%@@1
% File name             : natya36.itx
%--------------------------------------------
% Text title            : naaTyashaastra adhyaaya 36 naaTyashaapaH
% Author                : Sage Bharata
% Language              : Sanskrit
% Subject               : philosophy/hinduism/culture/Dance/Drama
% Description/comments  : 
% Transliterated by     : Sowmya Krishnapur krsowmya@yahoo.com
% Proofread by          : Sowmya Krishnapur krsowmya@yahoo.com
% Latest update         : January 16, 2007
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto #indian and others with \ mark
% are needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Natya Shastra Chapter 36 ..}##
\itxtitle{.. naaTyashaastram.h adhyaaya 36 naaTyashaapaH  ..}##\endtitles##
.. shrIrastu ..
bharatamunipraNItaM naaTyashaastram.h
atha ShaTtriMsho.adhyaayaH
athaatreyo vasiShThashcha pulastyaH pulahaH kratuH |
a~Ngiraa gautamo.agastyo manuraayustathaatmavaan || 1||
vishvaamitraH sthuulashiraaH saMvartaH pramatirdanuH |
ushanaa bR^ihaspatirvyaasashchyavanaH kaashyapo dhruvaH || 2||
durvaasaa jaamadagnyashcha maarkaNDeyo.atha gaalavaH |
bharadvaajashcha raibhyashcha yavakriitastathaiva cha || 3||
sthuulaakShaH shakalaakShashcha kaaNvo meghaatithiH kratuH |
naaradaH parvatashchaiva suvarmaathaikajo dvijaH || 4||
nitamburbhuvanaH saumyaH shataanandaH kR^itavraNaH |
jaamadagnyastathaa raamaH kachashchetyevamaadayaH || 5||
evaM te munayaH shrutvaa sarvaGYaM bharataM tataH |
punaruuchuridaM vaakyaM kutuuhalapurogamam || 6||
yastvayaa gadito hyeSha naaTyavedaH puraatanaH |
ekachittaiH sa chaasmaabhiH samyak samupadhaaritaH || 7||
ekashcha saMshayo.asmaakaM taM no vyaakhyaatumarhasi |
ko vaanyo naaTyavedasya nishchayaM vaktumarhati || 8||
na vayaM parihaasena na virodhena na cherShyayaa |
pR^ichChaamo bhagavan naaTyamupadeshaarthameva tu || 9||
asmaabhishcha tadaa noktaM kathaachChedo bhavediti |
idaaniiM tuupashikShaarthaM naaTyaguhyaM nidarshaya || 10||
lokasya charitaM naaTyamityavochastvamiidR^isham |
teShaaM tu lokaM guhyaanaaM nishchayaM vaktumarhasi || 11||
devasya kasya charitaM puurvara~Nge dvijarShabha |
kimarthaM bhujyate hyeSha prayuktaH kiM karoti vaa || 12||
kasmaachchaiva punaH shauchaM samyak charati suutradR^ik |
kathamurviitale naaTyaM svargaannipatitaM vibho || 13||
kathaM tavaayaM vaMshashcha naTasaMGYaH pratiShThitaH |
sarvameva yathaatattvaM kathayasva mahaamune || 14||
teShaM tu vachanaM shrutvaa muniinaaM bharato muniH |
pratyuvaacha punarvaakyaM guhyaarthaabhinayaM prati || 15||
braviimi vaH kathaaM guhyaaM yanmaaM pR^ichChan suvrataaH |
puurvara~Ngavidhaanasya taaM cha me sannibodhata || 16||
proktavaanasmi yatpuurvaM shubhaM vighnanibarhaNam |
tasyaanubandhena mayaa puurvara~NgaH prakiirtitaH || 17||
shastraaNaaM pratikaaraarthaM shariiraavaraNaM yathaa |
kriyate hi tathaa paapaM hutenaiva prashaamyati || 18||
evaM japyaishcha homaishcha devataabhyarchanena cha |
sarvaatodyavidhaanaishcha tathaa giitasvanena cha || 19||
stutyaashiirvachanaiH shaantaiH karmabhaavaanukiirtanaiH |
mayaa paapaapaharaNaiH kR^ite vighnanibarhaNe || 20||
stutigiitaadisaMsR^iShTairdevairabhihito.asmyaham |
nitaraaM parituShTaaH smaH prayogeNaamunaa cha te || 21||
devataasuramaanandya yasmaa.Nllokashcha nandati |
tasmaadayaM prayogastu naandiinaamaa bhaviShyati || 22||
giitavaadyaanunaado hi yatra kaakusvanaH shubhaH |
tasmin deshe vipaapmaano maa~NgalyaM cha bhaviShyati || 23||
yaavattaM puurayeddeshaM dhvanirnaaTyasamaashrayaH |
na sthaasyanti hi rakShaaMsi taM deshaM na vinaayakaaH || 24||
aavaahe cha vivaahe cha yaGYe nR^ipatima~Ngale |
naandiishabdamupashrutya hiMsraa nashyanti chaiva hi || 25||
paaThyaM naaTyaM tathaa geyaM chitravaaditrameva cha |
vedamantraarthavachanaiH samaM hyetad bhaviShyati || 26||
shrutaM mayaa devadevaat tattvataH sha~Nkaraaddhitam |
snaanajapyasahasrebhyaH pavitraM giitavaaditam || 27||
yasminnaatodyanaaTyasya giitapaaThyadhvaniH shubhaH |
bhaviShyatyashubhaM deshe naiva tasmin kadaachana || 28||
evaM puujaadhikaaraarthaM puurvara~NgaH kR^ito mayaa |
naanaastutikR^itairvaakyairdevataabhyarchanena cha || 29||
yato.abhivaadanaM kliShTaM shiShTaM tadra~NgamaNDale |
tatastasya hi tachChauchaM vihitaM tu dvijottamaaH || 30||
shauchaM kR^itvaa yato mantraM puujanaM jarjarasya tu |
uchyate puurvara~Nge.asmin tasmaachChauchaM prakiirtitam || 31||
yathaavataaritaM chaiva naaTyametanmahiitale |
vaktavyaM sarvametaddhi na shakyaM hi niguuhitum || 32||
mamaite tanayaaH sarve naaTyavedasamanvitaaH |
sarvalokaM prahasanaiH baadhante naaTyasaMshrayaiH || 33||
kasyachittvatha kaalasya shilpakaM graamyadharmakam |
R^iShiiNaaM vya~NgyakaraNaM kurvadbhirguNasaMshrayam || 34||
ashraavyaM tadduraachaaraM graamyadharmapravartitam |
niShThuraM chaaprastutaM cha kaavyaM saMsadi yojitam || 35||
tachChrutvaa munayaH sarve bhiimaroShaprakampitaaH |
uuchustaan bharataan kruddhaa nirdahanta ivaagnayaH || 36||
maa taavadbho dvijaa yuktamidamasmadviDambanam |
ko naamaayaM paribhavaH ki~ncha naasmaasu sammatam || 37||
yasmaajGYaanamadonmattaa na vetthaavinayaashritaaH |
tasmaadetaddhi bhavataaM kuGYaanaM naashameShyati || 38||
R^iShiiNaaM braahmaNaanaaM cha samavaayasamaagataaH |
niraahutaa vinaa homaiH shuudraachaaraa bhaviShyatha || 39||
apaa~NkteyaaH kutsitaashchaavamaa eva bhaviShyatha |
yashcha vo bhavitaa vaMshaH sarvaashaucho bhaviShyati || 40||
ye cha vo vaMshajaaste.api bhaviShyantyatha nartakaaH |
paropasthaanavantashcha shastrapaNyopajiivinaH || 41||
shaapaM dattaM tathaa GYaatvaa sutebhyo me tadaa suraaH |
sarve vimanaso bhuutvaa taanR^iShiin samupasthitaaH || 42||
yaachamaanaistataH proktaM devaiH shakrapurogamaiH |
idaaniiM duHkhamutpannaM naaTyametad vina~NkShati || 43||
R^iShibhishcha tataH proktaM na chaitaddhi vinakShyati |
sheShamanyatra yad proktaM sarvametad bhaviShyati || 44||
etachChrutvaa tu vachanaM muniinaamugratejasaam |
viShNNaaste tataH sarve shrutvaa maaM samupasthitaaH || 45||
proktavantashcha maaM putraastvayaaho naashitaa vayam |
anena naaTyadoSheNa shuudraachaaraa hi yat kR^itaaH || 46||
mayaapi saantvayitvoktaa maa krodhaM vrajataanaghaaH |
kR^itaantavihito.asmaakaM nuunameSha vidhiH sutaaH || 47||
muniinaaM hi mR^iShaa vaakyaM bhaviShyati kadaachana |
nidhane cha mano maa bhuud yuShmaakamiti saantvitaaH || 48||
jaaniidhvaM tattathaa naaTyaM brahmaNaa saMpravartitam |
shiShyebhyashcha tadanyebhyaH prayachChaamaH prayogataH || 49||
maa vai praNashyataametannaaTyaM duHkhapravartitam |
mahaashrayaM mahaapuNyaM vedaa~Ngopaa~Ngasambhavam || 50||
apsarobhya idaM chaiva yathaatattvaM yathaashrutam |
naaTyaM dattvaa tataH sarve praayashchittaM chariShyatha || 51||
| iti bharatiiye naaTyashaastre naaTyashaapo naama ShaTtriMsho.adhyaayaH |
##
Encoded by Sowmya Krishnapur krsowmya@yahoo at com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}