% Text title            : pAninIya shikShA
% File name             : pANinIyashikShA.itx
% Category              : major\_works, svara
% Location              : doc\_z\_misc\_major\_works
% Transliterated by     : Pramod Kulkarni
% Proofread by          : Pramod Kulkarni, M Poorna Sai Balaji
% Latest update         : March 22, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Paniniya Shiksha ..}##
\itxtitle{.. pANinIya shikShA ..}##\endtitles ##
atha shikShAM pravakShyAmi pANinIyaM mataM yathA |
shAstrAnupUrvaM tadvidyAdyathoktaM lokavedayoH || 1||
prasiddhamapi shabdArthamavij~nAtamabuddhibhiH |
punarvyaktIkariShyAmi vAcha uchchAraNe vidhim || 2||
triShaShTishchatuHShaShTirvA varNAH shambhumate matAH |
prAkR^ite saMskR^ite chApi svayaM proktAH svayambhuvA || 3||
svarAviMshatirekashcha sparshAnAM pa~nchaviMshatiH |
yAdayashcha smR^itA hyaShTau chatvArashcha yamAH smR^itAH || 4||
anusvAro visargashcha ka pau chApi parAshritau |
duspR^iShTashcheti vij~neyo L^IkAraH pluta eva cha || 5||
AtmA bud.hdhyA sametyArthAnmanoyu~Nkte vivakShayA |
manaH kAyAgnimAhanti sa prerayati mArutam || 6||
mArustUrasicharanmandraM janayati svaram |
prAtaHsavanayogaM taM ChandogAyatramAshritam || 7||
kaNThemAdhyandinayugaM madhyamaM traiShTubhAnugam |
tAraM tArtIyasavanaM shIrShaNyaM jAgatAnugatam || 8||
sodIrNo mUrdhnyabhihatovakramApadya mArutaH |
varNA~njanayateteShAM vibhAgaH pa~nchadhA smR^itaH || 9||
svarataH kAlataH sthAnAt prayatnAnupradAnataH |
iti varNavidaH prAhurnipuNaM tannibodhata || 10||
udAttashchAnudAttashcha svaritashcha svarAstrayaH |
hrasvo dIrghaH pluta iti kAlato niyamA achi || 11||
udAtte niShAdagAndhArAvanudAtta R^iShabhadhaivatau |
svaritaprabhavA hyete ShaDjamadhyamapa~nchamAH || 12||
aShTausthAnAni varNAnAmuraH kaNThaH shirastathA |
jihvAmUlaM cha dantAshcha nAsikoShThaucha tAlu cha || 13||
obhAvashcha vivR^ittishcha shaShasA repha eva cha |
jihvAmUlamupadhmA cha gatiraShTavidhoShmaNaH || 14||
yadyobhAvaprasandhAnamukArAdi paraM padam |
svarAntaM tAdR^ishaM vidyAdyadanyadvyaktamUShmaNaH || 15||
hakAraM pa~nchamairyuktamantaHsthAbhishcha saMyutam |
urasyaM taM vijAnIyAtkaNThyamAhurasaMyutam || 16||
kaNThyAvahAvichuyashAstAlavyA oShThajAvupU |
syurmUrdhanyA R^iTuraShA dantyA L^itulasAH smR^itAH || 17||
jihvAmUle tu kuH prokto dantyoShThyo vaH smR^ito budhaiH |
eai tu kaNThatAlavyA oau kaNThoShThajau smR^itau || 18||
ardhamAtrA tu kaNThyasya ekAraikArayorbhavet |
okAraukArayormAtrA tayorvivR^itasaMvR^itam || 19||
saMvR^itaM mAtrikaM j~neyaM vivR^itaM tu dvimAtrikam |
ghoShA vA saMvR^itAH sarve aghoShA vivR^itAH smR^itAH || 20||
svarANAmUShmaNAM chaiva vivR^itaM karaNaM smR^itam |
tebhyo.api vivR^itAve~Nau tAbhyAmaichau tathaiva cha || 21||
anusvArayamAnAM cha nAsikA sthAnamuchyate |
ayogavAhA vij~neyA AshrayasthAnabhAginaH || 22||
alAbuvINAnirghoSho dantyamUlyasvarAnugaH |
anusvArastu kartavyo nityaM hroH shaShaseShu cha || 23||
anusvAre vivR^ittyAM tu virAme chAkSharadvaye |
dviroShThyau tu vigR^ihNIyAdyatrokAravakArayoH || 24||
vyAghrI yathA haretputrAndaMShTrAbhyAM na cha pIDayet |
bhItA patanabhedAbhyAM tadvadvarNAnprayojayet || 25||
yathA saurAShTrikA nArI takra.N ityabhibhAShate |
evaM ra~NgAH prayoktavyAH khe arA.N iva khedayA || 26||
ra~NgavarNaM prayu~njIranno grasetpUrvamakSharam |
dIrghasvaraM prayu~njIyAtpashchAnnAsikyamAcharet || 27||
hR^idaye chaikamAtrastvarddhamAtrastu mUrddhani |
nAsikAyAM tathArddhaM cha ra~NgasyaivaM dvimAtratA || 28||
hR^idayAdutkare tiShThankAMsyena samanusvaran |
mArdavaM cha dvimAtraM cha jaghanvA.N iti nidarshanam || 29||
madhye tu kampayetkampamubhau pArshvau samau bhavet |
sara~NgaM kampayetkampaM rathIveti nidarshanam || 30||
evaM varNAH prayoktavyA nAvyaktA na cha pIDitAH |
samyagvarNaprayogeNa brahmaloke mahIyate || 31||
gItI shIghrI shiraHkampI tathA likhitapAThakaH |
anarthaj~no.alpakaNThashcha ShaDete pAThakAdhamAH || 32||
mAdhuryamakSharavyaktiH padachChedastu susvaraH |
dhairyaM layasamarthaM cha ShaDete pAThakA guNAH || 33||
sha~NkitaM bhItimudghR^iShTamavyaktamanunAsikam |
kAkasvaraM shirasigaM tathA sthAnavivajirtam || 34||
upAMshudaShTaM tvaritaM nirastaM vilambitaM gadgaditaM pragItam |
niShpIDitaM grastapadAkSharaM cha vadenna dInaM na tu sAnunAsyam || 35||
prAtaH paThennityamuraHsthitena svareNa shArdUlarutopamena |
madhyandine kaNThagatena chaiva chakrAhvasa~NkUjitasannibhena || 36||
tAraM tu vidyAtsavanaM tR^itIyaM shirogataM tachcha sadA prayojyam |
mayUrahaMsAnyabhR^itasvarANAM tulyena nAdena shiraHsthitena || 37||
acho.aspR^iShTA yaNastvIShannemaspR^iShTAH shalaH smR^itAH |
sheShAH spR^iShTA halaH proktA nibodhAnupradAnataH || 38||
~namonunAsikA na hrau nAdino hajhaShaH smR^itAH |
IShannAdA yaNo jashaH shvAsinastu khaphAdayaH || 39||
IShachChvAsAMshcharo vidyAdgordhAmaitatprachakShate |
dAkShIputrapANininA yenedaM vyApitaM bhuvi || 40||
ChandaH pAdau tu vedasya hastau kalpo.atha paThyate |
jyotiShAmayanaM chakShurniruktaM shrotramuchyate || 41||
shikShA ghrANaM tu vedasya mukhaM vyAkaraNaM smR^itam |
tasmAtsA~NgamadhItyaiva brahmaloke mahIyate || 42||
udAttamAkhyAti vR^iSho.a~NgulInAM pradeshinImUlaniviShTamUrdhA |
upAntamadhye svaritaM drutaM cha kaniShThakAyAmanudAttameva || 43||
udAttaM pradeshinIM vidyAtprachayaM madhyato.a~Ngulim |
nihataM tu kaniShThikyAM svaritopakaniShThikAm || 44||
antodAttamAdyudAttamudAttamanudAttaM nIchasvaritam |
madhyodAttaM svaritaM dvyudAttaM tryudAttamiti navapadashayyA || 45||
agniH somaH pra vo vIryaM haviShAM svarbR^ihaspatirindrAbR^ihaspatI |
agnirityantodAttaM soma ityAdyudAttam |
pretyudAttaM va ityanudAttaM vIryaM nIchasvaritam || 46||
haviShAM madhyodAttaM svariti svaritam |
bR^ihaspatiriti dvyudAttamindrAbR^ihaspatI iti tryudAttam || 47||
anudAtto hR^idi j~neyo mUrdhnyudAtta udAhR^itaH |
svaritaH karNamUlIyaH sarvAsye prachayaH smR^itaH || 48||
chAShastu vadate mAtrAM dvimAtraM chaiva vAyasaH |
shikhI rauti trimAtraM tu nakulastvardhamAtrakam || 49||
kutIrthAdAgataM dagdhamapavarNaM cha bhakShitam |
na tasya pAThe mokSho.asti pApAheriva kilbiShAt || 50||
sutIrthAdagataM vyaktaM svAmnAyyaM suvyavasthitam |
susvareNa suvaktreNa prayuktaM brahma rAjate || 51||
mantro hInaH svarato varNato vA mithyAprayukto na tamarthamAha |
sa vAgvajro yajamAnaM hinasti yathendrashatruH svarato.aparAdhAt ||
anakSharaM hatAyuShyaM visvaraM vyAdhipIDitam |
akShatA shastrarUpeNa vajraM patati mastake || 53||
hastahInaM tu yo.adhIte svaravarNavivarjitam |
R^igyajuHsAmabhirdagdho viyonimadhigachChati || 54||
hastena vedaM yo.adhIte svaravarNarthasaMyutam |
R^igyajuHsAmabhiH pUto brahmaloke mahIyate || 55||
sha~NkaraH shA~NkarIM prAdAddAkShIputrAya dhImate |
vA~NmayebhyaH samAhR^itya devIM vAchamiti sthitiH || 56||
yenAkSharasamAmnAyamadhigamya maheshvarAt |
kR^itsnaM vyAkaraNaM proktaM tasmai pANinaye namaH || 57||
yena dhautA giraH puMsAM vimalaiH shabdavAribhiH |
tamashchAj~nAnajaM bhinnaM tasmai pANinaye namaH || 58||
aj~nAnAndhasya lokasya j~nAnA~njanashalAkayA |
chakShurunmIlitaM yena tasmai pANinaye namaH || 59||
trinayanamabhimukhaniHsR^itAmimAM ya iha paThetprayatashcha sadA dvijaH |
sa bhavati dhanadhAnyapashuputrakIrtimAn atulaM cha sukhaM samashnute divIti divIti || 60||

|| iti vedA~NganAsikA athavA pANinIyashikShA samAptA ||

##
Encoded by Pramod Kulkarni
Proofread by Pramod Kulkarni, M Poorna Sai Balaji 


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}