\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\normaldvng      
\pagenumbering{itrans} 
\def\twocol{\begin{multicols}{2}}
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\hugedvng #1}\medskip\hrule}
\def\endtitles{\medskip\twocol\obeyspaceslines}
\newfont{\csroman}{putr8i at 9pt}
\newfont{\csromani}{putri8i at 9pt}

#romanifm=romancsx.ifm
#romanfont=\csroman

%%
\begin{document}\engtitle{.. niitishatak by Bhartrihari ..}##
\itxtitle{.. bhartR^iharikR^ita niitishatakam.h ..}##\endtitles##
|| shrii ||

dikkaalaadyanavachchhinnaanantachinmaatramuurtaye .
svaanubhuutyekanaamaaya namaH shaantaaya tejase .. 1..

yaaM chintayaami satataM mayi saa viraktaa
	saapyanyamichchhati janaM sa jano.anyasaktaH .
asmatkR^ite cha parishushhyati kaachidanyaa
	dhik.h taaM cha taM cha madanaM cha imaaM cha maaM cha .. 2..

aGYaH sukhamaaraadhyaH sukhataramaaraadhyate visheshhaGYaH .
GYaanalavadurvigdhaM brahmaapi naraM na ra~njayati .. 3..

praayaH kandukapaatenotpatatyaaryaH patannapi .
tathaa patatyanaaryastu mR^itpiNDapatanaM tathaa .. 4..

labheta sikataasu tailamapi yatnataH piiDyanpibechcha
	mR^igatR^ishhNikaasu salilaM pipaasaarditaH .
kadaachidapi paryaTanshashavishhaaNamaasaadayennatu
	pratinivishhTamuurkhajanachittamaaraadhayet.h .. 5..

vyaalaM baalamR^iNaalatantubhirasau roddhuM samujjR^imbhate
	chhettuM vajramaNiiM shiriishhakusumapraantena sannahyati .
maadhuryaM madhubindunaa rachayituM kShaaraambudheriihate
	netuM vaa~nchhati yaH khalaanpathi sataaM suuktairsudhaasyandibhiH .. 6..

svaayattamekaantaguNaM vidhaatraa
	vinirmitaM chhadanamaGYAtaayaaH .
visheshhataH sarvavidaaM samaaje
	vibhuushhaNaM maunamapaNDitaanaam.h .. 7..

yadaa ki~nchitaGYo.ahaM dvipa iva madaandhaH samabhavam.h 
	tadaa sarvaGYo.asmiityabhavadavaliptaM mama manaH .
yadaa ki~nchitki~nchidbudhajanasakaashaadavagatam.h
	tadaa muurkho.asmiiti jvara iva madome vyapagataH .. 8..

kR^imikulachitaM laalaaklinnaM vigandhi jugupsitaM
	nirupamarasaM priityaa khaadannaraasthi niraamishham.h .
surapitamapi shvaa paarshvasthaM vilokya na sha~Nkate
	na hi gaNayati kShudro jantuH parigrahaphalgutaam.h .. 9..

shiraH shaarvaM svargaat.h pashupatishirastaH kShitidharaM
	mahiidhraaduttu~Ngaadavanimavaneshchaapi jaladhim.h .
adho.adho ga~NgeyaM padamupagataa stokamathavaa
	vivekabhrashhTaanaaM bhavati vinipaataH shatamukhaH .. 10..

shakyo vaarayituM jalena hutabhuk.h chhatreNa suuryaatapto
	naagendro nishitaa~Nkushena samado daNDena gogardabhau .
vyaadhirbheshhajasa~N_grahaishcha vividhairmantraprayogairvishhaM
	sarvasyaushhadhamasti shaastravihitaM muurkhasya naastyaushhadham.h .. 11..

saahityasa~NgiitakalaavihiinaH, saakShaatpashuH puchchhavishhaaNahiinaH .
tR^iNaM na khaadannapi jiivamaanaH, tadbhaagadheyaM paramampashunaam.h .. 12..

yeshhaaM na vidyaa na tapo na daanaM 
	GYaanaM na shiilaM na guNaH na dharmaH .
te martyaloke bhuvi bhaarabhUtaaH 
	manushhyaruupeNa mR^igaaH charanti .. 13..

varaM parvatadurgeshhu bhraantaM vanacharaiH saha .
na muurkhajanasamparkaH surendrabhavaneshhvapi .. 14..

shaastropaskR^itashabdasundaragiraH shishhyapradeyagamaa
	   vikhyaataaH kavayoH vasanti vishhaye yasya prabhornirdhanaaH .
tajjaaDyaM vasudhaadhipasya kavayastvarthaM vinaapiishvaraaH
	   kutsyaaH syuH kupariikShakaa ki maNayo yairghataH paatitaaH .. 15..

harturyaati na gocharaM kimapi shaM pushhNaati yat.h sarvadaa\-
	    .apyarthibhyaH pratipaadyamaanamanishaM praapnoti vR^iddhiM paraam.h .
kalpaanteshhvapi na prayaati nidhanaM vidyaakhyamantardhanaM
	  yeshhaaM taan.h prati maanamujjhata nR^ipaaH kastaiH saha spardhate .. 16..

adhigataparamaarthaan.h paNDitaan.h maavama.nstaa\-
	  stR^iNamiva laghu lakShmiirnaiva taan.h sa.nruNaddhi .
abhinavamadalekhaashyaamagaND asthalaanaaM
	  na bhavati bisatanturnivaaraNaM vaaraNaanaam.h .. 17..

ambhojiniivanavihaaravilaasameva
	  ha.nsasya hanti nitaraaM kupito vidhaataa .
na tvasya dugdhajalabhedavidhau prasiddhaaM
	  vaidagdhyakiirtimapahartumasau samarthaH .. 18..

keyuuraaNi na bhuushhayanti purushhaM haaraa na chandrojjvalaa
	  na snaanaM na vilepanaM na kusumaM naala~NkR^itaa muurdhajaaH .
vaaNyekaa samala~Nkaroti purushhaM yaa sa.nskR^itaa dhaaryate
	  kShiiyante khalu bhuushhaNaani satataM vaagbhuushhaNaM bhuushhaNam.h .. 19..

vidyaa naama narasya ruupaM adhikaM prachchhannaguptaM dhanaM
	  vidyaa bhogakarii yashassukhakarii vidyaa guruuNaaM guruH .
vidyaa bandhujano videshagamane vidyaa paraa devataa
	  vidyaa raajasu puujitaa na tu dhanaM vidyaavihiinaH pashuH .. 20..

kShaantishchet.h kavachena kiM kimaribhiH krodho.asti ched.h dehinaaM
	  GYaatishchedanalena kiM yadi suhR^id.h divyaushhadhaiH kiM phalam.h .
kiM sarpairyadi durjanaaH kimu dhanairvidyaanavadyaa yadi
	  vriDaa chet.h kimu bhuushhaNaiH sukavitaa yadyasti raajyena kim.h .. 21..

daakShiNyaM svajane dayaa parajane shaaThyaM sadaa durjane
	  priitiH saadhujane nayo nR^ipajane vidvajjane chaarjavam.h .
shauryaM shatrujane kShamaa gurujane kaantaajane dhR^ishhTataa
	  ye chaiva purushhaaH kalaasu kushalaasteshhveva lokasthitiH .. 22..

jaaDyaM dhiyo harati si~nchati vaachi satyaM
	  maanonnatiM dishati paapamapaakaroti .
chetaH prasaadayati dikShu tanoti kiirtiM
	  satsa~NgatiH kathaya kiM na karoti puMsaam.h .. 23..

jayanti te sukR^itinaH rasasiddhaaH kaviishvaraaH .
naasti yeshhaaM yashaHkaaye jaraamaraNajaM bhayam.h .. 24..

suunuH sachcharitaH satii priyatamaa svaamii prasaadonmukhaH
	  snigdhaM mitramava~nchakaH parijaano nishhkleshalesha manaH .
aakaaro ruchiraH sthirashcha vibhavo vidyaavadaataM mukhaM
	  tushhTe vishhTapakashhTahaariNi harau sampraapyate dehinaa .. 25..

praaNaaghaataannivR^ittiH paradhanaharaNe sa.nyamaH satyavaakyaM
	  kaale shaktyaa pradaanaM yuvatijanakathaamuukabhaavaH pareshhaam.h .
tR^ishhNaasrotovibha~Ngo gurushhu cha vinayaH sarvabhuutaanukampaa
	  saamaanyaH sarvashaastreshhvanupahatavidhiH shreyasaameshha panthaaH .. 26..

praarabhyate na khalu vighnabhayena niichaiH
	  praarabhya vighnavihataa viramanti madhyaaH ..
vighnaiH punaH punarapi pratihanyamaanaaH
	  praarabdhamuttamaguNaa na parityajanti .. 27..

asanto naabhyarthyaaH suhR^idapi na yaachyaH kR^ishadhanaH
	  priyaa nyaayyaa vR^ittirmalinamasubha~Nge.apyasukaram.h .
vipadyuchchaiH stheyaM padamanuvidheyaM cha mahataaM
	  sataaM kenoddishhTaM vishhamamasidhaaraavratamidam.h .. 28..

kShutkShaamo.api jaraakR^isho.api shithilapraayo.api kashhTaaM
	  dashaamaapannopi vipannadiidhitirapi praaNeshhu gachchhatsvapi .
mattebhendravibhinnakumbhakavalagraasaikabaddhaspR^ihaH
	  kiM jiirNaM tR^iNamatti maanamahataamagresaraH kesari .. 29..

svalpasnaayuvasaavasheshhamalinaM nirmaa.nsamapyasthikaM
	  shvaa labdhvaa paritoshhameti na tu tattasya kShudhaashaantaye .
si.nho jambukama~Nkamaagatamapi tyaktvaa nihanti dvipaM
	  sarvaH kR^ichchhragato.api va~nchhati janaH satvaanurupaM phalam.h .. 30..

laan~NgulachaalanamadhashcharaNaavapaataM
	  bhuumau nipatya vadanodaradarshanaM cha .
shvaa piNDadasya kurute gajapu~Ngavastu
	  dhiiraM vilokayati chaaTushataishcha bhu~Nkte .. 31..

parivartini sa.nsaare mR^itaH ko va na jaayate ..
sa jaataH yena jaatena yaati va.nshaH samunnatiM . 32..

kusumastabakasyeva dvayii vR^ittirmanasvinaH .
muurdhni vaa sarvalokasya vishiiryeta vane.athavaa .. 33..

santyanye.api bR^ihaspatiprabhR^itayaH sambhaavitaaH pa~nchashhaaH
	  taan.h pratyeshha visheshhavikramaruchii raahurna vairaayate .
dvaaveva grasate divaakaranishaapraaNeshvarau bhaasvarau
	  bhraataH parvaNi pashya daanavapatiH shiirshhaavasheshhaakR^itiH .. 34..

vahati bhuvanashreNiM sheshhaH phaNaaphalasthitaaM
	  kamaThapatinaa madhye pR^ishhThaM sadaa cha dhaartyate .
tamapi kurute kroDaadhiinaM payodhiranaadaraa\-
	  dahaha mahataaM niHsiimaanashcharitravibhuutayaH .. 35..

varaM pakShachchhedaH samadamaghavanmuktakulisha
	  praharairudgachchhadbahuladahanodgaaragurubhiH .
tushhaaraadreH suunorahaha pitari kleshavivashe
	  na chaasau sampaataH payasi payasaaM patyuruchitaH .. 36..

yadachetano.api paadaiH spR^ishhTaH prajvalati saviturinakaantaH .
tattejasvii purushhaH paraR^itanikR^itiM kathaM sahate .. 37..

si.nhaHshishurapi nipatati madamalinakapolabhittishhu gajeshhu .
prakR^itiriyaM satvavataaM na khalu vayastejaso hetuH .. 38..

jaatiryaatu rasaataalaM guNagaNaistatraapyadho gamyataaM
	  shiilaM shailataTaat.h patatvabhijanaH sandahyataaM vahninaa .
shaurye vairiNi vajramaashu nipatatvartho.astu naH kevalaM
	  yenaikena vinaa guNaastR^iNalavapraayaaH samastaa ime .. 39..

taaniindriyaaNyavikalaani tadeva naama
	  saa buddhirapratihataa vachanaM tadeva .
arthoshhmaNaa virahitaH purushhaH kShaNena
	  so.apyanya eva bhavatiiti vichitrametat.h .. 40..

yasyaasti vittaM sa naraH kuliinaH
	  sa paNDitaH sa shrutavaan.h guNaGYaH .
sa eva vaktaa sa cha darshaniiyaH
	  sarve guNaaH kaa~nchanamaashrayanti .. 41..

daurmantryaannR^ipatirvinashyati yatiH sa~Ngaat.h suto laalanaad.h
	  vipro.anadhyanaat.h kulaM kutanayaachchhiilaM khalopaasanaat.h .
hriirmadyaanavekShaNaadapi kR^ishhiH snehaH praavaasaashra\-
	  yaanmaitrii chaapraNayaat.h samR^iddhiranayaat.h tyaagapramaadaaddhanam.h .. 42..

daanaM bhogo naashastisro gatayo bhavanti vittasya .
yo na dadaati na bhuu~Nkte tasya tR^itiiyaa gatirbhavati .. 43..

maNiH shaNolliiDhaH samaravijayii hetidalito
	  madakShiibo naagaH sharadi saritaH shyaanapulinaaH .
kalaasheshhashchandraH suratamR^iditaa baalavanitaa
	  tanimnaa shobhante galitavibhavaashchaarthishhu naraaH .. 44..

parikShiiNaH kashchit.h spR^ihayati yavaanaaM prasR^itaye
	  sa pashchaat.h sampuurNaH kalayati dharitriiM tR^iNasamaam.h .
atashchaanaikaantyaad.h gurulaghutayaa.artheshhu dhaninaa\-
	  mavasthaa vastuuni prathayati cha sa~Nkochayati cha .. 45..

raajan.h dudhukShasi yadi kShitidhenum.h etaaM
	  tenaadya vatsamiva lokamamuM pushhaaNa .
tasmi.nshcha samyaganishaM pariposhhyamaaNe
	  naanaaphalaiH phalati kalpalateva bhuumiH .. 46..

satyaanR^itaa cha parushhaa priyavaadinii cha
	  hi.nstraa dayaalurapi chaarthaparaa vadaanyaa .
nityavyayaa prachuranityadhanaagamaa cha
	  vaaraa~Nganeva nR^ipaniitiranekarupaa .. 47..

aaGYaa kiirtiH paalanaM braahmaNaanaaM daanaM bhogaH mitrasa.nrakShaNaM cha .
yeshhaamete shhaDguNaa na pravR^itaaH ko.arthasteshhaM paarthivopaashrayeNa .. 48..

yaddhaatraa nijabhaalapaTTalikhitaM stokaM vaa mahadvaa dhanaM
	  tat.h praapnoti marusthale.api nitaraaM merau tato naadhikam.h .
taddhiiro bhava vittavatsu kR^ipaNaaM vR^ittiM vR^ithaa maa kR^ithaa
	  kuupe pashya payonidhaavapi ghaTo gR^ihNaati tulyaM jalam.h .. 49..

tvameva chaatakaadhaara iti keshhaaM na gocharaH .
kimambhoda vadaasmaakaM kaarpaNyoktiM pratiikShase .. 50..

re re chaataka saavadhaanamanasaa mitra kShaNaM shruyataam.h
	  ambhodaaH bahavo vasanti gagane sarvepinaikaadR^ishaaH .
kechidvR^ishhTiibhiraadrayanti dharaNiiM garjanti kechidvR^ithaa
	  yaM yaM pashyasi tasya tasya purato maa bruhi diinaM vachaH .. 51..

akaruNatvamakaaraNavigrahaH paradhane parayoshhiti cha spR^ihaa .
sujanabandhujaneshhvasahishhNutaa prakR^itisiddhamidaM hi duraatmanaam.h .. 52..

durjanaH parihartavyo vidyayaala~NkR^ito.api san.h .
maNinaa bhuushhitaH sarpaH kimasau na bhaya~NkaraH .. 53..

lobhashchedaguNena kiM pishunataa yadyasti kiM paatakaiH
	  satyaM chet.h tapasaa cha kiM shuchi mano yadyasti tiirthena kim.h .
saujanyaM yadi kiM guNaiH sumahimaa yadyasti kiM maNDanaiH
	  sadvidyaa yadi kiM dhanairapayasho yadyasti kiM mR^ityunaa .. 55..

shashii divasadhuusaro galitayauvanaa kaaminii
	  saro vigatavaarijaM mukhamanakSharaM svaakR^iteH .
prabhurdhanaparaayaNaH satatadurgataH sajjano
	  nR^ipaa~NgaNagataH khalo manasi sapta shalyaani me .. 56..

na kashchichchaNDakopaanaamaatmiiyo naama bhuubhujaam.h .
hotaaramapi juhvaanaM spR^ishhTo dahati paavakaH .. 57..

maunaanmuukaH pravachanapaTurvaatulo jalpako vaa
	  dhR^ishhTaH paarshve vasati cha sadaa duuratashchaapragalbhaH .
kShaantyaa bhiiruryadi na sahate praayasho naabhijaataH
	  sevaadharmaH paramagahano yoginaamapyagamyaH .. 58..

udbhaasitaakhilakhalasya vishru~Nkhalasya
	  praagjaatavistR^itanijaadhamakarmavR^itteH .
daivaadavaaptavibhavasya guNadvishho.asya
	  niichasya gocharagataiH sukhamaapyate kaiH .. 59..

aarambhagurvii kShayiNii krameNa
	  laghvii puraa vR^iddhimatii cha pashchaat.h .
dinasya puurvaardhaparaardhabhinnaa
	  chhaayeva maitrii khalasajjanaanaam.h .. 60..

mR^igamiinasajjanaanaaM tR^iNajalasantoshhavihitavR^ittinaam.h .
lubdhakadhiivarapishunaa nishhkaaraNavairiNo jagati .. 61..

vaa~nchhaa sajjanasa~Ngame paraguNe priitirgurau namrataa
	  vidyaayaaM vyasanaM svayoshhiti ratirlokaapavaadaadbhayam.h .
bhaktiH shuulini shaktiraatmadamane sa.nsargamuktiH khale
	  yeshhvete nivasanti nirmalaguNaastebhyo narebhyo namaH .. 62..

vipadi dhairyamathaabhyudaye kShamaa sadasii vaakpaTutaa yudhi vikramaH .
yashasi chaabhiruchirvyasanaM shrutau prakR^itisiddhamidaM hi mahaatmanaam.h .. 63..

pradaanaM prachchhannaM gR^ihamupagate sambhramavidhiH
	  priyaM kR^itvaa maunaM sadasi kathanaM chaapyupakR^ite .
anutseko lakShmyaamanabhibhavagandhaaH parakathaaH
	  sataaM kenoddishhTaM vishhamamasidhaaraavratamidam.h .. 64..

kare shlaaghyastyaagaH shirasi gurupaadapraNayitaa
	  mukhe satyaa vaaNii vijayi bhujayorviiryamatulam.h .
hR^idi svachchhaa vR^ittiH shrutamadhigataM cha shravaNayoH
	  vinaapyaishvaryeNa prakR^itimahataaM maNDanamidam.h .. 65..

sampatsu mahataaM chittaM bhavatyutpalakomalam.h .
aapatsu cha mahaashailashilaasa~Nghaatakarkasham.h .. 66..

santaptaayasi sa.nsthitasya payaso naamaapi na GYaayate
	  muktaakaaratayaa tadeva naliniipatrasthitaM raajate .
svaatyaaM saagarashuktimadhyapatitaM tanmauktikaM jaayate
	  praayeNaadhamamadhyamottamaguNaH sa.nsargato jaayate .. 67..

priiNaati yaH sucharitaH pitaraM sa putro
	  yadbhartureva hitamichchhati tat.h kalatram.h .
tanmitramaapadi sukhe cha samakriyaM yad.h
	  etat.h trayaM jagati puNyakR^ito labhante .. 68..

eko devaH keshavo vaa shivo vaa
	  hyekaM mitraM bhuupatirvaa yatirvaa .
eko vaasaH pattane vaa vane vaa
	  hyekaa bhaaryaa sundarii vaa darii vaa .. 69..

namratvenonnamantaH paraguNakathanaiH svaan.h guNaan.h khyaapayantaH
	  svaarthaan.h sampaadayanto vitatapR^ithutaraarambhayatnaaH paraarthe .
kShaantyaivaakSheparukShaakSharamukharamukhaan.h durjanaan.h duushhayantaH
	  santaH saashcharyacharyaa jagati bahumataaH kasya naabhyarchaniiyaaH .. 70..

bhavanti namraastaravaH phalodgamaiH
	  navaambubhirduuravilambino ghanaaH .
anuddhataaH satpurushhaaH samR^iddhibhiH
	  svabhaava evaishha paropakaariNaam.h .. 71..
 
shrotraM shrutenaiva na kuNDalena
	  daanena paaNirna tu ka~NkaNena .
vibhaati kaayaH karuNaaparaaNaaM
	  paropakaarairna tu chandanena .. 72..

paapaannivaarayati yojayate hitaaya
	  guhyaM niguuhati guNaan.h prakaTiikaroti .
aapadgataM cha na jahaati dadaati kaale
	  sanmitralakShaNamidaM nigadanti santaH .. 73..

padmaakaraM dinakaro vikachiikaroti
	  chandro vikaasayati kairavachakravaalam.h .
naabhyarthito jaladharo.api jalaM dadaati
	  santaH svayaM parahite vihitaabhiyogaaH .. 74..

ete satpurushhaaH paraarthaghaTakaaH svaarthaM parityajya ye .
	  saamaanyaastu paraarthamudyamabhR^itaH svaarthaavirodhena ye ..
te.amii maanavaraakShasaaH parahitaM svaarthaaya vighnanti ye .
	  ye vighnanti nirarthakaM parahitaM te ke na jaaniimahe .. 75..

kShiireNaatmagatodakaaya hi guNaa dattaaH puraa te.akhilaaH
	  kShiirottapamavekShya tena payasaa svaatmaa kR^ishaanau hutaH .
gantuM paavakamunmanastadabhavad.h dR^ishhTvaa tu mitraapadaM
	  yuktaM tena jalena shaamyati sataaM maitrii punastviidR^ishii .. 76..

itaH svapiti keshavaH kulamitastadiiyadviishhaa
	  mitashcha sharaNaarthinaaM shikhariNaaM gaNaaH sherate .
ito.api vaDavaanalaH saha samastasa.nvartakaiH
	  aho vitatamuurjitaM bhaarasahaM cha sindhorvapuH .. 77..

tR^ishhNaaM chhindhi bhaja kShamaaM jahi madaM paape ratiM maa kR^ithaaH
	  satyaM bruuhyanuyaahi saadhupadaviiM sevasva vidvajjanam.h .
maanyaan.h maanaya vidvishho.apyanunaya prakhyaapaya prashrayaM
	  kiirtiM paalaya duHkhite kuru dayaametat.h sataaM cheshhTitam.h .. 78..

manasi vachasi kaaye puNyapiiyushhapuurNaaH
	  tribhuvanamupakaarashreNibhiH priiNayantaH .
paraguNaparamaaNuun.h parvatiikR^itya nityaM
	  nijahR^idi vikasantaH santi santaH kiyantaH .. 79..

kiM tena hemagiriNaa rajataadriNaa vaa
	  yatraashritaashcha taravastaravata eva .
manyaamahe malayameva yadaashrayeNa
	  ka~NkolanimbakuTajaa api chandanaaH syuH .. 80..

ratnairmahaarhaistutushhurna devaa
	  na bhejire bhiimavishheNa bhiitim.h .
sudhaaM vinaa na prayayurviraamaM
	  na nishchitaarthaad.h viramanti dhiiraaH .. 81..

kvachit.h pR^ithviishayyaH kvachidapi cha parya~NkashayanaH
	  kvachichchhaakaahaaraH kvachidapi cha shaalyodanaruchiH .
kvachit.h kanthaadhaarii kvachidapi cha divyaambaradharo
	  manasvii kaaryaarthii na gaNayati duHkhaM na cha sukham.h .. 82..

aishvaryasya vibhuushhaNaM sujanataa shauryasya vaaksa.nyamo
	  GYaanasyopashamaH shrutasya vinayo vittasya paatre vyayaH .
akrodhastapasaH kShamaa prabhaviiturdharmasya nirvyaajataa 
	  sarveshhaamapi sarvakaaraNamidaM shiilaM paraM bhuushhaNam.h .. 83..

nindantu niitinipuNaa yadi vaa stuvantu
	  lakShmiH samaavishatu gachchhatu va yatheshhTam.h .
adyaiva vaa maraNamastu yugaantare vaa
	  nyaayyaatpathaH pravichalanti padaM na dhiiraaH .. 84..

paatito.api karaaghaatairutpatatyeva kandukaH .
praayeNa saadhuvR^ittanaamasthaayinyo vipattayaH .. 85..

aalasyaM hi manushhyaaNaam.h shariirastho mahaanripuH .
naastyudyamasamo bandhuH kurvaaNo naavasiidati .. 86..

chhinno.api rohati taruschandraH kShiiNo.api vardhate loke .
iti vimR^ishantaH santaH santapyante na loke.asmin.h .. 87..

netaa yasya bR^ihaspatiH praharaNaM vajraM suraaH sainikaaH
	  svargo durgamanugrahaH khalu harerairaavato vaaraNaH .
ityaishvaryabalaanvito.api balabhid.h bhagnaH paraiH sa~Ngare
	  tad.h vyaktaM nanu daivameva sharaNaM dhig.h dhig.h vR^ithaa paurushham.h .. 88..

bhagnaashasya karaNDapiNDitatanormlaanendriyasya kShudhaa
	  kR^itvaakhurvivaraM svayaM nipatito naktaM mukhe bhoginaH .
tR^iptastatpishitena satvaramasau tenaiva yaataH pathaa
	  lokaaH pashyata daivameva hi nR^iNaaM vR^iddhau kShaye kaaraNam.h . 89..

kaaryaayattaM phalaM pu.nsaaM buddhiH karmaanusaariNii .
tathaapi sudhiyaa bhaavyaM suvichaaryaiva kurvataa .. 90..

khalvaaTo divaseshvarasya kiraNaiH santaapito mastake
	  vaa~nchhandeshamanaatapaM vidhivashaattaalasya muulaM gataH .
tatrochchairmahataa phalena patataa bhagnaM sashabdaM shiraH
	  praayo gachchhati yatra bhaagyarahitastatraapadaaM bhaajanam.h .. 91..

ravinishaakarayorgrahapiiDanaM gajabhuja~Ngamayorapi bandhanaM .
matimataaM cha vilokya daridrataaM vidhiraho balavaaniti me matiH .. 92..

sR^ijati taavadasheshhaguNaakaraM purushharatnamala~NkaraNaM bhuvaH .
tadapi tatkShaNabha~Ngi karoti chedahaha kashhTamapaNDitataa vidheH .. 93..

patraM naiva yadaa kariiraviTape doshho vasantasya kiM
	  noluuko.apyavalokate yadi divaa suuryasya kiM duushhaNam.h .
dhaaraa naiva patanti chaatakamukhe meghasya kiM duushhaNaM
	  yatpuurvaM vidhinaa lalaaTalikhitaM tanmaarjituM kaH kShamaH .. 94..

namasyaamo devaannanu hatavidheste.api vashagaa
	  vidhirvandyaH so.api pratiniyatakarmaikaphaladaH .
phalaM karmaayattaM yadi kimamaraiH ki~ncha vidhinaa
	  namastatkarmabhyo vidhirapi na yebhyaH prabhavati .. 95..

brahmaa yena kulaalavanniyamito brahmaaNDbhaaNDodare
	  vishhNuryena dashaavataaragahane kShipto mahaasa~NkaTe .
rudro yena kapaalapaaNipuTake bhiikShaaTanaM kaaritaH
	  suuryo bhraamyati nityameva gagane tasmai namaH karmaNe .. 96..

naivaakR^itiH phalati naiva kulaM na shiilaM
	  vidyaapi naiva na cha yatnakR^itaapi sevaa .
bhaagyaani puurvatapasaa khalu sa~nchitaani
	  kaale phalanti purushhasya yathaiva vR^ikShaaH .. 97..

vane raNe shatrujalaagnimadhye
	  mahaarNave parvatamastake vaa .
suptaM pramattaM vishhamasthitaM vaa
	  rakShanti puNyaani puraa kR^itaani .. 98

yaa saadhuu.nshcha khalaan.h karoti vidushho muurkhaan.h hitaan.h dveshhiNaH
	  pratyakShaM kurute parokShamamR^itaM haalaahalaM tatkShaNaat.h .
tamaaraadhaya satkriyaaM bhagavatiiM bhoktuM phalaM vaa~nchhitaM
	  he saadho vyasanairguNeshhu vipuleshhvaasthaaM vR^ithaa maa kR^ithaaH .. 99..

guNavadaguNavadvaa kurvataa kaaryajaataM
	  pariNatiravadhaaryaa yatnataH paNDitena .
atirabhasakR^itaanaaM karmaNaamaavipatteH
	  bhavati hR^idayadaahii shalyatulyo vipaakaH .. 100..

sthaalyaaM vaiduuryamayyaaM pachati tilakaNaa.nshchaandanairindhanaughaiH
	  sauvarNairlaa~Ngalaagrairvilikhati vasudhaamarkamuulasya hetoH .
kR^itvaa karpurakhaNDaan.h vR^itimiha kurute kodravaaNaaM samantaat.h
	  praapyemaaM karmabhuumiM na charati manujo yastapo mandabhaagyaH .. 101..

majjatvambhasi yaatu merushikharaM shatruun.h jayatvaavahe
	  vaaNijyaM kR^ishhisevane cha sakalaa vidyaaH kalaaH shikShataam.h .
aakaashaM vipulaM prayaatu khagavat.h kR^itvaa prayatnaM paraM
	  naabhaavyaM bhavatiiha karmavashato bhaavyasya naashaH kutaH .. 102..

bhiimaM vanaM bhavati tasya puraM pradhaanaM
	  sarvo janaH svajanataamupaayati tasya .
kR^itsnaa cha bhuurbhavati sannidhiratnapuurNaa
	  yasyaasti puurvasukR^itaM vipulaM narasya .. 103..

ko laabho guNisa~NgamaH kimasukhaM praaGYetaraiH sa~NgatiH
	  kaa haaniH samayachyutirnipuNataa kaa dharmatatve ratiH .
kaH shuuro vijitendriyaH priyatamaa kaanuvrataa kiM dhanaM
	  vidyaa kiM sukhamapravaasagamanaM raajyaM kimaaGYaaphalam.h .. 104..

apriyavachanadaridraiH priyavachanaaDhyaiH svadaaraparitushhTaiH .
paraparivaadanivR^ittaiH kvachitkvachinmaNDitaa vasudhaa ..  105..

kadarthitasyaapi hi dhairyavR^itterna shakyate dhairyaguNaH pramaarshhTum.h .
adhomukhasyaapi kR^itasya vanhernaadhaH shikhaa yaati kadaachideva .. 106..

kaantaakaTaakShavishikhaa na lunanti yasya
	  chittaM na nirdahati kopakR^ishaanitaapaH .
karshhanti bhuurivishhayaashcha na lobhapaashaiH
	  lokatrayaM jayati kR^itsnamidaM sa dhiiraH .. 107..

ekenaapi hi shureNa paadaakraantaM mahiitalam.h .
kriyate bhaaskareNeva sphaarasphuritatejasaa .. 108..

vahnistasya jalaayate jalanidhiH kulyaayate tatkShaNaat.h
	  meruH svalpashilaayate mR^igapatiH sadyaH kura~Ngaayate .
vyaalo maalyaguNaayate vishharasaH piiyuushhavarshhaayate
	  yasyaa~Nge.akhilalokavallabhatamaM shiilaM samunmiilati .. 109..

lajjaaguNaughajananiiM jananiimiva svaaM
	  atyantashuddhahR^idayaamanuvartamaanaam.h .
tejasvinaH sukhamasuunapi santyajanti
	  satyavratavyasanino na punaH pratiGYaam.h .. 110..

\centerline{.. iti niitishatakaM saMpuurNam.h..}
##
\medskip\hrule
{\rm Please send corrections to Atul Narkhede (atul@sgi.com) }
\end{multicols}\medskip\hrule\obeylines
{\rm Please send corrections to sanskrit@cheerful.com}
{\rm Last updated \today}
\end{document}