%@@1
% File name             : natya7.itx
%--------------------------------------------
% Text title            : naaTyashaastra adhyaaya 7
% Author                : Sage Bharata
% Language              : Sanskrit
% Subject               : philosophy/hinduism/culture
% Description/comments  : ????Source
% Transliterated by     : dpadmakar@hotmail.com
% Proofread by          : dpadmakar@hotmail.com
% Latest update         : May 24, 2001, March 19, 2011
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskritdocuments.org/
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto #indian and others with \ mark
% are needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Natya Shastra Chapter 7..}##
\itxtitle{.. nATyashAstram.h adhyAya 7 ..}##\endtitles##
    .. shrIrastu ..
bharatamunipraNItaM nATyashAstram.h
atha saptamo.adhyAyaH .
  bhAvAnidAnI.n vyAkhyAsyAmaH . atrAha\- bhAvA iti kasmAt.h .
kiM bhavantIti bhAvAH ki.n vA bhAvayantIti bhAvAH . uchyate \-
vAga~NgasattvopetAnkAvyArthAnbhAvayantIti bhAvA iti .
 bhU iti karaNe dhAtustathA cha bhAvita.n vAsita.n 
kR^itamityanarthAntaram.h .
loke.api cha prasiddham.h . aho hyanena gandhena rasena vA sarvameva 
bhAvitamiti .
tachcha vyAptyartham.h .
 shlokAshchAtra\-
 vibhAvenAhR^ito yo.artho hyanubhAvaistu gamyate .
vAga~NgasattvAbhinayaiH sa bhAva iti sa.ndnyitaH .. 1..
vAga~NgamukharAgeNa sattvenAbhinayena cha .
kaverantargataM bhAvaM bhAvayanbhAva uchyate .. 2..
nAnAbhinayasambaddhAnbhAvayanti rasAnimAn.h .
yasmAtasmAdamI bhAvA vidnyeyA nATyayoktR^ibhiH .. 3..
atha vibhAva iti kasmAt.h . uchyate\-vibhavo vidnyAnArthaH .
vibhAvaH kAraNa.n nimitta.n heturiti paryAyAH . vibhAvyate.anena
vAga~NgasattvAbhinayA ityato vibhAvaH . yathA vibhAvita.n vidnyA\-
tamityanarthAntaram.h .
 atra shlokaH \-
  bahavo.arthA vibhAvyante vAga~NgAbhinayAshrayAH .
  anena yasmAttenAya.n vibhAva iti sa.ndnyitaH .. 4..
  athAnubhAva iti kasmAt.h . uchyate\-
anubhAvyate.anena vAga~NgasattvakR^ito.abhinaya iti .
  atra shlokaH \-
  vAga~NgAbhinayeneha yatastvartho.anubhAvyate .
  shAkhA~NgopA~Ngasa.nyuktastvanubhAvastataH smR^itaH .. 5 ..
eva.n te vibhAvAnubhAvasa.nyuktA bhAvA iti vyAkhyAtAH . ato
hyeShAM bhAvAnA.n siddhirbhavati . tasmAdeShAM bhAvAnA.n
vibhAvAnubhAvasa.nyuktAnA.n laxaNanidarshanAnyabhivyAkhyAsyAmaH .
tatra vibhAvAnubhAvau lokaprasiddhau .
lokasvabhAvAnugatatvAchcha tayorlaxaNa.n 
nochyate.atiprasa~NganivR^ityartham.h .
 bhavati chAtra shlokaH \-
 lokasvabhAvasa.nsiddhA lokayAtrAnugAminaH .
 anubhAvA vibhAvAshcha dnyeyAstvabhinaye budhaiH .. 6..
 tatrAShTau bhAvAH sthAyinaH . trayastri.nshad.hvyabhichAriNaH . 
aShTau
sAtvikA iti bhedAH . evamete kAvyarasAbhivyaktihetava 
ekonapa~nchAshadbhAvAH
pratyavagantavyAH . ebhyashcha sAmAnyaguNayogena rasA niShpadyante .
atra shlokaH\-
 yo.artho hR^idayasa.nvAdI tasya bhAvo rasodbhavaH .
 sharIra.n vyApyate tena shuShka.n kAShThamivAgninA .. 7..
atrAha\- yadi 
kAvyArthasa.nshritairvibhAvAnubhAvavya~njitairekonapa~nchAshadbhAvaiH 
sAmAnyaguNayogenAbhiniShpadyante rasAstatkatha.n sthAyina eva bhAvA
rasatvamApnuavanti . uchyate\- yathA hi 
samAnalaxaNAstulyapANipAdodarasharIrAH
samAnA~Ngapratya~NgA api puruShAH 
kulashIlavidyAkarmashilpavichaxaNatvAdrAja\-
tvamApnuvanti tatraiva chAnye.alpabuddhayasteShAmevAnucharA bhavanti 
tathA
vibhAvAnubhAvavyabhichAriNaH sthAyibhAvAnupAshritA bhavanti .
bahvAshrayatvAsvAmibhUtAH sthAyino bhAvAH .
tadvatsthAnIyapuruShaguNabhUtA anye bhAvAstAnguNatayA shrayante .
sthAyibhAvA rasatvamApnuvanti . parijanabhUtA vyabhichAriNo 
bhAvAH .
atrAha\- ko dR^iShTAnta iti . yathA narendro bahujanaparivAro.api sa 
eva nAma
labhate nAnyaH sumahAnapi puruShaH tathA 
vibhAvAnubhAvavyabhichAriparivR^itaH
sthAyI bhAvo rasanAma labhate .
bhavati chAtra shlokaH \-
 yathA narANA.n nR^ipatiH shiShyANA.n cha yathA guruH .
 eva.n hi sarvabhAvAnAM bhAvaH sthAyi mahAniha .. 8..
laxaNa.n khalu pUrvamabhihitameShA.n rasasa.ndnyakAnAm.h . idAnIM
bhAvasAmAnyalaxaNamabhidhAsyAmaH . tatra sthAyibhAvAnvaxyAmaH \-

ratirnAma pramodAtmikA 
R^itumAlyAnulepanAbharaNabhojanavarabhavanAnubhavanA\-
prAtikUlyAdibhirvibhAvaiH samutpadyate . 
tAmabhinayetsmitavadanamadhurakathana\-
bhrUxepakaTAxAdibhiranubhAvaiH . atra shlokaH \-
 iShTArthaviShayaprAptyA ratirityupajAyate .
 saumyatvAdabhineyA sA vA~N.hmAdhuryA~NgacheShTitaiH .. 9..

hAso nAma 
paracheShTAnukaraNakuhakAsambaddhapralApapaurobhAgyamaurkhyAdibhirvibhAvaiH
samutpadyate . tamabhinayetpUrvoktairhasitAdibhiranubhAvaiH .
bhavati chAtra shlokaH \-
 paracheShTAnukaraNAddhAsaH samupajAyate .
 smitahAsAtihasitairabhineyaH sa paNDitaiH .. 10..

shoko nAma 
iShTajanaviyogavibhavanAshavadhabandhaduHkhAnubhanavanAdibhirvibhAvaiH
samutpadyate. 
tasyAsrapAtaparidevitavilapitavaivarNyasvarabhedasrastagAtratAbhUmi\-
patanasasvanaruditAkranditadIrghaniHshvasitajaDatonmAdamohamaraNAdibhiranubhA\-
vairabhinayaH prayoktavyaH .
ruditamatra trividham.h \- AnandajamArtijamIrShyAsamudbhava.n cheti .
bhavanti chAtrAryAH \-
##[##Anande.apyArtikR^ita.n trividha.n rudita.n sadA budhairdnyeyam.h .
tasya tvabhinayayogAnvibhAvagatitaH pravaxyAmi ..##]##
harShotphullakapola.n sAnusmaraNAdapA~NgavisR^itAsram.h .
romA~nchagAtramanibhR^itamAnandasamudbhavaM bhavati .. 11..
paryAptavimuktAsra.n sasvanamasvasthagAtragaticheShTam.h .
bhUminipAtanivartitavilapitamityArtijaM bhavati .. 12..
prasphuritauShThakapola.n sashiraHkampa.n tathA saniHshvAsam.h .
bhrukuTIkaTAxakuTila.n strINAmIrShyAkR^itaM bhavati .. 13..
strInIchaprakR^itiShveSha shoko vyasanasambhavaH .
dhairyeNottamamadhyAnA.n nIchAnA.n ruditena cha .. 14..
  krodho nAma 
AdharShaNAkruShTakalahavivAdapratikUlAdibhirvibhAvaiH
samutpadyate . asya 
vikR^iShTanAsApuTod.hvR^ittanayanasa.ndaShThoShThapuTa\-
gaNDasphuraNAdibhiranubhAvairabhinayaH prayoktavyaH .
  ripujo gurujashchaiva praNayiprabhavastathA .
  bhR^ityajaH kR^itakashcheti krodhaH pa~nchavidhaH smR^itaH.. 15..
atrAryA bhavanti \-
  bhR^ikuTIkuTilotkaTamukhaH sandaShThoShThaH spR^ishankareNa karam.h .
  kruddhaH svabhujAprexI shatrau niryantraNa.n ruShyet.h .. 16..
  ki~nchidavA~NgmukhadR^iShTiH sAsrasvedApamArjanaparashcha .
  avyaktolbaNacheShTo gurau vinayayantrito ruShyet.h .. 17..
  alpaprataravichAro vikirannashrUNyapA~NgavixepaiH .
  sabhrukuTisphuritoShThaH praNayopagatAM priyA ruShyet.h .. 18..
  atha parijane tu roShastarjananirbhartsanAxivistAraiH .
  viprexaNaishcha vividhairabhineyaH krUratArahitaH .. 19..
  kAraNamavexamANaH prAyeNAyAsali~Ngasa.nyuktaH .
  vIrarasAntarachArI kAryaH kR^itako bhavati kopaH .. 20..

utsAho nAma uttamaprakR^itiH. sa 
chAviShAdashaktidhairyashauryAdibhirvibhAvai\-
rutpadyate. tasya dhairyatyAgavaishAradyAdibhiranubhAvairabhinayaH 
prayoktavyaH .
atra shlokaH \-
 asammohAdibhirvyakto vyavasAyanayAtmakaH .
 utsAhastvabhineyaH syAdapramAdotthitAdibhiH .. 21..

bhaya.n nAma strInIchaprakR^itikam.h . 
gururAjAparAdhashvApadashUnyAgArATavIparvatagahanagajAhidarshananirbhartsana\-kAntAradurdinanishAndhakarolUkanakta~ncharArAvashravaNAdibhirvibhAvaiH 
samutpadyate .
tasya 
prakampitakaracharaNahR^idayakampanastambhamukhashoShajihvAparilehana\-
svedavepathutrAsasaparitrANAnveShaNadhAvanotkR^iShTAdibhiranubhavairabhinayaH 
prayoktavyaH .
atra shlokAH \-
 gururAjAparAdhena raudrANA.n chApi darshanAt.h .
 shravaNAdapi ghorANAM bhayaM mohena jAyate .. 22..
 gAtrakampanavitrAsairvaktrashoShaNasambhramaiH
 visphAritaixaNaiH kAryamabhineyakriyAguNaiH .. 23..
 sattvavitrAsanodbhUtaM bhayamutpadyate nR^iNAm.h .
 srastA~NgAxinimeShaistadabhineya.n tu nartakaiH .. 24..
atrAryA bhavati \-
 karacharaNahR^idayakampairmukhashoShaNavadanalehanastambhaiH .
 sambhrAntavadanavepathusa.ntrAsakR^itairabhinayo.asya .. 25..

jugupsA nAma strInIchaprakR^itikA . sA 
chAhR^idyadarshanashravaNAdibhirvibhAvaiH
samutpadyate . tasyAH 
sarvA~Ngasa~NkochaniShThIvanamukhavikUNanahR^illekhAdi\-
bhiranubhAvairabhinayaH prayoktavyaH .
bhavati chAtra shlokaH \-
 nAsAprachchhAdaneneha gAtrasa~Nkochanena cha .
 udvejanaiH sahR^illekhairjugupsAmabhinirdishet.h .. 26..

vismayo nAma 
mAyendrajAlamAnuShakarmAtishayachitrapustashilpavidyAtishayAdibhirvibhAvaiH
samutpadyate . tasya 
nayanavistArAnimeShaprexitabhrUxeparomaharShaNashiraHkampasAdhuvAdAdibhi\-
ranubhAvairabhinayaH prayoktavyaH .
bhavati chAtra shlokaH \-
karmAtishayanirvR^itto vismayo harShasambhavaH .
siddhisthAne tvasau sAdhyaH praharShapulakAdibhiH .. 27..

evamete sthAyino bhAvA rasasa.ndnyAH pratyavagantavyAH .

vyabhichAriNa idAnI.n vyAkhyAsyAmaH . atrAha \- vyabhichAriNa iti 
kasmAt.h .
uchyate \- vi abhi ityetAvupasargau . chara iti gatyartho dhAtuH . 
vividhamAbhimukhyena
raseShu charantIti vyabhichAriNaH . vAga~NgasattvopetAH prayoge 
rasAnnayantIti
vyabhichAriNaH . atrAha \- katha.n nayantIti . uchyate \- lokasiddhAnta 
eShaH \-
yathA sUrya ida.n dina.n naxatra.n vA nayatIti . na cha tena 
bAhubhyA.n skandhena
vA nIyate . ki.n tu lokaprasiddhametat.h . yatheda.n sUryo naxatra.n dina 
vA nayatIti .
evamete vyabhichAriNa ityavagantavyAH . tAniha sa~NgrahAbhihitA.nstra\-
yastri.nshad.hvyabhichAriNo bhAvAn.h varNayiShyAmaH .

tatra nirvedo nAma 
dAridryavyAdhyavamAnAdhixepAkruShTakrodhatADaneShTajana\-
viyogatattvadnyAnAdibhirvibhAvaiH samutpadyate strInIchakusattvAnAm.h 
. 
ruditaniHshvasitochchhvasitasampradhAraNAdibhiranubhAvaistamabhinayet.h .
atra shlokaH \-
dAridryeShTaviyogAdyaiH nirvedo nAma jAyate .
sampradhAraNaniHshvAsaistasya tvabhinayo bhavet.h .. 28..
atrAnuva.nshye Arye bhavataH \-
iShTajanaviprayogAddAridryAdvyAdhitastathA duHkhAt.h .
R^iddhiM parasya dR^iShTvA nirvedo nAma sambhavati .. 29..
bAShpapariplutanayanaH punashcha niHshvAsanadInamukhanetraH .
yogIva dhyAnaparo bhavati hi nirvedavAnpuruShaH .. 30..

glAnirnAma vAntaviriktavyAdhitaponiyamopavAsamanastApAtishayamadana\-
sevanAtivyAyAmAdhvagamanaxutpipAsAnidrAchchhedAdibhirvibhAvaiH
samutpadyate . tasyAH xAmavAkyanayanakapolodaramandapadotxepaNavepanA\-
nutsAhatanugAtravaivarNyasvarabhedAbhiranubhAvairabhinayaH prayoktavyaH 
.
atrArye bhavataH \-
vAntaviriktavyAdhiShu tapasA jarasA cha jAyate glAniH .
kArshyena sAbhineyA mandabhramaNena kampena .. 31..
gaditaiH xAmaxAmairnetravikAraishcha dInasa~nchAraiH .
shlathabhAvenA~NgAnAM muhurmuhurnirdished.h glAnim.h .. 32..

sha~NkA nAma sandehAtmikA strInIchaprabhavA . chauryAbhigrahaNa\-
nR^ipAparAdhapApakarmakaraNAdibhirvibhAvaiH samutpadyate . tasyA 
muhurmuhuravalokanAvakuNThanamukhashoShaNajihvAlehanamukhavaivarNya\-
svarabhedavepathushuShkoShThakaNThAyAsasAdharmyAdibhiranubhAvairabhinayaH
prayoktavyaH .
 chauryAdijanitA sha~NkA prAyaH kAryA bhayAnake .
 priyavyalIkajanitA tathA shR^i~NgAriNI matA .. 33..
atrAkArasa.nvaraNamapi kechidichchhanti . taccha 
kushalairupAdhibhiri~Ngitaishchopalaxyam.h .
atrArye bhavataH \-
 dvividhA sha~NkA kAryAhyAtmasamutthA cha parasamutthA cha .
 yA tatrAtmasamutthA sA dnyeyA dR^iShTicheShTAbhiH .. 34..
 ki~nchitpravepitA~Ngastvadhomukho vIxate cha pArshvAni .
 gurusajjamAnajihvaH shyAmAsyaH sha~NkitaH puruShaH ..35..

asUyA nAma 
nAnAparAdhadveShaparaishvaryasaubhAgyamedhAvidyAlIlAdibhirvibhAvaiH
samutpadyate . tasyAshcha pariShadi 
doShaprakhyApanaguNopaghAterShyAchaxuHpradA\-
nAdhomukhabhrukuTIkriyAvadnyAnakutsanAdibhiranubhAvairabhinayaH 
prayoktavyaH .
atrArye bhavataH \-
parasaubhAgyeshvaratAmedhAlIlAsamuchchhrayAndR^iShTvA .
utpadyate hyasUyA kR^itAparAdho bhavedyashcha .. 36..
bhrukuTikuTilotkaTamukhaiH serShyAkrodhaparivR^ittanetraishcha .
guNanAshanavidveShaistatrAbhinayaH prayoktavyaH .. 37..

mado nAma madyopayogAdutpadyate . sa cha trividhaH pa~nchavibhAvashcha .
atrAryA bhavanti \-
dnyeyastu madastrividhastaruNo madhyastathAvakR^iShTashcha .
karaNaM pa~nchavidha.n syAttasyAbhinayaH prayoktavyaH .. 38..
kashchinmatto gAyati roditi kashchittathA hasati kashchit.h .
paruShavachanAbhidhAyI kashchitkashchittathA svapiti .. 39..
uttamasattvaH shete hasati cha gAyati cha madhyamaprakR^itiH .
paruShavachanAbhidhAyI rodatyapi chAdhamaprakR^itiH .. 40..
smitavachanamadhurarAgo hR^iShTatanuH ki~nchidAkulitavAkyaH .
sukumArAviddhagatistaruNamadastUttamaprakR^itiH ..41..
skhalitAghUrNitanayanaH srastavyAkulitabAhuvixepaH .
kuTilavyAviddhagatirmadhyamado madhyamaprakR^itiH .. 42..
naShTasmR^itirhatagatishchharditahikkAkaphaiH subIbhatsaH .
gurusajjamAnajihvo niShThIvati chAdhamaprakR^itiH .. 43..
ra~Nge pibataH kAryA madavR^iddhirnATyayogamAsAdya .
kAryo madaxayo vai yaH khalu pItvA praviShTaH syAt.h .. 44..
santrAsAchchhokAdvA bhayAtpraharShAchcha kAraNopagatAt.h .
utkramyApi hi kAryo madapraNAshaH kramAttajdnyaiH .. 45..
ebhirbhAvavisheShairmado druta.n sampraNAshamupayAti .
abhyudayasukhairvAkyairyathaiva shokaH xaya.n yAti .. 46..

shramo nAma adhvavyAyAmasevanAdibhirvibhAvaiH samutpadyate. tasya 
gAtraparimardanasa.nvAhananiHshvasitavijR^imbhitamandapadotxepaNanayana\-
vadanavikUNanasItkarAdibhiranubhAvairabhinayaH prayoktavyaH .
atrAryA \-
nR^ittAdhvavyAyAmAnnarasya sa~njAyate shramo nAma .
niHshvAsakhedagamanaistasyAbhinayaH prayoktavyaH .. 47..

Alasya.n nAma khedavyAdhigarbhasvabhAvashramasauhityAdibhirvibhAvaiH
samutpadyate strInIchAnAm.h . 
tadabhinayetsarvakarmAnabhilAShashayanA\-
sananidrAtandrIsevanAdibhiranubhAvaiH .
atrAryA \-
Alasya.n tvabhineya.n khedApagata.n svabhAvaja.n chApi .
AhAravarjitAnAmArambhANAmanArambhAt.h .. 48..

dainya.n nAma daurgatyamanastApAdibhirvibhAvaiH samutpadyate .
tasyAdhR^itishirorogagAtragauravAnyamanaskatAmR^ijAparivarjanA\-
dibhiranubhAvairabhinayaH prayoktavyaH .
atrAryA \-
chintautsukyasamutthA duHkhAdyA bhavati dInatAM pu.nsAm.h .
sarvamR^ijAparihArairvividho.abhinayo bhavettasya .. 49..

chintA nAma 
aishvaryabhra.nsheShTadravyApahAradAridryAdibhirvibhAvairutpadyate . 
tAmabhinayenniHshvasitochchhvasitasantApadhyAnAdhomukhachintana\-
tanukArshyAdibhiranubhAvaiH .
atrArye bhavataH \-
aishvaryabhra.nsheShTadravyaxayajA bahuprakArA tu .
hR^idayavitarkopagatA nR^INA.n chintA samudbhavati .. 50..
sochchhvAsairniHshvasitaiH santApaishchaiva hR^idayashUnyatayA .
abhinetavyA chintA mR^ijAvihInairadhR^ityA cha .. 51..

moho nAma daivopaghAtavyasanAbhighAtavyAdhibhayAvegapUrvavairA\-
nusmaraNAdibhirvibhAvaiH samutpadyate . tasya nishchaitanyabhramaNa\-
patanAghUrNanAdarshanAdibhiranubhAvairabhinayaH prayoktavyaH .
atra shlokastAvadAryA cha \-
asthAne taskarAndR^iShTvA trAsanairvividhairapi .
tatpratIkArashUnyasya mohaH samupajAyate .. 52..
vyasanAbhighAtabhayapUrvavairasa.nsmaraNarogajo mohaH .
sarvendriyasammohAttasyAbhinayaH prayoktavyaH .. 53..

smR^itirnAma sukhaduHkhakR^itAnAM bhAvAnAmanusmaraNam.h .
sA cha svAsthyajaghanyarAtrinidrAchchhedasamAnadarshanodAharaNa\-
chintAbhyAsAdibhirvibhAvaiH samutpadyate . tAmabhinaye\-
chchhiraHkampanAvalokanabhrUsamunnamanAdibhiranubhAvaiH .
atrArye bhavataH \-
sukhaduHkhamatikrAnta.n tathA mativibhAvita.n yathAvR^ittam.h .
chiravismR^ita.n smarati yaH smR^itimAniti veditavyo.asau .. 54..
svAsthyAbhyAsasamutthA shrutidarshanasambhavA smR^itirnipuNaiH .
shira udvAhanakampairbhUxepaishchAbhinetavyA .. 55..

dhR^itirnAma shauryavidnyAnashrutivibhavashauchAchAragurubhaktyadhika\-
manorathArthalAbhakrIDAdibhirvibhAvaiH samutpadyate . 
tAmabhinayetprA\-
ptAnA.n viShayANAmupabhogAdaprAptAtItopahR^itavinaShTAnAmanu\-
shochanAdibhiranubhAvaiH .
atrArye bhavataH \-
vidnyAnashauchavibhavashrutishaktisamudbhavA dhR^itiH sadbhiH .
bhayashokaviShadAdyai rahitA tu sadA prayoktavyA .. 56..
prAptAnAmupabhogaH shabdarasasparsharUpagandhAnAm.h .
aprAptaishcha na shoko yasyA.n hi bhaved.h dhR^itiH sA tu .. 57..

vrIDA nAma akAryakaraNAtmikA . sA cha 
guruvyatikramaNAvadnyAna\-pratidnyAtAnirvahanapashchAttApAdibhirvibhAvaiH 
samutpadyate .
tA.n nigUDhavadanAdhomukhavichintanorvIlekhanavastrA~NgulIyakasparsha\-
nakhanikR^intanAdibhiranubhAvairabhinayet.h .
atrArye bhavataH \-
ki~nchidakArya.n kurvanneva.n yo dR^ishyate shuchibhiranyaiH .
pashchAttApena yuto vrIDita iti veditavyo.asau .. 58..
lajjAnigUDhavadano bhUmi.n vilikhannakhA.nshcha vinikR^intan.h .
vastrA~NgulIyakAnA.n sa.nsparsha.n vrIDitaH kuryAt.h .. 59..

chapalatA nAma rAgadveShamAtsaryAmarShApratikUlyAdibhirvibhAvaiH
samutpadyate . tasyAshcha vAkpAruShyanirbhartsanavadhabandhasamprahAra\-
tADanAdibhiranubhAvairabhinayaH prayoktavyaH .
atrAryA bhavati \-
avimR^ishya tu yaH kAryaM puruSho vadhatADana.n samArabhate .
avinishchitakAritvAtsa tu khalu chapalo budhairdnyeyaH .. 60..

harSho nAma manorathalAbheShTajanasamAgamanamanaHparitoShadeva\-
gururAjabhartR^iprasAdabhojanAchchhAdanalAbhopabhogAdibhirvibhAvaiH
samutpadyate . tamabhinayennayanavadanaprasAdapriyabhAShaNAli~Ngana\-
kaNTakitapulakitAsrasvedAdibhiranubhAvaiH .
atrArye bhavataH \-
aprApye prApye vA labdhe.arthe priyasamAgame vA.api .
hR^idayamanorathalAbhe harShaH sa~njAyate pu.nsAm.h .. 61..
nayanavadanapriyabhAShAli~Nganaishcha romA~nchaiH .
lalitaishchA~NgavihAraiH svedAdyairabhinayastasya .. 62..

Avego nAma utpAtavAtavarShAku~njarod{}bhramaNapriyApriyashravaNa\-
vyasanAbhighAtAdirvibhAvaiH samutpadyate . tatrotpAtakR^ito nAma 
vidyudulkAnirghAtaprapatanachandrasUryoparAgaketudarshanakR^itaH . 
tamabhinayetsarvA~NgasrastatAvaimanasyamukhavaivarNyaviShAda\-
vismayAdibhiH . vAtakR^itaM punaravakuNThanAxiparimArjanavastra\-
sa~NgUhanatvaritagamanAdibhiH . varShakR^itaM punaH sarvA~Nga\-
sampiNDanapradhAvanachchhannAshrayamArgaNAdibhiH . agnikR^ita.n tu 
dhUmAkulanetratA.a~Ngasa~NkochanavidhUnanAtikrAntApakrAntAdibhiH .
ku~njarod{}bhramaNakR^ita.n nAma tvaritApasarpaNacha~nchalagamana\-
bhayastambhavepathupashchAdavalokanavismayAdibhiH . priyashravaNa\-
kR^ita.n 
nAmAbhyutthAnAli~NganavastrAbharaNapradAnAshrupulakitAdibhiH .
apriyashravaNakR^ita.n nAma bhUmipatanaviShamavivartanaparidhAvana\-
vilApanAkrandanAdibhiH . vyasanAbhighAtaja.n tu sahasApasarpaNa\- 
shastracharmavarmadhAraNagajaturagarathArohaNasampradhAraNAdibhiH .
 evamaShTavikalpo.ayamAvegaH sambhramAtmakaH .
 stheryeNottamamadhyAnA.n nIchAnA.n chApasarpaNaiH .. 63..
atrArye bhavataH \-
 apriyanivedanAdvA sahasA hyavadhAritArivachanasya .
 shastraxepAt.h trAsAdAvego nAma sambhavati .. 64..
 apriyanivedanAdyo viShAdabhAvAshrayo.anubhAvasya .
 sahasAridarshanAchchetpaharaNaparighaTTanaiH kAryaH .. 65..

jaDatAnAma sarvakAryApratipattiH . iShTAniShTashravaNadarshana\-
vyAdhyAdibhirvibhAvaiH samutpadyate . tAmabhinayedakathanAvibhAShaNa\-
tUShNImbhAvApratibhA.animeShanirIxaNaparavashatvAdibhiranubhAvaiH .
atrAryA bhavati \-
iShTa.n vA.aniShTa.n vA sukhaduHkhe vA na vetti yo mohAt.h .
tUShNIkaH paravashago bhavati sa jaDasa.ndnyitaH puruShaH .. 66..

garvo nAma aishvaryakularUpayauvanavidyAbaladhanalAbhAdibhirvibhAvaiH
samutpadyate . tasyAsUyAvadnyAgharShaNAnuttaradAnAsambhAShaNA\-
~NgAvalokana vibhramApahasanavAkpAruShyaguruvyatikramaNAdhi\-
xepavachanavichchhedAdibhiranubhAvairabhinayaH prayoktavyaH
atrAryA bhavati \-
vidyAvApte rUpAdaishvaryAdatha dhanAgamAdvApi .
garvaH khalu nIchAnA.n dR^iShTya~NgavichAraNaiH kAryaH .. 67..

viShAdo nAma kAryAnistaraNadaivavyApattisamutthaH . 
tamabhinayetsahAyAnveShaNopAyachintanotsAhavighAtavaimanasya\-
niHshvasitAdibhiranubhAvairuttamamadhyamAnAm.h . adhamAnA.n tu 
viparidhAvanAlokanamukhashoShaNasR^ikvaparilehananidrA\-
niHshvasitadhyAnAdibhiranubhAvaiH .
atrAryA shlokau \-
kAryAnistaraNAdvA chauryAbhigrahaNarAjadoShAdvA .
daivAdarthavipatterbhavati viShAdaH sadA pu.nsAm.h .. 68..
vaichitryopAyachintAbhyA.n kArya uttamamadhyayoH .
nidrAniHshvasitadhyAnairadhamAnA.n tu yojayet.h ..69..

autsukya.n nAma iShTajanaviyogAnusmaraNodyAnadarshanA\-
dibhirvibhAvaiH samutpadyate . tasya dIrghaniHshvasitAdhomukha\-
vichintananidrAtandrIshayanAbhilAShAdibhiranubhavairabhinayaH
prayoktavyaH .
atrAryA bhavati \-
iShTajanasya viyogAdautsukya.n jAyate hyanusmR^ityA .
chintAnidrAtandrIgAtragurutvairabhinayo.asya .. 70..


nidrA nAma daurbalyashramaklamamadAlasyachintA.atyAhAra\-
svabhAvAdibhirvibhAvaiH samutpadyate . tAmabhinayedvadana\-
gauravasharIrAvalokananetraghUraNanagAtravijR^imbhana\-
mAndyochchhvasitasannagAtratA.axinimIlanAdibhiranubhAvaiH .
atrArye bhavataH \-
AlasyAddaurbalyAtklamAchchhramAchchintanAtsvabhAvAchcha .
rAtrau jAgaraNAdapi nidrA puruShasya sambhavati .. 71..
tAM mukhagauravagAtrapratilolananayanamIlanajaDatvaiH .
jR^imbhaNagAtravimardairanubhAvairabhinayetprAdnyaH.. 72..

apasmAro nAma 
devayaxanAgabrahmarAxasabhUtapretapishAcha\-grahaNAnusmaranochchhiShTashUnyAgArasevanAshuchi\-
kAlAntarAparipatanavyAdyAdibhirvibhAvaiH samutpadyate .
tasya sphuritaniHshvasitotkampitadhAvanapatanasveda\-
stambhavadanaphenajihvAparilehanAdibhiranubhAvairabhinayaH
prayoktavyaH .
atrArye bhavataH \-
bhUtapishAchagrahaNAnusmaraNochchhiShTashUnyagR^ihagamanAat.h .
kAlAntarAtipAtAdashucheshchabhavatyapasmAraH .. 73..
sahasA bhUmau patanaM pravepana.n vadanaphenamoxashcha .
niHsa.ndnyasyotthAna.n rUpANyetAnyapasmAre .. 74..

supta.n nAma nidrAbhibhavaviShayopagamanaxititalashayana\-
prasAraNAnukarShaNAdibhirvibhAvaiH samutpadyate
nidrAsamuttham.h . taduchchh{}vasita.nsannagAtrAxinimIlana\-
sarvendriya sammohanotsvapnAyitAdibhiranubhAvairabhinayet.h .
atrArye bhavataH \-
nidrAbhibhavendriyoparamaNamohAirhavetsuptam.h .
axinimIlanochchhvasanaiH svapnAyitajalpitaiH kAryaH .. 75..
sochchhvAsairniHshvAsairmandAxinimIlanena nishcheShTaH .
sarvendriyasammohAtsupta.n svapnaishcha yu~njIta .. 76..

vibodho nAma AhArapariNAmanidrAchchhedasvapnAnta\-
tIvrashabdashravaNAdibhirvibhAvaiH samutpadyate .
tamabhinayejjR^imbhaNAxiparimardanashayanamoxaNAdibhiranubhAvaiH .
atrAryA bhavati \-
AhAravipariNAmAchchhabdasparshAdibhishcha sambhUtaH .
pratibodhastvabhineyo jR^imbhaNavadanAxiparimardaiH .. 77..

amarSho nAma vidyaishvaryashauryabalAdhikairadhixiptasyAvamAnitasya vA
samutpadyate . tamabhinayechchhiraHkampanaprasvedanAdhomukhachintana\-
dhyAnAdhyavasAyopAyasahAyAnveShaNAdibhiranubhAvaiH .
atra shlokau \-
AxiptAnA.n sabhAmadhye vidyAshauryabalAdhikaiH .
nR^INAmutsAhasa.nyogAdamarSho nAma jAyate .. 78..
utsAhAdhyavasAyAbhyAmadhomukhavichintanaiH .
shiraHprakampasvedAdyaistaM prayu~njIta paNDitaH .. 79..

avahittha.n nAma AkAraprachchhAdanAtmakam.h . tachcha 
lajAbhayApajaya\-
gauravajaihmayAdibhirvibhAviH samutpadyate . 
tasyAnyathAkathanAvalokita\-
kathAbha~NgakR^itakadhairyAdibhiranubhAvairabhinayaH prayoktavyaH .
atra shloko bhavati \-
dhArShTyajaihmyAdisambhItamavahitthaM bhayatmakam.h .
tachchAgaNanayA kArya.n nAtIvottarabhAShaNAt.h .. 80..

ugratA Ama chauryAbhigrahANanR^ipAparAdhAsatpralApAdibhirvibhAvaiH 
samutpadyate .
tA.n cha vadhabandhanatADananirbhatsanAdibhiranubhAvairabhinayet.h .
atrAryA bhavati \-
chauryAbhigrahanavashAnnR^ipAparAdhAdathogratA bhavti .
vadhabandhatADanAdibhiranubhAvairabhinayastasyAH .. 81..
bhavati chAtra shlokaH \-
nAnAshAtrArthabodhena matiH sa.njAyate nR^iNAm.h .
shiShyopadeshArthakR^itastasyAstvabhinayo bhavet.h ..82..

vyAdhirnAma vAtapittakaphasannipAtaprabhavaH . tasya jvarAdayo
visheShAH . jvarastu dvividhaH sashItaH sadAhashcha .
tatra sashIto nAma pravepitasarvA~Ngopkampananiku~nchanA\-
gnyabhilASharomA~nchahanuvalananAsAvikUnanamukha\-
shoShaNaparidevitAdibhiranubhAvairabhineyaH . sadAho nAma
vixiptA~NgakaracharaNabhUmyabhilAShAnulepanashItAbhi\-
lAShaparidevanamukhashoShotkruShTAdibhiranubhAvaiH .
ye chAnye vyAdhayaste.api khalu mukhavikUNanagAtra\-
stambhasrastAxiniHshvasanastanitotkruShTavepanA\-
dibhiranubhAvairabhineyAH .
atra shloko bhavati \-
samAsatastu vyAdhInA.n kartavyo.abhinayo budhaiH .
srastA~NgagAtravixepaistathA mukhavikUNanaiH .. 83..

unmAdo nAma iShTajanaviyogavibhavanAshAbhighAta\-
vAtapittashleShmaprakopAdibhirvibhAvairutpadyate .
tamanimittahasitaruditotkruShTAsambaddhapralApashayitopaviShTotthita\-
pradhAvitanR^ittagItapaThitabhasmapA.nsvavadhUlanatR^iNanirmAlyakuchela\-
chIraghaTakakapAlasharAvAbharaNadhAraNopabhogairanekaishchAnavasthitaishcheShTA\-
nukaraNAdibhiranubhAvairabhinayet.h .
atrArye bhavataH \-
iShTajanavibhavanAshAdabhighAtAdvAtapittakaphakopAt.h .
vividhAchchittavikArAdunmAdo nAma sambhavati .. 84..
animittaruditahasitopaviShTagItapradhAvitotkruShTaiH .
anyaishcha vikArairakR^itairunmAda.n samprayu~njIta .. 85..

maraNa.n nAma vyAdhijamabhighAtaja~ncha . tatra 
yadAntrayakR^ichchhUladoShavaiShamya\-
gaNDapiTakajvaraviShUchikAdibhirutpadyate tad{}vyAdhiprabhavam.h .
abhighAtaja.n tu 
shastrAhida.nshaviShapAnashvApadagajaturagarathapashuyAnapAta\-
vinAshaprabhavam.h . etayorabhinayavisheShAnvaxyAmaH \-
tatra vyAdhija.n viShaNNagAatrAvyAyatA~NgavicheShTitanimIlitanayana\-
hikkAshvAsopetAnavexitaparijanAvyaktAxarakathanAdibhiranubhAvairabhinayet.h 
.
atra shloko bhavati \-
vyAdhInAmekabhAvo hi maraNAbhinayaH smR^itaH .
viShaNNagAtrairnishcheShTairindriayaishcha vivarjitaH .. 86..
abhighAtaje tu nAnAprakArAabhinayavisheShAH. 
shastraxatAhidaShTaviShapIta\-
gajAdipatitashvApadahatAH . yathA tatra shastraxate tAvatsahasA 
bhUmipatanavepana\-
sphuraNAdibhirabhinayaH prayoktavyaH . ahidaShTaviShapItayorviShayogo 
yathA
kArshyavepathuvidAhahikkAphenaskandhabha~NgajaDatAmaraNAnItyaShTau 
viShavegAH .
atra shlokau bhavataH \-
kArshya.n tu prathame vege dvitIye vepathurbhavet.h .
dAha.n tR^itIye hikkA.n cha chaturthe samprayojayet.h .. 87..
phena~ncha pa~nchame kuryAtShaShThe skandhasya bha~njanam.h .
jaDatA.n saptame kuryAdaShTame maraNaM bhavet.h .. 88..
atrAryA bhavati \-
shvApadagajaturagarathodbhava.n tu pashuyAnapatanaja.n vA.api .
shAstraxatavatkuryAdanavexitagAtrasa~nchAram.h .. 89..
ityeva maraNa.n dnyeya.n nAnAvasthAntarAtmakam.h .
prayoktavyaM budhaiH samyagyathA bhavA~NgacheShTitaiH .. 90..

trAso nAma vidyudulkAshanipAtanirghAtAmbudharamahAsattvapashu\-
ravAdibhirvibhAvairutpadyate . tamabhinayetsa.nxiptA~Ngotkampanavepathu\-
stambharomA~nchagadgadapralApAdibhiranubhAvaiH .
atra shloko bhavati \-
mahAbhairavanAdadyaistrAsaH samupajAyate .
srastA~NgAxinimeShaishcha tasya tvabhinayo bhavet.h .. 91..

vitarko nAma sandehavimarshavipratipattyAdibhirvibhAvairutpadyate . 
tamabhina\-
yedvividhavichAritaprashnasampradhAraNamantrasa~NgUhanAdibhiranubhAvaiH 
.
atra shloko bhavati \-
vichAraNAdisambhUtaH sandehAtishayAtmakaH .
vitarkaH so.abhineyastu shirobhrUxepakampanaiH .. 92..

evamete trayastri.nshad{}vyabhichAriNo bhAvA deshakAlAvasthA\-
nurUpyeNAmagataparagatamadhyasthA uttamamadhyamAdhamaiH
strIpu.nsaiH svaprayogavashAdupapAdyA iti .
trayastri.nshadime bhAvA vidnyeyA vyabhichAriNaH .
sAttvikA.nstu punarbhAvAnpravaxyAmyanupUrvashaH .. 93..

atrAha \- kimanye bhAvAH sattvena vinA.abhinIyante yasmAduchyate
ete sAttvikA iti . atrochyate \-
iha hi sattva.n nAma manaHprabhavam.h . tachcha samAhitamanastvAduchyate 
.
manasaH samAdhau sattvaniShpattirbhavati . tasya cha yo.asau svabhAvo
romA~nchAshruvaivarNyAdilaxaNo yathAbhAvopagataH sa na 
shakyo.anyamanasA
kartumiti . lokasvabhAvAnukaraNatvAchcha nATyasya sattvamIpsitam.h .
ko dR^iShTAntaH \- iha hi nATyAdharmipravR^ittAH sukhaduHkhakR^itA 
bhAvAstathA
sattvavishuddhAH kAryA yathA sarUpA bhavanti . tatra duHkha.n nAma 
rodanAtmaka.n
tatkathamaduHkhitena sukha.n cha praharShAtmakamasukhitena vAbhineyam.h .
etadevAsya sattva.n yat.h duHkhitena sukhitena vA.ashruromA~nchau 
darshiyitavyau
iti kR^itvA sAttvikA bhAvA ityabhivyAkhyAtAH . ta ime \-
stambhaH svedo.atha romAa~nchaH svarabhedo.atha vepathuH .
vaivarNyamashrupralaya ityaShTau sAttvikA matAH .. 94..
atrAryAH . tatra \-
krodhabhayaharShalajAduHkhashramarogatApaghAtebhyaH .
vyAyAmaklamadharmaiH svedaH sampIDanAchchaiva .. 95..
harShabhayashokavismayaviShAdaroShAdisambhavaH stambhaH .
shItabhayaharSharoShasparshajarArogajaH kampaH .. 96..
AnandAmarShAbhyA.n dhUmA~njanajR^imbhaNAdbhayAchchhokAt.h .
animeShaprexaNataH shItAdrogAdbhavedashru .. 97..
shItakrodhabhayashramarogaklamatApaja.n cha vaivarNyam.h .
sparshabhayashItaharShAt.h krodhAdrogAchcha romA~nchaH .. 98..
svarabhedo bhayaharShakrodhajarArauxyarogamadajanitaH .
shramamUrchhamadanidrAbhighAtamohAdibhiH pralayaH .. 99..
evamete budhairdnyeyA  bhAvA hyaShTau tu sAttvikAH .
karma chaiShAM pravaxyAmi rasabhAvAnubhAvakam.h .. 100..
niHsa.ndnyo niShprakampashcha sthitaH shUnyajaDAkR^itiH .
skannagAtratayA chaiva stambha.n tvabhinayed{}budhaH .. 101..
vyajanagrahaNAchchApi svedApanayanena cha .
svedasyAbhinayo yojyastathA vAtAbhilAShataH .. 102..
muhuH kaNTikitatvena tathollukasanena cha .
pulakena cha romA~ncha.n gAtrasparshena darshayet.h .. 103..
svarabhedo.abhinetavyo bhinnagadgadanisvanaiH .
vepanAtsphuraNAtkampAdvepathu.n sampradarshayet.h .. 104..
mukhavarNaparAvR^ittyA nADIpIDanayogataH .
vaivarNyamabhinetavyaM prayatnAttaddhi duShkaram.h .. 105..
bAShpAmbuplutanetratvAnnetrasaMmArjanena cha .
muhurashrukaNApAtairasra.n tvabhinayed{}budhaH ..106..
nishcheShTo niShprakampatvAdavyaktashvasitAdapi .
mahInipatanAchchApi pralayAbhinayo bhavet.h .. 107..

ekonapa~nchAshadime yathAvadbhAvAs{}tryavasthA gaditA mayeha .
bhUyashcha ye yatra rase niyojyAstAn.h shrotumarhanti cha vipramukhyAH 
.. 108..

##[## atra shlokAH \-
sha~NkAvyAdhistathAglAnishchintAsUyA bhaya.n tathA .
vismayashcha vitarkashcha stambhashchapalatA tathA ..
romA~nchaharShau nidrA cha tathonmAdamadAvapi .
svedashchaivAvahittha.n cha pralayo vepathustathA ..
viShAdashramanirvedA garvAvegau dhR^itiH smR^itiH .
matirmoho vibodhashcha suptamautsukyavarjite ..
krodhAmarShau cha hAsashcha shoko.apasmAra eva cha .
dainya.n cha maraNa.n chaiva ratirutsAhasa.nyutA ..
trAsavaivarNyaruditaiH svarabhedaH shamo.api cha .
jaDatA cha tathA ShaT.h cha chatvAri.nshatprakIrtitAH ..##]##
AlasyaugryajugupsAkhyairevaM bhAvaistu varjitAH .
udbhAvayanti shR^i~NgAra.n sarve bhAvAH svasa.ndnyayA .. 109..
##[## yathA.avasaramete hi sthAyisa~nchArisattvajAH .
uddIpayanti shR^i~NgAra.n rasamAsAdya sa.ndnyitam.h ..##]##
glAniH sha~NkA hyasUyA cha shramashchapalatA tathA .
supta.n nidrAvahittha.n cha hAsye bhAvAH prakIrtitAH .. 110..
nirvedashchaiva chintA cha dainya.n glAnyAsrameva cha
jaDatA maraNa.n chaiva vyAdhishcha karuNe smR^itAH .. 111..
garvo.asUyA madotsAhAvAvego.amarSha eva cha .
krodhashchapalataugrya.n cha vidnyeyA raudrasambhavAH .. 112..
asammohastathotsAha Avego harSha eva cha .
matishchaiva tathogratvamamarSho mada eva cha .. 113..
romA~nchaH svarabhedashcha krodho.asUyA dhR^itistathA .
garvashchaiva vitarkashcha vIre bhAvA bhavanti hi .. 114..
svedashcha vepathushchaiva romA~ncho gadgadastathA .
trAsashcha maraNashchaiava vaivarNya.n cha bhayAnake .. 115..
apasmArastathonmAdo viShAdo mada eva cha .
mR^ityurvyAdhirbhaya.n chaiva bhAvA bIbhatsasa.nshrayAH .. 116..
stambhaH svedashcha mohashcha romA~ncho vismayastathA .
Avego jaDatA harSho mUrchhA chaivAdbhutAshrayAH .. 117..
ye tvete sAttvikA bhAvA nAnAbhinayasa.nshritAH .
raseShveteShu sarve te dnyeyA nATyaprayoktR^ibhiH .. 118..
na hyekarasaja.n kAvya.n ki~nchidasti prayogataH .
bhAvo vApi raso vApi pravR^ittirvR^ittireva cha .. 119..
##[## bahUnA.n samavetAnA.n rUpa.n yasya bhavedbahu .
sa mantavyo rasaH sthAyI sheShAH sa~nchAriNo matAH ..
dIpayantaH pravartante ye punaH sthAyina.n rasam.h .
te tu sa~nchAriNo dnyeyAste hi sthAyitvamAgatAH ..
vibhAvAnubhAvayuto hya~NgavastusamAshrayaH .
sa.nchAribhistu sa.nyuktaH sthAyyeva tu raso bhavet.h ..
sthAyI sattvAtirekeNa prayoktavyaH prayoktR^ibhiH .
sa~nchAryAkAramAtreNa sthAyI yasmAdavasthitaH ..
ye tvete sAttvikA bhAvA nAnAbhinayayojitAH .
raseShveteShu sarveShu te dnyeyA nATyakovidaiH ..
na hyekarasaja.n kAvya.n naikabhAvaikavR^ittikam.h .
vimarde rAgamAyAti prayukta.n hi prayatnataH ..
bhAvA vA.api rasA vA.api pravR^ittirvR^ittireva vA .
bIbhatsAdbhutashAntAnA.n traividhya.n nAtra kathyate ..
ShaNNA.n rasAnA.n traividhya.n nAnAbhAvArasAnvitam.h .
sattvaprayojito hyarthaH prayogo.atra virAjate ..
viditvA hi virAjante loke chitra.n hi durlabham.h ..##]##
nAnAbhAvArthasaMpannAH sthAyisattvAbhichAriNaH .
puShpAvakIrNAH kartavyAH kAvyeShu hi rasA budhaiH .. 120..
eva.n rasAshcha bhAvAshcha vyavasthA nATake smR^itAH .
ya evametA~njAnAti sa gachchhetsiddhimuttamAm.h .. 121..

iti shrIbhAratIye nATyashAstre bhAvavya~njako nAma saptamo.adhyAyaH ..
##
Encoded by Padmakar Dadegaonkar dpadmakar@hotmail.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}