% Text title : Svatmasakshatkara % File name : svatmasakshatkara.itx % Category : major\_works % Location : doc\_z\_misc\_major\_works % Author : Traditional % Transliterated by : Sunder Hattangadi % Description-comments : Sarvajnanottara Agama http://shodhganga.inflibnet.ac.in/handle/10603/1354 % Latest update : April 21, 2013 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. SvatmasakShatkara ..}## \itxtitle{.. svAtmasAkShAtkAraH ..}##\endtitles ## || svAtmasAkShAtkAropadeshaprakaraNam || ##(##sarvaj~nAnottaravR^ittau##)## athAnyaM sampravakShyAmi upAyaM tattvato guha | agrAhyasyApi sUkShmasya sarvagasya tu niShkalam || 1|| yena vij~nAyate samyak yaM j~nAtvA tu shivo bhavet | na kasya chinmayAkhyAtaM tadvij~nAnaM shruNuShva me || 2|| gurupAramparAyAtamadR^iShTaM sarvAdibhiH | bhavabandhavimokShArthaM paramaM sarvatomukham || 3|| yo.asau sarvagato devaH sarvAtmA sarvatomukhaH | sarvatattvamayo.achintyaH sarvasyopari saMsthitaH || 4|| sarvatattvavyatItashcha vA~NmanonAmavarjitaH | so.ahamevamupAsIta nirvikalpena chetasA || 5|| yadeva niShkalaM j~nAnaM shAshvataM dhruvamavyayam | nirvikalpamanirdeshyaM hetudR^iShTAntavarjitam || 6|| ali~NgamakSharaM shAntaM viShayAtItagocharam | avirbhAvyamasandehaM tadahaM nAtra saMshayaH || 7|| ahameva paro devaH sarvamantramayaH shivaH | sarvamantravyatItashcha sR^iShTisaMhAravarjitaH || 8|| mayA vyAptamidaM sarvaM dR^ishyAdR^ishyaM charAcharam | ahameva jagannAtho mattaH sarvaM prakAshate || 9|| anekAkArasaMbhinnaM vishvaM bhuvanasa~nchayam | shivAdyavaniparyantaM tatsarvaM mayi saMsthitam || 10|| yachchaki~nchijjagatyasmin dR^ishyate shrUyate.api vA | bahirantarvibhAgena tatsarvaM vyApitaM mayA || 11|| ahamAtmA shivohyanyaH paramAtmeti yaH smR^itaH | evamupAsayenmohAnna shivatvamApnuyAt || 12|| shivo.anyastvahamevAnyaH pR^ithagbhAvaM vivarjayet | yashshivaH so.ahameveti advaitaM bhAvayetsadA || 13|| advaitabhAvanAyuktaH sarvatrAtmani saMsthitaH | sarvagaM sarvadehasthaM pashyate nAtra saMshayaH || 14|| evamekAtmabhAvena saMsthitasya tu yoginaH | sarvaj~natvaM pravarteta vikalparahitasya cha || 15|| yo.asau sarveShu shAstreShu paThyate hyaja IshvaraH | akAyo nirguNo hyAtmA so.ahamasmi na saMshayaH || 16|| avij~nAtaH pashuH so hi sR^iShTidharmasamAshritaH | vij~nAtaH shAshvataH shuddhaH sa shivo nAtra saMshayaH || 17|| tasmAdAtmA sadA vedyaH suvichAryaH vichakShaNaiH | parAparavibhAgena sthUlasUkShmavibhAgashaH || 18|| paraH paramanirvANa aparaH sR^iShTibhedataH | sthUlo mantramayaH proktaH sUkShmo dhyAnaikasaMsthitaH || 19|| athavA bahusho.anena kimuktena ShaDAnana | vAgvikalpavisheSheNa manaH saMmohakAriNA || 20|| sarve dharmAtmanaH santi yadyevaM parikalpayet | tattadbhavatyasandehAt sadA tadbhAvabhAvataH || 21|| ityevamAtmavij~nAnaM kathitaM tu samAsataH | j~nAtvaivAtmamayaM sarvamAtmAnaM paryupAsayet || 22|| na tatra devA vedA vA yaj~nA vA bahudakShiNAH | Atmavij~nAnamAshritya vimalaM sarvatomukham || 23|| saMsArArNavamagnAnAM bhUtAnAM sharaNArthinAm | nAnyaH sharaNadaH kashchidAtmaj~nAnAdR^iteH kvachit || 24|| AtmAnaM paramo bhUtvA yo vijAnAti tattvataH | sa muchyate tvayatnena sarvAvasthAM gato.api san || 25|| AtmalAbhAtparolAbhaH kvachidanyo na vidyate | tadAtmAnamupAsIta yo.ayamAtmA parastu saH || 26|| na prANo naiva chApAno vishiShTakaraNastathA | sarvaj~naM tu tamAtmAnaM paripUrNaM sadA smaret || 27|| na chaivAbhyantare bAhye nAtidUre samIpataH | sa niShkale pare sthAne tatra chittaM niveshayet || 28|| tiryagUrdhvamadhashchaiva bahirantashcha nityashaH | sarvashUnyaM tamAbhAsamAtmAnaM bhAvayetsadA || 29|| naiva shUnyaM na chAshUnyamashUnyaM shUnyameva cha | pakShapAtavinirmuktamAtmAnaM paryupAsayet || 30|| nirAmayaM nirAdhAraM varNarUpavivarjitam | nira~njanaM guNAtItamAtmAnaM paryupAsayet || 31|| nirAshrayaM nirAlambamaprameyamanUpamam | svabhAvavimalaM nityamAtmAnaM paryupAsayet || 32|| sa.nnyasya sarvakarmANi niHspR^ihaH sa~NgavarjitaH | bhAvayedAtmanAtmAnamAtmanyevAtmani sthitam || 33|| sa deshajAtisambandhAnvarNAshramasamanvitAn | bhAvAnetAn parityajya svarUpaM bhAvayedbudhaH || 34|| mantro.ayaM devatA hyeShA idaM dhyAnamidaM tapaH | sarvabhAvAn parityajya hyAtmabhAvaM tu bhAvayet || 35|| abhAve bhAvamAshritya bhAvaM kuryAnnirAshrayam | AtmasaMsthaM manaH kR^itvA na ki~nchidapi chintayet || 36|| naiva chintyaM na chAchintyaM na chintyaM chintyameva cha | pakShapAtavinirmuktamAtmAnaM paryupAsayet || 37|| achintyaM chintayennityaM kR^itvA chittaM nirAshrayam | nistattve niShkalI bhUte vindatyAtmani yatsukham || 38|| nirvikalpamachintyaM cha hetudR^iShTAntavarjitam | tatsukhaM paramaM proktamAtyantikamanaupamam || 39|| nirasyaviShayAsa~NgaM manovR^ittiM vivarjayet | yadA yAtyunmanI bhAvaM tadA tatparamaM sukham || 40|| sarvadigdeshakAleShu yogAbhyAso vidhIyate | sarvavarNAshramANAM cha j~nAnabhedo na vidyate || 41|| gavAmanekavarNAnAM kShIrasyApyekavarNatA | kShIravatpashyate j~nAnamali~Ngavastu gavAM samAH || 42|| yasmAtsarvagataM brahma vyApakaM sarvatomukham. tasmAdbrahmaNi saMsthAne digdeshAnna vichArayet || 43|| naiva tasya kR^itenArtho na kAryo na vidhiH smR^itaH | na li~NgaM nAshramAchAraH paramAtmani saMsthitaH || 44|| gachChan tiShThan svapan jAgran bhu~njAno.api pibannapi | sarvadA sarvakAleShu vAtashItAtapeShu cha|| 45|| bhayadAridryarogeShu mandyavijvarakAdiShu | AtmanyavasthitaH shAnta AtmatR^iptastu niShkalaH || 46|| nAgato.ahaM gato vApi nAgamiShyena gachChatA | na bhUto na bhaviShyAmi prakR^ityasthiradharmaNI || 47|| prAkR^itAni tu karmANi prakR^itiH karmasambhavA | nAhaM ki~nchitkaromIti yuktaM manyeta tattvavit || 48|| naiva prakR^itibandho.asti mukta ityabhidhIyate | na chaiva prAkR^itairdoShairlipyate tu kadAchana || 49|| nirnAshya tamasorUpaM dIpo yadvat prakAshate | AbhAtyevaM paro hyAtmA tyaktvA aj~nAnajaM tamaH || 50|| snehakShayAdyathA dIpo balAnnirvANamichChati | tathAtmabhAvanAyuktaH svAtmanyevAvatiShThate || 51|| ghaTasaMvR^itamAkAshaM nIyamAne yathA ghaTe | ghaTo nayati nAkAshaM tadvajjIvo nabhopamaH || 52|| bhinne kumbhe yathAkAshamAkAshatvaM pratipadyate | vibhinne prAkR^ite dehe tathAtmA paramAtmani || 53|| ityevamadhikAreNa sarvaj~nenAdhikAriNA | sarvabandhAdvinirmuktaH sarvaj~naH sarvago bhavet || 54|| tadAgamAn parihR^itya sarvAn shuddhaM gR^ihItvAtmasamAdhiyogam | asmAtparaM nAnyadihAsti ki~nchit j~nAtvaiva santyajya manovikalpam || 55|| vij~nAnamevaM samupAsya vidvAn vishatyakAmaM satataM niyuktaH | sarvatragAmI bhavatIha muktaH taddharmadharmI bahirantaHsaMsthaH || 56|| sarvaj~natAtR^iptiranAdibodhaH svatantratA nityamaluptashaktiH | anantashaktishcha nirAmayAtmA vishuddhadehaH sa shivatvameti || 57|| na dIkShA na tu saMskAro na mudrA na cha maNDalam | na japo nArchanaM snAnaM na homo naivasAdhanam || 58|| dharmAdharmaphalau na staH naiva piNDodakakriyA | niyamAdi na tasyAsti nopavAso vidhIyate || 59|| pravR^ittishcha nivR^ittishcha brahmacharyavratAni cha | agnipraveshanaM nAsti patanaM bhR^igunodake || 60|| shivaj~nAnAmR^itaM pItvA vicharasva yathA sukham | shivavachChAshvataH shuddhaH sR^iShTidharmavivarjitaH || 61|| satyaM satyaM punaH satyaM trisatyaM samayaH kR^itaH | ataH parataraM nAsti vij~neyaM kutrachit guha || 62|| iti shrImatsarvaj~nAnottare svAtmasAkShAtkAropadeshaprakaraNam || pAThabheda: pAThabhedAH \- na japo nArchanaM snAnaM na homo naiva sAdhanam | dharmAdharmaphalaM nAsti na piNDodakakriyA || 58|| niyamAni na tasyAsti nopavAso vidhIyate | pravR^ittiM na nivR^ittishcha brahmacharyavratAni cha || 59|| agniH praveshanaM nAsti patanaM bhR^igunodake | shivaj~nAnAmR^itaM pItvA vicharasva yathAsukham || 60|| shivavachChAshvataH shuddhaH sR^iShTidharmavivarjitaH | satyaM satyaM punaH satyaM trisatyaM smayaH kR^itaH || 61|| ataH parataraM nAsti vij~neyaM kutrachidguha | vimalayati sarvabhAvAn vimalAtmA vimalabuddhi dR^iDhadhIH || 62|| sarvaM vimalaM pashyati vimalo vimalena bhAvena | jAgra jAgra jAgra svapnaM tathA jAgrasuShuptikam || 63|| jAgra turyaM kAlaparamatItaM paradarshanam | vishvAgrasye prashAntashcha shivadarshanameva cha || 64|| sAyujyamitibhedena chordhvamekAdashasmR^itaH || 65|| ## From http://shodhganga.inflibnet.ac.in/handle/10603/1354 Encoded and proofread by Sunder Hattangadi \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}