%@@1
% File name             : nirgunamaanasapuujaa.itx
%--------------------------------------------
% Text title            : nirguNamAnasapUjA
% Author                : Shankaracharya
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : October 20, 1998, October 18, 2011
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. nirguNamAnasapUjA ..}##
\itxtitle{.. nirguNamAnasapUjA ..}##\endtitles ##
shiShya uvAcha ..

akhaNDe sachchidAnande nirvikalpaikarUpiNi .
sthite.advitIyabhAve.api kathaM pUjA vidhIyate .. 1..
pUrNasyAvAhanaM kutra sarvAdhArasya chAsanam.h .
svachChasya pAdyamarghyaM cha shuddhasyAchamanaM kutaH .. 2..
nirmalasya kutaH snAnaM vAso vishvodarasya cha .
agotrasya tvavarNasya kutastasyopavItakam.h .. 3..
nirlepasya kuto gandhaH puShpaM nirvAsanasya cha .
nirvisheShasya kA bhUShA ko.ala~NkAro nirAkR^iteH .. 4..
nira~njanasya kiM dhUpairdIpairvA sarvasAkShiNaH .
nijAnandaikatR^iptasya naivedyaM kiM bhavediha .. 5..
vishvAnandayitustasya kiM tAmbUlaM prakalpate .
svayaMprakAshachidrUpo yo.asAvarkAdibhAsakaH .. 6..
gIyate shrutibhistasya nIrAjanavidhiH kutaH .
pradakShiNamanantasya praNAmo.advayavastunaH .. 7..
vedavAchAmavedyasya kiM vA stotraM vidhIyate .
antarbahiH saMsthitasya udvAsanavidhiH kutaH .. 8..

gururuvAcha ..

ArAdhayAmi maNisaMnibhamAtmali~Ngam.h
mAyApurIhR^idayapa~NkajasaMniviShTam.h .
shraddhAnadIvimalachittajalAbhiShekai\-
rnityaM samAdhikusumairnapunarbhavAya .. 9..
ayameko.avashiShTo.asmItyevamAvAhayechChivam.h .
AsanaM kalpayetpashchAtsvapratiShThAtmachintanam.h .. 10..
puNyapAparajaHsa~Ngo mama nAstIti vedanam.h .
pAdyaM samarpayedvidvansarvakalmaShanAshanam.h .. 11..
anAdikalpavidhR^itamUlAj~nAnajalA~njalim.h .
visR^ijedAtmali~Ngasya tadevArghyasamarpaNam.h .. 12..
brahmAnandAbdhikallolakaNakoTyaMshaleshakam.h .
pibantIndrAdaya iti dhyAnamAchamanaM matam.h .. 13..
brahmAnandajalenaiva lokAH sarve pariplutAH .
achChedyo.ayamiti dhyAnamabhiShechanamAtmanaH .. 14..
nirAvaraNachaitanyaM prakAsho.asmIti chintanam.h .
Atmali~Ngasya sadvastramityevaM chintayenmuniH .. 15..
triguNAtmAsheShalokamAlikAsUtramasmyaham.h .
iti nishchayamevAtra hyupavItaM paraM matam.h .. 16..
anekavAsanAmishraprapa~ncho.ayaM dhR^ito mayA .
nAnyenetyanusandhAnamAtmanashchandanaM bhavet.h .. 17..
rajaHsattvatamovR^ittityAgarUpaistilAkShataiH .
Atmali~NgaM yajennityaM jIvanmuktiprasiddhaye .. 18..
Ishvaro gururAtmeti bhedatrayavivarjitaiH .
bilvapatrairadvitIyairAtmali~NgaM yajechChivam.h .. 19..
samastavAsanAtyAgaM dhUpaM tasya vichintayet.h .
jyotirmayAtmavij~nAnaM dIpaM sandarshayedbudhaH .. 20..
naivedyamAtmali~Ngasya brahmANDAkhyaM mahodanam.h .
pibAnandarasaM svAdu mR^ityurasyopasechanam.h .. 21..
aj~nAnochChiShTakarasya kShAlanaM j~nAnavAriNA .
vishuddhasyAtmali~Ngasya hastaprakShAlanaM smaret.h .. 22..
rAgAdiguNashUnyasya shivasya paramAtmanaH .
sarAgaviShayAbhyAsatyAgastAmbUlacharvaNam.h .. 23..
aj~nAnadhvAntavidhvaMsaprachaNDamatibhAskaram.h .
Atmano brahmatAj~nAnaM nIrAjanamihAtmanaH .. 24..
vividhabrahmasaMdR^iShTirmAlikAbhirala~NkR^itam.h .
pUrNAnandAtmatAdR^iShTiM puShpA~njalimanusmaret.h .. 25..
paribhramanti brahmANDasahasrANi mayIshvare .
kUTasthAchalarUpo.ahamiti dhyAnaM pradakShiNam.h .. 26..
vishvavandyo.ahamevAsmi nAsti vandyo madanyataH .
ityAlochanamevAtra svAtmali~Ngasya vandanam.h .. 27..
AtmanaH satkriyA proktA kartavyAbhAvabhAvanA .
nAmarUpavyatItAtmachintanaM nAmakIrtanam.h .. 28..
shravaNaM tasya devasya shrotavyAbhAvachintanam.h .
mananaM tvAtmali~Ngasya mantavyAbhAvachintanam.h .. 29..
dhyAtavyAbhAvavij~nAnaM nididhyAsanamAtmanaH .
samastabhrAntivikSheparAhityenAtmaniShThatA .. 30..
samAdhirAtmano nAma nAnyachchittasya vibhramaH .
tatraiva bahmaNi sadA chittavishrAntiriShyate .. 31..
evaM vedAntakalpoktasvAtmali~NgaprapUjanam.h .
kurvannAmaraNaM vApi kShaNaM vA susamAhitaH .. 32..
sarvadurvAsanAjAlaM padapAMsumiva tyajet.h .
vidhUyAj~nAnaduHkhaughaM mokShAnandaM samashnute .. 33..

.. iti shrImatparamaha.nsaparivrAjakAchAryasya
shrIgovi.ndabhagavatpUjyapAda shiShyasya
shrImachCha~NkarabhagavataH virachitA nirguNamAnasapUjA samApta ..

##
Encoded and proofread by Sunder Hattangadi sunderh@hotmail.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}