%@@1
% File name             : raghuvansha18.itx
%--------------------------------------------
% Text title            : raghuvansha18
% Author                : kalidasa
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : Arvind Kolhatkar akolhatkar at rogers.com
% Proofread by          : Arvind Kolhatkar akolhatkar at rogers.com
% Latest update         : December 01, 2005
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% http://sanskrit.bhaarat.com See the document project
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's' agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Raghuvansha 18 by Kalidas ..}## 
\itxtitle{.. kaalidaasakR^itam raghuva.nsham sarga 18 va.nshaanukrama ..}##\endtitles ## 

sa naiShadhasyaarthapateH sutaayaamutpaadayaamaasa niShiddhashatruH | 
anuunasaara.n niShadhaannagendraatputra.n yamaahurniShadhaakhyameva || 18\-1|| 
tenonuviiryeNa pitaa prajaayai kalpiShyamaaNena nananda yuunaa | 
suvR^iShTiyogaadiva jiivalokaH sasyena sa.npattiphalonmukhena || 18\-2|| 
shabdaadi nirvishya sukha.n ciraaya tasminpratiShThaapitaraajashabdaH | 
kaumudvateyaH kumudaavadaatairdyaamarjitaa.n karmabhiraaruroha || 18\-3|| 
pautraH kushasyaapi kusheshayaakShaH sasaagaraa.n saagaradhiiracetaaH | 
ekaatapatraa.n bhuvamekaviiraH puraargalaadiirghabhujo bubhoja || 18\-4|| 
tasyaanalaujaastanayastadante va.nshashriya.n praapa nalaabhidhaanaH | 
yo naDvalaaniiva gajaH pareShaa.n balaanyamR^idgaannalinaabhavaktraH || 18\-5|| 
nabhashcarairgiitayashaaH sa lebhe nabhastalashyaamatanu.n tanuujam | 
khyaata.n nabhaHshabdamayena naamnaa kaanta.n nabhomaasamiva prajaanaam || 18\-6|| 
tasmai visR^ijyottarakosalaanaa.n dharmottarastatprabhave prabhutvam | 
mR^igairajarya.n jarasopadiShTamadehabandhaaya punarbabandha || 18\-7|| 
tena dvipaanaamiva puNDariiko raadnyaamajayyo.ajani puNDariikaH | 
shaante pitaryaahR^itapuNDariikaa ya.n puNDariikaakShamiva shritaa shriiH || 18\-8|| 
sa kShemadhanvaanamamoghadhanvaa putra.n prajaakShemavidhaanadakSham | 
kShmaa.n lambhayitvaa kShamayopapanna.n vane tapaH kShaantatarashcacaara || 18\-9|| 
aniikiniinaa.n samare.agrayaayii tasyaapi devapratimaH suto.abhuut | 
vyashruuyataaniikapadaavasaana.n devaadi naama tridive.api yasya || 18\-10|| 
pitaa samaaraadhanatatpareNa putreNa putrii sa yathaiva tena | 
putrastathaivaatmajavatsalena sa tena pitraa pitR^imaanbabhuuva || 18\-11|| 
puurvastayoraatmasame ciroDhaamaatmobhave varNacatuShTayasya | 
dhura.n nidhaayaikanidhirguNaanaa.n jagaama yajvaa yajamaanalokam || 18\-12|| 
vashii sutastasya vasha.nvadatvaatsveShaamivaasiidviShataamapiiShTaH | 
sakR^idvivignaanapi hi prayukta.n maadhuryamiiShTe hariNaangrahiitum || 18\-13|| 
ahiinagurnaama sa gaa.n samagraamahiinabaahudraviNaH shashaasa | 
yo hiinasa.nsargaparaa~NmukhatvaadyuvaapyanarthairvyasanairvihiinaH || 18\-14|| 
guroH sa caanantaramantaradnyaH pu.nsaa.n pumaanaadya ivaavatiirNaH | 
upakramairaskhalitaishcaturbhishcaturdigiishashcaturo babhuuva || 18\-15|| 
tasminprayaate paralokayaatraa.n jetaryariiNaa.n tanaya.n tadiiyam | 
uccaiHshirastvaajjitapaariyaatra.n lakShmiiH siSheve kila paariyaatram || 18\-16|| 
tasyaabhavatsuunurudaarashiilaH shilaH shilaapaTTavishaalavakShaaH | 
jitaaripakSho.api shiliimukhairyaH shaaliinataamavrajadiiDyamaanaH || 18\-17|| 
tamaatmasa.npannamaninditaatmaa kR^itvaa yuvaana.n yuvaraajameva | 
sukhaani so.abhu~Nkta sukhoparodhi vR^itta.n hi raadnyaamuparuddhavR^ittam || 18\-18|| 
ta.n raagabandhiShvavitR^iptameva bhogeShu saubhaagyavisheShabhogyam | 
vilaasiniinaamaratikShamaa.api jaraa vR^ithaa matsariNii jahaara || 18\-19|| 
unnaabha ityudgatanaamadheyastasyaayathaarthonnatanaabhirandhraH | 
suto.abhavatpa~NkajanaabhakalpaH kR^itsnasya naabhirnR^ipamaNDalasya || 18\-20|| 
tataH para.n vajradharaprabhaavastadaatmajaH sa.nyati vajraghoShaH | 
babhuuva vajraakarabhuuShaNaayaaH patiH pR^ithivyaaH kila vajraNaabhaH || 18\-21|| 
tasmingate dyaa.n sukR^itopalabdhaa.n tatsa.nbhava.n sha~NkhaNamarNavaantaa | 
utkhaatashatru.n vasudhopatasthe ratnopahaarairuditaiH khanibhyaH || 18\-22|| 
tasyaavasaane haridashvadhaamaa pitrya.n prapede padamashviruupaH | 
velaataTeShuuShitasainikaashva.n puraavido ya.n vyuShitaashvamaahuH || 18\-23|| 
aaraadhya vishveshvaramiishvareNa tena kShitervishvasaho vijadnye | 
paatu.n saho vishvasakhaH samagraa.n vishva.nbharaamaatmajamuurtiraatmaa || 18\-24|| 
a.nshe hiraNyaakSharipoH sa jaate hiraNyanaabhe tanaye nayadnyaH | 
dviShaamasahyaH sutaraa.n taruuNaa.n hiraNyaretaa iva saanilo.abhuut || 18\-25|| 
pitaa pitR^INaamanR^iNastamante vayasyanantaani sukhaani lipsuH | 
raajaanamaajaanuvilambibaahu.n kR^itvaa kR^itii valkalavaanbabhuuva || 18\-26|| 
kausalya ittyuttarakosalaanaa.n patyuH pata~NgaanvayabhuuShaNasya | 
tasyaurasaH somasutaH suto.abhuunnetrotsavaH soma iva dvitiiyaH || 18\-27|| 
yashobhiraabrahmasabha.n prakaashaH sa brahmabhuuya.n gatimaajagaama | 
brahmiShThamaadhaaya nije.adhikaare brahmiShThameva svatanuprasuutam || 18\-28|| 
tasminkulaapiiDanibhe vipiiDa.n samya~Nmahii.n shaasati shaasanaa~Nkaam | 
prajaashcira.n suprajasi prajeshe nananduraanandajalaavilaakShyaH || 18\-29|| 
paatriikR^itaatmaa gurusevanena spaShTaakR^itiH patrarathendraketoH | 
ta.n putriNaa.n puShkarapatranetraH putraH samaaropayadagrasa.nkhyaam || 18\-30|| 
va.nshasthiti.n va.nshakareNa tena sa.nbhaavya bhaavii sa sakhaa maghonaH | 
upaspR^ishansparshanivR^ittalaulyastripuShkareShu tridashatvamaapa || 18\-31|| 
tasya prabhaanirjitapuShparaaga.n pauShyaa.n tithau puShyamasuuta patnii | 
tasminnapuShyannudite samagraa.n puShTi.n janaaH puShya iva dvitiiye || 18\-32|| 
mahii.n mahecChaH parikiirya suunau maniiShiNe jaiminaye.arpitaatmaa | 
tasmaatsayogaadadhigamya yogamajanmane.akalpata janmabhiiruH || 18\-33|| 
tataH para.n tatprabhavaH prapede dhruvopameyo dhruvasa.ndhirurviim | 
yasminnabhuujjyaayasi satyasa.ndhe sa.ndhirdhruvaH sa.nnamataamariiNaam || 18\-34|| 
sute shishaaveva sudarshanaakhye darshaatyayendupriyadarshane saH | 
mR^igaayataakSho mR^igayaavihaarii si.nhaadavaapadvipada.n nR^isi.nhaH || 18\-35|| 
svargaaminastasya tamaikamatyaadamaatyavargaH kulatantumekam | 
anaathadiinaaH prakR^itiiravekShya saaketanaatha.n vidhivaccakaara || 18\-36|| 
navendunaa tannabhasopameya.n shaavaikasi.nhena ca kaananena | 
raghoH kula.n kuDmalapuShkareNa toyena caaprauDhanarendramaasiit || 18\-37|| 
lokena bhaavii pitureva tulyaH sa.nbhaavito mauliparigrahaatsaH | 
dR^iShTo hi vR^iNvankalabhapramaaNo.apyaashaaH purovaatamavaapya meghaH || 18\-38|| 
ta.n raajaviithyaamadhihasti yaatamaadhoraNaalambitamagryavesham | 
ShaDvarShadeshiiyamapi prabhutvaatpraikShanta pauraaH pitR^igauraveNa || 18\-39|| 
kaama.n na so.akalpata paitR^ikasya si.nhaasanasya pratipuuraNaaya | 
tejomahimnaa punaraavR^itaatmaa tadvyaapa caamiikarapi~njareNa || 18\-40|| 
tasmaadadhaH ki.ncidivaavatiirNaavasa.nspR^ishantau tapaniiyapiiTham | 
saalaktakau bhuupatayaH prasiddhairvavandire maulibhirasya paadau || 18\-41|| 
maNau mahaaniila iti prabhaavaadalpapramaaNe.api yathaa na mithyaa | 
shabdo mahaaraaja iti pratiitastathaiva tasminyuyuje.arbhake.api || 18\-42|| 
paryantasa.ncaaritacaamarasya kapolalolobhayakaakapakShaat | 
tasyaananaaduccarito vivaadashcacaala velaasvapi naarNavaanaam || 18\-43|| 
nirvR^ittajaambuunadapaTTashobhe nyasta.n lalaaTe tilaka.n dadhaanaH | 
tenaiva shuunyaanyarisundariiNaa.n mukhaani sa smeramukhashcakaara || 18\-44|| 
shiriiShapuShpaadhikasaukumaaryaH kheda.n na yaayaadapi bhuuShaNena | 
nitaantagurviimapi so.anubhaavaaddhura.n dharitryaa bibharaa.nbabhuuva || 18\-45|| 
nyastaakSharaamakSharabhuumikaayaa.n kaartsnyena gR^ihNaati lipi.n na yaavad | 
sarvaaNi taavacChrutavR^iddhayogaatphalaanyupaayu~Nkta sa daNDaniiteH || 18\-46|| 
urasyaparyaaptaniveshabhaagaa prauDhiibhaviShyantamudiikShamaaNaa | 
sa.njaatalajjeva tamaalapatracChaayaaChalenopajuguuha lakShmiiH || 18\-47|| 
anashnuvaanena yugopamaanamabaddhamaurviikiNalaa~nChanena | 
aspR^iShTakhaDgatsaruNaapi caasiidrakShaavatii tasya bhujena bhuumiH || 18\-48|| 
na kevala.n gacChati tasya kaale yayuH shariiraavayavaa vivR^iddhim | 
va.nshyaa guNaaH khalvapi lokakaantaaH praarambhasuukShmaaH prathimaanamaapuH || 18\-49|| 
sa puurvajanmaantaradR^iShTapaaraaH smarannivaakleshakaro guruuNaam | 
tisrastrivargaadhigamasya muula.n jagraaha vidyaaH prakR^itiishca pitryaaH || 18\-50|| 
vyuuhyaH sthitaH ki.ncidivottaraaardhamunnaddhacuuDo.a~ncitasavyajaanuH | 
aakarNamaakR^iShTasabaaNadhanvaa vyarocataastre sa viniiyamaanaH || 18\-51|| 
atha madhu vanitaanaa.n netranirveshaniiya\- 
manasijatarupuShpa.n raagabandhapravaalam | 
akR^itakavidhi sarvaa~NgiiNamaakalpajaata.n 
vilasitapadamaadya.n yauvana.n sa prapede || 18\-52|| 
pratikR^itiracanaabhyo duutisa.ndarshitaabhyaH 
samadhikatararuupaaH shuddhasa.ntaanakaamaiH | 
adhivividuramaatyairaahR^itaastasya yuunaH 
prathamaparigR^ihiite shriibhuvau raajakanyaaH || 18\-53|| 

iti shriiraghuva.nshe mahaakaavye kavishriikaalidaasa\- 
kR^itau va.nshaanukramo naamaaShTadashaH sargaH || 
## 
Encoded and Proofread by Arvind Kolhatkar akolhatkar at rogers.com 
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}