% Text title            : Brahmajnanavalimala
% File name             : brahmajna.itx
% Category              : vedanta, shankarAchArya
% Location              : doc\_z\_misc\_shankara
% Author                : Adi Shankaracharya
% Transliterated by     : Sunder Hattangadi
% Proofread by          : Sunder Hattangadi
% Translated by         : -
% Latest update         : Mar. 27, 2002
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmajnanavalimala ..}##
\itxtitle{.. brahmaj~nAnAvalImAlA ..}##\endtitles ##

sakR^ichChravaNamAtreNa brahmaj~nAna.n yato bhavet .
brahmaj~nAnAvalImAlA sarveShAM mokShasiddhaye .. 1..
asa~Ngo.ahamasa~Ngo.ahamasa~Ngo.ahaM punaH punaH .
sachchidAnandarUpo.ahamahamevAhamavyayaH .. 2..
nityashuddhavimukto.aha.n nirAkAro.ahamavyayaH .
bhUmAnandasvarUpo.ahamahamevAhamavyayaH .. 3..
nityo.aha.n niravadyo.aha.n nirAkAro.ahamuchyate .
paramAnandarUpo.ahamahamevAhamavyayaH .. 4..
shuddhachaitanyarUpo.ahamAtmArAmo.ahameva cha .
akhaNDAnandarUpo.ahamahamevAhamavyayaH .. 5..
pratyakchaitanyarUpo.aha.n shAnto.ahaM prakR^iteH paraH .
shAshvatAnandarUpo.ahamahamevAhamavyayaH .. 6..
tattvAtItaH parAtmAhaM madhyAtItaH paraH shivaH .
mAyAtItaH para.njyotirahamevAhamavyayaH .. 7..
nAnArUpavyatIto.aha.n chidAkAro.ahamachyutaH .
sukharUpasvarUpo.ahamahamevAhamavyayaH .. 8..
mAyAtatkAryadehAdi mama nAstyeva sarvadA .
svaprakAshaikarUpo.ahamahamevAhamavyayaH .. 9..
guNatrayavyatIto.ahaM brahmAdInA.n cha sAkShyaham .
anantAnantarUpo.ahamahamevAhamavyayaH .. 10..
antaryAmisvarUpo.aha.n kUTasthaH sarvago.asmyaham .
paramAtmasvarUpo.ahamahamevAhamavyayaH .. 11..
niShkalo.aha.n niShkriyo.aha.n sarvAtmAdyaH sanAtanaH .
aparokShasvarUpo.ahamahamevAhamavyayaH .. 12..
dvandvAdisAkShirUpo.ahamachalo.aha.n sanAtanaH .
sarvasAkShisvarUpo.ahamahamevAhamavyayaH .. 13..
praj~nAnaghana evAha.n vij~nAnaghana eva cha .
akartAhamabhoktAhamahamevAhamavyayaH .. 14..
nirAdhArasvarUpo.aha.n sarvAdhAro.ahameva cha .
AptakAmasvarUpo.ahamahamevAhamavyayaH .. 15..
tApatrayavinirmukto dehatrayavilakShaNaH .
avasthAtrayasAkShyasmi chAhamevAhamavyayaH .. 16..
dR^igdR^ishyau dvau padArthau staH parasparavilakShaNau .
dR^igbrahma dR^ishyaM mAyeti sarvavedAntaDiNDimaH .. 17..
aha.n sAkShIti yo vidyAdvivichyaivaM punaH punaH .
sa eva muktaH so vidvAniti vedAntaDiNDimaH .. 18..
ghaTakuDyAdika.n sarvaM mR^ittikAmAtrameva cha .
tadvadbrahma jagatsarvamiti vedAntaDiNDimaH .. 19..
brahma satya.n jaganmithyA jIvo brahmaiva nAparaH .
anena vedya.n sachChAstramiti vedAntaDiNDimaH .. 20..
antarjyotirbahirjyotiH pratyagjyotiH parAtparaH .
jyotirjyotiH svaya.njyotirAtmajyotiH shivo.asmyaham .. 21..

iti shrImatparamaha.nsaparivrAjakAchAryasya
shrIgovindabhagavatpUjyapAdashiShyasya
shrImachCha~NkarabhagavataH kR^itau
brahmaj~nAnAvalImAlA sampUrNA ..
##
Encoded by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}