% Text title            : naaTyashaastra adhyaaya 23
% File name             : natya23.itx
% Category              : nATyashAstra, major\_works, bharata
% Location              : doc\_z\_misc\_major\_works
% Author                : Sage Bharata
% Transliterated by     : dpadmakar at hotmail.com
% Proofread by          : dpadmakar at hotmail.com
% Latest update         : January 29, 2002
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Natya Shastra Chapter 23 ..}##
\itxtitle{.. nATyashAstram adhyAyaH 23 ..}##\endtitles ##
 || shrIrastu ||
bharatamunipraNItaM nATyashAstram
atha trayoviMsho.adhyAyaH |

visheShayetkalAH sarvA yasmAttasmAttu vaishikaH |
veshopachAre sAdhurvA vaishikaH parikIrtitaH || 1||
yo hi sarvakalopetaH sarvashilpavichakShaNaH |
strIchittagrahaNAbhij~no vaishikaH sa bhavetpumAn || 2||
guNastasya tu vij~neyAH svasharIrasamutthitAH |
AhAryAH sahajAshchaiva trayastriMshatsamAsataH || 3||
shAstravichChilpasampanno rUpavAn priyadarshanaH
vikrAnto dhR^itimAMshchaiva vayoveShakulAnvitaH || 4||
surabhirmadhurastyAgi sahiShNuravikatthanaH
asha~NkitaH priyAbhAShI chaturaH shubhadaH shuchiH || 5||
kAmopachArakushalo dakShiNo deshakAlavit |
adInavAkyaH smitavAn vAgmI dakShaH priyaMvadaH || 6||
strIlubdhAH saMvibhAgI cha shraddhadhAno dR^iDhasmR^itiH |
gamyAsu chApyavisrambhI mAnI cheti hi vaishikaH || 7||
anuyuktaH shuchirdakSho dakShiNaH pratipattimAn |
bhavechchitrAbhidhAyI cha vayasyastasya tad.hguNaH || 8||
vij~nAnaguNasampanA kathinI li~NginI tathA |
prAtiveshyA sakhI dAsI kumArI kArushilpinI || 9||
dhAtrI pAShaNDinI chaiva tathA ra~NgopajIvinI |
protsAhane.athakushalA madhurakathA dakShiNAthakAlaj~nA || 10||
laDahA saMvR^itamantrA dUtI tvebhirguNaiH kAryA |
tayApyutsAhanaM kAryaM nAnAdarshitakAraNam || 11||
yathoktakathanaM chaiva tathA bhAvapradarshanam |
na jaDaM rUpasampannaM nArthavantaM na chAturam || 12||
dUtaM vA.apyathavA dUtIM budhaH kuryAtkadAchana |
kulabhogadhanAdhikyaiH kR^itvAdhikavikatthanam || 13||
dUtI nivedayetkAmamarthAMshchaivAnuvarNayet |
na chAkAmapravR^ittAyAH kR^iddhAyA vApi sa~NgamaH || 14||
nAnupAyaH prakartavyo dUtyA hi puruShAshrayaH |
utsave ratrisa~nchAra uddyAne mitraveshmani || 15||
dhAtrigR^iheShu sakhyA vA tathA chaiva nimantraNe |
vyAdhitavyapadeshena shunyAgAraniveshane || 16||
kAryaH samAgamo nR^INAM strIbhiH prathamasa~Ngame |
evaM samAgamaM kR^itvA sopAyaM vidhipUrvakam || 17||
anuraktA viraktA vA li~NgAkAraistu lakShayet |
svabhAvabhAvAtishayairnArI yA madanAshrayA || 18||
karoti nibhR^itAM lIlAM nityaM sA madanAturA |
sakhImadhye guNAn brUte svadhanaM cha prayachChati || 19||
pUjayatyasya mitrANi dveShTi shatrujanaM sadA |
gamAgame sakhInAM yA hR^iShTA bhavati chAdhikam || 20||
tuShyatyasya kathAbhistu sasnehaM cha nirIkShate |
supte tu pashchAt svapiti chumbitA pratichumbati || 21||
uttiShThatyapi pUrvaM cha tathA kleshasahApi cha |
utsave muditA yA cha vyasane yA cha duHkhitA || 22||
evaMvidhairguNairyuktA tvanuraktA tu sA smR^itA |
viraktAyAstu chinhAni chumbitA nAbhichumbati || 23||

iti bhAratIye nATyashAstre trayoviMshaH ||
##
Encoded by Padmakar Dadegaonkar dadegaonkar@yahoo.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}