%@@1 % File name : aparokshaanubhuuti.itx %-------------------------------------------- % Text title : aparokShAnubhUti % Author : % Language : sanskrit % Subject : religion % Description/comments : % Transliterated by : Sunder Hattangadi(sunderh at hotmail.com) % Proofread by : Sunder Hattangadi(sunderh at hotmail.com) % Latest update : 1/2/1998, May 28, 2011 % Send corrections to : sanskrit@cheerful.com % % Special Instructions : i1h.hdr,ijag.inc,itrans.sty,multicol.sty,article.sty % Transliteration scheme: ITRANS 5.1 % Site access : http://sanskritdocuments.org/ %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' agreement. %@@1 % % Please ignore the following commands upto #indian and others with \ mark, % which are needed for devanaagarii output and formatting. %-------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. aparokShanubhUti ..}## \itxtitle{.. aparokShAnubhUti ..}##\endtitles ## shrIhariM paramAna.ndamupadeShTAramIshvaram.h . vyApaka.n sarvalokAnA.n kAraNa.n ta.n namAmyaham.h .. 1.. aparokShAnubhUtirvai prochyate mokShasiddhaye . sadbhireva prayatnena vIkShaNIyA muhurmuhuH .. 2.. svavarNAshramadharmeNa tapasA haritoShaNAt.h . sAdhanaM prabhavetpu.nsA.n vairAgyAdi chatuShTayam.h .. 3.. brahmAdisthAvarAnteshu vairAgya.n viShayeShvanu . yathaiva kAkaviShThAyA.n vairAgya.n taddhi nirmalam.h .. 4.. nityamAtmasvarUpa.n hi dR^ishya.n tadviparItagam.h . eva.n yo nishchayaH samyagviveko vastunaH sa vai .. 5.. sadaiva vAsanAtyAgaH shamo.ayamiti shahbditaH . nigraho bAhyavR^ittInA.m dama ityabhidhIyate .. 6.. viShayebhyaH parAvR^ittiH paramoparatirhi sA . sahana.n sarvaduHkhAnA.n titikShA sA shubhA matA .. 7.. nigamAchAryavAkyeShu bhaktiH shraddheti vishrutA . chittaikAgrya.n tu sallakShye samAdhAnamiti smR^itam.h .. 8.. sa.nsArabandhanirmuktiH kathaM me syAtkathA vidhe . iti yA sudR^iDhA buddhirvaktavyA sA mumukShutA .. 9.. uktasAdhanayuktena vichAraH puruSheNa hi . kartavyo j~nAnasiddhyarthamAtmanaH shubhamichChatA .. 10.. notpadyate vinA j~nAna.n vichAreNAnyasAdhanaiH . yathA padArthabhAna.n hi prakAshena vinA kvachit.h .. 11.. ko.aha.n kathamida.n jAta.n ko vai kartA.asya vidyate . upAdAna.n kimastIha vichAraH so.ayamIdR^ishaH .. 12.. nAhaM bhUtagaNo deho nAha.n chAkShagaNastathA . etadvilakShaNaH kashchidvichAraH so.ayamIdR^ishaH .. 13.. aj~nAnaprabhava.n sarva.n j~nAnena pravilIyate . sa.nkalpo vividhaH kartA vichAraH so.ayamIdR^ishaH .. 14.. etoyaryadupAdAnameka.n sUkShma.n sadavyayam.h . yathaivamR^idghaTAdIna.n vichAraH so.ayamIdR^ishaH .. 15.. ahameko.api sUkShmashcha j~nAtA sAkShI sadavyayaH . tadaha.n nAtra sa.ndeho vichAraH so.ayamIdR^ishaH .. 16.. AtmA viniShkalo hyeko deho bahubhirAvR^itaH . tayoraikyaM prapashyanti kimaj~nAnamataH param.h .. 17.. AtmA niyAmakashchAmtardeho bAhyo niyamyakaH . tayoraikayaM prapashyanti kimaj~nAnamataH param.h .. 18.. AtmA j~nAnamayaH puNyo deho mA.nsamayo.ashuchiH . tayoraikyaM prapashyanti kimaj~nAnamataH param.h .. 19.. AtmA prakAshakaH svachCho dehastAmasa uchyate . tayoraikyaM prapashyanti kimaj~nAnamataH param.h .. 20.. AtmA nityo hi sadrUpo deho.anityo hyasanmayaH . tayoraikyaM prapashyanti kimaj~nAnamataH param.h .. 21.. AtmanastatprakAshatva.n yatpadArthAvabhAsanam.h . nAgnyAdidIptivaddiptirbhavatyAndhya yato nishi .. 22.. deho.ahamityayaM mUDho dhR^itvA tiShThatyaho janaH . mamAyamityapi j~nAtvA ghaTadraShTeva sarvadA .. 23.. brahmaivAha.n samaH shAntaH sachchidAna.ndalakShaNaH . naaha.n dehohyasadruupo j~naanmityuchyate budhaiH .. 24.. nirvikAro nirAkAro niravadyo.ahamavyayaH . nAha.n deho hyasadrUpo j~nAnamuchyate budhaiH .. 25.. nirAmayo nirAbhAso nirvikalpo.ahamAtataH . nAha.n deho hyasadrUpo j~nAnamuchyate budhaiH .. 26.. nirguNo niShkriyo nityo nityamukto.ahamachyutaH . nAha.n deho hyasadrUpo j~nAnamuchyate budhaiH .. 27.. nirmalo nishchalo.anantaH shuddho.ahamajaromaraH . nAha.n deho hyasadrUpo j~nAnamuchyate budhaiH .. 28.. svadehe shobhana.n santaM puruShAkhya.n cha saMmatam.h . kiM mUrkha shUnyamAtmAna.n dehAtIta.n karoShi bhoH .. 29.. svAtmAna.n shruNu mUrkha tva.n shrutyA yuktyA cha pUruSham.h . dehAtIta.n sadAkAra.n sudurda.rshaM bhavAdR^ishaiH .. 30.. aha.nshabdena vikhyAta eka eva sthitaH paraH . sthUlastvanekatAM prAptaH katha.n syAddehakaH pumAn.h .. 31.. aha.n draShTR^itayA siddho deho dR^ishyatayA sthitaH . mamAyamiti nirdeshAtkatha.n syAddehakaH pumAn.h .. 32.. aha.n vikArahInastu deho nitya.n vikAravAn.h . iti pratIyate sAkShAtkatha.n syAddehakaH pumAn.h .. 33.. yasmAtparamiti shrutyA tayA puruShalakShaNam.h . vinirNIta.n vimUDhena katha.n syAddehakaH pumAn.h .. 34.. sarvaM puruSha eveti sUkte puruShasa.nj~nite . apyuchyate yataH shrutyA katha.n syAddehakaH pumAn.h .. 35.. asa.ngaH puruShaH prokto bR^ihadAraNyake.api cha . anantamalasa.nshliShTaH katha.n syAddehaka.H pumAn.h .. 36.. tatraiva cha samAkhyAtaH svaya.njyotirhi pUruShaH . jaDaH paraprakAshyo.aya.n katha.n syAddehakaH .. 37.. prokto.api karmakANDena hyAtmA dehAdvilakShaNaH . nityashcha tatphalaM bhu~Nkte dehapAtAdanantaram.h .. 38.. li~Nga.n chAnekasa.nyukta.n chala.n dR^ishya.n vikAri cha . avyApakamasadrUpa.n tatkatha.n syAtpumAnayam.h .. 39.. eva.n dehadvayAdanya AtmA puruSha IshvaraH . sarvAtmA sarvarUpashcha sarvAtItomahavyayaH .. 40.. ityAtmadehabhAgena prapa~nchasyaiva satyatA . yathoktA tarkashAstreNa tataH kiM puruShArthatA .. 41.. ityAtmadehabhedena dehAtmatva.n nivAritam.h . idAnI.n dehabhedasya hyasattva.n sphuTamuchyate .. 42.. chaitanyasyaikarUpatvAdbhedo yukto na karhichit . jIvata.n cha mR^iShA j~neya.n rajjau sarpagrahau yathA .. 43.. rajjvaj~nAnAtkShaNenaiva yadvadrajjurhi sarpiNI . bhAti tadvachchitiH sAkShAdvishvAkAreNa kevalA .. 44.. upAdAnaM prapa~nchasya brahmaNonyanna vidyate . tasmAtsarvaprapa~ncho.ayaM brahmaivAsti na chetarat.h .. 45.. vyApyAvyApakatA mithyA sarvamAtmeti shAsanAt.h . iti j~nAte pare tattve bhedasyAvasaraH kutaH .. 46.. shrutyA nivArita.n nUna.n nAnAtva.n svamukhena hi . kathaM bhAso bhavedanyaH sthite chAdvayakAraNe .. 47.. doSho.api vihitaH shrutyA mR^ityrmR^i.rtyu.n sa gachChati . iha pashyati nAnAtvaM mAyayA va~nchito naraH .. 48.. brahmaNaH sarvabhUtAni jAyante paramAtmanaH . tasmAdetAni brahmaiva bhavantItyavadhArayet.h .. 49.. brahmaiva sarvanAmAni rUpANi vividhAni cha . karmANyapi samagrANi bibhartIti shrutirjagau .. 50.. suvarNAjjayamAnasya suvarNatva.n cha shAshvatam.h . brahmaNo jAyamAnasya brahmatva.n cha tathA bhavet.h .. 51.. svalpamatyantara.n kR^itvA jIvAtmaparamAtmanoH . yaH santiShThati mUDhAtma bhaya.n tasyAbhibhAShitam.h .. 52.. yatrAj~nAnAdbhavedvaitamitarastatra pashyati . Atmatvena yadA sarva.n netarastatra chANvapi .. 53.. yasminsarvANi bhUtAni hyAtmatvena vijAnataH . na vai tasya bhavenmoho na cha shoko.advitIyataH .. 54.. ayamAtmA hi brahmaiva sarvAtmakatayA sthitaH . iti nirdhArita.n shrutyA bR^ihadAraNyasa.nsthayA .. 55.. anubhUto.apyaya.n loko vyavahArakShamo.api san.h . asadrUpo yathA svapna uttarakShaNabAdhataH .. 56.. svapno jAgaraNe.alIkaH svapne.api jAgaro na hi . dvayameva laye nAsti layo.api hyubhayorna cha .. 57.. trayamevaM bhavenmithyA guNatrayavinirmitam.h . asye draShTA guNAtIto nityo hyekashchidAtmakaH .. 58.. ayadvanmR^idi ghaTabhrAnti.n shuktau vA rajatasthitim.h . tadvadbrahmaNi jIvatva.n vIkShamANe na pashyati .. 59.. yathA mR^idi ghaTo nAma kanake kuNDalAbhidhA . shuktau hi rajatakhyAtirjIvashabdastathA pare .. 60.. yathaiva vyomni nIlatva.n yathA nIraM marusthale . puruShastva.n yathA sthANau tadvadvishva.n chidAtmani .. 61.. yathaiva shUnye vetAlo gandharvANAM pura.n yathA . yathAkAshe dvichandratva.n tadvatsatye jagatsthitiH .. 62.. yathA tara~Ngakallolairjalameva sphuratyalam.h . pAtrarUpeNa tAmra.n hi brahmANDaughaistathAtmatA .. 63.. ghaTanAmna yathA pR^ithvI paTanAmnA hi ta.ntavaH . jagannamnA chidAbhAti j~neya.n tattadabhAvataH .. 64.. sarvo.api vyavahArastu brahmaNA kriyate janaiH . aj~nAnAnna vijAnanti mR^ideva hi ghaTAdikam.h .. 65.. kAryakAraNatA nityamAste ghaTamR^idoryathA . tathaiva shrutiyuktibhyaM prapa~ncha brahmaNoriha .. 66.. gR^ihyamANe ghaTe yadvanmR^ittikA.ayAti vai balAt.h . vIkShamANe prapa~nche.api brahmaivAbhAti bhAsuram.h .. 67.. sadaivAtmA vishuddho.asti hyashuddho bhAti vai sadA . yathaiva dvividhA rajjurj~nAnino.aj~nAnino.anisham.h .. 68.. yathaiva mR^inmayaH kuMbhastadvaddeho.api chinmayaH . AtmAnAtmavibhAgo.ayaM mudhaiva kriyate.abudhaiH .. 69.. sarpatvena yathA rajjU rajatatvena shuktikA . vinirNItA vimUDhena dehatvena tathAtmatA .. 70.. ghaTatvena yathA pR^ithvI paTatvenaiva ta.ntavaH . vinirNItA vimUDhena dehatvena tathAtmatA .. 71.. kanaka.n kuNDalatvena tara~Ngatvena vai jalam.h . vinirNItA vimUDhena dehatvena tathAtmatA .. 72.. puruShatvena vai sthANurjalatvena marIchikA . vinirNItA vimUDhena dehatvena tathAtmatA .. 73.. gR^ihatvenaiva kAShThAni khadgatvenaiva lohatA . vinirNItA vimUDhena dehatvena tathAtmatA .. 74.. tathA vR^ikSha viparyAso jalAdbhavati kasyachit.h . tadvadAtmani dehatvaM pashyatyaj~nAnayogataH .. 75.. potena gachChataH pu.nsaH sarvaM bhAtIva cha~nchalam.h . tadvadAtmani dehatvaM pashyatyaj~nAnayogataH .. 76.. pItatva.n hi yathA shubhre doShAdbhavati kasyachit.h . tadvadAtmani dehatvaM pashyatyaj~nAnayogataH .. 77.. chaxubhyAM bhramashIlAbhyA.n sarvaM bhAti bhramAtmakam.h . tadvadAtmani dehatvaM pashyatyaj~nAnayogataH .. 78.. alAtaM bhramaNaiva vartulaM bhAti sUryavat.h . tadvadAtmani dehatvaM pashyatyaj~nAnayogataH .. 79.. mahattve sarvavastUnamaNutva.n hyatidUrataH . tadvadAtmani dehatvaM pashyatyaj~nAnayogataH .. 80.. sUkShnatve sarvabhAvAnA.n sthUlatva.n chopanetrataH . tadvadAtmani dehatvaM pashyatyaj~nAnayogataH .. 81.. kAchabhUmau jalatva.n vA jalabhUmau hi kAchatA . tadvadAtmani dehatvaM pashyatyaj~nAnayogataH .. 82.. yadvadagnau maNitva.n hi maNau vA vahnitA pumAn.h . tadvadAtmani dehatvaM pashyatyaj~nAnayogataH .. 83.. abhreShu satsu dhAvatsu somo dhAvati bhAti vai . tadvadAtmani dehatvaM pashyatyaj~nAnayogataH .. 84.. yathaiva digviparyAso mohAdbhavati kasyachit.h . tadvadAtmani dehatvaM pashyatyaj~nAnayogataH .. 85.. yathA shashI jale bhAti cha~nchalatvena kasyachit.h . tadvadAtmani dehatvaM pashyatyaj~nAnayogataH .. 86.. evamAtmanyavidyAto dehAdhyAso hi jAyate . sa evAtmaparij~nAnAllIyate cha param.h .. 87.. sarvamAtmatayA j~nAta.n jagatsthAvaraja~Ngamam.h . abhAvAtsarvabhAvAnA.n dehasya chAtmanA kutaH .. 88.. AtmAnA.n satata.n jAnankAla.n naya mahAdyute . prArabdhamakhilaM bhu~njannodvega.n kartumaha.rsi .. 89.. utpanne.apyatmavij~nAne prArabdha.n naiva mu~nchati . iti yachChR^Iyate shAstre tannirAkriyate.adhunA .. 90.. tattvaj~nAnodayAdUrdhvaM prArabdha.n naiva vidyate . dehAdInAmasattvattu yathA svapno vibodhataH .. 91.. karma janmAntarIya.n yatprArabdhamiti kIrtitam.h . tattu janmAntarAbhAvAtpu.nso naivAsti kahi.rchit.h .. 92.. svapnadeho yathAdhyasthastathaivAya.n hi dehakaH . adhyastasya kuto janma janmAbhAve hi tatkutaH .. 93.. upAdAnaM prapa~nchasya mR^idbhaNDasyeva kathyate . aj~nAna.n chaiva vedAntaistasminnaShTe kva vishvatA .. 94.. yathA rajjuM parityajya sarpa.n gR^ihNAti vai bhramAt.h . tadvatsatyamavij~nAya jagatpashyati mUDhadhIH .. 95.. rajjurUpe parij~nAte sarpakhaNDa.n na tiShThati . adhiShThAne tathA j~nAte prapa~nchaH shUnyatA.n gataH .. 96.. dehasyApi prapa~nchatvAtprArabdhAvasthitiH kutaH . aj~nAnijanabodhArthaM prArabdha.n vakti vai shrutiH .. 97.. xIyante chAsya karmANi tasmindR^iShTe parAvare . bahutva.n tanniShedhArtha.n shrutyA gIta.n cha yatsphutam.h .. 98.. uchyate.aj~nairbalAchchaitattadAnarthadvayAgamaH . vedAntamatahAna.n cha yato j~nAnamiti shrutiH .. 99.. tripa~nchA~NgAnyato vakShye pUrvoktasya hi labdhaye . taishcha sarvaiH sadA kArya.n nididhyAsanameva tu .. 100.. nityAbhyAsAdR^ite prAptirna bhavetsachchidAtmanaH . tasmAdbrahma nididhyAsejjij~nAsuH shreyase chiram.h .. 101.. yamo hi niyamastyAgo mauna.n deshashcha kAlatA . AsanaM mUlaba.ndhashcha dehasAmya.n cha dR^iksthitiH .. 102.. prANasa.nyamana.n chaiva pratyAhArashcha dhAraNA . AtmadhyAna.n samAdhishcha proktAnya~NgAni vai kramAt.h .. 103.. sarvaM brahmeti vij~nAnAdindriyagrAmasa.nyamaH . yamo.ayamiti saMprokto.abhyasanIyo muhurmuhuH .. 104.. sajAtIyapravAhashcha vijAtIyatiraskR^itiH . niyamo hi parAnando niyamAtkriyate budhaiH .. 105.. tyAgaH prapa~ncharUpasya chidAtmatvAvalokanAt.h . tyAgo hi mahatAM pUjyaH sadyo mokShamayo yataH .. 106.. yasmAdvAcho nivartante aprApya manasA saha . yanmauna.n yogibhirgamya.n tadbhavetsarvadA budhaH .. 107.. vAcho yasyAnnivartante tadvaktu.n kena shakyate . prapa~ncho yadi vaktavyaH so.api shabdavivarjitaH .. 108.. iti vA tadbhavenmauna.n satA.n sahaja sa.nj~nitam.h . girA mauna.n tu bAlAnAM prayuktaM brahmavAdibhiH .. 109.. AdAvante cha madhye cha jano yasminna vidyate . yeneda.n satata.n vyApta.n sa desho vijanaH smR^itaH .. 110.. kalanAt sarvabhUtAnAM brahmAdInA.n nimeShataH . kAlashabdena nirdiShTo hyakhaNDAnandako.advayaH .. 111.. sukhenaiva bhedyasminnajasraM brahmachintanam.h . Asana.n tadvijAnIyAnnetaratsukhanAshanam.h .. 112.. siddha.n yatsarvabhUtAdi vishvAdhiShThAnamavyayam.h . yasminsiddhAH samAviShTAstadvai siddhAsana.n viduH .. 113.. yanmUla.n sarvabhUtAnA.n yanmUla.n chittabandhanam.h . mUlabandhaH sadA sevyo yogyo.asau rAjayoginAm.h .. 114.. a~NgAnA.n samatA.n vidyAtsame brahmaNi lInatAm.h . no chennaiva samAnatvamR^ijutva.n shuShkavR^ikShavat.h .. 115.. dR^iShTi.n j~nAnamayI.n kR^itvA pashyedbrahmamaya.n jagat.h . sA dR^iShTiH paramodArA na nAsAgrAvalokinI .. 116.. draShtR^idarshanadR^ishyAnA.n virAmo yatra vA bhavet.h . dR^iShTistatraiva kartavyA na nAsAgrAvalokinI .. 117.. chittAdisarvabhAveShu brahmatvenaiva bhAvanAt.h . nirodhaH sarva vR^ittInAM prANAyAmaH sa ucyate .. 118.. niShedhanaM prapa~nchasya rechakAkhyaH samIraNaH . brahmaivAsmIti yA vR^ittiH pUrako vAyurIritaH .. 119.. tatastadvR^ittinaishchalya.n kuMbhakaH prANasa.nyamaH . aya.n chApi prabuddhAnAmaj~nAnA.n ghrANapIDanam.h .. 120.. viShayeShvAtmatA.n dR^iShTvA manasashchiti majjanam.h . pratyAhAraH sa vij~neyo.abhyasanIyo mumukShubhiH .. 121.. yatra yatra mano yAti brahmaNastatra darshanAt.h . manaso dhAraNa.n chaiva dhAraNA sA parA matA .. 122.. brahmaivAsmIti sadvR^ittyA nirAlambatayA sthitiH . dhyAnashabdena vikhyAtA paramAnandadAyinI .. 123.. nirvikAratayA vR^ittyA brahmAkAratayA punaH . vR^ittivismaraNa.n samyaksamAdhirj~nAnasa.nj~nakaH .. 124.. ima~nchAkR^itrimAnanda.n tAvatsAdhu samabhyaset.h . vashyo yAvatkShaNAtpu.nsaH prayuktaH san.h bhavetsvayam.h .. 125.. tataH sAdhananirmuktaH siddho bhavati yogirAT.h . tatsvarUpa.n na chaitasya viNayo manaso girAm.h .. 126.. samAdhau kriyamANe tu vighnAnyAyAnti vai balAt.h . anusa.ndhAnarAhityamAlasyaM bhogalAlasam.h .. 127.. layastamashcha vikShepo rasAsvAdashcha shUnyatA . eva.n yadvighnabAhulya.n tyAjyaM brahmavidA shanaiH .. 128.. bhAvavR^ittyA hi bhAvatva.n shUnyavR^ittyA hi shUnyatA . brahmavR^ittyA hi pUrNatva.n tathA pUrNatvamabhyaset.h .. 129.. ye hi vR^itti.n jahatyenAM brahmAkhyAM pAvanIM parAm.h . vR^ithaiva te tu jIvanti pashubhishcha samA narAH .. 130.. ye hi vR^itti.n vijAnanti j~nAtvApi vardhayanti ye . te vai satpuruShA dhanyA vandyAste bhuvanatraye .. 131.. yeShA.n vR^ittiH samA vR^iddhA paripakvA cha sA punaH . te vai sadbrahmatAM prAptA netare shabdavAdinaH .. 132.. kushalA brahmavArtAyA.n vR^ittihInAH surAgiNaH . te.apyaj~nAnatayA nUnaM punarAyAnti yAnti cha .. 133.. nimeShArdha.n na tiShThanti vR^ittiM brahmamayI.n vinA . yathA tiShThanti brahmAdyAH sanakAdyaH shukAdayaH .. 134.. kArye kAraNatAyAtA kAraNe na hi kAryatA . kAraNatva.n tato gachChetkAryAbhAve vichArataH .. 135.. atha shuddhaM bhavedvastu yadvai vAchAmagocharam.h . draShTavyaM mR^idghaTenaiva dR^iShTAntena punaH punaH .. 136.. anenaiva prakAreNa vR^ittibrahmAtmikA bhavet.h . udeti shuddhachittAnA.n vR^ittij~nAna.n tataH param.h .. 137.. kAraNa.n vyatirekeNa pumAnAdau vilokayet.h . anvayena punastaddhi kArye nityaM prapashyati .. 138.. kArye hi kAraNaM pashyetpashchAtkArya.n visarjayet.h . anvayena punastaddhi kArye nityaM prapashyati .. 139.. bhAvita.n tIvravegena yadvastu nishchayAtmanA . pumA.nstaddhi bhavechChIghra.n j~neyaM bhramarakITavat.h .. 140.. adR^ishyaM bhAvarUpa~ncha sarvameva chidAtmakam.h . sAvadhAnatayA nitya.n svAtmAnaM bhAvayedbudhaH .. 141.. dR^ishya.n hyadR^ishyatA.n nItvA brahmAkAreNa chintayet.h . vidvAnnityasukhe tiShTheddhiya chidrasapUrNayA .. 142.. ebhira~NgaiH samAyukto rAjayoga udAhR^itaH . ki~nchitpakvakaShAyANA.n haThayogena sa.nyutaH .. 143.. paripakvaM mano yeSha.n kevalo.aya.n cha siddhidaH . gurudaivatabhaktAnA.n sarveShA.n sulabho javAt.h .. 144.. .. iti .. ## Encoded and proofread by Sunder Hattangadi(sunderh at hotmail.com) \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} {\rm http://sanskritdocuments.org} \end{document}