%@@1
% File name             : natya10.itx
%--------------------------------------------
% Text title            : naaTyashaastra adhyaaya 10 
% Author                : Sage Bharata
% Language              : Sanskrit
% Subject               : philosophy/hinduism/culture/Dance/Drama
% Description/comments  : 
% Transliterated by     : Sowmya Krishnapur krsowmya@yahoo.com
% Proofread by          : Sowmya Krishnapur krsowmya@yahoo.com
% Latest update         : February 04, 2005
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% http://sanskrit.bhaarat.com  See the document project
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto #indian and others with \ mark
% are needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Natya Shastra Chapter 10 ..}##
\itxtitle{.. naaTyashaastram.h adhyaaya 10  ..}##\endtitles##
                   .. shrIrastu ..
           bharatamunipraNItaM naaTyashaastram.h
atha dashamo.adhyaayaH |
evaM paadasya ja~Nghaayaa uurvoH kaTyaastathaiva cha |
samaanakaraNe cheShTaa saa chaariityabhidhiiyate || 1||
vidhaanopagataashchaaryo vyaayachChante parasparam |
yasmaada~Ngasamaayuktaastasmaadvyaayaama uchyate || 2||
ekapaadaprachaaro yaH saa chaariityabhisaMGYitaa |
dvipaadakramaNaM yattu karaNaM naama tadbhavet || 3||
karaNaanaaM samaayogaH khaNDamityabhidhiiyate |
khaNDaistribhishchaturbhirvaa saMyuktaM maNDalaM bhavet || 4||
chaariibhiH prasR^itaM nR^ittaM chaariibhishcheShTitaM tathaa |
chaariibhiH shastramokShashcha chaaryo yuddhe cha kiirtitaaH || 5||
yadetatprastutaM naaTyaM tachchaariiShveva saMGYitam |
nahi chaaryaa vinaa ki~nchinnaaTye.a~NgaM saMpravartate || 6||
tasmaachchaariividhaanasya sampravakShyaami lakShaNam |
yaa yasmiMstu yathaa yojyaa nR^itte yuddhe gatau tathaa || 7||
samapaadaa sthitaavartaa shakaTaasyaa tathaiva cha |
adhyardhikaa chaaShagatirvichyavaa cha tathaaparaa || 8||
eDakaakriiDitaa baddhaa urudvR^ittaa tathaaDDitaa |
utspanditaa cha janitaa syanditaa chaapasyanditaa || 9||
samotsaritamattallii mattallii cheti ShoDasha |
etaa bhaumyaH smR^itaashchaaryaH shR^iNutaakaashikiiH punaH || 10||
atikraantaa hyapakraantaa paarshvakraantaa tathaiva cha |
uurdhvajaanushcha suuchii cha tathaa nuupurapaadikaa || 11||
Dolapaadaa tathaakShiptaa aaviddhodvR^ittasaMGYite |
vidyudbhraantaa hyalaataa cha bhuja~Ngatraasitaa tathaa || 12||
mR^igaplutaa cha daNDaa cha bhramarii cheti ShoDasha |
aakaashikyaH smR^itaa hyetaa lakShaNaM cha nibodhata || 13||
paadairnirantarakR^itaistathaa samanakhairapi |
samapaadaa smR^itaa chaarii viGYeyaa sthaanasaMshrayaa || 14||
bhuumighR^iShTena paadena kR^itvaabhyantaramaNDalam|
punarutsaadayedanyaM sthitaavarttaa tu saa smR^itaa || 15||
niShaNNaa~Ngastu charaNaM prasaarya talasa~ncharam|
udvaahitamuraH kR^itvaa shakaTaasyaaM prayojayet || 16||
savyasya pR^iShThato vaamashcharaNastu yadaa bhavet |
tasyaapasarpaNaM chaiva GYeyaa saadhyardhikaa budhaiH || 17||
paadaH prasaaritaH savyaH punashchaivopasarpitaH |
vaamaH savyaapasarpii cha chaaShagatyaaM vidhiiyate || 18||
vichyavaat samapaadaayaa vichyavaaM samprayojayet |
nikuTTayaMstalaagreNa paadasya dharaNiitalam|| 19||
talasa~ncharapaadaabhyaamutplutya patanaM tu yat |
paryaayatashcha kriyate eDakaakriiDitaa tu saa || 20||
anyonyaja~NghaasaMvegaat kR^itvaa tu svastikaM tataH |
uurubhyaam valanaM yasmaat saa baddhaa chaaryudaahR^itaa || 21||
talasa~ncharapaadasya paarShNirbaahyonmukhii yadaa |
ja~Nghaa~nchitaa tathodvR^ittaa uurudvR^itteti saa smR^itaa || 22||
agrataH pR^iShThato vaapi paadastu talasa~ncharaH |
dvitiiyapaado nirghR^iShTaH yasyaaM syaadaDDitaa tu saa|| 23||
shanaiH paado nivarteta baahyenaabhyantareNa cha |
yadrechakaanusaareNa saa chaaryutsyanditaa smR^itaa || 24||
muShTihastashcha vakShaHsthaH karo.anyashcha pravartitaH |
talasa~ncharapaadashcha janitaa chaaryudaahR^itaa || 25||
pa~nchataalaantaraM paadaM prasaarya syanditaaM nyaset |
dvitiiyena tu paadena tathaapasyanditaamapi || 26||
talasa~ncharapaadaabhyaam ghuurNamaanopasarpaNaiH |
samotsaritamattallii vyaayaame samudaahR^itaa || 27||
ubhaabhyaamapi paadaabhyaaM ghuurNamaanopasarpaNaiH |
udveShTitaapaviddhaishcha hastairmattallyudaahR^itaa || 28||
etaa bhaumyaH smR^itaashchaaryo niyuddhakaraNaashrayaaH |
aakaashakiinaaM chaariiNaaM sampravakShyaami lakShaNam || 29||
ku~nchitaM paadamutkShipya purataH samprasaarayet |
utkShipya paatayechchainamatikraantaa tu saa smR^itaa || 30||
uurubhyaaM valanaM kR^itvaa ku~nchitaM paadamuddharet |
paarshve vinikShipechchainamapakraantaa tu saa smR^itaa || 31||
ku~nchitaM paadamutkShipya paarshvenotpatanaM nyaset |
udghaTTitena paadena paarshvakraantaa vidhiiyate || 32||
ku~nchitaM paadamutkShipya jaanustanasamaM nyaset |
dvitiiyaM cha kramaat stabdhamuurdhvajaanuH prakiirtitaa || 33||
ku~nchitaM paadamutkShipya jaanuurdhvaM samprasaarayet |
paatayechchaagrayogena saa suuchii parikiirtitaa || 34||
pR^iShThato hya~nchitaM kR^itvaa paadamagratalena tu |
drutaM niryaatayedbhuumau chaarii nuupurapaadikaa || 35||
ku~nchitaM paadamutkShipya paarshvaatpaarshvaM tu dolayet |
paatayeda~nchitaM chaivaM dolapaadaa tu saa smR^itaa || 36||
ku~nchitaM paadamutkShipya aakShipya tva~nchitaM nyaset |
ja~NghaasvastikasaMyuktaa chaakShiptaa naama saa smR^itaa || 37||
svastikasyaagrataH paadaH ku~nchitastu prasaaritaH |
nipateda~nchitaaviddha aaviddhaa naama saa smR^itaa || 38||
paadamaaviddhamaaveShTya samutkShipya nipaatayet |
parivR^ittya dvitiiyaM cha sodvR^ittaa chaaryudaahR^itaa || 39||
pR^iShThato valitaM paadaM shiroghR^iShTaM prasaarayet |
sarvato maNDalaaviddhaM vidyudbhraantaa tu saa smR^itaa || 40||
pR^iShThaH prasaaritaH paado valito.abhyantariikR^itaH |
paarShNiprapatitashchaiva hyalaataa samprakiirtitaa || 41||
ku~nchitaM paadamutkShipya tryashramuuruM vivartayet |
kaTijaanuvivartaachcha bhuja~Ngatraasitaa bhavet || 42||
atikraantakramaM kR^itvaa samutplutya nipaatayet |
ja~Nghaa~nchitoparikShiptaa saa GYeyaa hariNaplutaa || 43||
nuupuraM charaNaM kR^itvaa purataH samprasaarayet |
kShipramaaviddhakaraNaM daNDapaadaa tu saa smR^itaa || 44||
atikraantakramaM kR^itvaa trikaM tu parivartayet |
dvitiiyapaadabhramaNaattalena bhramarii smR^itaa || 45||
aakaashikyaH smR^itaa hyetaa lalitaa~NgakriyaatmakaaH |
dhanurvajraasishastraaNaaM prayoktavyaa prayoktR^ibhiH || 46||
agragau pR^iShThagau vaapi hyanugau chaapi yogataH |
paadayostu dvijaa hastau kartavyau naaTyayoktR^ibhiH || 47||
yataH paadastato hasto yato hastastatastrikam |
paadasya nirgamaM GYaatvaa tathopaa~Ngaani yojayet || 48||
paadachaaryaaM yathaa paado dharaNiimeva gachChati |
evaM hastashcharitvaa tu kaTideshaM samaashrayet || 49||
etaashchaaryo mayaa proktaa lalitaa~NgakriyaatmakaaH |
sthaanaanyaasaaM pravakShyaami sarvashastravimokShaNe || 50||
vaiShNavaM samapaadaM cha vaishaakhaM maNDalaM tathaa |
pratyaaliiDhaM tathaaliiDhaM sthaanaanyetaani ShaN nR^iNaaM || 51||
dvau taalaavardhataalashcha paadayorantaraM bhavet |
tayoH samasthitastvekaH tryashraH pakShasthito.aparaH || 52||
ki~nchida~nchitaja~NghaM cha sauShThavaa~NgapuraskR^itam |
vaiShNavaM sthaanametaddhi viShNuratraadhidaivatam || 53||
sthaanenaanena kartavyaH saMllaapastu svabhaavajaH |
naanaakaaryaantaraapetairnR^ibhiruttamamadhyamaiH || 54||
chakrasya mokShaNe chaiva dhaaraNe dhanuShastathaa |
dhairyadaanaa~Ngaliilaasu tathaa krodhe prayojayet || 55||
idameva viparyastaM praNayakrodha iShyate |
upaalambhakR^ite chaiva praNayodvegayostathaa || 56||
sha~NkaasuuyogrataachintaamatismR^itiShu chaiva hi |
dainye chapalataayoge garvaabhiiShTeShu shaktiShu || 57||
shR^i~Ngaaraadbhutabiibhatsaviirapraadhaanyayojitam |
samapaade samau paadau taalamaatraantarasthitau || 58||
svabhaavasauShThavopetau brahmaa chaatraadhidaivatam |
anena kaaryaM sthaanena viprama~NgaladhaaraNam || 59||
ruupaNe pakShiNaaM chaiva varaM kautukameva cha |
svasthaanaM syandanasthaanaaM vimaanasthaayinaamapi || 60||
li~NgasthaanaaM vratasthaanaaM sthaanametattu kaarayet |
taalaastrayo.ardhataalashcha paadayorantaraM bhavet || 61||
taalaaMstriinardhataalaaMshcha niShaNNoruM prakalpayet |
tryashrau vakShaHsthitau chaiva tatra paado prayojayet || 62||
vaishaakhasthaanametaddhi skandashchaatraadhidaivatam |
sthaanenaanena kartavyamashvaanaaM vaahanaM budhaiH || 63||
vyaayaamanirgamashchaiva sthuulapakShiniruupaNam |
sharaaNaaM cha samutkShepo vyaayaamakaraNe tathaa || 64||
rechakeShu cha kartavyamidameva prayoktR^ibhiH |
aindre tu maNDale paadau chatustaalaantarasthitau || 65||
tryashrau pakShaHsthitau chaiva kaTijaanuu samau tathaa |
dhanurvajraasishastraaNi maNDalena prayojayet || 66||
vaahanaM ku~njaraaNaaM tu sthuulapakShiniruupaNam |
asyaiva dakShiNaM paadaM pa~ncha taalaan prasaarya tu || 67||
aaliiDhaM sthaanakaM kuryaad rudrashchaatraadhidaivatam |
anena kaaryaM sthaanena viiraraudrakR^itaM tu yat || 68||
uttarottarasa~njalpo roShaamarShakR^itastu yaH |
mallaanaa~nchaiva saMpheTaH shatruuNaaM cha niruupaNam || 69||
tathaabhidravaNaM chaiva shastraaNaaM chaiva mokShaNam |
ku~nchitaM dakShiNaM kR^itvaa vaamaM paadaM prasaarya cha || 70||
aaliiDhaparivartastu pratyaaliiDhamiti smR^itam |
aaliiDhasaMhitaM shastraM pratyaaliiDhena mokShayet || 71||
naanaashastravimokSho hi kaaryo.anena prayoktR^ibhiH |
nyaayaachchaiva hi viGYeyaashchatvaaraH shastramokShaNe || 72||
bhaarataH saatvatashchaiva vaarShagaNyo.atha kaishikaH |
bhaarate tu kaTiichChedyaM paadachChedyaM tu saatvate || 73||
vakShaso vaarShagaNye tu shirashChedyantu kaishike |
ebhiH prayoktR^ibhirnyaayairnaanaachaariisamutthitaiH || 74||
pravichaarya prayoktavyaM naanaashastravimokShaNe |
nyaayaashritaira~Ngahaarairnyaayaachchaiva samutthitaiH || 75||
yasmaad yuddhaani vartante tasmaannyaayaaH prakiirtitaaH |
vaamahaste vinikShipya kheTakaM shastrapheTakam || 76||
shastramaadaaya hastena pravichaaramathaacharet |
prasaarya cha karau samyak punaraakShipya chaiva hi || 77||
kheTakaM bhraamayet pashchaat paarshvaat paarshvamathaapi cha |
shiraHparigamashchaapi kaaryaH shastreNa yoktR^ibhiH || 78||
kapolasyaantare vaapi shastrasyodveShTanaM tathaa |
punashcha khaDgahastena lalitodveShTitena cha || 79||
kheTakena cha kartavyaH shiraHparigamo budhaiH |
evaM prachaaraH kartavyo bhaarate shastramokShaNe || 80||
saatvate cha pravakShyaami pravichaaraM yathaavidhiH |
sa eva pravichaarastu khaDgakheTakayoH smR^itaH || 81||
kevalaM pR^iShThataH shastraM kartavyaM khalu saatvate |
gatishcha vaarShagaNye.api saatvatena krameNa tu || 82||
shastrakheTakayoshchaapi bhramaNaM saMvidhiiyate |
shiraH parigamastadvachChastrasyeha bhavettathaa || 83||
urasyudveShTanaM kaaryaM shastrasyaaMshe.athavaa punaH |
bhaarate pravichaaro.ayaM kartavyaH sa tu kaishike || 84||
vibhramayya tathaa shastraM kevalaM muurdhni paatayet |
pravichaaraa prayoktavyaa hyevamete.a~Ngaliilayaa || 85||
dhanurvajraasishastraaNaaM prayoktavyaa vimokShaNe |
na bhedyaM naapi tu chChedyaM na chaapi rudhirasrutiH || 86||
ra~Nge praharaNe kaaryo na chaapi vyaktaghaatanam |
saMGYaamaatreNa kartavyaM shastraaNaaM mokShaNaM budhaiH || 87||
athavaabhinayopetaM kuryaachChedyaM vidhaanataH |
a~NgasauShThavasaMyuktaira~NgahaarairvibhuuShitam || 88||
vyaayaamaM kaarayet samyak layataalasamanvitam |
sauShThave hi prayatnastu kaaryo vyaayaamasevibhiH || 89||
sauShThave lakShaNaM proktaM vartanaakramayojitam |
shobhaa sarvaiva nityaM hi sauShThavaM samupaashritaa || 90||
acha~nchalamakubjaM chaasannagaatramathaapi cha |
naatyuchchaM chalapaada~ncha sauShThavaa~NgaM prayojayet || 91||
kaTii karNasamaa yatra kuurparaaMsashirastathaa |
samunnatamurashchaiva sauShThavaM naama tadbhavet || 92||
nahi sauShThavahiinaa~NgaH shobhate naaTyanR^ittayoH |
atra nityaM prayatno hi vidheyo madhyamottamaiH || 93||
naaTyaM nR^ittaM cha sarvaM hi sauShThave saMpratiShThitam |
kaTiinaamabhicharau hastau vakShashchaiva samunnatam || 94||
vaiShNavaM sthaanamitya~NgaM chaturashramudaahR^itam |
parimaarjanamaadaanaM sandhaanaM mokShaNam tathaa || 95||
dhanuShastu prayoktavyaM karaNaM tu chaturvidham |
saMmaarjanaM paraamarShamaadaanaM grahaNaM kriyaa || 96||
sandhaanaM sharavinyaaso vikShepo mokShaNaM bhavet |
tailaabhyaktena gaatreNa yavaaguumR^iditena cha || 97||
vyaayaamaM kaarayet shriimaan bhittaavaakaalike tathaa |
yogyaayaaM maatR^ikaa bhittistasmaadbhittiM samaashrayet || 98||
bhittau prasaaritaa~Ngantu vyaayaamaM kaarayennaram |
balaarthaM cha niSheveta nasyaM bastividhiM tathaa || 99||
snigdhaanyanyaani cha tathaa rasakaM paanakaM tathaa |
aahaare.adhiShThitaaH praaNaaH praaNe yogyaaH pratiShThitaaH || 100||
tasmaadyogyaaprasidhyarthamaahaare yatnavaan bhavet |
ashuddhakaayaM praklaantamatiivakShutpipaasitam || 101||
atipiitaM tathaa bhuktaM vyaayaamaM naiva kaarayet |
achalairmadhuraigaatraishchaturashreNa vakShasaa || 102||
vyaayaamaM kaarayeddhiimaan narama~Ngakriyaatmakam |
evaM vyaayaamasaMyoge kaaryashchaariikR^ito vidhiH || 103||
ata uurdhvaM pravakShyaami maNDalaanaaM vikalpanam |

iti bharatiiye naaTyashaastre chaariividhaano naama dashamo.adhyaayaH |
##
Encoded by Sowmya Krishnapur krsowmya@yahoo at com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}