%@@1
% File name             : natya13.itx
%--------------------------------------------
% Text title            : naaTyashaastra adhyaaya 13 karayuktidharmiivya~njaka 
% Author                : Sage Bharata
% Language              : Sanskrit
% Subject               : philosophy/hinduism/culture/Dance/Drama
% Description/comments  : 
% Transliterated by     : Sowmya Krishnapur krsowmya@yahoo.com
% Proofread by          : Sowmya Krishnapur krsowmya@yahoo.com
% Latest update         : June 17, 2005
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% http://sanskrit.bhaarat.com  See the document project
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto #indian and others with \ mark
% are needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Natya Shastra Chapter 13 ..}##
\itxtitle{.. naaTyashaastram.h adhyaaya 13  ..}##\endtitles##
               .. shrIrastu ..
        bharatamunipraNItaM naaTyashaastram.h
           atha trayodasho.adhyaayaH
ye tu puurvaM mayaa proktaastrayo vai naaTyamaNDapaaH |
teShaaM vibhaagaM viGYaaya tataH kakShyaaM prayojayet || 1||
ye nepathyagR^ihadvaare mayaa puurvaM prakiirtite |
tayorbhaaNDasya vinyaaso madhye kaaryaH prayoktR^ibhiH || 2||
kakShyaavibhaago nirdeshyo ra~NgapiiThaparikramaat |
parikrameNa ra~Ngasya kakShyaa hyanyaa vidhiiyate || 3||
kakShyaavibhaage GYeyaani gR^ihaaNi nagaraaNi cha |
udyaanaaraamasaritastvaashramaa aTavii tathaa || 4||
pR^ithivii saagaraashchaiva trailokyaM sacharaacharam |
varShaaNi saptadviipaashcha parvataa vividhaastathaa || 5||
alokashchaiva lokashcha rasaatalamathaapi cha |
daityanaagaalayaashchaiva gR^ihaaNi bhavanaani cha || 6||
nagare vaa vane vaapi varShe vaa parvate.api vaa |
yatra vaartaa pravarteta tatra kakShyaaM pravartayet || 7||
baahyaM vaa madhyamaM vaapi tathaivaabhyantaraM punaH |
duuraM vaa sannikR^iShTaM vaa deshaM tu parikalpayet || 8||
puurvapraviShTaa ye ra~NgaM GYeyaaste.abhyantaraa budhaiH |
pashchaatpraviShTaa viGYeyaaH kakShyaabhaage tu baahyataH || 9||
teShaaM tu darshanechChuryaH pravishedra~NgamaNDapam |
dakShiNaabhimukhaH so.atha kuryaadaatmanivedanam || 10||
yato mukhaM bhavedbhaaNDaM dvaaraM nepathyakasya cha |
saa mantavyaa tu dik puurvaa naaTyayoge na nityashaH || 11||
niShkraamedyashcha tasmaadvai sa tenaiva tathaa vrajet |
yatastasya kR^itaM tena puruSheNa nivedanam || 12||
niShkraanto.arthavashaachchaapi pravishedyadi tadgR^iham |
yataH praaptaH sa puruShastena maargeNa niShkramet || 13||
athavaarthavashaachchaapi tenaiva saha gachChati |
tathaiva pravishet gehamekaakii sahito.api vaa || 14||
tayoshchaapi pravishatoH kakShyaamanyaaM vinirdishet |
parikrameNa ra~Ngasya tvanyaa kakShyaa vidhiiyate || 15||
samaishcha sahito gachChenniichaishcha parivaahitaH |
atha prekShaNikaashchaapi viGYeyaa hyagrato gatau || 16||
saiva bhuumistu bahubhirvikR^iShTaa syaatparikramaiH |
madhyaa vaa sannikR^iShTaa vaa teShaamevaM vikalpayet || 17||
nagare vaa vane vaapi saagare parvate.api vaa |
divyaanaaM gamanaM kaaryaM dviipe varSheShu vaa punaH || 18||
aakaashena vimaanena maayayaapyatha vaa punaH |
vividhaabhiH kriyaabhirvaa naanaarthaabhiH prayogataH || 19||
naaTake chChannaveShaaNaaM divyaanaaM bhuumisa~ncharaH |
maanuShe kaaraNaadeShaaM yathaa bhavati darshanam || 20||
bhaarate tvatha haime vaa harivarSha ilaavR^ite |
ramye kiMpuruShe vaapi kuruShuuttarakeShu vaa || 21||
divyaanaaM ChandagamanaM sarvavarSheShu kiirtitam |
bhaarate maanuShaaNaa~ncha gamanaM saMvidhiiyate || 22||
gachChedyadi vikR^iShTastu deshakaalavashaannaraH |
a~NkachChede tamanyasmin nirdisheddhi praveshake || 23||
ahnaH pramaaNaM gatvaa tu kaaryalaabhaM vinirdished |
tathaalaabhe tu kaaryasya a~NkachChedo vidhiiyate || 24||
kShaNo muhuurto yaano vaa divaso vaapi naaTake |
ekaa~Nke sa vidhaatavyo biijasyaarthavashaanugaH || 25||
a~NkachChede tu nirvR^ittaM maasaM vaa varShameva vaa |
nordhvaM varShaatprakartavyaM kaaryama~Nkasamaashrayam || 26||
evaM tu bhaarate varShe kakShyaa kaaryaa prayogataH |
maanuShaaNaaM gatiryaa tu divyaanaantu nibodhata || 27||
himavatpR^iShThasaMsthe tu kailaase parvatottame |
yakShaashcha guhyakaashchaiva dhanadaanucharaashcha ye || 28||
rakShaHpishaachabhuutaashcha sarve haimavataaH smR^itaaH |
hemakuuTe cha gandharvaa viGYeyaaH saapsarogaNaaH || 29||
sarve naagaashcha niShadhe sheShavaasukitakShakaaH |
mahaamerau trayastriMshad GYeyaa devagaNaa budhaiH || 30||
niile tu vaiDuuryamaye siddhaa brahmarShayastathaa |
daityaanaaM daanavaanaa~ncha shvetaparvata iShyate || 31||
pitarashchaapi viGYeyaa shR^i~NgavantaM samaashritaaH |
ityete parvataaH shreShThaa divyaavaasaaH prakiirtitaaH || 32||
teShaaM kakShyaavibhaagashcha jambuudviipe bhavedayam |
teShaaM na cheShTitaM kaaryaM svaiH svaiH karmaparaakramaiH || 33||
parichCha\(chChe\)davisheShastu teShaaM maanuShalokavat |
sarve bhaavaashcha divyaanaaM kaaryaa maanuShasaMshrayaaH || 34||
teShaantvanimiShatvaM yattanna kaaryaM prayoktR^ibhiH |
iha bhaavaa rasaashchaiva dR^iShTaaveva pratiShThitaaH || 35||
dR^iShTyaa hi suuchito bhaavaH punara~Ngairvibhaavyate |
evaM kakShyaavibhaagastu mayaa prokto dvijottamaaH || 36||
punashchaiva pravakShyaami pravR^ittiinaantu lakShaNam |
chaturvidhaa pravR^ittishcha proktaa naaTyaprayogataH |
aavantii daakShiNaatyaa cha paa~nchaalii choDhramaagadhii || 37||
atraaha pravR^ittiriti kasmaat \?\  uchyate pR^ithivyaaM 
naanaadeshaveShabhaaShaachaaravaartaaH prakhyaapayatiiti vR^ittiH | 
pravR^ittishcha nivedane | atraaha - yathaa pR^ithivyaaM bahavo 
deshaaH santi , kathamaasaaM chaturvidhatvam upapannaM, 
samaanalakShaNashchaasaaM prayoga uchyate \,\ satyametat | 
samaanalakShaNa aasaaM prayogaH | kintu 
naanaadeshaveShabhaaShaachaaro loka iti kR^itvaa lokaanumatena 
vR^ittisaMshritasya naaTyasya vR^ittiinaaM mayaa 
chaturvidhatvamabhihitaM bhaaratii saattvatii kaishikyaarabhaTii 
cheti | vR^ittisaMshritaishcha prayogairabhihitaa deshaaH | yataH 
pravR^ittichatuShTayamabhinirvR^ittaM prayogashchotpaaditaH | tatra 
daakShiNaatyaastaavat bahunR^ittagiitavaadyaa kaishikiipraayaaH 
chaturamadhuralalitaa~Ngaabhinayaashcha | tadyathaa -
mahendro malayaH sahyo mekalaH paalama~njaraH |
eteShu ye shritaa deshaaH sa GYeyo dakShiNaapathaH || 38||
kosalaaggstoshalaashchaiva kali~Ngaa yavanaa khasaaH |
draviDaandhramahaaraaShTraa vaiShNaa vai vaanavaasajaaH || 39||
dakShiNasya samudrasya tathaa vindhyasya chaantare |
ye deshaasteShu yu~njiita daakShiNaatyaaM tu nityashaH || 40||
aavantikaa vaidishikaaH sauraaShTraa maalavaastathaa |
saindhavaastvatha sauviiraa aavartaaH saarbudeyakaaH || 41||
daashaarNaastraipuraashchaiva tathaa vai maartikaavataaH |
kurvantyaavantikiimete pravR^ittiM nityameva tu || 42||
saattvatiiM kaishikiiM chaiva vR^ittimeShaaM samaashritaa |
bhavet pryogo naaTye.atra sa tu kaaryaH prayoktR^ibhiH || 43||
a~Ngaa va~NgaaH kali~Ngaashcha vatsaashchaivoDhramaagadhaaH |
pauNDraa nepaalakaashchaiva antargiribahirgiraaH || 44||
tathaa plava~Ngamaa GYeyaa maladaa mallavartakaaH |
brahmottaraprabhR^itayo bhaargavaa maargavaastathaa || 45||
praajyotiShaaH pulindaashcha vaidehaastaamraliptakaaH |
praa~NgaaH praavR^itayashchaiva yu~njantiihoDhramaagadhiim || 46||
anye.api deshaaH praachyaaM ye puraaNe samprakiirtitaaH |
teShu prayujyate hyeShaa pravR^ittishchoDhramaagadhii || 47||
paa~nchaalaa saurasenaashcha kaashmiiraa hastinaapuraaH |
baahliikaa shalyakaashchaiva madrakaushiinaraastathaa || 48||
himavatsaMshritaa ye tu ga~NgaayaashchottaraaM disham |
ye shritaa vai janapadaasteShu paa~nchaalamadhyamaaH || 49||
paa~nchaalamadhyamaayaaM tu saattvatyaarabhaTii smR^itaa |
prayogastvalpagiitaartha aaviddhagativikramaH || 50||
dvidhaa kriyaa bhavatyaasaaM ra~NgapiiThaparikrame |
pradakShiNapradeshaa cha tathaa chaapyapradakShiNaa || 51||
aavantii daakShiNaatyaa cha pradakShiNaparikrame |
apasavyapradeshaastu paa~nchaalii choDhramaagadhii || 52||
aavantyaaM daakShiNaatyaayaaM paarshvadvaaramathottaram |
paa~nchaalyaamoDhramaagadhyaaM yojyaM dvaaraM tu dakShiNam || 53||
ekiibhuutaaH punashchaitaaH prayoktavyaaH prayoktR^ibhiH |
paarShadaM deshakaalau vaapyarthayuktimavekShya cha || 54||
yeShu desheShu yaa kaaryaa pravR^ittiH parikiirtitaa |
tadvR^ittikaani ruupaaNi teShu tajGYaH prayojayet || 55||
ekiibhuutaaH punastvetaa naaTakaadau bhavanti hi |
avekShya vR^ittibaahulyaM tattatkarma samaacharet || 56||
saarthe baahulyamekasya sheShaaNaamatha buddhimaan |
yeShaamanyasya baahulyaM pravR^ittiM puurayettadaa || 57||
prayogo dvividhashchaiva viGYeyo naaTakaashrayaH |
sukumaarastathaaviddho naaTyayuktisamaashrayaH || 58||
yattvaaviddhaa~Ngahaarantu chChedyabhedyaahavaatmakam |
maayendrajaalabahulaM pustanepathyasaMyutam || 59||
puruShairbahubhiryuktamalpastriikaM tathaiva cha |
saattvatyaarabhaTiiyuktaM naaTyamaaviddhasaMGYitam || 60||
DimaH samavakaarashcha vyaayogehaamR^igau tathaa |
etaanyaaviddhasaMGYaani viGYeyaani prayoktR^ibhiH || 61||
eShaaM prayogaH kartavyo daityadaanavaraakShasaiH |
uddhataa ye cha puruShaaH shauryaviiryabalaanvitaaH || 62||
naaTakaM saprakaraNaM bhaaNo viithya~NkanaaTike |
sukumaaraprayogaaNi maanuSheShvaashritaastu ye || 63||
atha baahyaprayogeShu prekShaagR^ihavivarjite |
vidikShvapi bhavedra~NgaH kadaachid bharturaaGYayaa || 64||
pR^iShTha kutapaM naaTye yuktaa yato mukhaM bharataaH |
saa puurvaa mantavyaa prayogakaale tu naaTyaGYaiH || 65||
dvaaraaNi ShaT chaiva bhavanti chaasya
ra~Ngasya digbhaagavinishchitaani |
naaTyaprayogeNa khalu praveshe
praachyaaM pratiichyaaM cha dishi praveshaH || 66||
vidhaanamutkramya yathaa cha ra~Nge
vinaa pramaaNaadvidishaH prayoge |
dvaarantu yasmaatsamR^ida~NgabhaaNDaM
praachiiM dishaM taaM manasaa.adhyavasyet || 67||
vayo.anuruupaH prathamantu vesho vesho.anuruupashcha gatiprachaaraH |
gatiprachaaraanugatashcha paaThyaM 
paaThyaanuruupaabhinayashca kaaryaH || 68||
dharmii yaa dvividhaa proktaa mayaa puurvaM dvijottamaaH |
laukikii naaTyadharmii cha tayorvakShyaami lakShaNam || 69||
svabhaavabhaavopagataM shuddhaM tvavikR^itaM tathaa |
lokavaartaakriyopetama~Ngaliilaavivarjitam || 70||
svabhaavaabhinayopetaM naanaastriipuruShaashrayam |
yadiidR^ishaM bhavennaaTyaM lokadharmii tu saa smR^itaa || 71||
ativaakyakriyopetamatisattvaatibhaavakam |
liilaa~NgahaaraabhinayaM naaTyalakShaNalakShitam || 72||
svaraala~NkaarasaMyuktamasvasthapuruShaashrayam |
yadiidR^ishaM bhavennaaTyaM naaTyadharmii tu saa smR^itaa || 73||
lokaprasiddhaM dravyantu yadaa naaTye prayujyate |
muurtimat saabhilaaSha~ncha naaTyadharmii tu saa smR^itaa || 74||
aasannoktantu yadvaakyaM na shR^iNvanti parasparam |
anuktaM shruuyate vaakyaM naaTyadharmii tu saa smR^itaa || 75||
shailayaanavimaanaani charmavarmaayudhadhvajaaH |
muurtimantaH prayujyante naaTyadharmii tu saa smR^itaa || 76||
ya ekaaM bhuumikaaM kR^itvaa kurviitaikaantare.aparaam |
kaushalyaadekakatvaadvaa naaTyadharmii tu saa smR^itaa || 77||
yaa gamyaa pramadaa bhuutvaa gamyaa bhuumiShu yujyate |
gamyaa bhuumiShvagamyaa cha naaTyadharmii tu saa smR^itaa || 78||
lalitaira~NgavinyaasaistathotkShiptapadakramaiH |
nR^ityate gamyate yachcha naaTyadharmii tu saa smR^itaa || 79||
yo.ayaM svabhaavo lokasya sukhaduHkhakriyaatmakaH |
so.a~NgaabhinayasaMyukto naaTyadharmii tu saa smR^itaa || 80||
yashchetihaasavedaartho brahmaNaa samudaahR^itaH |
divyamaanuSharatyarthaM naaTyadharmii tu saa smR^itaa || 81||
yashcha kakShyaavibhaago.ayaM naanaavidhisamaashritaH |
ra~NgapiiThagataH prokto naaTyadharmii tu saa bhavet || 82||
naaTyadharmiipravR^ittaM hi sadaa naaTyaM prayojayet |
na hya~Ngaabhinayaatki~nchidR^ite raaga pravartate || 83||
sarvasya sahajo bhaavaH sarvo hyabhinayo.arthataH |
a~Ngaala~NkaaracheShTaabhirnaaTyadharmii prakiirtitaa || 84||
evaM kakShyaavibhaagastu dharmii yuktaya eva cha |
viGYeyaa naaTyatattvaGYaiH prayoktavyaashcha tattvataH || 85||
ukto mayehaabhinayo yathaavat shaakhaakR^ito yashcha kR^ito.a~NgahaaraiH |
punashcha vaakyaabhinayaM yathaavadvakShye svaravya~njanavarNayuktam || 86||
iti bharatiiye naaTyashaastre karayuktidharmiivya~njako naama 
trayodasho.adhyaayaH |
##
Encoded by Sowmya Krishnapur krsowmya@yahoo at com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}