%@@1
%--------------------------------------------
% File name             : paramArthasAraabhinavagupta.inf
% Text title            : paramArthasAra Abhinavagupta
% Author                : Abhinavagupta
% Language              : Sanskrit
% Subject               : Hinduism/philosophy/advaita
% Description/comments  : 
% Transliterated by     : Suryansu Ray suryansuray at yahoo.com
% Proofread by          : Suryansu Ray suryansuray at yahoo.com
% Translation by        : 
% Latest update         : September 23, 2007
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskritdocuments.org
% http://sanskrit.gde.to
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Paramarthasara by Abhinavagupta ..}##
\itxtitle{.. shrImadabhinavaguptapraNItam paramArthasAram ..}##\endtitles ##
.. OM namashcidAtmaparamArthavapuShe ..
atha shrImanmahAmAheshvarAcAryavaryashrImadabhinavaguptAcAryaviracitaH
paramaarthasaaraH
paraM parasthaM gahanAdanAdimekaM niviShTaM bahudhA guhAsu .
sarvAlayaM sarvacarAcarasthaM tvAmeva shambhuM sharaNaM prapadye .. 1..
garbhAdhivAsapUrvakamaraNAntakaduHkhacakravibhrAntaH .
AdhAraM bhagavantaM shiShyaH papracchha paramArtham .. 2..
AdhArakArikAbhistaM gururabhibhAShate sma tatsAram .
kathayatyabhinavaguptaH shivashAsanadRRiShTiyogena .. 3..
nijashaktivaibhavabharAdaNDacatuShTayamidaM vibhAgena .
shaktirmAyA prakRRitiH pRRithvI ceti prabhAvitaM prabhuNA .. 4..
tatrAntarvishvamidaM vicitratanukaraNabhuvanasantAnam .
bhoktA ca tatra dehI shiva eva gRRihItapashubhAvaH .. 5..
nAnAvidhavarNAnAM rUpaM dhatte yathA.amalaH sphaTikaH .
suramAnuShapashupAdaparUpatvaM tadvadIsho.api .. 6..
gacchhati gacchhati jala iva himakarabimbaM sthite sthitiM yAti .
tanukaraNabhuvanavarge tathA.ayamAtmA maheshAnaH .. 7..
rAhuradRRishyo.api yathA shashibimbasthaH prakAshate tadvat .
sarvagato.apyayamAtmA viShayAshrayaNena dhImukure .. 8..
Adarshe malarahite yadvadvadanaM vibhAti tadvadayam .
shivashaktipAtavimale dhItattve bhAti bhArUpaH .. 9..
bhArUpaM paripUrNaM svAtmani vishrAntito mahAnandam .
icchhAsaMvitkaraNairnirbharitamanantashaktiparipUrNam .. 10..
sarvavikalpavihInaM shuddhaM shAntaM layodayavihInam .
yatparatattvaM tasminvibhAti ShaTtriMshadAtmajagat .. 11..
darpaNabimbe yadvannagaragrAmAdi citramavibhAgi .
bhAti vibhAgenaiva ca parasparaM darpaNAdapi ca .. 12..
vimalatamaparamabhairavabodhAttadvadvibhAgashUnyamapi .
anyonyaM ca tato.api ca vibhaktamAbhAti jagadetat .. 13..
shivashaktisadAshivatAmIshvaravidyAmayIM ca tattvadashAm .
shaktInAM paJNcAnAM vibhaktabhAvena bhAsayati .. 14..
paramaM yatsvAtantryaM durghaTasampAdanaM maheshasya .
devI mAyAshaktiH svAtmAvaraNaM shivasyaitat .. 15..
mAyAparigrahavashAdbodho malinaH pumAnpashurbhavati .
kAlakalAniyatibalAdrAgAvidyAvashena sambaddhaH .. 16 .
adhunaiva kiMcidevedameva sarvAtmanaiva jAnAmi .
mAyAsahitaM kaJNcukaShaTkamaNorantaraN^gamidamuktam .. 17..
kambukamiva taNDulakaNaviniviShTaM bhinnamapyabhidA .
bhajate tattu vishuddhiM shivamArgaunmukhyayogena .. 18..
sukhaduHkhamohamAtraM nishcayasaMkalpanAbhimAnAcca .
prakRRitirathAntaHkaraNaM buddhimano.ahaN^kRRiti kramashaH .. 19..
shrotraM tvagakShi rasanA ghrANaM buddhIndriyANi shabdAdau .
vAkpANipAdapAyUpasthaM karmendriyANi punaH .. 20..
eShAM grAhyo viShayaH sUkShmaH pravibhAgavarjito yaH syAt .
tanmAtrapaJNcakaM tacchhabdaH sparsho maho raso gandhaH .. 21..
etatsaMsargavashAtsthUlo viShayastu bhUtapaJNcakatAm .
abhyeti nabhaH pavanastejaH salilaM ca pRRithvI ca .. 22..
tuSha iva taNDulakaNikAmAvRRiNute prakRRitipUrvakaH sargaH .
pRRithvIparyanto.ayaM caitanyaM dehabhAvena .. 23..
paramAvaraNaM mala iha sUkShmaM mAyAdi kaJNcukaM sthUlam .
bAhyaM vigraharUpaM koshatrayaveShTito hyAtmA .. 24..
ajJNAnatimirayogAdekamapi svaM svabhAvamAtmAnam .
grAhyagrAhakanAnAvaicitryeNAvabudhyeta .. 25..
rasaphANitasharkarikAguDakhaNDAdyA yathekShurasa eva .
tadvadavasthAbhedAH sarve paramAtmanaH shambhoH .. 26..
vijJNAnAntaryAmiprANavirADdehajAtipiNDAntAH .
vyavahAramAtrametatparamArthena tu na santyeva .. 27..
rajjvAM nAsti bhujaN^gastrAsaM kurute ca mRRityuparyantam .
bhrAntermahatI shaktirna vivektuM shakyate nAma .. 28..
tadvaddharmAdharmasvarnirayotpattimaraNasukhaduHkham .
varNAshramAdi cAtmanyasadapi vibhramabalAdbhavati. 29 ..
etattadandhakAraM yadbhAveShu prakAshamAnatayA .
AtmAnatirikteShvapi bhavatyanAtmAbhimAno.ayam .. 30..
timirAdapi timiramidaM gaNDasyopari mahAnayaM sphoTaH .
yadanAtmanyapi dehaprANAdAvAtmamAnitvam.31 ..
dehaprANavimarshanadhIjJNAnanabhaHprapaJNcayogena .
AtmAnaM veShTayate citraM jAlena jAlakAra iva .. 32..
svajJNAnavibhavabhAsanayogenodveShTayennijAtmAnam .
iti bandhamokShacitrAM krIDAM  pratanoti paramashivaH .. 33,,
sRRiShTisthitisaMhArA jAgratsvapnau suShuptamiti tasmin .
bhAnti turIye dhAmani tathApi tairnAvRRitaM bhAti .. 34..
jAgradvishvaM bhedAtsvapnastejaH prakAshamAhAtmyAt .
prAjJNaH suptAvasthA jJNAnaghanatvAttataH paraM turyam .. 35..
jaladharadhUmarajobhirmalinIkriyate yathA na gaganatalam .
tadvanmAyAvikRRitibhiraparAmRRiShTaH paraH puruShaH .. 36..
ekasminghaTagagane rajasA vyApte bhavanti nAnyAni .
malinAni tadvadete jIivAH sukhaduHkhabhedajuShaH .. 37..
shAnte shAnta ivAyaM hRRiShTe hRRiShTo vimohavati mUDhaH .
tattvagaNe sati bhagavAnna punaH paramaarthataH sa tathA .. 38..
yadanAtmanyapi tadrUpAvabhAsanaM tatpuraa nirAkRRitya .
AtmanyanAtmarUpAM bhrAntiM vidalayati paramAtmA .. 39..
itthaM vibhramayugalakasamUlavicchhedane kRRitArthasya .
kartavyAntarakalanA na jAtu parayogino bhavati .. 40..
pRRithivI prakRRitirmAyA tritayamidaM vedyarUpatApatitam .
advaitabhAvanabalAdbhavati hi sanmAtraparisheSham .. 41..
rashanAkuNDalakaTakaM bhedatyAgena dRRishyate yathA hema .
tadvadbhedatyAge sanmAtraM sarvamAbhAti .. 42..
tadbrahma paraM shuddhaM shAntamabhedAtmakaM samaM sakalam .
amRRitaM satyaM shaktau vishrAmyati bhAsvarUpAyAm .. 43..
iShyata iti vedyata iti sampAdyata iti ca bhAsvarUpeNa .
aparAmRRiShTaM yadapi tu nabhaHprasUnatvamabhyeti .. 44..
shaktitrishUlaparigamayogena samastamapi parameshe .
shivanAmani paramArthe visRRijyate devadevena .. 45..
punarapi ca paJNcashaktiprasaraNakrameNa bahirapi tat .
aNDatrayaM vicitraM sRRiShTaM bahirAtmalAbhena .. 46..
iti shakticakrayantraM krIDAyogena vAhayandevaH .
ahameva shuddharUpaH shaktimahAcakranAyakapadasthaH .. 47..
mayyeva bhAti vishvaM darpaNa iva nirmale ghaTAdIni .
mattaH prasarati sarvaM svapnavicitratvamiva suptAt .. 48..
ahameva vishvarUpaH karacaraNAdisvabhAva iva dehaH .
sarvasminnahameva sphurAmi bhAveShu bhAsvarUpamiva .. 49..
draShTA shrotA ghrAtA dehendriyavarjito.apyakartApi .
siddhAntAgamatarkAMshcitrAnahameva racayAmi .. 50..
itthaM dvaitavikalpe galite pravilaN^ghya mohanIM mAyAm .
salile salilaM kShIre kShIramiva brahmaNi layI syAt .. 51..
itthaM tattvasamUhe bhAvanayA shivamayatvamabhiyAte .
kaH shokaH ko mohaH sarvaM brahmAvalokayataH .. 52..
karmaphalaM shubhamashubhaM mithyAjJNAnena saMgamAdeva .
viShamo hi saMgadoShastaskarayogo.apyataskarasyeva .. 53..
lokavyavahArakRRitAM ya ihAvidyAmupAsate mUDhAH .
te yAnti janmamRRityU dharmAdharmArgalAbaddhAH .. 54..
ajJNAnakAlanicitaM dharmAdharmAtmakaM tu karmApi .
cirasaMcitamiva tUlaM nashyati vijJNAnadIptivashAt .. 55..
jJNAnaprAptau kRRitamapi na phalAya tato.asya janma katham .
gatajanmabandhayogo bhAti shivArkaH svadIdhitibhiH .. 56..
tuShakambukakiMshArukamuktaM bIjaM yathAN^kuraM kurute .
naiva tathANavamAyAkarmavimukto bhavAN^kuraM hyAtmA .. 57..
AtmajJNo na kutashcana bibheti sarvaM hi tasya nijarUpam .
naiva ca shocati yasmAtparamArthe nAshitA nAsti .. 58..
atigUDhahRRidayagaJNjaprarUDhaparamArtharatnasaMcayataH .
ahameveti maheshvarabhAve kA durgatiH kasya .. 59..
mokShasya naiva kiMciddhAmAsti na cApi gamanamanyatra .
ajJNAnagranthibhidA svashaktyabhivyaktatA mokShaH .. 60..
bhinnAjJNAnagranthirgatasandehaH parAkRRitabhrAntiH .
prakShINapuNyapApo vigrahayoge.apyasau muktaH .. 61..
agnyabhidagdhaM bIjaM yathA prarohAsamarthatAmeti .
jJNAnAgnidagdhamevaM karma na janmapradaM bhavati .. 62..
parimitabuddhitvena hi karmocitabhAvidehabhAvanayA .
saMkucitA citiretaddehadhvaMse tathA bhavati .. 63..
yadi punaramalaM bodhaM sarvasamuttIrNaboddhRRikartRRimayam .
vitatamanastamitoditabhArUpaM satyasaMkalpam .. 64..
dikkAlakalanavikalaM dhruvamavyayamIshvaraM suparipUrNam .
bahutarashaktivrAtapralayodayaviracanaikakartAram .. 65..
sRRiShTyAdividhisuvedhasamAtmAnaM shivamayaM vibuddhyeta .
kathamiva saMsArI syAdvitatasya kutaH kva vA saraNam .. 66..
iti yuktibhirapi siddhaM yatkarma jJNAnino na saphala.m tat .
na mamedamapi tu tasyeti dArDhyato na hi phalaM loke .. 67..
itthaM sakalavikalpAnpratibuddho bhAvanAsamIraNataH .
AtmajyotiShi dIpte juhvajjyotirmayo bhavati .. 68..
ashnanyadvA tadvA saMviito yena kenacicchhAntaH .
yatra kvacana nivAsI vimucyate sarvabhUtAtmA .. 69..
hayamedhashatasahasrANyapi kurute brahmaghAtalakShANi .
paramArthavinna puNyairna ca pApaiH spRRishyate vimalaH .. 70..
madaharShakopamanmathaviShAdabhayalobhamohaparivarjI .
niHstotravaShaTkAro jaDa iva vicaredavAdamatiH .. 71..
madaharShaprabhRRitirayaM vargaH prabhavati vibhedasammohAt .
advaitAtmavibodhastena kathaM spRRishyatAM nAma .. 72..
stutyaM vA hotavyaM nAsti vyatiriktamasya kiMcana ca .
stotrAdinA sa tuShyenmuktastannirnamaskRRitivaShaTkaH .. 73..
ShaTtriMshattattvabhRRitaM vigraharacanAgavAkShaparipUrNam .
nijamanyadatha sharIraM ghaTAdi vA tasya devagRRiham .. 74..
tatra ca paramAtmamahAbhairavashivadevatAM svashaktiyutAm .
AtmAmarshanavimaladravyaiH paripUjayannAste .. 75..
bahirantaraparikalpanabhedamahAbIjanicayamarpayataH .
tasyAtidIptasaMvijjvalane yatnAdvinA bhavati homaH .. 76..
dhyAnamanastamitaM punareSha hi bhagavAnvicitrarUpANi .
sRRijati tadeva dhyAnaM saMkalpAlikhitasatyarUpatvam .. 77..
bhuvanAvalIM samastAM tattvakramakalpanAmathAkShagaNam .
antarbodhe parivartayati ca yatso.asya japa uditaH .. 78..
sarvaM samayA dRRiShTyA yatpashyati yacca saMvidaM manute .
vishvashmashAnaniratAM vigrahakhaTvAN^gakalpanAkalitAm .. 79..
vishvarasAsavapUrNaM nijakaragaM vedyakhaNDakakapAlam .
rasayati ca yattadetadvratamasya sudurlabhaM ca sulabhaM ca .. 80..
iti janmanAshahInaM paramArthamaheshvarAkhyamupalabhya .
upalabdhRRitAprakAshAtkRRitakRRityastiShThati yatheShTam .. 81..
vyApinamabhihitamitthaM sarvAtmAnaM vidhUtanAnAtvam .
nirupamaparamAnandaM yo vetti sa tanmayo bhavati .. 82..
tIrthe shvapacagRRihe vA naShTasmRRitirapi parityajandeham .
jJNAnasamakAlamuktaH kaivalyaM yAti hatashokaH .. 83..
puNyAya tIrthasevA nirayAya shvapacasadananidhanagatiH .
puNyApuNyakalaN^kasparshAbhAve tu kiM tena .. 84..
tuShakambukasupRRithakkRRitataNDulakaNatuShadalAntarakShepaH .
taNDulakaNasya kurute na punastadrUpatAdAtmyam .. 85..
tadvatkaJNcukapaTalIpRRithakkRRitA saMvidatra saMskArAt .
tiShThantyapi muktAtmA tatsparshavivarjitA bhavati .. 86..
kushalatamashilpikalpitavimalIbhAvaH samudgakopAdheH .
malino.api maNirupAdhervicchhede svacchhaparamArthaH .. 87..
evaM sadgurushAsanavimalasthiti vedanaM tanUpAdheH .
muktamapyupAdhyantarashUnyamivAbhAti shivarUpam .. 88..
shAstrAdiprAmANyAdavicalitashraddhayApi tanmayatAm .
prAptaH sa eva pUrvaM svargaM narakaM manuShyatvam .. 89..
antyaH kShaNastu tasminpuNyAM pApAM ca vA sthitiM puShyan .
mUDhAnAM sahakAribhAvaM gacchhati gatau tu na sa hetuH .. 90..
ye.api tadAtmatvena viduH pashupakShisarIsRRipAdayaH svagatim .
te.api purAtanasambodhasaMskRRitAstAM gatiM yAnti .. 91..
svargamayo nirayamayastadayaM dehAntarAlagaH puruShaH .
tadbhaN^ge svaucityAddehAntarayogamabhyeti .. 92..
evaM jJNAnAvasare svAtmA sakRRidasya yAdRRigavabhAtaH .
tAdRRisha eva tadAsau na dehapAte.anyathA bhavati .. 93..
karaNagaNasampramoShaH smRRitinAshaH shvAsakalilatAcchhedaH .
marmasu rujAvisheShAH sharIrasaMskArajo bhogaH .. 94..
sa kathaM vigrahayoge sati na bhavettena mohayoge.api .
maraNAvasare jJNAnI na cyavate svAtmaparamArthAt .. 95..
paramArthamArgamenaM jhaTiti yadA gurumukhAtsamabhyeti .
atitIvrashaktipAtAttadaiva nirvighnameva shivaH .. 96..
sarvottIrNaM rUpaM sopAnapadakrameNa saMshrayataH .
paratattvarUDhilAbhe paryante shivamayIbhaavaH .. 97..
tasya tu paramArthamayIM dhArAmagatasya madhyavishrAnteH .
tatpadalAbhotsukacetaso.api maraNaM kadAcitsyAt .. 98..
yogabhraShTaH shAstre kathito.asau citrabhogabhuvanapatiH .
vishrAntisthAnavashAdbhUtvA janmAntare shiviibhavati .. 99..
paramArthamArgamenaM hyabhyasyAprApya yogamapi nAma .
suralokabhogabhAgI muditamanA modate suciram .. 100..
viShayeShu sArvabhaumaH sarvajanaiH pUjyate yathA rAjA .
bhuvaneShu sarvadevairyogabhraShTastathA pUjyaH .. 101..
mahatA kAlena punarmAnuShyaM prApya yogamabhyasya .
prApnoti divyamamRRitaM yasmAdAvartate na punaH .. 102..
tasmAtsanmArge.asminnirato yaH kashcideti sa shivatvam .
iti matvA paramArthe yathAtathApi prayatanIyam .. 103..
idamabhinavaguptoditasaMkShepaM dhyAyataH paraM brahma .
acirAdeva shivatvaM nijahRRidayAveshamabhyeti .. 104..
AryAshatena tadidaM saMkShiptaM shAstrasAramatigUDham .
abhinavaguptena mayA shivacaraNasmaraNadIptena .. 105..
iti shrImahAmAheshvarAcAryAbhinavaguptaviracitaH paramArthasAraH ..
\medskip\hrule\medskip
##
Encoded and proofread by 
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}