%@@1
% File name             : raghuvansha1.itx
%--------------------------------------------
% Text title            : Raghuvansha sarga 1
% Author                : Kavi Kalidas
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : Mrs. D. H. Rao
% Proofread by          : Arvind Kolhatkar akolhatkar at rogers.com
% Latest update         : January 21, 2005
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% http://sanskrit.bhaarat.com See the document project
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's' agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Raghuvansha by Kalidas Chapter 1 ..}##
\itxtitle{.. kaalidaasakR^itaM raghuva.nshaM sarga 1 ..}##\endtitles ##
vaagarthaaviva sa.npR^iktau vaagarthapratipattaye |
jagataH pitarau vande paarvatiiparameshvarau || 1\-1||
kva suuryaprabhavo va.nshaH kva chaalpaviShayaa matiH |
titiirShurdustara.n mohaaduDupenaasmi saagaram || 1\-2||
mandaH kaviyashaH praarthii gamiShyaamyupahaasyataam |
praa.nshulabhye phale lobhaadudbaahuriva vaamanaH || 1\-3||
athavaa kR^itavaagdvaare va.nshe.asminpuurvasuuribhiH |
maNau vajrasamutkiirNe suutrasyevaasti me gatiH || 1\-4||
so.ahamaajanmashuddhaanaamaaphalodayakarmaNaam |
aasamudrakShitiishaanaamaanaakarathavartmanaam || 1\-5||
yathaavidhihutaagniinaa.n yathaakaamaarchitaarthinaam |
yathaaparaadhadaNDaanaa.n yathaakaalaprabodhinaam || 1\-6||
tyaagaaya sa.nbhR^itaarthaanaa.n satyaaya mitabhaaShiNaam |
yashase vijigiiShuuNaa.n prajaayai gR^ihamedhinaam || 1\-7||
shaishave.abhyastavidyaanaa.n yauvane viShayaiShiNaam |
vaarddhake munivR^ittiinaa.n yogenaante tanutyajaam || 1\-8||
raghuuNaamanvaya.n vakShye tanuvaagvibhavo.api san |
tadguNaiH karNamaagatya chaapalaaya prachoditaH || 1\-9||
ta.n santaH shrotumarhanti sadasadvyaktihetavaH .
hemnaH sa.nlakShyate hyagnau vishuddhiH shyaamikaa.api vaa || 1\-10||
vaivasvato manurnaama maananiiyo maniiShiNaam |
aasiinmahiikShitaamaadyaH praNavashChandasaamiva || 1\-11||
tadanvaye shuddhimati prasuutaH shuddhimattaraH |
diliipa iti raajendurinduH kShiiranidhaaviva || 1\-12||
vyuuDhorasko vR^iShaskandhaH shaalapraa.nshurmahaabhujaH |
aatmakarmakShama.n deha.n kShaatro dharma ivaashritaH || 1\-13||
sarvaatiriktasaareNa sarvatejo.abhibhaavinaa |
sthitaH sarvonnatenorvii.n kraantvaa merurivaatmanaa || 1\-14||
aakaarasadR^ishapraj~naH praj~nayaa sadR^ishaagamaH |
aagamaiH sadR^ishaarambha aarambhasadR^ishodayaH || 1\-15||
bhiimakaantairnR^ipaguNaiH sa babhuuvopajiivinaam |
adhR^iShyashchaabhigamyashcha yaadoratnairivaarNavaH || 1\-16||
rekhaamaatramapi kShuNNaadaa manorvartmanaH param |
na vyatiiyuH prajaastasya niyanturnemivR^ittayaH || 1\-17||
prajaanaameva bhuutyartha.n sa taabhyo balimagrahiit |
sahasraguNamutsraShTumaadatte hi rasa.n raviH || 1\-18||
senaa parichChadastasya dvayamevaarthasaadhanam |
shaastreShvakuNThitaa buddhirmaurvii dhanuShi chaatataa || 1\-19||
tasya sa.nvR^itamantrasya guuDhaakaare~Ngitasya cha |
phalaanumeyaaH praarambhaaH sa.nskaaraaH praaktanaa iva || 1\-20||
jugopaatmaanamatrastaH bheje dharmamanaaturaH |
agR^idhnuraadade so.arthamasaktaH sukhamanvabhuut || 1\-21||
j~naane mauna.n kShamaa shaktau tyaage shlaaghaaviparyayaH |
guNaa guNaanubandhitvaattasya saprasavaa iva || 1\-22||
anaakR^iShTasya viShayairvidyaanaa.n paaradR^ishvanaH |
tasya dharmarateraasiidvR^iddhatva.n jarasaa vinaa || 1\-23||
prajaanaa.n vinayaadhaanaadrakShaNaadbharaNaadapi |
sa pitaa pitarastaasaa.n kevala.n janmahetavaH || 1\-24||
sthityai daNDayato daNDyaanpariNetuH prasuutaye |
apyarthakaamau tasyaastaa.n dharma eva maniiShiNaH || 1\-25||
dudoha gaa.n sa yaj~naaya sasyaaya maghavaa divam |
sampadviniyamenobhau dadhaturbhuvanadvayam || 1\-26||
na kilaanunayustasya raajaano rakShituryashaH |
vyaavR^ittaa yatparasvebhyaH shrutau taskarataa sthitaa || 1\-27||
dveShyo.api sammataH shiShTastasyaartasya yathauShadham |
tyaajyo duShTaH priyo.apyaasiida~NguliivoragakShataa || 1\-28||
ta.n vedhaa vidadhe nuuna.n mahaabhuutasamaadhinaa |
tathaa hi sarve tasyaasanparaarthaikaphalaa guNaaH || 1\-29||
sa velaavapravalayaa.n parikhiikR^itasaagaraam |
ananyashaasanaamurvii.n shashaasaikapuriimiva || 1\-30||
tasya daakShiNyaruuDhena naamnaa magadhava.nshajaa |
patnii sudakShiNetyaasiidadhvarasyeva dakShiNaa || 1\-31||
kalatravantamaatmaanamavarodhe mahatyapi |
tayaa mene manasvinyaa lakShmyaa cha vasudhaadhipaH || 1\-32||
tasyaamaatmaanuruupaayaamaatmajanmasamutsukaH |
vilambitaphalaiH kaala.n sa ninaaya manorathaiH || 1\-33||
santaanaarthaaya vidhaye svabhujaadavataaritaa |
tena dhuurjagato gurvii sachiveShu nichikShipe || 1\-34||
athaabhyarcha vidhaataara.n prayatau putrakaamayaa |
tau dampatii vasiShThasya gurorjagmaturaashramam || 1\-35||
snigdhagambhiiranirghoShameka.n syandanamaashritau |
praavR^iSheNya.n payovaaha.n vidyudairaavataaviva || 1\-36||
maa bhuudaashramapiiDeti parimeyapurassarau |
anubhaavavisheShaattu senaaparivR^itaaviva || 1\-37||
sevyamaanau sukhasparshaiH shaalaniryaasagandhibhiH |
puShpareNuutkirairvaatairaadhuutavanaraajibhiH || 1\-38||
manobhiraamaaH shR^iNvantau rathanemisvanonmukhaiH |
ShaDjasa.nvaadiniiH kekaa dvidhaa bhinnaaH shikhaNDibhiH || 1\-39||
parasparaakShisaadR^ishyamaduurojjhitavartmasu |
mR^igadvandveShu pashyantau syandanaabaddhadR^iShTiShu || 1\-40||
shreNiibandhaadvitanvadbhirastambhaa.n toraNasrajam |
saarasaiH kalanirhraadaiH kvachidunnamitaananau || 1\-41||
pavanasyaanukuulatvaatpraarthanaasiddhisha.nsinaH |
rajobhisturagotkiirNairaspR^iShTaalakaveShTanau || 1\-42||
sarasiiShvaravindaanaa.n viichivikShobhashiitalam |
aamodamupajighrantau svaniHshvaasaanukaariNam || 1\-43||
graameShvaatmavisR^iShTeShu yuupachihneShu yajvanaam |
amoghaaH pratigR^ihNantaavarghyaanupadamaashiShaH || 1\-44||
haiya~Ngaviinamaadaaya ghoShavR^iddhaanupasthitaan |
naamadheyaani pR^ichChantau vanyaanaa.n maargashaakhinaam || 1\-45||
kaapyabhikhyaa tayoraasiidvrajatoH shuddhaveShayoH |
himanirmuktayoryoge chitraachandramasoriva || 1\-46||
tattadbhuumipatiH patnyai darshayanpriyadarshanaH |
api la~Nghitamadhvaana.n bubudhe na budhopamaH || 1\-47||
sa duShpraapayashaaH praapadaashrama.n shraantavaahanaH |
saaya.n sa.nyaminastasya maharShermahiShiisakhaH || 1\-48||
vanaantaraadupaavR^ittaiH samitkushaphalaaharaiH |
puuryamaaNamadR^ishyaagnipratyudyaatyaistapasvibhiH || 1\-49||
aakiirNamR^iShipatniinaamuTajadvaararodhibhiH |
apatyairiva niivaarabhaagadheyochitairmR^igaiH || 1\-50||
sekaante munikanyaabhistatkShaNojjhitavR^ikShakam |
vishvaasaaya viha~Ngaanaamaalavaalaambupaayinam || 1\-51||
aatapaatyayasa.nkShiptaniivaaraasu niShaadibhiH |
mR^igairvartitaromanthamuTajaa~NganabhuumiShu || 1\-52||
abhyutthitaagnipishunairatithiinaashramonmukhaan |
punaana.n pavanoddhuutairdhuumairaahutigandhibhiH || 1\-53||
atha yantaaramaadishya dhuryaanvishraamayeti saH |
taamavaarohayatpatnii.n rathaadavatataara cha || 1\-54||
tasmai sabhyaaH sabhaaryaaya goptre guptatamendriyaaH |
arhaNaamarhate chakrurmunayo nayachakShuShe || 1\-55||
vidheH saayantanasyaante sa dadarsha taponidhim |
anvaasitamarundhatyaa svaahayeva havirbhujam || 1\-56||
tayorjagR^ihatuH paadaanraajaa raaj~nii cha maagadhii |
tau gururgurupatnii cha priityaa pratinanandatuH || 1\-57||
tamaatithyakriyaashaantarathakShobhaparishramam |
paprachCha kushala.n raajye raajyaashramamuni.n muniH || 1\-58||
athaatharvanidhestasya vijitaaripuraH puraH |
arthyaamarthapatirvaachamaadade vadataa.n varaH || 1\-59||
upapanna.n nanu shiva.n saptasva~NgeShu yasya me |
daiviinaa.n maanuShiiNaa.n cha pratikartaa tvamaapadaam || 1\-60||
tava mantrakR^ito mantrairduuraatprashamitaaribhiH |
pratyaadishyanta iva me dR^iShTalakShyabhidaH sharaaH || 1\-61||
haviraavarjita.n hotastvayaa vidhivadagniShu |
vR^iShTirbhavati sasyaanaamavagrahavishoShiNaam || 1\-62||
puruShaayuShyajiivinyo niraata~Nkaa niriitayaH |
yanmadiiyaaH prajaastasya hetustvadbrahmavarchasam || 1\-63||
tvayaiva.n chintyamaanasya guruNaa brahmayoninaa |
saanubandhaaH katha.n na syuH sa.npado me niraapadaH || 1\-64||
kintu vadhvaa.n tavaitasyaamadR^iShTasadR^ishaprajam |
na maamavati sadviipaa ratnasuurapi medinii || 1\-65||
nuuna.n mattaH para.n va.nshyaaH piNDavichChedadarshinaH |
na prakaamabhujaH shraaddhe svadhaasa.ngrahatatparaaH || 1\-66||
matpara.n durlabha.n matvaa nuunamaavarjita.n mayaa |
payaH puurvaiH svaniHshvaasaiH kavoShNamupabhujyate || 1\-67||
so.ahamijyaavishuddhaatmaa prajaalopanimiilitaH |
prakaashashchaaprakaashashcha lokaaloka ivaachalaH || 1\-68||
lokaantarasukha.n puNya.n tapodaanasamudbhavam |
sa.ntatiH shuddhava.nshyaa hi paratreha cha sharmaNe || 1\-69||
tayaa hiina.n vidhaatarmaa.n katha.n pashyanna duuyase |
sikta.n svayamiva snehaadvandhyamaashramavR^ikShakam || 1\-70||
asahyapiiDa.n bhagavanR^iNamantyamavehi me |
aruntudamivaalaanamanirvaaNasya dantinaH || 1\-71||
tasmaanmuchye yathaa taata sa.nvidhaatu.n tathaarhasi |
ikShvaakuuNaa.n duraape.arthe tvadadhiinaa hi siddhayaH || 1\-72||
iti vij~naapito raaj~naa dhyaanastimitalochanaH |
kShaNamaatramR^iShistasthau suptamiina iva hradaH || 1\-73||
so.apashyatpraNidhaanena santateH stambhakaaraNam |
bhaavitaatmaa bhuvo bharturathaina.n pratyabodhayat || 1\-74||
puraa shakramupasthaaya tavorvii.n prati yaasyataH |
aasiitkalpataruchChaayaamaashritaa surabhiH pathi || 1\-75||
dharmalopabhayaadraaj~niimR^itusnaataamanusmaran |
pradakShiNakriyaarhaayaa.n tasyaa.n tva.n saadhu naacharaH || 1\-76||
avajaanaasi maa.n yasmaadataste naabhaviShyati |
matprasuutimanaaraadhya prajeti tvaa.n shashaapa saa || 1\-77||
sa shaapo na tvayaa raajanna cha saarathinaa shrutaH |
nadatyaakaashaga~NgaayaaH srotasyuddaamadiggaje || 1\-78||
iipsita.n tadavaj~naanaadviddhi saargalamaatmanaH |
pratibadhnaati hi shreyaH puujyapuujaavyatikramaH || 1\-79||
haviShe diirghasatrasya saa chedaanii.n prachetasaH |
bhuja~Ngapihitadvaara.n paataalamadhitiShThati || 1\-80||
sutaa.n tadiiyaa.n surabheH kR^itvaa pratinidhi.n shuchiH |
aaraadhaya sapatniikaH priitaa kaamadughaa hi saa || 1\-81||
iti vaadina evaasya hoturaahutisaadhanam |
anindyaa na.ndinii naama dhenuraavavR^ite vanaat || 1\-82||
lalaaTodayamaabhugna.n pallavasnigdhapaaTalaa |
bibhratii shvetaromaa~Nka.n sandhyeva shashina.n navam || 1\-83||
bhuva.n koShNena kuNDodhnii medhyenaavabhR^ithaadapi |
prasraveNaabhivarShantii vatsaalokapravartinaa || 1\-84||
rajaHkaNaiH khuroddhuutaiH spR^ishadbhirgaatramantikaat |
tiirthaabhiShekajaa.n shuddhimaadadhaanaa mahiikShitaH || 1\-85||
taa.n puNyadarshanaa.n dR^iShTvaa nimittaj~nastaponidhiH |
yaajyamaasha.nsitaavandhyapraarthana.n punarabraviit || 1\-86||
aduuravartinii.n siddhi.n raajan vigaNayaatmanaH |
upasthiteya.n kalyaaNii naamni kiirtita eva yat || 1\-87||
vanyavR^ittirimaa.n shashvadaatmaanugamanena gaam |
vidyaamabhyasaneneva prasaadayitumarhasi || 1\-88||
prasthitaayaa.n pratiShThethaaH sthitaayaa.n sthitimaachareH |
niShaNNaayaa.n niShiidaasyaa.n piitaambhasi piberapaH || 1\-89||
vadhuurbhaktimatii chainaamarchitaamaa tapovanaat |
prayataa praataranvetu saaya.n pratyudvrajedapi || 1\-90||
ityaaprasaadaadasyaastva.n paricharyaaparo bhava |
avighnamastu te stheyaaH piteva dhuri putriNaam || 1\-91||
tatheti pratijagraaha priitimaansaparigrahaH |
aadesha.n deshakaalaj~naH shiShyaH shaasituraanataH || 1\-92||
atha pradoShe doShaj~naH sa.nveshaaya vishaa.npatim |
suunuH suunR^itavaaksraShTurvisasarjorjitashriyam || 1\-93||
satyaamapi tapaHsiddhau niyamaapekShayaa muniH |
kalpavitkalpayaamaasa vanyaamevaasya sa.nvidhaam || 1\-94||
nirdiShTaa.n kulapatinaa sa parNashaalaa\-
madhyaasya prayataparigrahadvitiiyaH |
tachChiShyaadhyananiveditaavasaanaa.n
sa.nviShTaH kushashayane nishaa.n ninaaya || 1\-95||

|| iti shriimatkaalidaasakR^ite raghuva.nshe mahaakaavye prathamaH sargaH ||
##
\medskip\hrule\medskip
Encoding by Arvind Kolhatkar and Mrs. and Mr. Desriraju H. Rao.
Proofread and corrected by Arvind Kolhatkar akolhatkar at rogers.com
and Avinash Sathaye
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}