% Text title            : Dhanyashtakam 1
% File name             : dhanyaa8.itx
% Category              : aShTaka, shankarAchArya, vedanta
% Location              : doc\_z\_misc\_shankara
% Transliterated by     : Sorin Suciu aka SeSe at sorins at hotmail.com
% Proofread by          : Sorin Suciu aka SeSe at sorins at hotmail.com Manda Krishna Srikanth, Peter Griffiths, Sunder Hattangadi
% Latest update         : March 19, 2011, September 17, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dhanyashtakam ..}##
\itxtitle{.. dhanyAShTakam ..}##\endtitles ##
(praharShaNIvR^ittam \-)
tajj~nAnaM prashamakaraM yadindriyANAM
tajj~neyaM yadupaniShatsu nishchitArtham .
te dhanyA bhuvi paramArthanishchitehAH
sheShAstu bhramanilaye paribhramantaH .. 1..
(vasantatilakAvR^ittam \-)
Adau vijitya viShayAnmadamoharAga\-
dveShAdishatrugaNamAhR^itayogarAjyAH .
j~nAtvA mataM samanubhUyaparAtmavidyA\-
kAntAsukhaM vanagR^ihe vicharanti dhanyAH .. 2..
tyaktvA gR^ihe ratimadhogatihetubhUtAm.h
AtmechChayopaniShadartharasaM pibantaH .
vItaspR^ihA viShayabhogapade viraktA
dhanyAshcharanti vijaneShu viraktasa~NgAH .. 3..
tyaktvA mamAhamiti bandhakare pade dve
mAnAvamAnasadR^ishAH samadarshinashcha .
kartAramanyamavagamya tadarpitAni
kurvanti karmaparipAkaphalAni dhanyAH .. 4..
tyaktvaIShaNAtrayamavekShitamokShamargA
bhaikShAmR^itena parikalpitadehayAtrAH .
jyotiH parAtparataraM paramAtmasa.nj~naM
dhanyA dvijArahasi hR^idyavalokayanti .. 5..
nAsanna sanna sadasanna mahasannachANu
na strI pumAnna cha napu.nsakamekabIjam .
yairbrahma tatsamamupAsitamekachittaiH
dhanyA virejurittarebhavapAshabaddhAH .. 6..
aj~nAnapa~NkaparimagnamapetasAraM
duHkhAlayaM maraNajanmajarAvasaktam .
sa.nsArabandhanamanityamavekShya dhanyA
j~nAnAsinA tadavashIrya vinishchayanti .. 7..
shAntairananyamatibhirmadhurasvabhAvaiH
ekatvanishchitamanobhirapetamohaiH .
sAkaM vaneShu vijitAtmapadasvarupaM
tadvastu samyaganishaM vimR^ishanti dhanyAH .. 8..
(mAlinIvR^ittam \-)
ahimiva janayogaM sarvadA varjayedyaH
kuNapamiva sunArIM tyaktukAmo virAgI .
viShamiva viShayAnyo manyamAno durantAn
jayati paramaha.nso muktibhAvaM sameti .. 9..
(shArdUlavikrIDitavR^ittam \-)
sampUrNaM jagadeva nandanavanaM sarve.api kalpadrumA
gA~NgaM vari samastavArinivahaH puNyAH samastAH kriyAH .
vAchaH prAkR^itasaMskR^itAH shrutishirovArANasI medinI
sarvAvasthitirasya vastuviShayA dR^iShTe parabrahmaNi .. 10..

.. iti shrImad sha~NkarAchAryavirachitaM dhanyAShTakaM samAptam ..
##

Encoded and proofread by Sorin Suciu aka SeSe at sorins at hotmail.com
Proofread by Peter Griffiths and Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}