%@@1
% File name             : raghuvansha 4.itx
%--------------------------------------------
% Text title            : raghuvansha 4
% Author                : kalidasa
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : Arvind Kolhatkar akolhatkar at rogers.com
% Proofread by          : Arvind Kolhatkar akolhatkar at rogers.com
% Latest update         : May 11, 2005
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% http://sanskrit.bhaarat.com See the document project
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's' agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Raghuvansha by Kalidas Chapter 4 ..}##
 \itxtitle{.. kaalidaasakR^itaM raghuva.nsham sarga 4 ..}##\endtitles ## 
sa raajya.n guruNaa datta.n pratipadyaadhika.n babhau |
dinaante nihita.n tejaH savitreva hutaashanaH || 4\-1||
diliipaanantara.n raajye ta.n nishamya pratiShThitam |
puurva.n pradhuumito raaj~naa.n hR^idaye.agnirivotthitaH || 4\-2||
puruhuutadhvajasyeva tasyoonnayanapa~NktayaH |
navaabhyutthaanadarshinyo nananduH saprajaaH prajaaH || 4\-3||
samameva samaakraanta.n dvaya.n dviradagaaminaa |
tena si.nhaasana.n pitryamakhila.n caarimaNDalam || 4\-4||
ChaayaamaNDalalakShyeNa tamadR^ishyaa kila svayam |
padmaa padmaatapatreNa bheje saamraajyadiikShitam || 4\-5||
parikalpitasaa.nnidhyaa kaale kaale ca bandiShu |
stutya.n stutibhirarthyaabhirupatasthe sarasvatii || 4\-6||
manuprabhutirmaanyairbhuktaa yadyapi raajabhiH |
tathaapyananyapuurveva tasminnaasiidvasu.ndharaa || 4\-7||
sa hi sarvasya lokasya yuktadaNDatayaa manaH |
aadade naatishiitoShNo nabhasvaaniva dakShiNaH || 4\-8||
mandotkaNThaaH kR^itaastena guNaadhikatayaa gurau |
phalena sahakaarasya puShpodgama iva prajaaH || 4\-9||
nayavidbhirnave raaj~ni sadasaccopadarshitam |
puurva evaabhavatpakShastasminnaabhavaduttaraH || 4\-10||
pa~nchaanaamapi bhuutaanaamutkarSha.n pupuShurguNaaH |
nave tasminmahiipaale sarva.n navamivaabhavat || 4\-11||
yathaa prahlaadanaachchandraH prataapaattapano yathaa |
tathaiva so.abhuudanvartho raajaa prakR^itira~njanaat || 4\-12||
kaama.n karNaantavishraante vishaale tasya lochane |
chakShuShmattaa tu shaastreNa suukShmakaaryaarthadarshinaa || 4\-13||
labdhaprashamanasvasthamathaina.n samupasthitaa |
paarthivashriirdvitiiyeva sharatpa~NkajalakShaNaa || 4\-14||
nirvR^iShTalaghubhirmeghairmuktavartmaa suduHsahaH |
prataapastasya bhaanoshcha yugapadvyaanashe dishaH || 4\-15||
vaarShika.n sa.njahaarendro dhanurjaitra.n raghurdadhau |
prajaarthasaadhane tau hi paryaayodyatakaarmukau || 4\-16||
puNDariikaatapatrasta.n vikasatkaashacaamaraH |
R^iturviDambayaamaasa na punaH praapa tacChriyam || 4\-17||
prasaadasumukhe tasmi.nshcandre ca vishadaprabhe |
tadaa cakShuShmataa.n priitiraasiitsamarasaa dvayoH || 4\-18||
ha.nsashreNiiShu taaraasu kumudvatsu ca vaariShu |
vibhuutayastadiiyaanaa.n paryastaa yashasaamiva || 4\-19||
ikShucChaayaniShaadinyastasya gopturguNodayam |
aakumaarakathoddhaata.n shaaligopyo jaguryashaH || 4\-20||
prasasaadodayaadambhaH kumbhayonermahaujasaH |
raghorabhibhavaasha~Nki cukShubhe dviShataa.n manaH|| 4\-21||
madodagraaH kakudmantaH saritaa.n kuulamudrujaaH |
liilaakhelamanupraapurmahokShaastasya vikramam|| 4\-22||
prasavaiH saptaparNaanaa.n madagandhibhiraahataaH |
asuuyayeva tannaagaaH saptadhaiva prasusruvuH|| 4\-23||
saritaH kurvatii gaadhaaH pathashcaashyaanakardamaan |
yaatraayai codayaamaasa ta.n shakteH prathama.n sharat|| 4\-24||
tasmai samyagghuto vahnirvaajiniiraajanaavidhau |
pradakShiNaarcirvyaajena hasteneva jaya.n dadau|| 4\-25||
sa guptamuulapratyantaH shuddhapaarShNirayaanvitaH |
ShaDvidha.n balamaadaaya pratasthe digjigiiShayaa|| 4\-26||
avaakiranvayovR^iddhaasta.n laajaiH paurayoShitaH |
pR^iShatairmandaroddhuutaiH kShiirormaya ivaacyutam|| 4\-27||
sa yayau prathama.n praacii.n tulyaH praaciinabarhiShaa |
ahitaananiloddhuutaistarjayanniva ketubhiH|| 4\-28||
rajobhiH syandanoddhuutairgajaishca ghanasa.nnibhaiH |
bhuvastalamiva vyoma kurvanvyomeva bhuutalam|| 4\-29||
prataapo.agre tataH shabdaH paraagastadanantaram |
yayau pashcaadrathaadiiti catuHskandheva saa camuuH|| 4\-30||
marupR^iShThaanyudambhaa.nsi naavyaaH suprataraa nadiiH |
vipinaani prakaashaani shaktimattvaaccakaara saH|| 4\-31||
sa senaa.n mahatii.n karShanpuurvasaagaragaaminiim |
babhau harajaTaabhraShTaa.n ga~Ngaamiva bhagiirathaH|| 4\-32||
tyaajitaiH phalamutkhaatairbhagnaishca bahudhaa nR^ipaiH |
tasyaasiidulbaNo maargaH paadapairiva dantinaH|| 4\-33||
paurastyaanevamaakraama.nstaa.nstaa~njanapadaa~njayii |
praapa taaliivanashyaamamupakaNTha.n mahodadheH|| 4\-34||
anamraaNaa.n samuddhartustasmaatsindhurayaadiva |
aatmaa sa.nrakShitaH suhmairvR^ittimaashritya vaitasiim|| 4\-35||
va~Ngaanutkhaaya tarasaa netaa nausaadhanodyataan |
nicakhaana jayastambhaanga~NgaasrotontareShu saH|| 4\-36||
aapaadapadmapraNataaH kalamaa iva te raghum |
phalaiH sa.nvardhayaamaasurutkhaatapratiropitaaH|| 4\-37||
sa tiirtvaa kapishaa.n sainyairbaddhadviradasetubhiH |
utkalaadarshitapathaH kali~Ngaabhimukho yayau|| 4\-38||
sa prataapa.n mahendrasya muurdhni tiikShNa.n nyaveshayat |
a~Nkusha.n dviradasyeva yantaa gambhiiravedinaH|| 4\-39||
pratijagraaha kaali~NgastamastrairgajasaadhanaH |
pakShacChedodyata.n shakra.n shilaavarShiiva parvataH|| 4\-40||
dviShaa.n viShahya kaakutsthastatra naaraacadurdinam |
sanma~Ngalasnaata iva pratipede jayashriyam || 4\-41||
taambuuliinaa.n dalaistatra racitaapaanabhuumayaH |
naarikelaasava.n yodhaaH shaatrava.n ca papuryashaH || 4\-42||
gR^ihiitapratimuktasya sa dharmavijayii nR^ipaH |
shriya.n mahendranaathasya jahaara na tu mediniim || 4\-43||
tato velaataTenaiva phalavatpuugamaalinaa |
agastyaacaritaamaashaamanaashaasyajayo yayau || 4\-44||
sa sainyaparibhogeNa gajadaanasugandhinaa |
kaaverii.n saritaa.n patyuH sha~Nkaniiyaamivaakarot || 4\-45||
balairadhyuShitaastasya vijigiiShorgatadhvanaH |
maariicodbhraantahaariitaa malayaadrerupatyakaaH || 4\-46||
sasa~njurashvakShuNNaanamelaanaamutpatiShNavaH |
tulyagandhiShu mattebhakaTeShu phalareNavaH || 4\-47||
bhogiveShTanamaargeShu candanaanaa.n samarpitam |
naasrasatkariNaa.n graiva.n tripadiicChedinaamapi || 4\-48||
dishi mandaayate tejo dakShiNasyaa.n raverapi |
tasyaameva raghoH paaNDyaaH prataapa.n na viShehire || 4\-49||
taamraparNiisametasya muktaasaara.n mahodadheH |
te nipatya dadustasmai yashaH svamiva sa.ncitam || 4\-50||
sa nirvishya yathaakaama.n taTeShvaaliinacandanau |
stanaaviva dishastasyaaH shailau malayadardurau || 4\-51||
asahyavikramaH sahya.n duuraanmuktamudanvataa |
nitambamiva medinyaaH srastaa.nshukamala~Nghayat || 4\-52||
tasyaaniikairvisarpadbhiraparaantajayodyataiH |
raamaastrotsaarito.apyaasiitsahyalagna ivaarNavaH || 4\-53||
bhayotsR^iShTavibhuuShaaNaa.n tena keralayoShitaam |
alakeShu camuureNushcuurNapratinidhiikR^itaH || 4\-54||
muralaamaarutoddhuutamagamatkaitaka.n rajaH |
tadyodhavaarabaaNaanaamayatnapaTavaasataam || 4\-55||
abhyabhuuyata vaahaanaa.n carataa.n gaatrashi~njitaiH |
varmabhiH pavanoddhuutaraajataaliivanadhvaniH || 4\-56||
kharjuuriiskandhanaddhaanaa.n madodgaarasugandhiShu |
kaTeShu kariNaa.n petuH pu.nnaagebhyaH shiliimukhaaH || 4\-57||
avakaasha.n kilodanvaan raamaayaabhyarthito dadau |
aparaantamahiipaalavyaajena raghave karam || 4\-58||
mattebharadanotkiirNavyaktavikramalakShaNam |
trikuuTameva tatrocchairjayastambha.n cakaara saH || 4\-59||
paarasiikaa.nstato jetu.n pratasthe sthalavartmanaa |
indriyaakhyaaniva ripuu.nstattvaj~naanena sa.nyamii || 4\-60||
yavaniimukhapadmaanaa.n sehe madhumada.n na saH |
baalaatapamivaabjaanaamakaalajaladodayaH  || 4\-61||
sa~Ngraamastumulastasya paashcaatyairashvasaadhanaiH |
shaar~Ngakuujitavij~neyapratiyodhe rajasyabhuut || 4\-62||
bhallaapavarjitaisteShaa.n shirobhiH shmashrulairmahiim |
tastaara saraghaavyaaptaiH sa kShaudrapaTalairiva || 4\-63||
apaniitashirastraaNaaH sheShaasta.n sharaNa.n yayuH |
praNipaatapratiikaaraH sa.nrambho hi mahaatmanaam || 4\-64||
vinayante sma tadyodhaa madhubhirvijayashramam |
aastiirNaajinaratnaasu draakShaavalayabhuumiShu || 4\-65||
tataH pratasthe kauberii.n bhaasvaaniva raghurdisham |
sharairusrairivodiicyaanuddhariShyan rasaaniva || 4\-66||
viniitaadhvashramaastasya sindhutiiraviceShTanaiH |
dudhuvurvaajinaH skandhaa{\m+}llagnaku~Nkumakesaraan || 4\-67||
tatra huuNaavarodhaanaa.n bhartR^iShu vyaktavikramam |
kapolapaaTalaadeshi babhuuva raghuceShTitam || 4\-68||
kaambojaaH samare soDhu.n tasya viiryamaniishvaraaH |
gajaalaanaparikliShTairakShoTaiH saardhamaanataaH || 4\-69||
teShaa.n sadashvabhuuyiShThaastu~Ngaa draviNaraashayaH |
upadaa vivishuH shashvannotsekaaH kosaleshvaram || 4\-70||
tato gauriiguru.n shailamaarurohaashvasaadhanaH |
vardhayanniva tatkuuTaanuddhuutairdhaatureNubhiH || 4\-71||
shasha.nsa tulyasattvaanaa.n sainyaghoShe.apyasa.nbhramam |
guhaashayaanaa.n si.nhaanaa.n parivR^ityaavalokitam || 4\-72||
bhuurjeShu marmariibhuutaaH kiicakadhvanihetavaH |
ga~NgaashiikariNo maarge marutasta.n siShevire || 4\-73||
vishashramurnameruuNaa.n Chaayaasvadhyaasya sainikaaH |
dR^iShado vaasitotsa~Ngaa niShaNNamR^iganaabhibhiH || 4\-74||
saralaasaktamaata~NgagraiveyasphuritatviShaH |
aasannoShadhayo neturnaktamasnehadiipikaaH || 4\-75||
tasyotsR^iShTanivaaseShu kaNTharajjukShatatvacaH |
gajavarShma kiraatebhyaH shasha.nsurdevadaaravaH || 4\-76||
tatra janya.n raghorghora.n parvatiiyairgaNairabhuut |
naaraacakShepaNiiyaashmaniShpeShotpatitaanalam || 4\-77||
sharairutsavasa.nketaansa kR^itvaa viratotsavaan |
jayodaaharaNa.n baahvorgaapayaamaasa ki.nnaraan || 4\-78||
paraspareNa vij~naatasteShuupaayanapaaNiShu |
raaj~naa himavataH saaro raaj~naH saaro himaadriNaa || 4\-79||
tatraakShobhya.n yashoraashi.n niveshyaavaruroha saH |
paulastyatulitasyaadreraadadhaana iva hriyam || 4\-80||
cakampe tiirNalauhitye tasminpraagjyotiSheshvaraH |
tadgajaalaanataa.n praaptaiH saha kaalaagurudrumaiH || 4\-81||
na prasehe sa ruddhaarkamadhaaraavarShadurdinam |
rathavartmarajo.apyasya kuta eva pataakiniim || 4\-82||
tamiishaH kaamaruupaaNaamatyaakhaNDalavikramam |
bheje bhinnakaTairnaagairanyaanuparurodha yaiH || 4\-83||
kaamaruupeshvarastasya hemapiiThaadhidevataam |
ratnapuShpopahaareNa Chaayamaanarca paadayoH || 4\-84||
iti jitvaa disho jiShNurnyavartata rathoddhatam |
rajo vishraamayanraaj~naa.n ChatrashuunyeShu mauliShu || 4\-85||
sa vishvajitamaajahre yaj~na.n sarvasvadakShiNam |
aadaana.n hi visargaaya sataa.n vaarimucaamiva || 4\-86||
satraante sacivasakhaH puraskriyaabhi-
rgurviibhiH shamitaparaajayavyaliikaan |
kaakutsthashciravirahotsukaavarodhaan 
raajanyaansvapuranivR^ittaye.anumene || 4\-87||
te rekhaakulishaatapatrachihna.n
samraajashcaraNayuga.n prasaadalabhyam |
prasthaanapraNatibhira~NguliiShu cakru-
rmaulisrakcyutamakarandareNugauram || 4\-88||

iti shriiraghuva.nshe mahaakaavye kavishriikaalidaasakR^itau
raghudigvijayo naama caturthaH sargaH ||
##
\medskip\hrule\medskip
Encoded and proofread by Arvind Kolhatkar akolhatkar at rogers.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}