\documentstyle[multicol,itrans]{iarticle}
\pagestyle{headings}
#include=ijag.inc
#endwordvowel=.h
\portraitwide
\parindent=0pt                
\let\usedvng=\normaldvng      
\pagenumbering{itrans} 
\def\twocol{\begin{multicols}{2}}
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\hugedvng #1}\medskip\hrule}
\def\endtitles{\medskip\twocol\obeyspaceslines}
\raggedright
%%
\begin{document}\engtitle{.. vidura niiti ..}##
\itxtitle{.. vidura niiti ..}##\endtitles 
Vidura Niti has been extracted from ##prajaagaraparva
##(##udyogaparva##) of ##mahaabhaarata##.
#indian
\zzz{adhyaayaH 33}

vaishaMpaayana uvaacha .
	
dvAHsthaM prAha mahAprAGYo dhR^itarAShTro mahIpatiH . 
vidura.n draShTumichchhAmi tamihAnaya mAchiram.h .. 1..

prahito dhR^itarAShTreNa dUtaH xattAramabravIt.h . 
IshvarastvAM mahArAjo mahAprAGYa didR^ixati .. 2..

evamuktastu viduraH prApya rAjaniveshanam.h . 
abravIddhR^itarAShTrAya dvAHstha mAM prativedaya .. 3..

	dvaaHstha uvaacha .

viduro.ayamanuprApto rAjendra tava shAsanAt.h . 
draShTumichchhati te pAdau ki.n karotu prashAdhi mAm.h .. 4..

	dhR^itaraashhTra uvaacha .

praveshaya mahAprAGYa.n vidura.n dIrghadarshinam.h . 
aha.n hi vidurasyAsya nAkAlyo jAtu darshane .. 5..

	dvaaHstha uvaacha .

pravishAntaH pura.n xattarmahArAjasya dhImataH . 
na hi te darshane.akAlyo jAtu rAjA bravIti mAm.h .. 6..

	vaishaMpaayana uvaacha .

tataH pravishya viduro dhR^itarAShTra niveshanam.h . 
abravItprA~njalirvAkya.n chintayAnaM narAdhipam.h .. 7..

viduro.ahaM mahAprAGYa samprAptastava shAsanAt.h . 
yadi ki.n chana kartavyamayamasmi prashAdhi mAm.h .. 8..

	dhR^itarashhtra uvaacha .

sa~njayo vidura prApto garhayitvA cha mA.n gataH . 
ajAtashatroH shvo vAkya.n sabhAmadhye sa vaxyati .. 9..

tasyAdya kuruvIrasya na viGYAta.n vacho mayA . 
tanme dahati gAtrANi tadakArShItprajAgaram.h .. 10..

jAgrato dahyamAnasya shreyo yadiha pashyasi . 
tadbrUhi tva.n hi nastAta dharmArthakushalo hyasi .. 11..

yataH prAptaH sa~njayaH pANDavebhyo 
na me yathAvanmanasaH prashAntiH . 
savendriyANyaprakR^iti.n gatAni 
ki.n vaxyatItyeva hi me.adya chintA .. 12..

tanme bruuhi vidura tva.n yathaavan.h
	maniishhita.n sarvamajaatashatroH .
yathaa cha nastaata hitaM bhavechcha
	prajaashcha sarvaaH sukhitaa bhaveyuH ..\- ..

	vidura uvaacha .

abhiyuktaM balavatA durbala.n hInasAdhanam.h . 
hR^itasva.n kAminaM choramAvishanti prajAgarAH .. 13..

kachchidetairmahAdoShairna spR^iShTo.asi narAdhipa . 
kachchinna paravitteShu gR^idhyanviparitapyase .. 14..

	dhR^itaraashhTra uvaacha .

shrotumichchhAmi te dharmyaM paraM naiHshreyasa.n vachaH . 
asminrAjarShivaMshe hi tvamekaH prAGYasaMmataH .. 15..

	vidura uvaacha .

rajaa laxaNasaMpannastrailokyasyaadhipo bhavet.h .
preshhyaste preshhitashchaiva dhR^itaraashhTra yudhishhThiraH ..\- ..

vipariitatarashcha tvaM bhaagadheye na saMmataH .
archishhaaM praxayaachchaiva dharmaatmaa dharmakovidaH ..\- ..

aanR^isha.nsyaadanukroshaaddharmaatsatyaatparaakramaat.h .
gurutvaattvayi saMprexya bahuunkleshhaa.nstitixate ..\- ..

duryodhane saubale cha karNe duHshaasane tathaa .
eteshhvaishvaryamaadhaaya katha.n tvaM bhuutimichchhasi ..\- ..

ekasmaatvR^ixaadyaGYapatraaNi raajan.h
	srukcha drauNii peThaniipiiDane cha .
etasmaadraajanbruvato me nibodha 
	ekasmaadvai jaayate.asachcha sachcha ..\- ..

aatmaGYaana.n samaaraMbhastitixaa dharmanityataa .
yamarthaannaapakarshhanti sa vai paNdita uchyate ..\- ..

niShevate prashastAni ninditAni na sevate . 
anAstikaH shraddadhAna etatpaNDita laxaNam.h .. 16..

krodho harShashcha darpashcha hrIstambho mAnyamAnitA . 
yamarthAnnApakarShanti sa vai paNDita uchyate .. 17..

yasya kR^ityaM na jAnanti mantra.n vA mantritaM pare . 
kR^itamevAsya jAnanti sa vai paNDita uchyate .. 18..

yasya kR^ityaM na vighnanti shItamuShNaM bhaya.n ratiH . 
samR^iddhirasamR^iddhirvA sa vai paNDita uchyate .. 19..

yasya sa.nsAriNI praGYA dharmArthAvanuvartate . 
kAmAdartha.n vR^iNIte yaH sa vai paNDita uchyate .. 20..

yathAshakti chikIrShanti yathAshakti cha kurvate . 
na ki.n chidavamanyante paNDitA bharatarShabha .. 21..

xipra.n vijAnAti chiraM shR^iNoti 
viGYAya chArthaM bhajate na kAmAt.h . 
nAsampR^iShTo vyaupayu~Nkte parArthe 
tatpraGYAnaM prathamaM paNDitasya .. 22..

nAprApyamabhivA~nchhanti naShTaM nechchhanti shochitum.h . 
Apatsu cha na muhyanti narAH paNDita buddhayaH .. 23..

nishchitya yaH prakramate nAntarvasati karmaNaH . 
avandhya kAlo vashyAtmA sa vai paNDita uchyate .. 24..

Arya karmaNi rAjyante bhUtikarmANi kurvate . 
hita.n cha nAbhyasUyanti paNDitA bharatarShabha .. 25..

na hR^iShyatyAtmasaMmAne nAvamAnena tapyate . 
gA~Ngo hrada ivAxobhyo yaH sa paNDita uchyate .. 26..

tattvaGYaH sarvabhUtAnA.n yogaGYaH sarvakarmaNAm . 
upAyaGYo manuShyANAM naraH paNDita uchyate .. 27..

pravR^itta vAkchitrakatha UhavAnpratibhAnavAn.h . 
Ashu granthasya vaktA cha sa vai paNDita uchyate .. 28..

shrutaM praGYAnuga.n yasya praGYA chaiva shrutAnugA . 
asambhinnArya maryAdaH paNDitAkhyA.n labheta saH .. 29..

arthaM mahaantamaasadya vidyaamaishvaryameva cha .
vicharatyasamunnaddho yasya paNDita uchyate ..\- ..

ashrutashcha samunnaddho daridrashcha mahAmanAH . 
arthAMshchAkarmaNA prepsurmUDha ityuchyate budhaiH .. 30..

svamartha.n yaH parityajya parArthamanutiShThati . 
mithyA charati mitrArthe yashcha mUDhaH sa uchyate .. 31..

akaamaa.n kaamayati yaH kaamayaanaaM parityajet.h .
balavanta.n cha yo dveshhTi tamaahurmuuDhachetasam.h ..\- ..

akAmAnkAmayati yaH kAmayAnAnparidviShan.h . 
balavanta.n cha yo dveShTi tamAhurmUDhachetasam.h .. 32..

amitra.n kurute mitraM mitraM dveShTi hinasti cha . 
karma chArabhate duShTa.n tamAhurmUDhachetasam.h .. 33..

sa.nsArayati kR^ityAni sarvatra vichikitsate . 
chira.n karoti xiprArthe sa mUDho bharatarShabha .. 34..

shraaddhaM pitR^ibhyo na dadaati daivataani naarchati .
suhR^inmitra.n na labhate tamaahurmuuDhachetasam.h ..\- ..

anAhUtaH pravishati apR^iShTo bahu bhAShate . 
vishvasatyapramatteShu mUDha chetA narAdhamaH .. 35..

para.n xipati doSheNa vartamAnaH svayaM tathA . 
yashcha krudhyatyanIshaH sansa cha mUDhatamo naraH .. 36..

Atmano balamAGYAya dharmArthaparivarjitam.h . 
alabhyamichchhannaiShkarmyAnmUDha buddhirihochyate .. 37..

ashiShya.n shAsti yo rAjanyashcha shUnyamupAsate . 
kadaryaM bhajate yashcha tamAhurmUDhachetasam.h .. 38..

arthaM mahAntamAsAdya vidyAmaishvaryameva vA . 
vicharatyasamunnaddho yaH sa paNDita uchyate .. 39..

ekaH sampannamashnAti vaste vAsashcha shobhanam.h . 
yo.asa.nvibhajya bhR^ityebhyaH ko nR^isha.nsatarastataH .. 40..

ekaH pApAni kurute phalaM bhu~Nkte mahAjanaH . 
bhoktAro vipramuchyante kartA doSheNa lipyate .. 41..

eka.n hanyAnna vAhanyAdiShurmukto dhanuShmatA . 
buddhirbuddhimatotsR^iShTA hanyAdrAShTra.n sarAjakam.h .. 42..

ekayA dve vinishchitya trIMshchaturbhirvashe kuru . 
pa~ncha jitvA viditvA ShaTsapta hitvA sukhI bhava .. 43..

eka.n viSharaso hanti shastreNaikashcha vadhyate . 
sarAShTra.n sa prajaM hanti rAjAnaM mantravisravaH .. 44..

ekaH svAdu na bhu~njIta ekashchArthAnna chintayet.h . 
eko na gachchhedadhvAnaM naikaH supteShu jAgR^iyAt.h .. 45..

ekamevAdvitIya.n tadyadrAjannAvabudhyase . 
satya.n svargasya sopAnaM pArAvArasya nauriva .. 46..

ekaH xamAvatA.n doSho dvitIyo nopalabhyate . 
yadena.n xamayA yuktamashaktaM manyate janaH .. 47..

so.asya doshho na mantavyaH xamaa hi paramaM balam.h .
xamaa guNo hyashaktaanaa.n shaktaanaaM bhuushhaNa.n tathaa ..\- ..

xamaa vashiikR^itirloke xamayaa ki.n na saadhyate .
shaantishaN^khaH kare yasya ki.n karishhyati durjanaH ..\- ..

atR^iNe patito vahniH svayamevopashaamyati .
axamaavaanpara.n doshhairaatmaan.n chaiva yojayet.h ..\- ..

eko dharmaH para.n shreyaH xamaikA shAntiruttamA . 
vidyaikA paramA dR^iShTirahi.nsaikA sukhAvahA .. 48..

dvAvimau grasate bhUmiH sarpo bilashayAniva . 
rAjAna.n chAviroddhAraM brAhmaNaM chApravAsinam.h .. 49..

dve karmaNI naraH kurvannasmi.Nlloke virochate . 
abruvanparuSha.n kiM chidasato nArthaya.nstathA .. 50..

dvAvimau puruShavyAghra parapratyaya kAriNau . 
striyaH kAmita kAminyo lokaH pUjita pUjakaH .. 51..

dvAvimau kaNTakau tIxNau sharIraparishoShaNau . 
yashchAdhanaH kAmayate yashcha kupyatyanIshvaraH .. 52..

dvaaveva na viraajete vipariitena karmaNaa .
gR^ihasthashcha niraaraMbhaH kaaryavaa.nshchaiva bhixukaH ..\- ..

dvAvimau puruShau rAjansvargasya pari tiShThataH . 
prabhushcha xamayA yukto daridrashcha pradAnavAn.h .. 53..

nyAyAgatasya dravyasya boddhavyau dvAvatikramau . 
apAtre pratipattishcha pAtre chApratipAdanam.h .. 54..

dvaavaMbhasi niveshhTavyau gale baddhvaa dR^iDha.n shilaam.h .
dhanavantamadaataara.n daridra.n chaatapasvinam.h ..\- ..

dvaavimau purushhavyaaghra suryamaNDalabhedinau .
parivraaDyogayuktashcha raNe chaabhimukho hataH ..\- ..

trayo nyAyA manuShyANA.n shrUyante bharatarShabha . 
kanIyAnmadhyamaH shreShTha iti vedavido viduH .. 55..

trividhAH puruShA rAjannuttamAdhamamadhyamAH . 
niyojayedyathAvattA.nstrividheShveva karmasu .. 56..

traya evAdhanA rAjanbhAryA dAsastathA sutaH . 
yatte samadhigachchhanti yasya te tasya taddhanam.h .. 57..

haraNa.n cha parasvaanaa.n paradaaraabhimarshanam.h .
suhR^idashcha parityaagastrayo doshhaa xayaavahaH ..\- ..

trividha.n narakasyeda.n dvaara.n naashanamaatmanaH .
kaamaH krodhastathaa lobhastasmaadetattraya.n tyajet.h ..\- ..

varapradaana.n raajyaa.n cha putrajanma cha bhaarata .
shatroshcha moxaNa.n kR^ichchhraattriiNi chaika.n cha tatsamam.h ..\- ..

bhakta.n cha bajamaana.n cha tavaasmiiti vaadinam.h .
triinetaan.h sharaNaM praaptaanvishhame.api na santyajet.h ..\- ..

chatvAri rAGYA tu mahAbalena 
varjyAnyAhuH paNDitastAni vidyAt.h . 
alpapraGYaiH saha mantraM na kuryAn.h 
na dIrghasUtrairalasaishchAraNaishcha .. 58..

chatvAri te tAta gR^ihe vasantu 
shriyAbhijuShTasya gR^ihastha dharme . 
vR^iddho GYAtiravasannaH kulInaH 
sakhA daridro bhaginI chAnapatyA .. 59..

chatvAryAha mahArAja sadyaskAni bR^ihaspatiH . 
pR^ichchhate tridashendrAya tAnImAni nibodha me .. 60..

devatAnA.n cha sa~NkalpamanubhAvaM cha dhImatAm.h . 
vinaya.n kR^itavidyAnA.n vinAshaM pApakarmaNAm.h .. 61..

chatvaari karmaaNyabhayaN^karaaNi 
	bhayaM prayachchhantyayathaakR^itaani .
maanaagnihotra.n uta maanamaunaM
	 maanenaadhiitamuta maanayaGYaH ..\- ..

pa~nchAgnayo manuShyeNa paricharyAH prayatnataH . 
pitA mAtAgnirAtmA cha gurushcha bharatarShabha .. 62..

pa~nchaiva pUjaya.Nlloke yashaH prApnoti kevalam.h . 
devAnpitR^InmanuShyAMshcha bhixUnatithipa~nchamAn .. 63..

pa~ncha tvAnugamiShyanti yatra yatra gamiShyasi . 
mitrANyamitrA madhyasthA upajIvyopajIvinaH .. 64..

pa~nchendriyasya martyasya chhidra.n chedekamindriyam.h . 
tato.asya sravati praGYA dR^iteH pAdAdivodakam.h .. 65..

ShaDdoShAH puruSheNeha hAtavyA bhUtimichchhatA . 
nidrA tandrI bhaya.n krodha AlasyaM dIrghasUtratA .. 66..

ShaDimAnpuruSho jahyAdbhinnAM nAvamivArNave . 
apravaktAramAchAryamanadhIyAnamR^itvijam.h .. 67..

araxitAra.n rAjAnaM bhAryA.n chApriya vAdinIm.h . 
grAmakAra.n cha gopAla.n vanakAmaM cha nApitam.h .. 68..

ShaDeva tu guNAH pu.nsA na hAtavyAH kadAchana . 
satya.n dAnamanAlasyamanasUyA xamA dhR^itiH .. 69..

arthaagamo nityamarogitaa cha 
	priyaa cha bhaaryaa priyavaadinii cha .
vashyashcha putro.arthakarii cha vidyaa
	shhaT.h jiivalokasya sukhaani raajan.h ..\- ..

ShaNNAmAtmani nityAnAmaishvarya.n yo.adhigachchhati . 
na sa pApaiH kuto.anarthairyujyate vijitendriyaH .. 70..

ShaDime ShaTsu jIvanti saptamo nopalabhyate . 
chorAH pramatte jIvanti vyAdhiteShu chikitsakAH .. 71..

pramadAH kAmayAneShu yajamAneShu yAjakAH . 
rAjA vivadamAneShu nityaM mUrkheShu paNDitAH .. 72..

shhaDimaani vinashyanti muhuurtamanavexaNaat.h .
gaavaH sevaa kR^ishhirbhaaryaa vidyaa vR^ishhalasa.ngatiH ..\- ..

shhaDete hyavamanyante nityaM puurvopakaariNam.h .
aachaarya.n shixitaa shishhyaaH kR^itadaarashcha maataram.h ..\- ..

naari.n vigatakaamastu kR^itaarthaashcha prayojakam.h .
naava.n nistiirNakaantaaraa naaturaashcha chikitsakam.h ..\- ..

aarogyamaanR^iNyamavipravaasaH
	sadbhirmanushhyaiH saha saMprayogaH .
svapratyayaa vR^ittirabhiitavaasaH
	shhaT.h jiivalokasya sukhaani raajan.h ..\- ..

iirshhurghR^iNii nasantushhTaH krodhano nityashaN^kitaH .
parabhaagyopajiivii cha shhaDete nityaduHkhitaaH ..\- ..

sapta doShAH sadA rAGYA hAtavyA vyasanodayAH . 
prAyasho yairvinashyanti kR^itamUlAshcha pArthivAH .. 73..

striyo.axA mR^igayA pAna.n vAkpAruShya.n cha pa~nchamam.h . 
mahachcha daNDapAruShyamarthadUShaNameva cha .. 74..

aShTau pUrvanimittAni narasya vinashiShyataH . 
brAhmaNAnprathama.n dveShTi brAhmaNaishcha virudhyate .. 75..

brAhmaNa svAni chAdatte brAhmaNAMshcha jighA.nsati . 
ramate nindayA chaiShAM prasha.nsAM nAbhinandati .. 76..

naitAnsmarati kR^ityeShu yAchitashchAbhyasUyati . 
etAndoShAnnaraH prAGYo buddhyA buddhvA vivarjayet.h .. 77..

aShTAvimAni harShasya nava nItAni bhArata . 
vartamAnAni dR^ishyante tAnyeva susukhAnyapi .. 78..

samAgamashcha sakhibhirmahAMshchaiva dhanAgamaH . 
putreNa cha pariShva~NgaH saMnipAtashcha maithune .. 79..

samaye cha priyAlApaH svayUtheShu cha saMnatiH . 
abhipretasya lAbhashcha pUjA cha janasa.nsadi .. 80..

ashhTau guNaaH purushha.n diipayanti
	praGYaa cha kaulya.n cha damaH shruta.n cha .
paraakramashchaabahubhaashhitaa cha 
	daana.n yathaashakti kR^itaGYataa cha ..\- ..

navadvAramida.n veshma tristhUNaM pa~ncha sAxikam.h . 
xetraGYAdhiShThita.n vidvAnyo veda sa paraH kaviH .. 81..

dasha dharmaM na jAnanti dhR^itarAShTra nibodha tAn.h . 
mattaH pramatta unmattaH shrAntaH kruddho bubhuxitaH .. 82..

tvaramANashcha bhIrushcha lubdhaH kAmI cha te dasha . 
tasmAdeteShu bhAveShu na prasajjeta paNDitaH .. 83..

atraivodAharantImamitihAsaM purAtanam.h . 
putrArthamasurendreNa gIta.n chaiva sudhanvanA .. 84..

yaH kAmamanyU prajahAti rAjA 
pAtre pratiShThApayate dhana.n cha . 
visheShavichchhrutavAnxiprakArI 
ta.n sarvalokaH kurute pramANam.h .. 85..

jAnAti vishvAsayituM manuShyAn.h 
viGYAta doSheShu dadhAti daNDam.h . 
jAnAti mAtrA.n cha tathA xamAM cha 
ta.n tAdR^isha.n shrIrjuShate samagrA .. 86..

sudurbalaM nAvajAnAti ka.nchid\-
yukto ripu.n sevate buddhipUrvam.h . 
na vigraha.n rochayate balasthaiH 
kAle cha yo vikramate sa dhIraH .. 87..

prApyApadaM na vyathate kadA chid 
udyogamanvichchhati chApramattaH . 
duHkha.n cha kAle sahate jitAtmA 
dhurandharastasya jitAH sapatnAH .. 88..

anarthaka.n vipra vAsa.n gR^ihebhyaH 
pApaiH sandhiM paradArAbhimarsham . 
dambha.n stainyaM paishunaM madya pAnaM 
na sevate yaH sa sukhI sadaiva .. 89..

na sa.nrambheNArabhate.arthavargam.h 
AkAritaH sha.nsati tathyameva . 
na mAtrArthe rochayate vivAdaM 
nApUjitaH kupyati chApyamUDhaH .. 90..

na yo.abhyasUyatyanukampate cha 
na durbalaH prAtibhAvya.n karoti . 
nAtyAha ki.n chitxamate vivAdaM 
sarvatra tAdR^iglabhate prasha.nsAm.h .. 91..

yo noddhata.n kurute jAtu veShaM 
na pauruSheNApi vikatthate.anyAn.h . 
na mUrchchhitaH kaTukAnyAha ki.n chit.h 
priya.n sadA ta.n kurute jano.api .. 92..

na vairamuddIpayati prashAntaM 
na darmamArohati nAstameti . 
na durgato.asmIti karoti manyuM 
tamArya shIlaM paramAhuragryam.h .. 93..

na sve sukhe vai kurute praharShaM 
nAnyasya duHkhe bhavati pratItaH . 
dattvA na pashchAtkurute.anutApaM 
na katthate satpuruShArya shIlaH .. 94..

deshAchArAnsamayA~njAtidharmAn.h 
bubhUShate yastu parAvaraGYaH . 
sa tatra tatrAdhigataH sadaiva 
mahAjanasyAdhipatya.n karoti .. 95..

dambhaM mohaM matsaraM pApakR^ityaM 
rAjadviShTaM paishunaM pUgavairam.h . 
mattonmattairdurjanaishchApi vAdaM 
yaH praGYAvAnvarjayetsa pradhAnaH .. 96..

dama.n shaucha.n daivataM ma~NgalAni 
prAyashchitta.n vividhA.NllokavAdAn.h . 
etAni yaH kurute naityakAni 
tasyotthAna.n devatA rAdhayanti .. 97..

samairvivAha.n kurute na hInaiH 
samaiH sakhya.n vyavahAra.n kathAshcha . 
guNairvishiShTAMshcha puro dadhAti 
vipashchitastasya nayAH sunItAH .. 98..

mitaM bhu~Nkte sa.nvibhajyAshritebhyo 
mita.n svapityamita.n karmakR^itvA . 
dadAtyamitreShvapi yAchitaH sa.n\- 
stamAtmavantaM prajahAtyanarthAH .. 99..

chikIrShita.n viprakR^ita.n cha yasya 
nAnye janAH karma jAnanti ki.n chit.h . 
mantre gupte samyaganuShThite cha 
svalpo nAsya vyathate kashchidarthaH .. 100..

yaH sarvabhUtaprashame niviShTaH 
satyo mR^idurdAnakR^ichchhuddha bhAvaH . 
atIva sa~nj~nAyate GYAtimadhye 
mahAmaNirjAtya iva prasannaH .. 101..

ya AtmanApatrapate bhR^ishaM naraH 
sa sarvalokasya gururbhavatyuta . 
ananta tejAH sumanAH samAhitaH 
svatejasA sUrya ivAvabhAsate .. 102..

vane jAtAH shApadagdhasya rAGYaH 
pANDoH putrAH pa~ncha pa~nchendra kalpAH . 
tvayaiva bAlA vardhitAH shixitAshcha 
tavAdeshaM pAlayantyAmbikeya .. 103..

pradAyaiShAmuchita.n tAta rAjyaM 
sukhI putraiH sahito modamAnaH . 
na devAnAM nApi cha mAnuShANAM 
bhaviShyasi tva.n tarkaNIyo narendra .. 104..
 
.. iti shriimahaabhaarate udyogaparvaNi prajaagaraparvaNi viduraniitivaakye trayastra.nsho.adhyaayaH .. 33..

\zzz{adhyaayaH 34}
                 
	dhR^itaraashhTra uvaacha .

jAgrato dahyamAnasya yatkAryamanupashyasi . 
tadbrUhi tva.n hi nastAta dharmArthakushalaH shuchiH .. 1..

tvaM mA.n yathAvadvidura prashAdhi 
praGYA pUrva.n sarvamajAtashatroH . 
yanmanyase pathyamadInasattva 
shreyaH karaM brUhi tadvai kurUNAm.h .. 2..

pApAsha~NgI pApameva naupashyan.h 
pR^ichchhAmi tvA.n vyAkulenAtmanAham.h . 
kave tanme brUhi sarva.n yathAvan 
manIShita.n sarvamajAtashatroH .. 3..

   vidura uvaacha .

shubha.n vA yadi vA pApa.n dveShyaM vA yadi vA priyam.h . 
apR^iShTastasya tadbrUyAdyasya nechchhetparAbhavam.h .. 4..

tasmAdvaxyAmi te rAjanbhavamichchhankurUnprati . 
vachaH shreyaH kara.n dharmyaM bruvatastannibodha me .. 5..

mithyopetAni karmANi sidhyeyuryAni bhArata . 
anupAya prayuktAni mA sma teShu manaH kR^ithAH .. 6..

tathaiva yogavihitaM na sidhyetkarma yannR^ipa . 
upAyayuktaM medhAvI na tatra glapayenmanaH .. 7..

anubandhAnavexeta sAnubandheShu karmasu . 
sampradhArya cha kurvIta na vegena samAcharet.h .. 8..

anubandha.n cha samprexya vipAkAMshchaiva karmaNAm.h . 
utthAnamAtmanashchaiva dhIraH kurvIta vA na vA .. 9..

yaH pramANaM na jAnAti sthAne vR^iddhau tathA xaye . 
koshe janapade daNDe na sa rAjyAvatiShThate .. 10..

yastvetAni pramANAni yathoktAnyanupashyati . 
yukto dharmArthayorGYAne sa rAjyamadhigachchhati .. 11..

na rAjyaM prAptamityeva vartitavyamasAmpratam.h . 
shriya.n hyavinayo hanti jarA rUpamivottamam.h .. 12..

bhaxyottama pratichchhannaM matsyo baDishamAyasam.h . 
rUpAbhipAtI grasate nAnubandhamavexate .. 13..

yachchhakya.n grasituM grasyaM grastaM pariNamechcha yat.h . 
hita.n cha pariNAme yattadadyaM bhUtimichchhatA .. 14..

vanaspaterapakvAni phalAni prachinoti yaH . 
sa nApnoti rasa.n tebhyo bIjaM chAsya vinashyati .. 15..

yastu pakvamupAdatte kAle pariNataM phalam.h . 
phalAdrasa.n sa labhate bIjAchchaiva phalaM punaH .. 16..

yathA madhu samAdatte raxanpuShpANi ShaTpadaH . 
tadvadarthAnmanuShyebhya AdadyAdavihi.nsayA .. 17..

puShpaM puShpa.n vichinvIta mUlachchhedaM na kArayet.h . 
mAlAkAra ivArAme na yathA~NgArakArakaH .. 18..

kiM nu me syAdida.n kR^itvA kiM nu me syAdakurvataH . 
iti karmANi sa~ncintya kuryAdvA puruSho na vA .. 19..

anArabhyA bhavantyarthAH ke chinnitya.n tathAgatAH . 
kR^itaH puruShakAro.api bhavedyeShu nirarthakaH .. 20..

kAMshchidarthAnnaraH prAGYo labhu mUlAnmahAphalAn.h . 
xipramArabhate kartuM na vighnayati tAdR^ishAn.h .. 21..

R^iju pashyati yaH sarva.n chaxuShAnupibanniva . 
AsInamapi tUShNIkamanurajyanti taM prajAH .. 22..

chaxuShA manasA vAchA karmaNA cha chaturvidham . 
prasAdayati loka.n yastaM loko.anuprasIdati .. 23..

yasmAttrasyanti bhUtAni mR^igavyAdhAnmR^igA iva . 
sAgarAntAmapi mahI.n labdhvA sa parihIyate .. 24..

pitR^ipaitAmaha.n rAjyaM prAptavAnsvena tejasA . 
vAyurabhramivAsAdya bhraMshayatyanaye sthitaH .. 25..

dharmamAcharato rAGYaH sadbhishcharitamAditaH . 
vasudhA vasusampUrNA vardhate bhUtivardhanI .. 26..

atha santyajato dharmamadharma.n chAnutiShThataH . 
pratisa.nveShTate bhUmiragnau charmAhita.n yathA .. 27..

ya eva yatnaH kriyate prara rAShTrAvamardane . 
sa eva yatnaH kartavyaH svarAShTra paripAlane .. 28..

dharmeNa rAjya.n vindeta dharmeNa paripAlayet.h . 
dharmamUlA.n shriyaM prApya na jahAti na hIyate .. 29..

apyunmattAtpralapato bAlAchcha parisarpataH . 
sarvataH sAramAdadyAdashmabhya iva kA~nchanam.h .. 30..

suvyAhR^itAni sudhiyA.n sukR^itAni tatastataH . 
sa~ncinvandhIra AsIta shilA hArI shila.n yathA .. 31..

gandhena gAvaH pashyanti vedaiH pashyanti brAhmaNAH . 
chAraiH pashyanti rAjAnashchaxurbhyAmitare janAH .. 32..

bhUyA.nsa.n labhate kleshaM yA gaurbhavati durduhA . 
atha yA suduhA rAjannaiva tA.n vinayantyapi .. 33..

yadataptaM praNamati na tatsantApayantyapi . 
yachcha svayaM nata.n dAru na tatsaMnAmayantyapi .. 34..

etayopamayA dhIraH saMnameta balIyase . 
indrAya sa praNamate namate yo balIyase .. 35..

parjanyanAthAH pashavo rAjAno mitra bAndhavAH . 
patayo bAndhavAH strINAM brAhmaNA veda bAndhavAH .. 36..

satyena raxyate dharmo vidyA yogena raxyate . 
mR^ijayA raxyate rUpa.n kula.n vR^ittena raxyate .. 37..

mAnena raxyate dhAnyamashvAnraxyatyanukramaH . 
abhIxNadarshanAdgAvaH striyo raxyAH kuchelataH .. 38..

na kula.n vR^itti hInasya pramANamiti me matiH . 
antyeShvapi hi jAtAnA.n vR^ittameva vishiShyate .. 39..

ya IrShyuH paravitteShu rUpe vIrye kulAnvaye . 
sukhe saubhAgyasatkAre tasya vyAdhiranantakaH .. 40..

akArya karaNAdbhItaH kAryANA.n cha vivarjanAt.h . 
akAle mantrabhedAchcha yena mAdyenna tatpibet.h .. 41..

vidyAmado dhanamadastR^itIyo.abhijano madaH . 
ete madAvaliptAnAmeta eva satA.n damAH .. 42..

asanto.abhyarthitAH sadbhiH ki.n chitkAryaM kadA chana . 
manyante santamAtmAnamasantamapi vishrutam.h .. 43..

gatirAtmavatA.n santaH santa eva satA.n gatiH . 
asatA.n cha gatiH santo na tvasantaH satAM gatiH .. 44..

jitA sabhA vastravatA samAshA gomatA jitA . 
adhvA jito yAnavatA sarva.n shIlavatA jitam.h .. 45..

shIlaM pradhAnaM puruShe tadyasyeha praNashyati . 
na tasya jIvitenArtho na dhanena na bandhubhiH .. 46..

ADhyAnAM mA.nsaparamaM madhyAnA.n gorasottaram.h . 
lavaNottara.n daridrANAM bhojanaM bharatarShabha .. 47..

sampannataramevAnna.n daridrA bhu~njate sadA . 
xutsvAdutA.n janayati sA chADhyeShu sudurlabhA .. 48..

prAyeNa shrImatA.n loke bhoktuM shaktirna vidyate . 
daridrANA.n tu rAjendra api kAShTha.n hi jIryate .. 49..

avR^ittirbhayamantyAnAM madhyAnAM maraNAdbhayam.h . 
uttamAnA.n tu martyAnAmavamAnAtparaM bhayam.h .. 50..

aishvaryamadapApiShThA madAH pAnamadAdayaH . 
aishvaryamadamatto hi nApatitvA vibudhyate .. 51..

indriyaurindriyArtheShu vartamAnairanigrahaiH . 
tairaya.n tApyate loko naxatrANi grahairiva .. 52..

yo jitaH pa~nchavargeNa sahajenAtma karshinA . 
Apadastasya vardhante shuklapaxa ivoDurAD.h .. 53..

avijitya ya AtmAnamamAtyAnvijigIShate . 
amitrAnvAjitAmAtyaH so.avashaH parihIyate .. 54..

AtmAnameva prathama.n desharUpeNa yo jayet.h . 
tato.amAtyAnamitrAMshcha na mogha.n vijigIShate .. 55..

vashyendriya.n jitAmAtyaM dhR^itadaNDa.n vikAriShu . 
parIxya kAriNa.n dhIramatyanta.n shrIrniShevate .. 56..

rathaH sharIraM puruShasya rAjan.h 
nAtmA niyantendriyANyasya chAshvAH . 
tairapramattaH kushalaH sadashvair 
dAntaiH sukha.n yAti rathIva dhIraH .. 57..

etAnyanigR^ihItAni vyApAdayitumapyalam.h . 
avidheyA ivAdAntA hayAH pathi kusArathim.h .. 58..

anarthamarthataH pashyannarta.n chaivApyanarthataH . 
indriyaiH prasR^ito bAlaH suduHkhaM manyate sukham.h .. 59..

dharmArthau yaH parityajya syAdindriyavashAnugaH . 
shrIprANadhanadArebhya xipra.n sa parihIyate .. 60..

arthAnAmIshvaro yaH syAdindriyANAmanIshvaraH . 
indriyANAmanaishvaryAdaishvaryAdbhrashyate hi saH .. 61..

AtmanAtmAnamanvichchhenmano buddhIndriyairyataiH . 
Atmaiva hyAtmano bandhurAtmaiva ripurAtmanaH .. 62..

xudrAxeNeva jAlena jhaShAvapihitAvubhau . 
kAmashcha rAjankrodhashcha tau prAGYAna.n vilumpataH .. 63..

samavexyeha dharmArthau sambhArAnyo.adhigachchhati . 
sa vai sambhR^ita sambhAraH satata.n sukhamedhate .. 64..

yaH pa~nchAbhyantarA~nshatrUnavijitya matixayAn.h . 
jigIShati ripUnanyAnripavo.abhibhavanti tam.h .. 65..

dR^ishyante hi durAtmAno vadhyamAnAH svakarma bhiH . 
indriyANAmanIshatvAdrAjAno rAjyavibhramaiH .. 66..

asantyAgAtpApakR^itAmapApA.ns 
tulyo daNDaH spR^ishate mishrabhAvAt.h . 
shuShkeNArdra.n dahyate mishrabhAvAt.h 
tasmAtpApaiH saha sandhiM na kuryAt.h .. 67..

nijAnutpatataH shatrUnpa~ncha pa~ncha prayojanAn.h . 
yo mohAnna nighR^ihNAti tamApadgrasate naram.h .. 68..

anasUyArjava.n shauchaM santoShaH priyavAditA . 
damaH satyamanAyAso na bhavanti durAtmanAm.h .. 69..

AtmaGYAnamanAyAsastitixA dharmanityatA . 
vAkchaiva guptA dAna.n cha naitAnyantyeShu bhArata .. 70..

Akrosha parivAdAbhyA.n vihi.nsantyabudhA budhAn.h . 
vaktA pApamupAdatte xamamANo vimuchyate .. 71..

hi.nsA balamasAdhUnA.n rAGYA.n daNDavidhirbalam.h . 
shushrUShA tu bala.n strINA.n xamAguNavatAM balam.h .. 72..

vAksa.nyamo hi nR^ipate suduShkaratamo mataH . 
arthavachcha vichitra.n cha na shakyaM bahubhAShitum.h .. 73..

abhyAvahati kalyANa.n vividhA vAksubhAShitA . 
saiva durbhAShitA rAjannanarthAyopapadyate .. 74..

sa.nrohati sharairviddha.n vanaM parashunA hatam.h . 
vAchA duruktaM bIbhatsaM na sa.nrohati vAkxatam.h .. 75..

karNinAlIkanArAchA nirharanti sharIrataH . 
vAkshalyastu na nirhartu.n shakyo hR^idi shayo hi saH .. 76..

vAksAyakA vadanAnniShpatanti 
yairAhataH shochati ratryahAni . 
parasya nAmarmasu te patanti 
tAnpaNDito nAvasR^ijetpareShu .. 77..

yasmai devAH prayachchhanti puruShAya parAbhavam.h . 
buddhi.n tasyApakarShanti so.apAchInAni pashyati .. 78..

buddhau kaluSha bhUtAyA.n vinAshe pratyupasthite . 
anayo nayasa~NkAsho hR^idayAnnApasarpati .. 79..

seyaM buddhiH parItA te putrANA.n tava bhArata . 
pANDavAnA.n virodhena na chainAm avabudhyase .. 80..

rAjA laxaNasampannastrailokyasyApi yo bhavet.h . 
shiShyaste shAsitA so.astu dhR^itarAShTra yudhiShThiraH .. 81..

atIva sarvAnputrA.nste bhAgadheya puraskR^itaH . 
tejasA praGYayA chaiva yukto dharmArthatattvavit.h .. 82..

AnR^isha.nsyAdanukroshAdyo.asau dharmabhR^itA.n varaH . 
gauravAttava rAjendra bahUnkleshA.nstitixati .. 83..


.. iti shriimahaabhaarate udyogaparvaNi prajaagaraparvaNi
			viduraniitivaakye chatustri.nsho.adhyaayaH .. 34..

\zzz{adhyaayaH 35}

 dhR^itaraashhTra uvaacha .

brUhi bhUyo mahAbuddhe dharmArthasahita.n vachaH . 
shR^iNvato nAsti me tR^iptirvichitrANIha bhAShase .. 1..

 vidura uvaacha .

sarvatIrtheShu vA snAna.n sarvabhUteShu chArjavam.h . 
ubhe ete same syAtAmArjava.n vA vishiShyate .. 2..

ArjavaM pratipadyasva putreShu satata.n vibho . 
iha kIrtiM parAM prApya pretya svargamavApsyasi .. 3..

yAvatkIrtirmanuShyasya puNyA lokeShu gIyate . 
tAvatsa puruShavyAghra svargaloke mahIyate .. 4..

atrApyudAharantImamitihAsaM purAtanam.h . 
virochanasya sa.nvAda.n keshinyarthe sudhanvanA .. 5..

 keshinyuvaacha .

kiM brAhmaNAH svichchhreyA.nso ditijAH svidvirochana . 
atha kena sma parya~Nka.n sudhanvA nAdhirohati .. 6..

 virochana uvaacha .

prAjApatyA hi vai shreShThA vaya.n keshini sattamAH . 
asmAka.n khalvime lokAH ke devAH ke dvijAtayaH .. 7..

 keshinyuvaacha .

ihaivAssva pratIxAva upasthAne virochana . 
sudhanvA prAtarAgantA pashyeya.n vAM samAgatau .. 8..

 virochana uvaacha .

tathA bhadre kariShyAmi yathA tvaM bhIru bhAShase . 
sudhanvAna.n cha mAM chaiva prAtardraShTAsi sa~Ngatau .. 9..

 vidura uvaacha .

anvAlabhe hiraNmayaM prAhrAde.aha.n tavAsanam.h . 
ekatvamupasampanno na tvAseya.n tvayA saha .. 10..

 virochana uvaacha .

anvAharantu phalaka.n kUrcha.n vApyatha vA bR^isIm.h . 
sudhanvanna tvamarho.asi mayA saha samAsanam.h .. 11..

 sudhanvovaacha .
pitApi te samAsInamupAsItaiva mAmadhaH . 
bAlaH sukhaidhito gehe na tva.n kiM chana budhyase .. 12..

 virochana uvaacha .

hiraNya.n cha gavAshvaM cha yadvittamasureShu naH . 
sudhanvanvipaNe tena prashnaM pR^ichchhAva ye viduH .. 13..

 sudhanvovaacha .
hiraNya.n cha gavAshvaM cha tavaivAstu virochana . 
prANayostu paNa.n kR^itvA prashnaM pR^ichchhAva ye viduH .. 14..

 virochana uvaacha .

AvA.n kutra gamiShyAvaH prANayorvipaNe kR^ite . 
na hi deveShvaha.n sthAtA na manuShyeShu karhi chit.h .. 15..

 sudhanvovaacha .
pitara.n te gamiShyAvaH prANayorvipaNe kR^ite . 
putrasyApi sa hetorhi prahrAdo nAnR^ita.n vadet.h .. 16..

 prahlaada uvaacha .

imau tau sampradR^ishyete yAbhyAM na charita.n saha . 
AshIviShAviva kruddhAvekamArgamihAgatau .. 17..

ki.n vai sahaiva charato na purA charataH saha . 
virochanaitatpR^ichchhAmi ki.n te sakhya.n sudhanvanA .. 18..

 virochana uvaacha .

na me sudhanvanA sakhyaM prANayorvipaNAvahe . 
prahrAda tattvAmR^ipchchhAmi mA prashnamanR^ita.n vadIH .. 19..

 prahlaada uvaacha .

udakaM madhuparka.n chApyAnayantu sudhanvane . 
brahmannabhyarchanIyo.asi shvetA gauH pIvarI kR^itA .. 20..

 sudhanvovaacha .
udakaM madhuparka.n cha patha evArpitaM mama . 
prahrAda tva.n tu nau prashnaM tathyaM prabrUhi pR^ichchhatoH .. 21..

 prahlaada uvaacha .

purto vAnyo bhavAnbrahmansAxye chaiva bhavetsthitaH . 
tayorvivadatoH prashna.n kathamasmadvibho vadet.h .. 22..

atha yo naiva prabrUyAtsatya.n vA yadi vAnR^itam.h . 
etatsudhanvanpR^ichchhAmi durvivaktA sma ki.n vaset.h .. 23..

 sudhanvovaacha .
yA.n rAtrimadhivinnA strI yA.n chaivAxa parAjitaH . 
yA.n cha bhArAbhitaptA~Ngo durvivaktA sma tA.n vaset.h .. 24..

nagare pratiruddhaH sanbahirdvAre bubhuxitaH . 
amitrAnbhUyasaH pashyandurvivaktA sma tA.n vaset .. 25..

pa~ncha pashvanR^ite hanti dasha hanti gavAnR^ite . 
shatamashvAnR^ite hanti sahasraM puruShAnR^ite .. 26..

hanti jAtAnajAtAMshcha hiraNyArtho.anR^ita.n vadan.h . 
sarvaM bhUmyanR^ite hanti mA sma bhUmyanR^ita.n vadIH .. 27..

 prahlaada uvaacha .

mattaH shreyAna~NgirA vai sudhanvA tvadvirochana . 
mAtAsya shreyasI mAtustasmAttva.n tena vai jitaH .. 28..

virochana sudhanvAyaM prANAnAmIshvarastava . 
sudhanvanpunarichchhAmi tvayA datta.n virochanam.h .. 29..

 sudhanvovaacha .
yaddharmamavR^iNIthAstvaM na kAmAdanR^ita.n vadIH . 
punardadAmi te tasmAtputraM prahrAda durlabham.h .. 30..

eSha prahrAda putraste mayA datto virochanaH . 
pAdapraxAlana.n kuryAtkumAryAH saMnidhau mama .. 31..

 vidura uvaacha .

tasmAdrAjendra bhUmyarthe nAnR^ita.n vaktumarhasi . 
mA gamaH sa sutAmAtyo.atyayaM putrAnanubhraman.h .. 32..

na devA yaShTimAdAya raxanti pashupAlavat.h . 
ya.n tu raxitumichchhanti buddhyA sa.nvibhajanti tam.h .. 33..

yathA yathA hi puruShaH kalyANe kurute manaH . 
tathA tathAsya sarvArthAH sidhyante nAtra saMshayaH .. 34..

na chhandA.nsi vR^ijinAttArayanti 
AyAvinaM mAyayA vartamAnam.h . 
nIDa.n shakuntA iva jAtapaxAsh 
chhandA.nsyenaM prajahatyantakAle .. 35..

mattApAna.n kalahaM pUgavairaM 
bhAryApatyorantara.n GYAtibhedam.h . 
rAjadviShTa.n strIpumA.nsorvivAdaM 
varjyAnyAhuryashcha panthAH praduShThaH .. 36..

sAmudrika.n vaNija.n chorapUrvaM 
shalAka dhUrta.n cha chikitsakaM cha . 
ari.n cha mitraM cha kushIlavaM cha 
naitAnsAkhyeShvadhikurvIta sapta .. 37..

mAnAgnihotramuta mAnamaunaM 
mAnenAdhItamuta mAnayaGYaH . 
etAni chatvAryabhaya~NkarANi 
bhayaM prayachchhantyayathA kR^itAni .. 38..

agAra dAhI garadaH kuNDAshI somavikrayI . 
parva kArashcha sUchI cha mitra dhrukpAradArikaH .. 39..

bhrUNahA guru talpI cha yashcha syAtpAnapo dvijaH . 
atitIxNashcha kAkashcha nAstiko veda nindakaH .. 40..

sruva pragrahaNo vrAtyaH kInAshashchArthavAnapi . 
raxetyuktashcha yo hi.nsyAtsarve brahmaNhaNaiH samAH .. 41..

tR^iNoklayA GYAyate jAtarUpaM 
yuge bhadro vyavahAreNa sAdhuH . 
shUro bhayeShvarthakR^ichchhreShu dhIraH 
kR^ichchhrAsvApatsu suhR^idashchArayash cha .. 42..

jarA rUpa.n harati hi dhairyamAshA 
mR^ityuH prANAndharmacharyAmasUyA . 
krodhaH shriya.n shIlamanArya sevA 
hriya.n kAmaH sarvamevAbhimAnaH .. 43..

shrIrma~NgalAtprabhavati prAgalbhyAtsampravardhate . 
dAxyAttu kurute mUla.n sa.nyamAtpratitiShThati .. 44..

aShTau guNAH puruSha.n dIpayanti 
praGYA cha kaulya.n cha damaH shrutaM cha . 
parAkramashchAbahu bhAShitA cha 
dAna.n yathAshakti kR^itaGYatA cha .. 45..

etAnguNA.nstAta mahAnubhAvAn.h 
eko guNaH saMshrayate prasahya . 
rAjA yadA satkurute manuShyaM 
sarvAnguNAneSha guNo.atibhAti .. 46..

aShTau nR^ipemAni manuShyaloke 
svargasya lokasya nidarshanAni . 
chatvAryeShAmanvavetAni sadbhish 
chatvAryeShAmanvavayanti santaH .. 47..

yaGYo dAnamadhyayana.n tapash cha 
chatvAryetAnyanvavetAni sadbhiH . 
damaH satyamArjavamAnR^isha.nsyaM 
chatvAryetAnyanvavayanti santaH .. 48..

na sA sabhA yatra na santi vR^iddhA 
na te vR^iddhA ye na vadanti dharmam.h . 
nAsau harmo yatana satyamasti 
na tatsatya.n yachchhalenAnuviddham.h .. 49..

satya.n rUpaM shrutaM vidyA kaulyaM shIlaM bala.n dhanam.h . 
shaurya.n cha chirabhAShyaM cha dashaH sa.nsargayonayaH .. 50..

pApa.n kurvanpApakIrtiH pApamevAshnute phalam.h . 
puNya.n kurvanpuNyakIrtiH puNyamevAshnute phalam.h .. 51..

pApaM praGYAM nAshayati kriyamANaM punaH punaH . 
naShTapraGYaH pApameva nityamArabhate naraH .. 52..

puNyaM praGYA.n vardhayati kriyamANaM punaH punaH . 
vR^iddhapraGYaH puNyameva nityamArabhate naraH .. 53..

asUyako danda shUko niShThuro vairakR^innaraH . 
sa kR^ichchhraM mahadApnoto nachirAtpApamAcharan.h .. 54..

anasUyaH kR^itapraGYTaH shobhanAnyAcharansadA . 
akR^ichchhrAtsukhamApnoti sarvatra cha virAjate .. 55..

praGYAmevAgamayati yaH prAGYebhyaH sa paNDitaH . 
prAGYo hyavApya dharmArthau shaknoti sukhamedhitum.h .. 56..

divasenaiva tatkuryAdyena rAtau sukha.n vaset.h . 
aShTa mAsena tatkuryAdyena varShAH sukha.n vaset.h .. 57..

pUrve vayasi tatkuryAdyena vR^iddhasukha.n vaset . 
yAvajjIvena tatkuryAdyena pretya sukha.n vaset.h .. 58..

jIrNamannaM prasha.nsanti bhArya.n cha gatayauvanAm.h . 
shUra.n vigatasa~NgrAma.n gatapAraM tapasvinam.h .. 59..

dhanenAdharmalabdhena yachchhidramapidhIyate . 
asa.nvR^ita.n tadbhavati tato.anyadavadIryate .. 60..

gururAtmavatA.n shAstA shAsA rAjA durAtmanAm.h . 
atha prachchhannapApAnA.n shAstA vaivasvato yamaH .. 61..

R^iShINA.n cha nadInAM cha kulAnAM cha mahAmanAm . 
prabhavo nAdhigantavyaH strINA.n dushcharitasya cha .. 62..

dvijAtipUjAbhirato dAtA GYAtiShu chArjavI . 
xatriyaH svargabhAgrAjaMshchiraM pAlayate mahIm.h .. 63..

suvarNapuShpAM pR^ithivI.n chinvanti puruShAstrayaH . 
shUrashcha kR^itavidyashcha yashcha jAnAti sevitum.h .. 64..

buddhishreShThAni karmANi bAhumadhyAni bhArata . 
tAni ja~NghA jaghanyAni bhArapratyavarANi cha .. 65..

duryodhane cha shakunau mUDhe duHshAsane tathA . 
karNe chaishvaryamAdhAya katha.n tvaM bhUtimichchhasi .. 66..

sarvairguNairupetAshcha pANDavA bharatarShabha . 
pitR^ivattvayi vartante teShu vartasva putravat.h .. 67..


.. iti shriimahaabhaarate udyogaparvaNi prajaagaraparvaNi
			vidurahitavaakye paJNchatri.nsho.adhyaayaH .. 35..

\zzz{adhyaayaH 36}

 vidura uvaacha .

atraivodAharantImamitihAsaM purAtanam.h . 
Atreyasya cha sa.nvAda.n sAdhyAnA.n cheti naH shrutam.h .. 1..

charanta.n ha.nsarUpeNa maharShiM saMshitavratam.h . 
sAdhyA devA mahAprAGYaM paryapR^ichchhanta vai purA .. 2..

 saadhyaa uuchuH .
sAdhyA devA vaymasmo maharShe 
dR^iShTvA bhavantaM na shaknumo.anumAtum.h . 
shrutena dhIro buddhimA.nstvaM mato naH 
kAvyA.n vAchaM vaktumarhasyudArAm .. 3..

 ha.nsa uvaacha .

etatkAryamamarAH saMshrutaM me 
dhR^itiH shamaH satyadharmAnuvR^ittiH . 
granthi.n vinIya hR^idayasya sarvaM 
priyApriye chAtmavashaM nayIta .. 4..

AkrushyamAno nAkroshenmanyureva titixitaH . 
AkroShTAraM nirdahati sukR^ita.n chAsya vindati .. 5..

nAkroshI syAnnAvamAnI parasya 
mitradrohI nota nIchopasevI . 
na chAtimAnI na cha hInavR^itto 
rUxA.n vAchaM rushatIM varjayIta .. 6..

marmANyasthIni hR^idaya.n tathAsUn.h 
ghorA vAcho nirdahantIha pu.nsAm.h . 
tasmAdvAcha.n rushatIM rUxarUpAM 
dharmArAmo nityasho varjayIta .. 7..

aru.n turaM paruSha.n rUxavAchaM 
vAkkaNTakairvitudantaM manuShyAn.h . 
vidyAdalaxmIkatama.n janAnAM 
mukhe nibaddhAM nirR^iti.n vahantam.h .. 8..

parashchedenamadhividhyeta bANair 
bhR^isha.n sutIxNairanalArka dIptaiH . 
virichyamAno.apyatirichyamAno 
vidyAtkaviH sukR^itaM me dadhAti .. 9..

yadi santa.n sevate yadyasantaM 
tapasvina.n yadi vA stenameva . 
vAso yathA ra~Nga vashaM prayAti 
tathA sa teShA.n vashamabhyupaiti .. 10..

vAda.n tu yo na pravadenna vAdayed.h 
yo nAhataH pratihanyAnna ghAtayet.h . 
yo hantukAmasya na pApamichchhet.h 
tasmai devAH spR^ihayantyAgatAya .. 11..

avyAhR^ita.n vyAhR^itAchchhreya AhuH 
satya.n vadedvyAhR^ita.n taddvitIyam.h . 
priya.nvadedvyAhR^ita.n tattR^itIyaM 
dharmya.n vadedvyAhR^ita.n tachchaturtham.h .. 12..

yAdR^ishaiH sa.nvivadate yAdR^ishAMsh chopasevate . 
yAdR^igichchhechcha bhavitu.n tAdR^igbhavati pUruShaH .. 13..

yato yato nivartate tatastato vimuchyate . 
nivartanAddhi sarvato na vetti duHkhamaNvapi .. 14..

na jIyate nota jigIShate.anyAn.h 
na vairakkR^ichchApratighAtakash cha . 
nindA prasha.nsAsu samasvabhAvo 
na shochate hR^iShyati naiva chAyam.h .. 15..

bhAvamichchhati sarvasya nAbhAve kurute matim.h . 
satyavAdI mR^idurdAnto yaH sa uttamapUruShaH .. 16..

nAnarthaka.n sAntvayati pratiGYAya dadAti cha . 
rAddhAparAddhe jAnAti yaH sa madhyamapUruShaH .. 17..

duHshAsanastUpahantA na shAstA 
nAvartate manyuvashAtkR^itaghnaH . 
na kasya chinmitramatho durAtmA 
kalAshchaitA adhamasyeha pu.nsaH .. 18..

na shraddadhAti kalyANaM parebhyo.apyAtmasha~NkitaH . 
nirAkaroti mitrANi yo vai so.adhama pUruShaH .. 19..

uttamAneva seveta prApte kAle tu madhyamAn.h . 
adhamA.nstu na seveta ya ichchhechchhreya AtmanaH .. 20..

prApnoti vai vittamasadbalena 
nityotthAnAtpraGYayA pauruSheNa . 
na tveva samyaglabhate prasha.nsAM 
na vR^ittamApnoti mahAkulAnAm.h .. 21..

 dhR^itaraashhTra uvaacha .

mahAkulAnA.n spR^ihayanti devA 
dharmArthavR^iddhAshcha bahushrutAsh cha . 
pR^ichchhAmi tvA.n vidura prashnametaM 
bhavanti vai kAni mahAkulAni .. 22..

 vidura uvaacha .

tamo damo brahmavittva.n vitAnAH 
puNyA vivAhAH satatAnna dAnam.h . 
yeShvevaite saptaguNA bhavanti 
samyagvR^ittAstAni mahAkulAni .. 23..

yeShAM na vR^itta.n vyathate na yonir 
vR^ittaprasAdena charanti dharmam.h . 
ye kIrtimichchhanti kule vishiShTAM 
tyaktAnR^itAstAni mahAkulAni .. 24..

anijyayAvivAhairshcha vedasyotsAdanena cha . 
kulAnyakulatA.n yAnti dharmasyAtikrameNa cha .. 25..

deva dravyavinAshena brahma svaharaNena cha . 
kulAnyakulatA.n yAnti brAhmaNAtikrameNa cha .. 26..

brAhmaNAnAM paribhavAtparivAdAchcha bhArata . 
kulAnyakulatA.n yAnti nyAsApaharaNena cha .. 27..

kulAni samupetAni gobhiH puruShato.ashvataH . 
kulasa~NkhyAM na gachchhanti yAni hInAni vR^ittataH .. 28..

vR^ittatastvavihInAni kulAnyalpadhanAnyapi . 
kulasa~NkhyA.n tu gachchhanti karShanti cha mayadyashaH .. 29..

mA naH kule vairakR^itkash chidastu 
rAjAmAtyo mA parasvApahArI . 
mitradrohI naikR^itiko.anR^itI vA 
pUrvAshI vA pitR^idevAtithibhyaH .. 30..

yashcha no brAhmaNa.n hanyAdyashcha no brAhmaNAndviShet.h . 
na naH sa samiti.n gachchhedyashcha no nirvapetkR^iShim.h .. 31..

tR^iNAni bhUmirudaka.n vAkchaturthI cha sUnR^itA . 
satAmetAni geheShu nochchhidyante kadA chana .. 32..

shraddhayA parayA rAjannupanItAni satkR^itim.h . 
pravR^ittAni mahAprAGYa dharmiNAM puNyakarmaNAm.h .. 33..

sUxmo.api bhAraM nR^ipate syandano vai 
shakto voDhuM na tathAnye mahIjAH . 
eva.n yuktA bhArasahA bhavanti 
mahAkulInA na tathAnye manuShyAH .. 34..

na tanmitra.n yasya kopAdbibheti 
yadvA mitra.n sha~Nkitenopacharyam.h . 
yasminmitre pitarIvAshvasIta 
tadvai mitra.n sa~NgatAnItarANi .. 35..

yadi chedapyasambandho mitrabhAvena vartate . 
sa eva bandhustanmitra.n sA gatistatparAyaNam.h .. 36..

chalachittasya vai pu.nso vR^iddhAnanupasevataH . 
pAriplavamaternityamadhruvo mitra sa~NgrahaH .. 37..

chalachittamanAtmAnamindriyANA.n vashAnugam.h . 
arthAH samativartante ha.nsAH shuShka.n saro yathA .. 38..

akasmAdeva kupyanti prasIdantyanimittataH . 
shIlametadasAdhUnAmabhraM pAriplava.n yathA .. 39..

satkR^itAshcha kR^itArthAshcha mitrANAM na bhavanti ye . 
tAnmR^itAnapi kravyAdAH kR^itaghnAnnopabhu~njate .. 40..

arthayedeva mitrANi sati vAsati vA dhane . 
nAnarthayanvijAnAti mitrANA.n sAraphalgutAm.h .. 41..

santApAdbhrashyate rUpa.n santApAdbhrashyate balam.h . 
santApAdbhrashyate GYAna.n santApAdvyAdhimR^ichchhati .. 42..

anavApya.n cha shokena sharIraM chopatapyate . 
amitrAshcha prahR^iShyanti mA sma shoke manaH kR^ithAH .. 43..

punarnaro mriyate jAyate cha 
punarnaro hIyate vardhate punaH . 
punarnaro yAchati yAchyate cha 
punarnaraH shochati shochyate punaH .. 44..

sukha.n cha duHkhaM cha bhavAbhavau cha 
lAbhAlAbhau maraNa.n jIvitaM cha . 
paryAyashaH sarvamiha spR^ishanti 
tasmAddhIro naiva hR^iShyenna shochet.h .. 45..

chalAni hImAni ShaDindriyANi 
teShA.n yadyadvartate yatra yatra . 
tatastataH sravate buddhirasya 
chhidroda kumbhAdiva nityamambhaH .. 46..

 dhR^itaraashhTra uvaacha .

tanuruchchhaH shikhI rAjA mithyopacharito mayA . 
mandAnAM mama putrANA.n yuddhenAnta.n kariShyati .. 47..

nityodvignamida.n sarvaM nityodvignamidaM manaH . 
yattatpadamanudvigna.n tanme vada mahAmate .. 48..

vidura uvaacha .

nAnyatra vidyA tapasornAnyatrendriya nigrahAt.h . 
nAnyatra lobhasantyAgAchchhAntiM pashyAma te.anagha .. 49..

buddhyA bhayaM praNudati tapasA vindate mahat.h . 
gurushushrUShayA GYAna.n shAnti.n tyAgena vindati .. 50..

anAshritA dAnapuNya.n veda puNyamanAshritAH . 
rAgadveShavinirmuktA vicharantIha moxiNaH .. 51..

svadhItasya suyuddhasya sukR^itasya cha karmaNaH . 
tapasashcha sutaptasya tasyAnte sukhamedhate .. 52..

svAstIrNAni shayanAni prapannA 
na vai bhinnA jAtu nidrA.n labhante . 
na strIShu rAjanratimApnuvanti 
na mAgadhaiH stUyamAnA na sUtaiH .. 53..

na vai bhinnA jAtu charanti dharmaM 
na vai sukhaM prApnuvantIha bhinnAH . 
na vai bhinnA gauravaM mAnayanti 
na vai bhinnAH prashama.n rochayanti .. 54..

na vai teShA.n svadate pathyamuktaM 
yogaxema.n kalpate nota teShAm.h . 
bhinnAnA.n vai manujendra parAyaNaM 
na vidyate ki.n chidanyadvinAshAt.h .. 55..

sambhAvya.n goShu sampanna.n sambhAvyaM brAhmaNe tapaH . 
sambhAvya.n strIShu chApalyaM sambhAvyaM GYAtito bhayam.h .. 56..

tantavo.apyAyatA nitya.n tantavo bahulAH samAH . 
bahUnbahutvAdAyAsAnsahantItyupamA satAm.h .. 57..

dhUmAyante vyapetAni jvalanti sahitAni cha . 
dhR^itarAShTrolmukAnIva GYAtayo bharatarShabha .. 58..

brAhmaNeShu cha ye shUrAH strIShu GYAtiShu goShu cha . 
vR^intAdiva phalaM pakva.n dhR^itarAShTra patanti te .. 59..

mahAnapyekajo vR^ixo balavAnsupratiShThitaH . 
prasahya eva vAtena shAkhA skandha.n vimarditum.h .. 60..

atha ye sahitA vR^ixAH sa~NghashaH supratiShThitAH . 
te hi shIghratamAnvAtAnsahante.anyonyasaMshrayAt.h .. 61..

evaM manuShyamapyeka.n guNairapi samanvitam.h . 
shakya.n dviShanto manyante vAyurdrumamivaukajam.h .. 62..

anyonyasamupaShTambhAdanyonyApAshrayeNa cha . 
GYAtayaH sampravardhante sarasIvotpalAnyuta .. 63..

avadhyA brAhmaNA gAvo striyo bAlAshcha GYAtayaH . 
yeShA.n chAnnAni bhu~njIta ye cha syuH sharaNAgatAH .. 64..

na manuShye guNaH kashchidanyo dhanavatAm api . 
anAturatvAdbhadra.n te mR^itakalpA hi rogiNaH .. 65..

avyAdhija.n kaTuka.n shIrSha rogaM 
pApAnubandhaM paruSha.n tIxNamugram.h . 
satAM peya.n yanna pibantyasanto 
manyuM mahArAja piba prashAmya .. 66..

rogArditA na phalAnyAdriyante 
na vai labhante viShayeShu tattvam.h . 
duHkhopetA rogiNo nityameva 
na budhyante dhanabhogAnna saukhyam.h .. 67..

purA hyukto nAkarostva.n vacho me 
dyUte jitA.n draupadIM prexya rAjan.h . 
duryodhana.n vArayetyaxavatyAM 
kitavatvaM paNDitA varjayanti .. 68..

na tadbala.n yanmR^idunA virudhyate 
mishro dharmastarasA sevitavyaH . 
pradhva.nsinI krUrasamAhitA shrIr 
mR^iduprauDhA gachchhati putrapautrAn.h .. 69..

dhArtarAShTrAH pANDavAnpAlayantu 
pANDoH sutAstava putrAMshcha pAntu . 
ekArimitrAH kuravo hyekamantrA 
jIvantu rAjansukhinaH samR^iddhAH .. 70..

meDhIbhUtaH kauravANA.n tvamadya 
tvayyAdhIna.n kuru kulamAjamIDha . 
pArthAnbAlAnvanavAsa prataptAn.h 
gopAyasva sva.n yashastAta raxan.h .. 71..

sandhatsva tva.n kauravAnpANDuputrair 
mA te.antara.n ripavaH prArthayantu . 
satye sthitAste naradeva sarve 
duryodhana.n sthApaya tvaM narendra .. 72..


.. iti shriimahaabhaarate udyogaparvaNi prajaagaraparvaNi 
		  	vidurahitavaakye shhaT.htri.nsho.adhyaayaH .. 36..

\zzz{adhyaayaH 37}

 vidura uvaacha .

saptadashemAnrAjendra manuH svAyambhuvo.abravIt.h . 
vaichitravIrya puruShAnAkAshaM muShTibhirghnataH .. 1..

tAnevindrasya hi dhanuranAmyaM namato.abravIt.h . 
atho marIchinaH pAdAnanAmyAnnamatastathA .. 2..

yashchAshiShya.n shAsati yash cha kupyate 
yashchAtivelaM bhajate dviShantam.h . 
striyashcha yo.araxati bhadramastu te 
yashchAyAchya.n yAchati yash cha katthate .. 3..

yashchAbhijAtaH prakarotyakAryaM 
yashchAbalo balinA nityavairI . 
ashraddadhAnAya cha yo bravIti 
yashchAkAmya.n kAmayate narendra .. 4..

vadhvA hAsa.n shvashuro yash cha manyate 
vadhvA vasannuta yo mAnakAmaH . 
paraxetre nirvapati yashcha bIjaM 
striya.n cha yaH parivadate.ativelam.h .. 5..

yashchaiva labdhvA na smarAmItyuvAcha 
dattvA cha yaH katthati yAchyamAnaH . 
yashchAsataH sAntvamupAsatIha 
ete.anuyAntyanilaM pAshahastAH .. 6..

yasminyathA vartate yo manuShyas 
tasmi.nstathA vartitavya.n sa dharmaH . 
mAyAchAro mAyayA vartitavyaH 
sAdhvAchAraH sAdhunA pratyudeyaH .. 7..

 dhR^itaraashhTra uvaacha .

shatAyuruktaH puruShaH sarvavedeShu vai yadA . 
nApnotyatha cha tatsarvamAyuH keneha hetunA .. 8..

 vidura uvaacha .

ativAdo.atimAnashcha tathAtyAgo narAdhipaH . 
krodhashchAtivivitsA cha mitradrohashcha tAni ShaT.h .. 9..

eta evAsayastIxNAH kR^intantyAyUMShi dehinAm.h . 
etAni mAnavAnghnanti na mR^ityurbhadramastu te .. 10..

vishvastasyaiti yo dArAnyashchApi guru takpagaH . 
vR^iShalI patirdvijo yashcha pAnapashchaiva bhArata .. 11..

sharaNAgatahA chaiva sarve brahmahaNaiH samAH . 
etaiH sametya kartavyaM prAyashchittamiti shrutiH .. 12..

gR^ihI vadAnyo.anapaviddha vAkyaH 
sheShAnna bhokApyavihi.nsakash cha . 
nAnarthakR^ittyaktakaliH kR^itaGYaH 
satyo mR^iduH svargamupaiti vidvAn.h .. 13..

sulabhAH puruShA rAjansatataM priyavAdinaH . 
apriyasya tu pathyasya vaktA shrotA cha durlabhaH .. 14..

yo hi dharma.n vyapAshritya hitvA bhartuH priyApriye . 
apriyANyAha pathyAni tena rAjA sahAyavAn.h .. 15..

tyajetkulArthe puruSha.n grAmasyArthe kulaM tyajet.h . 
grAma.n janapadasyArthe AtmArthe pR^ithivIM tyajet.h .. 16..

Apadartha.n dhana.n raxeddArAnraxeddhanairapi . 
AtmAna.n satataM raxeddArairapi dhanairapi .. 17..

uktaM mayA dyUtakAle.api rAjan.h 
naiva.n yuktaM vachanaM prAtipIya . 
tadauShadhaM pathyamivAturasya 
na rochate tava vaichitra vIrya .. 18..

kAkairimAMshchitrabarhAnmayUrAn.h 
parAjaiShThAH pANDavAndhArtarAShTraiH . 
hitvA si.nhAnkroShTu kAngUhamAnaH 
prApte kAle shochitA tvaM narendra .. 19..

yastAta na krudhyati sarvakAlaM 
bhR^ityasya bhaktasya hite ratasya . 
tasminbhR^ityA bhartari vishvasanti 
na chainamApatsu parityajanti .. 20..

na bhR^ityAnA.n vR^itti sa.nrodhanena 
bAhya.n jana.n sa~njighR^ixedapUrvam.h . 
tyajanti hyenamuchitAvaruddhAH 
snigdhA hyamAtyAH parihInabhogAH .. 21..

kR^ityAni pUrvaM parisa~NkhyAya sarvANy 
AyavyayAvanurUpA.n cha vR^ittim.h . 
sa~NgR^ihNIyAdanurUpAnsahAyAn.h 
sahAyasAdhyAni hi duShkarANi .. 22..

abhiprAya.n yo viditvA tu bhartuH 
sarvANi kAryANi karotyatandrIH . 
vaktA hitAnAmanurakta AryaH 
shaktiGYa Atmeva hi so.anukampyaH .. 23..

vAkya.n tu yo nAdriyate.anushiShTaH 
pratyAha yashchApi niyujyamAnaH . 
praGYAbhimAnI pratikUlavAdI 
tyAjyaH sa tAdR^iktvarayaiva bhR^ityaH .. 24..

astabdhamaklIbamadIrghasUtraM 
sAnukrosha.n shlaxNamahAryamanyaiH . 
aroga jAtIyamudAravAkyaM 
dUta.n vadantyaShTa guNopapannam.h .. 25..

na vishvAsAjjAtu parasya gehaM 
gachchhennarashchetayAno vikAle . 
na chatvare nishi tiShThennigUDho 
na rAjanyA.n yoShitaM prArthayIta .. 26..

na nihnava.n satra gatasya gachchhet.h 
sa.nsR^iShTa mantrasya kusa~Ngatasya . 
na cha brUyAnnAshvasAmi tvayIti 
sa kAraNa.n vyapadesha.n tu kuryAt.h .. 27..

ghR^iNI rAjA puMshchalI rAjabhR^ityaH 
putro bhrAtA vidhavA bAla putrA . 
senA jIvI choddhR^ita bhakta eva 
vyavahAre vai varjanIyAH syurete .. 28..

guNA dasha snAnashIlaM bhajante 
bala.n rUpaM svaravarNaprashuddhiH . 
sparshashcha gandhashcha vishuddhatA cha 
shrIH saukumAryaM pravarAshcha nAryaH .. 29..

guNAshcha ShaNmitabhuktaM bhajante 
ArogyamAyushcha sukhaM bala.n cha . 
anAvila.n chAsya bhavedapatyaM 
na chainamAdyUna iti xipanti .. 30..

akarma shIla.n cha mahAshanaM cha 
lokadviShTaM bahu mAyaM nR^isha.nsam.h . 
adeshakAlaGYamaniShTa veSham.h 
etAngR^ihe na prativAsayIta .. 31..

kadaryamAkroshakamashruta.n cha 
varAka sambhUtamamAnya mAninam.h . 
niShThUriNa.n kR^itavairaM kR^itaghnam.h 
etAnbhR^itArto.api na jAtu yAchet .. 32..

sa~NkliShTakarmANamatipravAdaM 
nityAnR^ita.n chAdR^iDha bhaktikaM cha . 
vikR^iShTarAgaM bahumAnina.n chApy 
etAnna seveta narAdhamAnShaT.h .. 33..

sahAyabandhanA hyarthAH sahAyAshchArthabandhanAH . 
anyonyabandhanAvetau vinAnyonyaM na sidhyataH .. 34..

utpAdya putrAnanR^iNAMshcha kR^itvA 
vR^itti.n cha tebhyo.anuvidhAya kAM chit.h . 
sthAne kumArIH pratipAdya sarvA 
araNyasa.nstho munivadbubhUShet.h .. 35..

hita.n yatsarvabhUtAnAmAtmanashcha sukhAvaham.h . 
tatkuryAdIshvaro hyetanmUla.n dharmArthasiddhaye .. 36..

buddhiH prabhAvastejashcha sattvamutthAnameva cha . 
vyavasAyashcha yasya syAttasyAvR^itti bhaya.n kutaH .. 37..

pashya doShAnpANDavairvigrahe tvaM 
yatra vyatherannapi devAH sa shakrAH . 
putrairvairaM nityamudvignavAso 
yashaH praNAsho dviShatA.n cha harShaH .. 38..

bhIShmasya kopastava chendra kalpa 
droNasya rAGYashcha yudhiShThirasya . 
utsAdayellokamimaM pravR^iddhaH 
shveto grahastiryagivApatankhe .. 39..

tava putrashata.n chaiva karNaH pa~ncha cha pANDavAH . 
pR^ithivImanushAseyurakhilA.n sAgarAmbarAm.h .. 40..

dhArtarAShTrA vana.n rAjanvyAghrAH pANDusutA matAH . 
mA vana.n chhindhi sa vyAghraM mA vyAghrAnnInasho vanAt.h .. 41..

na syAdvanamR^ite vyAghrAnvyAghrA na syurR^ite vanam.h . 
vana.n hi raxyate vyAghrairvyAghrAnraxati kAnanam.h .. 42..

na tathechchhantyakalyANAH pareShA.n veditu.n guNAn . 
yathaiShA.n GYAtumichchhanti nairguNyaM pApachetasaH .. 43..

arthasiddhiM parAmichchhandharmamevAditash charet.h . 
na hi dharmAdapaityarthaH svargalokAdivAmR^itam.h .. 44..

yasyAtmA virataH pApAtkalyANe cha niveshitaH . 
tena sarvamidaM buddhaM prakR^itirvikR^itirshcha yA .. 45..

yo dharmamartha.n kAmaM cha yathAkAlaM niShevate . 
dharmArthakAmasa.nyoga.n yo.amutreha cha vindati .. 46..

saMniyachchhati yo vegamutthita.n krodhaharShayoH . 
sa shriyo bhAjana.n rAjanyashchApatsu na muhyati .. 47..

balaM pa~ncha vidhaM nityaM puruShANAM nibodha me . 
yattu bAhubalaM nAma kaniShThaM balamuchyate .. 48..

amAtyalAbho bhadra.n te dvitIyaM balamuchyate . 
dhanalAbhastR^itIya.n tu balamAhurjigIShavaH .. 49..

yattvasya sahaja.n rAjanpitR^ipaitAmahaM balam.h . 
abhijAta balaM nAma tachchaturthaM bala.n smR^itam .. 50..

yena tvetAni sarvANi sa~NgR^ihItAni bhArata . 
yadbalAnAM bala.n shreShTha.n tatpraGYA balamuchyate .. 51..

mahate yo.apakArAya narasya prabhavennaraH . 
tena vaira.n samAsajya dUrastho.asmIti nAshvaset.h .. 52..

strIShu rAjasu sarpeShu svAdhyAye shatruseviShu . 
bhoge chAyuShi vishvAsa.n kaH prAGYaH kartumarhati .. 53..

praGYA shareNAbhihatasya jantosh 
chikitsakAH santi na chauShadhAni . 
na homamantrA na cha ma~NgalAni 
nAtharvaNA nApyagadAH susiddhAH .. 54..

sarpashchAgnishcha si.nhashcha kulaputrashcha bhArata . 
nAvaGYeyA manuShyeNa sarve te hyatitejasaH .. 55..

agnistejo mahalloke gUDhastiShThati dAruShu . 
na chopayu~Nkte taddAru yAvanno dIpyate paraiH .. 56..

sa eva khalu dArubhyo yadA nirmathya dIpyate . 
tadA tachcha vana.n chAnyannirdahatyAshu tejasA .. 57..

evameva kule jAtAH pAvakopama tejasaH . 
xamAvanto nirAkArAH kAShThe.agniriva sherate .. 58..

latA dharmA tva.n saputraH shAlAH pANDusutA matAH . 
na latA vardhate jAtu mahAdrumamanAshritA .. 59..

vana.n rAja.nstvaM saputro.ambikeya 
si.nhAnvane pANDavA.nstAta viddhi . 
si.nhairvihIna.n hi vanaM vinashyet.h 
si.nhA vinashyeyurR^ite vanena .. 60..

.. iti shriimahaabhaarate udyogaparvaNi prajaagaraparvaNi
                 viduravaakye saptatri.nsho.adhyaayaH .. 37..

\zzz{adhyaayaH 38}

 vidura uvaacha .

UrdhvaM prANA hyutkrAmanti yUnaH sthavira Ayati . 
pratyutthAnAbhivAdAbhyAM punastAnpatipadyate .. 1..

pITha.n dattvA sAdhave.abhyAgatAya 
AnIyApaH parinirNijya pAdau . 
sukhaM pR^iShTvA prativedyAtma sa.nsthaM 
tato dadyAdannamavexya dhIraH .. 2..

yasyodakaM madhuparka.n cha gAM cha 
na mantravitpratigR^ihNAti gehe . 
lobhAdbhayAdarthakArpaNyato vA 
tasyAnartha.n jIvitamAhurAryAH .. 3..

chikitsakaH shakya kartAvakIrNI 
stenaH krUro madyapo bhrUNahA cha . 
senAjIvI shrutivikrAyakash cha 
bhR^ishaM priyo.apyatithirnodakArhaH .. 4..

avikreya.n lavaNaM pakvamanna.n dadhi 
xIraM madhu taila.n ghR^itaM cha . 
tilA mA.nsaM mUlaphalAni shAkaM 
rakta.n vAsaH sarvagandhA guDash cha .. 5..

aroShaNo yaH samaloShTa kA~nchanaH 
prahINa shoko gatasandhi vigrahaH . 
nindA prasha.nsoparataH priyApriye 
charannudAsInavadeSha bhixukaH .. 6..

nIvAra mUle~Nguda shAkavR^ittiH 
susa.nyatAtmAgnikAryeShvachodyaH . 
vane vasannatithiShvapramatto 
dhurandharaH puNyakR^ideSha tApasaH .. 7..

apakR^itvA buddhimato dUrastho.asmIti nAshvaset.h . 
dIrghau buddhimato bAhU yAbhyA.n hi.nsati hi.nsitaH .. 8..

na vishvasedavishvaste vishvaste nAtivishvaset.h . 
vishvAsAdbhayamutpannaM mUlAnyapi nikR^intati .. 9..

anIrShyurguptadAraH syAtsa.nvibhAgI priya.nvadaH . 
shlaxNo madhuravAkstrINAM na chAsA.n vashago bhavet.h .. 10..

pUjanIyA mahAbhAgAH puNyAshcha gR^ihadIptayaH . 
striyaH shriyo gR^ihasyoktAstasmAdraxyA visheShataH .. 11..

piturantaHpura.n dadyAnmAturdadyAnmahAnasam.h . 
goShu chAtmasama.n dadyAtsvayameva kR^iShi.n vrajet.h . 
bhR^ityairvaNijyAchAra.n cha putraiH seveta brAhmaNAn.h .. 12..

adbhyo.agnirbrahmataH xatramashmano lohamutthitam.h . 
teShA.n sarvatraga.n tejaH svAsu yoniShu shAmyati .. 13..

nitya.n santaH kule jAtAH pAvakopama tejasaH . 
xamAvanto nirAkArAH kAShThe.agniriva sherate .. 14..

yasya mantraM na jAnanti bAhyAshchAbhyantarAsh cha ye . 
sa rAjA sarvatashchaxushchiramaishvaryamashnute .. 15..

kariShyanna prabhASheta kR^itAnyeva cha darshayet.h . 
dharmakAmArtha kAryANi tathA mantro na bhidyate .. 16..

giripR^iShThamupAruhya prAsAda.n vA rahogataH . 
araNye niHshalAke vA tatra mantro vidhIyate .. 17..

nAsuhR^itparamaM mantraM bhAratArhati veditum.h . 
apaNDito vApi suhR^itpaNDito vApyanAtmavAn . 
amAtye hyarthalipsA cha mantraraxaNameva cha .. 18..

kR^itAni sarvakAryANi yasya vA pArShadA viduH . 
gUDhamantrasya nR^ipatestasya siddhirasaMshayam.h .. 19..

aprashastAni karmANi yo mohAdanutiShThati . 
sa teShA.n viparibhraMshe bhrashyate jIvitAdapi .. 20..

karmaNA.n tu prashastAnAmanuShThAna.n sukhAvaham.h . 
teShAmevAnanuShThAnaM pashchAttApakaraM mahat.h .. 21..

sthAnavR^iddha xayaGYasya ShADguNya viditAtmanaH . 
anavaGYAta shIlasya svAdhInA pR^ithivI nR^ipa .. 22..

amoghakrodhaharShasya svaya.n kR^ityAnvavexiNaH . 
Atmapratyaya koshasya vasudheya.n vasundharA .. 23..

nAmamAtreNa tuShyeta chhatreNa cha mahIpatiH . 
bhR^ityebhyo visR^ijedarthAnnaikaH sarvaharo bhavet.h .. 24..

brAhmaNo brAhmaNa.n veda bhartA veda striya.n tathA . 
amAtyaM nR^ipatirveda rAjA rAjAnameva cha .. 25..

na shatrura~NkamApanno moktavyo vadhyatA.n gataH . 
ahatAddhi bhaya.n tasmAjjAyate nachirAdiva .. 26..

daivateShu cha yatnena rAjasu brAhmaNeShu cha . 
niyantavyaH sadA krodho vR^iddhabAlAtureShu cha .. 27..

nirartha.n kalahaM prAGYo varjayenmUDha sevitam.h . 
kIrti.n cha labhate loke na chAnarthena yujyate .. 28..

prasAdo niShphalo yasya krodhashchApi nirarthakaH . 
na taM bhartAramichchhanti ShaNDhaM patimiva striyaH .. 29..

na buddhirdhanalAbhAya na jADyamasamR^iddhaye . 
lokaparyAya vR^ittAntaM prAGYo jAnAti netaraH .. 30..

vidyA shIlavayovR^iddhAnbuddhivR^iddhAMshcha bhArata . 
dhanAbhijana vR^iddhAMshcha nityaM mUDho.avamanyate .. 31..

anArya vR^ittamaprAGYamasUyakamadhArmikam.h . 
anarthAH xipramAyAnti vAgduShTa.n krodhanaM tathA .. 32..

avisa.nvAdana.n dAna.n samayasyAvyatikramaH . 
Avartayanti bhUtAni samyakpraNihitA cha vAk.h .. 33..

avisa.nvAdako daxaH kR^itaGYo matimAnR^ijuH . 
api sa~NxINa kosho.api labhate parivAraNam.h .. 34..

dhR^itiH shamo damaH shaucha.n kAruNya.n vAganiShThurA . 
mitrANA.n chAnabhidrohaH sataitAH samidhaH shriyaH .. 35..

asa.nvibhAgI duShTAtmA kR^itaghno nirapatrapaH . 
tAdR^i~NnarAdhamo loke varjanIyo narAdhipa .. 36..

na sa rAtrau sukha.n shete sa sarpa iva veshmani . 
yaH kopayati nirdoSha.n sa doSho.abhyantara.n janam.h .. 37..

yeShu duShTeShu doShaH syAdyogaxemasya bhArata . 
sadA prasAdana.n teShAM devatAnAmivAcharet.h .. 38..

ye.arthAH strIShu samAsaktAH prathamotpatiteShu cha . 
ye chAnArya samAsaktAH sarve te saMshaya.n gatAH .. 39..

yatra strI yatra kitavo yatra bAlo.anushAsti cha . 
majjanti te.avashA deshA nadyAmashmaplavA iva .. 40..

prayojaneShu ye saktA na visheSheShu bhArata . 
tAnahaM paNDitAnmanye visheShA hi prasa~NginaH .. 41..

yaM prasha.nsanti kitavA yaM prasha.nsanti chAraNAH . 
yaM prasha.nsanti bandhakyo na sa jIvati mAnavaH .. 42..

hitvA tAnparameShvAsAnpANDavAnamitaujasaH . 
AhitaM bhArataishvarya.n tvayA duryodhane mahat.h .. 43..

ta.n draxyasi paribhraShTaM tasmAttvaM nachirAdiva . 
aishvaryamadasaMmUDhaM bali.n lokatrayAdiva .. 44..

.. iti shriimahaabhaarate udyogaparvaNi prajaagaraparvaNi
			viduravaakye ashhTatri.nsho.adhyaayaH  .. 38..

\zzz{adhyaayaH 39}
            
 dhR^itaraashhTra uvaacha .

anIshvaro.ayaM puruSho bhavAbhave 
sUtraprotA dArumayIva yoShA . 
dhAtrA hi diShTasya vashe kilAyaM 
tasmAdvada tva.n shravaNe ghR^ito.aham.h .. 1..

vidura uvaacha .

aprAptakAla.n vachanaM bR^ihaspatirapi bruvan.h . 
labhate buddhyavaGYAnamavamAna.n cha bhArata .. 2..

priyo bhavati dAnena priyavAdena chAparaH . 
mantraM mUlabalenAnyo yaH priyaH priya eva saH .. 3..

dveShyo na sAdhurbhavati na medhAvI na paNDitaH . 
priye shubhAni karmANi dveShye pApAni bhArata .. 4..

na sa xayo mahArAja yaH xayo vR^iddhimAvahet.h . 
xayaH sa tviha mantavyo ya.n labdhvA bahu nAshayet.h .. 5..

samR^iddhA guNataH ke chidbhavanti dhanato.apare . 
dhanavR^iddhAnguNairhInAndhR^itarAShTra vivarjayet.h .. 6..

 dhR^itaraashhTra uvaacha .

sarva.n tvamAyatI yuktaM bhAShase prAGYasaMmatam.h . 
na chotsahe suta.n tyaktu.n yato dharmastato jayaH .. 7..

 vidura uvaacha .

svabhAvaguNasampanno na jAtu vinayAnvitaH . 
susUxmamapi bhUtAnAmupamardaM prayoxyate .. 8..

parApavAda niratAH paraduHkhodayeShu cha . 
parasparavirodhe cha yatante satatothitAH .. 9..

sa doSha.n darshana.n yeShAM sa.nvAse sumahadbhayam.h . 
arthAdAne mahAndoShaH pradAne cha mahadbhayam.h .. 10..

ye pApA iti vikhyAtAH sa.nvAse parigarhitAH . 
yuktAshchAnyairmahAdoShairye narAstAnvivarjayet.h .. 11..

nivartamAne sauhArde prItirnIche praNashyati . 
yA chaiva phalanirvR^ittiH sauhR^ide chaiva yatsukham.h .. 12..

yatate chApavAdAya yatnamArabhate xaye . 
alpe.apyapakR^ite mohAnna shAntimupagachchhati .. 13..

tAdR^ishaiH sa~NgataM nIchairnR^isha.nsairakR^itAtmabhiH . 
nishAmya nipuNaM buddhyA vidvAndUrAdvivarjayet.h .. 14..

yo GYAtimanugR^ihNAti daridra.n dInamAturam.h . 
saputrapashubhirvR^iddhi.n yashashchAvyayamashnute .. 15..

GYAtayo vardhanIyAstairya ichchhantyAtmanaH shubham.h . 
kulavR^iddhi.n cha rAjendra tasmAtsAdhu samAchara .. 16..

shreyasA yoxyase rAjankurvANo GYAtisatkriyAm.h . 
viguNA hyapi sa.nraxyA GYAtayo bharatarShabha .. 17..

kiM punarguNavantaste tvatprasAdAbhikA~NxiNaH . 
prasAda.n kuru dInAnAM pANDavAnA.n vishAM pate .. 18..

dIyantA.n grAmakAH ke chitteShA.n vR^ittyarthamIshvara . 
eva.n loke yashaHprApto bhaviShyatsi narAdhipa .. 19..

vR^iddhena hi tvayA kAryaM putrANA.n tAta raxaNam.h . 
mayA chApi hita.n vAchyaM viddhi mA.n tvaddhitaiShiNam.h .. 20..

GYAtibhirvigrahastAta na kartavyo bhavArthinA . 
sukhAni saha bhojyAni GYAtibhirbharatarShabha .. 21..

sambhojana.n sa~NkathanaM samprItish cha parasparam.h . 
GYAtibhiH saha kAryANi na virodhaH katha.n chana .. 22..

GYAtayastArayantIha GYAtayo majjayanti cha . 
suvR^ittAstArayantIha durvR^ittA majjayanti cha .. 23..

suvR^itto bhava rAjendra pANDavAnprati mAnada . 
adharShaNIyaH shatrUNA.n tairvR^itastvaM bhaviShyasi .. 24..

shrImanta.n GYAtimAsAdya yo GYAtiravasIdati . 
digdhahastaM mR^iga iva sa enastasya vindati .. 25..

pashchAdapi narashreShTha tava tApo bhaviShyati . 
tAnvA hatAnsutAnvApi shrutvA tadanuchintaya .. 26..

yena khaTvA.n samArUDhaH paritapyeta karmaNA . 
AdAveva na tatkuryAdadhruve jIvite sati .. 27..

na kashchinnApanayate pumAnanyatra bhArgavAt.h . 
sheShasampratipattistu buddhimatsveva tiShThati .. 28..

duryodhanena yadyetatpApa.n teShu purA kR^itam . 
tvayA tatkulavR^iddhena pratyAneyaM nareshvara .. 29..

tA.nstvaM pade pratiShThApya loke vigatakalmaShaH . 
bhaviShyasi narashreShTha pUjanIyo manIShiNAm.h .. 30..

suvyAhR^itAni dhIrANAM phalataH pravichintya yaH . 
adhyavasyati kAryeShu chira.n yashasi tiShThati .. 31..

avR^itti.n vinayo hanti hantyanarthaM parAkramaH . 
hanti nitya.n xamA krodhamAchAro hantyalaxaNam.h .. 32..

parichchhadena xatreNa veshmanA paricharyayA . 
parIxeta kula.n rAjanbhojanAchchhAdanena cha .. 33..

yayoshchittena vA chittaM naibhR^itaM naibhR^itena vA . 
sameti praGYayA praGYA tayormaitrI na jIryate .. 34..

durbuddhimakR^itapraGYa.n chhannaM kUpaM tR^iNairiva . 
vivarjayIta medhAvI tasminmaitrI praNashyati .. 35..

avalipteShu mUrkheShu raudrasAhasikeShu cha . 
tathaivApeta dharmeShu na maitrImAcharedbudhaH .. 36..

kR^itaGYa.n dhArmika.n satyamaxudraM dR^iDhabhaktikam.h . 
jitendriya.n sthitaM sthityAM mitramatyAgi cheShyate .. 37..

indriyANAmanutsargo mR^ityunA na vishiShyate . 
atyarthaM punarutsargaH sAdayeddaivatAnyapi .. 38..

mArdava.n sarvabhUtAnAmanasUyA xamA dhR^itiH . 
AyuShyANi budhAH prAhurmitrANA.n chAvimAnanA .. 39..

apanIta.n sunItena yo.arthaM pratyAninIShate . 
matimAsthAya sudR^iDhA.n tadakApuruSha vratam.h .. 40..

AyatyAM pratikAraGYastadAtve dR^iDhanishchayaH . 
atIte kAryasheShaGYo naro.arthairna prahIyate .. 41..

karmaNA manasA vAchA yadabhIxNaM niShevate . 
tadevApaharatyena.n tasmAtkalyANamAcharet.h .. 42..

ma~NgalAlambhana.n yogaH shrutamutthAnamArjavam.h . 
bhUtimetAni kurvanti satA.n chAbhIxNa darshanam.h .. 43..

anirvedaH shriyo mUla.n duHkhanAshe sukhasya cha . 
mahAnbhavatyanirviNNaH sukha.n chAtyantamashnute .. 44..

nAtaH shrImattara.n kiM chidanyatpathyatamaM tathA . 
prabha viShNoryathA tAta xamA sarvatra sarvadA .. 45..

xamedashaktaH sarvasya shaktimAndharmakAraNAt.h . 
arthAnarthau samau yasya tasya nitya.n xamA hitA .. 46..

yatsukha.n sevamAno.api dharmArthAbhyAM na hIyate . 
kAma.n tadupaseveta na mUDha vratamAcharet.h .. 47..

duHkhArteShu pramatteShu nAstikeShvalaseShu cha . 
na shrIrvasatyadAnteShu ye chotsAha vivarjitAH .. 48..

Arjavena nara.n yuktamArjavAtsavyapatrapam.h . 
ashaktimantaM manyanto dharShayanti kubuddhayaH .. 49..

atyAryamatidAtAramatishUramativratam.h . 
praGYAbhimAnina.n chaiva shrIrbhayAnnopasarpati .. 50..

agnihotraphalA vedAH shIlavR^ittaphala.n shrutam.h . 
ratiputra phalA dArA dattabhukta phala.n dhanam.h .. 51..

adharmopArjitairarthairyaH karotyaurdhva dehikam.h . 
na sa tasya phalaM pretya bhu~Nkte.arthasya durAgamAt.h .. 52..

kAnAra vanadurgeShu kR^ichchhrAsvApatsu sambhrame . 
udyateShu cha shastreShu nAsti sheShavatAM bhayam.h .. 53..

utthAna.n sa.nyamo dAxyamapramAdo dhR^itiH smR^itiH . 
samIxya cha samArambho viddhi mUlaM bhavasya tat.h .. 54..

tapobala.n tApasAnAM brahma brahmavidAM balam.h . 
hi.nsA balamasAdhUnA.n xamAguNavatAM balam.h .. 55..

aShTau tAnyavrataghnAni Apo mUlaM phalaM payaH . 
havirbrAhmaNa kAmyA cha gurorvachanamauShadham.h .. 56..

na tatparasya sandadhyAtpratikUla.n yadAtmanaH . 
sa~NgraheNaiSha dharmaH syAtkAmAdanyaH pravartate .. 57..

akrodhena jayetkrodhamasAdhu.n sAdhunA jayet.h . 
jayetkadarya.n dAnena jayetsatyena chAnR^itam.h .. 58..

strI dhUrtake.alase bhIrau chaNDe puruShamAnini . 
chaure kR^itaghne vishvAso na kAryo na cha nAstike .. 59..

abhivAdanashIlasya nitya.n vR^iddhopasevinaH . 
chatvAri sampravardhante kIrtirAyuryashobalam.h .. 60..

atikleshena ye.arthAH syurdharmasyAtikrameNa cha . 
arervA praNipAtena mA sma teShu manaH kR^ithAH .. 61..

avidyaH puruShaH shochyaH shochyaM mithunamaprajam.h . 
nirAhArAH prajAH shochyAH shochya.n rAShTramarAjakam.h .. 62..

adhvA jarA dehavatAM parvatAnA.n jalaM jarA . 
asambhogo jarA strINA.n vAkshalyaM manaso jarA .. 63..

anAmnAya malA vedA brAhmaNasyAvrataM malam.h . 
kautUhalamalA sAdhvI vipravAsa malAH striyaH .. 64..

suvarNasya mala.n rUpyaM rUpyasyApi mala.n trapu . 
GYeya.n trapu mala.n sIsaM sIsasyApi malaM malam.h .. 65..

na svapnena jayennidrAM na kAmena striya.n jayet.h . 
nendhanena jayedagniM na pAnena surA.n jayet.h .. 66..

yasya dAnajitaM mitramamitrA yudhi nirjitAH . 
annapAnajitA dArAH saphala.n tasya jIvitam.h .. 67..

sahasriNo.api jIvanti jIvanti shatinastathA . 
dhR^itarAShTra.n vimu~nchechchhAM na katha.n chinna jIvyate .. 68..

yatpR^ithivyA.n vrIhi yavaM hiraNyaM pashavaH striyaH . 
nAlamekasya tatsarvamiti pashyanna muhyati .. 69..

rAjanbhUyo bravImi tvAM putreShu samamAchara . 
samatA yadi te rAjansveShu pANDusuteShu cha .. 70..

.. iti shriimahaabhaarate udyogaparvaNi prajaagaraparvaNi
			viduravaakye ekonachatvaari.nsho.adhyaayaH .. 39..

\zzz{adhyaayaH 40}

 vidura uvaacha .

yo.abhyarthitaH sadbhirasajjamAnaH 
karotyartha.n shaktimahApayitvA . 
xipra.n yashastaM samupaiti santamalaM 
prasannA hi sukhAya santaH .. 1..

mahAntamapyarthamadharmayuktaM 
yaH santyajatyanupAkruShTa eva . 
sukha.n sa duHkhAnyavamuchya shete 
jIrNA.n tvacha.n sarpa ivAvamuchya .. 2..

anR^ita.n cha samutkarShe rAjagAmi cha paishunam . 
guroshchAlIka nirbandhaH samAni brahmahatyayA .. 3..

asUyaika padaM mR^ityurativAdaH shriyo vadhaH . 
ashushrUShA tvarA shlAghA vidyAyAH shatravastrayaH .. 4..

sukhArthinaH kuto vidyA nAsti vidyArthinaH sukham . 
sukhArthI vA tyajedvidyA.n vidyArthI vA sukha.n tyajet .. 5..

nAgnistR^ipyati kAShThAnAM nApagAnAM mahodadhiH . 
nAntakaH sarvabhUtAnAM na pu.nsA.n vAmalochanA .. 6..

AshA dhR^iti.n hanti samR^iddhimantakaH 
krodhaH shriya.n hanti yashaH kadaryatA . 
apAlana.n hanti pashUMshcha rAjann 
ekaH kruddho brAhmaNo hanti rAShTram .. 7..

ajashcha kA.nsya.n cha rathashcha nityaM 
madhvAkarShaH shakuniH shrotriyash cha . 
vR^iddho GYAtiravasanno vayasya 
etAni te santu gR^ihe sadaiva .. 8..

ajoxA chandana.n vINA Adarsho madhusarpiShI . 
viShamaudumbara.n sha~NkhaH svarNaM nAbhishcha rochanA .. 9..

gR^ihe sthApayitavyAni dhanyAni manurabravIt . 
deva brAhmaNa pUjArthamatithInA.n cha bhArata .. 10..

ida.n cha tvA.n sarvaparaM bravImi 
puNyaM pada.n tAta mahAvishiShTam . 
na jAtu kAmAnna bhayAnna lobhAd 
dharma.n tyajejjIvitasyApi hetoH .. 11..

nityo dharmaH sukhaduHkhe tvanitye 
nityo jIvo dhAturasya tvanityaH . 
tyaktvAnityaM pratitiShThasva nitye 
santuShya tva.n toSha paro hi lAbhaH .. 12..

mahAbalAnpashya manAnubhAvAn 
prashAsya bhUmi.n dhanadhAnya pUrNAm . 
rAjyAni hitvA vipulAMshcha bhogAn 
gatAnnarendrAnvashamantakasya .. 13..

mR^itaM putra.n duHkhapuShTaM manuShyA 
utxipya rAjansvagR^ihAnnirharanti . 
taM muktakeshAH karuNa.n rudantash 
chitAmadhye kAShThamiva xipanti .. 14..

anyo dhanaM pretagatasya bhu~Nkte 
vayA.nsi chAgnishcha sharIradhAtUn . 
dvAbhyAmaya.n saha gachchhatyamutra 
puNyena pApena cha veShTyamAnaH .. 15..

utsR^ijya vinivartante GYAtayaH suhR^idaH sutAH . 
agnau prAsta.n tu puruShaM karmAnveti svayaM kR^itam .. 16..

asmAllokAdUrdhvamamuShya chAdho 
mahattamastiShThati hyandhakAram . 
tadvai mahAmohanamindriyANAM 
budhyasva mA tvAM pralabheta rAjan .. 17..

ida.n vachaH shaxyasi chedyathAvan 
nishamya sarvaM pratipattumevam . 
yashaH paraM prApsyasi jIvaloke 
bhayaM na chAmutra na cheha te.asti .. 18..

AtmA nadI bhArata puNyatIrthA 
satyodakA dhR^itikUlA damormiH . 
tasyA.n snAtaH pUyate puNyakarmA 
puNyo hyAtmA nityamambho.ambha eva .. 19..

kAmakrodhagrAhavatIM pa~nchendriya jalAM nadIm . 
kR^itvA dhR^itimayIM nAva.n janma durgANi santara .. 20..

praGYA vR^iddha.n dharmavR^iddha.n svabandhuM 
vidyA vR^iddha.n vayasA chApi vR^iddham . 
kAryAkArye pUjayitvA prasAdya 
yaH sampR^ichchhenna sa muhyetkadA chit .. 21..

dhR^ityA shishnodara.n raxetpANipAda.n cha chaxuShA . 
chaxuH shrotre cha manasA mano vAcha.n cha karmaNA .. 22..

nityodakI nityayaGYopavItI 
nityasvAdhyAyI patitAnna varjI . 
R^itaM bruvangurave karma kurvan 
na brAhmaNashchyavate brahmalokAt .. 23..

adhItya vedAnparisa.nstIrya chAgnIn 
iShTvA yaGYaiH pAlayitvA prajAsh cha . 
gobrAhmaNArthe shastrapUtAntarAtmA 
hataH sa~NgrAme xatriyaH svargameti .. 24..

vaishyo.adhItya brAhmaNAnxatriyAMsh cha 
dhanaiH kAle sa.nvibhajyAshritAMsh cha . 
tretA pUta.n dhUmamAghrAya puNyaM 
pretya svarge deva sukhAni bhu~Nkte .. 25..

brahmaxatra.n vaishya varNa.n cha shUdraH 
krameNaitAnnyAyataH pUjayAnaH . 
tuShTeShveteShvavyatho dagdhapApas 
tyaktvA deha.n svargasukhAni bhu~Nkte .. 26..

chAturvarNyasyaiSha dharmastavokto 
hetu.n chAtra bruvato me nibodha . 
xAtrAddharmAddhIyate pANDuputras 
ta.n tva.n rAjanrAjadharme niyu~Nxva .. 27..

 dhR^itaraashhTra uvaacha .

evametadyathA mA.n tvamanushAsati nityadA . 
mamApi cha matiH saumya bhavatyeva.n yathAttha mAm .. 28..

sA tu buddiH kR^itApyevaM pANDavAnrapti me sadA . 
duryodhana.n samAsAdya punarviparivartate .. 29..

na diShTamabhyatikrAntu.n shakyaM martyena kena chit . 
diShTameva kR^itaM manye pauruSha.n tu nirarthakam .. 30..

.. iti shriimaahaabhaarate udyogaparvaNi prajaagaraparvaNi
		viduravaakye chatvaari.nsho.adhyaayaH .. 40..

 iti vidura niiti samaaptaa ..

##
 Please send corrections to Sunder Hattangadi at sunderh@hotmail.com
\end{multicols}\medskip\hrule\obeylines
{\rm Please send corrections to sanskrit@cheerful.com}
{\rm Last updated \today}
\end{document}