%@@1
% File name             : raghuvansha10.itx
%--------------------------------------------
% Text title            : raghuvansha 10
% Author                : kalidasa
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : Arvind Kolhatkar akolhatkar at rogers.com
% Proofread by          : Arvind Kolhatkar akolhatkar at rogers.com
% Latest update         : May 30, 2005
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% http://sanskrit.bhaarat.com See the document project
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's' agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Raghuvansha by Kalidas Chapter 10 ..}##
\itxtitle{.. kaalidaasakR^itaM raghuva.nsham sarga 10 ..}##\endtitles ## 
pR^ithivii.n shaasatastasya paakashaasanatejasaH |
ki.nciduunamanuunarddheH sharadaamayuta.n yayau|| 10\-1||
na copalebhe puurveShaamR^iNanirmokShasaadhanam |
sutaabhidhaana.n sa jyotiH sadyaH shokatamopaham|| 10\-2||
atiShThatpratyayaapekShasa.ntatiH sa cira.n nR^ipaH |
praa~NmanthaadanabhivyaktaratnotpattirivaarNavaH|| 10\-3||
R^iShyashR^i~Ngaadayastasya santaH santaanakaa~NkShiNaH |
aarebhire jitaatmaanaH putriiyaamiShTimR^itvijaH|| 10\-4||
tasminnavasare devaaH paulastyopaplutaa harim |
abhijagmurnidaaghaartaashChaayaavR^ikShamivaadhvagaaH|| 10\-5||
te ca praapurudanvanta.n bubudhe caadipuuruShaH |
avyaakShepo bhaviShyantyaaH kaaryasiddherhi lakShaNam|| 10\-6||
bhogibhogaasanaasiina.n dadR^ishusta.n divaukasaH |
tatphaNaamaNDalodarcirmaNidyotitavigraham|| 10\-7||
shriyaH padmaniShaNNaayaaH kShaumaantaritamekhale |
a~Nke nikShiptacaraNamaastiirNakarapallave|| 10\-8||
prabuddhapuNDariikaakSha.n baalaatapanibhaa.nshukam |
divasa.n shaaradamiva praarambhasukhadarshanam|| 10\-9||
prabhaanuliptashriivatsa.n lakShmiivibhramadarpaNam |
kaustubhaakhyamapaa.n saara.n bibhraaNa.n bR^ihatorasaa|| 10\-10||
bahubhirviTapaakaarairdivyaabharaNabhuuShitaiH |
aavirbhuutamapaa.n madhye paarijaatamivaaparam|| 10\-11||
daityastriigaNDalekhaanaa.n madaraagavilopibhiH |
hetibhishcetanaavadbhirudiiritajayasvanam|| 10\-12||
muktasheShavirodhena kulishavraNalakShmaNaa |
upasthita.n praa~njalinaa viniitena garutmataa|| 10\-13||
yoganidraantavishadaiH paavanairavalokanaiH |
bhR^igvaadiinanugR^ihNanta.n saukhashaayanikaanR^iShiin|| 10\-14||
praNipatya suraastasmai shamayitre suradviShaa.n |
athaina.n tuShTuvuH stutyamavaa~Nmanasagocaram|| 10\-15||
namo vishvasR^ije puurva.n vishva.n tadanu bibhrate |
atha vishvasya sa.nhartre tubhya.n tredhaasthitaatmane|| 10\-16||
rasaantaraaNyekarasa.n yathaa divya.n payo.ashnute |
deshe deshe guNeShvevamavasthaastavamavikriyaH|| 10\-17||
ameyo mitalokastvamanarthii praarthanaavahaH |
ajito jiShNuratyantamavyakto vyaktakaaraNam|| 10\-18||
hR^idayasthamanaasannamakaama.n tvaa.n tapasvinam |
dayaalumanaghaspR^iShTa.n puraaNamajara.n viduH|| 10\-19||
sarvadnyastvamavidnyaataH sarvayonistvamaatmabhuuH |
sarvaprabhuraniishastvamekastva.n sarvaruupabhaak|| 10\-20||
saptasaamopagiita.n tvaa.n saptaarNavajaleshayam |
saptaarcimukhamaacakhyuH saptalokaikasa.nshrayam|| 10\-21||
caturvargaphala.n dnyaana.n kaalaavasthaashcaturyugaaH |
caturvarNamayo lokastvattaH sarva.n caturmukhaat|| 10\-22||
abhyaasanigR^ihiitena manasaa hR^idayaashrayam |
jyotirmaya.n vicinvanti yoginastvaa.n vimuktaye|| 10\-23||
ajasya gR^ihNato janma niriihasya hatadviShaH |
svapato jaagaruukasya yaathaarthya.n veda kastava|| 10\-24||
shabdaadiinviShayaanbhoktu.n caritu.n dushcara.n tapaH |
paryaapto.asi prajaaH paatumaudaasiinyena vartitum|| 10\-25||
bahudhaapyaagamairbhinnaaH panthaanaH siddhihetavaH |
tvayyeva nipatantyoghaa jaahnaviiyaa ivaarNave|| 10\-26||
tvayyaaveshitacittaanaa.n tvatsamarpitakarmaNaam |
gatistva.n viitaraagaaNaamabhuuyaHsa.nnivR^ittaye|| 10\-27||
pratyakSho.apyaparicChedyo mahyaadirmahimaa tava |
aaptavaaganumaanaabhyaa.n saadhya.n tvaa.n prati kaa kathaa|| 10\-28||
kevala.n smaraNenaiva punaa.nsi puruSha.n yataH |
anena vR^ittayaH sheShaa niveditaphalaastvayi|| 10\-29||
udadheriva ratnaani tejaa.nsiiva vivasvataH |
stutibhyo vyatiricyante duuraaNi caritaani te|| 10\-30||
anavaaptamavaaptavya.n na te ki~ncana vidyate |
lokaanugraha evaiko hetuste janmakarmaNoH|| 10\-31||
mahimaana.n yadutkiirtya tava sa.nhriyate vacaH |
shrameNa tadashaktyaa vaa na guNaanaamiyattayaa|| 10\-32||
iti prasaadayaamaasuste suraastamadhokShajam |
bhuutaarthavyaahR^itiH saa hi na stutiH parameShThinaH || 10\-33||
tasmai kushalasa.nprashnavya~njitapriitaye suraaH |
bhayamapralayodvelaadaacakhyurnairR^itodadheH|| 10\-34||
atha velaasamaasannashailarandhraanuvaadinaa |
svareNovaaca bhagavaan paribhuutaarNavadhvaniH|| 10\-35||
puraaNasya kavestasya varNasthaanasamiiritaa |
babhuuva kR^itasa.nskaaraa caritaarthaiva bhaaratii|| 10\-36||
babhau sadashanajyotsnaa saa vibhorvadanodgataa |
niryaatasheShaa caraNaadga~Ngevordhvapravartinii|| 10\-37||
jaane vo rakShasaakraantaavanubhaavaparaakramau |
a~Nginaa.n tamasevobhau guNau prathamamadhyamau|| 10\-38||
vidita.n tapyamaana.n ca tena me bhuvanatrayam |
akaamopanateneva saadhorhR^idayamenasaa|| 10\-39||
kaaryeShu caikakaaryatvaadabhyarthyo.asmi na vajriNaa |
svayameva hi vaato.agneH saarathya.n pratipadyate|| 10\-40||
svaasidhaaraaparihR^itaH kaama.n cakrasya tena me |
sthaapito dashamo muurdhaa labhyaa.nsha iva rakShasaa|| 10\-41||
sraShTurvaraatisargaattu mayaa tasya duraatmanaH |
atyaaruuDha.n ripoH soDha.n candaneneva bhoginaH|| 10\-42||
dhaataara.n tapasaa priita.n yayaace sa hi raakShasaH |
daivaatsargaadavadhyatva.n martyeShvaasthaaparaa~NmukhaH|| 10\-43||
so.aha.n daasharathirbhuutvaa raNabhuumerbalikShamam |
kariShyaami sharaistiikShNaistacChiraHkamaloccayam|| 10\-44||
aciraadyajvabhirbhaaga.n kalpita.n vidhivatpunaH |
maayaavibhiranaaliiDhamaadaasyadhve nishaacaraiH|| 10\-45||
vaimaanikaaH puNyakR^itastyajantu marutaa.n pathi |
puShpakaalokasa.nkShobha.n meghaavaraNatatparaaH|| 10\-46||
mokShyadhve svargabandiinaa.n veNiibandhanaduuShitaan |
shaapayantritapaulastyabalaatkaarakacagrahaiH|| 10\-47||
raavaNaavagrahaklaantamiti vaagamR^itena saH |
abhivR^iShya marutsasya.n kR^iShNameghastirodadhe|| 10\-48||
purahuutaprabhR^itayaH surakaaryodyata.n suraaH |
a.nshairanuyayurviShNu.n puShpairvaayumiva drumaaH|| 10\-49||
atha tasya vishaa.npatyurante kaamasya karmaNaH |
puruShaH prababhuuvaagnervismayena sahartvijaam|| 10\-50||
hemapaatragata.n dorbhyaamaadadhaanaH payashcarum |
anupraveshaadaadyasya pu.nsastenaapi durvaham|| 10\-51||
praajaapatyopaniita.n tadanna.n pratyagrahiinnR^ipaH |
vR^iSheva payasaa.n saaramaaviShkR^itamudanvataa|| 10\-52||
anena kathitaa raadnyo guNaastasyaanyadurlabhaaH |
prasuuti.n cakame tasmi.nstrailokyaprabhavo.api yat|| 10\-53||
sa tejo vaiShNava.n patnyorvibheje carusa.ndnyitam |
dyaavaapR^ithivyoH pratyagramaharpatirivaatapam|| 10\-54||
arcitaa tasya kausalyaa priyaa kekayava.nshajaa |
ataH sa.nbhaavitaa.n taabhyaa.n sumitraamaicChadiishvaraH|| 10\-55||
te bahudnyasya cittadnye patnau patyurmahiikShitaH |
carorardhaardhabhaagaabhyaa.n taamayojayataamubhe|| 10\-56||
saa hi praNayavatyaasiitsapatnyorubhayorapi |
bhramarii vaaraNasyeva madanisyandarekhayoH|| 10\-57||
taabhirgarbhaH prajaabhuutyai dadhre devaa.nshasa.nbhavaH |
sauriibhiriva naaDiibhiramR^itaakhyaabhirammayaH|| 10\-58||
samamaapannasattvaastaa rejuraapaaNDuratviShaH |
antargataphalaarambhaaH sasyaanaamiva sa.npadaH|| 10\-59||
gupta.n dadR^ishuraatmaana.n sarvaaH svapneShu vaamanaiH |
jalajaasikadaashaar~Ngacakralaa~nChitamuurtibhiH|| 10\-60||
hemapakShaprabhaajaala.n gagane ca vitanvataa |
uhyante sma suparNena vegaakR^iShTapayomucaa|| 10\-61||
bibhratyaa kaustubhanyaasa.n stanaantaravilambitam |
paryupaasyanta lakShmyaa ca padmavyajanahastayaa|| 10\-62||
kR^itaabhiShekairdivyaayaa.n trisrotasi ca saptabhiH |
brahmarShibhiH para.n brahma gR^iNadbhirupatasthire|| 10\-63||
taabhyastathaavidhaansvapnaa~nChrutvaa priito hi paarthivaH |
mene paraardhyamaatmaana.n gurutvena jagadguroH|| 10\-64||
vibhaktaatmaa vibhustaasaamekaH kukShiShvanekadhaa |
uvaasa pratimaacandraH prasannaanaamapaamiva|| 10\-65||
athaagryamahiShii raadnyaH prasuutisamaye satii |
putra.n tamopaha.n lebhe nakta.n jyotirivauShadhiH|| 10\-66||
raama ityabhiraameNa vapuShaa tasya coditaH |
naamadheya.n gurushcakre jagatprathamama~Ngalam|| 10\-67||
raghuva.nshapradiipena tenaapratimatejasaa |
rakShaagR^ihagataa diipaaH pratyaadiShTaa ivaabhavan|| 10\-68||
shayyaagatena raameNa maataa shaatodarii babhau |
saikataambhojabalinaa jaahnaviiva sharatkR^ishaa|| 10\-69||
kaikeyyaastanayo jadnye bharato naama shiilavaan |
janayitriimala.ncakre yaH prashraya iva shriyam|| 10\-70||
sutau lakShmaNashatrughnau sumitraa suShuve yamau |
samyagaaraadhitaa vidyaa prabodhavinayaaviva|| 10\-71||
nirdoShamabhavatsarvamaaviShkR^itaguNa.n jagat |
anvagaadiva hi svargo gaa.n gata.n puruShottamam|| 10\-72||
tasyodaye caturmuurteH paulastyacakiteshvaraaH |
virajaskairnabhasvadbhirdisha ucChvasitaa iva|| 10\-73||
kR^ishaanurapadhuumatvaatprasannatvaatprabhaakaraH |
rakShoviprakR^itaavaastaamapaviddhashucaaviva|| 10\-74||
dashaananakiriiTebhyastatkShaNa.n raakShasashriyaH |
maNivyaajena paryastaaH pR^ithivyaamashrubindavaH|| 10\-75||
putrajanmapraveshyaanaa.n tuuryaaNaa.n tasya putriNaH |
aarambha.n prathama.n cakrurdevadundubhayo divi|| 10\-76||
sa.ntaanakamayii vR^iShTirbhavane caasya petuShii |
sanma~NgalopacaaraaNaa.n saivaadiracanaa.abhavat|| 10\-77||
kumaaraaH kR^itasa.nskaaraaste dhaatriistanyapaayinaH |
aanandenaagrajeneva sama.n vavR^idhire pituH|| 10\-78||
svaabhaavika.n viniitatva.n teShaa.n vinayakarmaNaa |
mumuurcCha sahaja.n tejo haviSheva havirbhujaam|| 10\-79||
parasparaviruddhaaste tadragoranagha.n kulam |
alamudyotayaamaasurdevaaraNyamivartavaH
samaane.api hi saubhraatre yathebhau raamalakShmaNau |
tathaa bharatashatrughnau priityaa dvandva.n babhuuvatuH|| 10\-81||
teShaa.n dvayordvayoraikya.n bibhide na kadaacana |
yathaa vaayurvibhaavasvoryathaa candrasamudrayoH|| 10\-82||
te prajaanaa.n prajaanaathaastejasaa prashrayeNa ca |
mano jahrurnidaaghaante shyaamaabhraa divasaa iva|| 10\-83||
sa caturdhaa babhau vyastaH prasavaH pR^ithiviipateH |
dharmaarthakaamamokShaaNaamavataara ivaa~Ngavaan|| 10\-84||
guNairaaraadhayaamaasuste guru.n guruvatsalaaH |
tameva caturantesha.n ratnairiva mahaarNavaaH|| 10\-85||
suragaja iva dantairbhagnadaityaasidhaarai-
rnaya iva paNabandhavyaktayogairupaayaiH |
haririva yugadiirghairdorbhira.nshaistadiiyaiH 
patiravanipatiinaa.n taishcakaashe caturbhiH|| 10\-86||

iti shriiraghuva.nshe mahaakaavye kavishriikaalidaasakR^itau
raamaavataaroo naama dashamaH sargaH ||
##
Encoded and proofread by Arvind Kolhatkar akolhatkar at rogers.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}