%@@1
% File name             : raghuvansha9.itx
%--------------------------------------------
% Text title            : raghuvansha8
% Author                : kalidasa
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : Arvind Kolhatkar akolhatkar at rogers.com
% Proofread by          : Arvind Kolhatkar akolhatkar at rogers.com
% Latest update         : May 12, 2005
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% http://sanskrit.bhaarat.com See the document project
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's' agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Raghuvansha by Kalidas Chapter 9 ..}##
 \itxtitle{.. kaalidaasakR^itaM raghuva.nsham sarga 9 ..}##\endtitles ## 
pituranantaramuttarakosalaansamadhigamya samaadhijitendriyaH |
dasharathaH prashashaasa mahaaratho yamavataamavataa.n ca dhuri sthitaH || 9\ -1||
adhigata.n vidhivadyadapaalayatprakR^itimaNDalamaatmakulocitam |
abhavadasya tato guNavattara.n sanagara.n nagarandhrakaraujasaH || 9\ -2||
ubhayameva vadanti maniiShiNaH samayavarShitayaa kR^itakarmaNaam|
balaniShuudanamarthapati.n ca ta.n shramanuda.n manudaNDadharaanvayam || 9\ -3||
janapade na gadaH padamaadadhaavabhibhavaH kuta eva sapatnajaH |
kShitirabhuutphalavatyajanandane shamarate.amaratejasi paarthive || 9\ -4||
dashadigantajitaa raghuNaa yathaa shriyamapuShyadajena tataH param |
tamadhigamya tathaiva punarbabhau na na mahiinamahiinaparaakramam || 9\ -5||
samatayaa vasuvR^iShTivisarjanainiyamanaadasataa.n ca naraadhipaH |
anuyayau yamapuNyajaneshvarau savaruNaavaruNaagrasara.n rucaa || 9\ -6||
na mR^igayaabhiratirna durodara.n na ca shashipratimaabharaNa.n madhu |
tamudayaaya na vaa navayauvanaa priyatamaa yatamaanamapaaharat || 9\ -7||
na kR^ipaNaa prabhavatyapi vaasave na vitathaa parihaasakathaasvapi |
na ca sapatnajaneShvapi tena vaagaparuShaa paruShaakSharamiiritaa || 9\ -8||
uadayamastamaya.n ca raghuudvahaadubhayamaanashire vasudhaadhipaaH |
sa hi nideshamala~NghayataamabhuutsuhR^idayohR^idayaH pratigarjataam || 9\ -9||
ajayadekarathena sa mediniimudadhinemimadhijyasharaasanaH |
jayamaghoShayadasya tu kevala.n gajavatii javatiivrahayaa camuuH || 9\ -10||
avanimekarathena varuuthinaa jitavataH kila tasya dhanurbhR^itaH |
vijayadundubhitaa.n yayurarNavaa ghanaravaa naravaahanasa.npadaH || 9\ -11||
shamitapakShabalaH shatakoTinaa shikhariNaa.n kulishena pura.ndaraH |
sa sharavR^iShTimucaa dhanuShaa dviShaa.n svanavataa navataamarasaananaH || 9\ -12||
caraNayornakharaagasamR^iddhibhirmukuTaratnamariicibhiraspR^ishan |
nR^ipatayaH shatasho maruto yathaa shatamakha.n tamakhaNDitapauruSham || 9\ -13||
nivavR^ite sa mahaarNavarodhasaH sacivakaaritabaalasutaa~njaliin |
samanukampya sapatnaparigrahaananalakaanalakaanavamaa.n puriim || 9\ -14||
upagato.api ca maNDalanaabhitaamanuditaanyasitaatapavaaraNaH |
shriyamavekShya sa randhracalaamabhuudanalaso.analasomasamadyutiH || 9\ -15||
tamapahaaya kakutsthakulodbhava.n puruShamaatmabhava.n ca pativrataa |
nR^ipatimanyamasevata devataa sakamalaa kamalaaghavamarthiShu || 9\ -16||
tamalabhanta pati.n patidevataaH shikhariNaamiva saagaramaapagaaH |
magadhakosalakekayashaasinaa.n duhitaro.ahitaropitamaargaNam || 9\ -17||
priyatamaabhirasau tisR^ibhirbabhau tisR^ibhireva bhuva.n saha shaktibhiH |
upagato vininiiShuriva prajaa harihayo.arihayogavicakShaNaH || 9\ -18||
sa kila sa.nyugamuurdhni sahaayataa.n maghavataH pratipadya mahaarathaH |
svabhujaviiryamagaapayaducChrita.n suravadhuuravadhuutabhayaaH sharaiH || 9\ -19||
kratuShu tena visarjitamaulinaa bhujasamaahR^itadigvasunaa kR^itaaH |
kanakayuupasamucChrayashobhino vitamasaa tamasaasarayuutaTaaH || 9\ -20||
ajinadaNDabhR^ita.n kushamekhalaa.n yatagira.n mR^igashR^i~Ngaparigrahaam |
adhivasa.nstanumadhvaradiikShitaamasamabhaasamabhaasayadiishvaraH || 9\ -21||
avabhR^ithaprayato niyatendriyaH surasamaajasamaakramaNocitaH |
namayati sma sa kevalamunnata.n vanamuce namuceraraye shiraH || 9\ -22||
asakR^idekarathena tarasvinaa harihayaagrasareNa dhanurbhR^itaa |
dinakaraabhimukhaa raNareNavo rurudhire rudhireNa suradviShaam || 9\ -23||
atha samaavavR^ite kusumairnavaistamiva sevitumekanaraadhipam |
yamakuberajaleshvaravajriNaa.n samadhura.n madhura~ncitavikramam || 9\ -24||
jigamiShurdhanadaadhyuShitaa.n disha.n rathayujaa parivartitavaahanaH |
dinamukhaani ravirhimanigrahairvimalayanmalaya.n nagamatyajat || 9\ -25||
kusumajanma tato navapallavaastadanu ShaTpadakokilakuujitam | 
iti yathaakramamaavirabhuunmadhurdrumavatiimavatiirya vanasthaliim || 9\ -26||
nayaguNopacitaamiva bhuupateH sadupakaaraphalaa.n shriyamarthinaH |
abhiyayuH saraso madhusa.nbhR^itaa.n kamaliniimaliniirapatatriNaH || 9\ -27||
kusumameva na kevalamaartava.n navamashokataroH smaradiipanam |
kisalayaprasavo.api vilaasinaa.n madayitaa dayitaashravaNaarpitaH || 9\ -28||
viracitaa madhunopavanashriyaamabhinavaa iva patravisheShakaaH |
madhulihaa.n madhudaanavishaaradaaH kurabakaa ravakaaraNataa.n yayuH || 9\ -29||
suvadanaavadanaasavasa.nbhR^itastadanuvaadiguNaH kusumodgamaH |
madhukarairakaronmadhulolupairbakulamaakulamaayatapa~NktibhiH || 9\ -30||
upahita.n shishiraapagamashriyaa mukulajaalamashobhata ki.nshuke |
praNayiniiva nakhakShatamaNDana.n pramadayaa madayaapitalajjayaa || 9\ -31||
vraNagurupramadaadharaduHsaha.n jaghananirviShayiikR^itamekhalam |
na khalu taavadasheShamapohitu.n ravirala.n virala.n kR^itavaanhimam || 9\ -32||
abhinayaanparicetumivodyataa malayamaarutakampitapallavaa |
amadayatsahakaaralataa manaH sakalikaa kalikaamajitaamapi || 9\ -33||
prathamamanyabhR^itaabhirudiiritaaH praviralaa iva mugdhavadhuukathaaH |
surabhigandhiShu shushruvire giraH kusumitaasu mitaa vanaraajiShu || 9\ -34||
shrutisukhabhramarasvanagiitayaH kusumakomaladantaruco babhuH |
upavanaantalataaH pavanaahataiH kisalayaiH salayairiva paaNibhiH || 9\ -35||
lalitavibhramabandhavicekShaNa.n surabhigandhaparaajitakesaram |
patiShu nirvivishurmadhuma~NganaaH smarasakha.n rasakhaNDanavarjitam || 9\ -36||
shushubhire smitacaarutaraananaaH striya iva shlathashi~njitamekhalaaH |
vikacataamarasaa gR^ihadiirghikaa madakalodakalolaviha.ngamaaH || 9\ -37||
upayayau tanutaa.n madhukhaNDitaa himakarodayapaaNDumukhacChaviH |
sadR^ishamiShTasamaagamanirvR^iti.n vanitayaanitayaa rajaniivadhuuH || 9\ -38||
apatuShaaratayaa vishadaprabhaiH suratasa~NgaparishramanodibhiH |
kusumacaapamatejayada.nshubhirhimakaro makarorjitaketanam || 9\ -39||
hutahutaashanadiipti vanashriyaH pratinidhiH kanakaabharaNasya yat |
yuvatayaH kusuma.m dadhuraahita.n tadalake dalakesarapeshalam || 9\ -40||
alibhira~njanabindumanoharaiH kusumapa~Nktinipaatibhira~NkitaH |
na khalu shobhayati sma vanasthalii.n na tilakastilakaH pramadaamiva || 9\ -41||
amadayanmadhugandhasanaathayaa kisalayaadharasa.ngatayaa manaH |
kusumasa.nbhR^itayaa navamallikaa smitarucaa tarucaaruvilaasinii || 9\ -42||
aruNaraaganiShedhibhira.nshukaiH shravaNalabdhapadaishca yavaa~NkuraiH |
parabhR^itaavirutaishca vilaasinaH smarabalairabalaikarasaaH kR^itaaH || 9\ -43||
upacitaavayavaa shucibhiH kaNairalikadambakayogamupeyuShii |
sadR^ishakaantirakShyata ma~njarii tilakajaalakajaalakamauktikaiH || 9\ -44||
dhvajapaTa.n madanasya dhanurbhR^itashChavikara.n mukhacuurNamR^itushriyaH |
kusumakesarareNumalivrajaaH sapavanopavanotthitamanvayuH || 9\ -45||
anubhavannavadolamR^ituutsava.n paTurapi priyakaNThajighR^ikShayaa |
anayadaasanarajjuparigrahe bhujalataa.n jalataamabalaajanaH || 9\ -46||
tyajata maanamala.n bata vigrahairna punareti gata.n catura.n vayaH |
parabhR^itaabhiritiiva nivedite smaramate ramate sma vadhuujanaH || 9\ -47||
atha yathaasukhamaartavamutsava.n samanubhuuya vilaasavatiisakhaH |
narapatishcakame mR^igayaarati.n sa madhumanmadhumanmathasa.nnibhaH || 9\ -48||
paricaya.n calalakShyanipaatane bhayarucoshca tadi~Ngitabodhanam |
shramajayaatpraguNaa.n ca karotyasau tanumato.anumataH sacivairyayau || 9\ -49||
mR^igavanopagamakShamaveShabhR^idvipulakaNThaniShaktasharaasanaH |
gaganamashvakhuroddhatareNubhirnR^isavitaa sa vitaanamivaakarot || 9\ -50||
grathitamaulirasau vanamaalayaa tarupalaashasavarNatanucChadaH |
turagavalganaca~ncalakuNDalo viruruce ruruceShTitabhuumiShu || 9\ -51||
tanulataaviniveshitavigrahaa bhramarasa.nkramitekShaNavR^ittayaH |
dadR^ishuradhvani ta.n vanadevataaH sunayana.n nayananditakosalam || 9\ -52||
shvagaNivaagurikaiH prathamaasthita.n vyapagataanaladasyu vivesha saH |
sthiratura.ngamabhuumi nipaanavanmR^igavayogavayopacita.n vanam || 9\ -53||
atha nabhasya iva tridashaayudha.n kanakapi~NgataDidguNasa.nyutam |
dhanuradhijyamanaadhirupaadade naravaro ravaroShitakesarii || 9\ -54||
tasya stanapraNayibhirmuhureNashaavai\-
rvyaahanyamaanahariNiigamana.n purastaat |
aavirbabhuuva kushagarbhamukha.n mR^igaaNaa.n 
yuutha.n tadagrasaragarvitakR^iShNasaaram || 9\ -55||
tatpraarthita.n javanavaajigatena raadnyaa
tuuNiimukhoddhR^itashareNa vishiirNapa~Nkti |
shyaamiicakaara vanamaakuladR^iShTipaatai\-
rvaateritotpaladalaprakarairivaardraiH || 9\ -56||
lakShyiikR^itasya hariNasya hariprabhaavaH
prekShya sthitaa.n sahacarii.n vyavadhaaya deham |
aakarNakR^iShTamapi kaamitayaa sa dhanvii
baaNa.n kR^ipaamR^idumanaaH pratisa.njahaara || 9\ -57||
tasyaapareShvapi mR^igeShu sharaanmumukShoH
karNaantametya bibhide nibiDo.api muShTiH |
traasaatimaatracaTulaiH smarataH sunetraiH
prauDhapriyaanayanavibhramaceShTitaani || 9\ -58||
uttasthuShaH sapadi palvalapa~Nkamadhyaa\-
nmustaaprarohakavalaavayavaanukiirNam |
jagraaha sa drutavaraahakulasya maarga.n
suvyaktamaardrapadapa~NktibhiraayataabhiH || 9\ -59||
ta.n vaahanaadavanatottarakaayamiiSha\-
dvidhyantamuddhR^itasaTaaH pratihantumiiShuH |
naatmaanamasya vividuH sahasaa varaahaa
vR^ikSheShu viddhamiShubhirjaghanaashrayeShu || 9\ -60||
tenaabhighaatarabhasasya vikR^iShya patrii
vanyasya netravivare mahiShasya muktaH |
nirbhidya vigrahamashoNitaliptapu~Nkha\-
sta.n paatayaa.n prathamamaasa papaata pashcaat || 9\ -61||
praayo viShaaNaparimokShalaghuuttamaa~Ngaa\-
nkhaDgaa.nshcakaara nR^ipatirnishitaiH kShurapraiH |
shR^i~Nga.n sa dR^iptavinayaadhikR^itaH pareShaa\-
matyucChrita.n na mamR^iShe na tu diirghamaayuH || 9\ -62||
vyaaghraanabhiirabhimukhotpatitaanguhaabhyaH
phullaasanaagraviTapaaniva vaayurugNaan |
shikShaavisheShalaghuhastatayaa nimeShaa\-
ttuuNiicakaara sharapuuritavaktrarandhraan || 9\ -63||
nirghaatograiH ku~njaliinaa~njighaa.nsurjyaanirghoShaiH kShobhayaamaasa si.nhaan |
nuuna.n teShaamabhyasuuyaaparo.abhuudviiryodagre raajashabdo mR^igeShu || 9\ -64||
taanhatvaa gajakulabaddhatiivravairaankaakutsthaH kuTilanakhaagralagnamuktaan |
aatmaana.n raNakR^itakarmaNaa.n gajaanaamaanR^iNya.n gatamiva maargaNairama.nsta || 9\ -65||
camaraanparitaH pravartitaashvaH kvacidaakarNavikR^iShTabhallavarShii |
nR^ipatiiniva taanviyojya sadyaH sitabaalavyajanairjagaama shantim || 9\ -66||
api turagasamiipaadutpatanta.n mayuura.n
na sa rucirakalaapa.n baaNalakShyiicakaara |
sapadi gatamanaskashcitramaalyaanukiirNe
rativigalitabandhe keshapaashe priyaayaaH || 9\ -67||
tasya karkashavihaarasa.nbhava.n svedamaananavilagnajaalakam |
aacacaama satuShaarashiikaro bhinnapallavapuTo vanaanilaH || 9\ -68||
iti vismR^itaanyakaraNiiyamaatmanaH sacivaavalambidhura.n dharaadhipam |
parivR^iddharaagamanubandhasevayaa mR^igayaa jahaara catureva kaaminii || 9\ -69||
sa lalitakusumapravaalashayyaa.n jvalitamahauShadhidiipikaasanaathaam |
narapatirativaahayaa.nbabhuuva kvacidasametaparicChadastriyaamaam || 9\ -70||
uShasi sa gajayuuthakarNataalaiH paTupaTahadhvanibhirviniitanidraH |
aramata madhuraaNi tatra shR^iNvanvihagavikuucitabandima~Ngalaani || 9\ -71||
atha jaatu rurorgR^ihiitavartmaa vipine paarshvacarairalakShyamaaNaH |
shramaphenamucaa tapasvigaaDhaa.n tamasaa.n praapa nadii.n tura.ngameNa || 9\ -72||
kumbhapuuraNabhavaH paTuruccairuccacaara ninado.ambhasi tasyaaH |
tatra sa dviradabR^i.nhitasha~Nkii shabdapaatinamiShu.n visasarja || 9\ -73||
nR^ipateH pratiShiddhameva tatkR^itavaanpa~Nktiratho vila~Nghya yat |
apathe padamarpayanti hi shrutavanto.api rajonimiilitaaH || 9\ -74||
haa taateti kranditamaakarNya viShaNNa\-
stasyaanviShyanvetasaguuDha.n prabhava.n saH |
shalyaprota.n prekShya sakumbha.n muniputra.n
taapaadantaHshalya ivaasiitkShitipo.api || 9\ -75||
tenaavatiirya turagaatprathitaanvayena 
pR^iShTaanvayaH sa jalakumbhaniShaNNadehaH |
tasmai dvijetaratapasvisuta.n skhaladbhi\-
raatmaanamakSharapadaiH kathayaa.nbabhuuva || 9\ -76||
taccoditaH sa tamanuddhR^itashalyameva pitroH sakaashamavasannadR^ishorninaaya |
taabhyaa.n tathaagatamupetya tamekaputramadnyaanataH svacarita.n nR^ipatiH shasha.nsa || 9\ -77||
tau da.npatii bahu vilapya shishoH prahartraa 
shalya.n nikhaatamudahaarayataamurastaH |
so.abhuutparaasuratha bhuumipati.n shashaapa
hastaarpitairnayanavaaribhireva vR^iddhaH || 9\ -78||
diShTaantamaapsyati bhavaanapi putrashokaa\-
dantye vayasyahamiveti tamuktavantam |
aakraantapuurvamiva muktaviSha.n bhuja.nga.n
provaaca kosalapatiH prathamaaparaaddhaH || 9\ -79||
shaapo.apyadR^iShTatanayaaananapadmashobhe
saanugraho bhagavataa mayi paatito.ayam |
kR^iShyaa.n dahannapi khalu kShitimindhaneddho
biijaprarohajananii.n jvalanaH karoti || 9\ -80||
ittha.n gate gataghR^iNaH kimaya.n vidhattaa.n vadhyastavetyabhihito vasudhaadhipena |
edhaanhutaashanavataH sa muniryayaace putra.n paraasumanugantumanaaH sadaaraH || 9\ -81||
praaptaanugaH sapadi shaasanamasya raajaa 
sa.npaadya paatakaviluptadhR^itirnivR^ittaH |
antarniviShTapadamaatmavinaashahetu.n
shaapa.n dadhajjvalanamaurvamivaamburaashiH || 9\ -82||

iti shriiraghuva.nshe mahaakaavye kavishriikaalidaasakR^itau
mR^igayaavarNano naama navamaH sargaH ||
##
\medskip\hrule\medskip
Encoded and Proofread by Arvind Kolhatkar akolhatkar at rogers.com

\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}