%@@1
% File name             : raghuvansha17.itx
%--------------------------------------------
% Text title            : raghuvansha17
% Author                : kalidasa
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : Arvind Kolhatkar akolhatkar at rogers.com
% Proofread by          : Arvind Kolhatkar akolhatkar at rogers.com
% Latest update         : November 11, 2005
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% http://sanskrit.bhaarat.com See the document project
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's' agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Raghuvansha 17 by Kalidas ..}## 
\itxtitle{.. kaalidaasakR^itam raghuva.nsham sarga 17 ..}##\endtitles ## 

atithi.n naama kaakutsthaatputra.n praapa kumudvatii | 
pashchimaadyaaminiiyaamaatprasaadamiva chetanaa|| 17\-1|| 
sa pituH pitR^imaanva.nsha.n maatushchaanupamadyutiH | 
apunaatsevitevobhau maargaavuttaradakShiNau|| 17\-2|| 
tamaadau kulavidyaanaamarthamarthavidaa.n varaH | 
pashchaatpaarthivakanyaanaa.n paaNimagraahayatpitaa|| 17\-3|| 
jaatyastenaabhijaatena shuuraH shauryavataa kushaH | 
amanyaitakamaatmaanamaneka.n vashinaa vashii|| 17\-4|| 
sa kulochitamindrasya saahaayakamupeyivaan | 
jaghaana samare daitya.n durjaya.n tena chaavadhi|| 17\-5|| 
ta.n svasaa naagaraajasya kumudasya kumudvatii | 
anvagaatkumudaananda.n shashaa~Nkamiva kaumudii|| 17\-6|| 
tayordivaspateraasiidekaH si.nhaasanaardhabhaak | 
dvitiiyaapi sakhii shachyaaH paarijaataa.nshabhaaginii|| 17\-7|| 
tadaatmasa.nbhava.n raajye mantrivR^iddhaaH samaadadhuH | 
smarantaH pashchimaamaadnyaa.n bhartuH sa~NgraamayaayinaH|| 17\-8|| 
te tasya kalpayaamaasurabhiShekaaya shilpibhiH | 
vimaana.n navamudvedi chatuHstambhapratiShThitam|| 17\-9|| 
tatraina.n hemakumbheShu sa.nbhR^itaistiirthavaaribhiH | 
upatasthuH prakR^itayo bhadrapiiThopaveshitam|| 17\-10|| 
nadadbhiH snigdhaga.nbhiira.n tuuryairaahatapuShkaraiH | 
anvamiiyata kalyaaNa.n tasyaavichChinnasa.ntati|| 17\-11|| 
duurvaayavaa~NkuraplakShatvagabhinnapuTottaraan | 
dnyaativR^iddhaiH prayuktaansa bheje niiraajanaavidhiin|| 17\-12|| 
purohitapurogaasta.n jiShNu.n jaitrairatharvabhiH | 
upachakramire puurvamabhiShektu.n dvijaatayaH|| 17\-13|| 
tasyaughamahatii muurdhni nipatantii vyarochata | 
sashabdamabhiShekashriirga~Ngeva tripuradviShaH|| 17\-14|| 
stuuyamaanaH kShaNe tasminnalakShyata sa bandibhiH | 
pravR^iddha iva parjanyaH saara~NgairabhinanditaH|| 17\-15|| 
tasya sanmantrapuutaabhiH snaanamadbhiH pratiichChataH | 
vavR^idhe vaidyutashchaagnervR^iShTisekaadiva dyutiH|| 17\-16|| 
sa taavadabhiShekaante snaatakebhyo dadau vasu | 
yaavataiShaa.n samaapyeranyadnyaaH paryaaptadakShiNaaH|| 17\-17|| 
te priitamanasastasmai yaamaashiShamudairayan | 
saa tasya karmanirvR^ittairduura.n pashchaatkR^itaa phalaiH|| 17\-18|| 
bandhachCheda.n sa baddhaanaa.n vadhaarhaaNaamavadhyataam | 
dhuryaaNaa.n cha dhuro mokShamadoha.n chaadishadgavaam|| 17\-19|| 
kriiDaapatatriNopyasya pa~njarasthaaH shukaadayaH | 
labdhamokShaastadaadeshaadyatheShTagatayo.abhavan|| 17\-20|| 
tataH kakShyaantaranyasta.n gajadantaasana.n shuchi | 
soottarachChadamadhyaasta nepathyagrahaNaaya saH|| 17\-21|| 
ta.n dhuupaashyaanakeshaanta.n toyanirNiktapaaNayaH | 
aakalpasaadhanaistaistairupaseduH prasaadhakaaH|| 17\-22|| 
te.asya muktaaguNonnaddha.n maulimantargatasrajam | 
pratyuupuH padmaraageNa prabhaamaNDalashobhinaa|| 17\-23|| 
chandanenaa~Ngaraaga.n cha mR^iganaabhisugandhinaa | 
samaapayya tatashchakruH patra.n vinyastarochanam|| 17\-24|| 
aamuktaabharaNaH sragvii ha.nsachihnadukuulavaan | 
aasiidatishayaprekShyaH sa raajyashriivadhuuvaraH|| 17\-25|| 
nepathyadarshinashChaayaa tasyaadarshe hiraNmaye | 
viraraajodite suurye marau kalpataroriva|| 17\-26|| 
sa raajakakudavyagrapaaNibhiH paarshvavartibhiH | 
yayaavudiiritaalokaH sudharmaanavamaa.n sabhaam|| 17\-27|| 
vitaanasahita.n tatra bheje paitR^ikamaasanam | 
chuuDaamaNibhiruddhR^iShTa.n paadapiiTha.n mahiikShitaam|| 17\-28|| 
shushubhe tena chaakraanta.n ma~Ngalaayatana.n mahat | 
shriivatsalakShaNa.n vakShaH kaustubheneva kaishavam|| 17\-29|| 
babhau bhuuyaH kumaaratvaadaadhiraajyamavaapya saH | 
rekhaabhaavaadupaaruuDhaH saamagryamiva chandramaaH|| 17\-30|| 
prasannamukharaaga.n ta.n smitapuurvaabhibhaaShiNam | 
muurtimantamamanyanta vishvaasamanujiivinaH|| 17\-31|| 
sa pura.n purahuutashriiH kalpadrumanibhadhvajaam | 
kramamaaNashchakaara dyaa.n naagenairaavataujasaa|| 17\-32|| 
tasyaikasyochChrita.n Chatra.n muurdhni tenaamalatviShaa | 
puurvaraajaviyogauShmya.n kR^itsnasya jagato hR^itam|| 17\-33|| 
dhuumaadagneH shikhaaH pashchaadudayaada.nshavo raveH | 
so.atiitya tejasaa.n vR^itti.n samamevotthito guNaiH|| 17\-34|| 
ta.n priitivishadairnetrairanvayuH paurayoShitaH | 
sharatprasannairjyotirbhirvibhaavarya iva dhruvam|| 17\-35|| 
ayodhyaadevataashchaina.n prashastaayatanaarchitaaH | 
anudadhyuranudhyeya.n saa.nnidhyaiH pratimaagataiH|| 17\-36|| 
yaavannaashyaayate vedirabhiShekajalaaplutaa | 
taavadevaasya velaanta.n prataapaH praapa duHsahaH|| 17\-37|| 
vasiShThasya gurormantraaH saayakaastasya dhanvinaH | 
ki.n tatsaadhya.n yadubhaye saadhayeyurna sa.ngataaH|| 17\-38|| 
sa dharmasthasakhaH shashvadarthipratyarthinaa.n svayam | 
dadarsha sa.nshayachChedyaanvyavahaaraanatandritaH|| 17\-39|| 
tataH paramabhivyaktasaumanasyaniveditaiH | 
yuyoja paakaabhimukhairbhR^ityaanvidnyaapanaaphalaiH|| 17\-40|| 
prajaastadguruNaa nadyo nabhaseva vivardhitaaH | 
tasmi.nstu bhuuyasii.n vR^iddhi.n nabhasye taa ivaayayuH|| 17\-41|| 
yaduvaacha na tanmithyaa yaddadau na jahaara tat | 
so.abhuudbhagnavrataH shatruunuddhR^itya pratiropayan|| 17\-42|| 
vayoruupavibhuutiinaamekaika.n madakaaraNam | 
taani tasminsamastaani na tasyotsichiShe manaH|| 17\-43|| 
ittha.n janitaraagaasu prakR^itiShvanuvaasaram | 
akShobhyaH sa navo.apyaasiiddR^iDhamuula iva drumaH|| 17\-44|| 
anityaaH shatravo baahyaa viprakR^iShTaashcha te yataH | 
ataH so.abhyantaraannityaa~nShaTpuurvamajayadripuun|| 17\-45|| 
prasaadaabhimukhe tasmi.nshchapalaapi svabhaavataH | 
nikaShe hemarekheva shriiraasiidanapaayinii|| 17\-46|| 
kaatarya.n kevalaa niitiH shaurya.n shvaapadacheShTitam | 
ataH siddhi.n sametaabhyaamubhaabhyaamanviyeSha saH|| 17\-47|| 
na tasya maNDale raadnyo nyastapraNidhidiidhiteH | 
adR^iShTamabhavatki.nchidvyabhrasyeva vivasvataH|| 17\-48|| 
raatri.ndivavibhaageShu yadaadiShTa.n mahiikShitaam | 
tatsiSheve niyogena sa vikalpaparaa~NmukhaH|| 17\-49|| 
mantraH pratidina.n tasya babhuuva saha mantribhiH | 
sa jaatu sevyamaano.api guptadvaaro na suuchyate|| 17\-50|| 
pareShu sveShu cha kShiptairavidnyaataparasparaiH | 
so.apasarpairjajaagaara yathaakaala.n svapannapi|| 17\-51|| 
durgaaNi durgrahaaNyaasa.nstasya roddhurapi dviShaam | 
na hi si.nho gajaaskandii bhayaadgiriguhaashayaH|| 17\-52|| 
bhavyamukhyaaH samaarambhaaH pratyavekShyaaniratyayaaH | 
garbhashalisadharmaaNastasya guuDha.n vipechire|| 17\-53|| 
apathena pravavR^ite na jaatuupachito.api saH | 
vR^iddhau nadiimukhenaiva prasthaana.n lavaNaambhasaH|| 17\-54|| 
kaama.n prakR^itivairaagya.n sadyaH shamayitu.n kShamaH | 
yasya kaaryaH pratiikaaraH sa tannaivodapaadayat|| 17\-55|| 
shakyeShvevaabhavadyaatraa tasya shaktimataH sataH | 
samiiraNasahaayo.api naambhaHpraarthii davaanalaH|| 17\-56|| 
na dharmamarthakaamaabhyaa.n babaadhe na cha tena tau | 
naartha.n kaamena kaama.n va so.arthena sadR^ishastriShu|| 17\-57|| 
hiinaanyanR^ipakartR^INi pravR^iddhaani vikurvate | 
tena madhyamashaktiini mitraaNi sthaapitaanyataH|| 17\-58|| 
paraatmanoH parichChidya shaktyaadiinaa.n balaabalam | 
yayaavebhirbaliShThashchetparasmaadaasta so.anyathaa|| 17\-59|| 
koshenaashrayaNiiyatvamiti tasyaarthasa.ngrahaH | 
ambugarbho hi jiimuutashchaatakairabhinandyate|| 17\-60|| 
parakarmaapahaH so.abhuududyutaH sveShu karmasu | 
aavR^iNodaatmano randhra.n randhreShu praharanripuun|| 17\-61|| 
pitraa sa.nvardhito nitya.n kR^itaastraH saa.nparaayikaH | 
tasya daNDavato daNDaH svadehaanna vyashiShyata|| 17\-62|| 
sarpasyeva shiroratna.n naasya shaktitraya.n paraH | 
sa chakarSha parasmaattadayaskaanta ivaayasam|| 17\-63|| 
vaapiiShviva sravantiiShu vaneShuupavaneShviva | 
saarthaaH svaira.n svakiiyeShu cherurveshmasvivaadriShu|| 17\-64|| 
tapo rakShansa vighnebhyastaskarebhyashcha sa.npadaH | 
yathaasvamaashramaishchakre varNairapi ShaDa.nshabhaak|| 17\-65|| 
khanibhiH suShuve ratna.n kShetraiH sasya.n vanairgajaan | 
didesha vetana.n tasmai rakShaasadR^ishameva bhuuH|| 17\-66|| 
sa guNaanaa.n balaanaa.n cha ShaNNaa.n ShaNmukhavikramaH | 
babhuuva viniyogadnyaH saadhaniiyeShu vastuShu|| 17\-67|| 
iti kramaatprayu~njaano raajaniiti.n chaturvidhaam | 
aa tiirthaadapratiighaata.n sa tasyaaH phalamaanashe|| 17\-68|| 
kuuTayuddhavidhidnye.api tasminsanmaargayodhini | 
bheje.abhisaarikaavR^itti.n jayashriirviiragaaminii|| 17\-69|| 
praayaH prataapabhagnatvaadariiNaa.n tasya durlabhaH | 
raNo gandhadvipasyeva gandhabhinnaanyadantinaH|| 17\-70|| 
pravR^iddhau hriiyate chandraH samudro.api tathaavidhaH | 
sa tu tatsamavR^iddhishcha na chaabhuuttaaviva kShayii|| 17\-71|| 
santastasyaabhigamanaadatyartha.n mahataH kR^ishaaH | 
udadheriva jiimuutaaH praapurdaatR^itvamarthinaH|| 17\-72|| 
stuuyamaanaH sa jihraaya stutyameva samaacharan | 
tathaapi vavR^idhe tasya tatkaaridveShiNo yashaH|| 17\-73|| 
durita.n darshanena ghna.nstattvaarthena nuda.nstamaH | 
prajaaH svatantrayaa.nchakre shashvatsuurya ivoditaH|| 17\-74|| 
indoragatayaH padme suuryasya kumude.n.ashavaH | 
guNaastasya vipakShe.api guNino lebhire.antaram|| 17\-75|| 
paraabhisa.ndhaanapara.n yadyapyasya vicheShTitam | 
jigiiShorashvamedhaaya dharmyameva babhuuva tat|| 17\-76|| 
evamudyanprabhaaveNa shaastranirdiShTavartmanaa | 
vR^iSheva devo devaanaa.n raadnyaa.n raajaa babhuuva saH|| 17\-77|| 
pa~nchama.n lokapaalaanaa.n tamuuchuH saamyayogataH | 
bhuutaanaa.n mahataa.n ShaShThamaShTama.n kulabhuubhR^itaam|| 17\-78|| 
duuraapavarjitachChatraistasyaadnyaa.n shaasanaarpitaam | 
dadhuH shirobhirbhuupaalaa devaaH paura.ndariimiva|| 17\-79|| 
R^itvijaH sa tathaanarcha dakShiNaabhirmahaakratau | 
yathaa saadhaaraNiibhuuta.n naamaasya dhanadasya cha|| 17\-80|| 
indraadvR^iShTirniyamitagadodrekavR^ittiryamo.abhuu\- 
dyaadonaathaH shivajalapathaH karmaNe naucharaaNaam | 
puurvaapekShii tadanu vidadhe koShavR^iddhi.n kubera\- 
stasmindaNDopanatacharita.n bhejire lokapaalaaH|| 17\-81|| 

iti shriiraghuva.nshe mahaakaavye kavishriikaalidaasa\- 
kR^itaavatithivarNana.n naama saptadashaH sargaH || 
## 
Encoded and proofread by 
Arvind Kolhatkar akolhatkar at rogers.com 
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}