api sajjanA eva .. 23.. chintAmaNiriva durlabhamiha kiM kathayAmi tachchaturbhadraM . kiM tadvadanti bhUyo vidhutatamasA visheSheNa .. 24.. dAnaM priyavAksahitaM j~nAnamagarvaM xamAnvitaM shauryaM . vittaM tyAgasametaM durlabhametachchaturbhadraM .. 25.. kiM shochyaM kArpaNyaM sati vibhave kiM prashastamaudAryaM . kaH pUjyo vidvadbhiH svabhAvataH sarvadA vinIto yaH .. 26.. kaH kulakamaladineshaH sati guNAvibhave.api yo namraH . kasya vashe jagadetatpriyahitavachanasyadharmaniratasya .. 27.. vidvanmanoharA kA satkavitA bodhavanitA cha . kaM na spR^ishati vipattiH pravR^iddhavachanAnuvartinaM dAntaM .. 28.. kasmai spR^ihayati kamalA tvanalasachittAya nItivR^ittAya . tyajati cha kaM sahasA dvijagurusuranindAkaraM cha sAlasyaM .. 29.. kutra vidheyo vAsaH sajjananikaTe.athavA kAshyAM . kaH parihAryo deshaH pishunayuto lubdhabhUpashcha .. 30.. kenAshochyaH puruShaH praNatakalatreNa dhIravibhavena . iha bhuvane kaH shochyaH satyapi vibhave na yo dAtA .. 31.. kiM laghutAyA mUlaM prAkR^itapuruSheShu yA yAch~nA . rAmAdapi kaH shUraH smarasharanihato na yashchalati .. 32.. kimaharnishamanuchintyaM bhagavachcharaNaM na sa.nsAraH . chaxuShmanto.apyandhAH ke syuH ye nAstikA manujAH .. 33.. kaH pa~Nguriha prathito vrajati cha yo vArddhake tIrthaM . kiM tIrthamapi cha mukhyaM chittamalaM yannivartayati .. 34.. kiM smarttavyaM puruShaiH harinAma sadA na yAvanI bhAShA . ko hi na vAchyaH sudhiyA paradoShashchAnR^itaM tadvat.h .. 35.. kiM saMpAdyaM manujaiH vidyA vittaM balaM yashaH puNyaM . kaH sarvaguNavinAshI lobhaH shatrushcha kaH kAmaH .. 36.. kA cha sabhA parihAryA hInA yA vR^iddhasachivena . iha kutrAvahitaH syAnmanujaH kila rAjasevAyAM .. 37.. prANAdapi ko ramyaH kuladharmaH sAdhusa~Ngashcha . kA sa.nraxyA kIrtiH pativratA naijabuddhishcha .. 38.. kA kalpalatA loke sachChiShyAyArpitA vidyA . ko.axayavaTavR^ixaH syAtvidhivatsatpAtradattadAnaM yat.h .. 39.. kiM shastraM sarveShAM yuktiH mAtA cha kA dhenuH . kiM nu balaM yaddhairyaM ko mR^ityuH yadavadhAnarahitatvaM .. 40.. kutra viShaM duShTajane kimihAshauchaM bhavetR^iNaM nR^iNAM . kimabhayamiha vairAmyaM bhayamapi kiM vittameva sarveShAM .. 41.. kA durlabhA narANAM haribhaktiH pAtakaM cha kiM hi.nsA . ko hi bhagavatpriyaH syAtyo.anyaM nodvejayedanudvignaH .. 42.. kasmAt.h siddhiH tapasaH buddhiH kva nu bhUsure kuto buddhiH . vR^iddhopasevayA ke vR^iddhA ye dharmatattvaj~nAH .. 43.. saMbhAvitasya maraNAdadhikaM kiM duryasho bhavati . loke sukhI bhavetko dhanavAndhanamapi cha kiM yatashcheShTaM .. 44.. sarvasukhAnAM bIjaM kiM puNyaM duHkhamapi kutaH pApAt.h . kasyaishvaryaM yaH kila sha~NkaramArAdhayedbhaktyA .. 45.. ko varddhate vinItaH ko vA hIyeta yo dR^iptaH . ko na pratyetavyo brUte yashchAnR^itaM shashvat.h .. 46.. kutrAnR^ite.apyapApAM yachchoktaM dharmaraxArthaM . ko dharmo.abhimato yaH shiShTAnAM nijakulInAnAM .. 47.. sAdhubalaM kiM daivaM kaH sAdhuH sarvadA tuShTaH . daivaM kiM yatsukR^itaM kaH sukR^itI shlAghyate cha yaH sadbhiH .. 48.. gR^ihamedhinashcha mitraM kiM bhAryA ko gR^ihI cha yo yajate . ko yaj~no yaH shrutyA vihitaH shreyaskaro nR^iNAM .. 49.. kasya kriyA hi saphalA yaH punarAchAravAM shiShTaH . kaH shiShTo yo vedapramANavAM ko hataH kriyAbhraShTaH .. 50.. ko dhanyaH saMnyAsI ko mAnyaH paNDitaH sAdhuH . kaH sevyo yo dAtA ko dAtA yo.arthitR^iptimAtanute .. 51.. kiM bhAgyaM dehavatAmArogyaM kaH phalI kR^iShikR^it.h . kasya na pApaM japataH kaH pUrNo yaH prajAvAM syAt.h .. 52.. kiM duShkaraM narANAM yanmanaso nigrahaH satataM . ko brahmacharyavAM syAtyashchAskhalitordhvaretaskaH .. 53.. kA cha paradevatoktA chichChaktiH ko jagatbhartA . sUryaH sarveShAM ko jIvanahetuH sa parjanyaH .. 54.. kaH shuro yo bhItatrAtA trAtA cha kaH sadguruH . ko hi jagadgururuktaH shaMbhuH j~nAnaM kutaH shivAdeva .. 55.. muktiM labheta kasmAnmukundabhakteH mukundaH kaH . yastArayedavidyAM kA chAvidyA yadAtmano.asphUrtiH .. 56.. kasya na shoko yaH syAdkrodhaH kiM sukhaM tuShTiH . ko rAjA ra~nchanakR^itkashcha shvA nIchasevako yaH syAt.h .. 57.. ko mAyI parameshaH ka indrajAlAyate prapa~ncho.ayaM . kaH svapnanibho jAgradvyavahAraH satyamapi cha kiM brahma .. 58.. kiM mithyA yadvidyAnAshyaM tuchChaM tu shashaviShANAdi . kA chAnirvAchyA mAyA kiM kalpitaM dvaitaM .. 59.. kiM pAramArthikaM syAdadvaitaM chAj~natA kuto.anAdiH . vapuShashcha poShakaM kiM prArabdhaM chAnnadAyi kiM chAyuH .. 60.. ko brahmaNairupAsyo gAyatryarkAgnigocharaH shaMbhuH . gAyatryAmAditye chAgnau shaMbha cha kiM nu tattattvaM .. 61.. prAtyaxadevatA kA mAtA pUjyo gurushcha kaH tAtaH . kaH sarvadevatAtmA vidyAkarmAnvito vipraH .. 62.. kashcha kulaxayahetuH santApaH sajjaneShu yo.akAri . keShAmamogha vachanaM ye cha punaH satyamaunashamashIlAH .. 63.. kiM janma viShayasa~NgaH kimuttaraM janma putraH syAt.h . ko.aparihAryo mR^ityuH kutra padaM vinyasechcha dR^ikpUte .. 64.. pAtraM kimannadAne xudhitaM ko.archyo hi bhagavadavatAraH . kashcha bhagavAnmaheshaH sha~nkaranArAyaNAtmaikaH .. 65.. phalamapi bhagavadbhakteH kiM tallokasvarupasAxAttvaM . moxashcha ko hyavidyAstamayaH kaH sarvavedabhUH atha cha OM .. 66.. ityeShA kaNThasthA prashnottararatnamAlikA yeShAM . te muktAbharaNA iva vimalAshchAbhAnti satsamAjeShu .. 67.. .. iti shrImad.h sha~NkarAchAryavirachitA prashnottararatnamAlikA samAptA ..## Encoded and proofread by Sorin Suciu aka SeSe at sorins at hotmail.com. \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} {\rm http://sanskritdocuments.org} \end{document}