% Text title            : Svayambhu Stotram by Acharya Samantabhadra
% File name             : svayambhUstotram.itx
% Category              : major\_works, jaina
% Location              : doc\_z\_misc\_major\_works
% Latest update         : April 22, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Swayambhu Stotram Adoration of Twenty-four Tirthankaras ..}##
\itxtitle{.. svayambhUstotram ..}##\endtitles ##
                 svayambhuve namastubhyam |
                 anukramaNikA
        1\. shrI R^iShabhanAtha athavA AdinAtha jina\-stutiH
        2\. shrI ajitanAtha jina\-stutiH
        3\. shrI shambhavanAtha jina\-stutiH
        4\. shrI abhinandananAtha jina\-stutiH
        5\. shrI sumatinAtha jina\-stutiH
        6\. shrI padmaprabha jina\-stutiH
        7\. shrI supArshvanAtha jina\-stutiH
        8\. shrI chandaprabha jina\-stutiH
        9\. shrI suvidhinAtha jina\-stutiH
        10\. shrI shItalanAtha jina\-stutiH
        11\. shrI shreyAMsanAtha jina\-stutiH
        12\. shrI vAsupUjya jina\-stutiH
        13\. shrI vimalanAtha jina\-stutiH
        14\. shrI anantanAtha jina\-stutiH
        15\. shrI dharmanAtha jina\-stutiH
        16\. shrI shAntinAtha jina\-stutiH
        17\. shrI kunthunAtha jina\-stutiH
        18\. shrI aranAtha jina\-stutiH
        19\. shrI mallinAtha jina\-stutiH
        20\. shrI munisuvrata jina\-stutiH
        21\. shrI naminAtha jina\-stutiH
        22\. shrI neminAtha jina\-stutiH
        23\. shrI pArshvanAtha jina\-stutiH
        24\. shrI mahAvIra jina\-stutiH
\chapter{atha stotram}
\section{1\. shrI R^iShabhanAtha athavA AdinAtha jina\-stutiH}
svayambhuvAM bhUta\-hitena bhUtale
       sama~njasa\-j~nAna\-vibhUti\-chakShuShA |
virAjitaM yena vidhunvatA tamaH
       kShapAkareNeva guNautkaraiH karaiH || 1||
prajApatiryaH prathamaM jijIviShUH
       shashAsa kR^iShyAdiShu karmasu prajAH |
prabuddhatattvaH punaradbhutodayo
       mamatvato nirvivide vidAMvaraH || 2||
vihAya yaH sAgara\-vAri\-vAsasaM
       vadhUmivemAM vasudhA\-vadhUM satIm |
mumukShurikShvAku kulAdirAtmavAn
       prabhuH pravavrAja sahiShNurachyutaH || 3||
sva\-doSha\-mUlaM sva\-samAdhi\-tejasA
       ninAya yo nirdaya\-bhasmasAtkriyAm |
jagAda tattvaM jagate.arthine.a~njasA
       babhUva cha brahma\-padAmR^iteshvaraH || 4||
sa vishva\-chakShurvaSha bho.architaH satAM
       samagra\-vidyA.a.atma\-vapurnira~njanaH |
punAtu cheto mama nAbhi\-nandano
       jino.ajita\-dullaka\-vAdi\-shAsanaH || 5||
\section{2\. shrI ajitanAtha jina\-stutiH}
yasya prabhAvAt tridiva\-chyutasya
krIDAsvapi kShIbamukhA.aravindaH
ajeya\-shaktirbhuvi bandhu\-varga\-
shchakAra nAmA.ajita ityabandhyam || 6||
adyA.api yasyA.ajitashAsanasya
       satAM praNetuH pratima~NgalArtham |
pragR^ihyate nAma parama\-pavitraM
       svasiddhi\-kAmena janena loke || 7||
yaH prAdurAsItprabhu\-shakti\-bhUmnA
       bhavyA.a.ashayAlIna\-kala~Nka\-shAntyai |
mahAmunirmukta\-ghanopadeho
       yathA.aravindA.abhyudayAya bhAsvAn || 8||
yena praNItaM pR^ithu dharma\-tIrthaM
       jyeShThaM janAH prApya jayanti duHkham |
gA~NgaM hR^idaM chandana\-pa~Nka\-shItaM
       gaja\-pravekA iva dharma\-taptAH || 9||
sa brahmaniShThaH sama\-mitra\-shatru\-
       vidyA\-vinirvAnta\-kaShAya\-doShaH |
labdhAtmalakShmIrajito.ajitAtmA
       jina shriyaM me bhagavAn vidhattAm || 10||
\section{3\. shrI shambhavanAtha jina\-stutiH}
tvaM shambhavaH sambhava\-tarSha\-rogaiH
       santapyamAnasya janasya loke |
AsIrihA.a.akasmika eva vaidyo
       vaidyo yathA.anAtharujAM prashAntyai || 11||
anityamatrANamaha~NkriyAbhiH
       prasakta\-mithyA.adhyavasAya\-doSham |
idaM jagajjanma\-jarA.antakArtaM
       nira~njanAM shAntimajIgamastvam || 12||
shatahR^idonmeSha\-chalaM hi saukhyaM
       tR^iShNAmayA.apyAyana\-mAtra\-hetuH |
tR^iShNAbhivR^iddhishcha tapatyajastraM
       tApastadAyAsayatItyavAdIH || 13||
bandhashcha mokShashcha tayoshcha hetU
       baddhashcha muktashcha phalaM cha mukteH |
syAdvAdino nAtha! tavaiva yuktaM
       naikAntadR^iShTestvamato.asi shAstA || 14||
shakro.apyashaktastava puNyakIrteH
       stutyAM pravR^ittaH kimu mAdR^isho.aj~naH |
tathA.api bhaktyA stuta\-pAda\-padmo
       mamArya ! deyAH shivatAtimuchchaiH || 15||
\section{4\. shrI abhinandananAtha jina\-stutiH}
guNA.abhinandAdabhinandano bhavAn
       dayA\-vadhUM kShAnti\-sakhImashishriyat |
samAdhi\-tantrastadupopapattaye
       dvayena nairgranthya\-guNena chA.ayujat || 16||
achetane tatkR^ita\-bandhaje.api cha
       mamedamityAbhiniveshika grahAt |
prabha~Ngure sthAvara\-nishchayena cha
       kShataM jagattattvamajigrahadbhavAn || 17||
kShudAdi\-duHkha\-pratikArataH sthiti\-
       rna chendriyArtha\-prabhavA.alpa\-saukhyataH |
tato guNo nAsti cha deha dehino\-
       ritIdamitthaM bhagavAn vyajij~napat || 18||
jano.atilopyanubandhadoShato
       bhayAdakAryeShviha na pravartate |
ihA.apyamutrA.apyanubandhadoShavit
       kathaM sukhe saMsajatIti chA.abravIt || 19||
sa chAnubandho.asya janasya tApakR^it
       tR^iSho.abhivR^iddhiH sukhato na cha sthitiH |
iti prabho ! loka\-hitaM yato mataM
       tato bhavAneva gatiH satAM mataH || 20||
\section{5\. shrI sumatinAtha jina\-stutiH}
anvarthasa.nj~naH sumatirmunistvaM
       svayaM mataM yena suyukti\-nItam |
yatashcha sheSheShu mateShu nAsti
       sarva\-kriyA\-kAraka\-tattva\-siddhiH || 21||
anekamekaM cha tadeva tattvaM
       bhedA.anvayaj~nAnamidaM hi satyam |
mR^iShopachAro.anyatarasya lope
       tachCheShalopo.api tato.anupAkhyam || 22||
sataH katha~nchittadasattva\-shaktiH
       khe nAsti puShpaM taruShu prasiddham |
sarva\-svabhAva\-chyutamapramANaM
       sva\-vAgviruddhaM tava dR^iShTito.anyat || 23||
na sarvathA nityamudetyapaiti
       na cha kriyA\-kArakamantra yuktam |
naivA.asato janma sato na nAsho
       dIpastamaH pudgalabhAvato.asti || 24||
vidhirniShedhashcha katha~nchidiShTau
       vivakShayA mukhya\-guNa\-vyavasthA |
iti praNItiH sumatestaveyaM
       mati\-pravekaH stuvato.asti nAtha ! || 25||
\section{6\. shrI padmaprabha jina\-stutiH}
padmaprabhaH padma\-palAsha\-leshyaH
       padmAlayA.a.a li~NgitachArumUrtiH |
babhau bhavAn bhavya\-payoruhANAM
       padmAkarANAmiva padmabandhuH || 26||
babhAra padmAM cha sarasvatIM cha
       bhavAn purastAtpratimuktilakShmyAH |
sarasvatImeva samagra\-shobhAM
       sarvaj~na\-lakShmIjvalitAM vimuktaH || 27||
sharIra\-rashmi\-prasaraH prabhoste
       bAlArka\-rashmichChavirA.a.alilepa |
narA.amarA.a.akIrNa\-sabhAM prabhA vAM
       shailasya padmAbhamaNeH svasAnum || 28||
nabhastalaM pallavayanniva tvaM
       sahasrapatrA.ambuja\-garbhachAraiH |
padA.ambujaiH pAtita\-mAra\-darpo
       bhUmau prajAnAM vijahartha bhUtyai || 29||
guNAmbudhervipruShamapyajasya
       nA.a.akhaNDalaH stotumalaM tavarSheH |
prAgeva mAdR^ikkimutA.atibhakti\-
       ma bAlamAlApayatIdamittham || 30||
\section{7\. shrI supArshvanAtha jina\-stutiH}
svAthyaM yadAtyantikameSha puMsAM
       svArtho na bhogaH paribha~NgurAtmA |
tR^iSho.anuSha~NgAnna cha tApashAnti\-
       ritIdamAkhyadbhagavAn supArshvaH || 31||
aja~NgagamaM ja~Ngama\-neya\-yantraM
       yathA tathA jIva\-dhR^itaM sharIram |
bIbhatsu pUti kShayi tApakaM cha
       sneho vR^ithA.atreti hitaM tvamAkhyaH || 32||
ala~NghyashaktirbhavitavyateyaM
       hetu\-dvayA.a.aviShkR^ita\-kArya\-li~NgA |
anIshvaro janturaha~NkriyArttaH
       saMhatya kAryeShviti sAdhvavAdIH || 33||
bibheti mR^ityorna tato.asti mokSho
       nitya shivaM vA~nChati nA.asya lAbhaH |
tathA.api bAlo bhaya\-kAma\-vashyo
       vR^ithA svayaM tapyata ityavAdIH || 34||
sarvasya tattvasya bhavAn pramAtA
       mAteva bAlasya hitAnushAstA |
guNA.avalokasya janasya netA
       mayA.api bhaktyA pariNayate.adya || 35||
\section{8\. shrI chandaprabha jina\-stutiH}
chandraprabhaM chandra\-marIchi\-gauraM
       chandraM dvitIyaM jagatIva kAntam |
vande.abhivandyaM mahatAmR^iShIndraM
       jinaM jita\-svAnta\-kaShAya\-bandham || 36||
yasyA~Nga\-lakShmI\-parivesha\-bhinnaM
       tamastamoreriva rashmibhinnam |
nanAsha bAhyaM bahu mAnasaM cha
       dhyAna\-pradIpA.atishayena bhinnama || 37||
sva\-pakSha\-sausthitya\-madA.avaliptA
       vAksiMha\-nAdairvimadA babhUvuH |
pravAdino yasya madArdragaNDA
       gajA yathA kesariNo ninAdaiH || 38||
yaH sarva\-loke parameShThitAyAH
       padaM babhUvA.adbhuta\-karmatejAH |
ananta\-dhAmA.akShara\-vishvachakShuH
       samantaduHkha\-kShaya\-shAsanashcha || 39||
sa chandramA bhavya\-kumudvatInAM
       vipanna\-doShA.abhra\-kala~Nka\-lepaH |
vyAkosha\-vA~N\-nyAya\-mayUkha\-mAlaH
       pUyAtpavitro bhagavAnmano me || 40||
\section{9\. shrI suvidhinAtha jina\-stutiH}
ekAntadR^iShTi\-pratiShedhi tattvaM
       pramANa\-siddhaM tadatatsvabhAvam |
tvayA praNItaM suvidhe ! svadhAmnA
       naitatsamAlIDha\-padaM tvadanyaiH || 41||
tadeva cha syAnna tadeva cha syAt
       tathApratItestava tatkatha~nchit |
nA.atyantamanyatvamananyatA cha
       vidherniShedhasya cha shUnya\-doShAt || 42||
nityaM tadevedamiti pratIte\-
       rna nityamanyat pratipatti\-siddheH |
na tadviruddhaM bahirantara~Nga\-
       nimitta\-naimittika\-yogataste || 43||
anekamekaM cha padasya vAchyaM
       vR^ikShA iti pratyayavatprakR^ityA |
AkA~NkShiNaH syAditi vai nipAto
       guNA.anapekShaM niyame.apavAdaH || 44||
guNa\-pradhAnArthamidaM hi vAkyaM
       jinasya te tad dviShatAmapathyam |
tato.abhivandyaM jagadIshvarANAM
       mamA.api sAdhostava pAdapadmam || 45||
\section{10\. shrI shItalanAtha jina\-stutiH}
na shItalAshchandanachandrarashmayo
       na gA~Ngamambho na cha hArayaShTayaH |
yathA muneste.anaghavAkya\-rashmayaH
       shamAmbugarbhAH shishirA vipashchitAm || 46||
sukhA.abhilAShA.anala\-dAha\-mUrchChitaM
       mano nijaM j~nAnamayA.amR^itAmbubhiH |
vyadidhyapastvaM viSha\-dAha\-mohitaM
       yathA bhiShagmantra\-guNaiH sva\-vigraham || 47||
sva\-jIvite kAma\-sukhe cha tR^iShNayA
       divA shramArttA nishi sherate prajAH |
tvamArya ! naktaM\-divamapramattavA\-
       najAgarevA.a.atma\-vishuddha\-vartmani || 48||
apatya\-vittottara\-loka\-tR^iShNayA
       tapasvinaH kechana karma kurvate |
bhavanpunarjanma\-jarA\-jihAsayA
       trayIM pravR^ittiM samadhIravAruNat || 49||
tvamuttama\-jyAtirajaH kva nirvR^itaH
       kva te pare buddhi\-lavoddhava\-kShatAH |
tataH svaniH shreyasa\-bhAvanAparai\-
       budha\-pravekairjina ! shItaleDyase || 50||
\section{11\. shrI shreyAMsanAtha jina\-stutiH}
shreyAn jinaH shreyasi vartmanImAH
       shreyaH prajAH shAsadajeyavAkyaH |
bhavAMshchakAshe bhuvanatraye.asmi\-
       neko yathA vIta\-ghano vivasvAn || 51||
vidhirviShakta\-pratiShedharUpaH
       pramANamatrA.anyataratpradhAnam |
guNo paro mukhya niyAmahetu\-
       rnayaH dR^iShTAntasamarthanaste || 52||
vivakShito mukhya itIShyate.anyo
       guNo.avivakSho na nirAtmakaste |
tathA.arimitrA.anubhayAdishakti
       dvayA.avadheH kAryakaraM hi vastu || 53||
dR^iShTAnta\-siddhAvubhayorvivAde
       sAdhyaM prasid.hdhyenna tu tAdR^igasti |
yatsarvathaikAnta\-niyAmi dR^iShTaM
       tvadIya\-dR^iShTirvibhavatyasheShe || 54||
ekAnta\-dR^iShTi\-pratiShedha\-siddhi\-
       nyAyeShubhirmoharipuM nirasya |
asi sma kaivalya\-vibhUti\-saMrAT
       tatastvamarhannasi me stavA.arhaH || 55||
\section{12\. shrI vAsupUjya jina\-stutiH}
shivAsupUjyo.abhyudaya\-kriyAsu
       tvaM vAsupUjyastridashendra\-pUjyaH |
mayA.api pUjyo.alpa\-dhiyA munIndra !
       dIpArchiShA kiM tapano na pUjyaH || 56||
na pUjayA.arthastvayi vItarAge
       na nindayA nAtha ! vivAnta\-vaire |
tathA.api te puNya\-guNa\-smR^itirnaH
       punAti chittaM duritA~njanebhyaH || 57||
pUjyaM jinaM tvA.archayato janasya
       sAvadya\-lesho bahu\-puNya\-rAshau |
doShAya nA.alaM kaNikA viShasya
       na dUShikA shIta\-shivA.amburAshau || 58||
yadvastu bAhyaM guNa\-doSha\-sUte\-
       nimittamabhyantara\-mUlahetoH |
adhyAtma\-vR^ittasya tada~NgabhUta\-
       mabhyantaraM kevalamapyalaM te || 59||
bAhyetaropAdhi\-samagrateyaM
       kAryeShu te dravyagataH svabhAvaH |
naivA.anyathA mokSha\-vidhishcha puMsAM
       tenAbhivandyastvamR^iShirbudhAnAm || 60||
\section{13\. shrI vimalanAtha jina\-stutiH}
ya eva nitya\-kShaNikAdayo nayA
       mitho.anapekShAH sva\-para\-praNAshinaH |
ta eva tattvaM vimalasya te muneH
       parasparekShA sva\-paropakAriNaH || 61||
yathaikashaH kArakamartha\-siddhaye
       samIkShya sheShaM sva\-sahAya\-kArakam |
tathaiva sAmAnya\-visheSha\-mAtR^ikA
       nayAstaveShTA guNa\-mukhya\-kalpataH || 62||
parasparekShA.anvaya\-bheda\-li~NgataH
       prasiddha\-sAmAnya\-visheShayostava |
samagratA.asti sva\-parA.avabhAsakaM
       yathA pramANaM bhuvi buddhi\-lakShaNam || 63||
visheShya\-vAchyasya visheShaNaM vacho
       yato visheShyaM viniyamyate cha yat |
tayoshcha sAmAnyamatiprasajyate
       vivakShitAtsyAditite.anyavarjanam || 64||
nayAstava syAtpada\-satya\-lA~nChitA
       rasopaviddhA iva loha\-dhAtavaH |
bhavantyabhipreta\-guNA yatastato
       bhavantamAryAH praNatA hitaiShiNaH || 65||
\section{14\. shrI anantanAtha jina\-stutiH}
ananta\-doShA.a.ashaya\-vigraho graho
       viSha~NgavAnmoha\-mayashchiraM hR^idi |
yato jitastattvaruchau prasIdatA
       tvayA tato.abhUrbhagavAnanantajit || 66||
kaShAya\-nAmnAM dviShatAM pramAthinA\-
       masheShayannAma bhavAnasheShavit |
vishoShaNaM manmatha\-durmadA.a.amayaM
       samAdhi\-bhaiShajya\-guNairvyalInayata || 67||
parishramA.amburbhaya\-vIchi\-mAlinI
       tvayA svatR^iShNA\-saridA.a.arya ! shoShitA |
asa~Nga\-dharmArka\-gabhasti\-tejasA
       paraM tato nirvR^iti\-dhAma tAvakam || 68||
suhR^ittvayi shrI\-subhagatvamashnute
       dviShaMstvayi pratyayavat pralIyate |
bhavAnudAsInatamastayorapi
       prabho ! paraM chitramidaM tavehitam || 69||
tvamIdR^ishastAdR^isha ityayaM mama
pralApa\-lesho.alpa\-matermahAmune!
asheSha\-mAhAtmyamanIrayannapi
shivAya saMsparsha ivA.amR^itAmbudheH || 70||
\section{15\. shrI dharmanAtha jina\-stutiH}
dharma\-tIrthamanaghaM pravartayan
       dharma ityanumataH satAM bhavAn |
karma\-kakShamadahattapo.agnibhiH
       sharma shAshvatamavApa sha~NkaraH || 71||
deva\-mAnava\-nikAya\-sattamai\-
       rejiShe parivR^ito vR^ito budhaiH |
tArakA\-parivR^ito.atipuShkalo
       vyamanIva shasha\-lA~nChano.amalaH || 72||
prAtihArya\-vibhavaiH pariShkR^ito
       dehato.api virato bhavAnabhUt |
mokShamArgamashiShannarAmarAn
       nA.api shAsana\-phalaiShaNA.a.aturaH || 73||
kAya\-vAkya\-manasAM pravR^ittayo
       nA.abhavastava muneshchikIrShayA |
nA.asamIkShya bhavataH pravR^ittayo
       dhIra! tAvakamachintyamIhitam || 74||
mAnuShIM prakR^itimabhyatItavAn
       devatAsvapi cha devatA yataH |
tena nAtha ! paramA.asi devatA
       shreyase jinavR^iSha! prasIda naH || 75||
\section{16\. shrI shAntinAtha jina\-stutiH}
vidhAya rakShAM parataH prajAnAM
       rAjAM chiraM yo.apratima\-pratApaH |
vyadhAtpurastAtsvata eva shAnti\-
       munirdayA\-mUrtirivA.aghashAntim || 76||
chakreNa yaH shatru\-bhaya~NkareNa
       jitvA nR^ipaH sarva\-narendra\-chakram |
samAdhi\-chakreNa punarjigAya
       mahodayo durjaya\-moha\-chakram || 77||
rAja\-shriyA rAjasu rAja\-siMho
       rarAja yo rAja\-subhoga\-tantraH |
Arhantya\-lakShmyA punarAtma\-tantro
       devA surodAra\-sabhe rarAja || 78||
yasminnabhUdrAjani rAja\-chakraM
       munau dayA\-dIdhiti\-dharma\-chakram |
pUjye muhuH prA~njali deva\-chakraM
       dhyAnonmukhe dhvaMsi kR^itAnta\-chakram || 79||
svadoSha\-shAntyA vihitA.a.atmashAntiH
       shAntervidhAtA sharaNaM gatAnAm |
bhUyAdbhava\-klesha\-bhayopashAntyai
       shAntirjino me bhagavAn sharaNyaH || 80||
\section{17\. shrI kunthunAtha jina\-stutiH}
kunthu\-prabhR^ityakhila\-sattva\-dayaikatAnaH
       kunthurjino jvara\-jarA\-maraNopashAntyai |
tvaM dharma\-chakramiha vartayasi sma bhUtyai
       bhUtvA purA kShitipatIshvara\-chakrapANiH || 81||
tR^iShNA.archiShaH paridahanti na shAntirAsA\-
       miShTendriyArtha\-vibhavaiH parivR^iddhireva |
sthityaiva kAya\-paritApa\-haraM nimitta\-
       mityAtmavAn viShaya\-saukhya\-parA~Nmukho.abhUt || 82||
bAhyaM tapaH parama\-dushcharamAcharastva\-
       mAdhyAtmikasya tapasaHparibR^iMhaNArtham |
dhyAnaM nirasya kaluSha\-dvayamuttarasmin
       dhyAna\-dvaye vavR^itiShe.atishayopapanne || 83||
hutvA sva\-karma\-kaTuka\-prakR^itIshchatasro
       ratnatrayA.atishaya\-tejasi jAta\-vIryaH |
babhrAjiShe sakala\-veda\-vidhervinetA
       vyabhre yathA viyati dIpta\-ruchirvivasvAn || 84||
yasmAnmunIndra ! tava loka\-pitAmahAdyA
       vidyA vibhUti kaNikAmapi nApnuvanti |
tasmAdbhavantamajamapratimeyamAryAH
       stutyaM stuvanti sudhiyaH sva\-hitaikatAnAH || 85||
\section{18\. shrI aranAtha jina\-stutiH}
guNa\-stokaM sadulla~Nghya tadbahutva\-kathA stutiH |
AnantyAtte guNA vaktumashakyAstvayi sA katham || 86||
tathA.api te munIndrasya yato nAmA.api kIrtitam |
punAti puNya\-kIrternastato brUyAma ki~nchana || 87||
lakShmI\-vibhava\-sarvasvaM mumukShoshchakra\-lA~nChanam |
sAmrAjyaM sArvabhaumaM te jarattR^iNamivA.abhavat || 88||
tava rUpasya saundaryaM dR^iShTvA tR^iptimanApivAn |
dvayakShaH shakraH sahasrAkSho babhUva bahu\-vismayaH || 89||
moharUpo ripuH pApaH kaShAya\-bhaTa\-sAdhanaH |
dR^iShTi\-saMvidupekShA.astraistvayA dhIra ! parAjitaH || 90||
kandarpasyoddhara darpa strailokya\-vijayArjitaH |
he payAmAsa taM dhIre tvayi pratihatodayaH || 91||
AyatyAM cha tadAtve cha duHkha\-yonirduruttarA |
tR^iShNA nadI tvayottIrNA vidyA\-nAvA viviktayA || 92||
antakaH krandako nR^iNAM janma\-jvara\-sakhaH sadA |
tvAmantakA.antakaM prApya vyAvR^ittaH kAma\-kArataH || 93||
bhUShA\-veShA.a.ayudha\-tyAgi vidyA\-dama\-dayA\-param |
rUpameva tavA.a.achaShTe dhIra ! doSha\-vinigraham || 94||
samantato.a~Nga bhAsAM te pariveSheNa bhUyasA |
tamo bAhyamapAkIrNamadhyAtmaM dhyAna tejasA || 95||
sarvaj~na\-jyotiShodbhUtastAvako mahimodayaH |
kaM na kuryAtpraNamraM te sattvaM nAtha! sachetanam || 96||
tava vAgamR^itaM shrImatsarva\-bhAShA\-svabhAvakam |
prINayatyamR^itaM yadvatprANino vyApi saMsadi || 97||
anekAntAtmadR^iShTiste satI shUnyo viparyayaH |
tataH sarvaM mR^iShoktaM syAttadayuktaM svaghAtataH || 98||
ye para\-skhalitonnidrAH sva\-doShebha\-nimIlanAH |
tapasvinaste kiM kuryurapAtraM tvanmata\-shriyaH || 99||
te taM svaghAtinaM doShaM shamIkartumanIshvarAH |
tvadviShaH svahano bAlAstattvA.avaktavyatAM shritAH || 100||
sadeka\-nitya\-vaktavyAstadvipakShAshcha ye nayAH |
sarvatheti praduShyanti puShyanti syAditIha te || 101||
sarvathA niyama\-tyAgI yathAdR^iShTa mapekShakaH |
syAchChabdastAvake nyAye nAnyeShAmAtmavidviShAm || 102||
anekAntopyanekAntaH pramANa\-naya\-sAdhanaH |
anekAntaH pramANAtte tadekAnto.arpitAnnayAt || 103||
iti nirupama\-yukta\-shAsanaH
       priya\-hita\-yoga\-guNA.anushAsanaH |
ara\-jina ! dama\-tIrtha\-nAyaka\-
       stvamiva satAM pratibodhanAya kaH ? || 104||
mati\-guNa\-vibhavAnurUpata\-
       stvayi\-varadA.a.agama\-dR^iShTirUpataH |
guNa\-kR^iShamapi ki~nchanoditaM
       mama bhavatAd duritAsanoditam || 105||
\section{19\. shrI mallinAtha jina\-stutiH}
yasya maharSheH sakala\-padArtha\-
       pratyavabodhaH samajani sAkShAt |
sA.amara\-martyaM jagadapi sarvaM
       prA~njali bhUtvA praNipatati sma || 106||
yasya cha mUrtiH kanakamayIva
       sva\-sphuradAbhA\-kR^ita\-pariveShA |
vAgapi tattvaM kathayitukAmA
       syAtpada\-pUrvA ramayati sAdhUn || 107||
yasya purastAdvigalita\-mAnA
       na pratitIrthyA bhuvi vivadante |
bhUrapi ramyA pratipadamAsI\-
       ~njAta\-vikoshAmbuja\-mR^idu\-hAsA || 108||
yasya samantAjjina\-shishirAMshoH
       shiShyaka\-sAdhu\-graha\-vibhavo.abhUt |
tIrthamapi svaM janana\-samudra\-
       trAsita\-sattvottaraNa\-patho.agram || 109||
yasya cha shuklaM paramatapo.agni\-
       rdhyAnamanantaM duritamadhAkShIt |
taM jina\-siMhaM kR^itakaraNIya
       mallimashalyaM sharaNamito.asmi || 110||
\section{20\. shrI munisuvrata jina\-stutiH}
adhigata\-muni\-suvrata\-sthiti\-
       muni\-vR^iShabho munisuvrato.anaghaH |
muni\-pariShadi nirbabhau bhavA\-
       nuDu\-pariShatparivIta\-somavat || 111||
pariNata\-shikhi\-kaNTha\-rAgayA
       kR^ita\-mada\-nigraha\-vigrahAbhayA |
tava jina ! tapasaH prasUtayA
       graha pariveSha\-rucheva shobhitam || 112||
shashi\-ruchi\-shuchi\-shukla\-lohitaM
       surabhitaraM virajo nijaM vapuH |
tava shivamativismayaM yate !
       yadapi cha vA~NmanasIyamIhitam || 113||
sthiti\-janana\-nirodha\-lakShaNaM
       charamacharaM cha jagat pratikShaNam |
iti jina ! sakalaj~na\-lA~nChanaM
       vachanamidaM vadatAMvarasya te || 114||
durita\-mala\-kala~NkamaShTakaM
       nirupama\-yoga\-balena nirdahan |
abhavadabhava\-saukhyavAn bhavAn
       bhavatu mamApi bhavopashAntaye || 115||
\section{21\. shrI naminAtha jina\-stutiH}
stutiH stotuH sAdhoH kushala\-pariNAmAya sa tadA
       bhavenmA vA stutyaH phalamapi tatastasya cha |
kimevaM svAdhInyAjjagati sulabhe shrAyasa\-pathe
       stuyAnna tvAM vidvAnsatatamabhipUjyaM nAmmi\-jinam || 116||
tvayA dhIman ! brahma\-praNidhi\-manasA janma\-nigalaM
       samUlaM nirbhinnaM tvamasi viduShAM mokSha\-padavI |
tvayi j~nAna\-jyotirvibhava\-kiraNairbhAti bhagava\-
       nnabhUvan khadyotA iva shuchiravAvanyamatayaH || 117||
vidheyaM vArya chA.anubhayamubhayaM mishramapi tad\-
       visheShaiH pratyekaM niyama\-viShayaishchAparimitaiH |
sadA.anyonyApekShaiH sakala\-bhuvana\-jyeShTha\-guruNA
       tvayA gIta tattvaM bahu\-naya\-vivakShetara\-vashAt || 118||
ahiMsA bhUtAnAM jagati viditaM brahma paramaM
       na sA tatrA.a.arambho.astyaNurapi cha yatrA.a.a shramavidhau |
tatastatsid.hdhyarthaM parama\-karuNo granthamubhayaM
       bhavAnevA.atyAkShInna cha vikR^ita\-veShopadhi\-rataH || 119||
vapurbhUShA\-veSha\-vyavadhi\-rahitaM shAnta\-karaNaM
       yataste sa~nchaShTe smara\-shara\-viShA.a.ata~Nka\-vijayam |
vinA bhImaiH shastrairadaya\-hR^idayA.amarSha\-vilayaM
       tatastvaM nirmohaH sharaNamasi naH shAnti\-nilayaH || 120||
\section{22\. shrI neminAtha jina\-stutiH}
bhagavAnR^iShiH parama\-yoga\-
       dahana\-huta\-kalmaShendhanaH |
j~nAna\-vipula\-kiraNaiH sakalaM
       pratibuddha\-kamalAyatekShaNAH || 121||
harivaMsha\-keturanavadya\-
       vinaya\-dama\-tIrtha\-nAyakaH |
shIla\-jaladhirabhavo vibhava\-
       stvamariShTanemi\-jinaku~njaro.ajaraH || 122||
tridashendra\-\-mauli\-maNi\-ratna\-
       kiraNa\-visaropachumbitam |
pAda\-yugalamamalaM bhavato
       vikasatkusheshaya\-dalA.aruNodaram || 123||
nakha\-chandra\-rashmi\-kavachA.ati\-
       ruchira\-shikharA.a~Nguli\-sthalam |
svArtha\-niyata\-manasaH sudhiyaH
       praNamanti mantra\-mukharA maharShayaH || 124||
dyutimadrathA~Nga\-ravi\-bimba\-
       kiraNa\-jaTilAMshumaNDalaH |
nIla\-jalada\-jala\-rAshi\-vapuH
       saha bandhubhirgaruDaketurIshvaraH || 125||
halabhR^ichcha te svajanabhakti\-
       mudita\-hR^idayau janeshvarau |
dharma\-vinaya\-rasikau sutarAM
       charaNA.aravinda\-yugalaM praNematuH || 126||
kakudaM bhuvaH khacharayoShi\-
       duShita\-shikharairala~NkR^itaH |
megha\-paTala\-parivIta\-taTa\-
       stava lakShaNAni likhitAni vajriNA || 127||
vahatIti tIrthamR^iShibhishcha
       satatamabhigamyate.adya cha |
prIti\-vitata\-hR^idayaiH parito
       bhR^ishamUrjayanta iti vishruto.achalaH || 128||
bahirantarapyubhayathA cha
       karaNamavighAti nA.arthakR^it |
nAtha ! yugapadakhilaM cha sadA
       tvamidaM talA.a.amalakavadviveditha || 129||
       ata eva te budha\-nutasya charita\-guNamadbhutodayam |
nyAya\-vihitamavadhArya jine
       tvayi suprasanna\-manasaH sthitA vayam || 130||
\section{23\. shrI pArshvanAtha jina\-stutiH}
tamAla\-nIlaiH sadhanustaDidguNaiH |
       prakIrNa\-bhImA.ashani\-vAyu\-vR^iShTibhiH |
balAhakairvairi\-vashairupato
       mahAmanA yo na chachAla yogataH || 131||
bR^ihatphaNA\-maNDala\-maNDapena
       yaM sphurattaDitpi~Nga\-ruchopasargiNam |
jugUha nAgo dharaNo dharAdharaM
       virAga\-sandhyA\-taDidambudo yathA || 132||
sva\-yoga\-nistriMsha\-nishAta\-dhArayA
       nishAtya yo durjaya\-moha\-vidviSham |
avApadA.a.arhantyamachityamadbhutaM
       trilokapUjAtishayA.a.aspadaM padam || 133||
yamIshvaraM vIkShya vidhUta\-kalmaShaM
       tapodhanAste.api tathA bubhUShavaH |
vanaukasaH sva\-shrama\-bandhya\-buddhayaH
       shamopadeshaM sharaNaM prapedire || 134||
sa satya\-vidyA\-tapasAM praNAyakaH
       samagradhIrugrakulA.ambarAMshumAn |
mayA sadA pArshvajinaH praNamyate
       vilIna\-mithyApatha\-dR^iShTi\-vibhramaH || 135||
\section{24\. shrI mahAvIra jina\-stutiH}
kIrtyA bhuvi bhAsi tayA
       vIra! tvaM guNa\-samutthayA bhAsitayA |
bhAsoDusa bhA.asitayA
       soma iva vyomni kunda\-shobhAsitayA || 136||
tava jina ! shAsana\-vibhavo
       jayati kalAvapi guNAnushAsana\-vibhavaH |
doShakashAsanavibhavaH
       stuvanti prabhA\-kR^ishAsanavibhavaH || 137||
anavadyaH syAdvAdastava
       dR^iShTeShTAvirodhataH syAdvAdaH |
itaro na syAdvAdo sadvitaya\-
       virodhAnmunIshvarA.asyAdvAdaH || 138||
tvamasi surAsura\-mahito
       granthikasattvA.a.ashayapraNAmA.amahitaH |
loka\-traya\-paramahito\-
       .anAvaraNajyotirujjvaladdhAma\-hitaH || 139||
sabhyAnAmabhiruchitaM
       dadhAsi guNa\-bhUShaNaM shriyA chAru\-chitam |
magnaM svasyAM ruchitaM
       jayasi cha mR^iga\-lA~nChanaM sva\-kAntyA ruchitam || 140||
tvaM jina ! gata\-mada\-mAya\-
       stava bhAvAnAM mumukShu kAmada! mAyaH |
shreyAn shrImadamAya\-
       stvayA samAdeshi saprayAmadamAyaH || 141||
giribhittyavadAnavataH
       shrImata iva dantinaH stravaddAnavataH |
tava shama\-vAdAnavato
       gatamUrjitamapagata\-pramAdAnavataH || 142||
bahuguNa\-sampadasakalaM
       paramatapi madhura vachana\-vinyAsa\-kalam |
naya\-bhaktayavataMsa\-kalaM
       tava deva ! mataM samantabhadraM sakalam || 143||

iti shrIAchArya samantabhadra svAmI virachitaM svayambhUstotraM sampUrNam |

##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}