%@@1
% File name             : raghuvansha12.itx
%--------------------------------------------
% Text title            : raghuvansha12
% Author                : kalidasa
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : Arvind Kolhatkar akolhatkar at rogers.com
% Proofread by          : Arvind Kolhatkar akolhatkar at rogers.com
% Latest update         : August 23, 2005
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% http://sanskrit.bhaarat.com See the document project
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's' agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Raghuvansha 12 by Kalidas ..}## 
\itxtitle{.. kaalidaasakR^itaM raghuva.nsham sarga 12 ..}##\endtitles ## 
nirdiShTaviShayasnehaH sa dashaantamupeyivaan | 
aasiidaasannanirvaaNaH pradiipaarcirivoShasi|| 12\-1|| 
ta.n karNamuulamaagatya raame shriirnyasyataamiti | 
kaikeyiisha~Nkayeevaaha palitacChadmanaa jaraa|| 12\-2|| 
saa pauraanpaurakaantasya raamasyaabhyudayashrutiH | 
pratyeka.n hraadayaa.ncakre kulyenodyaanapaadapaan|| 12\-3|| 
tasyaabhiShekasa.nbhaare kalpita.n kruuranishcayaa | 
duuShayaamaasa kaikeyii shokoShNaiH paarthivaashrubhiH|| 12\-4|| 
saa kilaashvaasitaa caNDii bhartraa tatsa.nshrutau varau | 
udvavaamendrasiktaa bhuurbilamagnaavivoragau|| 12\-5|| 
tayoshcaturdashaikena raama.n praavraajayatsamaaH | 
dvitiiyena sutasyaicChadvaidhavyaikaphalaa.n shriyam|| 12\-6|| 
pitraa datta.n rudanraamaH praa~Nmahii.n pratyapadyata | 
pashcaadvanaaya gacCheti tadaadnyaa.n mudito.agrahiit|| 12\-7|| 
dadhato ma~NgalakShaume vasaanasya ca valkale | 
dadR^ishurvismitaastasya mukharaaga.n sama.n janaaH|| 12\-8|| 
sa siitaalakShmaNasakhaH satyaadgurumalopayan | 
vivesha daNDakaaraNya.n pratyeka.n ca sataa.n manaH|| 12\-9|| 
raajaapi tadviyogaartaH smR^itvaa shaapa.n svakarmajam | 
shariiratyaagamaatreNa shuddhilaabhamanyata|| 12\-10|| 
viproShitakumaara.n tadraajyamastamiteshvaram | 
randhraanveShaNadakShaaNaa.n dviShaamaamiShatataa.n yayau|| 12\-11|| 
athaanaathaaH prakR^itayo maatR^ibandhunivaasinam | 
maulairaanaayayaamaasurbharata.n stambhitaashrubhiH|| 12\-12|| 
shrutvaa tathaavidha.n mR^ityu.n kaikeyiitanayaH pituH | 
maaturna kevala.n svasyaaH shriyo.apyaasiitparaa~NmukhaH|| 12\-13|| 
sasainyashcaanvagaadraama.n darshitaanaashramaalayaiH | 
tasya pashyansasaumitrerudashrurvasatidrumaan|| 12\-14|| 
citrakuuTavanastha.n ca kathitasvargatirguroH | 
lakShmyaa nimantrayaa.ncakre tamanucChiShTasa.npadaa|| 12\-15|| 
sa hi prathamaje tasminnakR^itashriiparigrahe | 
parivettaaramaatmaana.n mene sviikaraNaadbhuvaH|| 12\-16|| 
tamashakyamapaakraShTu.n nideshaatsvargiNaH pituH | 
yayaace paaduke pashcaatkartu.n raajyaadhidevate|| 12\-17|| 
sa visR^iShTastathetyuktvaa bhraatraa naivaavishatpuriim | 
nandigraamagatastasya raajya.n nyaasamivaabhunak|| 12\-18|| 
dR^iDhabhaktiriti jyeShThe raajyatR^iShNaaparaa~NmukhaH | 
maatuH paapasya bharataH praayashcittamivaakarot|| 12\-19|| 
raamo.api saha vaidehyaa vane vanyena vartayan | 
cacaara saanujaH shaanto vR^iddhekShvaakuvrata.n yuvaa|| 12\-20|| 
prabhaavastambhitacChaayamaashritaH sa vanaspatim | 
kadaacida~Nke siitaayaaH shishye ki.ncidiva shramaat|| 12\-21|| 
aindraH kila nakhaistasyaa vidadaara stanau dvijaH | 
priyopabhogacihneShu paurobhaagyamivaacaran|| 12\-22|| 
tasminnasthadiShiikaastra.n raamo raamaavabodhitaH | 
aatmaana.n mumuce tasmaadekanetravyayena saH|| 12\-23|| 
raamastvaasannadeshatvaadbharataagamana.n punaH | 
aasha~Nkyotsukasaara~Ngaa.n citrakuuTasthalii.n jahau|| 12\-24|| 
prayayaavaatitheyeShu vasannR^iShikuleShu saH | 
dakShiNaa.n dishamR^ikSheShu vaarShikeShviva bhaaskaraH|| 12\-25|| 
babhau tamanugacChantii videhaadhipateH sutaa | 
pratiShiddhaapi kaikeyyaa lakShmiiriva guNonmukhii|| 12\-26|| 
anasuuyaatisR^iShTena puNyagandhena kaananam | 
saa cakaaraa~NgaraageNa puShpoccalitaShaTpadam|| 12\-27|| 
sa.ndhyaabhrakapishastasya viraadho naama raakShasaH | 
atiShThanmaargamaavR^itya raamasyendoriva grahaH|| 12\-28|| 
sa jahaara tayormadhye maithilii.n lokashoShaNaH | 
nabhonabhasyayorvR^iShTimavagraha ivaantare|| 12\-29|| 
ta.n viniShpiShya kaakutsthau puraa duuShayati sthaliim | 
gandhenaashucinaa ceti vasudhaayaa.n nicakhnatuH|| 12\-30|| 
pa~ncavaTyaa.n tato raamaH shaasanaatkumbhajanmanaH | 
anapoDhasthitistasthau vindhyaadriH prakR^itaaviva|| 12\-31|| 
raavaNaavarajaa tatra raaghava.n madanaaturaa | 
abhipede nidaaghaartaa vyaaliiva malayadrumam|| 12\-32|| 
saa siitaasa.nnidhaaveva ta.n vavre kathitaanvayaa | 
atyaaruuDho hi naariiNaamakaaladnyo manobhavaH|| 12\-33|| 
kalatravaanaha.n baale kaniiyaa.nsa.n bhajasva me| 
iti raamo vR^iShasyantii.n vR^iShaskandhaH shashaasa taam|| 12\-34|| 
jyeShThaabhigamanaatpuurva.n tenaapyanabhinanditaam | 
saa.abhuudraamaashrayaa bhuuyo nadiivobhayakuulabhaak|| 12\-35|| 
sa.nrambha.n maithiliihaasaH kShaNasaumyaa.n ninaaya taam | 
nivaatastimitaa.n velaa.n candrodaya ivodadheH|| 12\-36|| 
phalamasyopahaasasya sadyaH praapsyasi pashya maam | 
mR^igyaaH paribhavo vyaaghryaamityavehi tvayaa kR^itam|| 12\-37|| 
ityuktvaa maithilii.n bhartura~Nke nivishatii.n bhayaat | 
ruupa.n shuurpaNakhaa naamnaH sadR^isha.n pratyapadyata|| 12\-38|| 
lakShmaNaH prathama.n shrutvaa kokilaama~njuvaadiniim | 
shivaaghorasvanaa.n pashcaadbubudhe vikR^iteti taam|| 12\-39|| 
parNashaalaamatha kShipra.n vikR^iShTaasiH pravishya saH | 
vairuupyapaunaruktyena bhiiShaNaa.n taamayojayat|| 12\-40|| 
saa vakranakhadhaariNyaa veNukarkashaparvayaa | 
a~Nkushaakaarayaa~Ngulyaa taavatarjayadambare|| 12\-41|| 
praapya caashu janasthaana.n kharaadibhyastathaavidham | 
raamopakramamaacakhyau rakShaHparibhava.n navam|| 12\-42|| 
mukhaavayavaluunaa.n taa.n nairR^itaa yatpuro dadhuH | 
raamaabhiyaayinaa.n teShaa.n tadevaabhuudama~Ngalam|| 12\-43|| 
udaayudhaanaatpatatastaandR^iptaanprekShya raaghavaH | 
nidadhe vijayaasha.nsaa.n caape siitaa.n ca lakShmaNe|| 12\-44|| 
eko daasharathiH kaama.n yaatudhaanaaH sahasrashaH | 
te tu yaavanta evaajau taavaa.nshca dadR^ishe sa taiH|| 12\-45|| 
asajjanena kaakutsthaH prayuktamatha duuShaNam | 
na cakShame shubhaacaaraH sa duuShaNamivaatmanaH|| 12\-46|| 
ta.n sharaiH pratijagraaha kharatrishirasau ca saH | 
kramashaste punastasya caapaatsamamivodyayuH|| 12\-47|| 
taistrayaaNaa.n shitairbaaNairyathaapuurvavishuddhibhiH | 
aayurdehaatigaiH piita.n rudhira.n tu patatribhiH|| 12\-48|| 
tasminraamasharotkR^itte bale mahati rakShasaam | 
utthita.n dadR^ishe.annyacca kabandhebhyo na ki.ncana|| 12\-49|| 
saa baaNavarShiNa.n raama.n yodhayitvaa suradviShaam | 
aprabodhaaya suShvaapa gR^idhracChaaye varuuthinii|| 12\-50|| 
raaghavaastravidiirNaanaa.n raavaNa.n prati rakShasaam | 
teShaa.n shuurpaNakhaivaikaa duShpravR^ittiharaa.abhavat|| 12\-51|| 
nigrahaatsvasuraaptaanaa.n vadhaacca dhanadaanujaH | 
raameNa nihita.n mene pada.n dashasu muurdhasu|| 12\-52|| 
rakShasaa mR^igaruupeNa va~ncayitvaa sa raaghavau | 
jahaara siitaa.n pakShiindraprayaasakShaNavighnitaH|| 12\-53|| 
tau siitaaveShiNau gR^idhra.n luunapakShamapashyataam | 
praaNairdasharathapriiteranR^iNa.n kaNThavartibhiH|| 12\-54|| 
sa raavaNahR^itaa.n taabhyaa.n vacasaacaShTa maithiliim | 
aatmanaH sumahatkarma vraNairaavedya sa.nsthitaH|| 12\-55|| 
tayostasminnaviibhuutapitR^ivyaapatishokayoH | 
pitariivaagnisa.nskaaraatparaa vavR^itire kriyaaH|| 12\-56|| 
vadhanirdhuutashaapasya kabandhasyopadeshataH | 
mumuurcCha sakhya.n raamasya samaanavyasane harau|| 12\-57|| 
sa hatvaa vaalina.n viirastatpade cirakaa~NkShite | 
dhaatoH sthaana ivaadesha.n sugriiva.n sa.nnyaveshayat|| 12\-58|| 
itastatashca vaidehiimanveShTu.n bhartR^icoditaaH | 
kapayashceruraartasya raamasyeva manorathaaH|| 12\-59|| 
pravR^ittaavupalabdhaayaa.n tasyaaH sa.npaatidarshanaat | 
maarutiH saagara.n tiirNaH sa.nsaaramiva nirmamaH|| 12\-60|| 
dR^iShTaa vicinvataa tena la~Nkaayaa.n raakShasiivR^itaa | 
jaanakii viShavalliibhiH pariteva mahauShadhiH|| 12\-61|| 
tasyai bharturabhidnyaanama~Nguliiya.n dadau kapiH | 
pratyudgatamivaanuShNaistadaanandaashrubindubhiH|| 12\-62|| 
nirvaapya priyasa.ndeshaiH siitaamakShavadhoddhataH | 
sa dadaaha purii.n la~Nkaa.n kShaNasoDhaarinigrahaH|| 12\-63|| 
pratyabhidnyaanaratna.n ca raamaayaadarshayatkR^itii | 
hR^idaya.n svayamaayaata.n vaidehyaa iva muurtimat|| 12\-64|| 
sa praapa hR^idayanyastamaNisparshanimiilitaH | 
apayodharasa.nsargaa.n priyaali~NgananirvR^itim|| 12\-65|| 
shrutvaa raamaH priyodanta.n mene tatsa~NgamotsukaH | 
mahaarNavaparikShepa.n la~NkaayaaH parikhaalaghum|| 12\-66|| 
sa pratasthe.arinaashaaya harisainyairanudrutaH | 
na kevala.n bhuvaH pR^iShThe vyomni sa.nbaadhavartibhiH|| 12\-67|| 
niviShTamudadheH kuule ta.n prapaada bibhiiShaNaH | 
snehaadraakShasalakShmyeva buddhimaavishya coditaH|| 12\-68|| 
tasmai nishaacaraishvarya.n pratishushraava raaghavaH | 
kaale khalu samaalabdhaaH phala.n badhnanti niitayaH|| 12\-69|| 
sa setu.n bandhayaamaasa plavagairlavaNaambhasi | 
rasaatalaadivonmagna.n sheSha.n svapnaaya shaar~NgiNaH|| 12\-70|| 
tenottiirya pathaa la~Nkaa.n rodhayaamaasa pi~NgalaiH | 
dvitiiya.n hemapraakaara.n kurvadbhiriva vaanaraiH|| 12\-71|| 
raNaH pravavR^ite tatra bhiimaH plavagarakShasaam | 
digvijR^imbhitakaakutsthapaulastyajayaghoShaNaH|| 12\-72|| 
paadapaaviddhaparighaH shilaaniShpiShTamudgaraH | 
atishastranakhanyaasaH shailarugNamata.ngajaH|| 12\-73|| 
atha raamashirashChedadarshanodbhraantacetanaam | 
siitaa.n maayeti sha.nsantii trijaTaa samajiivayat|| 12\-74|| 
kaama.n jiivati me naatha iti saa vijahau shucam | 
praa~Nmatvaa satyamasyaanta.n jiivitaasmiiti lajjitaa|| 12\-75|| 
garuDaapaatavishliShTameghanaadaastrabandhanaH | 
daasharathyoH kShaNakleshaH svapnavR^itta ivaabhavat|| 12\-76|| 
tato bibheda paulastyaH shaktyaa vakShasi lakShmaNam | 
raamastvanaahato.apyaasiidvidiirNahR^IdayaH shucaa|| 12\-77|| 
sa maarutisamaaniitamahauShadhihatavyathaH | 
la~NkaastriiNaa.n punashcakre vilaapaacaaryaka.n sharaiH|| 12\-78|| 
sa naada.n meghanaadasya dhanushcendraayudhaprabham | 
meghasyeva sharatkaalo na ki~ncitparyasheShayat|| 12\-79|| 
kumbhakarNaH kapiindreNa tulyaavasthaH svasuH kR^itaH | 
rurodha raama.n shR^i~Ngiiva Ta~NkacChinnamanaHshilaH|| 12\-80|| 
akaale bodhito bhraataa priyasvapno vR^ithaa bhavaan | 
raameShubhiritiivaasau diirghanidraa.n praveshitaH|| 12\-81|| 
itaraaNyapi rakShaa.nsi peturvaanarakoTiShu | 
rajaa.nsi samarotthaani tacChoNitanadiiShviva|| 12\-82|| 
niryayaavatha paulastyaH punaryuddhaaya mandiraat | 
araavaNamaraama.n vaa jagadadyeti nishcitaH|| 12\-83|| 
raama.n padaatimaalokya la~Nkesha.n ca varuuthinam | 
hariyugya.n ratha.n tasmai prajighaaya pura.ndaraH|| 12\-84|| 
tamaadhuutadhvajapaTa.n vyomaga~NgormivaayubhiH | 
devasuutabhujaalambii jaitramadhyaasta raaghavaH|| 12\-85|| 
maatalistasya maahendramaamumoca tanucChadam | 
yatrotpaladalaklaibyamastraaNyaapuH suradviShaam|| 12\-86|| 
anyonyadarshanapraaptavikramaavasara.n ciraat | 
raamaraavaNayoryuddha.n caritaarthamivaabhavat|| 12\-87|| 
bhujamuurdhorubaahulyaadeko.api dhanadaanujaH | 
dadR^ishe hyayathaapuurvo maatR^iva.nsha iva sthitaH|| 12\-88|| 
jetaara.n lokapaalaanaa.n svamukhairarciteshvaram | 
raamastulitakailaasamaaraati.n bahvamanyata|| 12\-89|| 
tasya sphurati paulastyaH siitaasa.ngamasha.nsini | 
nicakhaanaadhikakrodhaH shara.n savyetare bhuje|| 12\-90|| 
raavaNasyaapi raamaasto bhittvaa hR^idayamaashugaH | 
vivesha bhuvamaakhyaatumuragebhya iva priyam|| 12\-91|| 
vacasaiva tayorvaakyamastramastreNa nighnatoH | 
anyonyajayasa.nrambho vavR^idhe vaadinoriva|| 12\-92|| 
vikramavyatihaareNa saamaanyaa.abhuuddvayorapi | 
jayashriirantaraa vedirmattavaaraNayoriva|| 12\-93|| 
kR^itapratikR^itapriitaistayormuktaa.n suraasuraiH | 
parasparasharavraataaH puShpavR^iShTi.n na sehire|| 12\-94|| 
ayaHsha~Nkucitaa.n rakShaH shataghniimatha shatrave | 
hR^itaa.n vaivasvatasyeva kuuTashaalmalimakShipat|| 12\-95|| 
raaghavo rathamapraaptaa.n taamaashaa.n ca suradviShaam | 
ardhacandramukhairbaaNaishcicCheda kadaliisukham|| 12\-96|| 
amogha.n sa.ndadhe caasmai dhanuShyekadhanurdharaH | 
braahmamastra.n priyaashokashalyaniShkarShaNauShadham|| 12\-97|| 
tadvyomni shatadhaa bhinna.n dadR^ishe diiptimanmukham | 
vapurmahoragasyeva karaalaphalamaNDalam|| 12\-98|| 
tena mantraprayuktena nimeShaardhaadapaatayat | 
sa raavaNashiraHpa~NktimadnyaatavraNavedanaam|| 12\-99|| 
baalaarkapratimevaapsu viicibhinnaa patiShyataH | 
raraaja rakShaHkaayasya kaNThacChedaparamparaa|| 12\-100|| 
marutaa.n pashyataa.n tasya shiraa.nsi patitaanyapi | 
mano naativishasvaasa punaHsa.ndhaanasha~Nkinaam|| 12\-101|| 
atha madagurupakShailokapaaladvipaanaa\- 
manugatamalivR^indairgaNDabhittiirvihaaya | 
upanatamaNibandhe muurdhni paulastyashatroH 
surabhi suravimukta.n puShpavarSha.n papaata|| 12\-102|| 
yantaa hareH sapadi sa.nhR^itakaarmukajya\- 
maapR^icChya raaghavamanuShThitadevakaaryam | 
naamaa~NkaraavaNasharaa~NkitaketuyaShTi\- 
muurdhva.n ratha.n harisahasrayuja.n ninaaya|| 12\-103|| 
raghupatirapi jaatavedovishuddhaa.n pragR^ihya priyaa.n 
priyasuhR^idi bibhiiShaNe sa.ngamayya shriya.n vairiNaH | 
ravisutasahitena tenaanuyaataH sasaumitriNaa 
bhujavijitavimaanaratnaadhiruuDhaH pratasthe puriim|| 12\-104|| 

iti shriiraghuva.nshe mahaakaavye kavishriikaalidaasakR^itau 
raavaNavadho naama dvaadashaH sargaH || 
## 
Encoded and proofread by Arvind Kolhatkar akolhatkar at rogers.com 
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}