%@@1
% File name             : natya26.itx
%--------------------------------------------
% Text title            : naaTyashaastra adhyaaya 26 
% Author                : Sage Bharata
% Language              : Sanskrit
% Subject               : philosophy/hinduism/culture/Dance/Drama
% Description/comments  : 
% Transliterated by     : dpadmakar@hotmail.com
% Proofread by          : dpadmakar@hotmail.com
% Latest update         : November 23, 2002
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto #indian and others with \ mark
% are needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Natya Shastra Chapter 26..}##
\itxtitle{.. naaTyashaastram.h adhyaaya 26 ..}##\endtitles##
      .. shrIrastu ..
bharatamunipraNItaM naaTyashaastram.h
shhaDvi.nsho.adhyaayaH
anuruupaa viruupaa cha tathaa ruupaanuruupiNii .
triprakaareha paatraaNaaM prakR^itishcha vibhaavitaa .. 1..
naanaavasthaakriyopetaa bhuumikaa prakR^itistathaa .
bhR^ishamudyotayennaaTya.n svabhaavakaraNaashrayam.h .. 2..
bahubaahuubahumukhaastathaa cha vikR^itaananaaH .
pashushvaapadavaktraashcha kharoshhTraashcha gajaananaaH .. 3..
ete chaanye cha bahavo naanaaruupaa bhavanti ye .
aachaaryeNa tu te kaaryaa mR^itkaashhThajatucharmabhiH .. 4..
svaabhaavikena ruupena pravishedra~NgamaNDalam.h .
aatmaruupamavachchhaadya varNakairbhuushhaNairapi .. 5..
yaadR^isha.n yasya yadruupaM prakR^ityaa tatra taadR^isham.h ..
vayoveshhaanuruupeNa prayojya.n naaTyakarmaNi .. 6..
yathaa jiivatsvabhaava.n hi parityajyaanyadehikam.h .
parabhaavaM prakurute parabhaava.n samaashritaH .. 7..
evaM budhaH paraMbhaava.n so.asmiiti manasaa smaran.h .
yeshhaa.n vaaga~NgaliilaabhishcheshhTaabhistu samaacharet.h .. 8..
sukumaaraprayogo yo raadnyaamaamodasaMbhavaH .
shR^i~Ngaararasamaasaadya tannaariishhu prayojayet.h .. 9..
yuddhoddhataaviddhakR^itaa sa.nraMbhaarabhaTaashcha ye .
na te striibhiH prayoktavyaaH yoktavyaaH purushheshhu te .. 10..
anudbhaTamasaMbhraantamanaaviddhaa~NgacheshhTitam.h .
layataalakalaapaatapramaaNaniyataaxaram.h .. 11..
suvibhaktapadaalaapamanishhThuramakaahalam.h .
iidR^isha.n yadbhavennaaTya.n naariibhishcha prayojayet.h .. 12..
eva.n kaaryaM prayogadnyairbhuumikaaviniveshanam.h .
striyo hi striigato bhaavaH paurushhaH purushhasyacha .. 13..
yathaa vayo yathaavasthamanuruupeti saa smR^itaa .
purushhaH striikR^itaM bhaava.n ruupaatprakurute tu yaH .. 14..
ruupaanuruupaa saa dnyeyaa prayoge prakR^itirbudhaH .
chhandataH paurushhiiM bhuumi.n strii kuryaadanuruupataH .. 15..
na parasparacheshhTaasu kaaryau sthavirabaalishau .
paaThyaprayoge purushhaaH prayoktavyaa hi sa.nskR^ite .. 16..
striiNaa.n svabhaavamadhuraaH kaNThaaH pu.nsaa.n tu balavantaH .
yadyapi purushho vidyaat.h giitavidhaana.n cha laxaNopetam.h .. 17..
maadhuryaguNavihiina.n shobhaa.n janayenna tadgiitam.h .
yatra striiNaaM paaThyaadguNairnaraaNaa.n cha kaNThamaadhuryam.h .. 18..
prakR^itiviparyayajanitau vidnyeyau taavala~Nkaarau .
praayeNa devapaarthivasenaapatimukhyapurushhabhavaneshhu .. 19..
striijanakR^itaaH prayogaa bhavanti purushhasvabhaavena .
rambhorvashiiprabhR^itishhu svarge naaTyaM pratishhThitam.h .. 20..
tathaiva maanushhe loke raadnyaamantaHpureshhviha .
upadeshhTavyamaachaaryaiH prayatnenaa~Nganaajane .. 21..
na svayaM bhuumikaabhyaaso budhaiH kaaryastu naaTake .
striishhu yojyaH prayatnena prayogaH purushhaashrayaH .. 22..
yasmaatsvabhaavopagato vilaasaH striishhu vidyate .
tasmaatsvabhaavamadhurama~Nga.n sulabhasaushhThavam.h .. 23..
lalita.n saushhThava.n yachcha so.ala~NkaaraH paro mataH .
prayogo dvividhashchaiva vidnyeyo naaTakaashrayaH .. 24..
sukumaarastathaaviddho naanaabhaavarasaashrayaH .
naaTaka.n saprakaraNaM bhaaNo viithya~Nka eva cha .. 25..
dnyeyaani sukumaaraaNi maanushhairaashritaani tu .
sukumaaraprayogo.aya.n raadnyaamaamodakaarakaH .. 26..
shR^i~Ngaarasamaasaadya striiNaa.n tattu prayojayet.h .
yuddhoddhataaviddhakR^itaasa.nraMbhaarabhaTaashcha ye .. 27..
na te striiNaaM prakartavyaaH kartavyaaH purushhairhi te .
yathaaviddhaa~Ngahaara.n tu bhedyabhedyaahavaatmakam.h .. 28..
maayendrajaalabahulaM pustanaipathyadiipitam.h .
purushhapraayasa.nchaaramalpastriikamathoddhatam.h .. 29..
saatvatyaarabhaTIiyukta.n naaTyamaaviddhasa.ndnyitam.h .
DimaH samavakaarashcha vyaayogehaamR^igau tathaa .. 30..
etaanyaaviddhasa.ndnyaani vidnyeyaani prayoktR^ibhiH .
eshhaaM prayogaH kartavyo devadaanavaraaxasaiH .. 31..
uddhataa ye cha purushhaaH shauryaviiryasamanvitaaH .
yogyaH sa cha prayatnaH kartavyaH satatapramaadena .. 32..
na hi yogyayaa vinaa bhavati cha bhaavarasasaushhThava.n ki.nchit.h .
sa.ngiitapariklesho nityaM pramadaajanasya guNa eva .. 33..
yanmadhurakarkashatva.n labhate naaTyaprayogeNa .
pramadaaH naaTyavilaasairlabhate yat.h kusumairvichitralaavaNyam.h .
kaamopachaarakushalaa bhavanti cha kaamyaa visheshheNa ..34..
giita.n vR^itta.n tathaa vaadyaM prastaaragamanakriyaa .
shishhyanishhpaadana.n chaiva shhaDaachaaryaguNaaH smR^itaaH .. 35..
etaani pa~ncha yo vetti sa aachaaryaH prakiirtitaH .
uuhaapohau matishchaiva smR^itirmedhaa tathaiva cha .. 36..
medhaasmR^itirguNashlaaghaaraagaH sa.ngharshha eva cha .
utsaahashcha shhaDevaitaan.h shishhyasyaapi guNaan.h viduH .. 37..
eva.n kaaryaM prayogadnyairnaanaabhuumivikalpanam.h .
ata uurdhvaM pravaxyaami siddhiinaamapi laxaNam.h .. 38..
iti bhaaratiiye naaTyashaastre vikR^itivikalpo 
naama shhaDvi.nsho.adhyaayaH ..
##
Encoded by Padmakar Dadegaonkar dpadmakar@hotmail.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}