%@@1
% File name             : natya20.itx
%--------------------------------------------
% Text title            : naaTyashaastra adhyaaya 20 
% Author                : Sage Bharata
% Language              : Sanskrit
% Subject               : philosophy/hinduism/culture
% Description/comments  : ????Source
% Transliterated by     : dpadmakar@hotmail.com
% Proofread by          : dpadmakar@hotmail.com
% Latest update         : October 6, 2001
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto #indian and others with \ mark
% are needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Natya Shastra Chapter 20..}##
\itxtitle{.. naaTyashaastram.h adhyaaya 20 ..}##\endtitles##
      .. shrIrastu ..
bharatamunipraNItaM naaTyashaastram.h
atha vi.nsho.adhyaayaH .
samutthaana.n tu vR^ittiinaa.n vyaakhyaamyanupuurvashaH .
yathaa vastuudbhava.n chaiva kaavyaanaa.n cha vikalpanam.h .. 1..
ekaarNava.n jagat.h kR^itvaa bhagavaanachyuto yadaa .
shete sma naagaparya~Nke lokaan sa.nxipya maayayaa .. 2..
atha viiryabalonmataavasurau madhukaiaTabhau .
tarjayaamaasaturdeva.n tarasaa yuddhakaa~Nxayaa .. 3..
nijabaahuu vimR^idanantau bhuutabhaavanamaxayam.h .
jaanubhirmushhTibhishchaiva yodhayaamaasatuH prabhum.h .. 4..
bahubhiH parushhairvaakyairanyonyasamabhidravam.h .
naanaadhixepavachanaiH kampayantaavivodadhim.h .. 5..
tayornaanaaprakaaraaNi vachaa.nsi vadatostadaa .
shrutvaa tvabhihatamanaa druhiNo vaakyamabraviit.h .. 6..
kimidaM bharatiivR^ittirvaagbhireva pravartate .
uttarottarasaMbaddhaa nanvimau nidhana.n nayaH .. 7..
pitaamahavachaH shrutvaa provaacha madhusuudanaH .
kaaryahetormayaa brahman.h bhaaratiiya.n vinirmitaa .. 8..
vadataa.n vaakyabhuuyishhThaa bhaaratiiyaM bhavishhyati .
tasmaadetau nihanmyadyetyuvaacha vachana.n hariH .. 9..
shuddhairavikR^itaira~NgaiH saa~Ngahaaraistathaa bhR^isham.h .
yodhayaamaasaturdaityau yuddhamaargavishaaradau .. 10..
bhuumisa.nyogasa.nsthaanaiH padanyaasairharestadaa .
atibhaaro.abhavad.h bhuumerbhaaratii tatra nirmitaa .. 11..
valgitaiH shaar~Ngadhanushhastiivrairdiiptatathairatha .
satvaadhikairasaMbhraantaiH saattvatii tatra nirmitaa .. 12..
vichitraira~Ngahaaraistu devo liilaasamanvitaiH .
babandha yachchhikhaapaasha.n kaishikii tatra nirmitaa .. 13..
sa.nrambhaavegabahulairnaanaachaarii samutthitaiH .
niyuddhakaraNaishchitrairutpannaarabhaTii tataH .. 14..
yaa.n yaa.n devaH samaachashhTe kriyaa.n vR^ittishhu sa.nsthitaam.h .
taa.n tadarthaanugairjapyeairdruhiNaH pratyapuujayat.h ..15..
yadaa hatau taavasurau hariNaa madhukaiTabhau .
tato.abraviit.h padmayonirnaaraayaNamarindamam.h .. 16..
aho vichitrairvishhamaiH sphuTaiH salalitairapi .
a~NgahaaraiH kR^ita.n deva tvayaa daanavanaashanam.h .. 17..
tasmaadaya.n hi lokasya niyuddhasamayakramaH .
sarvashastravimoxeshhu nyaayasa.ndnyo bhavishhyati .. 18..
nyaayaashritaira~Ngahaarairnyaayaachchaiva samutthitaiH .
yasmaadyuddhaani vartante tasmaanyaayaaH prakiirtitaaH .. 19..
##[##chaariishhu cha samutpanno naanaachaariisamaashrayaH .
nyaayasa.ndnyaH kR^ito hyeshha druhiNena mahaatmanaa.. 20..
tato vedeshhu nixiptaa druhiNena mahaatmanaa .
punarishhvastrajaate cha naanaachaariisamaakule .. 21..
punarnaaTyaprayogeshhu naanaabhaavasamnvitaaH .
vR^ittisa.ndnyaaH kR^itaa hyetaaH kaavyabandhasamaashrayaaH##]##  .. 22..
charitairyasya devasya japya.n yadyaadR^isha.n kR^itam.h .
R^ishhibhistaadR^ishii vR^ittiaH kR^itaa paaThyaadisa.nyutaa .. 23..
naaTyavedasamutpanaa vaaga~Ngaabhinayaatmikaa .
mayaa kaavyakriayaahetoH praxiptaa druhiNaadnyayaa .. 24..
R^igvedaadbhaaratii xiptaa  yajurvedaachcha saattvatii .
kaishikii saamavedaachcha sheshhaa chaatharvaNaadapi .. 25..
yaa vaakpradhaanaa purushhaprayojyaa
striivarjitaa sa.nkR^itapaaThyayuktaa .
svanaamadheyairbharataiH prayuktaa
saa bhaaratii naama bhavettu vR^ittiH .. 26..
bhedaastasyaastu vidnyeyaashchatvaaro.a~NgatvamaagataaH .
prarochanaamukha.n chaiva viithii prahasana.n tathaa .. 27..
jayaabhyudayinii chaiva ma~Ngalyaa vijayaavahaa .
sarvapaapaprashamanii puurvara~Nge prarochanaa .. 28..
##[##upaxepeNa kaavyasya hetuyuktisamaashrayaa .
siddhenaamantraNaa yaa tu vidnyeyaa saa prarochanaa##]## ..  29..
naTii viduushhako vaapi paaripaarshvika eva vaa .
suutradhaareNa sahitaaH sa.nlaapa.n yattu kurvate .. 30..
chitrairvaakyaiH svakaaryaarotthairviitthya~Ngeranyathaapi vaa .
aamukha.n tattu vidnyeyaM budhaiH prastaavanaapi vaa .. 31..
##[##laxaNaM puurvamukta.n tu viitthyaaH prahasanasya cha .
aamukhaa~Ngaanyato vaxye yathaavadanupuurvashaH##]## .. 32..
uddhaatyakaH kathoddhaataH prayogaatishayastathaa .
pravR^ittakaavalagite pa~nchaa~Ngaanyaamukhasya tu .. 33..
uddhaatyakaavalagitalaxaNa.n kathitaM mayaa .
sheshhaaNaa.n laxaNaM vipraa vyaakhyaasyaamyaanupuurvashaH .. 34..
sutradhaarasya vaakya.n vaa yatra vaakyaarthameva vaa .
gR^ihiitaaM pravishetpaatra.n kathoddhaataH sa kiirtitaH .. 35..
prayoge tu prayoga.n tu suutradhaaraH prayojayet.h .
tatashcha pravishetpaatraM prayogaatishayo hi saH .. 36..
kaalapravR^ittimaashritya varNanaa yaa prayujyate .
tadaashrayaachcha paatrasya praveshastatpravR^ittakam.h .. 37..
eshhaamanyatama.n shlishhTa.n yojayitvaarthayuktibhiH .
##[##tasmaada~Ngadvayasyaapi sambhavo na nivaaryate .. 38..
paatragranthairasaMbaadha prakuryaadaamukha.n tataH .
evametadbudhairdnyeyamaamukha.n vividhaashrayam.h .. 39..
laxaNaM puurvamukta.n tu viithyaaH prahasanasya cha .
##[##ityashhTaardhavikalpaa vR^ittiriyaM bhaaratii mayaabhihitaa .
saattvatyaastu vidhaana.n laxaNayuktyaa pravaxyaami ##]## .. 40..
yaa saattvateneha guNena yuktaa nyaayena vR^ittena samanvitaa cha .
harshhotkaTaa sa.nhR^itashokabhaavaa saa saattvatii naama bhavettu vR^ittiH 
.. 41..
vaaga~Ngaabhinayavatii sattvotthaanavachanaprakaraNeshhu .
sattvaadhikaarayuktaa vidnyeyaa saattvatii vR^ittiH .. 42..
viiraadbhutaraudrarasaa nirastashR^i~NgaarakaruNanirvedaa .
uddhatapurushhapraayaa parasparaadharshhaNakR^itaa cha .. 43..
utthaapakashcha parivartakashcha sallaapakashcha sa.nghaatyaH .
chatvaaro.asyaa bhedaa vidnyeyaa naaTyakovidaiaH .. 44..
ahamapyutthaasyaami tva.n taavaddarshayaatmanaH shaktim.h .
iti sa.ngharshhasamutthastajdnyairutthaapako dnyeyaH .. 45..
utthaanasamaarabdhaanarthaanutsR^ijya yo.arthayogavashaat.h .
anyaanarthaan.h bhajate sa chaapi parivartako dnyeyaH .. 46..
##[##nirdishhTavastuvishhayaH prapa~nchabaddhastrihaasyasa.nyuktaH .
sa.ngharshhavisheshhakR^itastrividhaH parivartako dnyeyaH##]## .. 47..
saadharshhajo niraadharshhajo.api vaa raagavachasa.nyuktaH .
saadhixepaalaapo dnyeyaH sallaapakaH so.api .. 48..
##[##dharmaadharmasamuttha.n yatra bhavedraagadoshhasa.nyuktam.h .
saadhixepa.n cha vaco dnyeyaH sa.nlaapako naama##]## .. 49..
mantrarthavaakyashaktyaa daivavashaadaatmadoshhayogaadvaa .
sa.nghaatabhedajananastajdnyaiH sa.nghaatyako dnyeyaH .. 50..
##[##bahukapaTasa.nshrayaaNaaM paropaghaataashayaprayuktaanaam.h .
kuuTaanaa.n sa.nghaato vidnyeyaH kuuTasa.nghaatyaH ##]## .. 51..
ityashhTaardhavikalpaa vR^ittiriya.n saattvatii mayaabhihitaa .
kaishikyaastvatha laxaNamataHpara.n saMpravaxyaami .. 52..
yaa shlaxNanaipathyavisheshhachitraa striisa.nyutaa yaa bahunR^ittagiitaa .
kaamopabhogaprabhavopachaaraa taa.n kaishikii.n vR^ittimudaaharanti .. 53..
##[##bahuvadyanR^ittagiitaa shR^i~Ngaaraabhinayachitranaipathyaa .
maalyaala~Nkaarayuktaa prashastaveshhaa cha kaantaa cha .. 54..
citrapadavaakyabandhairala~NkR^itaa hasitaruditaroshhaadaiH .
striipurushhakaamayuktaa vidnyeyaa kaishikiivR^ittiH##]## .. 55..
narma cha narmasphu~njo narmasphoTo.atha narmagarbhashcha .
kaishikyaashchatvaaro bhedaa hyete samaakhyaataaH .. 56..
aasthaapitashR^i~Ngaara.n vishuddhakaraNa.n nivR^ittaviirarasam.h .
haasyapravachanabahula.n narma trividha.n vijaaniiyaat.h .. 57..
iirshhyaakrodhapraaya.n sopaalambhakaraNaanuviddha.n cha .
aatmopaxepakR^ita.n savipralambha.n smR^ita.n narma .. 58..
navasa~Ngamasambhogo ratisamudayaveshhavaakyasa.nyuktaH .
dnyeyo narmasphu~njo hyavasaanabhayaatmakashchaiva .. 59..
vividhaanaaM bhavaanaa.n lavairlavairbhuushhito bahuvisheshhaiH .
asamagraaxiptaraso narmasphoTastu vidnyeyaH .. 60..
vidnyaanaruupashobhaa dhanaadibhirnaayako gaNairyatra .
prachchhanaa.n vyavaharte  karyavashhaannarmagarbho.asau .. 61..
##[##puurvasthitau vipadyeta naayako yatra chaaparastishhThet.h .
tamapiiha narmagarbha.n vidyaannaaTyaprayogeshhu ##]## .. 62..
ityashhTaarshavikalpaa vR^ittiriya.n kaishikii mayaabhihitaa .
ata uurdhvamuddhatarasaamarabhaTi.n sampravaxyyami .. 63..
aarabhaTapraayaguNaa tathaiva bahukapaTava~nchanopetaa .
dambhaanR^itavachanavatii tvaarabhaTii naama vidnyeyaa .. 64..
##[##aavapaataaplula~Ngitaani chchhedyaani maayaakR^itamindrajaalam.h .
chitraaNI yuddhaani cha yatra nitya.n taa.n taadR^ishiimaarabhaTii.n vadanti 
.. 65..
shaaDguNyasamaarbdhaa haThaatisandhaanavidravopetaa .
laabhaalaabhaarthakR^itaa vidnyeyaa vR^ittiraarabhaTI .. 66..
sa.nxiptakaavapatau vastuutthaapanamathaapi saMpheTaH .
ete hyasyaa bhedaa laxaNameshhaM pravaxyaami .. 67..
anvarthashilpayukto bahupustotthaanachitranepathyaH .
sa.nxiptavastu vishhayo dnyeyaH sa.nxiptakao naama .. 68..
bhayaharshhasamutthaana.n vidravavinipaatasambhramaacharaNam.h .
xiprapraveshanirgamamavapaatamima.n vijaaniiyaat.h .. 69..
sarvarasasamaasakR^ita.n savidravvvidravaashraya.n vvapi .
naaTya.n vibhaavyate yattadvastuutthaapana.n dnyeyam.h .. 70..
sa.nrambhasaMprayukto bahuyuddhakapaTanirbhedaH .
shastrapraharabahulaH sampheTo naama vidnyeyaH .. 71..
evametaa budhairdnyeyaa vR^ittayo naaTyasa.nshrayaa .
rasaprayogamaasaa.n cha kiirtyamaana.n nibodhata .. 72..
haasyashR^i~Ngarabahulaa kaishikii parichaxitaa .
sattvatii chaapi vidnyeyaa viiraadbhutashamaashrayaaH .. 73..
raudre bhayaanake chaiva vidnyeyaarabhaTI budhaiH .
biibhatse karuNe chaiva bhaaratii saMprakiirtitaa .. 74..
##[## na hyekarasaja.n kavya.n ki~nchidasti prayogataH .
bhaavo vaapi raso vaapi pravR^ittirvR^ittireva vaa .. 75..
sarveshhaa.n samavetaanaa.n yasya ruupaM bhavedbahu .
sa mantavyo rasa sthaayi sheshhaaH sa~nchaariNaH smR^itaaH##]## .. 76..
vR^ityanta esho.abhinayo mayokto vaaga~Ngasattvaprabhavo yathaavad.h .
aahaaryamevaabhinayaM prayoge vaxyaami nepathyakR^ita.n tu bhuuyaH .. 77..
iti bhaaratiiye naaTyashaastre vR^ittivikalpana.n naama vi.nsho.adhyaayaH
##
Encoded by Padmakar Dadegaonkar dpadmakar@hotmail.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}