%@@1
% File name             : natya35.itx
%--------------------------------------------
% Text title            : naaTyashaastra adhyaaya 35 
% Author                : Sage Bharata
% Language              : Sanskrit
% Subject               : philosophy/hinduism/culture/Dance/Drama
% Description/comments  : 
% Transliterated by     : hareshbakshi@hotmail.com
% Proofread by          : hareshbakshi@hotmail.com
% Latest update         : March 4, 2003
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto #indian and others with \ mark
% are needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Natya Shastra Chapter 35..}##
\itxtitle{.. naaTyashaastram.h adhyaaya 35 ..}##\endtitles##
      .. shrIrastu ..
bharatamunipraNItaM naaTyashaastram.h
atha pa~nchatriMsho.adhyaayaH .
vinyaasaM bhuumikaanaaM cha sampravakshyaami naaTake .
yaadR^isho yasya kartavyo vinyaaso bhuumikaasvatha .. 1 ..
gativaaga~N{}gacheshhTaabhiH sattvashiilasvabhaavataH .
pariikshya paatraM tajGYastu yu~njyaad bhuuminiveshane .. 2 ..
tasmin{}nanvishhya hi guNavaan kaaryaa paatrasamaashrayaa .
na khedajananaM buddheraachaaryasya bhavishhyati .. 3 ..
aachaaryaH paatrajaaMsh{}chaiva guNaa~nGYaatvaa svabhaavajaan .
tataH kuryaad yathaayogaM nR^iNaaM bhuuminiveshanam .. 4 ..
a~Ngapratya~NgasaMyuk{}tamahiinaa~NgaM vayonvitam .
na sthuulaM na kR^ishaM chaiva na diirghaM na cha mantharam .. 5 ..
sh{}lishhTaa~NgaM dyutimantaM cha susvaraM priyadarshanam .
etairguNaish{}cha saMyuk{}taM devabhuumishhu yojayet .. 6 ..
sthuulaM praaMshuM bR^ihaddehaM meghagambhiiranisvanam .
raudrasvabhaavanetraM cha svabhaavabhrukuTiimukham .. 7 ..
rakshodaanavadaityaanaaM bhuumikaasu prayojayet .
purushhaaNaaM prayogastu tathaa~NgakriyayaanvitaH .. 8 ..
sunetrasubhruvaH sva~NgaaH sulalaaTaaH sunaasikaaH .
svoshhThaaH sugaNDaaH sumukhaaH sukaNThaaH sushirodharaaH .. 9 ..
sva~Ngapratya~NgasaMyuk{}taa na diirghaa na cha mantharaaH .
na sthuulaa na kR^ishaash{}chaiva svabhaavena vyavasthitaaH .. 10 ..
sushiilaa GYaanavantash{}cha tathaa cha priyadarshanaaaH .
kumaararaajabhuumau tu saMyojyaash{}cha narottamaaH .. 11 ..
a~NgairavikalairdhiiraM sphuTaM vasanakarmaNi .
na diirghaM naiva cha sthuulamuuhaapohavichakshaNam .. 12 ..
adiinaM cha pragalbhaM cha pratyutpan{}navinish{}chayam .
senaapateramaatyaanaaM bhuumikaasu prayojayet .. 13 ..
pi~NgaakshaM ghoNanaasaM cha netramuch{}chamathaapi vaa .
ka~n{}chukishrotriyaadiinaaM bhuumikaasu niyojayet .. 14 ..
evamanyeshhvapi tathaa naaTyadharmavibhaagataH .
deshaveshhaanuruupeNa paatraM yojyaM svabhuumishhu .. 15 ..
mantharaM vaamanaM kub{}jaM vikR^itaM vikR^itaananam .
vishhTabdhanetraM kaaNaakshaM sthuulaM chipiTanaasikam .. 16 ..
durjanaM dusvabhaavaM cha vikR^itaachaarameva cha .
daasabhuumau prayu~n{}jiita budho daasaa~Ngasambhavam .. 17 ..
prakR^ityaa.atikR^ishaM kshaamaM tapaHshraanteshhu yojayet .
tathaa cha purushhaM sthuulamuparodheshhu yojayet .. 18 ..
yadi vaa nedR^ishaaH santi prakR^ityaa purushhaa dvijaaH .
aachaaryabuddhyaa yojyaastu bhaavacheshhTaasvabhaavataH .. 19 ..
yaa yasya sadR^ishii cheshhTaa hyuttamaadhamamadhyamaa .
sa tathaa.a.achaaryayogena niyamyaa bhaavabhaavinii .. 20 ..
ataH paraM pravakshyaami bharataanaaM vikalpanam .
bharataashrayaash{}cha bharato viduushhakaH saurikastathaa naandii .
nandii sasuutradhaaro naaTyaraso naayakash{}chaiva .. 21 ..
mukuTaabharaNavikalpau viGYeyo maalyavastuvividhaish{}cha .
kaarakakushiilavaadyaa viGYeyaa naamatashchaiva .. 22 ..
dhuryavadeko yasmaaduddhaaro.anekabhuumikaayuk{}taH .
bhaaNDagrahopakaraNainaaTyaM bharato bhavet tasmaat .. 23 ..
lokaahR^idaashrayakR^itaa sarvaprakR^itiprachaarasaMyuk{}taa .
naanaashrayaaM prakurute tathaa cha naarii tu sarvatra .. 24 ..
pratyutpannapratibho narmakR^ito narmagarbhanirbhedaH .
chhedaviduushhitavachano viduushhako naama viGYeyaH .. 25 ..
tuuryatistu naraH sarvaatodyapravaadane kushalaH .
tuuraparigrahayuk{}to viGYeyastauriko naama .. 26 ..
naTanR^iti dhaatvartho.ayaM bhuutaM naaTayati lokavR^ittaantam .
rasabhaavasatvayuk{}taM yasmaat tasmaannaTo bhavati .. 27 ..
stutyabhivaadanakR^itairmadhurairvaakyaiH suma~NgalaachaaraiH .
sarva stauti hi lokaM yasmaat tasmaad{}bhaved{}vaadii .. 28 ..
bhaavebhyo bahudhaa.asmin rasaa vadati naaTyayogeshhu .
praakR^itasaMskR^itapaaThyo nandii naameti sa GYeyaH .. 29 ..
giitasya cha vaadyasya cha paaThyasya cha naikabhaavavihitasya .
shishhTopadeshayogaat suutraGYaH suutradhaarastu .. 30 ..
yasmaat yathopadishhTaan rasaaMsh{}cha bhaavaaMsh{}cha 
satvasaMyuk{}taan .
bhuumivikalpairnayati cha naaTyakaraH kiirtitastasmaat .. 31 ..
chaturaatodyavidhaana.n sarvasya tu shaastrakhe davihitasya .
naaTyasyaantaM gachchhati tasmaad{}vai naayako.abhihitaH .. 32 ..
naanaaprakR^itisamutthaM karoti yaH shiirshhakaM mukuTayoge .
vividhairveshhavisheshhaiH sa cha kuTakaarastu viGYeyaH .. 33 ..
bhaaNDakavaadyaGYaa yaa layataalaGYaa rasaanuviddhaa cha .
sarvaa~Ngasundarii vai kartavyaa naaTakiiyaa tu .. 34 ..
yastvaabharaNaM kuryaad bahuvidhavihitaM sa chaabharaNaH .
yash{}chopakaraNayogaat sa tena naamnaa.abhidhaatavyaH .. 35 ..
yo vai maalyaM kurute pa~NchavidhaM maalyaakR^it sa viGYeyaH .
yashchaapi veshhayogaM kurute sa cha veshhakaarii tu .. 36 ..
chitraGYash{}chitrakaro vastrasya ra~n{}jaanaattathaa rajakaH .
jatvashmalohakaashhThairdravyakaraiH kaarukash{}chaiva .. 37 ..
naanaatodyavidhaane prayogayuk{}taH pravaadane kushalaH .
atodye.apyatikushalo yasmaat sa kushalavo GYeyaH .. 38 ..
yadyat samaashrayante shilpaM vaa karma vaa prayogaM vaa .
tanaivopagataguNaa viGYeyaa naamataH purushhaaH .. 39 ..
evaM tu naaTakavidhau jaatirnaTasaMshrayaa budhairGYeyaa .
naaTyopakaraNayuk{}taa naanaashilpaprasak{}taa cha .. 40 ..
uk{}to.atra bhuumikaanyaasaH prayok{}taarashcha yogataH .
aadishhTaM naaTyashaastraM cha munayaH kimihochyataam ..41 ..
iti bharatIye nATyashAstre bhUmikAvikalpAdhyAyaH pa~nchatriMshaH .. 35 ..
##
Encoded by Haresh Bakshi hareshbakshi@hotmail.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}